|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
АВСТРИЯ РЕСПУБЛИКАСИ БИЛАН ЯҚИН ИСТИҚБОЛДАГИ ҲАМКОРЛИКНИ ЯНАДА РИВОЖЛАНТИРИШ ЧОРА-ТАДБИРЛАРИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Ташқи ишлар вазирлиги делегациясининг Австрияга 2008 йил 12 мартдаги ташрифи давомида Ўзбекистон Республикаси Ташқи ишлар вазирлиги ҳамда Австрия Республикаси Ташқи ишлар вазирлиги ўртасида эришилган аҳдлашувларни тўлиқ кўламда ва ўз вақтида амалга оширилишини таъминлаш мақсадида Вазирлар Маҳкамаси қарор қилади:
1. Ўзбекистон Республикаси билан Австрия Республикаси ўртасида яқин истиқболдаги ҳамкорликни янада ривожлантириш тадбирлари режаси (кейинги ўринларда Тадбирлар режаси деб аталади) иловага мувофиқ тасдиқлансин.
2. Вазирликлар ва идораларнинг Тадбирлар режасини бажариш бўйича фаолиятини мувофиқлаштириш Ўзбекистон Республикаси Ташқи ишлар вазирлигига юклансин.
3. Вазирликлар ва идоралар раҳбарлари Тадбирлар режасида назарда тутилган бандларнинг ўз вақтида ва сифатли бажарилишини таъминласинлар, уларнинг амалга оширилиши тўғрисида ҳар чоракда Ўзбекистон Республикаси Вазирлар Маҳкамасига ахборот тақдим этсинлар.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С.Азимов зиммасига юклансин.
Ўзбекистон Республикаси Бош вазири Ш. МИРЗИЁЕВ
Тошкент ш.,
2008 йил 18 апрель,
72-сон
Ўзбекистон Республикаси билан Австрия Республикаси ўртасида яқин истиқболдаги ҳамкорликни янада ривожлантириш
тадбирлари режаси
Олдинги таҳрирга қаранг.
| Т/р | Мақсад | Тадбирлар | Муддатлари | Бажарувчилар |
| I. Сиёсий соҳа | ||||
| 1. | Сиёсий-дипломатик муносабатларни фаоллаштириш |
1.1. Тошкентда Ўзбекистон Республикаси ва Австрия Ташқи ишлар вазирликлари ўртасида сиёсий маслаҳатлашувларнинг навбатдаги раундини ўтказиш |
2009 йил | Ташқи ишлар вазирлиги |
| II. Иқтисодий муносабатлар соҳаси | ||||
| 2. |
Савдо-иқтисодий ва инвестиция соҳасидаги ҳамкорликни ривожлантириш |
2.1. Венада Савдо-иқтисодий ҳамкорлик бўйича Ўзбекистон-Австрия қўшма комиссиясининг тўртинчи йиғилишини ўтказиш |
2008 йил июль | Ташқи иқтисодий алоқалар, инвестициялар ва савдо вазирлиги, Иқтисодиёт вазирлиги, манфаатдор вазирликлар ва идоралар |
| 2.2. Иқтисодиёт ва меҳнат федерал вазири бошчилигидаги Австрия ишбилармон доиралари делегациясининг Ўзбекистонга ташрифини ташкил этиш | 2008 йил II ярим йиллик | Ташқи иқтисодий алоқалар, инвестициялар ва савдо вазирлиги, Савдо-саноат палатаси, манфаатдор вазирликлар ва идоралар | ||
| III. Маданий-гуманитар ҳамкорлик | ||||
| 3. |
Туристик қўшма чартер рейслар ташкил этиш ҳамда Ўзбекистон вакилларини Австрия ўқув юртларида ўқитиш йўли билан туризм соҳасидаги ҳамкорликни ривожлантириш |
