|
Hujjat kuchini yo‘qotgan " " 16.09.2022
|
Oʻzbekiston Respublikasi Moliya vazirligi
Oʻzbekiston Respublikasi Mehnat va aholini ijtimoiy muhofaza qilish vazirligining
Oʻzbekiston Respublikasi Mehnat va aholini ijtimoiy muhofaza qilish vazirligining
Qarori
OʻZBEKISTON RESPUBLIKASI IChKARISIDAGI XIZMAT SAFARLARI TOʻGʻRISIDA YOʻRIQNOMANI TASDIQLASh HAQIDA
[Oʻzbekiston Respublikasi Adliya vazirligi tomonidan 2003-yil 29-avgustda 1268-son bilan davlat roʻyxatidan oʻtkazilgan]
LexUZ sharhiMazkur qaror Oʻzbekiston Respublikasi Moliya vazirligi va Bandlik va mehnat munosabatlari vazirligining 2022-yil 8-sentabrdagi 48-sonli va 29-avgustdagi 26-2022Q/Q-sonli ““Oʻzbekiston Respublikasi ichkarisidagi xizmat safarlari toʻgʻrisida yoʻriqnomani tasdiqlash haqida”gi qaror, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi qaroriga (roʻyxat raqami 1268-3, 16.09.2022-y.) asosan oʻz kuchini yoʻqotgan.
Oʻzbekiston Respublikasi Mehnat kodeksi va Oʻzbekiston Respublikasi Vazirlar Mahkamasining 1993-yil 1-fevraldagi 34-f-sonli va 1993-yil 16-avgustdagi 287-f-sonli farmoyishlariga muvofiq Oʻzbekiston Respublikasi Moliya vazirligi va Mehnat va aholini ijtimoiy muhofaza qilish vazirligi qaror qiladilar:
1. Ilova qilinayotgan “Oʻzbekiston Respublikasi hududidagi xizmat safarlari toʻgʻrisidagi Yoʻriqnoma” tasdiqlansin.
2. Mazkur qaror Oʻzbekiston Respublikasi Adliya vazirligida davlat roʻyxatidan oʻtgan kundan boshlab oʻn kun mobaynida kuchga kiritilsin.
3. Mazkur qaror kuchga kirgan kundan boshlab quyidagilar oʻz kuchini yoʻqotgan deb hisoblansin:
Oʻzbekiston Respublikasi Moliya vazirligi va Oʻzbekiston Respublikasi Mehnat vazirligining 1993-yilning 19-apreldagi 28-son va 497/I-1-01-son bilan tasdiqlangan (Oʻzbekiston Respublikasi Vazirlar Mahkamasining 1993-yil 1-fevraldagi 34-f-farmoyishiga asosan nashr etilgan) MDH mamlakatlari hududida xizmat safarlari toʻgʻrisidagi Yoʻriqnoma;
Oʻzbekiston Respublikasi Moliya vazirligi va Oʻzbekiston Respublikasi Mehnat vazirligining 1993-yilning 19-apreldagi 28-sonli va 497/I-1-01-sonli MDH mamlakatlari hududida xizmat safarlari toʻgʻrisidagi Yoʻriqnomaga oʻzgartirishlar kiritish toʻgʻrisidagi 1993-yil 29/22-dekabrdagi 92-son va 1329/11-sonli xati.
Moliya vaziri M. NURMURODOV
Toshkent sh.,
2003-yil 24-iyul,
83-son
Mehnat va aholini ijtimoiy muhofaza qilish vaziri O. OBIDOV
Toshkent sh.,
2003-yil 24-iyul,
7/12-son
Oʻzbekiston Respublikasi Adliya vazirligida 2003-yil 29-avgustda 1268-son bilan roʻyxatga olingan Oʻzbekiston Respublikasi Moliya vazirligi va Mehnat va aholini ijtimoiy muhofaza qilish vazirligining 2003-yil 24-iyuldagi 83-son va 7/12-sonli qarori bilan
“TASDIQLANGAN”
Oʻzbekiston Respublikasi hududidagi xizmat safarlari toʻgʻrisida
YOʻRIQNOMA
Mazkur Yoʻriqnoma Oʻzbekiston Respublikasi Mehnat kodeksi Oʻzbekiston Respublikasi Vazirlar Mahkamasining 1993-yil 1-fevraldagi 34-f-sonli va 1993-yil 16-avgustdagi 287-f-sonli farmoyishlariga asosan ishlab chiqilgan va mulk shaklidan qatʼi nazar Oʻzbekiston Respublikasi hududida joylashgan barcha tashkilotlarga taalluqlidir.
