|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
ФРАНЦИЯНИНГ «АКТИНИ» ФИРМАСИНИНГ ҚАТТИҚ ПИШЛОҚ ИШЛАБ ЧИҚАРУВЧИ ТЕХНОЛОГИЯ ЛИНИЯЛАРИНИ СОТИБ ОЛИШ ТЎҒРИСИДА
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Республика аҳолисини юқори сифатли озиқ-овқат маҳсулотлари билан таъминлаш, шунингдек, сут саноати корхоналарини реконструкция қилиш мақсадида Вазирлар Маҳкамаси қарор қилади:
1. «Ўзгўштсутсаноат» давлат уюшмасининг Франциянинг «Актини» фирмасининг умумий қиймати 6334,5 минг Франция франки бўлган қаттиқ пишлоқ ишлаб чиқарувчи олтита технология линиясини сотиб олиш тўғрисидаги таклифи қабул қилинсин.
2. Контрактни маблағ билан таъминлаш қуйидаги тартибда:
948.7 минг Франция франки суммасидаги 15 фоизи — «Ўзгўштсутсаноат» давлат уюшмаси корхоналари маблағлари ҳисобидан;
5375.8 минг Франция франки суммасидаги 85 фоизи — «Кофас» (Франция) суғурта жамияти қопламаси остида Франция банкининг қайта молияланган маблағлари — Ўзбекистон Республикаси Ташқи иқтисодий фаолият миллий банкининг кредити ҳисобидан амалга оширилиши маълумот учун қабул қилинсин.
3. Белгилансинки:
Ўзбекистон Республикаси Ташқи иқтисодий фаолият миллий банки томонидан берилган кредитни қайтариш кредит битими шартларига мувофиқ «Ўзгўштсутсаноат» давлат уюшмаси томонидан жамланадиган «Шаҳрисабзсут», «Намангансут», «Фарғонасут», «Термизсут», «Урганчсут» ва «Бухоросут» акциядорлик жамиятларининг ўз маблағлари ҳисобидан иловага мувофиқ амалга оширилади;
ишлаб чиқариш биноларини реконструкция қилиш ва мукаммал тузатиш билан боғлиқ сарф-харажатлар уюшма корхоналарининг ўз маблағлари ҳисобидан амалга оширилади.
5. Ўзбекистон Республикаси Ташқи иқтисодий фаолият миллий банки икки ой муддатда «Кофас» суғурта жамияти қопламаси остида Франция банки билан кредит битими тузилишини таъминласин ва кредит «Ўзгўштсутсаноат» давлат уюшмасига ўз вақтида қайта молияланишини таъминласин.
6. Ўзбекистон Республикаси Молия вазирига қаттиқ пишлоқ ишлаб чиқарувчи олтита технология линиясини сотиб олишни маблағ билан таъминлаш бўйича кредит юзасидан Ташқи иқтисодий фаолият миллий банкига бериладиган Ўзбекистон Республикаси Ҳукуматининг кафолатини имзолаш ваколати берилсин.
7. Ўзбекистон Республикаси Ташқи ишлар вазирлиги «Ўзгўштсутсаноат» давлат уюшмасининг буюртманомаси бўйича мазкур контрактни амалга оширишда банд бўлган хорижий мутахассисларга консуллик ва бошқа турдаги йиғимларни ундирмасдан кўп марталик визалар берилишини таъминласин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З. Усмонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 15 апрель,
190-сон
Вазирлар Маҳкамасининг 1997 йил 15 апрелдаги 190-сон қарорига
ИЛОВА
ИЛОВА
Франциянинг «Актини» фирмасининг қаттиқ пишлоқ ишлаб чиқарувчи технология линияларини сотиб олишни маблағ билан таъминлаш учун олинган кредитни узиш
ЖАДВАЛИ
| Контракт суммаси — 6324,5 минг Франция франки | | | |||||
| Кредит суммаси (85%) — 5375,8 минг Франция франки | | | |||||
| Фоиз ставкаси *— Пибор +3 фоиз | | | |||||
|
(минг Франция франки) | |||||||
| | 1997 йил | 1998 йил | 1999 йил | 2000 йил | 2001 йил | 2002 йил | Жами |
| Асосий қарз | 537,6 | 1075,2 | 1075,2 | 1075,2 | 1075,2 | 537,6 | 5376,0 |
| Фоизлар | 83,3 | 282,6 | 216,0 | 150,0 | 83,0 | 16,6 | 831,5 |
| Воситачилик ҳақи | 53,7 | 0,0 | 0,0 | 0,0 | 0,0 | 0,0 | 53,7 |
| Ҳаммаси: * | 674,6 | 1357,8 | 1291,2 | 1225,2 | 1158,2 | 554,2 | 6261,2 |
* Ҳақиқий тўлов санаси ва фоизлар суммаси амалда ускуналарнинг жўнатилиши ва бажарилган ишларига қараб аниқланади.
