Ўзбекистон ССЖ Олий Кенгашининг «Ўзбекистон ССЖнинг «Оммавий-ахборот воситалари тўғрисида» Қонунини кучга киритиш тартиби ҳақида» 1991 йил 14 июндаги қарорига мувофиқ Вазирлар Маҳкамаси қарор қилади:

1. Ўзбекистон Республикасида оммавий ахборот воситаларини рўйхатга олишнинг илова қилинаётган тартиби тасдиқлансин ва кучга киритилсин.

2. Ўзбекистон Республикаси Давлат матбуот қўмитаси оммавий ахборот воситаларини рўйхатга олиш тўғрисидаги аризалар, гувоҳномалар шаклларини ва рўйхатга олинган оммавий ахборот воситалари тўғрисидаги маълумотлар шаклини тасдиқласин.

3. Белгилансинки, Ўзбекистон ССЖнинг «Оммавий ахборот воситалари тўғрисида»ги Қонуни қабул қилингунга ва кучга киргунга қадар давлат бошқарув органларида рухсатга олинган оммавий ахборот воситалари қайта рўйхатга олинмайди.

4. Ўзбекистон Республикаси Давлат матбуот қўмитаси Ўзбекистон Республикаси Алоқа вазирлиги ва Адлия вазирлиги билан биргаликда икки ой муддат ичида Ўзбекистон Республикаси ҳудудида оммавий ахборот воситалари фаолият кўрсатишининг ягона қоидаларини ишлаб чиқсин ва тасдиқласин.

5. Ўзбекистон Республикаси Молия вазирлигининг Ўзбекистон ССЖ Вазирлар Маҳкамасининг 1990 йил 15 октябрдаги 332-сон қарорини бажариш юзасидан белгиланган рўйхатга олиш йиғимини ундириш тартибини сақлаб қолиш ҳақидаги таклифи қабул қилинсин.

1. Ўзбекистон Республикаси Давлат матбуот қўмитасида қуйидагилар рўйхатга олинади:

Ўзбекистон Республикаси аҳолисига мўлжалланган даврий нашрлар — рўзномалар, жаридалар, уларнинг иловалари, даврийлиги йилига иккита ва ундан кўп бўлган, бир номерининг ўртача бир марталик тиражи камида бир минг нусха бўлган рўзнома, жарида хилидаги нашрлар (Ўзбекистон аҳолисига мўлжалланган даврий нашрларга уларнинг таъсисчилари (ёки таъсисчиларидан бири) жумҳурият ёки вилоятлараро давлат, жамоатчилик органлари ёки ташкилотлари бўлган нашрлар киради);

жумҳурият аҳолисига ва қўшни жумҳуриятларнинг аҳолисига мўлжалланган телевизион ва радио дастурлар, Ўзбекистон Республикаси Давлат телевидение ва радиоэшиттириш қўмитаси билан келишув бўйича.

Телевидение ва радиоэшиттириш соҳасидаги ташқи иқтисодий фаолият (телевизион ва радио маҳсулотларини экспорт ва импорт қилиш) давлат, жамоат, кооператив ва бошқа ташкилотлар, бирлашмалар ва корхоналар томонидан, фақат Ўзбекистон Республикаси Давлат матбуот қўмитаси берадиган гувоҳномалар асосида, амалга оширилади. Телевизион ва радиоэшиттириш олиб борадиган оммавий ахборот воситалари, уларнинг номидан қатъи назар (таҳририят, агентлик, студия ва ҳоказо), эшиттириш жараёнида уларнинг маълумотлари тингловчиларга маълум қилиб борилади, эшиттиришнинг мазмуни учун муаллифлар билан биргаликда жавоб берадилар;

илмий-оммабоп, ҳужжатли, хроникал-ҳужжатли фильмлар, шунингдек, республика аҳолисига мўлжалланган киновидео дастурлар ишлаб чиқарувчи киновидео студиялар, Ўзбекистон Республикаси Маданият вазирлиги билан келишув бўйича;

ахборот агентликлари, Ўзбекистон ахборот агентлиги билан келишув бўйича;

муассислари Туркистон ҳарбий округи, жумҳурият ҳудудида), Ўзбекистон Республикаси Ички ишлар вазирлиги ва Ўзбекистон Республикаси Давлат хавфсизлик қўмитаси бўлган оммавий ахборот воситалари, бу оммавий ахборот воситалари кимларга мўлжалланганлигидан қатъи назар;

ССЖ Иттифоқи, иттифоқдош жумҳуриятлар ва хорижий давлатлар оммавий ахборот воситаларининг вакиллари аккредитация тартибида.

