ПҚ-1115-сон 21.05.2009. ХХР Эксимбанки иштирокида «Тошкент шаҳрининг ташқи электр таъминоти объектларини қуриш» лойиҳасини амалга ошириш чора-тадбирлари тўғрисида

Норасмий таржима

Ўзбекистон Республикаси Президентининг

Қарори

ХХР Эксимбанки иштирокида «Тошкент шаҳрининг ташқи электр таъминоти объектларини қуриш» лойиҳасини амалга ошириш чора-тадбирлари тўғрисида

Тошкент шаҳридаги корхоналар, объектлар ва аҳолини электр билан таъминлашнинг ишончлилигини ошириш, шунингдек, Хитой Халқ Республикаси (ХХР) Ҳукумати томонидан Шанхай ҳамкорлик ташкилотига аъзо мамлакатларга тақдим этилаётган маблағлардан фойдаланган ҳолда инвестиция лойиҳаларини ўз вақтида амалга ошириш мақсадида:

1. Танлов асосида танлаб олинган «Xian Electric Engineer Co. Ltd» компанияси билан бирга «Тошкент шаҳрининг ташқи электр таъминоти объектларини қуриш (ВЛ 220 кВга боғламалари билан «Келес» 220 кВ ПС, 110 кВ кабель линияси билан ПП 110 кВ «Навоий» ва ПС 110 кВ «Сайилгоҳ»)» лойиҳасини амалга ошириш доирасида 27 742,0 минг АҚШ доллари қийматидаги электр ускуналари ва материаллар етказиб бериш бўйича контракт имзолангани маълумот учун қабул қилинсин.

2. Белгилансинки, чекланган қиймати 59 166,94 минг АҚШ доллари эквивалентига тенг бўлган «Тошкент шаҳрининг ташқи электр таъминоти объектларини қуриш» лойиҳасини молиялаштириш қуйидагилар ҳисобидан амалга оширилади:

қиймати 32 812,04 минг АҚШ доллари эквивалентига тенг бўлган «Ўзбекэнерго» ДАКнинг ўз маблағлари;

ХХР Эксимбанкининг 5 йиллик имтиёзли давр билан 20 йил муддатга тақдим этилган, «Ўзсаноатқурилишбанк» АК орқали қайта молиялаштириладиган, қайта молиялаштирувчи банкнинг 0,2 фоизлик маржаси билан йиллик фоиз ставкаси 2 фоиз бўлган 26 354,9 минг АҚШ доллари миқдоридаги қарз маблағлари.

3. «Ўзбекэнерго» ДАК ХХР Эксимбанкининг қарз маблағларидан мақсадли ва самарали фойдаланиш ҳамда лойиҳани амалга ошириш учун масъул ижрочи орган ва қарз олувчи этиб белгилансин.

Кредитларни сўндириш ва улар бўйича фоизларни тўлаш билан боғлиқ харажатлар «Ўзбекэнерго» ДАКнинг валюта маблағлари ҳисобидан амалга оширилади.

Ускуналарнинг якуний қиймати «Ўзстандарт» агентлигида аккредитациядан ўтган консалтинг компания томонидан уларни юклаб жўнатиш вақтида аниқланади.

4. Қуйидагилар:

объектларни 2009 йил декабрь ойида фойдаланишга топширган ҳолда, лойиҳанинг техник-иқтисодий асосланиши асосий техник-иқтисодий кўрсаткичлари билан бирга 1-иловага мувофиқ;

ХХР Эксимбанки кредитини сўндириш, лойиҳа бўйича фоизлар ва воситачилик тўловларини тўлаш жадвали 2-иловага мувофиқ тасдиқлансин.

5. «Ўзсаноатқурилишбанк» АК ХХР Эксимбанки билан қарз шартномасини ва «Ўзбекэнерго» ДАК билан ХХР Эксимбанки қарз маблағларини қайта молиялаштириш бўйича кредит шартномасини тузсин.

6. Ўзбекистон Республикаси молия вазирига «Ўзсаноатқурилишбанк» АКнинг ХХР Эксимбанки олдидаги тўлов мажбуриятлари бўйича Ўзбекистон Республикаси Ҳукумати номидан белгиланган тартибда кафолат бериш ваколати тақдим этилсин.

Ўзбекистон Республикаси Адлия вазирлиги белгиланган тартибда қарз шартномасида назарда тутилган шаклга мувофиқ Ўзбекистон Республикасининг кафолати бўйича юридик хулоса берсин.

7. «Ўзбекэнерго» ДАК ва «Ўзсаноатқурилишбанк» АК Ўзбекистон Республикаси Иқтисодиёт вазирлиги ва Молия вазирлиги билан биргаликда бир ой муддатда ХХР Эксимбанки қарз маблағларига ўз вақтида хизмат кўрсатишни таъминловчи маблағларни жамлаш ҳамда қайтариш тартиби тўғрисидаги низомни ишлаб чиқиб, белгиланган тартибда тасдиқласин.

