Ҳужжат кучини йўқотган " " 27.03.2020
ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИНИНГ
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИНИНГ
ҚАРОРИ
ОЛИЙ ТАЪЛИМ МУАССАСАЛАРИ ТАЛАБАЛАРИГА СТИПЕНДИЯЛАР ТАЙИНЛАШ ВА ТЎЛАШ ТАРТИБИ ТЎҒРИСИДАГИ ЙЎРИҚНОМАГА ҚЎШИМЧА ВА ЎЗГАРТИРИШЛАР КИРИТИШ ТЎҒРИСИДА
[Ўзбекистон Республикаси Адлия вазирлиги томонидан 2008 йил 13 февралда 1339-2-сон билан давлат рўйхатидан ўтказилган]
 LexUZ шарҳи
Мазкур қарор Ўзбекистон Республикаси Олий ва ўрта махсус таълим вазирлиги ва Молия вазирлигининг 2020 йил 11 мартдаги 8-2020, 11-сонли «Олий таълим муассасалари талабаларига стипендиялар тайинлаш ва тўлаш тартиби тўғрисидаги йўриқномани тасдиқлаш ҳақида»ги қарор, шунингдек унга ўзгартириш ва қўшимчаларни ўз кучини йўқотган деб топиш тўғрисида»ги қарорига (рўйхат рақами 1339-6, 27.03.2020 й.) асосан ўз кучини йўқотган.
Ўзбекистон Республикаси Президентининг 2007 йил 12 декабрдаги «Ўзбекистон Республикаси Давлат бюджетининг 2008 йилги асосий макроиқтисодий кўрсаткичлари ва параметрлари тўғрисида»ги ПҚ-744 сонли қарори ижросини таъминлаш ҳамда талабаларга стипендиялар тайинлаш ва тўлаш тартибини такомиллаштириш ҳамда тўлов-контракт шаклида таълим олаётган талабаларнинг юқори рейтинг кўрсаткичлари бўйича ўқишга қизиқишларини ошириш мақсадида қарор қиламиз:
1. 2004 йил 10 мартдаги 2-П ва 43-сонли Ўзбекистон Республикаси Олий ва ўрта махсус таълим вазирлиги ва Ўзбекистон Республикаси Молия вазирликлари қарори билан тасдиқланган (Адлия вазирлигида 16.04.2004 йилда № 1339-сон билан рўйхатга олинган, Ўзбекистон Республикаси Қонун ҳужжатлари тўплами 2004 йил 15-сон 184-модда) Олий таълим муассасалари талабаларига стипендиялар тайинлаш ва тўлаш тартиби тўғрисидаги Йўриқномага иловага* мувофиқ қўшимча ва ўзгартиришлар киритилсин.
* Илова рус тилидаги матнда берилган.
2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.
Олий ва ўрта махсус таълим вазири А. ПАРПИЕВ
Тошкент ш.,
2008 йил 22 январь,
№ 13
Молия вазири Р. АЗИМОВ
Тошкент ш.,
2008 йил 22 январь,
№ 3
(Ўзбекистон Республикаси қонун ҳужжатлари тўплами, 2008 й., 6-7-сон, 31-модда)