Ўзбекистон Республикаси Олий Мажлиси Қонунчилик палатасининг «Ўзбекистон Республикасининг 2012 йилги Давлат бюджети тўғрисида» 2011 йил 18 ноябрдаги 407-II-сон қарори ва Ўзбекистон Республикаси Олий Мажлиси Сенатининг «Ўзбекистон Республикасининг 2012 йилги Давлат бюджети тўғрисида» 2011 йил 5 декабрдаги 255-II-сон қарорига мувофиқ:

1. Қуйидагилар:

2012 йилда Ўзбекистон Республикасини ривожлантиришнинг асосий макроиқтисодий кўрсаткичлари прогнози 1-иловага* мувофиқ;

Ўзбекистон Республикасининг 2012 йилги Давлат бюджети асосий параметрлари 2-иловага* мувофиқ;

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг, Республика йўл жамғармасининг, бюджетдан ташқари Таълим ва соғлиқни сақлаш муассасаларини реконструкция қилиш, мукаммал таъмирлаш ва жиҳозлаш жамғармасининг, Суғориладиган ерларнинг мелиоратив ҳолатини яхшилаш жамғармасининг 2012 йилги асосий параметрлари 3 — 6-иловаларга* мувофиқ тасдиқлансин.

2. 2012 йилги Давлат бюджети тақчиллигининг чекланган миқдори ялпи ички маҳсулот ҳажмига нисбатан 1,0 фоиз миқдорида белгилансин.

Белгилаб қўйилсинки, Давлат бюджети тақчиллигини молиялаштириш, қонун ҳужжатларига мувофиқ республика бюджети маблағларининг 2012 йил бошидаги бўш қолдиқлари ва бошқа қадрсизланмайдиган манбалар ҳисобидан амалга оширилади.

3. 2012 йил учун:

қўшилган қиймат солиғи ставкалари 20 фоиз миқдорида;

юридик шахслардан олинадиган фойда солиғи ставкалари 7-иловага* мувофиқ;

жисмоний шахслардан олинадиган даромад солиғи ставкалари 8-иловага* мувофиқ;

ягона солиқ тўлови ставкалари 9-1,9-2 ва 9-3-иловаларга* мувофиқ;

тадбиркорлик фаолияти айрим турлари бўйича юридик ва жисмоний шахсларга белгилаб қўйилган солиқ ставкалари 10-иловага* мувофиқ;

юридик шахс бўлмасдан тадбиркорлик фаолияти билан шуғулланувчи жисмоний шахслар (якка тартибдаги тадбиркорлар)га белгилаб қўйилган солиқ ставкалари 11-иловага* мувофиқ;

Ўзбекистон Республикаси резидентларига дивидендлар ва фоизлар тарзида тўланадиган даромад солиғи ставкалари 10 фоиз миқдорида;

Ўзбекистон Республикасида ишлаб чиқариладиган ва рўйхат бўйича четдан келтириладиган акциз солиғига тортиладиган товарларга акциз солиғи ставкалари 12-1 ва 12-2-иловаларга* мувофиқ;

сув ресурсларидан фойдаланганлик учун солиқ ставкалари 13-иловага* мувофиқ;

ер ости бойликларидан фойдаланганлик учун солиқ ставкалари 14-иловага* мувофиқ;

имзоланадиган бонус ва тижорат топилмаси бонуси 15-1 ва 15-2-иловаларга* мувофиқ;

айрим турдаги маҳсулотлар бўйича ортиқча фойдадан солиқ ставкалари 16-иловага* мувофиқ;

юридик ва жисмоний шахслардан олинадиган мулк солиғи ставкалари 17 ва 18-иловаларга* мувофиқ;

юридик ва жисмоний шахслардан олинадиган ер солиғи ставкалари 19-иловага* мувофиқ;

ягона ер солиғи ставкалари 20-иловага* мувофиқ;

маҳаллий солиқлар ва йиғимлар ставкалари 21-иловага* мувофиқ;