3.1. Ўзбекистон ва Австрия авиация маъмурлари ўртасида ҳамкорлик ўрнатиш, иккала мамлакат ўртасида тўғридан-тўғри ҳаво алоқаси ўрнатиш масалаларини ўрганиш, шунингдек туристик қўшма чартер рейслар ташкил этиш |
2008-2009 йиллар | «Ўзбекистон ҳаво йўллари» миллий авиакомпанияси, «Ўзбектуризм» миллий компанияси |
| 3.2. Ўзбекистон вакилларини Вена ва Зальцбург туризм ва меҳмонхона хўжалиги институтларида ўқитишни ташкил этиш | 2008-2009 йиллар | «Ўзбектуризм» миллий компанияси, Ташқи ишлар вазирлиги | ||
| 3.3. Ўзбекистон Республикаси Фанлар академияси билан Австрия Фанлар академияси ўртасида ҳамкорлик тўғрисидаги битимни имзолаш | 2008 йил | Фанлар академияси | ||
| 3.4. Ўзбекистонда археология экспедициясини, Ўзбекистон ҳудудида топилган қадимий тангалар каталогини чиқаришни ташкил этиш, Ўзбекистон Республикаси Шарқшунослик институти коллекциясидан энг ноёб қўлёзмалар нашрини тайёрлаш | 2008 йил | Фанлар академияси, «Маданият ва санъат форуми» фонди | ||
| 3.5. Австрия университетларининг «АКН» ва «LKH» клиникаларида Австрия томони ҳисобига Ўзбекистон врачларининг стажировкасини ташкил этиш | 2008-2009 йиллар | Соғлиқни сақлаш вазирлиги, Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси | ||
| 3.6. Австрия ва Ўзбекистон жамоат ташкилотлари ўртасида маданият ва хайрия соҳасидаги шериклик алоқаларини ўрнатиш | 2008-2009 йиллар | «Маданият ва санъат форуми» фонди | ||
| 3.7. Қўшма тадбирларни, шу жумладан Австрияда «Ўзбекистон фотографияси – 125 йил» кўргазмасини, Ўзбекистон вакилларининг ўқув, тажриба алмашиш ва стажировка дастурларида, шу жумладан Ўзбекистонлик тасвирий ва амалий санъат усталари учун ихтисослаштирилган дастурларда иштирокини ташкил этиш | 2008-2009 йиллар | «Маданият ва санъат форуми» фонди | ||
| 3.8. «Ёшлар йили» давлат дастури доирасида Ўзбекистонда соғлом оналик ва болалик соҳасида лойиҳани амалга ошириш учун Австриянинг тегишли ташкилотларини жалб этиш | 2008 йил | Соғлиқни сақлаш вазирлиги, Ижтимоий ташаббусларни қўллаб-қувватлаш жамғармаси (ФОПСИ) | ||
| 3.9. Аҳолини ижтимоий муҳофаза қилиш ва махсус таълим соҳасида ҳамкорликни йўлга қўйиш | 2008-2009 йиллар | Меҳнат ва аҳолини ижтимоий муҳофаза қилиш вазирлиги, Олий ва ўрта махсус таълим вазирлиги, Ижтимоий ташаббусларни қўллаб-қувватлаш жамғармаси (ФОПСИ) | ||
| 3.10. 2009 йилда Ўзбекистонда Австрия туристик компаниялари конгрессини ташкил этиш | 2009 йил | «Ўзбектуризм» МК, «Маданият ва санъат форуми» фонди | ||
| 3.11. Австриянинг Пенсионерлар уюшмаси билан пенсия ёшидаги кишилар учун туризм соҳасида ҳамкорликни йўлга қўйиш | 2008-2009 йиллар | «Ўзбектуризм» МК, «Маданият ва санъат форуми» фонди | ||
(илованинг III бўлими Ўзбекистон Республикаси Вазирлар Маҳкамасининг 2008 йил 16 майдаги 98-сонли қарори таҳририда)
