|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
“MAGNUM” HAYDOV TRAKTORLARINI JIHOZLASh UChUN PLUGLAR XARID QILISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Vazirlar Mahkamasining “Qishloq xoʻjaligi ishlab chiqarishning texnik jihatdan taʼminlanganligi darajasini oshirishga oid chora-tadbirlar toʻgʻrisida” 1997-yil 20-avgustdagi 410-son qarorining 5-bandini amalga oshirish maqsadida Vazirlar Mahkamasi qaror qiladi:
1. Quyidagilar:
“Oʻzqishloqxoʻjaliktaʼminottuzatish” davlat-kooperativ qoʻmitasi tomonidan “Keys Korporeyshn” firamasining 600 ta “Magnum” traktorini jihozlashga moʻljallangan “Kverneland” Norvegiya firmasining 600 ta plugini yetkazib berish yuzasidan “Keys Frans” firmasi bilan 8700 ming AQSh dollari summasiga kontrakt tuzilganligi;
kontrakt qiymatining 1305 ming AQSh dollari summasidagi 15 foizli avans toʻlovi “Oʻzqishloqxoʻjaliktaʼminottuzatish” davlat-kooperativ qoʻmitasining oʻz mablagʻlari hisobiga amalga oshirilishi;
kontrakt qoʻmitaning 7395 ming AQSh dollari summasidagi 85 foizini mablagʻ bilan taʼminlash Oʻzbekiston Respublikasi Tashqi iqtisodiy faoliyat milliy bankining kreditlari — “GIEK (Norvegiya) jamiyatining sugʻurta qoplamasi ostida “Eksportfaynes” (Norvegiya) moliya tashkilotining qayta moliyalashtirilgan mablagʻlari hisobiga amalga oshirilishi;
Oldingi tahrirga qarang.
xorijiy banklar kreditlarini, foizlarni va ularga xizmat koʻrsatish bilan bogʻliq sarf-xarajatlarni toʻlash “Oʻzqishloqxoʻjaliktaʼminottuzatish” davlat-kooperativ qoʻmitasi daromadlari va respublika budjeti mablagʻlari hisobga teng ulushlarda ilovaga* muvofiq amalga oshirilishi maʼlumot uchun qabul qilinsin.
(1-bandining beshinchi xatboshi Oʻzbekiston Respublikasi Vazirlar Mahkamasining 2003-yil 25-dekabrdagi 567-sonli qarori tahririda — OʻR QHT, 2003-y., 24-son, 241-modda)
* Ilova berilmaydi.
Oldingi tahrirga qarang.
(1-bandining oltinchi xatboshi Oʻzbekiston Respublikasi Vazirlar Mahkamasining 2003-yil 25-dekabrdagi 567-sonli qarori bilan chiqarilgan— OʻR QHT, 2003-y., 24-son, 241-modda)
2. Oʻzbekiston Respublikasi Moliya vaziri jalb qilinayotgan kredit boʻyicha “Eksportfaynens” moliya tashkilotiga va Tashqi iqtisodiy faoliyat milliy bankiga (“Oʻzqishloqxoʻjaliktaʼminottuzatish” davlat-kooperativ qoʻmitasi majburiyatlari yuzasidan) belgilangan tartibda Oʻzbekiston Respublikasi Hukumati kafolatlarini berishga vakil qilinsin.
3. Oʻzbekiston Respublikasi Adliya vaziri Oʻzbekiston Respublikasi Hukumati kafolatlari boʻyicha belgilangan tartibda yuridik xulosa bersin.
4. Oʻzbekiston Respublikasi Tashqi iqtisodiy faoliyat milliy banki belgilangan tartibda “GIEK” jamiyatining sugʻurta qoplamasi ostida “Eksportfaynes” moliya tashkiloti bilan kredit bitimini tuzsin va mablagʻlarni “Oʻzqishloqxoʻjaliktaʼminottuzatish” davlat-kooperativ qoʻmitasiga qayta moliyalashtirsin.
5. “Oʻzqishloqxoʻjaliktaʼminottuzatish” davlat-kooperativ qoʻmitasi koʻrsatib oʻtilgan kontrakt boʻyicha respublikaga yetkazib beriladigan pluglar uchun boj toʻlashdan ozod etilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I. H. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1998-yil 31-iyul,
326-son
