Ўзбекистон Республикаси Вазирлар Маҳкамасининг
қарори
ҚОНУН ҲУЖЖАТЛАРИ БУЗИЛГАНЛИГИ УЧУН УШЛАНГАН ТРАНСПОРТ ВОСИТАЛАРИНИ ТЎХТАШ ЖОЙЛАРИГА ОЛИБ КЕЛИШ, ЖОЙЛАШТИРИШ ВА САҚЛАШ ТАРТИБИНИ ТАКОМИЛЛАШТИРИШ ТЎҒРИСИДА
Қонун ҳужжатлари бузилганлиги учун ушланган транспорт воситаларини тўхташ жойларига олиб келиш, жойлаштириш ва сақлашда қонунийликни таъминлаш, санитария ва ёнғинга қарши қоидаларга риоя қилиш, сақлаш жойларига қўйиладиган талабларни белгилаш, транспорт воситалари сақланиши учун жавобгарликни ошириш мақсадида Вазирлар Маҳкамаси қарор қилади:
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарорига асосан ўз кучини йўқотган — Қонунчилик маълумотлари миллий базаси, 17.08.2023 й., 09/23/358/0620-сон)
2. Қуйидагилар:
Қонун ҳужжатлари бузилганлиги учун ушланган транспорт воситаларини тўхташ жойларига олиб келиш, жойлаштириш ва сақлаш тартиби тўғрисидаги низом 1-иловага мувофиқ;
Олдинги таҳрирга қаранг.
Қонун ҳужжатлари бузилганлиги учун ушланган транспорт воситаларини сақлаш хизматларини кўрсатувчи юридик шахсларни очиқ танлов асосида электрон тарзда танлаб олиш тартиби тўғрисидаги низом 2-иловага мувофиқ;
(2-банднинг учинчи хатбошиси Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Қонун ҳужжатлари бузилганлиги учун ушланган транспорт воситаларини сақлаш хизматлари кўрсатиш бўйича фаолиятни амалга ошириш тартиби тўғрисидаги низом 3-иловага мувофиқ тасдиқлансин.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
бир ой муддатда — Ўзбекистон Республикаси Молия вазирлиги билан келишган ҳолда транспорт воситаларини олиб келиш (ташиш) ва сақлаш бўйича кўрсатиладиган хизматлар учун тўловнинг чекланган миқдорини тасдиқласинлар;
икки ой муддатда — транспорт воситаларини сақлаш бўйича хизматлар кўрсатувчи юридик шахслар танловини ўтказсинлар;
ушбу қарор талаблари бажарилиши тўғрисида Ўзбекистон Республикаси Вазирлар Маҳкамасига 2012 йил 15 январда ахборот берсинлар.
4. Ўзбекистон Республикаси Ички ишлар вазирлиги Адлия вазирлиги ҳамда бошқа манфаатдор вазирликлар ва идоралар билан биргаликда:
бир ой муддатда — қонун ҳужжатларига ушбу қарордан келиб чиқадиган ўзгартиришлар ва қўшимчалар тўғрисида;
икки ой муддатда — Ўзбекистон Республикасининг Маъмурий жавобгарлик тўғрисидаги кодексига тўхташ ва тўхтаб туриш қоидалари бузилганлиги учун транспорт воситаларини ушлашни ва тўхташ жойига мажбурий олиб келишни назарда тутадиган ўзгартиришлар ва қўшимчалар ҳақида таклифлар киритсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.А. Хўжаев ва Ўзбекистон Республикаси Ички ишлар вазири Б.А. Матлюбов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2011 йил 25 май,
149-сон
Вазирлар Маҳкамасининг 2011 йил 25 майдаги 149-сон қарорига
1-ИЛОВА
1-ИЛОВА
Қонун ҳужжатлари бузилганлиги учун ушланган транспорт воситаларини тўхташ жойларига олиб келиш, жойлаштириш ва сақлаш тартиби тўғрисида
НИЗОМ
1. Ушбу Низом қонун ҳужжатлари бузилганлиги учун ушланган транспорт воситаларини (кейинги ўринларда транспорт воситалари деб аталади) тўхташ жойларига олиб келиш, жойлаштириш ва сақлаш тартибини белгилайди.
Олдинги таҳрирга қаранг.
2. Транспорт воситаларини тўхташ жойига жойлаштириш тўғрисида давлат органининг транспорт воситаларини ушлаш ҳуқуқига эга бўлган ваколатли ходими томонидан қарор қабул қилинганда, бу тўғрисида «Жарима майдончаси» ахборот тизими орқали транспорт воситаларини олиб келиш ва сақлаш хизматларини кўрсатувчи юридик шахсларга ҳамда тегишли давлат органларининг навбатчилик қисмларига хабар юборилади.
Транспорт воситаларини тўхташ жойларига олиб келиш, жойлаштириш ва сақлашнинг электрон ҳисоби «Жарима майдончаси» ахборот тизимида юритилади.
(2-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Олдинги таҳрирга қаранг.
3. Ҳайдовчи ҳозир бўлмаганда транспорт воситаси ушланганлиги тўғрисида дарҳол ички ишлар ҳудудий органининг навбатчилик қисмига «Жарима майдончаси» ахборот тизими орқали маълум қилинади. Ички ишлар органининг тезкор навбатчиси транспорт воситасининг эгасини (эгасининг вакилини) аниқлаш учун ўзининг имкони етган барча чораларни кўради ва имкони борича қисқа муддатда транспорт воситаси ушланганлиги тўғрисида эгасини (эгасининг вакилини) хабардор қилади.
(3-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Олдинги таҳрирга қаранг.
4. Транспорт воситаси ушланган жойга энг яқин бўлган ҳудуддаги транспорт воситаларини олиб келиш ва сақлаш хизматларини кўрсатувчи юридик шахсга «Жарима майдончаси» ахборот тизими орқали транспорт воситасини тўхташ жойига жойлаштириш тўғрисида хабар келиб тушган ҳолларда, ушбу юридик шахснинг вакили зарур махсус техник восита (эвакуатор)ни ушлаш жойига дарҳол юбориш чораларини кўради.
(4-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Олдинги таҳрирга қаранг.