8. Лойиҳани амалга ошириш даврида қуйидагилар:

мазкур лойиҳа доирасида ХХР Эксимбанки маблағлари ҳисобидан харид қилинадиган ва Ўзбекистон Республикаси Вазирлар Маҳкамаси тасдиқлайдиган рўйхатлар асосида «Ўзбекэнерго» ДАК томонидан олиб кириладиган ускуналар ва материаллар божхона тўловларидан (божхона расмийлаштируви учун йиғимлар бундан мустасно);

мазкур лойиҳа доирасида «Ўзбекэнерго» ДАК ва унинг корхоналари томонидан харид қилинадиган товарлар (ишлар, хизматлар) қўшимча қиймат солиғи ҳамда давлат мақсадли жамғармаларига ва Таълим муассасаларини реконструкция қилиш, мукаммал таъмирлаш ва жиҳозлаш жамғармасига ўтказиладиган мажбурий ажратмалардан озод қилинсин.

9. Ўзбекистон Республикаси Ташқи ишлар вазирлиги «Ўзбекэнерго» ДАКнинг буюртманомаларига асосан ушбу лойиҳани амалга оширишда иштирок этадиган хорижий мутахассисларга кириш визалари расмийлаштирилишини белгиланган тартибда таъминласин.

10. Ўзбекистон Республикаси Ички ишлар вазирлиги «Ўзбекэнерго» ДАК буюртманомаларига биноан, ушбу лойиҳани амалга оширишда иштирок этадиган хорижий мутахассисларга кириш визаларининг берилиши ва муддати узайтирилишини, шунингдек, уларнинг вақтинчалик рўйхатдан ўтказилиши ва муддати узайтирилишини давлат божлари тўлашдан озод қилган ҳолда таъминласин.

11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Э.Р. Шоисматов зиммасига юклансин.

Ўзбекистон Республикаси Президенти И. КАРИМОВ

Тошкент ш.,

2009 йил 21 май,

ПҚ-1115-сон

Ўзбекистон Республикаси Президентининг 2009 йил 21 майдаги ПҚ-1115-сон қарорига
1-ИЛОВА

«Тошкент шаҳрининг ташқи электр таъминоти объектларини қуриш» (ВЛ 220 кВга боғламалари билан «Келес» 220 кВ ПС, 110 кВ кабель линияси билан ПП 110 кВ «Навоий» ва ПС 110 кВ «Сайилгоҳ») лойиҳаси ТИАсининг

АСОСИЙ ТЕХНИК-ИҚТИСОДИЙ КЎРСАТКИЧЛАРИ

Т/р	Кўрсаткич номи	Ўлчов бирлиги	Жами	шу жумладан:
Т/р	Кўрсаткич номи	Ўлчов бирлиги	Жами	«Ўзбекэнерго» ДАКнинг ўз маблағлари ҳисобидан	ХХР Эксимбанки ҳисобидан
1.	Лойиҳанинг чекланган қиймати*	минг АҚШ доллари	59 166,94	32 812,04	26 354,9
2.	Капитал қўйилмаларнинг чекланган миқдори, жами	минг АҚШ доллари	52 372,79	26 017,89	26 354,9
	шу жумладан:
2.1.	машиналар ва ускуналар, ЭКВда	минг АҚШ доллари	23 344,00	1 387,10	21 956,9
2.2.	қурилиш-монтаж ишлари	минг АҚШ доллари эквивалентида	27 171,17	22 773,17	4398,0
2.3.	инвестиция давридаги молиявий чиқимлар	минг АҚШ доллари эквивалентида	1 051,67	1 051,67	—
2.4.	буюртмачининг бошқа харажатлари, миллий валютада	минг АҚШ доллари эквивалентида	805,96	805,96	—
2.5.	Мавжуд асосий фондларнинг қиймати	минг АҚШ доллари эквивалентида	6 794,14	6 794,14	—
3.	Ишга тушириладиган қувват	200 МВА (220/110/10 кВ) қувватга эга иккита автотрансформатор, 63 МВА (110/35/10 кВ) қувватга эга иккита автотрансформатор
4.	Банд бўлган кишиларнинг тахминий сони, нафар	44
5.	Лойиҳа харажатларининг дисконтланмаган қопланиш муддати	9,4 йил
6.	Инвестиция даврининг давомийлиги	16 ой
7.	Барпо этилаётган ишлаб чиқариш фондлари қиймати	59 166,94 минг АҚШ доллари (экв.)
8.	Қарз маблағларини сўндириш муддати	20 йил
	шу жумладан имтиёзли давр	5 йил

* Лойиҳани амалга оширишга жалб қилинаётган мавжуд асосий фондларнинг қиймати билан бирга.

