«Прокуратура тўғрисида»ги Ўзбекистон Республикаси Қонунининг 49 ва 51-моддаларига мувофиқ Ўзбекистон Республикаси Олий Кенгаши қарор қилади:

Ўзбекистон Республикаси Прокуратураси идоралари ходимларининг даражали махсус унвонлари тўғрисидаги Низом ва Ўзбекистон Республикаси Прокуратураси идоралари ходимларини рағбатлантириш ва уларнинг интизомий жавобгарлиги тўғрисидаги Низом (илова қилинади) тасдиқлансин.

1. Ўзбекистон Республикасининг «Прокуратура тўғрисида»ги Қонунига мувофиқ Ушбу Низом прокуратура идораларининг ходимларига, шунингдек Ўзбекистон Республика Прокуратураси илмий муассасалари ва ўқув юртлари ходимларининг даражали махсус унвонларини белгилаш ва бериш тартибини белгилайди.

2. Прокуратура идоралари ходимларининг қуйидаги даражали махсус унвонлари белгиланади:

3. Даражали махсус унвонларни бериш ходимларнинг ишчанлик ва шахсий фазилатларини ҳисобга олган ҳолда ҳамда унинг эгаллаб турган лавозимига ва иш стажига мувофиқ ҳолда босқичма-босқич тартибда амалга оширилади.

4. Прокуратура идораларининг ходимларига эгаллаб турган лавозимига мос келадиган даражали махсус унвонлар берилади:

5. Ҳар бир даражали махсус унвонни эгаллаб туриш муддати қуйидагича белгиланади:

1, 2, 3-даражали Давлат адлия маслаҳатчиси унвонларини эгаллаб туриш муддати белгиланмайди.

6. Ҳақиқий Давлат адлия маслаҳатчиси, шунингдек, 1, 2, 3-даражали Давлат адлия маслаҳатчиси даража махсус унвонлари Ўзбекистон Республикаси Президенти томонидан берилади.

Бошқа даражадаги махсус унвонларни Ўзбекистон Республикаси Бош прокурори беради.

7. Кичик юрист даражали махсус унвони аттестациядан ўтган ва лавозимга тасдиқланган ёш мутахассисларга берилади. Иш ўрганиш даврида алоҳида ўрнак кўрсатган ёш мутахассислар 3-даражали юрист унвонига тақдим қилиниши мумкин.

Прокуратура идораларининг ишлар бошқармасида, молия, моддий-техникавий таъминот тармоқларида ишлаётган ҳамда аттестацияга дахли бўлмаган ўзга ходимлар меҳнатда алоҳида ўрнак кўрсатганликлари учун истисно тариқасида даражали махсус унвонга тақдим этилишлари мумкин.

8. Прокуратура идораларига ҳуқуқни муҳофаза қилиш идораларидан ва бошқа ташкилотлардан ишга ўтган ходимларга тайинланган лавозимига, уларнинг билими ва иш тажрибасига боғлиқ равишда даражали махсус унвонлар берилади.

9. Ўзбекистон Республикаси Бош прокурори қуйидаги ҳуқуқларга эга:

айрим ҳолларда ўз хизмат бурчини намунали бажарганлиги учун ходимларга даражали махсус унвонларни Ушбу Низомнинг 5-моддасида кўрсатилган муддат тугамасдан аввал бериш;

юқорироқ лавозимга тайинланганда навбатдан ташқари, лекин ходим эгаллаб турган унвондан кўпи билан икки поғона юқори турган унвон бериш;

1, 2, 3-даражали Давлат адлия маслаҳатчиси унвонини бериш тўғрисидаги тақдимнома билан Ўзбекистон Республикаси Президентига мурожаат этиш.

10. Прокуратура идораларининг даражали махсус унвон берилган ходимлари мазкур унвонга умрбод эга бўлиб қоладилар. Ходим ўзини бадном қиладиган қилмиши учун прокуратура идораларидан бўшатилганда даражали махсус унвондан маҳрум этилиши мумкин. Прокуратура идораларининг ходимлари ўз хизмат бурчини қўпол равишда бузган ҳолда ёки нолойиқ хулқ-атвори учун унинг унвони пасайтирилиши мумкин.