5. Транспорт воситасини ушлаган давлат органининг ваколатли ходими ўз ваколатлари доирасида ҳайдовчини транспорт воситасини бошқаришдан четлатиш юзасидан зарур хатти-ҳаракатларни амалга оширади, маъмурий ҳуқуқбузарлик тўғрисидаги баённомани ёки транспорт воситаси ушланганлиги тўғрисидаги қарорни расмийлаштиради, транспорт воситаси тўхташ жойига жойлаштирилган тақдирда ундаги мол-мулк рўйхатини ўз ичига оладиган тегишли далолатномани тузади.
(5-банднинг биринчи хатбошиси Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Далолатнома нусхаси унга нисбатан кўрсатиб ўтилган чора қўлланилган шахсга, шунингдек транспорт воситасини тўхташ жойида сақлаш учун масъул бўлган шахсга топширилади.
Олдинги таҳрирга қаранг.
6. Ушлаш жойига келган юридик шахснинг вакили:
транспорт воситасини тўхташ жойига жойлаштириш мақсадида уни қабул қилиш учун ёнида хизмат гувоҳномасига ҳамда юридик шахс томонидан берилган транспорт воситаларини ташиш (эвакуация қилиш) ҳуқуқини берувчи ишончномага эга бўлиши керак;
маъмурий ҳуқуқбузарлик тўғрисидаги баённома ёки транспорт воситасини ушлаш тўғрисидаги қарор асосида қабул қилиш-топшириш далолатномасини тузган ва конструкцияда кириш назарда тутилган жойларни (эшиклар, юкхона, капот, бензин баки қопқоғи ва бошқалар) сурғучлаган ҳолда ушланган транспорт воситасини кўздан кечиради ва уни давлат органининг транспорт воситаларини ушлаш ҳуқуқига эга бўлган ваколатли ходимидан қабул қилиб олади;
транспорт воситасини тўхташ жойига олиб келиш (ташиш) ва унга жойлаштириш чораларини кўради.
Қонунчилик ҳужжатларига мувофиқ транспорт воситаларини бошқаришдан четлаштириш назарда тутилган ҳуқуқбузарликни содир этган шахсларга тегишли транспорт воситалари давлат органининг транспорт воситаларини ушлаш ҳуқуқига эга бўлган ваколатли ходими томонидан транспорт воситаларини тўхташ жойларига олиб борилиши мумкин.
(6-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
7. Транспорт воситаларини қабул қилиш кечаю кундуз амалга оширилади.
8. Тўхташ жойидаги транспорт воситаси олдига ҳайдовчининг (эгасининг, эгасининг вакилининг) келишига фақат транспорт воситасини тўхташ жойига жойлаштириш тўғрисида қарор қабул қилган органнинг рухсатидан кейин, уни сақлаш тўғрисидаги масъул шахс ҳозир бўлганида йўл қўйилади, бу ҳақда ташриф буюрганларни ҳисобга олиш журналида ёзув қайд этилади.
Ташриф буюрганларни ҳисобга олиш журнали ип ўтказиб тикилади ва ички ишлар органлари томонидан рўйхатга олинади.
Олдинги таҳрирга қаранг.
9. Транспорт воситасини ушлаш муддати маъмурий ҳуқуқбузарлик тўғрисида баённома тузилган ёки транспорт воситасини ушлаш тўғрисида қарор чиқарилган пайтдан бошлаб ҳисобланади.
(9-банднинг биринчи хатбошиси Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Транспорт воситасини сақлаш муддати у тўхташ жойига жойлаштирилган пайтдан бошлаб соатларда ҳисобланади.
Олдинги таҳрирга қаранг.
10. Транспорт воситасини ушлаб туриш сабаблари бартараф этилгандан кейин транспорт воситасини тўхташ жойидан олиб чиқишга «Жарима майдончаси» ахборот тизими орқали рухсат берилади.
Транспорт воситасини тўхташ жойидан олиб чиқишга рухсат бериш тўғрисидаги хабар тегишли ваколатли давлат органининг мансабдор шахси томонидан транспорт воситаси ҳайдовчисига ахборот тизимлари орқали электрон ёки мобиль телефонга қисқа хабар (SMS) тарзида, шунингдек, транспорт воситаларини олиб келиш ва сақлаш хизматларини кўрсатувчи юридик шахсга «Жарима майдончаси» ахборот тизими орқали юборилади.
(10-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Олдинги таҳрирга қаранг.
11. Транспорт воситаси ҳайдовчига (эгасига, эгасининг вакилига) транспорт воситаларини олиб келиш ва сақлаш хизматларини кўрсатувчи юридик шахсга кўрсатилган хизматлар учун ҳақ тўлангандан кейин тегишли ваколатли давлат органининг мансабдор шахси томонидан «Жарима майдончаси» ахборот тизими орқали берилган рухсатнома асосида берилади.
Транспорт воситаларини тўхташ жойларидан бериш куну-тун амалга оширилади.
(11-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Олдинги таҳрирга қаранг.
12. Ушланган транспорт воситалари ҳисоби, транспорт воситаларини олиб келиш ва сақлаш бўйича кўрсатилган хизматлар сони ва амалга оширилган тўловлар миқдори «Жарима майдончаси» ахборот тизими орқали юритилади.
(12-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
13. Транспорт воситасини ташиш ёки сақлаш пайтида унга ва унинг ичидаги мол-мулкка етказилган зарар қонун ҳужжатларига мувофиқ қопланади.
14. Транспорт воситаси қабул қилиш-топшириш далолатномаси бўйича тўхташ жойи вакилига берилгунига қадар транспорт воситасининг сақланиши учун транспорт воситаси эгаси олдида қонун ҳужжатларига мувофиқ тегишли давлат органлари жавоб берадилар.
15. Транспорт воситаси тўхташ жойига жойлаштирилгандан кейин унинг сақланиши учун транспорт воситаларини тўхташ жойига олиб келиш ва сақлаш бўйича хизматлар кўрсатувчи юридик шахслар жавоб берадилар.
Кейинги таҳрирга қаранг.
16. Ушбу Низом талаблари бузилишида айбдор бўлган шахслар қонун ҳужжатларига мувофиқ жавоб берадилар.
LexUZ шарҳиҚаранг: Ўзбекистон Республикаси Маъмурий жавобгарлик тўғрисидаги кодексининг XI боби (Транспортдаги, йўл хўжалиги ва алоқа соҳаларидаги ҳуқуқбузарликлар учун маъмурий жавобгарлик).
