|
Hujjat kuchini yo‘qotgan " " 30.01.2025
|
O‘ZBEKISTON RESPUBLIKASI SOG‘LIQNI SAQLASH VAZIRINING
buyrug‘i
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomni tasdiqlash haqida
[O‘zbekiston Respublikasi Adliya vazirligi tomonidan 2001-yil 29-dekabrda 1090-son bilan davlat ro‘yxatidan o‘tkazilgan]
LexUZ sharhiMazkur buyruq O‘zbekiston Respublikasi sog‘liqni saqlash vazirining 2024-yil 25-dekabrdagi 36-sonli “Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomni tasdiqlash haqida”gi buyrug‘iga (ro‘yxat raqami 3604, 27.01.2025-y.) asosan o‘z kuchini yo‘qotgan.
O‘zbekiston Respublikasining “Giyohvandlik vositalari va psixotrop moddalar to‘g‘risida”gi Qonunining ijrosini ta’minlash maqsadida (O‘zbekiston Respublikasi Oliy Majlis Axborotnomasi, 1999-yil, 9-son, 210-modda) buyuraman:
1. “Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizom” tasdiqlansin.
2. Mazkur buyruq O‘zbekiston Respublikasi Adliya vazirligida davlat ro‘yxatiga olingan kundan boshlab o‘n kun o‘tgach amalga kiritilsin.
3. Mazkur buyruqning ijrosini nazorat qilish O‘zbekiston Respublikasi sog‘liqni saqlash vazirining birinchi o‘rinbosari D.A. Asadov zimmasiga yuklatilsin.
Sog‘liqni saqlash vaziri F. NAZIROV
Toshkent sh.,
2001-yil 28-noyabr,
527-son
O‘zbekiston Respublikasi sog‘liqni saqlash vazirining 2001-yil 28-noyabrdagi 527-sonli buyrug‘i bilan
TASDIQLANGAN
TASDIQLANGAN
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi
NIZOM
I. UMUMIY QOIDALAR
Mazkur Nizom O‘zbekiston Respublikasining “Giyohvandlik vositalari va psixotrop moddalar to‘g‘risida”gi Qonuniga muvofiq ishlab chiqilgan va O‘zbekiston Respublikasida nazorat ostiga olingan giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish tartiblarini belgilaydi.
Mazkur Nizom O‘zbekiston Respublikasi Sog‘liqni saqlash vazirligi tomonidan berilgan litsenziya asosida giyohvandlik vositalari, psixotrop moddalar va prekursorlar muomalasi bilan bog‘liq faoliyat bilan shug‘ullanuvchi yuridik shaxslarga (bundan buyon matnda yuridik shaxslar deb yuritiladi) nisbatan amal qiladi.
LexUZ sharhi(I-bo‘limning ikkinchi xatboshisi O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Tibbiyot maqsadida foydalaniladigan yangi giyohvandlik vositalari va psixotrop moddalarni davlat ro‘yxatidan o‘tkazish O‘zbekiston Respublikasining “Dori vositalari va farmatsevtika faoliyati to‘g‘risida”gi Qonuniga muvofiq amalga oshiriladi.
Giyohvandlik vositalari, psixotrop moddalar va prekursorlarni saqlash, berish, sotish, taqsimlash O‘zbekiston Respublikasi Sog‘liqni saqlash vazirligi tomonidan ushbu faoliyat turlari bilan shug‘ullanish uchun beriladigan litsenziya mavjud bo‘lganda amalga oshiriladi.
Giyohvandlik vositalari, psixotrop moddalar va prekursorlarni saqlash, berish, sotish, taqsimlash va hisobini olib borilishi O‘zbekiston Respublikasining giyohvandlik vositalari, psixotrop moddalar va prekursorlarga belgilangan ehtiyojlari doirasida amalga oshiriladi.
LexUZ sharhi(I bo‘lim beshinchi xatboshisi O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Yuridik shaxslar mazkur Nizomga muvofiq har oy inventarizatsiya o‘tkazishlari lozim.
LexUZ sharhi(I-bo‘limning oltinchi xatboshisi bilan to‘ldirilgan O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
II. GIYOHVANDLIK VOSITALARINI SAQLASH, BERISH, SOTISH, TAQSIMLASH VA HISOBGA OLISH TARTIBI
1§. Dorixonalarda giyohvandlik vositalarini saqlash, berish, sotish, taqsimlash va hisobga olish
1. Giyohvandlik vositalari seyflarda saqlanadi. Seyflar yopiq holda bo‘lishi kerak. Ish kuni tugagandan so‘ng seyflar qulflanishi va muhrlanishi kerak, kalitlar, muhr va tamg‘a esa buyruq asosida tayinlangan saqlash uchun javobgar shaxsda bo‘lishi lozim.
2. Xizmat majburiyatiga binoan giyohvandlik vositalari bilan bevosita ish olib boruvchi shaxslarni ishga qabul qilishda ularni giyohvandlik vositalari, psixotrop moddalar va prekursorlar muomalasini tartibga soluvchi normativ-huquqiy hujjatlar bilan tanishtirilishi, shuningdek, giyohvandlik vositalari muomalasi bilan bevosita aloqador bo‘lgan shaxs va ma’muriyat o‘rtasida mehnat shartnomasi (kontrakt) tuzilganda ikkala tomonning majburiyatlari ko‘rsatilishi lozim.
LexUZ sharhi(2-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
3. Giyohvandlik vositasini kundalik ish uchun giyohvandlik vositalari saqlanadigan xonadan assistentlar xonasiga faqat dorixona mudiri yoki vakolatli shaxs orqali beriladi.
4. Giyohvandlik vositalari tunda dorixonaning assistentlar xonasida qoldirilmasligi kerak.
5. Giyohvandlik vositalari raqamlangan, ip o‘tkazib tikilgan, yuqori turuvchi tashkilot yoki korxona rahbarining muhri va imzosi bilan tasdiqlangan maxsus daftarda ashyoviy-miqdor sifatida hisobda turishi kerak (mazkur Nizomning 1-ilovasi).
6. Har oyning 3-sanasigacha dorixonada bo‘lgan giyohvandlik vositalari inventarizatsiya qilinadi va mazkur Nizomning 1a-ilovasidagi shakl bo‘yicha inventarizatsiya ro‘yxati tuziladi.
O‘tkazilgan inventarizatsiya natijasida avvalgi inventarizatsiya ro‘yxatidagi ma’lumotlarga to‘g‘ri kelmagan yoki farq qilgan holatlar aniqlanganda, mazkur holat aniqlangandan so‘ng uch kun ichida dorixona mudiri bu haqida ichki ishlar organlariga xabar berishi lozim. O‘g‘rilik va yo‘qotish holatlari sodir bo‘lganda dorixona mudiri tezlik bilan ichki ishlar boshqarmasining hududiy organlariga va o‘zining yuqori turuvchi tashkilotlariga xabar berishi shart bo‘lib, o‘z navbatida yuqori turuvchi tashkilotlar Sog‘liqni saqlash vazirligiga zudlik bilan mazkur Nizomning 2-ilovasidagi shakl bo‘yicha yozma xabar berishi kerak.
LexUZ sharhi(6-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
7. O‘zbekiston Respublikasida tibbiyot amaliyotida ishlatishga ruxsat berilmagan giyohvandlik vositalarini dorixonalarda saqlash taqiqlanadi.
8. Dorixonalardan giyohvandlik vositalarini jismoniy shaxslarga shifokor retsepti asosida berish huquqiga buyruq asosida tayinlangan quyidagi farmatsevtika xodimlari ega:
dorixona mudiri;
dorixona mudir o‘rinbosari;
dorixona bo‘limi mudiri;
dorixona farmatsevti (provizori);
dorixona farmatsevt (provizor) assistenti
Giyohvandlik vositalari faqat giyohvandlik vositalariga retsept yozish qoidalari bo‘yicha rasmiylashtirilgan retsept asosida beriladi (mazkur Nizomning 3-paragraf va 3-ilovasi).
LexUZ sharhi(8-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
9. Farmatsevt-texnolog (provizor-texnolog) tarkibida giyohvandlik vositasi bo‘lgan dorining retseptini olganda, ushbu dorini qabul qiluvchi bemorning yoshini aniqlashi, belgilangan dozaning to‘g‘riligini, yozib berilgan dori shaklining tarkibiy qismlarining mutanosibligini tekshirishi va giyohvandlik vositasining nomini qizil ruchka bilan chizib ko‘rsatishi kerak.
LexUZ sharhi(9-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
10. Dori tarkibiga kiruvchi giyohvandlik vositasi saqlanish joyidan farmatsevt (provizor) assistenti ishtirokida farmatsevt-texnolog (provizor-texnolog) (buyruq asosida tayinlangan) tomonidan o‘lchab (tortib) olinadi, so‘ng shtanglas darhol seyfga olib qo‘yiladi. Farmatsevt-texnolog (provizor-texnolog) retseptning orqa tomoniga giyohvandlik vositasini bergani haqida imzo qo‘yadi, farmatsevt (provizor) assistenti esa giyohvandlik vositasining nomini va kerakli miqdorini qabul qilib olganini tasdiqlaydi. Retseptning orqa tomoniga qo‘lda yozish o‘rniga muhr qo‘yilishi mumkin (Mazkur Nizomning 4-ilovasi).
Farmatsevt (provizor) assistenti tomonidan qabul qilib olingan giyohvandlik vositasi zudlik bilan dori tayyorlash uchun ishlatilishi va darhol tekshirib ko‘rish uchun farmatsevt-texnolog (provizor-texnolog)ga berilishi shart.
Giyohvandlik vositalari saqlanadigan seyfda ularni o‘lchash va dori tayyorlash uchun qo‘l tarozilari, tarozi toshlari, hovonchalar, silindr va voronkalar bo‘lishi shart va ular farmatsevt (provizor) assistenti yoki farmatsevt-texnolog (provizor-texnolog) kuzatuvi ostida boshqa idishlardan alohida holda yuvilishi va qayta ishlanishi shart. Dori vositalari tayyorlanadigan idishlar yorliqlangan bo‘lishi kerak.
LexUZ sharhi(10-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
11. Agarda retseptda giyohvandlik vositasi bilan boshqa ingrediyentlar birga yozilgan bo‘lsa, giyohvandlik vositalarini alohida (tayyorlangan dori tarkibiga qo‘shmagan holda) berish taqiqlanadi.
12. Giyohvandlik vositalarini qayta olish uchun shifokor bemorga yangi retsept yozib berishi shart.
13. Giyohvandlik vositalari shahar chegarasidagi yoki qishloq ma’muriy hududlaridagi dorixonalardan mazkur hududlarda joylashgan davolash-profilaktika muassasalarining retseptlari asosida beriladi.