22-иловага* мувофиқ белгиланган солиққа тортиш объектларининг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига мажбурий ажратмалар ставкалари 1,6 фоиз, Ўзбекистон Республикаси Молия вазирлиги ҳузуридаги Республика йўл жамғармасига мажбурий ажратмалар ставкалари 1,4 фоиз миқдорда ва Ўзбекистон Республикаси Молия вазирлиги ҳузуридаги бюджетдан ташқари Таълим ва соғлиқни сақлаш муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмалар ставкалари 0,5 фоиз миқдорида;

Ўзбекистон Республикаси Молия вазирлиги ҳузуридаги Республика йўл жамғармасига йиғимлар ва ажратмалар ставкалари 23-иловага* мувофиқ;

маблағларни бюджетдан ташқари Пенсия жамғармаси, Бандликка кўмаклашиш давлат жамғармаси ва Ўзбекистон Касаба уюшмалари Федерацияси Кенгаши ўртасида 24-иловада* келтирилган нормативларга мувофиқ тақсимлаган ҳолда ягона ижтимоий тўлов ставкаси 25 фоиз миқдорида;

фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига уларнинг меҳнат ҳақи даромадларидан мажбурий суғурта бадаллари ставкаси 5,5 фоиз миқдорида тасдиқлансин.

4. 2012 йилнинг 1 январидан бошлаб:

меҳнатга ҳақ тўлаш Ягона тариф сеткасининг бошланғич разряди этиб биринчи разряд белгилансин, нулинчи разряд бекор қилинсин;

республиканинг барча ташкилотларида меҳнат ҳақи миқдори меҳнатга ҳақ тўлашнинг Ягона тариф сеткаси бўйича биринчи разряддан кам бўлмаган ҳолда белгилансин.

Ўзбекистон Республикаси Вазирлар Маҳкамаси бир ҳафта муддатда мазкур бандни амалга ошириш бўйича қарор қабул қилсин.

5. 2012 йилнинг 1 январидан бошлаб:

ихтисослашган савдо тармоғидан Россия Федерацияси ва Украинада ишлаб чиқарилган янги автомобиль харид қилувчи фуқаролар автотранспорт воситаларини сотиб олганлиги ва (ёки) вақтинчалик Ўзбекистон Республикаси ҳудудига олиб кирганлиги учун Республика йўл жамғармасига тўланадиган йиғимлардан озод этилади;

республиканинг ички истеъмолчилари учун пахта толасини сотиш 20 фоизлик ставка бўйича қўшилган қиймат солиғига тортилади.

Ўзбекистон Республикаси Молия вазирлиги Давлат солиқ қўмитаси билан ҳамкорликда бир ҳафта муддатда республиканинг ички истеъмолчилари учун пахта толасини сотишга қўшилган қиймат солиғини ҳисоблаш ва тўлаш тартибини ишлаб чиқсин ва тасдиқласин.

6. 2012 йилнинг 1 январидан бошлаб:

чакана савдо тармоғида сотиладиган олтиндан ишланган заргарлик маҳсулотларига 1 грамм заргарлик буюми учун 10 АҚШ доллари эквивалентида акциз солиғи жорий этилсин, бунда чакана савдо тармоғи корхоналарига, тасдиқлайдиган ҳужжатлар мавжуд бўлганида, сотиб олинган заргарлик буюмларига тўланган акциз солиғини ҳисобдан чиқариш ҳуқуқи берилсин;

мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун ойига 400 сўм миқдорида тўлов жорий этилсин, маблағлар 25-иловага* мувофиқ тақсимлансин.

Ўзбекистон алоқа ва ахборотлаштириш агентлиги Ўзбекистон Республикаси Молия вазирлиги билан ҳамкорликда бир ой муддатда мобиль алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўловларни ҳисоблаш ва тўлаш тартиби тўғрисидаги низомни тасдиқласин.

7. 2012 йилнинг 1 январидан бошлаб кўчмас мулкни, шу жумладан уй-жойларни ижарага топширишдан олинадиган даромадларни солиққа тортиш шартномада белгиланган ижара ҳақи миқдоридан келиб чиққан ҳолда, бироқ қуйидагилардан:

юридик шахсларга — давлатнинг кўчмас мулкидан фойдаланганлик учун ижара ҳақининг энг кам ставкаларидан;

уй-жойларини ижарага топширувчи жисмоний шахслар учун — 26-иловага* мувофиқ белгиланган ижара ҳақи ставкаларидан келиб чиқиб ҳисобланган миқдорлардан кам бўлмаган ҳолда белгилансин.