Олдинги таҳрирга қаранг.
17. Ушбу Низом талабларига риоя қилиниши устидан назорат қилиш ишларини умумий мувофиқлаштириш Ўзбекистон Республикаси Ички ишлар вазирлигининг Йўл ҳаракати хавфсизлиги хизмати томонидан амалга оширилади.
(17-банд Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Олдинги таҳрирга қаранг.
Вазирлар Маҳкамасининг 2011 йил 25 майдаги 149-сон қарорига
2-ИЛОВА
2-ИЛОВА
Қонун ҳужжатлари бузилганлиги учун ушланган транспорт воситаларини сақлаш хизматларини кўрсатувчи юридик шахсларни очиқ танлов асосида электрон тарзда танлаб олиш тартиби тўғрисида
НИЗОМ
1-боб. Умумий қоидалар
1. Ушбу Низом қонун ҳужжатлари бузилганлиги учун ушланган транспорт воситаларини (кейинги ўринларда — транспорт воситалари) сақлаш хизматларини кўрсатувчи юридик шахсларни очиқ танлов асосида (кейинги ўринларда — танлов) электрон тарзда танлаб олиш тартибини белгилайди.
2. Транспорт воситаларини сақлаш бўйича пулли хизматлар кўрсатиш фаолиятини амалга оширишда қонунчилик ҳужжатлари талабларига тўлиқ риоя этилишини таъминлашга қодир бўлган юридик шахсларни аниқлаш танлов ўтказишнинг мақсади ҳисобланади.
Танлов Ўзбекистон Республикасининг ҳар бир ҳудуди (Қорақалпоғистон Республикаси, вилоятлар ва Тошкент шаҳри) бўйича алоҳида ўтказилади.
Ҳар бир ҳудудда танлов асосида ҳудуднинг маъмурий-ҳудудий бўлинишининг жойлашишидан келиб чиққан ҳолда, транспорт воситаларини сақлаш хизматларини кўрсатувчи бир неча юридик шахслар аниқланиши мумкин.
3. Ушбу Низомда қуйидаги тушунчалардан фойдаланилади:
аффилланганлик хусусиятига эга алоқалар — тадбиркорлик фаолияти билан шуғулланувчи юридик ёки жисмоний шахсларнинг бир-бирлари фаолиятига таъсир кўрсатиши;
ваколатли вакил — танловда қатнашиш учун талабгор — ташкилот раҳбари ёки у томонидан ишончнома асосида вакил қилинган жисмоний шахс;
ваколатли орган — Ўзбекистон Республикаси Ички ишлар вазирлиги ва унинг ҳудудий бўлинмалари;
танлов таклифлари — танлов қатнашчисининг транспорт воситаларини сақлаш бўйича пулли хизматлар кўрсатиш фаолиятини амалга оширишда қонунчилик ҳужжатлари талабларига мувофиқлигини тасдиқловчи ҳужжатлари;
танлов предмети — транспорт воситаларини сақлаш бўйича хизматлар кўрсатишга бўлган ҳуқуқ;
талабгор — таклиф этилган шартларда танловда қатнашиш ниятини маълум қилган юридик шахс;
танлов қатнашчиси — танловда қатнашишга қўйилган талабгор;
танлов ғолиби — танлов якунларига кўра таклифи энг мақбул деб топилган қатнашчи.
4. Танлов Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг (кейинги ўринларда — ЙҲХХ) Ягона автоматлаштирилган ахборот тизими (кейинги ўринларда — ахборот тизими) орқали ўтказилади.
ЙҲХХ ва унинг тегишли ҳудудий бўлинмалари танловни ташкил этиш ва ўтказиш бўйича масъул ҳисобланади.
5. Танловни ўтказиш қуйидаги тамойилларга асосланади:
транспорт воситаларини сақлаш хизматларини кўрсатиш соҳасида рақобат муҳитини яратиш;
қонунийлик, очиқлик, шаффофлик ва баҳолашнинг холислиги;
хизмат кўрсатувчиларнинг танлов ҳужжатларида қайд этилган ягона талаблар асосида рақобатлашиши;
соғлом рақобат учун шарт-шароитларнинг тенглиги;
танловларни фақат ахборот тизими орқали электрон тарзда ўтказиш;
танловда белгиланган талабларга энг тўлиқ жавоб берадиган хизмат кўрсатувчини ғолиб деб топиш.
6. Танлов очиқ ҳисобланади ва унда Ўзбекистон Республикасида белгиланган тартибда рўйхатдан ўтказилган ҳар қандай юридик шахс қатнашиши мумкин.
Банкрот деб эълон қилинган ёки тугатиш босқичида бўлган ёхуд мол-мулки хатланган талабгорлар танловда иштирок этишга қўйилмайди.
7. Ваколатли органнинг танловни ташкил этиш ва ўтказиш доирасидаги асосий ваколатлари қуйидагилар ҳисобланади:
тегишлилиги бўйича ҳудуднинг маъмурий-ҳудудий бўлинишининг жойлашишидан келиб чиққан ҳолда транспорт воситаларини сақлаш хизматларини кўрсатувчилар сонини аниқлаш бўйича қарорлар қабул қилиш;
ўтказиладиган танлов тўғрисидаги эълонларни ахборот тизимига ҳамда оммавий ахборот воситаларига жойлаштириш;
танлов ғолибининг танлов таклифларида кўрсатилган маълумотларининг ҳақиқийлигини ўрганиш;
танлов ғолибига транспорт воситаларини сақлаш хизматларини кўрсатиш ҳуқуқини тасдиқловчи QR-код (матрик штрихли код) қўйилган электрон гувоҳномалар бериш;
танлов ғолиби билан шартнома тузиш;
транспорт воситаларини сақлаш хизматлари кўрсатилишини назорат қилиш;
шартнома шартларига амал қилинмаслик ҳолатлари юзасидан далолатномаларни расмийлаштириш ва белгиланган тартибда шартномани бекор қилиш чораларини кўриш.
8. Ҳудуд транспорт воситаларини сақлаш хизматларини кўрсатувчисиз қолган ҳолатда навбатдаги танлов натижалари эълон қилингунга қадар ушланган транспорт воситалари ЙҲХХ бўлинмаларига тегишли жойларда вақтинча сақланади.