1. Xizmat safari deb xodimni tashkilot, muassasa, birlashma, korxona rahbarini farmoyishlari boʻyicha, oʻzining doimiy ish joyidan tashqarida xizmat topshirigʻini bajarish uchun boshqa joyga, maʼlum bir muddatga yuborilishi (borib kelish) tushuniladi.
Tashkilotni tarkibiga kiruvchi filiallar (shaxobchalar), uchastkalar va boshqa boʻlinmalar boshqa erda joylashgan hollarda doimiy ish joyi boʻlib mehnat shartnomasida belgilangan ishlab chiqarish boʻlinmasi hisoblanadi.
Doimiy ishi yoʻlda yoki koʻchib yurish bilan bogʻliq boʻlgan, yoxud doimiy harakatlanuvchi tusga ega boʻlgan xodimlarni xizmat yuzasidan borib kelishlari xizmat safari hisoblanmaydi.
2. Xodimlarni xizmat safarlariga yuborish ushbu tashkilotlarni boshliqlari tomonidan amalga oshiriladi, buyruq va mazkur Yoʻriqnomaning 1-ilovasiga muvofiq shakldagi xizmat safari guvohnomasini berish bilan rasmiylashtiriladi.
3. Xodimlarni yuqori tashkilotlarga (boʻysunish tartibida) xizmat safarlariga yuborish ushbu tashkilotlarni rahbarlarini chaqirigʻiga yoki ular bilan kelishilgan holda amalga oshiriladi.
4. Xodimlarni xizmat safari muddati tashkilot rahbari tomonidan belgilanadi va har bir holat uchun yoʻldagi vaqtni hisobga olmagan holda 40 kundan koʻp boʻlmasligi kerak.
Ushbu tartib shuningdek xodimlarni taftish va tekshirishlarni oʻtkazish uchun xizmat safariga yuborishga ham taalluqlidir.
Montaj, sozlash va qurilish ishlarini bajarish uchun yuboriladigan xodimlar, rahbarlar va mutaxassislarni xizmat safarlari muddati 12 oydan koʻp boʻlishi mumkin emas.
Xizmat safari muddatini uzaytirish istisno tariqasida faqat xizmat safariga yuborgan tashkilot rahbarining yozma ruxsatnomasiga asosan ruxsat beriladi.
5. Xizmat safariga yuborilgan joyda haqiqatda oʻtkazilgan vaqt xizmat safari joyiga kelgan va xizmat safari joyidan ketgan kunlarni xizmat safari guvohnomasiga belgi qoʻyish orqali aniqlanadi.
Tashkilotlarda xizmat safarlariga ketayotgan shaxslarni va ushbu tashkilotga xizmat safariga kelayotgan shaxslarni roʻyxatga olish mazkur Yoʻriqnomani 2 va 3-ilovalariga binoan shakllardagi maxsus jurnallarda yuritiladi. Tashkilotni rahbari xizmat safarlariga yuborilayotgan, xizmat safariga ketayotgan shaxslarni roʻyxatga olish jurnalini yuritish va xizmat safarlari guvohnomasiga belgi qoʻyish uchun javobgar boʻlgan shaxsni buyruq chiqarish yoʻli bilan tasdiqlaydi.
Bunda maxsus jurnallar elektron koʻrinishda yuritilishi mumkin.
(5-band Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qaroriga (roʻyxat raqami 1268-1, 13.09.2019-y.) asosan xatboshi bilan toʻldirilgan)
6. Xizmat safariga chiqish kuni boʻlib transport vositasida 24 soat ichidagi vaqt, 00 dan va undan kechroq vaqt — keyingi sutka hisoblanadi, kelish kuni esa — transport vositasida doimiy ish joyiga kelish kuni hisoblanadi.
