Ҳужжат кучини йўқотган " " 18.04.2024

Ўзбекистон Республикаси Вазирлар Маҳкамасининг

қарори

АҲОЛИ ПУНКТЛАРИНИ КОМПЛЕКС ҚУРИШДА ШАҲАРСОЗЛИК НОРМАЛАРИ ВА ҚОИДАЛАРИ ҚАТЪИЙ БАЖАРИЛИШИНИ НАЗОРАТ ҚИЛИШНИ КУЧАЙТИРИШГА ДОИР ҚЎШИМЧА ЧОРА-ТАДБИРЛАР ТЎҒРИСИДА

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2024 йил 17 апрелдаги 214-сонли «Ўзбекистон Республикаси Қурилиш ва уй-жой коммунал хўжалиги вазирлиги ҳамда унинг тизимидаги ташкилотлар тўғрисидаги низомларни тасдиқлаш ҳақида»ги қарорига асосан ўз кучини йўқотган.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси «Давархитектқурилиш» қўмитаси томонидан назоратнинг сусайтириб юборилганлиги натижасида, шунингдек шаҳарлар (туманлар) ҳокимларининг лоқайдлиги оқибатида аҳоли пунктларини реконструкция қилиш ва ободонлаштиришда, меъморий ва тарихий-маданий ёдгорликларни тиклашда, автомобиль йўллари қуришда, ишлаб чиқариш ва ижтимоий инфратузилма объектларини жойлаштиришда шаҳарсозлик фаолияти соҳасида белгиланган нормалар ва қоидаларнинг қўпол равишда бузилиши ҳоллари давом этмоқда.

Ҳудудий архитектура ва қурилиш бўлинмалари раҳбарларида зарур қатъият йўқлиги оқибатида аҳоли пунктларини қуриш шаҳарсозлик ва архитектура нормалари, коммуникация, транспорт ва санитария талаблари, истиқболли қуриш режалари билан мутлақо боғланмасдан амалга оширилмоқда.

Юқорида кўрсатиб ўтилган камчиликлар, маҳаллий давлат ҳокимияти органлари тегишли мансабдор шахсларининг ҳаракатсизлиги, пассивлиги, шунингдек Ўзбекистон Республикаси «Давархитектқурилиш» қўмитаси ва унинг ҳудудий бўлинмалари раҳбарларининг аҳоли пунктларини комплекс қуриш муаммоларини ҳал қилишдан ўзларини четга олишлари шаҳарлар ва туманларнинг ташқи қиёфаси бузилишига, аҳолининг асосли норозилигига олиб келмоқда, шунингдек республика меҳмонларида салбий таассурот туғдирмоқда.

Республика аҳоли пунктларини замонавий шаҳарсозлик талаблари ва миллий анъаналарга мувофиқ комплекс ривожлантиришни таъминлаш, меъморий-тарихий меросни сақлаб қолиш, қабул қилинаётган лойиҳа ечимлари сифатини ошириш, шунингдек шаҳарсозликка оид қонун ҳужжатларига риоя этилиши устидан назоратни кучайтириш мақсадида Вазирлар Маҳкамаси қарор қилади:

1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси «Давархитектқурилиш» қўмитаси ва унинг ҳудудий бўлинмаларининг тегишли ҳудудда шаҳарсозлик фаолиятини мувофиқлаштириш ва назорат қилиш, аҳоли пунктларини комплекс қуришда бош режаларга, шаҳарсозлик нормалари ва қоидаларига риоя этилишини таъминлаш бўйича ишлари қониқарсиз деб ҳисоблансин.

2. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, Ўзбекистон Республикаси «Давархитектқурилиш» қўмитаси ва унинг ҳудудий архитектура ва қурилиш бўлинмалари, давлат архитектура-назорати раҳбарлари аҳоли пунктларини комплекс қуриш бош режаларига риоя этилиши учун шахсан жавобгар эканликлари тўғрисида қатъий огоҳлантирилсин.

3. Ўзбекистон Республикаси Вазирлар Маҳкамаси ҳузурида 1-иловага мувофиқ таркибда Аҳоли пунктлари комплекс қурилишини назорат қилиш комиссияси (кейинги ўринларда Комиссия деб аталади) ва республика минтақалари бўйича заруриятга қараб вақтинчалик фаолият юритадиган ишчи гуруҳлари ташкил этилсин.

(3-банд Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)

4. Қуйидагилар Комиссиянинг асосий вазифалари этиб белгилансин:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, ҳудудий қурилиш, ер ресурслари ва давлат кадастри бўлинмалари, бошқа алоқадор органлар томонидан шаҳарсозликка оид қонунчиликка, шаҳарсозлик нормалари ва қоидаларига риоя этилиши устидан таъсирчан назоратни таъминлаш;

(4-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, ҳудудий қурилиш бўлимлари томонидан аҳоли пунктларининг тасдиқланган бош режаларининг асосий қоидалари амалга оширилишини назорат қилиш;

(4-банднинг учинчи хатбошиси Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)

аҳоли пунктларини замонавий талаблар ва миллий анъаналарга мувофиқ шаҳарсозлик жиҳатидан комплекс ривожлантиришни, уларнинг меъморий-бадиий қиёфасини ва бой меъморий-тарихий меросни сақлаб қолишни таъминлаш масалаларини кўриб чиқиш ва улар бўйича таклифлар киритиш;

шаҳарсозлик фаолияти субъектлари томонидан шаҳарсозлик нормалари ва қоидалари, атроф муҳитни муҳофаза қилиш, экология хавфсизлиги талабларига, шунингдек санитария нормалари ва қоидаларига риоя этилиши аҳволини ҳар томонлама ўрганиш;

ноқонуний қурилишларнинг, шаҳарсозлик фаолиятини амалга ошириш учун берилган ер участкаларидан ноўрин фойдаланилишининг олдини олиш ва уларга йўл қўймаслик юзасидан аниқ чора-тадбирларни ишлаб чиқиш ва рўёбга чиқариш;

шаҳарсозлик фаолияти самарадорлигини ошириш, аҳоли пунктлари бош режаларининг асосий қоидаларини ўз вақтида ва сифатли амалга ошириш, шаҳарсозликка оид қонунчилик юзасидан таклифлар тайёрлаш;

(4-банднинг еттинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

аҳоли пунктларини комплекс қуришда шаҳарсозликка оид қонунчиликнинг қўпол бузилишига йўл қўйилганлиги учун тегишли мансабдор шахсларни жавобгарликка тортиш тўғрисида таклифлар киритиш.