9. Ҳудуд қуйидаги ҳолларда транспорт воситаларини сақлаш хизматларини кўрсатувчисиз қолган деб ҳисобланади:
тузилган шартнома муддатидан аввал бекор қилинса;
танловда талабгорлардан бирорта ҳам таклиф келиб тушмаса.
2-боб. Танловни ташкил этиш
10. Транспорт воситаларини сақлаш хизматларини кўрсатиш юзасидан танлов ташкил этиш ва ҳужжатларни расмийлаштириш жараёни ушбу Низомга иловага мувофиқ схема бўйича амалга оширилади.
11. Ваколатли орган танловга қўйиладиган ҳудудлар рўйхатини тайёрлайди, танлов предметини ва вақтини танлов ўтказилишидан камида ўттиз кун олдин ахборот тизимига киритади ва бу ҳақда оммавий ахборот воситалари орқали эълон қилади.
Кейинги таҳрирга қаранг.
12. Танловда қатнашиш учун таклифлар танлов қатнашчилари томонидан ахборот тизими орқали тақдим этилади ва бу маълумотлар танлов қатнашчилари ҳақидаги маълумотлар бўлиб, улар очиқ ҳисобланади.
13. Танлов қатнашчилари томонидан танлов таклифларини тақдим этиш муддати танлов эълон қилинган кундан бошланиб, ўн беш иш кунини ташкил этади ва ахборот тизимида кўрсатилади.
Танлов таклифлари белгиланган муддат якунлангандан кейин қабул қилинмайди.
14. Танлов қатнашчиси танлов таклифларини бериш муддати тугагунига қадар берилган танлов таклифини қайтариб олишга ёки унга ўзгартиришлар киритишга ҳақли.
15. Танлов қатнашчилари танлов бўйича белгиланган талабларни ахборот тизими орқали электрон тарзда юклаб олишлари мумкин.
16. Ахборот тизимида танлов ўтказилгунга қадар танлов қатнашчилари томонидан юборилган таклифларни кўриш имконияти бўлмаслиги лозим.
17. Транспорт воситаларини сақлаш хизматларини кўрсатувчи юридик шахслар тўғрисидаги маълумотлар очиқ маълумот ҳисобланади.
3-боб. Танлов бўйича таклифлар мазмуни
18. Танлов таклифларида қуйидаги талаблар ва маълумотлар бўлиши керак:
битта транспорт воситасининг тўхташ жойи учун тавсия этилаётган майдон;
хизматлар кўрсатиш вақтида транспорт воситаларини сақлаш ва ёнғин хавфсизлигини таъминлаш бўйича тадбирлар;
хизматлар кўрсатиш қиймати;
транспорт воситасининг сақлаш жойига ўз вақтида етказиб берилишини таъминлаш учун махсус техника воситаларининг (эвакуаторлар, тиркаш тросларининг) мавжудлиги;
тўхташ жойининг шакли (ёпиқ бинода, очиқ ҳолда);
транспорт воситаларини сақлаш хизматларини кўрсатиш фаолиятига қўйиладиган талабларга риоя этиш учун талабгорда имкониятлар мавжудлиги тўғрисида далолат берувчи бошқа қўшимча маълумотлар.
19. Танлов қатнашчилари танлов бўйича таклифларнинг барча бандларига доир ҳаққоний, тўлиқ ва батафсил ахборотларни юборишлари шарт.
4-боб. Танлов таклифларини баҳолаш ва ғолибни аниқлаш
20. Танлов қатнашчилари томонидан танлов бўйича келиб тушган таклифлар ахборот тизими орқали баҳоланади.
21. Танлов таклифларини баҳолаш ва ғолибни аниқлаш қуйидаги тартибда амалга оширилади:
а) битта транспорт воситасининг тўхташ жойи учун тавсия этилаётган майдон учун — ҳисобланган даражадагидан (25 кв метр) ортиқ бўлган ҳар бир пункт учун ортиб борувчи коэффициент қўлланган ҳолда, беш балли тизим бўйича;
б) сақлаш ва ёнғин хавфсизлигини таъминлаш бўйича тадбирлар учун — ўн балли тизим бўйича. Баҳолаш қуйидаги тарзда амалга оширилади:
бинолар билан тўхтаб туришга қўйилган транспорт воситаси оралиғидаги норматив бўйича ёнғин хавфсизлиги масофасини (6 м) таъминлаганлик учун — 5 балл. Ёнғинга қарши нормативдан ортиқ масофа (6 метрдан ортиқ) таъминланган тақдирда, ёнғинга қарши масофанинг оширилган ҳар бир метри учун ортиб борувчи коэффициент қўлланади;
тўхташ жойидан ёнғин гидрантигача 150 метр масофада ташқи ёнғинга қарши сув таъминоти тизими таъминлаганлиги учун — 5 балл. Тўхташ жойидан ёнғин гидрантигача бўлган масофа камайтирилган тақдирда масофанинг ҳар бир метри учун ортиб борувчи коэффициент қўлланади;
в) транспорт воситаларини олиб келиш ва сақлаш хизматларини кўрсатиш қиймати учун — Ўзбекистон Республикаси Иқтисодиёт ва молия вазирлиги билан келишган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланадиган чекланган миқдор даражасига нисбатан камайтирилган ҳар бир пункт учун ортиб борувчи коэффициент қўлланган ҳолда, ўн балли тизим бўйича;
г) махсус техника воситаларининг (эвакуаторлар, тиркаш тросларининг) мавжудлиги учун — табақалаштирилган баллар бўйича (ҳар бир эвакуатор учун — 5 баллдан ва ҳар бир тиркаш троси учун — 3 баллдан);
д) ёпиқ бинодаги тўхташ жойи учун — 15 балл, очиқ жойдаги тўхташ жойи учун — 5 балл.
Қатнашчи танлов таклифларининг якуний баҳоси юқорида санаб ўтилган кўрсаткичлар бўйича балларни қўшиш йўли билан аниқланади.
Таклифлари энг юқори баллар сонини олган қатнашчи танлов ғолиби деб эътироф этилади.