11. Прокуратура ходимларини олий даражали махсус унвонлардан маҳрум этиш ёки улар унвонини пасайтириш Ўзбекистон Республикаси Президенти томонидан, бошқа унвонлардан маҳрум этиш ёки унвондан пасайтириш — Ўзбекистон Республикаси Бош прокурори томонидан амалга оширилади.

12. Прокуратура органлари идораларининг даражали махсус унвонларга эга бўлган ходимларига мансаб окладларига қўшимча ҳақ тўланади.

13. Прокуратура органларининг даражали махсус унвонга эга бўлган ходимлари хизмат вазифаларини бажариш даврида алоҳида кўринишдаги белгилар тақилган махсус либос киядилар. Олий даражали махсус унвонга эга бўлиб, пенсияга чиқиши муносабати билан хизматдан бўшаган прокуратура идоралари ходимлари алоҳида кўринишдаги белгилар тақилган махсус либосни кийиб юриш ҳуқуқини сақлаб қоладилар.

14. Ўзбекистон Республикаси Прокуратураси таркибига кирган Ўзбекистон Республикаси Қуроллик кучларида, вазирликлари ва идораларининг ҳарбий маҳкамаларида, ҳарбийлаштирилган таркибий бўлинмаларида қонунларнинг ижросини назорат қилувчи ҳарбий прокуратуранинг ходимларига унвонлар бериш алоҳида Низом билан белгиланади.

1. Прокурор-тергов ходимларининг билимдонлиги, юксак ахлоқий фазилатлари ва онгли шахсий интизоми прокуратура зиммасига юкланган вазифаларнинг муваффақиятли ҳал этилишининг муҳим шарти ҳисобланади.

Улар ҳалол ва қонунларнинг бузилишига муросасиз бўлишлари, ўз касб вазифаларини фуқаролик матонати билан адолатли ва виждонан бажаришлари лозим. Прокуратура ходимлари Ўзбекистон Республикаси Конституцияси ва қонунларига қатъий риоя қилишлари, ишда ташаббускор бўлишлари, ишнинг сифати ва самарадорлигини оширишлари, ўз фаолиятлари орқали қонуннинг устуворлигини таъминлашга, фуқароларнинг ҳуқуқий онгини қонунларга ҳурмат руҳида шакллантиришга кўмаклашишлари лозим.

Прокурор-тергов ходимлари томонидан содир этилган ҳар қандай қонунбузарлик ва хизмат интизомининг бузилиши прокуратура обрўсини туширади, давлат ва жамият манфаатларига зарар етказади.

2. Ушбу Низом Ўзбекистон Республикасининг «Прокуратура тўғрисида»ги Қонунининг 51-моддасига мувофиқ прокурор-тергов ходимларининг, шунингдек, прокуратура ўқув, илмий ва бошқа муассасаларининг ходимларини мукофотлаш ва уларни интизомий жавобгарликка тортиш тартибини белгилайди.

3. Прокурор-тергов ходимлари, шунингдек, прокуратуранинг, ўқув, илмий ва бошқа муассасаларининг ходимлари хизмат вазифаларини виждонан ва намунали бажарганликлари, ташаббускорлиги ва ишдаги изчиллиги учун рағбатлантириладилар.

4. Рағбатлантиришнинг қуйидаги турлари мавжуд:

1) ташаккурнома

2) пул мукофоти

3) совға

4) қимматбаҳо совға

5) даражали унвонини кўтариш

6) «Ўзбекистон Республикаси Прокуратурасининг фахрий ходими» кўкрак нишони билан мукофотлаш.

Прокуратура идораларининг ходимлари меҳнатдаги алоҳида хизматлари учун «Ўзбекистон Республикасида хизмат кўрсатган юрист» Фахрий унвонига ва Ўзбекистон Республикасининг давлат мукофотларига тақдим этилишлари мумкин.

5. Рағбатлантириш қуйидаги тартибда амалга оширилади:

ташаккурнома эълон қилиш, пул мукофоти, совға бериш Ўзбекистон Республикаси Бош прокурори, Қорақалпоғистон Республикаси прокурорлари, вилоятлар ва Тошкент шаҳар прокурорлари, транспорт прокурорлари, ҳарбий прокурорлар ва уларга тенглаштирилган прокурорлар томонидан амалга оширилади;

қимматбаҳо совға билан мукофотлар, даражали унвонини ошириш, «Ўзбекистон Республикаси Прокуратурасининг фахрий ходими» кўкрак нишони билан тақдирлаш, «Ўзбекистон Республикасида хизмат кўрсатган юрист» фахрий унвонига ҳамда бошқа давлат мукофотларига тавсия этиш Ўзбекистон Республикаси Бош прокурори томонидан амалга оширилади.