(4-банднинг саккизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

5. Белгилаб қўйилсинки, Комиссиянинг ўз ваколатлари доирасида қабул қилган қарорлари Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, шунингдек давлат ва хўжалик бошқаруви органлари томонидан бажарилиши мажбурийдир.

6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўн кун муддатда Аҳоли пунктлари комплекс қурилишини назорат қилиш ҳудудий комиссиялари ташкил этсинлар.

7. Қуйидагилар:

Ўзбекистон Республикаси Вазирлар Маҳкамаси ҳузуридаги Аҳоли пунктлари комплекс қурилишини назорат қилиш комиссияси тўғрисидаги Низом 2-иловага мувофиқ;

Аҳоли пунктлари комплекс қурилишини назорат қилиш ҳудудий комиссияси тўғрисидаги Низом 3-иловага мувофиқ тасдиқлансин.

8. Комиссия (Н.Ханов):

аҳоли пунктларини қуришда шаҳарсозлик нормалари ва қоидаларига риоя этилишининг ишчи гуруҳлар томонидан мунтазам равишда ўрганилишини таъминласин;

тасдиқланган жадвалга мувофиқ ишчи гуруҳлар томонидан ўрганиш натижалари кўриб чиқилишини, шунингдек маҳаллий давлат ҳокимияти органлари тегишли раҳбарларининг ҳисоботлари эшитиб борилишини таъминласин.

9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.М.Ханов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2009 йил 12 февраль,

41-сон

Вазирлар Маҳкамасининг 2009 йил 12 февралдаги 41-сон қарорига
1-ИЛОВА

Ўзбекистон Республикаси Вазирлар Маҳкамаси ҳузуридаги Аҳоли пунктлари комплекс қурилишини назорат қилиш комиссияси

ТАРКИБИ

Раматов А.Ж.	―	Ўзбекистон Республикаси Бош вазирининг биринчи ўринбосари, Комиссия раиси
Лавозимига кура	―	Қурилиш вазири, Комиссия раисининг ўринбосари
Эргашев Р.	―	Ички ишлар вазирининг ўринбосари, Комиссия раисининг ўринбосари
Закиров Б.И.	―	Қурилиш вазирининг биринчи ўринбосари
Туляганов К.Н.	―	Қурилиш вазирининг ўринбосари
Абдуллаев А.Х.	―	«Ергеодезкадастр» давлат қўмитасининг раиси
Гулямов Р.А.	―	Иқтисодиёт ва саноат вазирининг биринчи ўринбосари
Кучкаров Б.Т.	―	Экология ва атроф муҳитни муҳофаза қилиш давлат қўмитасининг раиси
Салиев М.Х.	―	Уй-жой коммунал хизмат кўрсатиш вазири
Мирзабаев Д.С.	―	Соғлиқни сақлаш вазирининг ўринбосари, Ўзбекистон Республикасининг Бош давлат санитария врачи
Абдувалиев А.А.	―	Транспорт вазирлиги ҳузуридаги Автомобиль йўллари қўмитаси раиси
Жавлонов Ш.С.	―	Фуқароларни ўзини ўзи бошқариш органлари фаолиятини мувофиқлаштириш бўйича республика кенгаши раиси
Адилходжаев Б.Э.	―	«ТошкентбошпланЛИТИ» ДУК директори
Маджидов Г.Г.	―	«ЎзшаҳарсозликЛИТИ» ДУК директори
Ахмедов И.С.	―	«Қишлоққурилишлойиҳа» институтининг директори
Лавозимига кўра	―	Вазирлар Маҳкамасининг Ҳудудларни комплекс ривожлантириш, коммуникациялар, қурилиш ва уй-жой коммунал хўжалиги масалалари котибияти бош мутахассиси
Ҳикматуллаев Р.	―	Қурилиш вазирлигининг ҳудудларни архитектура ва шаҳарсозлик жиҳатидан ривожлантириш бошқармаси бошлиғи, Комиссиянинг масъул котиби

Изоҳ: Комиссия аъзолари бошқа ишга ўтган тақдирда, Комиссия таркибига уларнинг лавозимига янгидан тайинланган шахслар ёки тегишли функциялар юкланган шахслар киритилади.