Баҳолаш натижаларига кўра бир нечта қатнашчи тенг баллар олган бўлса, у ҳолда ғолиб тенг баллар олган қатнашчиларнинг танлов таклифларидаги қуйидаги мезонлардан келиб чиқиб аниқланади:
белгиланган талаблардан қўшимча жиҳозлар ва транспорт воситаларини сақлаш учун шароитлар (транспорт воситаларини қуёш, ёмғир-қордан сақлаш учун шароит яратилган ҳолатига қараб) яратилганлигига қараб;
ушланган транспорт воситаларини сақлаш жойларида махсус транспорт воситаларининг (эвакуаторнинг) ишлаб чиқарилган йилига қараб;
ушланган транспорт воситаларини сақлаш жойларининг сиғимига қараб;
катта габаритли транспорт воситаларини сақлаш учун имкониятнинг мавжудлигига қараб таклифлар қайта кўриб чиқилиб, ғолиб аниқланади.
22. Танлов якунлари, хусусан, қатнашчилардан келиб тушган таклифлар мазмуни, ҳисобланган баллар, қатнашчилар тўғрисидаги маълумотлар, таклифларда кўрсатилган маълумотларнинг ҳақиқийлигини ўрганиш натижалари ахборот тизимида сақланади.
23. Агар танлов давомида фақат бир нафар қатнашчидан таклиф келиб тушса, унинг танлов таклифлари қўйилаётган талабларга мувофиқ бўлганда мазкур қатнашчи ғолиб деб ҳисобланади.
Агар қатнашчининг таклифлари қўйилаётган талабларга мувофиқ бўлмаса, ахборот тизими томонидан рад этилади ва такрорий танлов ташкил этилади.
24. Танлов натижалари бўйича маълумотлар ваколатли органнинг расмий веб-сайтига танлов ўтказилиб, баҳолангандан кейин дарҳол жойлаштирилади.
5-боб. Танлов ғолибининг таклифларида кўрсатилган маълумотларнинг ҳақиқийлигини ўрганиш
25. Танлов ғолибининг таклифлари ваколатли орган ҳамда Ўзбекистон Республикаси Транспорт вазирлиги ҳамда Иқтисодиёт ва молия вазирлиги ҳузуридаги Кадастр агентлигининг масъул ходимлари томонидан транспорт воситаларини сақлаш учун ташкил этилган жойга чиққан ҳолда ўрганилади.
Зарурат бўлганда, таклифлардаги маълумотларнинг ҳақиқийлигини ўрганиш жараёнига бошқа манфаатдор вазирлик ва идоралар вакиллари жалб этилади.
26. Таклифлардаги маълумотларнинг ҳақиқийлигини ўрганиш вақти ва манзили олдиндан келишилади ҳамда танлов ғолиби аниқлангандан кейин беш кун ичида амалга оширилади.
Таклифлардаги маълумотларнинг ҳақиқийлигини ўрганиш жараёнини очиқ ва шаффоф ташкил этиш мақсадида ушбу хизматларни кўрсатувчилар кузатувчи сифатида иштирок этишлари мумкин.
27. Ваколатли органнинг масъул ходими маълумотларнинг ҳақиқийлигини ўрганишдан олдин танловнинг барча иштирокчилари билан аффилланганлик хусусиятига эга алоқалари мавжудлиги тўғрисидаги маълумотни ахборот тизимига киритиши керак.
Иштирокчи ва унинг аффилланган шахси танлов бўйича айни битта лотда иштирок этиш ҳуқуқига эга эмас.
28. Танлов иштирокчилари билан аффилланганлик хусусиятга эга алоқалари бўлган ваколатли органнинг масъул ходимлари келтирилган маълумотларнинг ҳақиқийлигини ўрганишда иштирок этмаслиги лозим.
Унинг ўрнига бошқа ходим келтирилган маълумотларнинг ҳақиқийлигини ўрганиш учун тайинланади. Масъул ходим томонидан аффилланганлик тўғрисида киритилган маълумотлар ахборот тизимида ёпиқ сақланади.
29. Ваколатли орган танлов ғолибининг ахборот тизими орқали юборган таклифлардаги маълумотларнинг ҳақиқийлигига шубҳа юзага келса, уларни тасдиқловчи ҳужжатларни сўраб олишга ҳақли.
30. Ўрганиш натижалари ва тегишли фототасвирлар ваколатли орган томонидан ахборот тизимига юкланади. Юкланган маълумотлар шартноманинг амал қилиш муддати якунланишига қадар сақланади.
31. Ваколатли орган томонидан ўтказилган ўрганиш натижалари юзасидан танлов қатнашчиларига тушунтиришлар берилади.
6-боб. Танлов ғолиби билан ҳужжатларни расмийлаштириш ва бекор қилиш
32. Ваколатли орган билан танлов ғолиби ўртасидаги ўзаро ҳуқуқ ва мажбуриятларни белгиловчи шартнома оммавий оферта шаклида ахборот тизимига танлов эълон қилинган пайтда жойлаштирилади.
Танлов ғолиби аниқлангандан сўнг беш кун ичида жойлаштирилган шартномани акцептлайди (таклифни қабул қилади).
33. Қуйидаги ҳолларда танлов қатнашчисининг ғолиблиги бекор қилинади:
таклиф қилинган маълумотлар ваколатли органга (олдиндан келишилган вақт ва манзилга) уларнинг ҳақиқатда мавжудлигини ўрганиш учун тақдим қилинмаса;
ахборот тизимига жойлаштирилган шартнома белгиланган муддатда сабабсиз акцептланмаса;
таклифлардаги маълумотларнинг ҳақиқийлиги тасдиқланмаганлиги оқибатида тўпланган баллар кейинги қатнашчи тўплаган баллардан камайиб кетса.
Танлов қатнашчисининг ғолиблиги бекор қилинган тақдирда, энг кўп баллар миқдори бўйича кейинги қатнашчи танлов ғолиби деб эътироф этилади. Кейинги қатнашчининг танлов таклифларидаги маълумотларнинг ҳақиқийлиги белгиланган тартибда ўрганилади.
34. Қуйидагилар транспорт воситаларини сақлаш хизматларини кўрсатиш ҳуқуқини бекор қилиш учун асослар ҳисобланади:
юридик шахснинг транспорт воситаларини сақлаш бўйича фаолиятни амалга ошириш имкони йўқлиги тўғрисида комиссияга юборган ёзма билдиришномаси;
транспорт воситаларини сақлаш хизматларини кўрсатиш юзасидан шартноманинг унда кўрсатилган асослар бўйича бекор қилиниши ёки амал қилиш муддатининг тугаши;
юридик шахснинг банкрот деб эълон қилиниши ёки уни тугатиш амалиётининг бошланиши.
