Oʻzbekiston Respublikasi Oliy Kengashining “Oʻzbekiston Respublikasining “Joylardagi davlat hokimiyati toʻgʻrisida” va “Fuqarolarning oʻzini oʻzi boshqarish organlari toʻgʻrisida”gi qonunlarini amalga kiritish tartibi haqida” 1993-yil 2-sentabrdagi qarorlarini bajarish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilova qilinayotgan roʻyxatga muvofiq qarorlari oʻz kuchini yoʻqotgan deb hisoblansin.

2. Oʻzbekiston Respublikasi Hukumatining qarorlari bilan tasdiqlangan amalda boʻlgan meʼyoriy hujjatlardagi xalq deputatlari viloyat, tuman, shahar, shahardagi tuman Kengashi ijroiya qoʻmitasiga koʻrsatmalar viloyat, tuman, shahar, shahardagi tuman hokimligiga koʻrsatmalar bilan almashtirilsin, xalq deputatlari shaharcha, qishloq, ovul Kengashi ijroiya qoʻmitasiga koʻrsatmalar esa shaharcha, qishloq, ovul fuqarolari yigʻini raisi (oqsoqoli)ga koʻrsatmalar bilan almashtirilsin.

1 Oʻzbekiston SSR Ministrlar Sovetining “Rayon ijroiya komitetining qishloq xoʻjaligi boshqarmasi toʻgʻrisidagi Nizomni tasdiqlash haqida” 1972-yil 12-iyundagi 237-son qarori (OʻzSSR QT, 1972-y., 5-son, 24-modda).

2 Oʻzbekiston SSR Ministrlar Sovetining “Mehnatkashlar deputatlari Soveti ijroiya komitetining yuridik boʻlimi, yuriskonsulti toʻgʻrisidagi Nizomni tasdiqlash haqida” 1972-yil 14-sentabrdagi 412-son qarori (OʻzSSR QT, 1972-y., 8-son, 56-modda).

3 Oʻzbekiston SSR Ministrlar Sovetining “Toshkent shahar ijroiya komitetining obodonlashtirish bosh boshqarmasi toʻgʻrisidagi Nizomni tasdiqlash haqida” 1972-yil 4-noyabrdagi 489-son qarori (OʻzSSR QT, 1972-y, 10-son, 68-modda).

4 Oʻzbekiston SSR Ministrlar Sovetining “Oʻzbekiston SSR xalq deputatlari rayon (shahar) Soveti ijroiya komiteti huzuridagi narxlarga, tariflarga va aholiga xizmat koʻrsatish qoidalariga rioya qilishni nazorat etish komissiyasi toʻgʻrisidagi Nizomni tasdiqlash haqida” 1981-yil 9-noyabrdagi 865-son qarori (UzSSR QT, 1981-y., 11-son, 33-modda).

5 Oʻzbekiston SSR Ministrlar Sovetining “Oʻzbekiston SSR xalq deputatlari oblast Soveti ijroiya komitetining moliya boʻlimi toʻgʻrisidagi Nizomni tasdiqlash haqida” 1982-yil 4-maydagi 339-son qarori (OʻzSSR QT, 1982-y., 5-son, 18-modda).

6 Oʻzbekiston SSR Ministrlar Sovetining “Oʻzbekiston SSR xalq deputatlari oblast Soveti ijroiya komitetining arxiv boʻlimi toʻgʻrisidagi Nizomni tasdiqlash haqida” 1982-yil 16-iyundagi 448-son qarori (OʻzSSR QT, 1982-y., 6-son, 21-modda).

7. Oʻzbekiston SSR Ministrlar Sovetining “Oʻzbekiston SSR xalq deputatlari oblast Soveti ijroiya komitetining mehnat boʻlimi toʻgʻrisidagi Nizomni tasdiqlash haqida” 1982-yil 28-iyuldagi 529-son qarori (OʻzSSR QT, 1982-y., 7-son, 26-modda).

8 Oʻzbekiston SSR Ministrlar Sovetining “Oʻzbekiston SSR xalq deputatlari oblast, rayon, shahar, shaharlardagi rayon Sovetlari ijroiya komitetlarining boʻlimlari va boshqarmalari hamda ularni tashkil etish tartibi toʻgʻrisida” 1982-yil 18-avgustdagi 572-son qarori.