Ўзбекистон Республикаси Вазирлар Маҳкамаси ҳузуридаги Қорақалпоғистон Республикаси, вилоятлар ва Тошкент шаҳридаги аҳоли пунктларида заруриятга қараб вақтинчалик комплекс қурилишни ўрганиш бўйича ишчи гуруҳи

ТАРКИБИ

	1.	Қурилиш вазирлиги — бош бошқарма бошлиғи
	2.	Ички ишлар вазирлиги — бошқарма бошлиғи
	3.	Иқтисодиёт ва саноат вазирлиги — бошқарма бошлиғи
	4.	«Ергеодезкадастр» давлат қўмитаси — бошқарма бошлиғи
	5.	Экология ва атроф муҳитни муҳофаза қилиш давлат қўмитаси — бошқарма бошлиғи
	6.	Уй-жой коммунал хизмат кўрсатиш вазирлиги — бошқарма бошлиғи
	7.	Санитария-эпидемиологик осойишталик ва жамоат саломатлиги хизматининг ҳудудий бошқармаси — бошқарма бошлиғи
	8.	Транспорт вазирлиги ҳузуридаги Автомобиль йўллари қўмитаси — бошқарма бошлиғи
	9.	Фуқароларни ўзини ўзи бошқариш органлари фаолиятини мувофиқлаштириш бўйича республика кенгаши — раис ўринбосари
	10.	«ТошкентбошпланЛИТИ» ДУК — директор ўринбосари
	11.	«ЎзшаҳарсозликЛИТИ» ДУК — директор ўринбосари
	12.	«Қишлоққурилишлойиҳа» институти — директор ўринбосари

Изоҳ. Заруратга қараб, комиссия раиси томонидан шу таркибда бир ёки ундан ортиқ ишчи гуруҳлари тузилиши мумкин. Гуруҳ раҳбари этиб Республика комиссияси аъзоларидан бири бириктирилади.

(1-илованинг 7-банди Ўзбекистон Республикаси Вазирлар Маҳкамасининг 2021 йил 19 ноябрдаги 694-сонли қарори таҳририда — Қонунчилик маълумотлари миллий базаси, 20.11.2021 й., 09/21/694/1075-сон)

Вазирлар Маҳкамасининг 2009 йил 12 февралдаги 41-сон қарорига
2-ИЛОВА

Ўзбекистон Республикаси Вазирлар Маҳкамаси ҳузуридаги Аҳоли пунктлари комплекс қурилишини назорат қилиш комиссияси тўғрисида

НИЗОМ

I. Умумий қоидалар

1. Ўзбекистон Республикаси Вазирлар Маҳкамаси ҳузуридаги Аҳоли пунктлари комплекс қурилишини назорат қилиш комиссияси (кейинги ўринларда Комиссия деб аталади) республика аҳоли пунктларини комплекс қуришда шаҳарсозлик нормалари ва қоидаларига риоя этилиши устидан назоратни кучайтириш мақсадида ташкил этилган.

2. Комиссия ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Олий Мажлиси палаталари қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа қонунчилик ҳужжатларига, шунингдек ушбу Низомга амал қилади.

(2-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

3. Комиссия таркиби Ўзбекистон Республикаси Вазирлар Маҳкамаси томонидан тасдиқланади.

4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузурида Аҳоли пунктлари комплекс қурилишини назорат қилиш ҳудудий комиссиялари (кейинги ўринларда ҳудудий комиссиялар деб аталади) фаолият кўрсатади, уларнинг таркиби Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан тасдиқланади.

II. Комиссиянинг асосий вазифалари ва ҳуқуқлари

5. Қуйидагилар Комиссиянинг асосий вазифалари ҳисобланади:

(5-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

(5-банднинг учинчи хатбошиси Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)

(5-банднинг еттинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

(5-банднинг саккизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

6. Комиссия қуйидаги ҳуқуқларга эга:

ўз қарорларининг Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, шунингдек давлат ва хўжалик бошқаруви органлари томонидан бажарилишини назорат қилиш;

давлат ва хўжалик бошқаруви органлари, маҳаллий давлат ҳокимияти органларидан Комиссияга юкланган вазифаларни бажариш учун зарур бўлган маълумотлар ва ҳужжатларни сўраш;

маҳаллий давлат ҳокимияти органлари, давлат ва хўжалик бошқаруви органлари ҳудудий бўлинмалари тегишли раҳбарларининг ҳисоботларини эшитиш;

давлат ва хўжалик бошқаруви органларига, маҳаллий давлат ҳокимияти органларига Комиссия қарорларининг бажарилишини таъминламаган тегишли мансабдор шахсларга интизомий ва бошқа жазо чоралари қўллаш тўғрисида тақдимномалар киритиш;

ваколатли давлат органларига тегишли ҳудудда шаҳарсозликка оид қонунчилик талаблари бузилган ҳолда амалга оширилаётган шаҳарсозлик фаолиятини чеклаш, тўхтатиб туриш ёки белгиланган тартибда тақиқлаш тўғрисида тақдимномалар киритиш.

(6-банднинг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

III. Комиссия фаолиятини ташкил этиш

7. Комиссияга раис бошчилик қилади, унинг ваколатларига қуйидагилар киради:

Комиссия мажлисларини чақириш ва унинг кун тартибини белгилаш;

Комиссия томонидан қабул қилинган қарорларнинг бажарилиши устидан назоратни ташкил этиш;

Комиссияга юкланган вазифаларни бажариш юзасидан Комиссия аъзолари ишларини мувофиқлаштириш;

Комиссия томонидан ташкил этилган ишчи гуруҳлар фаолияти устидан назоратни амалга ошириш;

Комиссиянинг самарали ишлашини таъминлаш юзасидан бошқа хатти-ҳаракатларни бажариш.

8. Комиссия ўз ишларини Комиссия раиси томонидан тасдиқланадиган йиллик режа ва ишчи гуруҳлар томонидан ўтказилган ўрганишлар натижаларини кўриб чиқиш жадвали асосида ташкил қилади.

9. Комиссия мажлислари тасдиқланган иш режаси ва жадвалга мувофиқ ҳар ойда камида бир марта ўтказилади. Комиссия раиси томонидан навбатдан ташқари мажлислар чақирилиши мумкин.