14. Giyohvandlik vositalari saqlovchi dorilar yozilgan, foydalanilgan retsept blankalari oylar va yillar bo‘yicha ajratilgan ko‘rinishda 5 yil davomida tikilgan, muhrlangan holda saqlanishi shart.
Giyohvandlik vositalari berilgan retseptlar giyohvandlik vositalari saqlanadigan xonada saqlanadi. Saqlanish muddati tugagan retseptlar yoqib yuborish yo‘li bilan yo‘q qilinib, tegishli dalolatnoma bilan rasmiylashtiriladi (mazkur Nizomning 5-ilovasi).
2§. Davolash-profilaktika muassasalarida giyohvandlik vositalarini va maxsus pushti retsept blankalarini saqlash, berish va hisobga olish
15. Davolash-profilaktika muassasalari dorixonalarida giyohvandlik vositalarini hisobga olish va berish aholiga xizmat ko‘rsatuvchi dorixonalar uchun o‘rnatilgan tartibda amalga oshiriladi.
LexUZ sharhi(15-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
LexUZ sharhiQarang: Vazirlar Mahkamasining 2003-yil 12-sentabrdagi 397-son qarori bilan tasdiqlangan Veterinariyada giyohvandlik vositalari, psixotrop moddalar va prekursorlardan foydalanish tartibi.
16. O‘z dorixonalariga ega bo‘lmagan davolash-profilaktika muassasalari giyohvandlik vositalarini faqat sanoat yoki dorixonalar tomonidan ishlab chiqarilgan (tayyorlangan) tayyor dori vositasi ko‘rinishida olishlari kerak. Davolash-profilaktika muassasalari tomonidan dorixonalardan olinadigan, tarkibida giyohvandlik vositalari bo‘lgan dorilar signatura yoki etiketkasida aniq va yaqqol ko‘rinuvchi belgilarga: “Ichish uchun”, “Sirtqi”, “Inyeksiya uchun”, “Ko‘z tomchilari” va h.k., shuningdek, dori tayyorlagan dorixona raqami (nomi), bo‘lim nomi (kabinet), talabnomada ko‘rsatilgan yozuv bilan bir xil bo‘lgan dori tarkibi, tayyorlanish vaqti hamda tayyorlagan, tekshirgan va dorixonadan dorini bergan shaxsning imzosiga ega bo‘lishi kerak.
LexUZ sharhi(16-bandning birinchi xatboshisi O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari qadog‘ida yuqorida ko‘rsatilgan belgilar ko‘rsatilmagan hollarda ularni davolash-profilaktika muassasalarida ishlatish va saqlashga ruxsat etilmaydi. Bo‘lim (xona) idishlariga qadoqlash, solish, tortish, quyish va joylashtirish hamda yorliqlarni o‘zgartirish qat’iyan man etiladi.
17. Parenteral qo‘llash uchun, ichish va sirtga qo‘llanuvchi giyohvandlik vositalari alohida saqlanishi shart.
18. Davolash-profilaktika muassasalari dorixonalaridagi giyohvandlik vositalari zaxirasi bir oylik ehtiyojidan oshmasligi kerak.
Davolash-profilaktika muassasasi rahbari buyrug‘i bilan aniqlangan bo‘limlardagi (xonalardagi) giyohvandlik vositalari zaxirasi uch kunlik ehtiyojdan oshmasligi kerak; davolash-profilaktika muassasasining navbatchi tibbiy xodimlarida giyohvandlik vositasining faqat bir kunlik zaxirasi saqlanishi mumkin va bu giyohvandlik vositasi seyflarda yoki eshiklarining mustahkamligini ta’minlash uchun metall moslamalar yoki burchaklar o‘rnatilgan, polga (devorga) qotirilgan metall shkaflarda saqlanishi kerak.
LexUZ sharhi(18-bandning ikkinchi xatboshisi O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
19. Kechki va tungi vaqtlarda hayot taqozosi bo‘yicha tez tibbiy yordam ko‘rsatish uchun statsionarlarning qabulxonalarida giyohvandlik vositalarining besh kunlik ehtiyoj zaxirasini tashkil etishga ruxsat beriladi. Giyohvandlik vositalarining ko‘rsatilgan zaxirasi mas’ul navbatchi shifokor ruxsati bilan statsionarning barcha bo‘limlarida ishlatilishi mumkin.
20. Giyohvandlik vositalarni saqlash va bemorlarga berishni tashkil qilishga bosh shifokor (uning o‘rinbosari), shuningdek muassasa buyrug‘i bilan belgilangan shaxslar javobgar bo‘ladi.
21. Davolash-profilaktika muassasalarining navbatchi tibbiyot xodimlarining giyohvandlik vositalar saqlanadigan joyida giyohvandlik vositalarining bir martalik va bir kunlik dozasi ko‘rsatilgan jadvallar hamda ulardan zaharlanish holatlarida zaharlanishga qarshi ishlatiladigan moddalar jadvali bo‘lishi kerak.
LexUZ sharhi(21-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
22. Bemorlarga giyohvandlik vositalari saqlovchi dorilarni berish, boshqa dorilardan alohida ajratilgan holda amalga oshiriladi.
23. Ichish uchun berilgan giyohvandlik dori vositalarini bemor tomonidan qabul qilinishi faqat shifokor va hamshira ishtirokida amalga oshiriladi.
24. Navbatchi tibbiyot xodimlarida va davolash-profilaktika muassasalarining bo‘limlarida (xonalarida) saqlanadigan giyohvandlik vositalari hisobi ashyoviy miqdor hisobida olib boriladi va ular mazkur Nizomning 6 va 6a-ilovalarida ko‘rsatilgan shakl bo‘yicha raqamlangan, ip o‘tkazib tikilgan, davolash muassasasi rahbarining muhri va imzosi bilan tasdiqlangan maxsus daftarda qayd etib boriladi.
LexUZ sharhi(24-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
25. Davolash-profilaktika muassasalari zarur bo‘lgan retseptura blankalarini Sog‘liqni saqlash vazirligining mahalliy boshqaruv organlaridan oladilar.
26. Giyohvandlik vositalari uchun maxsus pushti retsept blankalari davolash-profilaktika muassasasiga kelib tushganda bosh shifokor buyrug‘i bilan tayinlangan komissiya tomonidan qabul qilib olinadi va hisobga olish jurnalida dalolatnoma asosida qayd etib boriladi.
27. Giyohvandlik vositalarining maxsus pushti retsept blankalari hisobi sahifalari raqamlangan, ip o‘tkazib tikilgan va davolash-profilaktika muassasasining rahbari imzosi va muhri bilan tasdiqlangan, mazkur Nizomning 7-ilovasida ko‘rsatib o‘tilgan shakl bo‘yicha “hisobga olish” daftarida qayd etib boriladi.
LexUZ sharhi(27-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
28. Har bir davolash-profilaktika muassasasida rahbar buyrug‘i bilan retsept blankalarini olish, saqlash, hisobga olish hamda ularni berishga javobgar bo‘lgan shaxs tayinlanadi. Giyohvandlik vositalari uchun mo‘ljallangan maxsus pushti retsept blankalari seyf yoki metall shkaflarda javobgar shaxs nazorati ostida saqlanishi kerak.
29. Giyohvandlik vositalari uchun pushti retsept blankalari bosh shifokor yoki uning o‘rinbosari ko‘rsatmasi asosida giyohvandlik preparatlari uchun retsept yozish huquqiga ega bo‘lgan shifokorlarga ikki haftalik ehtiyoj miqdorida beriladi, biroq ushbu miqdor 10 tadan ortiq bo‘lmasligi kerak (ehtiyojlar ortgan hollarda giyohvandlik vositalari uchun pushti retsept blankalarining soni bosh vrach yoki uning o‘rinbosari ko‘rsatmasiga ko‘ra oshirilishi mumkin).
30. Davolovchi shifokorlarda kundalik ehtiyoj uchun kerak bo‘lgan retsept blankalari qulflangan holatda saqlanishi kerak.
31. Davolash-profilaktika muassasalaridagi kundalik ehtiyojlar uchun zarur bo‘lgan maxsus pushti retsept blankalari zaxirasi bir oylik ehtiyoj miqdoridan oshmasligi kerak. Ularning ortiqcha miqdorini Sog‘liqni saqlash boshqarmasining hududiy organlariga topshirilishi shart.
32. Giyohvandlik vositalari uchun mo‘ljallangan maxsus pushti retsept blankalari zaxirasi eshiklari temir qoplag‘ich bilan mustahkamlangan metall shkaflarda, ularning kalitlari esa muassasa rahbarida yoki muassasa buyrug‘i asosida vakolat berilgan shaxsda saqlanishi kerak.
33. Har bir davolash-profilaktika muassasasida rahbar buyrug‘i bilan belgilangan, doimiy faoliyat ko‘rsatuvchi komissiya tuziladi. Komissiya har oyda bir marta davolovchi shifokorlarning giyohvandlik vositasini tavsiyasi to‘g‘ri ekanligini, ularni va maxsus pushti retsept blankalarini muassasada saqlanishi, hisobini olib borilishi va sarfini tekshiradi.
34. Doimiy faoliyat ko‘rsatuvchi komissiya har chorakda bir marta giyohvandlik vositalari retsept blankalari saqlanishiga javobgar bo‘lgan shaxsda nechta blanka mavjudligini va uning soni hisobini olib boriladigan daftardagi ma’lumotga mos kelishini tekshiradi. Daftardagi qoldiq haqiqatdagi soniga to‘g‘ri kelmaganligi aniqlanganda retsept blankalarini olish, saqlash va hisobini olib borishga, shuningdek retsept blankalari berishga javobgar bo‘lgan shaxs javobgarlikka tortiladi va mazkur holat haqida bir sutka ichida Sog‘liqni saqlash boshqarmalari organlarini yozma holda ogohlantirishi zarur.
35. Davolash-profilaktika muassasasi boshliqlari giyohvandlik vositalari va maxsus pushti retsept blankalaridan samarali foydalanishiga hamda ularni saqlanishi, hisobga olish va xavfsizligiga to‘liq mas’uldir.
36. Hududiy sog‘liqni saqlash organlari davolash-profilaktika muassasalari faoliyatini o‘rganish vaqtida giyohvandlik vositalari uchun mo‘ljallangan maxsus pushti retsept blankalarini saqlanishini nazorat qiladi.
37. Davolash-profilaktika muassasalari rahbarlari har chorakda:
giyohvandlik dori vositalariga retsept yozilishi bo‘yicha shifokorlar tomonidan asossiz ravishda tez-tez giyohvandlik vositalari tavsiya etish holatlarini aniqlash maqsadida doimiy tahlil o‘tkazib turishi va aniqlangan natijalar asosida giyohvandlik vositalaridan foydalanishni tartibga solish chora-tadbirlarini ko‘rishi ;
davolash-profilaktika muassasasi boshlig‘i tomonidan buyruq bilan tasdiqlangan, giyohvandlik vositalarini yozish huquqiga ega shifokorlarning shaxsiy muhri va imzo nusxalari ro‘yxatini dorixonalarga yuborishi zarur.