8. Товарларнинг айрим турларини ишлаб чиқаришни кенгайтиришни янада рағбатлантириш ва хизмат кўрсатиш соҳасини ривожлантириш мақсадида, Ўзбекистон Республикаси Президентининг ва Ўзбекистон Республикаси Вазирлар Маҳкамасининг айрим қарорлари билан 27-иловага мувофиқ аввал берилган имтиёзларнинг амал қилиш муддати 2014 йилнинг 1 январигача узайтирилсин.

9. Белгилаб қўйилсинки ягона солиқ тўлови тушумлари Ўзбекистон Республикаси Давлат бюджети, бюджетдан ташқари Пенсия жамғармаси, Республика йўл жамғармаси ҳамда бюджетдан ташқари Таълим ва соғлиқни сақлаш муассасаларини реконструкция қилиш, мукаммал таъмирлаш ва жиҳозлаш жамғармаси ўртасида Ўзбекистон Республикаси Молия вазирлиги томонидан белгиланадиган миқдорларда тақсимланади.

13. Давлат ҳокимияти ва маҳаллий давлат бошқаруви органларининг барча даражалардаги маҳаллий бюджетлар даромадлари ва харажатларини шакллантиришдаги роли, мустақиллиги ва масъулиятини ошириш, маҳаллий бюджетларнинг Ўзбекистон Республикаси Давлат бюджетидаги улушини кўпайтириш мақсадида қуйидаги умумдавлат солиқлари:

сув ресурсларидан фойдаланганлик учун солиқ;

юридик ва жисмоний шахсларнинг тадбиркорлик фаолияти айрим турлари бўйича қатъий белгиланган солиқ;

юридик шахс бўлмасдан тадбиркорлик фаолияти билан шуғулланувчи жисмоний шахслар (якка тартибдаги тадбиркорлар)дан олинадиган қатъий белгиланган солиқ;

республикада ишлаб чиқариладиган пиво ва ўсимлик ёғига акциз солиғи бўйича тушумлар тўлиқ ҳажмда маҳаллий бюджетлар даромадларига ўтказилсин.

14. 2012 йил учун:

Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг даромадлар ва харажатлар ҳажмлари, республика бюджетидан субвенцияларнинг чекланган миқдорлари 28-иловага* мувофиқ;

Қорақалпоғистон Республикаси бюджетига, вилоятлар ва Тошкент шаҳар маҳаллий бюджетларига умумдавлат солиқлари тушумларидан ажратмалар нормативлари 29-иловага* мувофиқ;

республика бюджети, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг нақд пул касса айланмасининг йўл қўйиладиган энг кам миқдорлари 30-иловага* мувофиқ тасдиқлансин.

15. Ўзбекистон Республикаси Молия вазирлигига тегишли маҳаллий бюджетларга бюджетдан субвенциялар ва ссудалар (даромадлар ва харажатлар ўртасидаги вақтинчалик касса тафовутларини қоплаш учун) ажратишда уларнинг миқдорларини ҳудудлар бўйича барча солиқлар ва бошқа мажбурий тўловларнинг тўлиқ тушишидан, шунингдек ягона ижтимоий тўлов билан бирга иш ҳақи, нафақалар ва уларга тенглаштирилган тўловлар бўйича Ўзбекистон Республикаси Давлат бюджетининг харажатларини биринчи навбатда сўзсиз молиялаштириш зарурлигидан келиб чиққан ҳолда аниқлаштириш ҳуқуқи берилсин.

16. 2012 йил учун Ўзбекистон Республикаси Вазирлар Маҳкамасининг захира жамғармаси ҳамда Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг захира жамғармалари миқдорлари 31-иловага* мувофиқ тасдиқлансин.