10. Комиссия мажлисини унинг раиси бошқаради. Комиссия раиси бўлмаган тақдирда мажлисни унинг ўринбосари бошқаради. Комиссия мажлиси унда Комиссия аъзоларининг камида учдан икки қисми қатнашган тақдирда ваколатли ҳисобланади.

11. Комиссия раиси билан келишган ҳолда унинг объектив сабабларга кўра мажлисда қатнашмаётган аъзолари ўрнига уларнинг ваколатли вакиллари овоз бериш ҳуқуқисиз қатнашишлари мумкин.

12. Комиссия мажлисига тегишли ишчи гуруҳлар аъзолари, ҳудудий комиссияларнинг раҳбарлари, ҳокимликларнинг раҳбарлари ва бошқа мансабдор шахслари, шунингдек, кўриб чиқилаётган масалалар характерига кўра, давлат ва хўжалик бошқаруви органлари раҳбарлари таклиф этилади.

13. Комиссия мажлисларида ишчи гуруҳлар томонидан ўтказилган ўрганишларнинг натижалари кўриб чиқилади, шунингдек ҳудудий комиссияларнинг, маҳаллий давлат ҳокимияти органлари, давлат ва хўжалик бошқаруви органлари ҳудудий бўлинмалари тегишли раҳбарларининг ҳисоботлари эшитилади.

14. Комиссия ҳар чоракда Вазирлар Маҳкамасига бажарилган ишлар тўғрисида ахборот тақдим этади.

IV. Комиссиянинг ишчи гуруҳлари фаолиятини ташкил этиш тартиби

15. Комиссия юкланган вазифаларни амалга ошириш учун ишчи гуруҳлар ташкил қилади, уларга ишлаш учун тегишли мутахассисларни жалб этади.

16. Ишчи гуруҳлар фаолияти Комиссиянинг унинг раиси томонидан тасдиқланадиган иш режасига ва жойларда аҳоли пунктларини комплекс қуриш масалаларини ўрганиш жадвалига мувофиқ ташкил этилади.

17. Ишчи гуруҳ жойларга борган ҳолда аҳоли пунктларини комплекс қуришнинг аҳволини ўрганади ва таҳлил қилади. Бунда ўрганиш ва таҳлил қилиш Комиссия раиси тасдиқлайдиган ўрганиш режасига ва саволларига мувофиқ амалга оширилади.

18. Ишчи гуруҳлар ўз фаолиятини ҳудудий комиссиялар билан яқин ҳамкорликда амалга оширади. Жойлардаги ишчи гуруҳлар фаолиятини ташкилий жиҳатдан таъминлаш ҳудудий комиссиялар раислари зиммасига юкланади.

19. Ишчи гуруҳ жойларга боргунгача, тайёрланган ўрганиш режаси ва саволлари тегишли ҳудудий комиссияга юборилади, ҳудудий комиссия улар асосида зарур материаллар тайёрланишини таъминлайди.

20. Ишчи гуруҳ жойларга келгач ҳудудий комиссия томонидан тайёрланган материалларни, ҳудудий комиссия фаолиятини, Комиссия қарорларининг бажарилишини ўрганади ва таҳлил қилади.

Аҳоли пунктларини комплекс қуришнинг аҳволини ўрганиш ишчи гуруҳ томонидан, тегишли аҳоли пунктларига, ишлаётган, қурилаётган ва реконструкция қилинаётган объектларга, келгусида қуриш мўлжалланаётган ҳудудларга бевосита борган ҳолда амалга оширилади.

Ишчи гуруҳ ўз вазифаларини амалга оширишда қуйидаги ҳуқуқларга эга:

аҳоли пунктларини комплекс қуришнинг аҳволини ўрганиш учун маҳаллий давлат ҳокимияти органларининг, давлат ва хўжалик бошқаруви тегишли органларининг мутахассисларини жалб қилиш;

маҳаллий давлат ҳокимияти органларидан, давлат ва хўжалик бошқаруви органлари бўлинмаларидан зарур маълумотлар ва ҳужжатларни сўраш;

тегишли ҳудудий комиссияларга, маҳаллий давлат ҳокимияти органларига, давлат ва хўжалик бошқаруви органлари бўлинмаларига аҳоли пунктларини комплекс қуриш соҳасидаги мавжуд камчиликларни бартараф этиш, шаҳарсозликка доир қонунчиликка, шаҳарсозлик нормалари ва қоидаларига қатъий ва изчил риоя қилинишини таъминлаш бўйича зарур чора-тадбирлар кўриш тўғрисида таклифлар киритиш;

(20-банднинг еттинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

маҳаллий давлат ҳокимияти органларига, давлат ва хўжалик бошқаруви органлари бўлинмаларига Комиссия қарорлари бажарилишини таъминламаган тегишли мансабдор шахсларга нисбатан интизомий ва бошқа жазо чоралари қўллаш тўғрисида тақдимномалар киритиш.

21. Ишчи гуруҳ ўрганиш натижалари бўйича ҳудудий комиссия билан биргаликда, комиссия мажлисларида кўриб чиқиш учун хулоса ва тегишли материаллар тайёрлайди. Хулоса ишчи гуруҳ ва ҳудудий комиссия раҳбари томонидан имзоланади ҳамда бошқа материаллар билан бирга Комиссияга киритилади.

Ишчи гуруҳлар ва ҳудудий комиссияларнинг раҳбарлари ва аъзолари тайёрланган материалларнинг сифати ва холисоналиги учун шахсан жавоб берадилар.

22. Ишчи гуруҳларнинг иш регламенти, шаҳарсозлик фаолияти соҳасидаги ишларнинг аҳволини ўрганиш ва Комиссия мажлисида кўриб чиқишга киритиш учун тегишли таклифлар тайёрлаш тартиби Комиссия томонидан белгиланади.