9. Oʻzbekiston SSR Ministrlar Sovetining “Oʻzbekiston SSR xalq deputatlari oblast Soveti ijroiya komitetining mahalliy sanoat boshqarmasi toʻgʻrisidagi Nizomni tasdiqlash haqida” 1982-yil 14-dekabrdagi 792-son qarori (OʻzSSR QT, 1982-y., 12-son, 43-modda).

10. Oʻzbekiston SSR Ministrlar Sovetining “Xalq deputatlari oblast Soveti ijroiya komitetining nashriyotlar, poligrafiya va kitob savdosi boshqarmasi, narxlar boʻlimi, Oʻzbekiston SSR xalq deputatlari shahar, shahardagi rayon Soveti ijroiya komitetining uy-joy maydonlarini hisobga olish va taʼminlash boʻlimi toʻgʻrisidagi nizomlarni tasdiqlash haqida” 1982-yil 27-dekabrdagi 831-son qarori (OʻzSSR QT, 1982-y., 12-son, 47-modda).

11. Oʻzbekiston SSR Ministrlar Sovetining “Oʻzbekiston SSR xalq deputatlari oblast, rayon, shahar, shahardagi rayon Soveti ijroiya komitetining boʻlimlari toʻgʻrisidagi baʼzi nizomlarni tasdiqlash haqida” 1983-yil 10-fevraldagi 79-son qarori (OʻzSSR QT, 1983-y., 2-son, 4-modda).

12. Oʻzbekiston SSR Ministrlar Sovetining “Oʻzbekiston SSR xalq deputatlari oblast, rayon, shahar, shahardagi rayon Soveti ijroiya komitetining boʻlimlari va boshqarmalari toʻgʻrisidagi nizomlarni tasdiqlash haqida” 1983-yil 9-sentabrdagi 523-son qarori (OʻzSSR QT, 1983-y., 9-son, 37-modda).

13. Oʻzbekiston SSR Ministrlar Sovetining “Oʻzbekiston SSR xalq deputatlari mahalliy Sovetlari ijroiya komitetlari viveskalarining tavsiflari va namunalari toʻgʻrisida” 1985-yil 9-avgustdagi 421-son qarori.

14. Oʻzbekiston SSR Ministrlar Sovetining “Oʻzbekiston SSR xalq deputatlari oblast Soveti ijroiya komitetining mehnat boʻlimi toʻgʻrisidagi Nizomga oʻzgartirishlar va qoʻshimchalar kiritish haqida” 1986-yil 13-yanvardagi 17-son qarori (OʻzSSR QT, 1986-y., 1-son, 2-modda).

15. Oʻzbekiston SSR Ministrlar Sovetining “Oʻzbekiston SSR xalq deputatlari rayon, shahar, shahardagi rayon Soveti ijroiya komitetining tashkiliy-instruktorlik boʻlimi toʻgʻrisidagi Nizomni tasdiqlash haqida” 1986-yil 13-yanvardagi 21-son qarori (OʻzSSR QT, 1986-y., 1-son, 3-modda).

16. Oʻzbekiston SSR Ministrlar Sovetining 1987-yil 31-dekabrdagi 554-son qarori (OʻzSSR QT, 1987-y., 12-son, 82-modda) bilan tasdiqlangan Oʻzbekiston SSR Hukumatining xalq xoʻjaligining baʼzi masalalari boʻyicha qarorlariga kiritiladigan oʻzgartirishlar, 1-band bundan mustasno.

17. Oʻzbekiston SSR Ministrlar Sovetining “Oʻzbekiston SSR xalq deputatlari oblast Soveti ijroiya komitetining iqtisodiy kengashi toʻgʻrisidagi Nizomni tasdiqlash haqida” 1988-yil 28-sentabrdagi 345-son qarori (OʻzSSR QT, 1988-y., 9-son, 31-modda).

18. Oʻzbekiston SSR Ministrlar Sovetining “Oblast ijroiya komitetlari va Toshkent shahar ijroiya komitetining namunaviy strukturasi toʻgʻrisida” 1990-yil 11-yanvardagi 23-son qarori.