LexUZ sharhi(37-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
3§. Giyohvandlik vositalarini yozib berish qoidalari
LexUZ sharhi(3-paragraf nomlanishi O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
38. Giyohvandlik vositalari sof holda yoki indefferent to‘ldiruvchilar bilan birgalikda qanday dori shaklida bo‘lishidan qat’iy nazar (shu bilan bir qatorda tayyor dori vositalari) ambulatoriya sharoitida davolanuvchi bemorlar uchun O‘zbekiston Respublikasi Sog‘liqni saqlash vazirligi tomonidan tasdiqlangan namuna asosida davolash-profilaktika muassasasining shtampi va yumaloq muhri bosilgan, retsept yozib bergan shifokorning shaxsiy muhri bosilgan maxsus pushti retsept blankalariga yoziladi.
LexUZ sharhi(38-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
39. Giyohvandlik vositalari uchun retsept maxsus pushti retsept blankalarda yozilgan, unga imzo chekkan va shaxsiy muhri bilan tasdiqlangan shifokor qo‘li bilan lotin yozuvida to‘ldirilgan bo‘lishi kerak, bundan tashqari giyohvandlik vositalarini bemorlarga yozib berish uchun to‘liq javobgar bo‘lgan ambulator-poliklinika muassasasi rahbari yoki uning davolash ishlari bo‘yicha o‘rinbosari tomonidan imzolangan va muhr bilan tasdiqlangan bo‘lishi kerak.
Ambulator-poliklinika muassasalari (bo‘limlari)ning davolovchi shifokorlari bemorlarga giyohvandlik vositalarini berilgan muddatidan boshlab 7 kun o‘tgach, avval tavsiya etilgan giyohvandlik vositalaridan bo‘shagan ampulalarni bemor yoki uning qarindoshlari tomonidan retseptda ko‘rsatilgan miqdor (son) da qaytarib topshirilgan holdagina qayta tavsiya etishga haqlidir.
Shifokorlar retseptda avval giyohvandlik vositalarining nomini, so‘ngra boshqa ingrediyentlar nomlarini yozishlari zarur.
LexUZ sharhi(39-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
40. Davolovchi shifokorlarga to‘ldirilmagan retsept blankalariga shaxsiy muhrlarini bosishlari man etiladi.
41. Davolash-profilaktika muassasalarining talabnomalarida giyohvandlik vositalarining nomlari faqat lotin tilida alohida blankalarda yozilgan va bo‘lim boshlig‘i tomonidan imzolangan bo‘lishi kerak. Talabnomalarda bo‘lim yoki xonaning nomi, giyohvandlik vositasining dori shakli, o‘lchov birligi, talab qilinayotgan soni ko‘rsatilishi shart bo‘lib, mazkur Nizomning 6b-ilovasidagi shakl bo‘yicha to‘ldiriladi.
LexUZ sharhi(41-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
42. Bir dona pushti maxsus retsept blankasida davolovchi shifokor tomonidan faqat bitta nomdagi giyohvandlik vositasi miqdori 7 kunlik ehtiyojdan oshirilmagan holda yozilishi kerak.
LexUZ sharhi(42-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
43. Ambulatoriya sharoitida davolanuvchi bemorlarga narkoz uchun qo‘llaniladigan preparatlar uchun retseptlar yozish man etiladi.
44. Inkurabel onkologik kasalliklar bilan og‘rigan bemorlarni davolash uchun yoziladigan bir retseptdagi giyohvandlik vositalarining miqdorini ikki marta oshirib yozish mumkin. Bu holda onkologik kasallik bilan og‘rigan bemor yashash joyiga ko‘ra giyohvandlik vositalarini oladigan dorixonaga davolash-profilaktika muassasasi rahbarining mazkur Nizomning 8-ilovasi ko‘rinishida yoziladigan yozma buyrug‘i bilan biriktiriladi.
45. Giyohvandlik vositalari uchun yozilgan retseptlar yetti kun davomida haqiqiydir.
LexUZ sharhi(45-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
46. Bemor tomonidan ishlatilgan giyohvandlik vositasining ampulalari topshirilgandan so‘ng, avval yozilgan giyohvandlik vositasi dorixonadan berilgan vaqtidan boshlab 10 kun o‘tgach giyohvandlik vositalariga qayta retsept yozib berilishi mumkin.
47. O‘rta ma’lumotli tibbiyot xodimlari giyohvandlik vositalariga retsept yozish huquqiga ega emaslar.
48. Yozilgan retsept yuqorida aytib o‘tilgan talablardan birortasiga javob bermagan yoki tarkibida nomutanosib dori vositasi yozilgan holatlarda retsept yaroqsiz hisoblanadi.
49. Barcha noto‘g‘ri yozilgan retseptlar dorixonalarda qoldiriladi va “Retsept yaroqsiz” degan shtamp bilan belgi qo‘yiladi hamda maxsus daftarda qayd etiladi, retsept yozish qoidalarini buzgan xodimga nisbatan tartibga chaqiruvchi qat’iy choralar ko‘rilishi uchun davolash-profilaktika muassasasining rahbariga xabar beriladi.
LexUZ sharhi(50-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘iga ko‘ra o‘z kuchini yo‘qotgan (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
4§. Dorixona omborxonalarida (bazalarda) giyohvandlik vositalari va maxsus pushti retsept blankalarini saqlash, berish va hisobini olib borish
51. Dorixona omborxonalarida (bazalarda) giyohvandlik vositalari va maxsus pushti retsept blankalari alohida jihozlangan va ish kuni oxirida qulflab, muhrlanadigan xonalardagi seyf yoki temir shkaflarda saqlanadi.
52. Giyohvandlik dori vositalari va maxsus pushti retsept blankalari saqlanadigan xonaga omborxona (baza) rahbari buyrug‘i bilan tayinlangan, bevosita ular bilan ishlash huquqi berilgan shaxslargagina kirishga ruxsat etiladi.
53. Dorixona omborxonalarida O‘zbekiston Respublikasida tibbiyot amaliyotida qo‘llashga ruxsat etilmagan giyohvandlik vositalarini saqlash man etiladi.
54. Giyohvandlik vositalarini qabul qilib olishda omborxona mudiri yoki rahbar tomonidan tayinlangan shaxs qabul qilib olingan miqdorning ilova qilingan hujjatlarga mos kelishini shaxsan o‘zi tekshirib ko‘rishi shart.
55. Kukun holatdagi giyohvandlik vositalari omborxonadan faqat muhrlangan holda beriladi.
56. Giyohvandlik vositalarini berilishi muassasa rahbari yoki uning o‘rinbosari tomonidan imzolangan va muassasa muhri bosilgan talabnoma asosida amalga oshirilishi shart.
57. Giyohvandlik vositalari uchun yoziladigan hamma talabnomalar boshqa tibbiyot vositalariga yoziladigan talabnomalardan alohida yozilishi, miqdorlar so‘z bilan yozilgan holda ko‘rsatilishi kerak.
58. Giyohvandlik vositalarini berish o‘rnatilgan tartibda rasmiylashtirilgan, olingan giyohvandlik vositalarining nomi va ularning miqdori so‘z bilan yozilgan, alohida ishonchnoma asosida amalga oshiriladi.
59. Giyohvandlik vositalarini berishdan oldin ularning saqlanishiga javobgar bo‘lgan shaxsning o‘zi berish uchun asos bo‘ladigan hujjatlarni, berilayotgan giyohvandlik vositasini ilova qilingan hujjat bilan mos kelishini, qadoqlanishining to‘g‘riligini tekshirishi hamda omborxonada qoldiriladigan tovar-transport yuk xati nusxasiga imzo qo‘yishi lozim.
60. Giyohvandlik vositalari dorixona omborxonalaridan faqat tibbiyot maqsadlari uchun giyohvandlik vositalari bilan bog‘liq faoliyat olib borish huquqini beruvchi litsenziyaga ega bo‘lgan yuridik shaxslarga beriladi.
61. Dorixona omborxonalarida giyohvandlik vositalari va ularni yozish uchun mo‘ljallangan maxsus pushti retsept blankalarini hisobi sahifalari raqamlangan va ip o‘tkazib tikilgan, muassasa muhri hamda rahbari imzosi bilan tasdiqlangan, mazkur Nizomning 9, 10-ilovalarida ko‘rsatilgan shakllariga ko‘ra maxsus daftarlarda olib boriladi.
62. Dorixona omborxonasida giyohvandlik vositalarining kirimi va chiqimiga taalluqli bo‘lgan barcha hujjatlar ularni saqlanishiga javobgar shaxsda, saqlanish muddatlariga amal qilgan holda, bu hujjatlarni to‘liq xavfsizligini ta’minlaydigan sharoitda saqlanishi lozim. Ko‘rsatib o‘tilgan hujjatlarning saqlanish muddati 5 yil.
5§. Ilmiy-tekshirish institutlari, oliy o‘quv yurtlari va nazorat-tahlil laboratoriyalarida giyohvandlik vositalarini saqlash, berish va hisobini olib borish
63. Ilmiy-tekshirish institutlari, oliy-o‘quv yurtlari va nazorat-tahlil laboratoriyalarida giyohvandlik vositalari alohida jihozlangan xonalarda saqlanadi, bunda giyohvandlik vositalari yopiq, plombalangan seyflarda saqlanadi.
64. Tahlil o‘tkazishga tayinlangan javobgar shaxsga berilgan giyohvandlik vositalari yoki giyohvandlik vositasini saqlovchi dorilar alohida qulflangan holda saqlanishi zarur.
65. Giyohvandlik vositalarini saqlanishiga laboratoriya mudiri yoki muassasaning tegishli buyrug‘i bilan tayinlangan shaxs javobgardir.
66. Tahlil uchun giyohvandlik vositalari farmatsevtika tashkilotidan (dorixona omborxonasi, baza, dorixona) to‘liq uch marotaba tahlil qilishga yetadigan miqdorda kelib tushishi kerak. Giyohvandlik vositalari tahlil qilinib bo‘lingandan so‘ng, ularning qoldig‘i 3 oy davomida saqlab turiladi, so‘ng dalolatnoma asosida farmatsevtika tashkilotlariga qaytarib beriladi.
67. Kundalik ishlash uchun zarur bo‘lgan giyohvandlik vositalari tahlil o‘tkazuvchining talabnomasi asosida faqat laboratoriya mudirining yoki kafedra mudirining yozma ruxsati bilan beriladi.