V. Комиссиянинг ишчи органи ва котиби

23. Ўзбекистон Республикаси Қурилиш вазирлиги Комиссиянинг ишчи органи ҳисобланади.

(23-банд Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)

24. Комиссиянинг ишчи органи:

навбатдаги давр учун Комиссиянинг иш режаси лойиҳасини тайёрлайди;

Комиссиянинг навбатдаги мажлисига барча зарур материалларнинг ўз вақтида тайёрланишини таъминлайди ва вазирликлар, идоралар, юридик шахслар бирлашмалари, маҳаллий давлат ҳокимияти органлари, тижорат банклари, корхоналар ҳамда Комиссия аъзоларидан зарур материаллар ва эксперт хулосаларни олиш ҳуқуқига эга бўлади;

кун тартибидаги масалалар бўйича таҳлилий материаллар тайёрлашни ва Комиссия мажлисларини ўтказишни ташкил қилади;

Комиссияга кўриб чиқиш учун ахборот ва таҳлилий материалларни тақдим этади;

Комиссияга кўриб чиқиш учун унинг қарорларига мувофиқ бошқа материалларни тақдим этади.

25. Комиссия котиби:

Комиссиянинг навбатдаги мажлисига барча зарур материалларнинг ўз вақтида тайёрланишини таъминлайди;

Комиссия мажлисига материалларни тайёрлаш бўйича ишчи гуруҳлар ва ишчи орган ишларини ташкил қилади;

кун тартибидаги масалалар бўйича Комиссия мажлисларини ўтказишни ташкил қилади;

Комиссия раиси билан мажлисларни ўтказиш муддатлари ва жойини, шунингдек таклиф этиладиганлар контингентини келишиб олади;

Комиссия аъзолари ва таклиф этилган шахсларни мажлиснинг ўтказилиш санаси, вақти, жойи тўғрисида хабардор қилади;

Комиссия қарорларининг бажарилиши мониторингини олиб боради ва унинг натижаларини Комиссия мажлисида кўриб чиқиш учун тақдим этади;

Комиссия протоколларини расмийлаштиради ва тасдиқланган протоколларни Комиссия аъзоларига, манфаатдор вазирликлар, идоралар, маҳаллий давлат ҳокимияти органларига юборади.

VI. Комиссия мажлисига материаллар тайёрлаш тартиби

26. Ишчи гуруҳлар ва ҳудудий комиссиялар томонидан тақдим этилган материалларни ишчи орган кўриб чиқади, у Комиссия мажлисида кўриб чиқиш учун уларни расмийлаштиради, Комиссия мажлисининг кун тартибини тайёрлайди ва ҳужжатлар пакетини Комиссия котибига тақдим этади.

27. Комиссия мажлиси кун тартибидаги ҳар бир масала учун ҳужжатлар пакетида қарор қабул қилиш учун зарур материаллар (ишчи гуруҳларнинг хулосалари, таҳлилий маълумотномалар, жадваллар ва шу кабилар) ҳамда Комиссия қарорининг лойиҳаси мавжуд бўлиши керак.

28. Комиссия котиби тақдим этилган материаллар тўғрисида Комиссия раисига ахборот беради, Комиссия раиси кун тартиби ва тақдим этилган материаллар маъқулланган тақдирда Комиссия мажлиси ўтказиладиган вақтни ва санани, шунингдек Комиссия мажлисига таклиф этиладиган шахсларни белгилайди.

29. Комиссия котиби ишчи орган билан биргаликда мажлис материалларини протокол лойиҳаси билан бирга Комиссия аъзоларига, зарурият бўлганда, шунингдек мажлисга таклиф этилган бошқа шахсларга юборишни таъминлайди.

VII. Комиссия томонидан қарорлар қабул қилиш ва уларнинг бажарилишини ташкил этиш

30. Комиссия қарори Комиссиянинг мажлисда қатнашаётган аъзоларининг оддий кўпчилик овози билан қабул қилинади.Овозлар тенг бўлган тақдирда Комиссия раисининг овози ҳал қилувчи ҳисобланади.

Комиссиянинг ҳар бир аъзоси қабул қилинаётган қарорлар юзасидан ўз фикрини ёзма равишда билдириш ҳуқуқига эга.

31. Комиссия раиси қарорларни тезкор қабул қилиш мақсадида Комиссиянинг алоҳида масалалар бўйича Комиссия аъзолари билан келишилган қарорларини сўров йўли билан тасдиқлаши мумкин.

32. Комиссия қарорлари Комиссия мажлиси протоколи билан расмийлаштирилади. Комиссия мажлиси протоколига унинг барча аъзолари томонидан розилик белгиси қўйилади, у котиб томонидан имзоланади, Комиссия раиси томонидан тасдиқланади ва бир ҳафта муддатда Комиссия аъзоларига ҳамда манфаатдор ташкилотларга юборилади.

33. Комиссия протоколининг асл нусхаси ва унга тегишли материаллар Ўзбекистон Республикаси Вазирлар Маҳкамасининг Коммунал соҳа экология, атроф муҳитни муҳофаза қилиш, транспорт, капитал қурилиш ва қурилиш индустрияси масалалари ахборот-таҳлил департаментида сақланади.

(33-банд Ўзбекистон Республикаси Вазирлар Маҳкамасининг 2018 йил 29 майдаги 400-сонли қарори таҳририда — Қонун ҳужжатлари маълумотлари миллий базаси, 01.06.2018 й., 09/18/400/1289-сон)

34. Комиссиянинг ўз ваколатлари доирасида қабул қилинган қарорларининг Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, шунингдек давлат ва хўжалик бошқаруви органлари томонидан бажарилиши мажбурийдир.