17. Фуқароларнинг ўзини-ўзи бошқариш органлари орқали ижтимоий нафақаларни тайинлаш ва тўлашда манзил аниқлигини ошириш учун Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Республика «Маҳалла» жамғармаси, Иқтисодиёт вазирлиги, Молия вазирлиги ва Давлат статистика қўмитаси бир ой муддатда оилаларнинг умумий даромадлари янада тўлиқ ҳисобга олинишини назарда тутган ҳолда нафақалар тайинлашнинг амалдаги тартибини янада такомиллаштириш бўйича таклифларни Ўзбекистон Республикаси Вазирлар Маҳкамасига киритсин.

20. 2012 йилнинг 1 январидан бошлаб болалар мусиқа ва санъат мактаблари ўқитувчилари, концертмейстерлари ва раҳбар ходимларининг меҳнатига ҳақ тўлаш базавий тариф ставкалари, уларнинг педагогик вазифаларини айни бир вақтда 10 фоизга кўпайтирган ҳолда ўртача 20 фоизга оширилсин.

21. Таълим жараёнига ўқитишнинг замонавий услубларини жорий этиш, ўқувчиларда мустақил билим олиш кўникмаларини ривожлантириш мақсадида, Ўзбекистон Республикаси Халқ таълими вазирлиги ҳамда Олий ва ўрта махсус таълим вазирлигининг Ўрта махсус, касб-ҳунар таълими маркази амалдаги асосий ўқув режаларини қайтадан кўриб чиқсин, бунда 2012/2013 ўқув йилидан бошлаб синф (аудитория) машғулотлари ўртача 5 фоизга камайтирилиши назарда тутилсин, бўшайдиган маблағлар ўқув жараёнига ахборот ва бошқа замонавий педагогик технологияларни татбиқ этишни кенгайтириш, компьютер синфлари, ўқув-лаборатория синфларини, ўқув устахоналарини сарфланадиган материаллар ва бутловчи буюмлар билан таъминлаш бўйича дастурларни, шунингдек умумтаълим мактаблари, академик лицейлар ва касб-ҳунар коллежларининг биноларини жорий таъмирлашни молиялаштиришга йўналтирсин.

22. Ўзбекистон Республикаси Молия вазирлиги, Олий ва ўрта махсус таълим вазирлиги ва Фанлар Академиясининг 2012 йил 1 январдан бошлаб илмий лойиҳаларга грантларни бюджетдан молиялаштириш тартибини жорий этиш тўғрисидаги таклифи қабул қилинсин, унда қуйидагилар:

илмий грант маблағи миқдорининг 95 фоизини — тадқиқот даври мобайнида, илмий лойиҳани амалга оширишда меҳнат сарфи ва моддий харажатларни қоплаш учун ажратиш;

5 фоизини — кейинчалик ишлаб чиқаришга ёки илмий-педагогик жараёнга татбиқ этиш учун илмий лойиҳани амалга ошириш натижалари экспертизадан ўтказилиб буюртмачи томонидан қабул қилганидан сўнг ажратиш назарда тутилсин.

Ўзбекистон Республикаси Молия вазирлиги, Вазирлар Маҳкамаси ҳузуридаги фан ва технологияларни ривожлантиришни мувофиқлаштириш қўмитаси, Фанлар академияси икки ҳафта муддатда фундаментал ва амалий тадқиқотларнинг илмий-техник дастурларини шакллантириш ва амалга ошириш тартиби тўғрисидаги низомга белгиланган тартибда ўзгартиш ва қўшимчалар киритсин.

23. Ўзбекистон Республикаси Молия вазирлиги ўрта муддатли давлат ғазначилик мажбуриятларини янгидан жойлаштирмасдан, 2012 йил мобайнида улар бўйича қарзларни республика бюджети маблағлари ҳисобидан тўлиқ узишга эришсин.

24. Ўзбекистон Республикаси Президентининг «Ўзбекистон Республикасининг 2010 йилги асосий макроиқтисодий кўрсаткичлари ва Давлат бюджети параметрлари тўғрисида» 2009 йил 22 декабрдаги ПҚ-1245-сон қарори 24-бандининг амал қилиши 2013 йилнинг 1 январигача узайтирилсин.

