Oʻzbekiston Respublikasi Oliy Kengashining “Qimmatli va yoʻqolib borayotgan oʻsimliklar va hayvonlar turlarini muhofaza etishni kuchaytirish hamda ularni foydalanishni tartibga solish toʻgʻrisida” 1993-yil 3-sentabrdagi qarorini bajarish yuzasidan Vazirlar Mahkamasi qaror qiladi:

1. Quyidagilar tasdiqlansin:

— Yovvoyi hayvonlarni (shu jumladan zaharlilarini) koʻpaytirish va ulardan mahsulot olish maqsadida tutqunlikda saqlash tartibi 1-ilovaga muvofiq;

— Oʻzbekiston Respublikasi Qizil kitobiga kiritilgan yovvoyi hayvonlar va oʻsimliklarni ovlash (otish, terish va respublika tashqarisiga olib chiqib ketish) uchun toʻlovlar miqdori, ularni undirish va budjetga oʻtkazish tartibi 2-ilovaga muvofiq.

2. Oʻzbekiston Respublikasi davlat tabiatni muhofaza qilish qoʻmitasiga Oʻzbekiston Respublikasi Moliya vazirligi va “Oʻzistiqbolstat” davlat qoʻmitasi bilan kelishgan holda yovvoyi hayvonlarni ovlashga litsenziyalar berish qiymatini va qonunsiz ov qilish va baliq tutish tufayli yetkazilgan zararning undirib olinadigan miqdorini hisoblab chiqish uchun qatʼiy belgilangan toʻlovlar miqdorini Oʻzbekiston Respublikasi hududida narxlarning oshishiga muvofiq indeksatsiya qilish huquqi berilsin.

3. Dorivor va oziq-ovqat oʻsimliklarining hamda oʻsimlik texnik xomashyosining yovvoyi holda oʻsuvchi turlarini yigʻish (tayyorlash) yuridik va jismoniy shaxslar tomonidan faqat Oʻzbekiston Respublikasi Fanlar akademiyasi xulosalari asosida Oʻzbekiston Respublikasi Davlat tabiatni muhofaza qilish qoʻmitasi tomonidan beriladigan litsenziyalar boʻyicha, davlat oʻrmon fondi yerlarida oʻsadigan xuddi shunday oʻsimliklarga belgilangan kvotaga muvofiq Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasining ruxsatnomalari boʻyicha amalga oshirilishi belgilab qoʻyilsin.

Bunday oʻsimliklarni yigʻish (tayyorlash)ga litsenziyalar berish tartibi Oʻzbekiston Respublikasi Davlat tabiatni muhofaza qilish qoʻmitasi tomonidan, davlat oʻrmon fondi yerlaridagiga esa Oʻzbekiston Respublikasi Davlat tabiatni muhofaza qilish qoʻmitasi bilan kelishilgan holda Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi tomonidan belgilanadi;

5. Mazkur qarorning bajarilishini nazorat qilish Vazirlar Mahkamasining dehqonchilik sanoati kompleksi boʻlimiga yuklatilsin.

Yovvoyi hayvonlarni tutqunlikda saqlashga ularni saqlab qolish, keyinchalik tabiat qoʻyniga qoʻyib yuborib koʻpaytirish, sonini qayta tiklash va hayvonot dunyosini boyitish uchun koʻpaytirish va genetik fondlar yaratish maqsadida, shuningdek ilmiy, madaniy-maʼrifiy, tarbiyaviy va boshqa maqsadlarda ulardan mahsulot olish uchun yoʻl qoʻyiladi.

Yovvoyi hayvonlarni, shu jumladan zaharli va Oʻzbekiston Respublikasining Qizil kitobiga kiritilgan yovvoyi hayvonlarni koʻpaytirish va ulardan mahsulot olish maqsadida tutqunlikda saqlash boʻyicha Oʻzbekiston Respublikasi Davlat tabiatni muhofaza qilish qoʻmitasi huzuridagi Hayvonot va oʻsimlik dunyosini muhofaza qilish va ulardan oqilona foydalanish respublika inspeksiyasi (“Davbionazorat”) tomonidan tasdiqlanadigan yoʻriqnomalar, meʼyorlar va qoidalar, mulkchilik shaklidan, xoʻjalik faoliyati turidan va idoraviy boʻysunishidan qatʼi nazar, barcha korxonalar va tashkilotlar, shuningdek jismoniy shaxslar tomonidan bajarilishi majburiydir.

Yovvoyi hayvonlarning barcha turlari faqat Oʻzbekiston Respublikasi Davlat tabiatni muhofaza qilish qoʻmitasi huzuridagi “Davbionazorat” tomonidan beriladigan ruxsatnomalar boʻyicha tutqunlikda saqlanishi mumkin.

Yovvoyi hayvonlarni koʻpaytirish va ulardan mahsulot olish maqsadida zaharli hayvonlar (ilonlar, boʻgʻimoyoqlilar)ni tutqunlikda saqlash huquqi faqat Oʻzbekiston Respublikasi Fanlar akademiyasi, Sogʻliqni saqlash vazirligi, Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi va “Oʻzzoobirlashma” tashkilotlariga beriladi.