35. Комиссия қарорларининг бажарилишини назорат қилиш Комиссиянинг ишчи органи ва ишчи гуруҳлари томонидан амалга оширилади.

36. Ишчи орган ва ишчи гуруҳлар Комиссия қарорларини бажарилишини мунтазам равишда ўрганишади ва кўриб чиқишади, зарурият бўлганда Комиссия раисига тегишли таклифлар киритишади.

Қабул қилинган қарорлар бажарилмаган тақдирда Комиссия раиси Ўзбекистон Республикаси Вазирлар Маҳкамасига айбдор мансабдор шахсларга нисбатан жавобгарлик чораларини қўллаш тўғрисида таклифлар киритишга ҳақлидир.

37. Комиссия қарорларининг ҳудудларда бажарилишини ташкил этиш ҳудудий комиссияларга юкланади. Ҳудудий комиссиялар Комиссия қарорлари бажарилишини ташкил этиш бўйича зарур тадбирларни ишлаб чиқадилар ва уларнинг ўз вақтида амалга оширилишини таъминлайдилар.

38. Ишчи орган, ишчи гуруҳлар ва ҳудудий комиссиялар Комиссия қарорларининг бажарилиши натижалари тўғрисида ҳар ойда Комиссияга зарур материалларни илова қилган ҳолда тегишли таҳлилий маълумотнома тақдим этадилар.

39. Комиссия қабул қилинган қарорларнинг бажарилиши аҳволини ўз мажлисларида мунтазам равишда кўриб чиқади.

Вазирлар Маҳкамасининг 2009 йил 12 февралдаги 41-сон қарорига
3-ИЛОВА

Аҳоли пунктлари комплекс қурилишини назорат қилиш ҳудудий комиссияси тўғрисида

НИЗОМ

I. Умумий қоидалар

1. Аҳоли пунктлари комплекс қурилишини назорат қилиш ҳудудий комиссиялари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузурида тегишли ҳудудда аҳоли пунктларини комплекс қуришда шаҳарсозлик нормалари ва қоидаларига риоя этилиши устидан назоратни кучайтириш мақсадида ташкил этилади.

2. Аҳоли пунктлари комплекс қурилишини назорат қилиш ҳудудий комиссияси (кейинги ўринларда ҳудудий комиссия деб аталади) ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Олий Мажлиси палаталари қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа қонунчилик ҳужжатларига, Ўзбекистон Республикаси Вазирлар Маҳкамаси ҳузуридаги Аҳоли пунктлари комплекс қурилишини назорат қилиш комиссияси тўғрисидаги Низомга, шунингдек ушбу Низомга амал қилади.

3. Ҳудудий комиссия тегишли равишда Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимларига, шунингдек Ўзбекистон Республикаси Вазирлар Маҳкамаси ҳузуридаги Аҳоли пунктлари комплекс қурилишини назорат қилиш комиссиясига (кейинги ўринларда Комиссия деб аталади) ҳисоб беради.

Ҳудудий комиссиянинг ўз ваколатлари доирасида қабул қилган қарорларининг туманлар (шаҳарлар) ҳокимликлари, ҳудудий қурилиш бўлинмалари, шунингдек тегишли ҳудудда жойлашган давлат ва хўжалик бошқаруви органлари, уларнинг таркибий бўлинмалари томонидан бажарилиши мажбурийдир.

(3-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)

II. Ҳудудий комиссиянинг вазифалари ва ҳуқуқлари

4. Қуйидагилар ҳудудий комиссиянинг асосий вазифалари ҳисобланади:

туманлар (шаҳарлар) ҳокимликлари, ҳудудий қурилиш, ер ресурслари ва давлат кадастри бўлинмалари, бошқа алоқадор органлар томонидан шаҳарсозликка оид қонунчиликка, шаҳарсозлик нормалари ва қоидаларига риоя этилиши устидан назоратни амалга ошириш;

туманлар (шаҳарлар) ҳокимликлари, ҳудудий қурилиш бўлинмалари томонидан аҳоли пунктларининг тасдиқланган бош режаларининг асосий қоидалари, ҳудудларни режалаштириш схемалари, муҳандислик, транспорт ва ижтимоий инфратузилмани ривожлантириш, ободонлаштириш схема ва лойиҳалари, туманни (туманлар гуруҳини) режалаштириш лойиҳалари, қуриш қоидалари амалга оширилишини мувофиқлаштириш ва таъминлаш;

муҳандислик, транспорт ва ижтимоий инфратузилмаларни оқилона жойлаштириш, ривожлантириш, аҳоли пунктлари ерларидан мақсадли фойдаланиш, уй-жой фонди ҳамда ижтимоий ва ишлаб чиқариш мақсадидаги объектлар сақланишини таъминлаш бўйича комплекс чора-тадбирларни ишлаб чиқиш ва амалга ошириш;

замонавий талаблар ва миллий анъаналарга мувофиқ аҳоли пунктларини шаҳарсозлик бўйича комплекс ривожлантиришни, уларнинг меъморий-бадиий қиёфаси ва бой меъморий-тарихий мерос сақланишини таъминлаш бўйича масалаларни кўриб чиқиш ва таклифлар киритиш;

шаҳарсозлик фаолияти объектларининг, шаҳарсозлик ҳужжатларини амалга ошириш, уларни экспертизадан ўтказиш, шаҳарсозлик фаолияти субъектлари томонидан шаҳарсозлик нормалари ва қоидаларига, атроф муҳитни муҳофаза қилиш, экологик хавфсизлик талабларига, шунингдек санитария норма ва қоидаларига риоя этилиши мониторингини олиб бориш;

ноқонуний қурилишларнинг, шаҳарсозлик фаолиятини амалга ошириш учун берилган ер участкаларидан ноўрин фойдаланишнинг олдини олиш ва унга йўл қўймаслик чора-тадбирларини кўриш;

шаҳарсозлик фаолияти самарадорлигини ошириш, аҳоли пунктлари бош режалари асосий қоидаларининг ўз вақтида ва сифатли амалга оширилиши, шаҳарсозликка доир қонунчиликни такомиллаштириш бўйича таклифлар тайёрлаш.