25. Ўзбекистон Республикаси Молия вазирлигининг 2011 йилги Ўзбекистон Республикаси Давлат бюджетининг асосий параметрларини ва Ўзбекистон Республикаси давлат мақсадли жамғармаларини қуйидаги ҳажмларда аниқлаштириш тўғрисидаги таклифи қабул қилинсин:

бюджет тақчиллиги ялпи ички маҳсулот ҳажмига нисбатан 0,1 фоиз бўлгани ҳолда, Давлат бюджети даромадлари 16 746,8 млрд сўм, харажатлари 16 802,6 млрд сўм миқдорда;

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг даромадлари 6 145,0 млрд сўм ва харажатлари 6 030,1 млрд сўм миқдорида;

Ўзбекистон Республикаси Молия вазирлиги ҳузуридаги Республика йўл жамғармасининг даромадлари 941,2 млрд сўм ва харажатлари 816,5 млрд сўм миқдорда.

Ўзбекистон Республикаси Молия вазирлиги, Молия вазирлигининг Ғазначилиги Ўзбекистон Республикаси Марказий банки билан биргаликда 2012 йилнинг январь ойида, ўтказилган операцияларни 2011 йилги Давлат бюджетининг ижроси тўғрисидаги ҳисоботда акс эттирган ҳолда, 2011 йилги Давлат бюджети ижроси бўйича қонун ҳужжатларида белгиланган тартибда якуний операциялар ўтказсин.

26. Ўзбекистон Республикаси Молия вазирлиги Иқтисодиёт вазирлиги билан биргаликда макроиқтисодий кўрсаткичлар прогнози ҳар чоракда бажарилишини ва Ўзбекистон Республикаси Давлат бюджетининг 2012 йилги ижросини таҳлил этиш натижалари бўйича, зарур ҳолларда, Ўзбекистон Республикаси Вазирлар Маҳкамасига Давлат бюджетининг асосий параметрларини белгиланган тақчиллик доирасида аниқлаштиришга доир таклифлар киритсин.

27. 2012 йилнинг 1 январидан Ўзбекистон Республикаси Президентининг ва Ўзбекистон Республикаси Вазирлар Маҳкамасининг 32-иловага мувофиқ айрим қарорлари ўз кучини йўқотган деб ҳисоблансин.

2012 йилнинг 1 январидан Ўзбекистон Республикаси Президенти ва Ўзбекистон Республикаси Вазирлар Маҳкамасининг айрим қарорларига 33-иловага мувофиқ ўзгартиш ва қўшимчалар киритилсин.

28. Ўзбекистон Республикаси Молия вазирлиги Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.

Вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ҳафта муддатда илгари қабул қилинган норматив-ҳуқуқий ҳужжатларни ушбу қарорга мувофиқлаштирсинлар.

1. Ўзбекистон Республикаси Президентининг «Ўзбекистон Республикасида 2006 — 2010 йилларда хизмат кўрсатиш ва сервис соҳасини ривожлантиришни жадаллаштириш чора-тадбирлари тўғрисида» 2006 йил 17 апрелдаги ПҚ-325-сон қарори 7-бандининг микрофирмалар ва кичик корхоналарга тааллуқли қисми.

3. Ўзбекистон Республикаси Президентининг «Шахсий ёрдамчи, деҳқон ва фермер хўжаликларида чорва моллар кўпайтиришни рағбатлантиришни кучайтириш ҳамда чорвачилик маҳсулотлари ишлаб чиқаришни кенгайтириш борасидаги қўшимча чора-тадбирлар тўғрисида» 2008 йил 21 апрелдаги ПҚ-842-сон қарорининг 8-банди.

4. Ўзбекистон Республикаси Президентининг «Озиқ-овқат маҳсулотлари ишлаб чиқаришни кенгайтириш ва ички бозорни тўлдириш юзасидан қўшимча чора-тадбирлар тўғрисида» 2009 йил 26 январдаги ПҚ-1047-сон қарорининг 8-банди.

6. Вазирлар Маҳкамасининг «Пластик карточкалар асосида ҳисоб-китоб қилиш тизимини янада ривожлантириш чора-тадбирлари тўғрисида» 2004 йил 24 сентябрдаги 445-сон қарорининг 7-банди.

1. Ўзбекистон Республикаси Президентининг «Мева-сабзавотчилик ва узумчилик соҳасини ислоҳ қилиш бўйича ташкилий чора-тадбирлар тўғрисида» 2006 йил 11 январдаги ПҚ–255-сон қарорининг 11-банди.

