|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИНИНГ КРЕДИТГА ҚОБИЛИЯТЛИЛИКНИНГ МУСТАҚИЛ РЕЙТИНГИНИ ОЛИШИГА ДОИР ТАДБИРЛАР ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистоннинг халқаро обрў-эътиборини ошириш ва барча жаҳон молия ташкилотлари ҳамда чет эл инвесторларига мамлакатнинг молиявий барқарорлиги тўғрисида эътиборли ахборот тақдим этиш, Ўзбекистонга инвестицияларни жалб қилиш ва инвесторларнинг кенг доираси билан узоқ муддатли алоқалар ўрнатиш мақсадида Вазирлар Маҳкамаси қарор қилади:
1. Ўзбекистон Республикасининг мустақил халқаро рейтинг агентликларида кредитга қобилиятлиликнинг мустақил рейтингини олиши мақсадга мувофиқ деб ҳисоблансин.
2. Ўзбекистон Республикаси Молия вазирлиги, Марказий банки, Давлат мулки қўмитаси ва Ташқи иқтисодий фаолият миллий банкининг молиявий маслаҳатчи сифатида хизматлар кўрсатиш ҳамда Ўзбекистон Республикаси томонидан кредитга қобилиятлиликнинг мустақил рейтингининг олиниши масаласида кўмаклашиш учун етакчи хорижий банклар Джи Пи Морган ва Чейз Манхэттен таркибидан синдикат танлаш таклифига розилик берилсин.
3. Ўзбекистон Республикасининг кредитга қобилиятлиликнинг мамлакат рейтингини олишини ташкил этиш бўйича ишчи гуруҳи иловага мувофиқ тасдиқлансин.
4. Ўзбекистон Республикаси Ташқи иқтисодий фаолият миллий банкининг кредитга қобилиятлиликнинг халқаро рейтингини олишига розилик берилсин.
5. Ўзбекистон Республикасининг кредитга қобилиятлилик мамлакат рейтингини ва Ташқи иқтисодий фаолият миллий банкининг кредитга қобилиятлилик рейтингини олишига доир харажатлар тегишли равишда Ўзбекистон Республикаси давлат бюджети ва Ташқи иқтисодий фаолият миллий банки маблағлари ҳисобидан амалга оширилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.С.Ҳамидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 23 январь,
46-сон
Вазирлар Маҳкамасининг 1997 йил 23 январдаги 46-сон қарорига
ИЛОВА
ИЛОВА
Ўзбекистон Республикасининг кредитга қобилиятлиликнинг мамлакат рейтингини олишини ташкил этиш бўйича ишчи гуруҳ
ТАРКИБИ
| Ҳамидов Б. С. | — | Бош вазир ўринбосари, ишчи гуруҳ раиси |
| Азимов Р.С. | — | Ташқи иқтисодий фаолият миллий банки бошқарувининг раиси, ишчи гуруҳ раисининг ўринбосари |
| Абдуқодиров А. М | — | Давлат мулки қўмитаси раисининг биринчи ўринбосари, ишчи гуруҳ раисининг ўринбосари |
| Гуськова Т.Н. | — | Молия вазирининг биринчи ўринбосари |
| Муҳидов А. А. | — | Вазирлар Маҳкамасининг Ташқи иқтисодий фаолиятни мувофиқлаштириш Департаменти бошлиғи |
| Қўчқоров Д. А. | — | Марказий банк бошқаруви раисининг ўринбосари |
| Халилов Б. | — | «Ўзистиқболстат» давлат қўмитаси раисининг ўринбосари |
| Расулов А. Х. | — | Қимматли қоғозлар бозори фаолиятини мувофиқлаштириш ва назорат қилиш маркази бош директорининг ўринбосари, ишчи гуруҳ масъул котиби |
