Т/р	Тариф режаларининг номланиши	Тариф режаларининг нархини ҳисоблаш учун транспортда қатновлар сони					Тўлиқ қийматдан чегириш миқдори (%)	Чегиришни ҳисобга олган ҳолда, тариф режаси қийматидан имтиёзлар (%)
Т/р	Тариф режаларининг номланиши	5 кунга	10 кунга	15 кунга	20 кунга	30 кунга	Тўлиқ қийматдан чегириш миқдори (%)
1.	«AV» автобус, трамвай, троллейбус, электробус — аҳоли учун	22	44	66	88	130	23	—
2.	«N» автобус, трамвай, троллейбус, электробус — пенсионерлар ва ногиронлиги бўлган шахслар учун	22	44	66	88	130		50
3.	«T» автобус, трамвай, троллейбус, электробус — талабалар учун	22	44	66	88	130		50
4.	«Oʼ» автобус, трамвай, троллейбус, электробус — ўқувчилар учун	22	44	66	88	130		50
5.	«AVМ» автобус, трамвай, троллейбус, электробус, метро — аҳоли учун	30	60	90	120	180	23	—
6.	«NМ» автобус, трамвай, троллейбус, электробус, метро — пенсионерлар ва ногиронлиги бўлган шахслар учун	30	60	90	120	180		50
7.	«TМ» автобус, трамвай, троллейбус, электробус, метро — талабалар учун	30	60	90	120	180		50
8.	«OʼМ» автобус, трамвай, троллейбус, электробус, метро — ўқувчилар учун	30	60	90	120	180		50
9.	«Б» бепул — Ўзбекистон Республикасининг «Шаҳар йўловчилар транспортидан бепул фойдаланишни тартибга солиш тўғрисида»ги Қонунига мувофиқ транспортдан бепул фойдаланиш ҳуқуқига эга бўлган шахслар учун	—	—	—	—	60	—	100

Изоҳ. Тариф режаларидан фойдаланганда, транспортдан фойдаланиш сони ва бир транспортдан бошқасига чиқиш сони чекланмайди, бунда тегишли тариф режаси биринчи валидация санасидан бошлаб кўрсатилган муддат даврида амалда бўлади.

(илова матни Ўзбекистон Республикаси Вазирлар Маҳкамасининг 2020 йил 9 октябрдаги 643-сонли қарори таҳририда — Қонун ҳужжатлари маълумотлари миллий базаси, 10.10.2020 й., 09/20/643/1378-сон)

Вазирлар Маҳкамасининг 2012 йил 17 сентябрдаги 273-сон қарорига
2-ИЛОВА

Н И З О М

I. Умумий қоидалар

1. Ушбу Низом «Шаҳар йўловчилар транспорти тўғрисида», «Автомобиль транспорти тўғрисида», «Шаҳар йўловчилар транспортидан бепул фойдаланишни тартибга солиш тўғрисида»ги Ўзбекистон Республикаси қонунларига мувофиқ ишлаб чиқилган.

2. Ушбу Низомнинг амал қилиши шаҳарда аҳолини ҳаракатланишнинг мунтазам йўналишлари ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан тасдиқланган чекланган тарифлар бўйича аҳолини умумий фойдаланиладиган транспортда ташишларга татбиқ этилади.

II. Шаҳар йўловчилар ташувчиларининг фаолиятини молиялаштириш манбалари

Олдинги таҳрирга қаранг.

3. Хўжалик фаолиятидан олинган даромадлар, ўзининг инвестициялари ва хорижий инвестициялар, бюджетдан ажратиладиган маблағлар, шунингдек қонунчиликда тақиқланмаган бошқа манбалар шаҳар йўловчилар ташувчилари фаолиятини молиялаштиришнинг манбалари ҳисобланади.

(3-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

4. Қуйидагилар Ўзбекистон Республикаси Давлат бюджети маблағлари ҳисобига молиялаштирилади:

шаҳар йўловчилар ташувлари соҳасидаги илмий-тадқиқот ишлари;

метрополитен қуриш;

Олдинги таҳрирга қаранг.