68. Laboratoriyalarda, ilmiy-tekshirish institutlarida, oliy o‘quv yurtlarida giyohvandlik vositalari sahifalari raqamlangan, ip o‘tkazib tikilgan, tashkilot muhri va rahbarining imzosi qo‘yilgan alohida daftarda ashyoviy-miqdor sifatida hisobda turadi. (mazkur Nizomning 11, 12-son ilovalari).
LexUZ sharhi(68-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2017-y.) — O‘R QHT, 2014-y., 17-son, 197-modda)
§6. Farmatsevtika ishlab-chiqarish korxonalarida giyohvandlik vositalarini saqlash, berish, hisobini olib borish va sotish
69. Farmatsevtika ishlab chiqarish korxonalarida giyohvandlik vositalari ish kuni oxirida qulflanadigan, muhrlanadigan yoki plombalanadigan, alohida jihozlangan xonalarda joylashgan seyf yoki temir shkaflarda saqlanadi.
70. Giyohvandlik vositalarining saqlanishiga korxona rahbari yoki korxona buyrug‘i bilan tayinlangan shaxs javobgardir.
71. Korxonaga giyohvandlik vositalari kelib tushganda korxona rahbari yoki mas’ul shaxs kelib tushgan giyohvandlik vositasining miqdorini ilova qilingan hujjatlarga mos kelishini shaxsan o‘zi tekshirib ko‘rishi shart.
72. Giyohvandlik vositalarini ishlab chiqarish bo‘limiga (sexga) berilishi yuk xati asosida bir seriya mahsulot ishlab chiqarish uchun zarur bo‘lgan miqdorda korxona rahbari yoki uning o‘rinbosari ruxsati bilan amalga oshiriladi.
73. Qanday dori turi bo‘lishidan qat’iy nazar omborxona va bo‘limlarda (sexlarda) giyohvandlik vositalari hisobi sahifalari raqamlangan, ip bilan tikilgan, yuqori tashkilot rahbarining imzosi va muhri bilan tasdiqlangan daftarda olib boriladi. Omborxonalarning hisobga olish jurnali dorixona omborlari uchun tasdiqlangan shaklda olib boriladi, bo‘limlarda (sexlarda) esa — ishlab chiqarish jarayonida mahsulotning hisobga olish uchun amalda qabul qilingan shaklda olib boriladi.
74. Ishlab chiqarilishi hali tugallanmagan giyohvandlik vositalari saqlovchi dori shakllarini (eritmalar, tabletka tayyorlash uchun aralashmalar va h.k.) xavfsizligiga bo‘lim (sex) boshlig‘i javobgardir.
Korxona ichki nazorat xizmati tomonidan sotuvga chiqarishga ruxsat etilgan tarkibida giyohvandlik vositalari saqlagan tayyor mahsulot o‘sha kunning o‘zida zavodning tayyor mahsulotlar omborxonasiga o‘tkazilishi kerak.
III. PSIXOTROP MODDALARNI SAQLASH, BERISH, SOTISH, VA HISOBGA OLISH TARTIBI
1§. Dorixonalar, davolash-profilaktika muassasalari, dorixona omborlari (bazalar), ilmiy-tekshirish institutlari, oliy o‘quv yurtlari, nazorat-analitik laboratoriyalarda psixotrop moddalarni saqlash, hisobini olib borish va berish
LexUZ sharhi(1 paragraf nomlanishi O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2, 09.08.2017-y.) — O‘R QHT, 2017-y., 32-son, 825-modda)
75. O‘zbekiston Respublikasida nazorat ostiga olingan psixotrop moddalar dorixona omborxonalarida (bazalarda) seyflarda yoki temir shkaflarda saqlanadi. Xona faqat bitta kirish joyiga ega bo‘lib, eshigi metall tunuka bilan qoplangan va alohida signalizatsiya qurilmasi bilan ta’minlanishi zarur. Ish vaqti tugaganidan so‘ng shkaflar va kirish eshigi qulflanib, muhrlanadi yoki plombalanadi.
76. Dorixonalar, davolash-profilaktika muassasalari, nazorat-tahlil laboratoriyalari, ilmiy-tekshirish institutlari, oliy o‘quv yurtlarida psixotrop moddalar temir shkaflarda qulflangan holda saqlanadi. Davolash muassasalari kabinetlarida va bo‘limlarida psixotrop moddalar shkaflarda qulflangan holda saqlanadi.
Psixotrop moddalar saqlanadigan shkaflar ish vaqtidan so‘ng qulflanib, muhrlanadi yoki plombalanadi.
77. Psixotrop moddalarga retseptlar mazkur Nizomning 13a-sonli ilovasida keltirilgan shakl bo‘yicha yoziladi.
Qo‘shimcha ravishda retseptga davolash-profilaktika muassasasi rahbari buyrug‘i bilan vakolatlangan, retsept yozgan shifokorning imzosi qo‘yiladi va davolash-profilaktika muassasasi muhri bilan tasdiqlanadi.
Psixotrop moddalar viloyatda joylashgan dorixonalardan shu viloyat hududidagi davolash-profilaktika muassasalari shifokorlari tomonidan yozilgan retseptlar asosida beriladi.
Har chorakda davolash-profilaktika muassasasi boshlig‘i tomonidan buyruq bilan tasdiqlangan, psixotrop moddalarga retsept yozish huquqiga ega shifokorlarning shaxsiy muhri va imzo nusxalari ro‘yxatini dorixonalarga ilova qilib yuborishlari zarur.
LexUZ sharhi(77-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2017-y.) — O‘R QHT, 2014-y., 17-son, 197-modda)
78. Tarkibida psixotrop modda saqlagan dori vositalariga retsept yozilganda shifokorlar retsept boshida avval psixotrop moddaning nomini yozishlari, so‘ngra qolgan ingrediyentlarni ko‘rsatishlari kerak.
79. Davolash-profilaktika muassasalari bo‘limlarida psixotrop moddalarning zaxirasi ularga bo‘lgan ikki haftalik ehtiyojdan ortiq bo‘lmasligi, davolash-profilaktika muassasasi navbatchi tibbiyot xodimlarida esa bir kunlik zaxira miqdori saqlanishi mumkin.
LexUZ sharhi(79-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2017-y.) — O‘R QHT, 2014-y., 17-son, 197-modda)
80. O‘zbekiston Respublikasida nazorat ostiga olingan psixotrop moddalarni davolash-profilaktika muassasalarida saqlash va bemorlarga berishga bo‘lim (xona) mudiri va katta tibbiyot hamshirasi, dorixonalarda — moddiy javobgar shaxs, laboratoriyalarda esa psixotrop moddalarni saqlash va hisobini olib borishga laboratoriya mudiri javobgar hisoblanadi.
LexUZ sharhi(80-band O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2, 09.08.2017-y.) — O‘R QHT, 2017-y., 32-son, 825-modda)
81. Psixotrop moddalar dorixonalardan qat’iyan shifokor retsepti bo‘yicha beriladi. Psixotrop moddalar uchun yozilgan retseptlar bir oy muddat davomida haqiqiy hisoblanadi.
82. O‘zbekiston Respublikasida nazorat ostiga olingan psixotrop moddalarning retseptlari dorixonada qoldiriladi va bir yil davomida saqlanadi. Saqlash muddati o‘tgach retseptlar dalolatnoma asosida yo‘q qilinadi (mazkur Nizomning 5-son ilovasidagi shakli bo‘yicha).
LexUZ sharhi(82-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2017-y.) — O‘R QHT, 2014-y., 17-son, 197-modda)
83. Dorixonalarda tarkibida psixotrop moddalar saqlovchi dorilarning retseptlarini qabul qilib olishda bemorning yoshi va dozasi to‘g‘riligini aniqlashtirish zarur.
84. O‘zbekiston Respublikasida nazorat ostiga olingan psixotrop moddalar sahifalari raqamlangan, ip o‘tkazib tikilgan, yuqori turuvchi tashkilot yoki muassasa rahbari imzosi va muhri bilan tasdiqlangan maxsus daftarda ashyoviy-miqdor bo‘yicha hisobda turadi (mazkur Nizomning 13-son ilovasi). Har oyning 3 sanasigacha psixotrop moddalar inventarizatsiyadan o‘tkaziladi va mazkur Nizomning 1a-son ilovasi shaklida inventarizatsiya ro‘yxati tuziladi.
O‘tkazilgan inventarizatsiya natijasida avvalgi inventarizatsiya ro‘yxatidagi ma’lumotlariga to‘g‘ri kelmagan yoki farq bergan holatlar aniqlanganda, mazkur holat aniq bo‘lgandan so‘ng uch kun ichida dorixona mudiri bu haqida ichki ishlar organlariga xabar berishi kerak. O‘g‘rilik yoki yo‘qotish holatlari sodir bo‘lganda dorixona mudiri tezlik bilan ichki ishlar boshqarmasining hududiy organlariga va o‘zining yuqori turuvchi tashkilotlariga xabar berishi shart bo‘lib, o‘z navbatida yuqori turuvchi tashkilotlar Sog‘liqni saqlash vazirligiga tezlik bilan mazkur Nizomning 2-ilovasi shaklida yozma xabar yetkazishi kerak.
LexUZ sharhi(84-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2017-y.) — O‘R QHT, 2014-y., 17-son, 197-modda)
§2. Farmatsevtika korxonalarida O‘zbekiston Respublikasida nazorat ostiga olingan psixotrop moddalarni saqlash, hisobini olib borish va berish
85. O‘zbekiston Respublikasida nazorat ostiga olingan psixotrop moddalar va ularni ishlab chiqarishning yarim tayyor mahsulotlari alohida jihozlangan xonalarda seyf yoki temir shkaflarda saqlanadi, xona ish vaqti tugaganidan so‘ng moddiy-javobgar shaxs tomonidan qulflanib, muhrlanadi yoki plombalanadi.
86. Farmatsevtika ishlab chiqarish korxonalarida O‘zbekiston Respublikasida nazorat ostiga olingan psixotrop moddalar ashyoviy-miqdor sifatida hisobda turishi shart. O‘zbekiston Respublikasida nazorat ostiga olingan psixotrop moddalarning hisobi korxona rahbarining imzosi va muhri bilan tasdiqlangan, sahifalari raqamlangan, ip o‘tkazib tikilgan, korxona rahbarining imzosi va muhri bilan tasdiqlangan yoki korxona buyrug‘i bilan tayinlangan javobgar shaxsning alohida daftarlarda olib boriladi. Omborxonada hisobga olib borish daftari mazkur Nizomning 14-ilovasi shaklida, bo‘limlarda (sexlarda) — mahsulotni ishlab chiqarish jarayonidagi hisobi belgilangan shaklda olib boriladi.