Рўйхатга олиш учун ариза Ўзбекистон Республикасининг «Оммавий ахборот воситалари тўғрисида»ги Қонуннинг 7-моддасига мувофиқ берилади.

2. Хорижий элларга мўлжалланган оммавий ахборот воситаларини рўйхатга олиш тўғрисидаги аризалар Ўзбекистон Республикаси Президенти ҳузуридаги Вазирлар Маҳкамасига берилади.

3. Маҳаллий аҳолига мўлжалланган оммавий ахборот воситаларини рўйхатга олиш тўғрисидаги аризалар Қорақалпоғистон Республикаси Вазирлар Кенгашига ҳамда халқ депутатлари вилоят ва Тошкент шаҳар Кенгашларининг ижроия қўмиталарига берилади.

4. ССЖ Иттифоқи ёки бошқа иттифоқдош республикаларда рўйхатга олиш органларида оммавий ахборот воситаларини рўйхатга олинганлиги тўғрисида гувоҳнома олган оммавий ахборот воситалари ўз фаолиятини, бу воситалар ва уларнинг вакиллари Ўзбекистон Республикасининг тегишли рўйхатга олиш органларида албатта рўйхатга олингандан кейин, амалга оширадилар. Белгиланган тартибда рўйхатга олинмаган оммавий ахборот воситаларини нашр этиш ва тарқатишга ҳамда ССЖ Иттифоқи, иттифоқдош республикалар ва чет давлатлар оммавий ахборот воситаларининг аккредитациядан ўтмаган вакилларининг фаолиятига жумҳурият ҳудудида йўл қўйилмайди; бу қоидаларни бузганлик учун айбдор шахслар Ўзбекистон Республикасининг амалдаги қонунларига мувофиқ маъмурий ёки жиноий жавобгарликка тортиладилар.

5. Оммавий ахборот воситаларини рўйхатга олиш тўғрисидаги аризаларни кўриб чиқиш, бу иш жараёнида вужудга келадиган турли баҳсларни ҳал қилиш, шунингдек, Ўзбекистон Республикаси аҳолисига мўлжалланган оммавий ахборот воситаларини чиқаришни ва нашр этишни тўхтатиш оммавий-ахборот воситалари тўғрисидаги қонун асосида рўйхатга олиш органлари ишлаб чиққан қоидаларга мувофиқ амалга оширилади.

6. Оммавий ахборот воситаларининг рўйхатга олингани тўғрисида гувоҳнома берилганлиги учун муассислардан қуйидаги миқдорларда рўйхатга олиш йиғими ундирилади:

7. Маҳаллий аҳолига мўлжалланган оммавий ахборот воситаларининг рўйхатга олингани тўғрисида гувоҳнома берилгани учун рўйхатга олиш йиғимлари миқдорлари Қорақалпоғистон Республикаси Олий Кенгаши, халқ депутатлари вилоят, Тошкент шаҳар Кенгашларининг тегишли ижро этувчи ва бошқарувчи органлари томонидан белгиланади. Бунда улар мазкур тартибнинг 6-бандида назарда тутилган рўйхатга олиш йиғимлари миқдорларининг 50 фоизидан ошмаслиги керак.

8. Оммавий ахборот воситаларининг рўйхатга олингани учун ундириладиган йиғимларнинг 50 фоизи рўйхатга олувчи органларнинг ҳисобига ва қолган қисми тегишли равишда Ўзбекистон Республикаси, Қорақалпоғистон Республикасининг республика бюджетларига ва маҳаллий Кенгашлар бюджетига келиб тушади.

9. Ўзбекистон Республика Давлат матбуот қўмитаси рўйхатга олинган оммавий ахборот воситаларининг Ўзбекистон Республикаси ягона давлат рўйхатини юритади.

Кўрсатилган рўйхатни юритиш учун, шунингдек, бир хил номдаги оммавий ахборот воситаларини ва бошқа фойдаланиладиган рамзларни рўйхатдан ўтказишнинг олдини олиш учун жойлардаги барча рўйхатга олиш органлар Ўзбекистон Республикаси Давлат матбуот қўмитасига рўйхатга олган оммавий ахборот воситалари тўғрисидаги маълумотларни тақдим этишга мажбурдирлар.