Agar stansiya, sohil (pristan), aeroport aholi yashaydigan hududdan tashqarida joylashgan boʻlsa, stansiya, sohil (pristan), aeroportgacha yetib olish uchun ketadigan vaqtni hisobga olish kerak boʻladi. Xuddi shunday tarzda xodimni doimiy ish joyiga yetib keladigan kuni hisoblanadi.
7. Xizmat safarida boʻlgan xodimlarga ular yuborilgan korxonalardagi ish vaqti rejimi va dam olish vaqtlari taalluqli boʻladi. Xizmat safari vaqtida foydalanilmagan dam olish kunlari, boshqa dam olish kunlari xizmat safaridan qaytganda tiklanmaydi.
Agar xodim ataydan dam olish yoki bayram kunlarida ishlash uchun xizmat safariga yuborilgan boʻlsa, ushbu kunlarda ishlagani uchun amaldagi qonunchilikka muvofiq kompensatsiya toʻlanadi.
Agar xodim maʼmuriyatni farmoyishiga binoan xizmat majburiyatini bajarish uchun dam olish kunida xizmat safariga ketsa, unga xizmat safaridan qaytgach belgilangan tartibda boshqa dam olish kuni beriladi.
Xizmat safariga ketish va xizmat safaridan qaytish kunlarida ishga chiqish masalasi maʼmuriyat bilan kelishilgan holda hal qilinadi.
8. Xizmat safariga yuborilgan xodimni xizmat safarida boʻlgan muddatida va yoʻlda boʻlgan muddatda ish joyi (lavozimi), ishbaylar uchun oʻrtacha ish haqi yoki lavozim maoshi yoki xodimlarni boshqa toifalari uchun stavkalari saqlanib qoladi.
Xizmat safariga yuborilgan xodimning ish haqi uning iltimosiga koʻra u yuborilgan korxonaning hisobvaragʻiga joʻnatiladi.
Oʻrindoshlik asosida ishlayotgan shaxs xizmat safariga yuborilganda uning oʻrtacha ish haqi uni xizmat safariga yuborgan tashkilotda saqlanadi. Agar xizmat safariga bir vaqtni oʻzida ham asosiy ham oʻrindoshlik asosidagi ishi boʻyicha xizmat safariga yuborilganda ish haqi har ikkala lavozim boʻyicha saqlanadi, xizmat safariga haq toʻlash boʻyicha xarajatlar esa xizmat safariga yuboruvchi tashkilotlarni oʻzaro kelishuviga binoan taqsimlanadi.
Tashqi oʻrindoshlik asosida ishlayotgan shaxs xizmat safariga yuborilganda uning oʻrtacha ish haqi uni xizmat safariga yuborgan tashkilotda saqlanadi, ichki oʻrindoshlik asosida ishlayotgan shaxs xizmat safariga yuborilganda esa oʻrtacha ish haqi asosiy va oʻrindoshlik asosidagi lavozim boʻyicha saqlanadi.
Xodimning xizmat safari davrida tarif stavkalari, lavozim maoshlari miqdorlari oshgan hollarda, tashkilotning ish kunlari mehnatga haq toʻlashning yangi shartlarida haqiqatda ishlagan kunlariga toʻgʻri keladigan soni uchun mehnatga haq toʻlovlari qayta hisoblanadi.
(8-band Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qaroriga (roʻyxat raqami 1268-1, 13.09.2019-y.) asosan xatboshilar bilan toʻldirilgan)
9. Xizmat safariga yuborilgan xodimga turar joy ijarasi, xizmat safari joyiga borish va ish joyiga qaytish xarajatlari qoplanadi, shuningdek kundalik xarajatlar toʻlanadi.
Xizmat safari bilan bogʻliq boʻlgan qoʻshimcha xarajatlar (telefonda gaplashish, telegraf xarajatlari va boshqalar) xizmat safariga yuborilgan shaxsga tasdiqlovchi hujjatlar mavjud boʻlgan taqdirda toʻlanadi.