Туман, шаҳар прокурорлари, шунингдек ҳарбий прокурорлар ва уларга тенглаштирилган прокурорлар ишда алоҳида ўрнак кўрсатган прокуратура идораларининг ходимларини рағбатлантириш ҳақидаги тақдимномани юқори турувчи прокурорга киритадилар.

6. Рағбатлантириш буйруқ орқали эълон қилинади ва ходимнинг меҳнат дафтарчасига ҳамда шахсий ишида қайд қилиб қўйилади. Рағбатлантириш тўғрисидаги буйруқ билан мукофотланган ходим, мазкур прокуратура ходимлари, лозим ҳолларда эса барча прокурор-тергов ходимлари таништирилади.

7. Прокурор-тергов ходимларига, шунингдек прокуратуранинг ўқув, илмий ва бошқа муассасаларнинг ходимларига нисбатан интизомий жазо, ўз хизмат вазифасини бажармаганлиги ёки лозим даражада бажармаганлиги ёки прокуратура ходими деган номга доғ туширадиган ножўя хатти-ҳаракат содир этганлиги учун қўлланилади.

8. Қуйидагилар интизомий жазолар ҳисобланади:

1) танбеҳ

2) ҳайфсан

3) қаттиқ ҳайфсан

4) даражали унвонини пасайтириш

5) «Ўзбекистон Республикаси Прокуратурасининг фахрий ходими» кўкрак нишонидан маҳрум этиш

6) лавозимини пасайтириш

7) ишдан бўшатиш

8) ишдан бўшатиб, даражали унвонидан маҳрум этиш.

9. Ўзбекистон Республикаси Бош прокурори республика Президенти берган даражали унвонлардан маҳрум этиш, Ўзбекистон Республикаси Президенти ва Қорақалпоғистон Республикаси давлат ҳокимиятининг олий идораси томонидан тайинланган шахсларни лавозимларидан бўшатишдан (шу жумладан, айни бир пайтда уларни даражали унвонларидан маҳрум этишдан) ташқари барча интизомий жазо турларини қўллаш ҳуқуқига эга. Бу ҳолларда Бош прокурор тегишли тақдимнома билан Ўзбекистон Республикаси Президентига ёки Қорақалпоғистон Республикаси давлат ҳокимиятининг олий идорасига мурожаат қилишга ҳақлидир.

Қорақалпоғистон Республикаси, вилоятлар, Тошкент шаҳар прокурорлари, транспорт, ҳарбий ва уларга тенглаштирилган бошқа прокурорлар ўзига бўйсунувчи ходимларга қуйидаги интизомий жазо турларини қўллаши мумкин: танбеҳ, ҳайфсан, қаттиқ ҳайфсан, шунингдек уларнинг номенклатурасига кирадиган шахсларни лавозимидан пасайтириш ва ишдан бўшатиш ҳуқуқига эга.

Туман, шаҳар прокурорлари ва уларга тенглаштирилган прокурорлар уларга бўйсинадиган прокурор ва тергов ходимларига жазо бериш учун юқори турувчи прокурорга тақдимнома киритади.

Содир этилган айнан бир ножўя хатти-ҳаракат учун ходимга фақат битта интизомий жазо қўлланилиши мумкин.

10. Интизомий жазо қўллаш масаласини ҳал этаётган прокурор содир этилган ножўя хатти-ҳаракатни шахсан ўзи ўрганиб чиқиши ҳамда уни содир этган шахсдан ёзма тушунтириш олиши шарт. Зарур ҳолларда эса хизмат текшируви тайинланиши мумкин.

Интизомий жазо ножўя хатти-ҳаракат маълум бўлган кундан бошлаб бир ой муддатдан кечиктирилмай қўлланилади, лекин бунда ходим бетоб бўлган, меҳнат таътилидаги вақти, шунингдек, хизмат текширувчи учун кетган вақт ҳисобга кирмайди. Ножўя хатти-ҳаракат маълум бўлган кундан бошлаб бир йил ўтган бўлса интизомий жазо қўлланилиши мумкин эмас.