фуқароларнинг айрим тоифаларининг транспортда бепул ва имтиёзли юриши билан боғлиқ ҳолда ташувчиларнинг олинмай қоладиган даромадларини субсидиялар бериш орқали қоплаш;

(4-банднинг тўртинчи хатбошиси Ўзбекистон Республикаси Вазирлар Маҳкамасининг 9 октябрдаги 643-сонли қарори таҳририда — Қонун ҳужжатлари маълумотлари миллий базаси, 10.10.2020 й., 09/20/643/1378-сон)

йўловчилар станцияларини, бекат ва диспетчерлик пунктларини лойиҳалаш, қуриш, обод қилиш ва сақлаш;

Олдинги таҳрирга қаранг.

янги трамвай ва троллейбус линиялари, электробусни қувватлаш станциялари қуриш;

(4-банднинг олтинчи хатбошиси Ўзбекистон Республикаси Вазирлар Маҳкамасининг 9 октябрдаги 643-сонли қарори таҳририда — Қонун ҳужжатлари маълумотлари миллий базаси, 10.10.2020 й., 09/20/643/1378-сон)

Олдинги таҳрирга қаранг.

тушумларнинг тўлиқ йиғилишини таъминлаш, шунингдек кўрсатиладиган хизматлар таннархини пасайтириш тадбирларини ҳисобга олган ҳолда, чекланган тарифлар бўйича йўловчилар ва багажни ташиш бўйича хизматлар кўрсатилиши муносабати билан шаҳар йўловчи ташиш транспорти ташувчилари кўрадиган зарарларни қоплаш.

(4-банднинг еттинчи хатбошиси Ўзбекистон Республикаси Президентининг 2013 йил 9 октябрдаги ПҚ-2048-сонли қарори таҳририда — ЎР ҚҲТ, 2013 й., 41-сон, 545-модда)

Олдинги таҳрирга қаранг.

Тошкент метрополитенида кундузи соат 10:00 дан 16:00 гача бўлган кундузги даврда пенсионерларни бепул ташишда олинмай қоладиган даромадларни қоплаш;

(4-банд Ўзбекистон Республикаси Вазирлар Маҳкамасининг 2017 йил 9 мартдаги 128-сонли қарорига асосан саккизинчи хатбоши билан тўлдирилган — ЎР ҚҲТ, 2017 й., 10-сон, 149-модда)

Олдинги таҳрирга қаранг.

Ушбу банднинг бешинчи—еттинчи хатбошиларда кўрсатилган харажатлар Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари маблағлари ҳисобига молиялаштирилади.

(4-банднинг саккизинчи хатбошиси Ўзбекистон Республикаси Вазирлар Маҳкамасининг 2016 йил 26 апрелдаги 122-сонли қарори таҳририда — ЎР ҚҲТ, 2016 й., 17-сон, 176-модда)

Олдинги таҳрирга қаранг.

Ушбу банднинг еттинчи хатбошида назарда тутилган харажатларни молиялаштириш, жорий ойнинг 5-санасигача, аванс тўловларини тенг ҳолда тасдиқланган бюджет параметрлари бўйича амалга оширилади. Чорак якунларига кўра, олдиндан қилинган тўловлар ва кўрилган зарар ҳажмлари кейинги давр тўловларига тегишли ўзгартиришлар киритилишини инобатга олган ҳолда солиштирилади.

(4-банд Ўзбекистон Республикаси Вазирлар Маҳкамасининг 2020 йил 9 октябрдаги 643-сонли қарорига асосан хатбоши билан тўлдирилган — Қонун ҳужжатлари маълумотлари миллий базаси, 10.10.2020 й., 09/20/643/1378-сон)

Олдинги таҳрирга қаранг.

5. Навбатдаги молия йили учун ушбу Низомнинг 4-бандида назарда тутилган мақсадларга маблағларнинг аниқ суммаси асосланган ҳисоб-китобларга мувофиқ аниқланади ҳамда Ўзбекистон Республикаси Давлат бюджетининг тасдиқланган параметрлари доирасида ёки Ўзбекистон Республикаси Вазирлар Маҳкамасининг алоҳида қарорлари асосида ажратилади.