87. O‘zbekiston Respublikasida nazorat ostiga olingan psixotrop moddalarni tayyor dori shakllarini ishlab chiqarish uchun omborxonadan berilishi sex boshlig‘ining yuk xati va korxona rahbarining ruxsati bilan amalga oshiriladi.
IV. PREKURSORLARNI SAQLASH, BERISH, HISOBINI OLIB BORISH VA SOTISH TARTIBI
§1. Dorixona, davolash-profilaktika muassasalari va laboratoriyalarda prekursorlarni saqlash, berish va hisobini olib borish
(1 paragraf nomi O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2, 09.08.2017-y.) — O‘R QHT, 2017-y., 32-son, 825-modda)
88. Dorixonalar, laboratoriyalar, ilmiy-tekshirish institutlari, oliy o‘quv yurtlarida ishlatiladigan prekursorlar ularni to‘liq saqlanishini ta’minlaydigan xonalarda saqlanishi shart. Agressiv qatoriga mansub bo‘lgan va oson alangalanuvchi prekursorlarni (sirka kislotasi angidridi, atseton, etil efiri, xlorid kislota, fenilsirka kislotasi, sulfat kislota, toluol) saqlanishida ularning fizik-kimyoviy xususiyatlarini ham hisobga olish zarur.
LexUZ sharhi(84-band O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2, 09.08.2017-y.) — O‘R QHT, 2017-y., 32-son, 825-modda)
89. Tayyor dori vositalari bo‘lgan prekursorlar temir shkaflarda saqlanishi shart.
90. IV ro‘yxatga kiritilgan, dori vositalari deb hisoblanadigan prekursorlar O‘zbekiston Respublikasining “Dori vositalari va farmatsevtika faoliyati to‘g‘risida”gi qonuniga muvofiq O‘zbekiston Respublikasi Sog‘liqni saqlash vazirligi tomonidan qayd etiladi.
91. Laboratoriyalarda prekursorlarni saqlanishiga, hisobini olib borilishiga va oqilona foydalanishiga laboratoriya mudiri, dorixonalarda dorixona mudiri javobgar hisoblanadi. Omborxonalarda prekursorlarni saqlashga moddiy javobgar shaxs (omborxona mudiri) javobgardir.
92. Tez alangalanuvchi prekursorlar zich yopiladigan, chidamli (pishiq) shisha yoki metall idishlarda saqlanadi.
93. Prekursorlar solingan butillar, ballonlar va boshqa yirik hajmli idishlar balandligi bo‘yicha bir qatorda bo‘lgan stellaj tokchalarida saqlanishi kerak, ularning balandligi bo‘yicha bir necha qatorda saqlanishi taqiqlanadi. Isitish asboblari yaqinida ushbu moddalarni joylashtirilishiga ruxsat berilmaydi. Stellajdan yoki shtabeldan isitish elementigacha bo‘lgan masofa 1 m dan kam bo‘lmasligi kerak.
94. Laboratoriyalarda TAS (tez alangalanuvchi suyuqlik)lar ichi asbest yoki shisha tola bilan qoplangan metall qutilarda saqlanishi lozim va uning ichki tomoniga laboratoriya mudiri imzolagan saqlanayotgan moddalar ro‘yxati yopishtirilishi shuningdek, idishlar uchdan ikki qismidan ko‘p bo‘lmagan hajmda to‘ldirilishi kerak. Quti qopqog‘ining tashqi tomonida “TAS” yozuvi bo‘lib, quti qulflanadigan bo‘lishi kerak.
95. Tez alangalanuvchi va yonuvchi prekursorlarni mineral kislotalar (ayniqsa sulfat va azot kislotalar), siqilgan va suyultirilgan gazlar, yonuvchan moddalar (o‘simlik yog‘i, oltingugurt, bog‘lovchi materiallar), shuningdek organik moddalar hamda xavfli portlovchi aralashmalar hosil qiluvchi (kaliy xlorat, kaliy permanganat, kaliy xromat va boshqalar) noorganik tuzlar bilan birgalikda saqlanishiga ruxsat berilmaydi.
96. Prekursorlar bilan muomalada (qadoqlash, tashish, tushirish va boshqalar) bo‘lganda ehtiyotkorlikka rioya etilishi, shuningdek doimiy ravishda idishning holati, uning germetik zich yopilganligi va butunligi kuzatib borilishi zarur. Idishning nuqsoni va yaroqsizligi aniqlangan taqdirda zudlik bilan uni tuzatish choralari ko‘rilishi yoki undagi moddani boshqa butun idishga joylashtirilishi kerak.
97. Bochkaning qopqog‘ini zarba vaqtida uchqun bermaydigan yumshoq metall asbob bilan bo‘shatish va burab mahkamlashga ruxsat beriladi. Bochkalar saqlash xonalariga yumalatib tashilganda va ularni yuklashda bochkaning urilishi va uchqun paydo bo‘lishiga yo‘l qo‘ymaslik uchun ehtiyotkorlikka rioya qilish zarur. Polga to‘kilgan suyuqlik zudlik bilan tozalanishi kerak.
98. Ayrim tez alangalanuvchi va yonuvchi prekursorlar (etil efiri va boshqalar) saqlanish vaqtida suyuqlikning alangalanishiga olib kelishi mumkin bo‘lgan statik elektr natijasida, uchqun hosil qilish xususiyatlariga egadir. Shuning uchun bunday suyuqliklarni omborda qadoqlash, yong‘indan himoyalanish vositalari bilan jihozlangan va ventilyatsiyasi bo‘lgan alohida xonalarda amalga oshirilishi kerak. Ularni metall idishlarga quyishda va qadoqlashda idishlarda yerga ulangan simi bo‘lishi kerak.
99. Havoda bu moddalarning bug‘lari hosil bo‘lishiga yo‘l qo‘ymaslik uchun prekursor saqlanadigan idishlar (shtanglaslar, tunuka barabanlar, shisha idishlar va shu kabilar) mahkam yopilishi kerak.
100. Etil efiri qorong‘i salqin joyda (olovdan va isitish priborlaridan uzoqda) korxona tomonidan chiqarilgan idishda saqlanadi.
101. Etil efiri bilan ishlash vaqtida silkitish, zarba berish, ishqalanish va shu kabilarga ruxsat etilmaydi.
102. Kaliy permanganat chang, oltingugurt, organik yog‘lar, efir, spirt, glitserin, organik kislotalar va boshqa organik moddalar bilan o‘zaro ta’siri vaqtida tez portlaydi. Uni maxsus bo‘lmada tunuka barabanlarda, dorixonalarda esa — qopqoqlari mahkam yopiladigan shtanglaslarda yuqorida ko‘rsatilgan vositalardan alohida saqlash kerak. Tez alangalanuvchi va yonuvchi moddalar bilan birgalikda saqlashga ruxsat etilmaydi. Kaliy permanganatli tunuka barabanlar va shtanglaslar o‘z vaqtida ehtiyotkorlik bilan ishqalanishga yo‘l qo‘ymasdan changdan tozalanadi.
103. Sulfat kislotasini saqlashda yog‘och-taxta, poxol va boshqa kelib chiqishi organik bo‘lgan moddalar bilan ularning yaqin turmasligining chora-tadbirlari ko‘rilishi kerak.
104. Laboratoriya xonalarining yong‘in xavfsizligini baholash unda saqlanayotgan va foydalanayotgan kimyoviy moddalarning portlovchi va yong‘indan xavfli xususiyatlariga asoslaniladi. Yong‘indan xavfli hisoblangan xonalar o‘t o‘chirgich bilan ta’minlanishi kerak. O‘t o‘chirgich laboratoriyaning har bir xonasida bo‘lishi kerak. Bundan tashqari, har bir laboratoriyada prekursorlarni o‘chirishda foydalaniladigan quruq qumli quti bo‘lishi kerak.
105. Dorixonalarda kaliy permanganatni 5 grammgacha va xlorid kislotani 1 — 6% eritma holida 250 ml gacha retseptsiz sotilishiga ruxsat beriladi.
106. Boshqa, shuningdek tibbiy maqsadlarda qo‘llaniladigan, tarkibida prekursorlar saqlovchi kombinirlangan dori preparatlari faqat shifokor retsepti asosida beriladi, ular sahifalari raqamlangan, ip o‘tkazilgan, tashkilot muhri va rahbarining imzosi bilan tasdiqlangan maxsus daftarda ashyoviy-miqdor sifatida hisobda turadi. (Mazkur Nizomga 13-ilova).
LexUZ sharhi(106-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
107. Ilmiy tekshirish institutlari, laboratoriyalar, oliy o‘quv yurtlari, dorixonalar va boshqa tashkilotlar omborxonalarida ilmiy ishlar, tahlil va tashxis qo‘yish uchun foydalaniladigan prekursorlarni hisobga olish shart bo‘lib, sahifalari raqamlangan, ip bilan tikilgan, tegishli tashkilot muhri va rahbar imzosi qo‘yib tasdiqlangan maxsus daftarda hisobi olib boriladi (16-ilova).
108. Har oyning 3-sanasigacha dorixonada bo‘lgan giyohvandlik vositalari inventarizatsiya qilinadi va mazkur Nizomning 1a-ilovasidagi shakl bo‘yicha inventarizatsiya ro‘yxati tuziladi.
O‘tkazilgan inventarizatsiya natijasida avvalgi inventarizatsiya ro‘yxatidagi ma’lumotlariga to‘g‘ri kelmagan yoki farq bergan holatlar aniqlanganda, mazkur holat aniq bo‘lgandan so‘ng uch kun ichida dorixona mudiri bu haqida ichki ishlar organlariga xabar berishi kerak. O‘g‘rilik yoki yo‘qotish holatlari sodir bo‘lganda dorixona mudiri tezlik bilan ichki ishlar boshqarmasining hududiy organlariga va o‘zining yuqori turuvchi tashkilotlariga xabar berishi shart bo‘lib, o‘z navbatida yuqori turuvchi tashkilotlar Sog‘liqni saqlash vazirligiga tezlik bilan mazkur Nizomning 2-ilovasi shaklida yozma xabar yetkazishi kerak.
LexUZ sharhi(108-band O‘zbekiston Respublikasi Sog‘liqni saqlash vazirligining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
§2. Sanoat korxonalarida prekursorlarni saqlash, berish va hisobini olib borish
109. Sanoat korxonalarida prekursorlarni ishlab chiqarish, ulardan foydalanish va saqlash, berish bilan bog‘liq bo‘lgan ishlarni tashkil qilish amaldagi me’yoriy-texnik hujjatlar asosida: tegishli prekursorlarning texnologik reglamentlari, standartlariga (GOST (Davlatlararo standart), RST (O‘zbekiston Respublikasi standarti), OST (tarmoq standarti), TU (texnik shartlar) va STP (korxonalar standarti)) binoan va moddaning xavflilik, yong‘in xavfini tug‘dirish darajasi hamda kimyoviy va fizik-kimyoviy xossalariga asosan ishlab chiqilgan boshqa me’yoriy-texnik hujjatlarga binoan olib boriladi.