5. Ҳудудий комиссия қуйидаги ҳуқуқларга эга:

ўз қарорларининг шаҳарлар ва туманлар ҳокимликлари, шунингдек давлат ва хўжалик бошқаруви органлари томонидан бажарилишини назорат қилиш;

давлат ва хўжалик бошқаруви органларидан, маҳаллий давлат ҳокимияти органларидан ҳудудий комиссияга юкланган вазифаларни бажариш учун зарур бўлган маълумотлар ва ҳужжатларни сўраш;

давлат ва хўжалик бошқаруви органларига, маҳаллий давлат ҳокимияти органларига Комиссия қарорларининг бажарилишини таъминламаган тегишли мансабдор шахсларга нисбатан интизомий ва бошқа жазо чораларини қўллаш шунингдек айбдор шахсларни қонунчиликда назарда тутилган жавобгарликка тортиш тўғрисида тақдимномалар киритиш;

(5-банднинг бешинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

ваколатли давлат органларига тегишли ҳудудда шаҳарсозликка доир қонунчилик ҳужжатлари талабларини бузган ҳолда амалга оширилаётган шаҳарсозлик фаолиятини чеклаш, тўхтатиб туриш ёки белгиланган тартибда тўхтатиш тўғрисида таклифлар киритиш.

(5-банднинг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

III. Ҳудудий комиссиялар фаолиятини ташкил этиш

6. Ҳудудий комиссия ушбу Низомга иловага мувофиқ таркибда ташкил этилади.

7. Ҳудудий комиссияга раис бошчилик қилади, унинг ваколатига қуйидагилар киради:

ҳудудий комиссия фаолиятини унга юкланган вазифаларга мувофиқ ташкил этиш;

ҳудудий комиссия мажлисларини чақириш ва уларнинг кун тартибини белгилаш;

Комиссия ва ҳудудий комиссия қарорлари бажарилиши устидан назоратни ташкил этиш;

ҳудудий комиссия аъзоларининг унга юкланган вазифаларни бажариш бўйича ишларини мувофиқлаштириш;

ҳудудий комиссиянинг самарали ишлашини таъминлаш бўйича бошқа хатти-ҳаракатларни бажариш.

Ҳудудий комиссия раиси:

Комиссияга ва унинг ишчи гуруҳларига ҳаққоний ва муфассал ахборотнинг ўз вақтида тақдим этилиши;

ҳудудий комиссиянинг унга юкланган вазифаларни бажариш бўйича фаолиятининг натижадорлиги учун жавоб беради.

8. Ҳудудий комиссия аъзолари улар ўртасида тақсимланган вазифаларнинг бажарилиши учун жавоб берадилар.

9. Ҳудудий комиссия ўз ишларини Ўзбекистон Республикаси Вазирлар Маҳкамаси ҳузуридаги Аҳоли пунктлари комплекс қурилишини назорат қилиш комиссияси иш режасига мувофиқ ишлаб чиқиладиган ва ҳудудий комиссия раиси тасдиқлайдиган йиллик режа асосида ташкил қилади.

10. Ҳудудий комиссия доимий ва мунтазам равишда, тегишли аҳоли пунктларига, ишлаётган, қурилаётган ва реконструкция қилинаётган объектларга истиқболли қуриш мўлжалланаётган ҳудудларга бевосита борган ҳолда шаҳарсозликка оид қонунчилик, шаҳарсозлик нормалари ва қоидаларининг талаблари бажарилишининг аҳволини ўрганади.

(10-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

11. Ҳудудий комиссия мажлислари тасдиқланган иш режасига мувофиқ ҳар ойда камида бир марта ўтказилади. Ҳудудий комиссия раиси томонидан навбатдан ташқари мажлислар чақирилиши мумкин.

12. Ҳудудий комиссия мажлисини унинг раиси бошқаради. Ҳудудий комиссия раиси бўлмаган тақдирда мажлисни унинг ўринбосари бошқаради. Ҳудудий комиссия мажлиси унда ўз аъзоларининг камида учдан икки қисми қатнашган тақдирда ваколатли ҳисобланади.

Ҳудудий комиссия қарори аъзоларнинг оддий кўпчилик овози билан қабул қилинади. Овозлар тенг бўлган тақдирда ҳудудий комиссия раисининг овози ҳал қилувчи ҳисобланади.

Ҳудудий комиссиянинг ҳар бир аъзоси қабул қилинаётган қарорлар юзасидан ўз фикрини ёзма равишда билдиришга ҳақлидир.

13. Ҳудудий комиссия раиси билан келишган ҳолда унинг объектив сабабларга кўра мажлисда қатнашмаётган аъзолари ўрнига уларнинг ваколатли вакиллари овоз бериш ҳуқуқисиз қатнашишлари мумкин.

14. Ҳудудий комиссия раиси қарорларни тезкор қабул қилиш мақсадида ҳудудий комиссия аъзолари билан келишилган алоҳида масалалар бўйича қарорларни сўров йўли билан тасдиқлаши мумкин.

15. Ҳудудий комиссия мажлисларига ҳокимликларнинг раҳбарлари ва бошқа мансабдор шахслари, шунингдек, кўриб чиқилаётган масалалар характерига кўра, давлат ва хўжалик бошқаруви органлари бўлинмалари раҳбарлари таклиф этилади.

Ҳудудий комиссия мажлисларида ҳудудий гуруҳлар томонидан ўтказилган ўрганишларнинг натижалари кўриб чиқилади, шунингдек маҳаллий давлат ҳокимияти органлари, давлат ва хўжалик бошқаруви ҳудудий бўлинмалари тегишли раҳбарларининг ҳисоботлари эшитилади.

16. Ҳудудий комиссия қарорлари ҳудудий комиссия мажлисининг протоколи билан расмийлаштирилади. Ҳудудий комиссия мажлиси протоколига унинг барча аъзоларининг розилик белгиси қўйилади, протокол котиб томонидан имзоланади, ҳудудий комиссия раиси томонидан тасдиқланади ҳамда бир ҳафта муддатда ҳудудий комиссия аъзоларига, манфаатдор ташкилотларга ва Комиссиянинг ишчи органига юборилади.

17. Ҳудудий комиссия протоколининг асл нусхаси ва унга тегишли материаллар ҳудудий комиссиянинг ишчи органида сақланади.

18. Ҳудудий комиссия қарорларининг бажарилишини назорат қилиш ҳудудий комиссиянинг ишчи органи томонидан амалга оширилади.

19. Ҳудудий комиссия ҳар ойда, ой тугагандан кейин 10 кун мобайнида Комиссияга ҳисобот даврида бажарилган ишлар тўғрисида ҳисобот тақдим этади.

IV. Ҳудудий комиссиянинг ишчи органи

20. Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари тегишли равишда ҳудудий комиссиянинг ишчи органи ҳисобланади.

(20-банд Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)

21. Ҳудудий комиссиянинг ишчи органи:

навбатдаги давр учун ҳудудий комиссиянинг иш режаси лойиҳасини тайёрлайди;

ҳудудий комиссиянинг навбатдаги мажлисига барча зарур материалларнинг ўз вақтида тайёрланишини таъминлайди ва маҳаллий давлат ҳокимияти тегишли органларидан, давлат ва хўжалик бошқаруви ҳудудий органларидан ҳамда ҳудудий комиссия аъзоларидан зарур материаллар ва эксперт хулосаларни олиш ҳуқуқига эга бўлади;

кун тартибидаги масалалар бўйича таҳлилий материаллар тайёрлашни ва ҳудудий комиссия мажлисларини ўтказишни ташкил қилади;

ҳудудий комиссияга кўриб чиқиш учун ахборот ва таҳлилий материалларни тақдим этади;

ҳудудий комиссияга кўриб чиқиш учун унинг қарорларига мувофиқ бошқа материалларни тақдим этади;

кун тартибидаги масалалар бўйича ҳудудий комиссиянинг мажлисларини ўтказишни ташкил қилади;

ҳудудий комиссия раиси билан мажлисларни ўтказиш муддатлари ва жойини, шунингдек таклиф этиладиганлар контингентини келишиб олади;

ҳудудий комиссия аъзоларини ва таклиф этилган шахсларни мажлиснинг ўтказилиш санаси, вақти, жойи тўғрисида хабардор қилади;

ҳудудий комиссия қарорларининг бажарилиши мониторингини олиб боради ва унинг натижаларини ҳудудий комиссия мажлисида кўриб чиқиш учун тақдим этади;

ҳудудий комиссия протоколларини расмийлаштиради ва тасдиқланган протоколларни ҳудудий комиссия аъзоларига, манфаатдор ташкилотларга юборади.

Аҳоли пунктлари комплекс қурилишини назорат қилиш ҳудудий комиссияси тўғрисидаги низомга
ИЛОВА

Аҳоли пунктлари комплекс қурилишини назорат қилиш ҳудудий комиссиясининг

НАМУНАВИЙ ТАРКИБИ

1. Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг қурилиш масалаларига мутасадди ўринбосари (ҳудудий комиссия раиси).

2. Ҳудудий қурилиш бўлими раҳбарлари.

(2-банд Ўзбекистон Республикаси Вазирлар Маҳкамасининг 2019 йил 14 июндаги 498-сонли қарори таҳририда — Қонун ҳужжатлари маълумотлари миллий базаси, 20.06.2019 й., 09/19/498/3310-сон)

3. Ҳудудий ер ресурслари ва давлат кадастри бўлинмасининг раҳбари.

4. Ҳудудий Санитария-эпидемиологик осойишталик ва жамоат саломатлиги хизмати ҳудудий бошқармасининг раҳбари.

(4-банд Ўзбекистон Республикаси Вазирлар Маҳкамасининг 2021 йил 19 ноябрдаги 694-сонли қарори таҳририда — Қонунчилик маълумотлари миллий базаси, 20.11.2021 й., 09/21/694/1075-сон)

5. Ҳудудий табиатни муҳофаза қилиш бўлинмасининг раҳбари.

6. Ҳудудий ички ишлар бўлинмаси раҳбарининг ўринбосари.

7. Ҳудудий иқтисодиёт бўлинмасининг раҳбари.

8. «Маҳалла» жамғармасининг ҳудудий бўлинмаси раҳбари.

9. Бошқа алоқадор органлар ва ташкилотларнинг раҳбарлари ва мансабдор шахслари.

(Ўзбекистон Республикаси қонун ҳужжатлари тўплами, 2009 й., 8-сон, 77-модда; 2011 й., 31-сон, 327-модда; Қонун ҳужжатлари маълумотлари миллий базаси, 01.06.2018 й., 09/18/400/1289-сон, 20.06.2019 й., 09/19/498/3310-сон; 27.06.2020 й., 09/20/411/1000-сон; Қонунчилик маълумотлари миллий базаси, 20.11.2021 й., 09/21/694/1075-сон; 05.04.2022 й., 09/22/153/0266-сон)