10. Xizmat safariga yuborilgan joyga borish va doimiy ish joyiga qaytish bilan bogʻliq boʻlgan yoʻl xarajatlari xizmat safariga yuborilgan shaxsga quyidagi miqdorlarda qoplanadi:
umumiy foydalaniladigan transportni barcha turlarida yurish (taksidan tashqari) qiymati;
transportda yoʻlovchilarni majburiy davlat sugʻurtalash boʻyicha toʻlovlar;
yoʻlda yurish hujjatlarini oldindan sotish, samolyot va poyezdlarda joylarni bronlash xizmatlari boʻyicha toʻlovlarni tasdiqlovchi hujjatlar mavjud boʻlgan taqdirda;
umumiy foydalaniladigan transport bilan (taksidan tashqari) stansiyagacha, sohilgacha (pristangacha), aeroportgacha yetib olish xarajatlari, agar ular aholi yashaydigan hududdan tashqarida joylashgan boʻlsa. Istisno tariqasida (kechki poyezd, umumiy foydalaniladigan transport yoʻq boʻlgan taqdirda) tashkilot rahbariga taksida yurganlik uchun haq toʻlash huquqi beriladi.
Yoʻlda koʻrpa-toʻshak buyumlaridan foydalanganlik uchun xarajatlar tasdiqlovchi hujjatlarsiz haq toʻlashga qabul qilinadi.
Yoʻl hujjatlari mavjud boʻlmaganda, budjet tashkilotlari xodimlari uchun xizmat safari yoʻlkirasiga haq toʻlash har bir kilometrga bazaviy hisoblash miqdorining 0,08 foizi miqdorida amalga oshiriladi.
(10-bandning yettinchi xatboshisi Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qarori (roʻyxat raqami 1268-1, 13.09.2019-y.) tahririda)
Yoʻl hujjatlari mavjud boʻlmaganda, boshqa tashkilotlar xodimlari uchun jamoa kelishuvi (shartnomalari), mehnat shartnomasida koʻzda tutilgan, biroq har bir kilometrga bazaviy hisoblash miqdorining 0,08 foizidan kam boʻlmagan miqdorlarda toʻlanadi.
Kilometrlar miqdori 500 metr va undan ortiq boʻlgan holatlarda, koʻp tomonga yaxlitlanadi.
Kilometrlar miqdori 500 metrdan kam boʻlgan holatlarda, kam tomonga yaxlitlanadi.
(10-band Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qaroriga (roʻyxat raqami 1268-1, 13.09.2019-y.) asosan xatboshilar bilan toʻldirilgan)
11. Xizmat safarida va yoʻlda boʻlgan vaqt uchun kundalik xarajatlar xizmat safariga yuborilgan ishlarga jamoa shartnomalari, jamoa kelishuvlari va mehnat shartnomalarida koʻzda tutilgan miqdorlarda, lekin quyidagi miqdorlardan kam boʻlmagan holda belgilanadi (respublika boʻyicha oʻrnatilgan bazaviy hisoblash miqdoriga nisbatan koeffitsiyentlarda):
(11-bandning birinchi xatboshisi Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qarori (roʻyxat raqami 1268-1, 13.09.2019-y.) tahririda)
Toshkent shahrida, shaharlar — viloyatlar markazlarida — 0,1;
boshqa shaharlar va aholi yashaydigan punktlarda — 0,08.
Ushbu koʻrsatilgan xarajatlarni qoplash haqiqatda qilingan xarajatlarni hujjatlar bilan tasdiqlashsiz amalga oshiriladi.
12. Xizmat safari joyidagi turar joyni ijaraga olish boʻyicha xarajatlar xizmat safariga yuborilgan xodimni kelish va ketish kunlari boʻyicha haqiqatdagi xarajatlar, shuningdek tasdiqlovchi hujjatlar mavjud boʻlgan taqdirda mehmonxonalarda koʻrsatiladigan qoʻshimcha xizmatlar (joylarni bronlash, dazmoldan foydalanish, saqlash kamerasidan, televizor, muzlatgich, idish-tovoq, aloqa xizmatidan foydalanish)ga haq toʻlash xarajatlari qoplanadi.