Ўзбекистон Республикаси Президентининг 2009 йил 21 майдаги ПҚ-1115-сон қарорига
2-ИЛОВА

ХХР Эксимбанки кредитини сўндириш, лойиҳа бўйича фоизлар ва воситачилик тўловларини тўлашнинг прогноз жадвали

Ускуналарнинг қиймати			27 742,00		минг АҚШ доллари
Аванс тўловлар 5 фоиз			1 387,10		минг АҚШ доллари
Қарз суммаси			26 354,90		минг АҚШ доллари
Қарзни сўндириш муддати			20		йил
Имтиёзли давр			5		йил
Кредитни сўндириш муддати			15		йил
Фоиз ставкаси			йиллик 2,0 фоиз
Мажбурият учун комиссия			қарзнинг олинмаган суммасидан 0,3 фоиз
Бошқарув ва агентлик учун комиссия			қарз суммасидан 0,3 фоиз
Банк маржаси			0,2 фоиз
Ярим йиллик тўловлар сони			30

					минг АҚШ доллари
Тўлов санаси	Асосий қарзни тўлаш	Фоизларни тўлаш**	Банк маржаси	Мажбурият учун комиссия**	Бошқарув учун комиссия	Жами тўланадиган сумма
2009 йил 31 май***	0	105,42	10,84	23,75	79,07	218,75
2009 йил 30 ноябрь	0	184,48	18,46	11,86		214,79
2010 йил 31 май	0	263,55	26,36			289,90
2010 йил 30 ноябрь	0	263,55	26,36			289,90
2011 йил 31 май	0	263,55	26,36			289,90
2011 йил 30 ноябрь	0	263,55	26,36			289,90
2012 йил 31 май	0	263,55	26,36			289,90
2012 йил 30 ноябрь	0	263,55	26,36			289,90
2013 йил 31 май	0	263,55	26,36			289,90
2013 йил 30 ноябрь	0	263,55	26,36			289,90
2014 йил 31 май	878,50	263,55	26,36			1168,40
2014 йил 30 ноябрь	878,50	254,76	25,48			1158,74
2015 йил 31 май	878,50	245,98	24,60			1149,07
2015 йил 30 ноябрь	878,50	237,19	23,72			1139,41
2016 йил 31 май	878,50	228,41	22,84			1129,75
2016 йил 30 ноябрь	878,50	219,62	21,96			1120,08
2017 йил 31 май	878,50	210,84	21,08			1110,42
2017 йил 30 ноябрь	878,50	202,05	20,21			1100,76
2018 йил 31 май	878,50	193,27	19,33			1091,09
2018 йил 30 ноябрь	878,50	184,48	18,45			1081,43
2019 йил 31 май	878,50	175,70	17,57			1071,77
2019 йил 30 ноябрь	878,50	166,91	16,69			1062,10
2020 йил 31 май	878,50	158,13	15,81			1052,44
2020 йил 30 ноябрь	878,50	149,34	14,93			1042,78
2021 йил 31 май	878,50	140,56	14,06			1033,11
2021 йил 30 ноябрь	878,50	131,77	13,18			1023,45
2022 йил 31 май	878,50	122,99	12,30			1013,79
2022 йил 30 ноябрь	878,50	114,20	11,42			1004,12
2023 йил 31 май	878,50	105,42	10,54			994,46
2023 йил 30 ноябрь	878,50	96,63	9,66			984,79
2024 йил 31 май	878,50	87,85	8,79			975,13
2024 йил 30 ноябрь	878,50	79,06	7,91			965,47
2025 йил 31 май	878,50	70,28	7,03			955,80
2025 йил 30 ноябрь	878,50	61,49	6,15			946,14
2026 йил 31 май	878,50	52,71	5,27			936,48
2026 йил 30 ноябрь	878,50	43,92	4,39			926,81
2027 йил 31 май	878,50	35,14	3,51			917,15
2027 йил 30 ноябрь	878,50	26,35	2,64			907,49
2028 йил 31 май	878,50	17,57	1,76			897,82
2028 йил 30 ноябрь	878,40	8,78	0,88			888,16
	26 354,90	6 482,31	648,33	35,58	79,07	33 601,18

Изоҳлар:

* асосий қарзнинг илк тўлов санаси қарз шартномасининг кучга кириш санасига боғлиқ;

** фоизлар ва комиссия тўловларини тўлаш суммаси қарзни ҳақиқатда ўзлаштириш, етказиб бериш (олиш) ва қарз шартномасининг кучга кириш саналарига қараб аниқлаштирилади;

*** қарзни олиш саналари прогноз характерига эга бўлиб, қарз шартномасининг кучга кириш санасига боғлиқ.