35. Таклиф юборган ягона қатнашчининг ёки барча қатнашчиларнинг танлов ғолиблиги бекор қилинган тақдирда, мазкур ҳудуд бўйича дарҳол қайта танлов эълон қилинади.
36. Электрон ахборот тизимидаги танлов якунлари асосида танлов ғолиби билан шартномалар тузиш ҳамда уларнинг талаб ва шартларига риоя этилиши устидан назорат қонунчилик ҳужжатларига мувофиқ амалга оширилади.
Кейинги таҳрирга қаранг.
37. Танлов ғолиби билан ваколатли орган ўртасида 10 йил муддатга транспорт воситаларини сақлаш хизматларини кўрсатиш юзасидан шартнома тузилади.
Кейинги таҳрирга қаранг.
38. Шартноманинг амал қилиш муддати тугашидан камида олтмиш кун аввал ҳудуд бўйича қайта эълон берилади.
39. Транспорт воситаларини сақлаш хизматларини кўрсатувчи томонидан шартнома талаб ва шартларига риоя қилмаслик ҳолати аниқланса, ваколатли органнинг масъул ходимлари томонидан далолатнома расмийлаштирилади.
40. Танлов ғолиби таклиф этган таъриф даражаси бўйича камида икки йил транспорт воситаларини сақлаш бўйича хизматларни кўрсатиш мажбуриятини олади.
41. Шартнома шартларига қўшимча ёки ўзгартиришлар томонларнинг қўшимча келишувига асосан киритилади.
7-боб. Якунловчи қоидалар
42. Танлов иштирокчилари танлов натижаларидан норози бўлган ҳолларда, белгиланган тартибда судга ёки юқори турувчи органларга мурожаат қилишга ҳақли.
43. Ушбу Низом талабларининг бузилишида айбдор бўлган шахслар қонунчиликда белгиланган тартибда жавоб берадилар.
LexUZ шарҳиҚаранг: Ўзбекистон Республикаси Маъмурий жавобгарлик тўғрисидаги кодексининг XI боби (Транспортдаги, йўл хўжалиги ва алоқа соҳаларидаги ҳуқуқбузарликлар учун маъмурий жавобгарлик).
Қонун ҳужжатлари бузилганлиги учун ушланган транспорт воситаларини сақлаш хизматларини кўрсатувчи юридик шахслар танловини очиқ танлов жараёнлари орқали электрон тарзда ташкил этиш ва ўтказиш тартиби тўғрисидаги низомга
ИЛОВА
ИЛОВА
Қонун ҳужжатлари бузилганлиги учун ушланган транспорт воситаларини сақлаш хизматларини кўрсатувчи юридик шахслар учун танлов ташкил этиш ва ҳужжатларни расмийлаштириш жараёни
СХЕМАСИ
|
Субъектлар |
Тадбирлар |
Муддатлар | ||||
|
|
||||||
|
1-босқич |
Йўл ҳаракати хавфсизлиги хизмати бўлинмалари |
Танловга қўйиладиган ҳудудлар рўйхатини шакллантиради, лот талаблари, танлов предметини ахборот тизимига киритади ва бу ҳақда оммавий ахборот воситалари орқали эълон беради. |
Танлов ўтказилишидан камида 30 кун олдин | |||
|
|
||||||
|
2-босқич |
Ариза берувчи |
1. Йўл ҳаракати хавфсизлиги хизматининг Ягона автоматлаштирилган ахборот тизими орқали рўйхатдан ўтади. 2. Электрон шаклдаги сўровномани тўлдиради (зарур ҳужжатларнинг электрон шаклини илова қилган ҳолда) ҳамда ўз электрон рақамли имзоси билан тасдиқлайди. |
Танлов эълон қилингандан сўнг 15 кун ичида | |||
|
|
||||||
|
3-босқич |
Ягона автоматлаштирилган ахборот тизими |
Сўровномани тегишли Йўл ҳаракати хавфсизлиги хизматига жўнатилади. |
Автоматик равишда | |||
|
|
||||||
|
4-босқич |
Ягона автоматлаштирилган ахборот тизими |
1. Танлов қатнашчилари томонидан танлов бўйича келиб тушган таклифлар ахборот тизими орқали баҳоланади. 2. Танлов бўйича таклифларни баҳолаш ҳар бир қатнашчи бўйича аниқланади. Энг кўп балл тўплаган қатнашчи танлов ғолиби деб эътироф этилади. |
15 кун ичида | |||
|
|
||||||
|
5-босқич |
Ягона автоматлаштирилган ахборот тизими |
Танлов натижалари бўйича маълумотлар танлов ўтказилган куниёқ ваколатли органнинг расмий веб-сайтида эълон қилинади. |
Дарҳол | |||
|
|
||||||
|
6-босқич |
?збекистон Республикаси Ички ишлар вазирлиги |
Танлов ғолиби билан транспорт воситаларини сақлаш хизматларини кўрсатиш юзасидан шартнома тузади. |
10 йил муддатга | |||
|
|
||||||
|
Шартноманинг амал қилиш муддати тугашидан камида олтмиш кун олдин ҳудуд бўйича қайта эълон беради. |
60 кун олдин | |||||
|
|
(2-илова Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Вазирлар Маҳкамасининг 2011 йил 25 майдаги 149-сон қарорига
3-ИЛОВА
3-ИЛОВА
Қонун ҳужжатлари бузилганлиги учун ушланган транспорт воситаларини сақлаш хизматлари кўрсатиш бўйича фаолиятни амалга ошириш тартиби тўғрисида
НИЗОМ
I. Умумий қоидалар
1. Ушбу Низом юридик шахслар томонидан қонун ҳужжатлари бузилганлиги учун ушланган транспорт воситаларини (кейинги ўринларда транспорт воситалари деб аталади) сақлаш хизматлари кўрсатиш бўйича фаолиятни белгиланган тартибда амалга ошириш тартибини белгилайди.