Ходим прокуратура идораларида ишлашга зид бўлган номуносиб хатти-ҳаракатлар содир этган, шунингдек ҳаракатлар жиноий ва фуқаролик процессуал қонунларнинг талабини бузиш билан боғлиқ бўлса, бу хатти-ҳаракатлар содир этилган муддатдан қатъи назар, у интизомий жавобгарликка тортилади.

Жазо буйруқ билан берилиб, интизомий жазога тортилган ходимга эълон қилинади ва унинг шахсий ишига тикиб қўйилади. Интизомий жазо тўғрисидаги буйруқ ушбу прокуратура ходимларига ва зарур ҳолларда барча прокурор-тергов ходимларига ҳам эълон қилинади.

11. Юқори турувчи прокурор буйруғида ўз қарорини асослаган ҳолда жазони бекор қилиш, кучайтириш ёки енгиллаштириши мумкин. Интизомий жазо сифатида лавозимдан пасайтириш ёки ишдан бўшатиш жазоси қўлланилган бўлса, бу лавозимнинг пасайтирилишини ёки ишдан бўшатилишни ноқонуний деб топса юқори турувчи прокурор жазоланган ходимни аввалги лавозимига тиклаш ва ишдан бўшатилган кундан бошлаб мажбуран ишламаган вақти учун ўртача иш ҳақи тўлаш ёки паст лавозимда ишлаган вақт учун маошнинг фарқини кўпи билан бир йил учун тўлаш тўғрисида қарор чиқаради.

12. Ходим интизомий жавобгарликка тортилгандан кейин бир йил ичида қайтадан жавобгарликка тортилмаса, у интизомий жавобгарликка тортилмаган деб ҳисобланади. Бир йиллик вақтнинг ўтиши тегишли жазо чоралари қўлланган ходимларнинг «Ўзбекистон Республикаси Прокуратурасининг фахрий ходими» кўкрак нишони қайтарилишига, аввалги лавозимига тикланишига ва даража унвонларининг қайтарилишига олиб келмайди. Илгариги даражали унвонларига ва лавозимларига тиклаш фақат аттестациядан ўтказиш тартибида амалга ошрилади.

Ходим ўз хизмат вазифасини виждонан бажараётганини намоён қилса, унга берилган интизомий жазони жазо берган прокурор ёки юқори турувчи прокурор муддатидан илгари олиб ташлаши мумкин.

13. Ходимнинг интизомий жазога тортилиши унинг навбатдаги даражали унвонга ва юқори лавозимга кўтарилишига йўл қўймайдиган ҳолат бўлиб ҳисобланади.

Интизомий жазонинг борлиги бериладиган мукофотнинг миқдорига, меҳнат таътилини белгилаш ва бошқа имтиёзларни беришда таъсир кўрсатади.

14. Прокурор интизомий жазо беришда ўз ваколат доирасидан чиқса ёки уни етарли даражада қўлламаса, юқори турувчи прокурор олдида жавоб беради.

15. Ходимга берилган интизомий жазо устидан шикоят бериши мумкин. Ариза юқори турувчи прокурорга ёки Ўзбекистон Республикаси Бош прокурорига интизомий жазо бериш тўғрисидаги буйруқ ходимга эълон қилингандан кейин икки ҳафта ичида берилиши мумкин.

Юқори турувчи прокурор ёки Ўзбекистон Республикаси Бош прокурори аризани тушган кундан бошлаб 10 кун ичида кўриб чиқиб қарор қабул қилади, агарда қўшимча текшириш керак бўлса, бир ойдан кечиктирмай кўриб чиқади.

Шикоят берилиши интизомий жазонинг ижросини тўхтатиб қўймайди.

16. Ўзбекистон Республикаси Бош прокурори ўзига бўйсунадиган прокурорлар томонидан берилаётган рағбатлантириш ва жазо чораларининг асослилиги ва қонунийлигини назорат қилиб боради ва асоссиз ҳамда ноқонуний буйруқларнинг бекор қилиш тадбирини кўради.