2. Ўзбекистон Республикаси Президентининг «Ўзбекистон Республикасининг 2009 йилги асосий макроиқтисодий кўрсаткичлари ва Давлат бюджети параметрлари тўғрисида» 2008 йил 29 декабрдаги ПҚ-1024-сон қарорининг 8-банди.

3. Ўзбекистон Республикаси Президентининг «Ўзбекистон Республикасининг 2010 йилги асосий макроиқтисодий кўрсаткичлари ва Давлат бюджети параметрлари тўғрисида» 2009 йил 22 декабрдаги ПҚ–1245-сон қарорига 31-илованинг 8-банди.

4. Ўзбекистон Республикаси Президентининг «2010 йил ҳосили пахта хомашёсини ўз вақтида ва сифатли йиғиб-териб олишни таъминлашга доир ташкилий чора-тадбирлар тўғрисида» 2010 йил 3 сентябрдаги ПҚ-1398-сон қарори 4-банди.

6. Ўзбекистон Республикаси Президентининг «2012 йил учун академик лицейлар, касб-ҳунар коллежлари ва умумтаълим мактабларини қуриш, реконструкция қилиш ва мукаммал таъмирлаш дастурининг асосий параметрларини тасдиқлаш тўғрисида» 2011 йил 22 сентябрдаги ПҚ-1620-сон қарори 1-бандининг иккинчи хатбоши ва қарорга 1-илова.

3. Ўзбекистон Республикаси Президентининг «Давлат бюджетининг Ғазна ижроси тизимини янада ривожлантириш чора-тадбирлари тўғрисида» 2007 йил 28 февралдаги ПҚ-594-сон қарорининг 2-бандига:

қуйидаги мазмундаги олтинчи ва еттинчи хатбоши қўшилсин:

«давлат харидлари бўйича ахборот базасини яратиш ва муттасил янгилаб бориш, давлат харидларини амалга оширишда нарх белгилаш жараёнини назорат қилиш;

кичик бизнес субъектлари кенг иштирок этишини назарда тутадиган давлат харидларини амалга оширишда танлов ва тендер тартиботларини такомиллаштириш ва қўллашни кенгайтириш бўйича таклифлар ишлаб чиқиш»;

олтинчи—саккизинчи хатбоши тегишли равишда саккизинчи — ўнинчи хатбоши деб ҳисоблансин;

қуйидаги мазмундаги ўн биринчи хатбоши қўшилсин:

«Ғазначилик давлат харидлари бўйича Ҳукумат комиссиясининг ишчи органи функциясини амалга оширади».

5. Ўзбекистон Республикаси Президентининг 2007 йил 19 июндаги ПҚ-655-сон қарори билан тасдиқланган Иссиқлик таъминоти ва сув таъминоти корхоналари ходимларининг меҳнатига ҳақ тўлаш тўғрисидаги низомнинг 7-банди қуйидаги таҳрирда баён қилинсин:

«7. Базавий тариф ставкалари миқдори тариф сеткаси тегишли разрядининг тариф коэффициентини энг кам ойлик иш ҳақининг белгиланган миқдорига кўпайтириш билан белгиланади».

6. Ўзбекистон Республикаси Президентининг «Шахсий ёрдамчи, деҳқон ва фермер хўжаликларида чорва моллар кўпайтиришни рағбатлантиришни кучайтириш ҳамда чорвачилик маҳсулотлари ишлаб чиқаришни кенгайтириш борасидаги қўшимча чора-тадбирлар тўғрисида» 2008 йил 21 апрелдаги ПҚ-842-сон қарори 8-бандининг биринчи хатбошидаги «2012 йил 1 январигача» сўзлари «2014 йил 1 январигача» сўзлари билан алмаштирилсин.

