1-modda. O‘zbekiston Respublikasining 1994-yil 5-mayda qabul qilingan “Bankrotlik to‘g‘risida”gi Qonuniga (2003-yil 24-aprelda qabul qilingan 474–II-sonli O‘zbekiston Respublikasi Qonuni bilan tasdiqlangan tahririda) (O‘zbekiston Respublikasi Oliy Majlisining Axborotnomasi, 2003-yil, № 5, 63-modda) quyidagi o‘zgartish va qo‘shimchalar kiritilsin:

1) 110-moddaning:

oltinchi qismidagi “va tashqi boshqaruv rejasida” degan so‘zlar chiqarib tashlansin;

o‘n uchinchi qismining ikkinchi jumlasi quyidagi tahrirda bayon etilsin:

“Korxonani (biznesni) sotish narxi kreditorlar yig‘ilishi yoki kreditorlar qo‘mitasining qarori bilan pasaytirilishi mumkin, biroq bunda pasaytirish avvalgi kimoshdi savdosidagi narxning 10 foizidan ko‘p bo‘lmasligi kerak”;

2) 111-moddaning birinchi qismidagi “tashqi boshqaruv rejasida va” degan so‘zlar chiqarib tashlansin;

3) 133-modda quyidagi mazmundagi qism bilan to‘ldirilsin:

“Agar qarzdorning butun mol-mulki garov narsasi bo‘lsa va garovga qo‘yilgan mol-mulkni (garov narsasini) sotishdan tushgan summa kreditorlarning garov bilan ta’minlangan talablari summasidan kam yoki unga teng bo‘lib qolsa, kreditorlarning garov bilan ta’minlangan talablarini qanoatlantirish ushbu Qonun 134-moddasining birinchi qismida nazarda tutilgan xarajatlar qoplanganidan va talablar qondirilganidan keyin hamda ish haqi to‘lash uchun pul mablag‘lari berilishini nazarda tutuvchi to‘lov hujjatlari bo‘yicha talablar qondirilganidan keyin amalga oshiriladi”:

4) 135-moddaning birinchi qismidagi “agar kreditorlar yig‘ilishi yoki kreditorlar qo‘mitasi tomonidan qarzdorning mol-mulkini sotishning boshqacha tartibi belgilangan bo‘lmasa” degan so‘zlar chiqarib tashlansin.

2-modda. Ushbu Qonun rasmiy e’lon qilingan kundan e’tiboran kuchga kiradi.