II. Транспорт воситаларини сақлаш хизматлари кўрсатиш бўйича фаолиятни ташкил этиш ва амалга ошириш тартиби
Олдинги таҳрирга қаранг.
2. Транспорт воситаларини сақлаш хизматлари транспорт воситаларини сақлаш хизматларини кўрсатиш учун қонунчиликда берилган ер участкасини олган ва белгиланган тартибда танлаб олинган юридик шахслар томонидан кўрсатилади.
(2-банд Ўзбекистон Республикаси Вазирлар Маҳкамасининг 2022 йил 8 июлдаги 375-сонли қарори таҳририда — Қонунчилик маълумотлари миллий базаси, 08.07.2022 й., 09/22/375/0618-сон)
3. Ушбу Низомнинг 2-бандида кўрсатилган масалалар бўйича қарорлар ушбу Низом талаблари ҳисобга олинган ҳолда юридик шахснинг аризаси асосида маҳаллий давлат ҳокимияти органлари томонидан қонун ҳужжатларида белгиланган тартибда қабул қилинади.
Олдинги таҳрирга қаранг.
(4-банд Ўзбекистон Республикаси Вазирлар Маҳкамасининг 2022 йил 8 июлдаги 375-сонли қарорига асосан ўз кучини йўқотган — Қонунчилик маълумотлари миллий базаси, 08.07.2022 й., 09/22/375/0618-сон)
5. Транспорт воситаларини сақлаш жойлари транспорт воситаларини сақлаш учун мўлжалланган тўхташ жойларини жойлаштириш ва жиҳозлашга қўйиладиган техник шартлар талабларига, шу жумладан қуйидаги талабларга жавоб бериши керак:
Олдинги таҳрирга қаранг.
а) қаттиқ қоплама, кузатув камералари, ёритиш, ахлат тўплаш учун контейнерлар, сувни тиндирадиган ёмғир канализацияси, ёнғинга қарши воситалар мавжудлиги;
(5-банднинг «а» кичик банди Ўзбекистон Республикаси Вазирлар Маҳкамасининг 2023 йил 11 августдаги 358-сонли қарори таҳририда — Қонунчилик маълумотлари миллий базаси, 17.08.2023 й., 09/23/358/0620-сон)
Кейинги таҳрирга қаранг.
б) ҳудудга кириш ва ундан чиқиш учун махсус ажратилган жойлар мавжудлиги. Кириш (чиқиш) жойлари йўл ҳаракати хавфсизлиги талабларини таъминлаш ҳисобга олинган ҳолда ажратилиши керак;
в) ҳудуд 2 метрдан паст бўлмаган темир-бетон (металл, ғишт, шлакоблок) девор билан ўралган бўлиши керак. Ўралган ҳудудда 50 та ва ундан ортиқ транспорт воситасини сақлаш назарда тутилган тўхташ жойи, камида иккита кириш (чиқиш) йўллари бўлиши керак. Ўралган деворда дарвозаларнинг кенглиги камида 4,5 метр бўлиши керак;
г) агар ҳудуд бир неча қаторга жойлаштириладиган транспорт воситаларини сақлаш имконини берса, у ҳолда ҳудуд ичида транспорт воситаларининг хавфсиз ҳаракатланиши учун полосалар ажратилиши керак;
д) кириш (чиқиш)нинг ажратилган жойига назоратчи кассирнинг хонаси туташган бўлиши керак, у ерда кўринарли жойда ташқи томонга ушланган транспорт воситаларини сақлаш хизматлари кўрсатишнинг тарифлари ва шартлари тўғрисида йирик ҳарфларда (ҳарфларнинг катталиги камида 3 см бўлиши керак) маълумот жойлаштирилади;
Олдинги таҳрирга қаранг.
е) ногиронлиги бўлган шахслар учун махсус жиҳозланган транспорт воситалари учун камида иккита тўхташ жойи мавжудлиги;
(5-банднинг «е» кичик банди Ўзбекистон Республикаси Вазирлар Маҳкамасининг 2022 йил 8 февралдаги 62-сонли қарори таҳририда — Қонунчилик маълумотлари миллий базаси, 08.02.2022 й., 09/22/62/0111-сон)
ж) битта транспорт воситасининг тўхташ жойи учун ҳисобланган майдон 20 кв метрга тенг деб қабул қилинади;
з) тўхташ жойи ҳудудида хизмат кўрсатувчи ходимлар, қўриқлаш ходимлари учун хоналар бўлиши ва у бегона шахсларнинг киришига имкон бермайдиган ҳолда тўсилиши керак;
и) бинолар ва сақланаётган транспорт воситалари ўртасидаги ёнғинга қарши оралиқ лойиҳалаштириш нормалари талабларига мувофиқ, бироқ камида 6 метр бўлиши керак;
к) ушланган транспорт воситаларини тўхташ жойи ҳудудида жойлаштириш ҳар бир сақланаётган транспорт воситасига махсус техниканинг кириб бориши ва ёнғин гидрантларига ёнғин автомобилларининг яқинлашиши имконияти ҳисобга олинган ҳолда амалга оширилади, бунда асосий ўтиш жойларининг кенглиги камида 4 метр бўлиши керак. Боши берк йўлларнинг охирида 12 х 12 метр ўлчамли айланиб олиш майдончаси бўлиши керак;
л) ёнғинга қарши ташқи сув таъминоти тизими билан таъминланган аҳоли пунктларида тўхташ жойидан ёнғин гидрантигача бўлган энг узоқ масофа 150 метрдан ортиқ бўлмаслиги керак. Тўхташ жойи сувсиз туманда жойлаштирилган тақдирда унинг ҳудудида камида 54 куб метр ҳажмли ёнғинга қарши ҳовуз бўлиши керак. Ёнғинга қарши шчитлар ва ёнғин ўчиришнинг бирламчи воситалари сони ёнғин хавфсизлиги қоидаларига мувофиқ бўлиши керак;
м) тўхташ жойлари ҳудудида жойлашган ва қўриқлаш постларини жойлаштириш, келувчиларни қабул қилиш, ҳужжатларни расмийлаштириш ва тўлов учун мўлжалланган бинолар ва иншоотлар телефон алоқаси, ички ишлар органлари нарядларини тез чақириш кнопкаси билан таъминланган, ёнғинни ўчиришнинг бирламчи воситалари норматив сони билан жиҳозланган, сунъий ёритилган бўлиши керак;
н) тўхташ жойлари ҳудудида ёнғин гидрантларининг жойлашиш жойи ЎзДС бўйича ёритувчи кўрсаткичлар билан таъминланади ва транспорт воситасини қудуқ олдида ва қудуқнинг ҳар икки томонида 1,5 метр масофада ёнғин гидранти қудуғи люки устида жойлаштиришга тўсқинлик қиладиган 15 см баландликдаги бордюр билан тўсилади;
о) тўхташ жойи ҳар бир 10 транспорт воситасига 1 трос (буксир) ҳисобидан эвакуаторлар, тортиш трослари (юк транспорт воситалари сақланган тақдирда қаттиқ шатаклар) билан жиҳозланади.