110. Prekursorlar saqlanadigan idishlar plombalangan bo‘lishi shart.
111. Prekursorlar hisoblanadigan kimyoviy moddalar ishlab chiqariladigan va saqlanadigan ishlab chiqarish xonalari korxona maydonchalarida joylashgan bo‘lishi va boshqa ishlab chiqarish turlaridan me’yoriy hujjatlarda ko‘zda tutilgan masofada ajratilgan bo‘lishi shart.
112. Bir-birlari bilan o‘zaro ta’sirlashadigan prekursorlarni bitta omborxonada birgalikda saqlash man etiladi. Mazkur turdagi prekursorlarni bir omborxonada saqlaganda ularni alohida ajratilgan bo‘lmalarda (seksiyada) saqlash mumkin.
113. Ishlab chiqarishda foydalaniladigan prekursorlar ularning yaxshi saqlanishini ta’minlay oladigan maxsus ajratilgan xonalarda yoki omborxonalarda saqlanadi. Mazkur obyektlarda ishning uzluksizligiga ega bo‘linmasa yoki ularni ishi noaniq vaqtga to‘xtab qolsa korxona rahbarlari ularni qo‘riqlash choralarini ko‘rishlari kerak, omborxonalar esa moddiy javobgar shaxs tomonidan muhrlab qo‘yilishi shart.
115. Prekursorlarni ishlab chiqarish, saqlash va foydalanishni to‘g‘ri tashkil etilishiga korxona rahbari javobgar hisoblanadi.
116. Sanoat korxonalari va tashkilotlarning prekursorlar saqlanadigan omborxonalarida prekursorlarning har bir turi uchun hisob kartochkasi tuzilishi, unda majburiy tartibda moddaning miqdori, kelib tushgan sana, ta’minotchining nomi, kimga qachon va qancha miqdorda berilgani va qoldiq (normativ qoldiqni inobatga olgan xolda) aks ettirilishi kerak.
LexUZ sharhi(116-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
117. Omborxonada barcha materiallar, xom-ashyo va mahsulotlarning nomi yozilgan ro‘yxat bo‘lishi kerak. Omborchi doimiy ravishda idish va qutilarning tashqi holatini (butunligi, zich berkitilganligi, yorliqlari mavjudligini) nazorat qilib turishi kerak.
118. Barcha omborxonalarda ko‘rinadigan joyga GOST 12.4:026 “Signal ranglari va xavfsizlik belgilari” talabiga muvofiq omborxonada saqlanayotgan materiallarni saqlash bo‘yicha texnik xavfsizlik yo‘riqnomasi, ushbu materiallarni omborga joylash va saqlash bilan bog‘liq baxtsiz hodisalar ro‘y berganda birinchi yordam ko‘rsatish to‘g‘risidagi yo‘riqnomalar ilib qo‘yilishi kerak.
119. Xom ashyo va tayyor mahsulotlar saqlovchi maydonlar tik (to‘g‘ridan-to‘g‘ri) tushuvchi quyosh nurlari ta’siridan hamda atmosfera yog‘inlaridan himoyalangan bo‘lishi,transport yuradigan qismidan kamida 15 sm balandlikda joylashishi, atmosfera va grunt suvlari yig‘ilib qolmasligi hamda suyuqliklarning oqib tarqalmasligi uchun zarur bo‘lgan moslama va tarnovlar bilan jihozlanishi kerak.
120. Kislotalar saqlovchi omborxonalar boshqa materiallarni saqlashga mo‘ljallangan omborxonalardan alohida joylashgan bo‘lishi kerak. Kislotalarning yerto‘lalarda saqlanishiga ruxsat etilmaydi. Kislotalar saqlovchi omborxonaning ventilyatsiyasi tabiiy bo‘lishi kerak.
121. Barcha saqlash maydonchalari bemalol kiriladigan yo‘lkalar bilan ta’minlangan bo‘lishi kerak.
122. Maxsus maydonlarda xom ashyo va tayyor mahsulotlarni idishlar ichida saqlangan holatlarda ularning soni har bir guruhda 100 donadan ko‘p bo‘lmasligi, guruhlar orasidagi masofa 1 m dan kam bo‘lmasligi kerak. Har bir guruhda ma’lum bir turdagi moddalar saqlanishi zarur.
123. Saqlash jarayonida prekursorlar holatini doimiy nazorat qilib borish zarur.
124. Sanoat korxonalarining sexlarida belgilangan tartibda prekursorlarni smenalararo hisobi olib borilib, u ishchi jurnallarda qayd etiladi, sexlarning texnik hisobotlarida — yillik natijalar asosida oyma-oy va kvartallar bo‘yicha olib boriladi. Texnik hisobotlarda tasdiqlangan me’yorlar bo‘yicha chiqim va hisobot davri uchun prekursor chiqimi aks ettiriladi.
§3. Giyohvandlik vositalari, psixotrop moddalar va prekursorlar muomalasi bilan bog‘liq faoliyatlarga taalluqli jarayonlarni hisobga olib borish daftarini yuritish va saqlash
LexUZ sharhi(3 paragraf nomlanishi O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
125. Giyohvandlik vositalari, psixotrop moddalar va prekursorlar muomalasi bilan bog‘liq bo‘lgan faoliyatni amalga oshiruvchi yuridik shaxslar majburiy tartibda hisobga olish daftarini yuritadilar.
LexUZ sharhi(125-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
126. Yuridik shaxslar giyohvandlik vositalari, psixotrop moddalar va prekursorlar muomalasi bilan bog‘liq faoliyatni hisobga olish daftaridagi yozuvlar asosida o‘z faoliyati haqidagi ma’lumotlarni o‘rnatilgan tartibda taqdim etadilar.
LexUZ sharhi(126-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
127. O‘zbekiston Respublikasi Vazirlar Mahkamasining 2015-yil 12-noyabrdagi 330-son qarori bilan tasdiqlangan O‘zbekiston Respublikasida muomalada bo‘lishi nazorat ostiga olingan giyohvandlik vositalari, psixotrop moddalar va prekursorlar ro‘yxatlarida ko‘zda tutilgan moddalarning holati va miqdori o‘zgarishiga olib keladigan barcha jarayonlar hisobini yuritish daftariga kiritilishi zarur.
LexUZ sharhi(127-band O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2, 09.08.2017-y.,) — O‘R QHT, 2017-y., 32-son, 825-modda)
128. Hisobga olish daftarining shakli yuridik shaxsning rahbari tomonidan tasdiqlanadi. Hisobga olish daftarida yuridik shaxs faoliyatining o‘ziga xosligi inobatga olingan va mazkur Nizomda ko‘zda tutilgan barcha zarur ma’lumotlarni aks ettiruvchi ustunlar kiritilishi kerak.
LexUZ sharhi(128-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
129. Yuridik shaxsning rahbari hisobga olish daftarini saqlashga javobgar shaxslarni tayinlaydi, shu bilan bir qatorda o‘z tizimidagi bo‘limlar va filiallarda mazkur daftarni saqlash hamda yuritilishini nazorat etuvchi shaxslarni tayinlaydi.
LexUZ sharhi(129-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
130. Hisobga olish daftari ip bilan tikilgan, sahifalari raqamlangan, yuridik shaxs muhri va imzosi bilan tasdiqlangan bo‘lishi kerak.
LexUZ sharhi(130-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y., ) — O‘R QHT, 2014-y., 17-son, 197-modda)
131. Hisobga olish daftaridagi ma’lumotlar daftarni yuritish va saqlashga mas’ul bo‘lgan shaxs tomonidan ma’lum bir jarayonning tugaganini tasdiqlovchi hujjatlarga tayangan holda xronologik tartibda bevosita har bir jarayon tugagandan so‘ng qayd etiladi (hisobga olish daftarining alohida ustunda tegishli hujjatlarning nomlari, tartib raqami va qayd etish sanasi ko‘rsatiladi).
Ko‘rsatib o‘tilgan hujjatlar yoki ularning nusxalari belgilangan tartiblarga binoan tasdiqlangan, alohida jildga tikilgan holda hisobga olish daftari bilan birgalikda saqlanadi.
LexUZ sharhi(131-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
132. Hisobga olish daftarida O‘zbekiston Respublikasi Vazirlar Mahkamasining 2015-yil 12-noyabrdagi 330-son qarori bilan tasdiqlangan O‘zbekiston Respublikasida muomalada bo‘lishi nazorat ostiga olingan giyohvandlik vositalari, psixotrop moddalar va prekursorlarning sotuvdagi nomlanishlari ko‘rsatiladi.
LexUZ sharhi(132-band O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2, 09.08.2017-y.,) — O‘R QHT, 2017-y., 32-son, 825-modda)
133. Hisobga olish daftarida qaydlarning tartib raqamlari kalendar yili davomida raqamlarni o‘sib borish tartibida olib boriladi.
Yangi hisobga olish daftarida to‘ldirilgan hisobga olish daftarining oxirgi raqamidan boshlab tartib raqami davom ettiriladi.
Hisobga olish daftarining joriy kalendar yili davomida ishlatilmagan sahifalari keyingi yildan davom ettiriladi, bunda tartib raqami 1 sonidan boshlanadi.
LexUZ sharhi(133-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
134. Hisobga olish daftaridagi yozuvlar moddiy javobgar shaxs imzosi bilan tasdiqlanadi.
LexUZ sharhi(134-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,)— O‘R QHT, 2014-y., 17-son, 197-modda)
135. Hisobga olish daftaridagi tuzatishlar uni yurituvchi va saqlovchi mas’ul shaxs imzosi bilan tasdiqlanadi.
Hisobga olish daftarida tuzatish va tasdiqlanmagan o‘zgartirishlarga yo‘l qo‘yilmaydi.
LexUZ sharhi(135-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1, 23.04.2014-y.,)— O‘R QHT, 2014-y., 17-son, 197-modda)
136. Hisobga olish daftari shkafda saqlanadi, shkaf kaliti hisob daftarini yurituvchi va saqlovchi mas’ul shaxsda turadi.
LexUZ sharhi(136-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘iga tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
137. To‘ldirilgan hisobga olish daftari belgilangan tartibda saqlanadi.
LexUZ sharhi(137-band O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘iga tahririda (ro‘yxat raqami 1090-1, 23.04.2014-y.,) — O‘R QHT, 2014-y., 17-son, 197-modda)
V. YAKUNIY XULOSA
138. Mazkur Nizom O‘zbekiston Respublikasi “O‘zkimyosanoat” Davlat aksionerlik konserni, “O‘zfarmsanoat” Davlat aksionerlik konserni va “Dori-Darmon” Davlat aksionerlik uyushmasi bilan kelishilgan.