7. Ўзбекистон Республикаси Президентининг «Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009 — 2014 йилларга мўлжалланган Давлат дастури тўғрисида» 2008 йил 8 июлдаги ПҚ-910-сон қарори 10-банди қуйидаги таҳрирда баён қилинсин:

«10. Вазирлар Маҳкамаси томонидан тасдиқланадиган рўйхат бўйича Давлат дастури доирасида болалар мусиқа ва санъат мактабларининг моддий-техника базасини мустаҳкамлаш учун олиб келинадиган мусиқа асбоблари ва махсус ускуналар 2015 йил 1 январгача бўлган муддатда божхона тўловларидан озод қилинсин (божхона расмийлаштируви йиғимлари бундан мустасно)».

8. Ўзбекистон Республикаси Президентининг «Озиқ-овқат маҳсулотлари ишлаб чиқаришни кенгайтириш ва ички бозорни тўлдириш юзасидан қўшимча чора-тадбирлар тўғрисида» 2009 йил 26 январдаги ПҚ-1047-сон қарори 8-бандининг биринчи хатбошидаги «2012 йилнинг 1 январига қадар» сўзлари «2014 йилнинг 1 январига қадар» сўзлари билан алмаштирилсин.

11. Ўзбекистон Республикаси Президентининг «Қишлоқ қурилиш банк» акциядорлик тижорат банкини ташкил этиш тўғрисида» 2009 йил 30 мартдаги ПҚ-1083-сон қарори 4-бандига қуйидаги мазмундаги хатбоши қўшилсин:

«2010 йилда Мактаб таълимини ривожлантириш жамғармасига ажратмалар ҳисобига ажратиладиган Ўзбекистон Республикаси Молия вазирлигининг 170,0 млрд сўм миқдоридаги мақсадли кредит линиясининг асосий қарз, фоизлар ва бошқа тўловлар суммаси республика бюджети даромадига ўтказилади».

12. Ўзбекистон Республикаси Президентининг «Ўзбекистон Республикасининг 2010 йилги асосий макроиқтисодий кўрсаткичлари ва Давлат бюджети параметрлари тўғрисида» 2009 йил 22 декабрдаги ПҚ-1245-сон қарори 5-бандининг учинчи хатбоши қуйидаги таҳрирда баён қилинсин:

«улгуржи савдо корхоналари учун (улгуржи дорихона ташкилотлари, Улгуржи савдо корхоналари уюшмаси тизимига кирувчи ихтисослаштирилган улгуржи база-идоралар бундан мустасно) — ўтказилган операциялардан тушадиган сумманинг 5 фоизи миқдорида ягона солиқ тўлови бўйича аванс тўловлари тўлаш, қонун ҳужжатларида белгиланган ҳоллар бундан мустасно».

13. Вазирлар Маҳкамасининг «Хорижий валютадаги давлат божлари, йиғимлар ҳамда солиқ бўлмаган бошқа тўловлар ставкалари тўғрисида» 1993 йил 19 августдаги 423-сон қарорига 2-иловада:

а) қуйидаги мазмундаги X бўлим қўшилсин:

б) «Божлар, йиғимлар ва солиқ бўлмаган бошқа тўловлар тўлашдан тушган валюта тушумларини тақсимлаш» жадвалига қуйидаги мазмундаги 16-банд қўшилсин:

14. Вазирлар Маҳкамасининг «Республика валюта жамғармаси ҳисобидан чет эл валютасида кредитлар бериш ва уларни тўлаш тартибини тасдиқлаш тўғрисида» 1994 йил 3 ноябрдаги 534-сон қарори 2-бандининг учинчи хатбошидаги «Республика валюта жамғармаси» сўзлари «республика бюджети» сўзлари билан алмаштирилсин.

15. Вазирлар Маҳкамасининг «1999-2000 йилларда пахта навларини янгилаш ва жойлаштириш дастури тўғрисида» 1998 йил 25 ноябрдаги 491-сон қарорининг 8-бандига қуйидаги мазмундаги хатбоши қўшилсин:

«Белгилансинки, 2012 йил 1 январдан бошлаб пахтачилик элита-уруғчилик лабораториялари ва хўжаликлари фаолиятини молиялаштириш уруғлик чигит навлари учун устамалар суммасидан ажратиладиган маблағлар ва қишлоқ хўжалиги товар ишлаб чиқарувчилари билан тузиладиган шартномалар бўйича хизматлар кўрсатишдан олинган бошқа даромадлар ҳисобига молиялаштирилади».