(12-bandning birinchi xatboshisi Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qarori (roʻyxat raqami 1268-1, 13.09.2019-y.) tahririda)
Mehmonxonalarni lyuks-nomerlarida yashaganligini tasdiqlovchi hujjatlar taqdim etilganda turar joyni olish boʻyicha haq toʻlash ushbu turar joy qiymatining 70 foizigacha miqdori budjet mablagʻlari hisobidan, qolgan qismi esa budjet tashkilotlarining budjetdan tashqari mablagʻlari hisobidan amalga oshiriladi.
(12-bandning ikkinchi xatboshisi Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qarori (roʻyxat raqami 1268-1, 13.09.2019-y.) tahririda)
Turar joyni ijaraga olganlik boʻyicha xarajatlarni tasdiqlovchi hujjatlar mavjud boʻlmagan hollarda, har bir sutka uchun belgilangan bazaviy hisoblash miqdorini 20 foizi miqdorida qoplanadi.
(12-bandning uchinchi xatboshisi Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qarori (roʻyxat raqami 1268-1, 13.09.2019-y.) tahririda)
Xizmat safariga yuborilgan xodimga shuningdek istisno tariqasida, tasdiqlovchi hujjatlar mavjud boʻlganda, tashkilot rahbarining ruxsati bilan havo, temir yoʻl, suv va umumiy foydalanishdagi avtomobil transportida bagajni olib oʻtish bilan bogʻliq xarajatlar qoplanadi.
13. Xizmat safariga yuborilgan xodim oʻzining doimiy ish joyiga har kuni qaytish imkoniyatiga ega boʻlsa, u holda kundalik xarajatlar toʻlanmaydi. Xodimni xizmat safariga yuborilgan joydan oʻzining doimiy ravishda yashaydigan joyiga har kuni qaytishi mumkinligi masalasi xizmat safariga yuborgan tashkilotni rahbari tomonidan masofaning uzoqligi, transport aloqasi sharoiti, bajariladigan topshiriqni tusi, xodim uchun dam olish sharoitlarini yaratish kabilarni hisobga olgan holda ruxsat beriladi.
14. Xizmat safari davrida xizmat safariga yuborilgan xodim vaqtinchalik mehnat qobiliyatini yoʻqotgan hollarda, unga umumiy asoslarda turar joy xonasini ijarasi boʻyicha xarajatlar qoplanadi (xizmat safariga yuborilgan xodim statsionar davolanishda boʻlgan hollar bundan mustasno) va unga sogʻligʻi holatiga koʻra zimmasiga yuklatilgan xizmat topshirigʻini bajarish imkoniyatiga ega boʻlmagan barcha davr mobaynida yoki oʻzining doimiy yashash joyiga qaytgunicha, lekin ikki oydan koʻp boʻlmagan muddatga kundalik xarajatlar toʻlanadi.
Xizmat safariga yuborilgan xodimni vaqtinchalik mehnat qobiliyatini yoʻqotishi, shuningdek sogʻligʻi holati boʻyicha oʻzining doimiy yashash joyiga qaytish imkoniyatini yoʻqligi belgilangan tartibda tasdiqlangan boʻlishi kerak.
Vaqtinchalik mehnat qobiliyatini yoʻqotgan davr uchun xizmat safariga yuborilgan xodimga umumiy asoslarda vaqtinchalik mehnatga layoqatsizlik nafaqasi toʻlanadi. Vaqtinchalik mehnatga layoqatsizlik kunlari xizmat safari muddatiga qoʻshilmaydi.
15. Xizmat safariga yuboriladigan xodimga xizmat safariga ketishdan oldin mazkur Yoʻriqnomani 10 — 12-bandlarida koʻzda tutilgan miqdorlarda kundalik, yoʻl xarajatlari, turar joyni ijaraga olish xarajatlari chegarasida pul koʻrinishidagi avans (boʻnak) toʻlanadi. Xodim xizmat safaridan qaytgan kundan eʼtiboran uch ish kuni mobaynida avans (boʻnak) hisobotini taqdim qilishi shart. Ushbu hisobotga belgilangan tartibda rasmiylashtirilgan xizmat safari guvohnomasi va xizmat safarida haqiqatda qilingan xarajatlarni tasdiqlovchi hujjatlar ilova qilinadi.
(15-band Oʻzbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92 va 34-2019-QQ-sonli qarori (roʻyxat raqami 1268-1, 13.09.2019-y.) tahririda)
16. Montaj, sozlash va qurilish ishlarni bajarish uchun xizmat safariga yuborilgan xodimlar, rahbarlar va mutaxassislarga mazkur Yoʻriqnomaning 11-bandida koʻzda tutilgan meʼyorlar boʻyicha ikki oy mobaynida kundalik xarajatlar toʻlanadi. Ikki oydan ortiq muddatda xizmat safarida boʻlgan vaqt uchun kundalik xarajatlar oʻrniga ish haqi yoki lavozim maoshiga tarif stavkasini 50% miqdorida, lekin sutka uchun mazkur Yoʻriqnomaning 11-bandida belgilangan meʼyordan yuqori boʻlmagan ustama belgilanadi.
Quyidagi xodimlar montaj, sozlash va qurilish ishlarini amalga oshirish uchun xizmat safariga yuborilgan hollarda ularga kundalik xarajatlar oʻrniga tarif stavkasini yoki lavozim maoshini yuqorida koʻrsatilgan miqdorlarda ustamalar toʻlanmaydi:
montaj, sozlash va qurilish ishlari amalga oshiriladigan joyda ishga olingan;
amaldagi qonunchilikda koʻzda tutilgan shartlar asosida boshqa joyga oʻtkazish tartibida yuborilgan;
mehnat taʼtilida boʻlgan vaqtda, shuningdek sababsiz holda ishga chiqmagan kunlarda;
ular tomonidan montaj, sozlash va qurilish ishlari amalga oshiriladigan joydan tashqarida davlat yoki jamoat ishlarini bajarish vaqtida;
montaj, sozlash va qurilish ishlarini bajarilishi nazoratini amalga oshirish uchun xizmat safariga yuborilgan.
Kundalik xarajatlar oʻrniga tarif stavkasi yoki lavozim maoshidan foiz miqdorida ish haqiga ustama toʻlash xodimni montaj, sozlash va qurilish ishlarida ishtirok etgan har bir kalendar kun uchun amalga oshiriladi.
Toʻliq boʻlmagan oy uchun koʻrsatilgan ustamani hisoblashdan avval ustama toʻliq oy uchun belgilanadi, soʻngra ushbu summa mazkur oydagi kalendar kunlar soniga boʻlinadi va xodimni montaj, sozlash va qurilish ishlarida boʻlgan kunlari soniga koʻpaytiriladi.
Montaj, sozlash va qurilish ishlarini bajarish uchun xizmat safariga yuborilgan xodimlar, rahbarlar va mutaxassislar bepul turar-joy bilan taʼminlanishi mumkin. Bepul turar joy berilmagan hollarda, turar joyni ijaraga olish bilan bogʻliq xarajatlar mazkur Yoʻriqnomaning 12-bandida koʻzda tutilgan meʼyorlar boʻyicha qoplanadi.
17. Agar kasal boʻlib qolgan xodim montaj, sozlash va qurilish ishlari olib borilayotgan joydan tashqarida yashasa, u holda ish haqi lavozim maoshi yoki tarif stavkasiga foiz miqdoridagi ustama toʻlanmaydi.
18. Vazirliklar, idoralar, korxonalar, tashkilotlar va muassasalar xizmat safarlari toʻgʻrisidagi amaldagi qonunchilikka qatʼiy amal qilishlari kerak va ushbu maqsadlarda sarflanadigan mablagʻlarni tejash rejimiga rioya etilishini taʼminlashlari lozim.
Oʻzbekiston Respublikasi Vazirlar Mahkamasining 1999-yil 5-fevraldagi 54-son bilan tasdiqlangan “Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi nizom”ga muvofiq, xoʻjalik subyekti rahbarini qaroriga binoan ishlab chiqarish va boshqaruv xodimlari uchun mazkur Yoʻriqnomada koʻzda tutilgan normadan ortiqcha xizmat safarlari xarajatlari foyda soligʻi boʻyicha soliq solinadigan bazaga va jismoniy shaxsni soliq solinadigan daromadiga qoʻshiladi.
19. Xizmat safarlariga mablagʻlarni sarflash ustidan nazorat moliya organlari tomonidan amalga oshiriladi.
20. Mazkur Yoʻriqnoma Oʻzbekiston kasaba uyushmalari Federatsiyasining Kengashi bilan kelishilgan.
Oʻzbekiston kasaba uyushmalari Federatsiyasining Kengashi raisi D.N. JAXONGIROVA
Toshkent sh.,
2003-yil 22-iyul
Oʻzbekiston Respublikasi hududidagi xizmat safarlari toʻgʻrisida Yoʻriqnomaga
1-ILOVA
1-ILOVA
| Berildi _________________________________________________________ | |
|
(familiyasi, ismi, otasining ismi) | |
| ________________________________________________________________ | |
|
(xizmat safari guvohnomasi berilgan organ nomi) | |
| _____________________________________________ xizmat safariga yuborilgan | |
|
xizmat safari punkti | |
| Xizmat safari muddati “____” kuni 20___y. “___” ___________dan 20__y. “___” _______________gacha. | |
| Asos: 20___y. “____” _____________dagi ____-sonli buyruq | |
| ____________seriya __________________raqamlipasport taqdim etilgan taqdirda haqiqiy. | |
M.Oʻ. |
|
| | Orqa tomoni |
| Belgilangan manzilga yetib borish va u erdan qaytish belgilari: | |
| Joʻnadi___________________ 20___y. “____” ____________ |
Joʻnadi ___________________ 20___y. “____” ____________ |
| Muhir Imzo _______________ Joʻnadi ___________________ 20___y. “____” ____________ Muhir Imzo _______________ |
Muhir Imzo _______________ Joʻnadi ___________________ 20___y. “____” ____________ Muhir Imzo _______________ |
| Joʻnadi ___________________ 20___y. “____” ____________ |
Joʻnadi ___________________ 20___y. “____” ____________ |
| Muhir Imzo _______________ | Muhir Imzo _______________ |
Izoh: Bir necha kunlarga yuborilganda ketish va kelish alohida belgilanadi.
Tadbirkorlik subyektlari uchun muhr bilan tasdiqlash talab etilmaydi.
(izoh Oʻzbekiston Respublikasi moliya vazirligi va Bandlik va mehnat munosabatlari vazirligining 2020-yil 19-iyundagi 27 va 23-2020 q/q-sonli qaroriga (roʻyxat raqami 1268-2, 08.07.2020-y.) asosan xatboshi bilan toʻldirilgan — Qonun hujjatlari maʼlumotlari milliy bazasi, 08.07.2020-y., 10/20/1268-2/1042-son)
Oʻzbekiston Respublikasi hududidagi xizmat safarlari toʻgʻrisida Yoʻriqnomaga
2-ILOVA
2-ILOVA
|
_________________________________________________ dan birlashuv, korxona, muassasa, tashkilot nomi xizmat safariga yuborilayotgan xodimlarni hisobga olish JURNALI | |||||||
|
T/r |
Xizmat safariga yuborilgan xodimning familiyasi, ismi, otasining ismi |
Lavozimi |
Xizmat safari guvohnomasining raqami |
Xizmat safari guvohnomasini imzolagan xodim lavozimi, F.I.O. |
Sana |
Xizmat safari guvohnomasini olganligi haqida imzo | |
|
Haqiqatda ketish |
Haqiqatda kelish | ||||||
|
1 |
2 |
3 |
4 |
5 |
6 |
7 |
8 |
|
|
|||||||
Oʻzbekiston Respublikasi hududidagi xizmat safarlari toʻgʻrisida Yoʻriqnomaga
3-ILOVA
3-ILOVA
|
______________________________________________________ nomi xizmat safaridan qaytib kelgan xodimlarni hisobga olish JURNALI | |||||
|
T/r |
Xizmat safariga yuborilgan xodimning F.I.O. |
Lavozimi |
Xizmat safari guvohnomasi berilgan birlashuv, korxona, muassasa, tashkilotlar nomlari |
Etib kelish sanasi |
Safarga ketish sanasi |
|
1 |
2 |
3 |
4 |
5 |
6 |