(5-банд Ўзбекистон Республикаси Вазирлар Маҳкамасининг 9 октябрдаги 643-сонли қарори таҳририда — Қонун ҳужжатлари маълумотлари миллий базаси, 10.10.2020 й., 09/20/643/1378-сон)

6. Транспортда ташувчилар томонидан ҳар йили маҳаллий давлат органларига тасдиқлаш учун қуйидагилар тақдим этилади:

йўловчилар айланмасининг, шу жумладан ойлик транспортда юриш карточкаларидан фойдаланувчи йўловчиларнинг Ўзбекистон Республикасида йўловчилар айланмасини ва умумий фойдаланиладиган автомобиль ва электр транспортида шаҳарда, шаҳарлар атрофида, шаҳарлараро, халқаро йўналишларда ҳамда соатлар бўйича ташилган йўловчилар сонини аниқлаш тартиби тўғрисидаги Низомга мувофиқ аниқланадиган прогноз кўрсаткичлари;

даромадлар ва харажатлар ҳажмларининг прогноз кўрсаткичлари;

уларнинг амалда бажарилиши бўйича ҳисоботни ҳар чоракда тақдим этган ҳолда тушумларнинг тўлиқ йиғилишини, шунингдек кўрсатиладиган хизматлар таннархини пасайтиришни таъминлаш тадбирлари.

III. Ташувчиларнинг транспортда бепул юрувчи ва имтиёзли йўловчиларни ташиши муносабати билан олинмай қоладиган даромадларини, шунингдек чекланган тарифлар бўйича хизматлар кўрсатишдан кўриладиган зарарларини қоплаш

Олдинги таҳрирга қаранг.

7. Фуқароларнинг айрим тоифаларининг транспортда бепул ва имтиёзли юриши билан боғлиқ ҳолда ташувчиларнинг олинмай қоладиган даромадларини субсидиялар бериш орқали қоплаш ҳар ойда, Ўзбекистон Республикаси Давлат бюджетининг тасдиқланган параметрлари доирасида амалга оширилади.

(7-банднинг биринчи хатбошиси Ўзбекистон Республикаси Вазирлар Маҳкамасининг 9 октябрдаги 643-сонли қарори таҳририда — Қонун ҳужжатлари маълумотлари миллий базаси, 10.10.2020 й., 09/20/643/1378-сон)

Ташувчиларнинг олинмай қоладиган даромадларини қоплашга маблағлар ажратиш учун қуйидагилар асос ҳисобланади:

шаҳар йўловчилар транспортидан бепул фойдаланиш ҳуқуқига эга бўлган шахсларни ҳар йили хатловдан ўтказиш натижалари — шаҳар йўловчилар транспортидан бепул фойдаланиш ҳуқуқига эга бўлган йўловчиларни ташишда, ҳар ойда тенг улушлар билан молиялаштирган ҳолда;

шаҳар йўловчи транспортини бошқариш органининг ойлик транспортда юриш имтиёзли карточкаларининг амалда сотилиши тўғрисидаги ахбороти — транспортда имтиёзли юриш ҳуқуқига эга бўлган йўловчиларни ташишда;

Олдинги таҳрирга қаранг.

автоматлаштирилган тўлов тизими операторининг, транспортдан имтиёзли фойдаланиш ҳуқуқига эга бўлган йўловчиларнинг аниқ сони тўғрисидаги ахбороти.

(7-банд Ўзбекистон Республикаси Вазирлар Маҳкамасининг 2020 йил 9 октябрдаги 643-сонли қарорига асосан бешинчи хатбоши билан тўлдирилган — Қонун ҳужжатлари маълумотлари миллий базаси, 10.10.2020 й., 09/20/643/1378-сон)

Олдинги таҳрирга қаранг.