DAK “O‘zkimyosanoat” Boshqaruv raisi U. XASANOV
2001-yil 28-noyabr
DAK “O‘zfarmsanoat” Boshqaruv raisi K. SHODIYEV
2001-yil 28-noyabr
DAU “Dori-Darmon” Boshqaruv raisi U. SALIXBAYEVA
2001-yil 28-noyabr
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
1-ILOVA
1-ILOVA
|
DORIXONALARDA GIYOHVANDLIK VOSITALARI HISOBINI OLIB BORISH DAFTARI | |||||||||||||||||||||||
|
Dori vositasining nomi ____________________________ |
O‘lchov birligi _____________________ | ||||||||||||||||||||||
|
Moddiy javobgar shaxs _______________________________ |
|
||||||||||||||||||||||
|
(F.I.Sh.) |
|||||||||||||||||||||||
|
|
Kirim |
Chiqim turlari |
Chiqim |
Moddiy javobgar shaxsning imzosi |
|||||||||||||||||||
|
oy |
oyning boshiga qoldiq |
hujjat sanasi va tartib raqami, dori vositasining seriyasi |
miqdori |
qoldiq bilan birga bir oylik kirim jami |
1 |
2 |
3 |
4 |
5 |
6 |
7 |
8 |
9 |
10 |
va hokazo |
har bir tur uchun bir oylik alohida chiqim |
chiqim turlari bo‘yicha bir oylik jami |
daftar bo‘yicha qoldiq | |||||
|
Yanvar |
|
|
|
|
Ambulatoriya retsepturasi bo‘yicha |
|
|
|
|
|
|
|
|
|
|
|
|
|
|
| |||
|
Davolash muassasalari, davolash muassasalari bo‘limlariga, dorixona bo‘limlariga |
|
|
|
|
|
|
|
|
|
|
|
|
|
|
|
| |||||||
LexUZ sharhi(1-ilova O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2-son, 09.08.2017-y.) — O‘R QHT, 2017-y., 32-son, 825-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
1a-ILOVA
1a-ILOVA
|
BALANSDA MAVJUD BO‘LGAN GIYOHVANDLIK VOSITALARI, PSIXOTROP MODDALAR VA PREKURSORLARNI INVENTARIZATSIYA RO‘YXATI | ||||||||||||||
| | | | |
(yuridik shaxs nomi) |
| | | | ||||||
| | | |
20___ yil “________”__________________ |
| | | ||||||||
| Biz, quyida imzolovchilar, komissiya tarkibidagi ________________________________________________________________________________________________ ________________________________________________________________________________________________ | ||||||||||||||
|
(lavozimi, F.I.Sh.) | ||||||||||||||
|
giyohvandlik vositalari, psixotrop moddalar va prekursorlarni inventarizatsiyadan o‘tkazilgani to‘g‘risida mazkur inventarizatsiya ro‘yxatini tuzdik | ||||||||||||||
| T/r | Nomi | O‘lchov birligi (amp., tabl.) |
Seriya raqami |
Daftardagi qoldiq (dorixona; bo‘lim) |
Haqiqiy qoldiq (dorixona; bo‘lim) | |||||||||
| | | | | | | |||||||||
| | | | | | | | | | | | | | | |
| * Davolash-profilaktika muassasasida bo‘limlarni hisobga olgan holda o‘tkaziladi. | ||||||||||||||
| Komissiya raisi |
_______________________________ |
| | | | |||||||||
| | | | | | |
(lavozimi, F.I.Sh.) |
| | | | ||||
| Komissiya a’zolari: | _______________________________ | | | | | |||||||||
| | | | | | |
(lavozimi, F.I.Sh.) |
| | ||||||
LexUZ sharhi(1a-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i bilan kiritildi (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
2-ILOVA
2-ILOVA
DORIXONA, DAVOLASH-PROFILAKTIKA MUASSASALARI VA LABORATORIYALARDAN GIYOHVANDLIK VOSITALARI, PSIXOTROP MODDALAR VA PREKURSORLAR O‘G‘IRLANGAN VA YO‘QOLGAN HOLLARDA O‘ZBEKISTON RESPUBLIKASI SOG‘LIQNI SAQLASH VAZIRLIGIGA TAQDIM ETILADIGAN FAVQULODDA XABARNOMA
SHAKLI
LexUZ sharhi(2-ilovaning nomlanishi O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2-son, 09.08.2017-y.) — O‘R QHT, 2017-y., 32-son, 825-modda)
|
T/r |
Nima haqida xabar berilmoqda |
Xabarnomaning mazmuni |
Kim tomonidan xabar berildi |
Taqdim etish tartibi |
|
|
Dorixona, davolash-profilaktika muassasalari va laboratoriyalardan giyohvandlik vositalari, psixotrop moddalar va prekursorlar o‘g‘irlanganligi va yo‘qolganligi haqida tezkor xabarnoma |
Muassasaning nomi va manzili. Giyohvandlik vositalarini saqlash uchun talab etiladigan maxsus vositalarning mavjudligi (qo‘riqlash signalizatsiyasi, tasarrufidan tashqari bo‘lgan qo‘riqlash, qo‘riqchilik xizmati, qo‘riqlanmaydi). Bino tavsifi (umumiy loyiha asosida qurilgan, moslashtirilgan bino, g‘ishtli, yog‘ochli). Giyohvandlik vositalarini saqlash usullari (maxsus jihozlangan xonalarda, seyfda, metall shkaflarda va h.k.). Xonada deraza panjaralarining mavjudligi (ha, yo‘q). O‘g‘irlik sodir etilgan yoki yo‘qolgani aniqlangan sana. Jinoyatchilarning xonaga bostirib kirish usuli. O‘g‘irlangan giyohvandlik vositalarining nomi va miqdori. O‘g‘irlik sodir bo‘lgani haqida ichki ishlar bo‘limlariga xabar qilingan sana. |
Dorixona mudiri (muassasa rahbari) |
Tezkor xabarnoma O‘zbekiston Respublikasi Sog‘liqni saqlash vazirligiga hududiy ichki ishlar boshqarmasi bo‘limlariga berilgan xabarning nusxasini ilova etgan holda taqdim etiladi. |
LexUZ sharhi(2-ilova O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2-son, 09.08.2017-y.) — O‘R QHT, 2017-y., 32-son, 825-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
3-ILOVA
3-ILOVA
| |
Giyohvandlik dori vositalari uchun maxsus retseptura blanka |
| |||
| |
20_____ y. “_____” __________________ |
| |||
| M | Rp _____________________________________________________________ | D | |||
| A | ________________________________________________________________ | O | |||
| X | ________________________________________________________________ | R | |||
| S | ________________________________________________________________ | I | |||
| U | ________________________________________________________________ | X | |||
| S | ________________________________________________________________ | O | |||
| | ________________________________________________________________ | N | |||
| H | ________________________________________________________________ | A | |||
| I | D | ||||
| S | Qabul qilish _____________________________________________________ |
A | |||
| O | ________________________________________________________________ | | |||
| B | Q | ||||
| | Fuqaro _________________________________________________________ | O | |||
| H | | |
L | ||
| U | | | | |
A |
| J | Kasallik tarixi № ________________________________________________ | D | |||
| J | | | | |
I |
| A | Shifokor ________________________________________________________ | | |||
| T | | (aniq) | | ||
| I | | | | | |
| M.O‘. | | | | | |
Eslatma: Avval tasdiqlangan blanka namunasi pushti rangda, suv qog‘ozidagi himoya belgilari mavjud bo‘lgan.
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
4-ILOVA
4-ILOVA
DORIXONA № ____
(dorixona nomi)
(dorixona nomi)
|
Sana |
Moddalarning nomi |
Miqdori |
Tarozida tortdi va berdi |
Qabul qildi va tayyorladi |
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
5-ILOVA
5-ILOVA
| | | | | | | |
“Tasdiqlayman” | ||
|
Giyohvandlik vositalari va psixotrop moddalarga yozilgan retseptlarni yo‘q qilish | |||||||||
|
Hay’at tarkibida (3 ta odamdan kam bo‘lmasligi kerak) | |||||||||
| | |
(so‘z bilan yozgan holda) |
| | |||||
| va psixotrop moddalarga yozilgan retseptlarni yo‘q qildi. Retseptlar yoqish yo‘li bilan yo‘q qilindi. Hay’at a’zolarining imzosi: | |||||||||
| | | | | | | | | | |
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
6-ILOVA
6-ILOVA
BO‘LIMLARDA (XONALARDA) GIYOHVANDLIK VOSITALARINI HISOBGA OLISH
KITOBI
|
№ |
KIRIM |
CHIQIM |
|||||||||
|
t/r |
Olingan sanasi va hujjat raqami |
Dori vositasining nomi, dozasi, o‘lchov birligi, seriyasi |
Miqdori |
Umumiy miqdori (kirim bilan qoldiq) |
Katta hamshira F.I.Sh., imzo |
Berilgan sana |
Miqdori |
Seriya raqami |
Kimga berildi, hamshira familiyasi |
Qoldiq |
Olgan shaxs imzosi |
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
* Psixotrop moddalar uchun ham daftar shu kabi yuritiladi.
LexUZ sharhi(6-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
6a-ILOVA
6a-ILOVA
NAVBATCHI TIBBIYOT XODIMI TOMONIDAN GIYOHVANDLIK VOSITALARINI HISOBGA OLISH
KITOBI
|
KIRIM |
|
|
CHIQIM |
Qoldiq |
Hamshira imzosi |
Bo‘lim mudirining imzosi | |||||||
|
T/r |
Olingan sana |
Dori vositasining nomi, dozasi, o‘lchov birligi, seriyasi |
Miqdori |
Umumiy miqdori (kirim bilan qoldiq) |
|
F.I.Sh., imzo |
Berilgan sana |
Bemorning F.I.Sh., kasallik tarixi raqami |
Miqdori |
Seriyasi | |||
|
1 |
2 |
3 |
4 |
5 |
|
6 |
7 |
8 |
9 |
10 |
11 |
12 |
13 |
|
|
|
|
|
|
|
|
|
|
|
|
|
|
|
* Psixotrop moddalar uchun ham daftar shu kabi yuritiladi.
