Oʻzbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari toʻgʻrisida” 1994-yil 21-yanvardagi Farmoniga muvofiq Vazirlar Mahkamasi qaror qiladi:

1. Birlashmalar, korxonalar, tashkilotlarning:

Oʻzbekiston davlat mashinasozlik konserni (Oʻzdavkonsern)ni va Oʻzbekiston paxtani qayta ishlash sanoatini ilmiy-texnikaviy taʼminlash davlat konsernini tugatish toʻgʻrisidagi;

1-ilovaga muvofiq birlashmalar, korxonalar va tashkilotlar tomonidan Oʻzbekiston mashinasozlik korxonalari uyushmasi (“Oʻzmashsanoat”)ni taʼsis etish toʻgʻrisidagi;

“Oʻzmashsanoat” uyushmasi tomonidan Oʻzbekiston davlat mashinasozlik konserni va Oʻzbekiston paxtani qayta ishlash sanoatini ilmiy-texnikaviy taʼminlash davlat konserni qabul qilgach majburiyatlar, tuzgan shartnomalar, kontraktlar va ularga tegishli mol-mulklar boʻyicha huquqiy vorislik funksiyalarining amalga oshirilishi toʻgʻrisidagi takliflari qabul qilinsin.

2. “Oʻzmashsanoat” uyushmasi ijro etuvchi apparatining 2-ilovaga muvofiq tuzilmasi va xodimlari soni (xizmat koʻrsatuvchi xodimlardan tashqari) 67 nafar, shu jumladan, Vazirlar Mahkamasi tomonidan tasdiqlanadigan uyushma raisi hamda uning 3 nafar oʻrinbosari boʻlishiga rozilik berilsin.

Maʼlumot uchun qabul qilinsinki, ijro etuvchi apparatni mablagʻ bilan taʼminlash uyushma qatnashchilari — birlashmalar, korxonalar va tashkilotlarning ajratmalari hisobidan amalga oshiriladi.

3. Belgilab qoʻyilsinki, “Oʻzmashsanoat” uyushmasining asosiy vazifalari quyidagilar hisoblanadi:

uyushma taʼsischilarini huquqiy himoya qilish hamda davlat va mahalliy hokimiyat va boshqaruv organlarida ularning qonuniy manfaatlarini ifodalash;

bozor konyunkturasi va mahsulot marketingidan kelib chiqqan holda ishlab chiqarishni rivojlantirish strategiyasini belgilash, uyushma aʼzolarining — mulkchilikning barcha shakllaridagi birlashmalar, korxonalar va tashkilotlarning faoliyatini oʻzaro muvofiqlashtirish, ularning moliyaviy-iqtisodiy ahvolini mustahkamlash;

uyushma doirasida raqobatbardoshli mahsulotlarni yaratish va ishlab chiqarishni taʼminlaydigan yagona ilmiy-texnika va investitsiya siyosatini oʻtkazish, mavjud asosiy fondlardan samarali foydalanish.

4. “Oʻzmashsanoat” uyushmasi Davlat mulki qoʻmitasi bilan birgalikda bir oy muddatda Vazirlar Mahkamasiga 1994-1995-yillarda uyushma tarkibiga kiruvchi davlat korxonalarini, ularni asosan ochiq turdagi aksionerlik uyushmalariga qayta oʻzgartirishni nazarda tutgan holda davlat tasarrufidan chiqarish va xususiylashtirish boʻyicha takliflar kiritsin.

Oʻzbekiston Respublikasi Davlat mulki qoʻmitasi “Oʻzmashsansoat” uyushmasiga uyushma aʼzolari — davlat birlashmalari, korxonalari, tashkilotlarini, davlat tasarrufidan chiqarilgandan keyin esa — davlat korxonalari negizida tashkil etilgan, uyushma tarkibiga kiruvchi aksionerlik jamiyatlarini, shirkatlarni davlatga tegishli aksiyalar (ulushlar, paylar)ga muvofiq boshqarish huquqini bersin.

5. “Oʻzmashsanoat” uyushmasi ikki hafta muddatda Ustav ishlab chiqsin va Vazirlar Mahkamasi bilan kelishgan holda uni qabul qilsin.

6. Oʻzbekiston Respublikasi Aloqa vazirligi tugatilayotgan Oʻzbekiston davlat mashinasozlik konserni va Oʻzbekiston paxtani qayta ishlash sanoatini ilmiy-texnikaviy taʼminlash davlat konsernidagi oʻrnatilgan barcha telefonlarni va aloqa turlarini “Oʻzmashsanoat” uyushmasida saqlab qolsin.

7. “Oʻzmashsanoat” uyushmasi Toshkent shahar, Mustaqillik maydoni, 2-uyda joylashgan.