8. Жорий ойнинг 5-санасига қадар тегишли маҳаллий ижро этувчи ҳокимият органи томонидан маҳаллий бюджет параметрларига киритилган ташувчиларнинг прогнозлаштирилган зарар кўрсаткичларига мувофиқ аванс тўловлари амалга оширилади. Чорак якунларига кўра ҳисобот даври учун юзага келган аванс тўловлари билан ташувчиларнинг амалдаги кўрган зарарлари миқдоридаги фарқига, навбатдаги аванс тўловларини амалга оширишда тузатишлар киритилади (қопланади ёки ушлаб қолинади).

(8-банд Ўзбекистон Республикаси Вазирлар Маҳкамасининг 2025 йил 15 декабрдаги 791-сонли қарори таҳририда — Қонунчилик маълумотлари миллий базаси, 16.12.2025 й., 09/25/791/1167-сон)

9. Ташувчилар кўрган зарарларни қоплаш учун зарур бўлган маблағлар суммаси тушумнинг тўлиқ йиғилиши бўйича чора-тадбирларни ҳисобга олган ҳолда, амалдаги даромадлар, шунингдек фуқаролар айрим тоифаларининг транспортда бепул ва имтиёзли юриши билан боғлиқ ҳолда олинмай қоладиган даромадларни қоплаш суммаси билан амалдаги харажатлар ўртасидаги тафовут тарзида аниқланади, бунда кўрсатиладиган хизматлар таннархини пасайтириш тадбирлари ҳисобга олинади.

Олдинги таҳрирга қаранг.

Бунда кўрилган зарарларни қоплаш суммаси қонунчиликка мувофиқ шаҳар йўловчи ташиш транспортида бепул ва имтиёзли юриш ҳуқуқига эга бўлган фуқароларнинг айрим тоифалари учун чегиришлар ва имтиёзларни ҳисобга олган ҳолда аниқланади.

(9-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

LexUZ шарҳи

Қаранг: Вазирлар Маҳкамасининг 2022 йил 16 сентябрдаги 507-сонли «Шаҳар йўловчилар транспортида айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш юзасидан давлат хизматлари кўрсатишнинг маъмурий регламентини тасдиқлаш тўғрисида»ги қарори.

Ушбу миқдорлар ўртасидаги тафовут ноль ёки ижобий (ташкилотларнинг фойдаси) бўлган тақдирда кўрилган зарарлар қопланмайди.

Олдинги таҳрирга қаранг.

10. Ташувчилар кўрган зарарларни қоплаш миқдорига ёқилғи-мойлаш материаллари, электр энергияси, асосий эҳтиёт қисмлар ва материаллар нархлари ўзгарганда ҳамда чекланган тарифларни шакллантиришда назарда тутилмаган базавий ҳисоблаш миқдорида миқдори ўзгарганда, шунингдек линиядаги тушумнинг тўлиқ йиғилишини таъминлаш, шунингдек кўрсатиладиган хизматлар таннархини пасайтириш тадбирлари ҳисобга олинган ҳолда тузатишлар киритилади.

(10-банд Ўзбекистон Республикаси Вазирлар Маҳкамасининг 2019 йил 28 декабрдаги 1046-сонли қарори таҳририда — Қонун ҳужжатлари маълумотлари миллий базаси, 29.12.2019 й., 09/19/1046/4242-сон)

(Ўзбекистон Республикаси қонун ҳужжатлари тўплами, 2012 й., 38-сон, 437-модда; 2013 й., 41-сон, 545-модда; 2016 й., 17-сон, 176-модда; 2017 й., 10-сон, 149-модда; Қонун ҳужжатлари маълумотлари миллий базаси, 11.06.2018 й., 09/18/434/1339-сон; 29.12.2019 й., 09/19/1046/4242-сон; 10.10.2020 й., 09/20/643/1378-сон, 31.12.2020 й., 07/20/4938/1680-сон; Қонунчилик маълумотлари миллий базаси, 08.02.2022 й., 09/22/62/0111-сон, 05.04.2022 й., 09/22/153/0266-сон; 16.12.2025 й., 09/25/791/1167-сон)