LexUZ sharhi(6a-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i bilan kiritildi (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
6b-ILOVA
6b-ILOVA
| | | | | | | | | | | | | | | | | |
“TASDIQLAYMAN” | ||||||||
|
| |||||||||||||||||||||||||
| |
20____ yil “___” _____________ |
| | | | | | | | ||||||||||||||||
|
______________________________________ |
| | | | | | | | | | | | | | | ||||||||||
|
bo‘lim (kabinet) nomi |
| | | | | | | | | | | | | | | | |||||||||
| | | | | | | | | | | | | | | | | | | | | | | | | | |
| T/r | Giyohvandlik vositasining nomi (nomi, chiqarilish shakli) |
O‘lchov birligi (ampulalarda, tabletkalarda) |
So‘ralgan miqdori | Berilgan miqdori | Seriya raqami | Bir donasining narxi | Umumiy narxi | ||||||||||||||||||
| | | | | | | | | ||||||||||||||||||
| | | | | | | | | ||||||||||||||||||
| | | | | | | | | ||||||||||||||||||
| | | | | | | | | | | | | | | | | | | | | | | | | | |
|
Berdi:___________________________________ |
Qabul qildi: _________________________ |
| | | |||||||||||||||||||||
| | |
(dorixona mudiri F.I.Sh. va imzosi) |
| |
(katta hamshira F.I.Sh.) |
| | | |||||||||||||||||
| | | | | | | | | | | | | | | | | | | | | | | | | | |
* Psixotrop moddalar uchun ham talabnoma shu kabi yoziladi.
LexUZ sharhi(6b-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i bilan kiritildi (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
7-ILOVA
7-ILOVA
GIYOHVANDLIK VOSITALARI UCHUN YOZILADIGAN MAXSUS PUSHTI RETSEPT BLANKALARINI HISOBGA
OLISH KITOBI
|
T/r |
|
CHIQIM | |||||||||
|
Hujjatning kelib tushgan sana |
Qayerdan olindi va hujjat raqami |
Miqdori |
Seriya raqami |
Blanklarning umumiy miqdori |
Berilgan sana |
Seriya raqami |
Miqdori |
Kimga berildi, shifokorning familiyasi |
Qabul qiluvchining imzosi |
Qoldiq | |
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|||||||||||
LexUZ sharhi(7-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
8-ILOVA
8-ILOVA
|
________-SONLI BIRIKTIRUVCHI TALON |
| |
|
DPM shtampi |
| |
| DORIXONA MUDIRIGA |
| |
| _________________________________________________________________________________________________ |
| /muassasa va tuman nomi/ |
| |
| Bemor biriktiriladi ______________________________________________________________________________ |
| /F.I.Sh., tug‘ilgan yili/ |
|
bemorning shaxsiy-ambulatoriya varaqasi tartib raqami _______ |
| Tashxis __________________________________________________________________________________________ |
| giyohvandlik vositasini olish uchun ____________________________________________________________________ |
| _________________________________________________________________________________________________ |
| /giyohvandlik vositalaridan biri ko‘rsatilsin/ |
| kunlik qabul qilish normasi ________________________________________________________________________ |
| /doza va miqdori/ |
|
muhr o‘rni |
| Bosh shifokor _______________________________ |
| SHMK raisi _________________________________ |
| Davolovchi shifokor __________________________ |
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
9-ILOVA
9-ILOVA
Dorixona omborxonalarida giyohvandlik vositalarini hisobga olish
KITOBI
| _________________________________________________________________________ | |||||||||||
|
________________________(tashkilot nomi) | |||||||||||
| Dori vositasining nomi _____________________________________________________ | |||||||||||
O‘lchov birligi _____________________________________________________________ | |||||||||||
| | |||||||||||
|
Oy |
Oy boshidagi qoldiq |
KIRIM |
Qoldiq bilan birga bir oylik kirim jami |
CHIQIM |
Bir oylik jami chiqimlar |
Qoldiq |
Moddiy javobgar shaxsning imzosi | ||||
|
Kimdan |
Hujjat raqami va sanasi |
Miqdori |
Kimga berildi |
Hujjat raqami va sanasi |
Miqdori | ||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
| | | | | | | | | | | | |
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
10-ILOVA
10-ILOVA
DORIXONA OMBORXONALARIDA GIYOHVANDLIK VOSITALARI UCHUN YOZILADIGAN MAXSUS PUSHTI RETSEPT BLANKALARINING HISOBGA OLISH
KITOBI
|
KIRIM |
CHIQIM |
Qoldiq | |||||||||
|
t/r |
Kelib tushgan sana |
Qayerdan olindi, hujjat raqami |
Blankalarning umumiy soni |
Seriya raqami |
Miqdori |
Berilgan sana |
Seriya raqami |
Miqdori |
Kimga berildi, F.I.Sh. |
Oluvchining imzosi | |
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
LexUZ sharhi(10-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i tahririda (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
11-ILOVA
11-ILOVA
Tahlil uchun kelib tushgan giyohvandlik vositalarini hisobga olish daftarining
SHAKLI
|
Nomi _____________________________________________ | ||||||||||
|
O‘lchov birligi _____________________________________ | ||||||||||
|
KIRIM |
BERILDI |
CHIQIM | ||||||||
|
Kelib tushgan sana |
Kimdan olindi, hujjat raqami |
Seriya yoki sinov raqami |
Miqdori |
Tahlil o‘tkazuvchiga tahlil uchun berilgan miqdori va berilgan sana, tahlil o‘tkazuvchining imzosi |
Tahlil uchun sarf bo‘lgan vosita miqdori |
Tahlil o‘tkazilgan sana va uning imzosi |
Tahlil natijalari |
Tahlildan ortgan qoldiq |
Tahlildan ortgan qoldiqni omborxonaga topshirilgani yoki uning yo‘q qilingani to‘g‘risidagi ma’lumotlar |
Laboratoriya mudirining imzosi |
|
1 |
2 |
3 |
4 |
5 |
6 |
7 |
8 |
9 |
10 |
11 |
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
12-ILOVA
12-ILOVA
ILMIY-TEKSHIRISH INSTITUTLARI, LABORATORIYALAR VA O‘QUV YURTLARIDA GIYOHVANDLIK VOSITALARI HISOBGA OLISH
KITOBI
|
Nomi _____________________________________________ | |||||||||
|
KIRIM |
CHIQIM | ||||||||
|
|
|
Imzo |
Qoldiq | ||||||
|
Olingan sana |
Qayerdan olindi va hujjatning raqami |
Miqdori |
Moddiy javobgar shaxs F.I.Sh. va imzosi |
Berilgan sana |
Kimga berildi, nimaga sarflandi |
Miqdori |
Berdi |
Qabul qildi | |
|
1 |
2 |
3 |
4 |
5 |
6 |
7 |
8 |
9 |
10 |
|
|
|||||||||
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
13-ILOVA
13-ILOVA
DORIXONALARDA PSIXOTROP MODDALARNI HISOBGA OLISH
KITOBI
|
|
|||||||||||||||||||||||||
|
Dori vositasining nomi __________________________________________________ |
O‘lchov birligi____________________________ | ||||||||||||||||||||||||
|
Moddiy-javobgar shaxs ___________________________________________________ |
|||||||||||||||||||||||||
|
(F.I.Sh.) |
|||||||||||||||||||||||||
|
Kirim |
Chiqim |
Har bir tur uchun bir oylik alohida chiqim |
Chiqim turlari bo‘yicha bir oylik jami |
Oy oxiriga qoldiq |
Moddiy javobgar shaxsning imzosi | ||||||||||||||||||||
|
Oy |
Oy boshiga qoldiq |
Hujjat raqami va sana |
Miqdori |
Qoldiq bilan birga bir oylik kirim jami |
Chiqim turlari |
1 |
2 |
3 |
4 |
5 |
6 |
7 |
8 |
9 |
10 |
va h.k. |
|||||||||
|
Yanvar |
Ambulatoriya retsepturasi bo‘yicha |
||||||||||||||||||||||||
|
Davolash muassasalari, davolash muassasalari bo‘limlariga, dorixona bo‘limlariga |
|||||||||||||||||||||||||
* Prekursorlar uchun ham daftar shu kabi yuritiladi.
LexUZ sharhi(13-ilova O‘zbekiston Respublikasi Sog‘liqni saqlash vazirining 2017-yil 3-avgustdagi 103-sonli buyrug‘i tahririda (ro‘yxat raqami 1090-2-son, 09.08.2017-y.) — O‘R QHT, 2014-y., 32-son, 825-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
13a-ILOVA
13a-ILOVA
PSIXOTROP MODDALAR OLISH UCHUN RETSEPT BLANKASI
SHAKLI
LexUZ sharhi(13a-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i bilan kiritildi (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
14-ILOVA
14-ILOVA
Farmatsevtika korxonalari omborxonalarida psixotrop moddalarni hisobga olish
KITOBI
| _________________________________________________________________________ | |||||||||||
|
________________________(tashkilot nomi) | |||||||||||
| Dori vositasi nomi ________________________________________________________ | |||||||||||
O‘lchov birligi _____________________________________________________________ | |||||||||||
| | |||||||||||
|
Oy |
Oy boshiga qoldiq |
KIRIM |
Qoldiq bilan birga bir oydagi kirim jami |
CHIQIM |
Oy davomidagi jami chiqim |
Qoldiq |
Moddiy javobgar shaxsning imzosi | ||||
|
Kimdan |
Hujjat raqami va sanasi |
Miqdori |
Kimga berildi |
Hujjat raqami va sana |
Miqdori | ||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
| | | | | | | | | | | | |
LexUZ sharhi(15-ilova O‘zbekiston Respublikasi Sog‘liqni saqlash vazirining 2014-yil 24-martdagi 4-sonli buyrug‘i bilan o‘z kuchini yo‘qotdi (ro‘yxat raqami 1090-1-son, 23.04.2014-y.) — O‘R QHT, 2014-y., 17-son, 197-modda)
Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari to‘g‘risidagi nizomga
16-ILOVA
16-ILOVA
Ilmiy, tahliliy va tashxis qo‘yish maqsadlari uchun qo‘llaniladigan prekursorlarni hisobga olish
KITOBI
|
__________________________________________________________________________________________________________________________________________________________ | |||||||||||
|
(tashkilot nomi) | |||||||||||
|
| |||||||||||
|
O‘lchov birligi _____________________________________ | |||||||||||
|
Oy |
Oy boshidagi qoldiq |
KIRIM |
qoldiq bilan birga bir oydagi kirim jami |
CHIQIM |
Oy davomidagi jami chiqim |
Qoldiq |
Moddiy javobgar shaxsning imzosi | ||||
|
Kimdan olindi |
Hujjat raqami va sana |
Miqdori |
Kimga berildi |
Hujjat raqami va sana |
Miqdori | ||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|||||||||||
LexUZ sharhi(O‘zbekiston Respublikasi vazirliklari, davlat qo‘mitalari va idoralari me’yoriy hujjatlari axborotnomasi, 2001-y. 23-24-son; O‘zbekiston Respublikasi Qonun hujjatlari to‘plami, 2014-y., 17-son, 197-modda; 2017-y., 32-son, 825-modda)