6. Тўхташ жойида:
ҳудудга бегона шахсларни қўйиш;
транспорт воситаларини уларни жойлаштириш режасини бузган ҳолда тўхташ жойларининг ҳисобланган сонидан ортиқча қабул қилиш ва жойлаштириш, транспорт воситалари ўртасидаги масофани камайтириш;
чиқиш дарвозаларини ва ўтиш йўлларини тиқилинч қилиб қўйиш;
бирор-бир ўт оладиган ва таъмирлаш ишларини бажариш, эшиклар ва двигателларни муздан тозалаш учун очиқ оловдан фойдаланиш, енгил алангаланадиган ва ёнувчи суюқликларни сақлаш ва улардан фойдаланиш;
транспорт воситаларини ёнилғи бакларини оғзи очиқ ҳолда сақлаш тақиқланади.
7. Транспорт воситаларини сақлаш хизматлари кўрсатувчи юридик шахслар ушланган транспорт воситасини сақлаш жойига ўз вақтида олиб келишни таъминлаш учун махсус техник воситалар (эвакуаторлар, шатакка тортиш трослари, қаттиқ шатаклар)нинг етарлича сонига эга бўлиши керак.
8. Транспорт воситаларини сақлаш хизматлари кўрсатувчи юридик шахслар фискал хотирага эга бўлган назорат-касса машинасига ва пластик карточкалардан тўловларни қабул қиладиган ҳисоб-китоб терминалига эга бўлиши керак.
Транспорт воситаларини сақлаш бўйича кўрсатиладиган хизматлар, шунингдек уларни ташиш (эвакуация қилиш) харажатлари учун ҳақ тўлаш кўрсатилган хизматларни кўрсатувчи юридик шахс томонидан тасдиқланган, бироқ Ўзбекистон Республикаси Молия вазирлиги билан келишган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланадиган чекланган миқдорлардан юқори бўлмаган тарифлар бўйича амалга оширилади.
9. Транспорт воситаларини сақлаш бўйича кўрсатилган хизматлар, шунингдек уларни ташиш (эвакуация қилиш) харажатлари ҳисоб-китоби ҳар бир тўлиқ соат учун амалда сақланган муддатдан ва ташиш (эвакуация қилиш) бўйича сарфланган харажатлардан келиб чиқиб назорат-касса машинаси ёки ҳисоб-китоб терминали чеки мажбурий берилган ҳолда транспорт воситаси ҳудуддан чиқаётганда амалга оширилади.
10. Транспорт воситаларини сақлаш бўйича кўрсатилган хизматлар учун, шунингдек уларни ташиш (эвакуация қилиш) сарфлари учун ҳақ тўлаш ҳам нақд пул билан, ҳам пластик карточкалардан фойдаланган ҳолда нақд пулсиз ҳисоб-китоб шаклида амалга оширилади.
III. Якунловчи қоидалар
11. Транспорт воситаларини сақлаш хизматлари кўрсатиш билан шуғулланувчи юридик шахсларга солиқ солиш Ўзбекистон Республикасининг Солиқ кодексида белгиланган тартибда амалга оширилади.
Кейинги таҳрирга қаранг.
12. Транспорт воситаларини тўхташ жойига олиб келиш ва сақлаш бўйича хизматлар кўрсатувчи юридик шахслар санитария ва ёнғинга қарши қоидаларга риоя қилиниши, транспорт воситалари тўхташ жойига ва сақлаш учун олиб келиниши вақтида сақланиши (ўғирлик, комплектларнинг бут бўлмаслиги ва шикастланиши), шунингдек транспорт воситаси салонидаги шахсий буюмлар сақланиши учун қонун ҳужжатларида белгиланган тартибда жавоб берадилар.
13. Транспорт воситаларини олиб келиш ва сақлаш бўйича хизматлар кўрсатувчи юридик шахс:
табиий офатлар (зилзила, довул, сув тошқини ва ҳоказолар) вақтида транспорт воситалари шикастланганлиги;
транспорт воситалари уларни сақлаш бўйича хизматлар кўрсатиладиган ҳудуддан чиққандан кейин берилган транспорт воситаларини сақлашга тегишли даъволар учун жавоб бермайди.
14. Ушбу Низом талабларини бузишда айбдор бўлган шахслар қонун ҳужжатларига мувофиқ жавоб берадилар.
LexUZ шарҳиҚаранг: Ўзбекистон Республикасининг Маъмурий жавобгарлик тўғрисидаги кодексининг XI-боби (Транспортдаги, йўл хўжалиги ва алоқа соҳаларидаги ҳуқуқбузарликлар учун маъмурий жавобгарлик).
15. Ушбу Низом талабларига риоя қилиниши устидан назорат қилиш ишларини умумий мувофиқлаштириш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан амалга оширилади.
(Ўзбекистон Республикаси қонун ҳужжатлари тўплами, 2011 й., 20-21-сон, 207-модда; 2013 й., 37-сон, 485-модда; 2017 й., 33-сон, 863-модда; Қонун ҳужжатлари маълумотлари миллий базаси, 20.06.2019 й., 09/19/498/3310-сон, 11.08.2019 й., 09/19/661/3571-сон, 20.12.2019 й., 09/19/1014/4173-сон; Қонунчилик маълумотлари миллий базаси, 08.02.2022 й., 09/22/62/0111-сон; 08.07.2022 й., 09/22/375/0618-сон; 17.08.2023 й., 09/23/358/0620-сон; 06.07.2026 й., 09/26/358/0693-сон)