Oʻzbekiston Respublikasining Qizil kitobiga kiritilgan yovvoyi hayvonlarni Oʻzbekiston Respublikasi Fanlar akademiyasi, Davlat tabiatni muhofaza qilish qoʻmitasi va Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi tashkilotlari tomonidan tashkil etiladigan ixtisoslashtirilgan pitomniklardagina tutqunlikda saqlashga yoʻl qoʻyiladi. Bunday pitomniklarda koʻpaytirilgan yovvoyi hayvonlardan tijorat maqsadlarida faqat ikkinchi va undan keyingi avlodlardan boʻlgan bosh sonlaridan foydalanishga yoʻl qoʻyiladi.

Yuridik va jismoniy shaxslarga zoologik doʻkonlardan sotib olingan yoki Oʻzbekiston Respublikasi Davlat tabiatni muhofaza qilish qoʻmitasi organlarining ruxsatnomalari boʻyicha tabiatdan ovlangan yovvoyi hayvonlarni saqlashga, zaharli va Oʻzbekiston Respublikasining Qizil kitobiga kiritilgan yovvoyi hayvonlardan tashqari, ularni ovlashning qonuniyligini tasdiqlovchi hujjatlar mavjud boʻlgan taqdirda ruxsat beriladi.

Yuridik va jismoniy shaxslar belgilangan yoʻriqnomalar, meʼyorlar va qoidalar bajarilmagan taqdirda, shuningdek, hayvonlar oʻlimi yuqori boʻlgan yoki ular samarasiz koʻpaytirilgan hollarda yovvoyi hayvonlarni tutqunlikda saqlash huquqidan mahrum etiladilar.

Zoologik kolleksiyalar Oʻzbekiston Respublikasi Davlat tabiatni muhofaza qilish qoʻmitasi huzuridagi “Davbionazorat”da albatta roʻyxatdan oʻtkazilishi lozim.

1. Oʻzbekiston Respublikasining Qizil kitobiga kiritilgan yovvoyi hayvonlarni va oʻsimliklarni ovlash (otish), terish va respublika tashqarisiga olib chiqib ketish haq toʻlangan holda amalga oshiriladi.

2. Bunday hayvonlarni ovlaganlik (otganlik) uchun toʻlanadigan haq miqdori narxlarning umumiy oshishiga muvofiq amalga oshirilgan indeksatsiya hisobga olingan holda Oʻzbekiston Respublikasi Vazirlar Mahkamasining 1992-yil 9-martdagi 111-son qarori (1-ilova) bilan belgilangan Oʻzbekiston Respublikasi hududida yovvoyi hayvonlarni tutish uchun berilgan litsenziyalar (ruxsatnomalar) qiymati bilan belgilanadi.

3. Yovvoyi holda oʻsuvchi oʻsimliklarni terganlik uchun haq toʻlash miqdori (litsenziya qiymati) oʻsimlik turining maqomiga bogʻliq ravishda belgilanadi va yoʻqolib borayotgan oʻsimliklar uchun — oʻsimliklarning bir donasi uchun eng kam ish haqi miqdorining 20 foizini, noyob oʻsimliklar uchun 10 foizini, kamayib borayotgan oʻsimliklar uchun 2 foizini tashkil etadi.

1 kg urugʻlik terish uchun litsenziyaga haq toʻlash oʻsimlikning ushbu turini terganlik uchun belgilangan litsenziya qiymatining oʻn baravari miqdorida belgilanadi.

4. Yovvoyi hayvonlar va oʻsimliklarni Oʻzbekiston Respublikasi tashqarisiga olib chiqib ketish uchun haq toʻlash quyidagi miqdorlarda belgilanadi:

Oʻzbekiston Respublikasining Qizil kitobiga kiritilgan bir bosh yovvoyi hayvon (shu jumladan, tulum, oʻlja, teri, shox) uchun belgilangan litsenziya qiymatining 5 foizi, boshqa turlari uchun ushbu turdagi hayvonni tutish uchun belgilangan litsenziya qiymatining 1 foizi miqdorida;

Oʻzbekiston Respublikasining Qizil kitobiga kiritilgan oʻsimlikning bir donasi uchun — bu oʻsimlikni terish uchun belgilangan litsenziya qiymatining 5 foizi miqdorida;

1 kg urugʻ uchun — ushbu turdagi oʻsimlik urugʻini terish uchun belgilangan litsenziya qiymatining 10 foizi miqdorida.

5. Ajnabiy fuqarolardan yovvoyi hayvonlar va oʻsimliklarni ovlash (otish), terish va respublika tashqarisiga olib chiqib ketish uchun haq amaldagi kurs boʻyicha almashtiriladigan valyutada undiriladi.

6. Yovvoyi hayvonlar va oʻsimliklarni ovlash (otish), terish va respublika tashqarisiga olib chiqib ketish uchun haq Oʻzbekiston Respublikasi Davlat Tabiatni muhofaza qilish qoʻmitasi organlari tomonidan undiriladi.

Haq undirishdan olingan mablagʻlar Oʻzbekiston Respublikasi Davlat tabiatni muhofaza qilish qoʻmitasi huzuridagi “Davbionazorat” maxsus mablagʻlarining joriy hisob raqamiga oʻtkaziladi, ulardan 75 foizi “Davbionazorat” inspeksiyasi tomonidan respublika budjeti daromadiga oʻtkaziladi.