8. Oʻzbekiston SSR Ministrlar Sovetining “Oʻzbekiston davlat mashinasozlik konsernini tashkil etish toʻgʻrisida” 1990-yil 26-oktabrdagi 346-son, “Oʻzbekiston davlat qishloq xoʻjaligi va avtomobil mashinasozligi konsernini tashkil etish toʻgʻrisida” 1990-yil 26-oktabrdagi 348-son, “Oʻzbekiston paxtani qayta ishlash sanoatini ilmiy-texnikaviy taʼminlash davlat konsernini tashkil etish toʻgʻrisida” 1990-yil 31-oktabrdagi 353-son, “Oʻzbekiston davlat qishloq xoʻjaligi va avtomobil mashinasozligi paxtani qayta ishlash sanoatini ilmiy-texnikaviy taʼminlash konsernlarining ustavlarini tasdiqlash toʻgʻrisida” 1990-yil 26-noyabrdagi 368-son qarorlari va Vazirlar Mahkamasining 1991-yil 17-oktabrdagi 222-f farmoyishi oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Bosh vazir oʻrinbosari A.N. Voznenko zimmasiga yuklansin.

1. “Toshkent ekskavator zavodi” ishlab chiqarish birlashmasi

2. “Andijongidromash” ishlab chiqarish birlashmasi

3. “Andijonirmash” zavodi

4. “Podyemnik” ishlab chiqarish birlashmasi, Toshkent shahri

5. “Kompressor” zavodi, Toshkent shahri

6. “Elbor” ishlab chiqarish birlashmasi, Toshkent shahri

7. “Toshavtomatika” aksionerlik korxonasi

8. Samarqand “Sino” sovutgichlar zavodi

9. “Kinap” ishlab chiqarish birlashmasi, Samarqand shahri

10. Toshkent raqamli programmali boshqariladigan metallga ishlov berish uskunalariga texnik xizmat koʻrsatish markazi

11. Toshkent qadoqlash va joylash tajriba konstruktorlik byurosi

12. “Zenit” firma texnik-savdo markazi, Toshkent shahri

13. Toshkent asbobsozlik zavodi

14. Toshkent abraziv zavodi

15. Namangan mashinasozlik zavodi

16. Namangan avtomatlashtirish va mexanizatsiyalashtirish vositalari zavodi

17. “Oʻzbekkimyomash” zavodi, Chirchiq shahri

18. Toshkent asbobsozlik texnologiyasi byurosi

19. “Toshkent traktor zavodi” ishlab chiqarish birlashmasi

20. “Toshqishloqxoʻjalikmash” ishlab chiqarish birlashmasi

21. “Texnolog” ilmiy-ishlab chiqarish birlashmasi, Toshkent shahri

22. Paxtachilik mashinalari davlat maxsus-konstruktorlik byurosi, Toshkent shahri

23. “Oʻzbekqishloqmash” ishlab chiqarish birlashmasi, Toshkent shahri

24. Toshkent agregat zavodi

25. “Oʻzitalmotor” Oʻzbekiston—Italiya qoʻshma aksionerlik jamiyati, Toshkent shahri

26. “Toshkimyoqishloqmash” zavodi

27. “Chirchiqqishloqxoʻjalikmash” ishlab chiqarish birlashmasi, Toshkent viloyati

28. Yangiyoʻl “Normal” qishloq xoʻjaligi texnikasi detallari tajriba-ixtisoslashtirilgan zavodi

29. Urganch “Ozuqamash” ozuqa yigʻuvchi mashinalar zavodi

30. Buxoroixtisoslashtirilgan tajriba zavodi

31. “Oʻzbektoʻqimash” ishlab chiqarish birlashmasi, Toshkent shahri

32. “Oʻzbekpaxtamash” ilmiy-ishlab chiqarish birlashmasi, Toshkent shahri

33. “4-davlat loyiha instituti” jamoa korxonasi (4-DLI), Toshkent shahri

34. 4-qurilish-montaj boshqarmasi (4-QMB), Toshkent shahri

35. Toshkent kimyo texnologiyalari ilmiy-tadqiqot instituti, Toshkent viloyati

36. “Vostok” ilmiy-ishlab chiqarish birlashmasi, Toshkent shahri

Eslatma. Taʼsischilari uyushma aʼzolari boʻlgan ilmiy-ishlab chiqarish va ishlab chiqarish birlashmalari, qoʻshma korxonalar (shu jumladan, xorijiy sarmoyalar ishtirokida) tarkibiga kiruvchi korxonalar uyushma aʼzolari hisoblanadilar.

Rahbariyat

Marketing, birja faoliyati, kooperatsiya moddiy-texnika resurslari boshqarmasi

Ishlab chiqarishni rivojlantirish strategiyasi, investitsiyalar va texnik qayta jihozlash boshqarmasi

Moliya, hisob va hisobot, narx belgilash boshqarmasi

Tashqi iqtisodiy aloqalar, firmalar va qoʻshma korxonalar ishini muvofiqlashtirish boʻlimi

Axborot-texnik markazli fan va texnika boʻlimi

Davlat tasarrufidan chiqarish va xususiylashtirish boʻlimi

Iqtisodiy tahlil va ijtimoiy himoya qilish boʻlimi

Xalq isteʼmol mollari ishlab chiqarishni rivojlantirish boʻlimi

Tarmoq auditi

Ishlar boshqarmasi

Birinchi boʻlim