16. Вазирлар Маҳкамасининг 1999 йил 5 февралдаги 54-сон қарори билан тасдиқланган Маҳсулотлар (ишлар, хизматлар)ни ишлаб чиқариш ва сотиш харажатлари таркиби ҳамда молиявий натижаларни шакллантириш тартиби тўғрисидаги низомда (Ўзбекистон Республикаси ҚТ, 1999 й., 2-сон, 9-модда):

а) 2.2.6-бандга «маҳаллий тармоқлар» сўзларидан кейин «абонент рақамидан фойдаланганлик учун тўлов» сўзлари қўшилсин;

б) 2.3-бўлимга:

қуйидаги мазмундаги 2.3.25-банд қўшилсин:

«2.3.25. Фойдаланишдаги тўлиқ эскирган ускуна учун тўлов»;

2.3.25-банд 2.3.26-банд деб ҳисоблансин.

17. Вазирлар Маҳкамасининг «Божхона йиғимлари ставкалари тўғрисида» 1999 йил 30 апрелдаги 204-сон қарорига илованинг 1-банди «Йиғимлар ставкалари» устунидаги «Божхона қийматининг 0,2 фоизи миқдорида, бироқ энг кам ойлик иш ҳақидан кам эмас» сўзлари «Божхона қийматининг 0,2 фоизи, бироқ камида 25 АҚШ доллари ва 3000 АҚШ долларидан ортиқ эмас» сўзлари билан алмаштирилсин.

18. Вазирлар Маҳкамасининг 2002 йил 23 сентябрдаги 328-сон қарори (Ўзбекистон Республикаси ҚТ, 2002 й., 9-сон, 53-модда) билан тасдиқланган Ахборот-коммуникация технологияларини ривожлантириш жамғармаси тўғрисидаги низомнинг 4-бандига қуйидаги мазмундаги хатбоши қўшилсин;

«абонент рақамидан фойдаланганлик учун ҳақ тўлашдан тушган маблағларнинг 10 фоизи».

19. Вазирлар Маҳкамасининг «Пластик карточкалар асосида ҳисоб-китоб қилиш тизимини янада ривожлантириш чора-тадбирлари тўғрисида» 2004 йил 24 сентябрдаги 445-сон қарорида (Ўзбекистон Республикаси ҚТ, 2004 й., 9-сон, 94-модда):

7-банднинг иккинчи—тўртинчи хатбошидаги «2012 йил 1 январгача» сўзлари «2014 йил 1 январгача» сўзлари билан алмаштирилсин.

3-иловада 2-бандининг иккинчи ва учинчи хатбошидаги «2012 йил 1 январгача» сўзлари «2014 йил 1 январгача» сўзлари билан алмаштирилсин.

20. Вазирлар Маҳкамасининг «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 275-сон қарорида (Ўзбекистон Республикаси ҚТ, 2005 й., 12-сон, 63-модда):

а) 1-иловада:

5-банд қуйидаги таҳрирда баён қилинсин:

қуйидаги мазмундаги 5-1-банд қўшилсин:

6-банддан «концертмейстер» сўзи чиқариб ташлансин;

б) 2-иловада:

1.3-кичик банддан «мусиқа мактаби, санъат мактаби» сўзлари чиқариб ташлансин;

қуйидаги мазмундаги 1.8-кичик банд қўшилсин:

2.4-кичик банддан «мусиқа мактаби, санъат мактаби директорининг ўқув-маърифий ишлар бўйича» сўзлари чиқариб ташлансин;

қуйидаги мазмундаги 2.8-кичик банд қўшилсин:

21. Вазирлар Маҳкамасининг 2010 йил 2 апрелдаги 62-сон қарори (Ўзбекистон Республикаси ҚТ, 2010 й., 4-сон, 14-модда) билан тасдиқланган Вазирликлар ва идораларнинг бюджетдан ташқари жамғармаларига йўналтирилаётган давлат божлари, йиғимлар ва солиқ бўлмаган тўловлардан, маъмурий ва молиявий санкциялардан ажратмалар миқдорларидаги 24-банд қуйидаги таҳрирда баён қилинсин: