O‘ZBEKISTON RESPUBLIKASI VAZIRLAR MAHKAMASINING
QARORI
Oldingi tahrirga qarang.
O‘rmon fondi yerlaridan samarali foydalanish orqali Ijtimoiy reyestrga kiritilgan aholi bandligini ta’minlash va ularning daromadini oshirish chora-tadbirlari to‘g‘risida
(qaror nomi O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
O‘zbekiston Respublikasi Prezidentining “2025-yilda aholi bandligini ta’minlash va kambag‘allikni qisqartirish chora-tadbirlari to‘g‘risida” 2025-yil 17-yanvardagi PQ-12-son qarori ijrosini ta’minlash, shuningdek, o‘rmon fondi yerlaridan samarali foydalanish orqali kambag‘al aholi bandligini ta’minlash va ularning daromadini oshirish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining 2025-yil 17-yanvardagi PQ-12-son qaroriga muvofiq:
kambag‘al oila a’zolarini jalb etgan holda 20 ming gektar o‘rmon fondi yerlarida sanoatbop, manzarali va mevali daraxt turlaridan iborat o‘rmonlar barpo etish, ko‘chatxonalar tashkil etish va dorivor o‘simliklar yetishtirish loyihalarini amalga oshirish, bunda kambag‘al oila a’zolariga mazkur yer uchastkalarida o‘z ehtiyojlari uchun sabzavot, poliz va boshqa qishloq xo‘jaligi mahsulotlarini yetishtirishga ruxsat etilgani;
“Ekofaol fuqaro” platformasiga o‘zi ekkan daraxti to‘g‘risida ma’lumotlar kiritgan kambag‘al oilalar a’zolariga o‘rmon fondi yerlarida ekilgan har 100 ta daraxt uchun “Yashil makon” umummilliy loyihasi doirasidagi mablag‘lar hisobidan bazaviy hisoblash miqdorining bir baravari miqdorida subsidiya ajratish tartibini joriy etish belgilangani ma’lumot uchun qabul qilinsin.
Oldingi tahrirga qarang.
2. Shunday tartib o‘rnatilsinki, unga muvofiq:
hududlarda “mahalla yettiligi” tomonidan o‘rmon fondi yerlarida sanoatbop, manzarali va mevali daraxt turlaridan iborat o‘rmonlar barpo etish, ko‘chatxonalar tashkil etish va dorivor o‘simliklar yetishtirish loyihalarini (keyingi o‘rinlarda — loyihalar) amalga oshirish orqali daromad topish istagini bildirgan Ijtimoiy reyestrga kiritilgan oila a’zolari aniqlanadi;
o‘rmon fondi yerlarida loyihalarni amalga oshirish istagini bildirgan Ijtimoiy reyestrga kiritilgan oila a’zolari oilaviy pudrat shartnomasi asosida jalb etiladi. Bunda oilaviy pudrat shartnomasida belgilangan miqdorda ekiladigan daraxt ko‘chatlari soni subsidiya to‘lash uchun asos bo‘lgan miqdordan kam ekilganda yoki ko‘chatlar ekilgandan keyin ularning 50 foizidan kami ko‘karib chiqmaganda, Ijtimoiy reyestrga kiritilgan oila a’zosi tomonidan daraxt ko‘chatlari qaytadan ekiladi;
loyihalar doirasida ekiladigan ko‘chatlar davlat o‘rmon xo‘jaliklari tashkilotlari tomonidan Ijtimoiy reyestrga kiritilgan oila a’zolariga bepul yetkazib beriladi.
(2-band O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
Oldingi tahrirga qarang.
3. Ijtimoiy reyestrga kiritilgan oila a’zolariga o‘rmon fondi yerlarida ekilgan daraxtlar uchun subsidiya ajratish tartibi to‘g‘risidagi nizom ilovaga muvofiq tasdiqlansin.
(3-band O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
Oldingi tahrirga qarang.
4. O‘zbekiston Respublikasi Kambag‘allikni qisqartirish va bandlik vazirligi O‘zbekiston mahallalari uyushmasi bilan birgalikda “mahalla yettiligi” tomonidan o‘rmon fondi yerlaridan samarali foydalanish orqali daromad topish istagini bildirgan Ijtimoiy reyestrga kiritilgan oila a’zolari ro‘yxati har yili yanvar va avgust oylarida shakllantirilishi hamda tegishli davlat o‘rmon xo‘jaligi tashkilotlariga taqdim etib borilishini ta’minlasin.
(4-band O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
5. O‘zbekiston Respublikasi Ekologiya va iqlim o‘zgarishi milliy qo‘mitasi:
Oldingi tahrirga qarang.
Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari bilan birgalikda shakllantirilgan ro‘yxatga muvofiq Ijtimoiy reyestrga kiritilgan oila a’zolarini o‘rmon fondi yerlarida loyihalarni amalga oshirish hamda daraxt ko‘chatlarini ekish va parvarishlash ishlariga jalb etish choralarini ko‘rsin;
(5-bandning ikkinchi xatboshisi O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
Oldingi tahrirga qarang.
ushbu qarorga ilovaga muvofiq tartibda “Yashil makon” umummilliy loyihasi doirasidagi mablag‘lar hisobidan Ijtimoiy reyestrga kiritilgan oila a’zolariga subsidiyalar ajratilishini ta’minlasin.
(5-bandning uchinchi xatboshisi O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
6. O‘zbekiston Respublikasi Adliya vazirligi Ekologiya va iqlim o‘zgarishi milliy qo‘mitasi bilan birgalikda ikki hafta muddatda o‘rmon fondi yerlarida o‘rmonlar barpo etish, ko‘chatxonalar tashkil etish va dorivor o‘simliklar yetishtirish loyihalarini amalga oshirishda kambag‘al oila a’zolarini jalb etish to‘g‘risida namunaviy oilaviy pudrat shartnomasi loyihasini ishlab chiqsin.
7. O‘zbekiston Respublikasi Kambag‘allikni qisqartirish va bandlik vazirligi manfaatdor vazirliklar va idoralar bilan birgalikda ushbu qarorning mohiyati va ahamiyati aholi o‘rtasida keng tushuntirilishini tashkil etsin.
8. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari — iqtisodiyot va moliya vaziri J.A. Qo‘chqorov hamda kambag‘allikni qisqartirish va bandlik vaziri B.E. Zaxidov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2025-yil 18-dekabr,
798-son
Vazirlar Mahkamasining 2025-yil 18-dekabrdagi 798-son qaroriga
ILOVA
ILOVA
Oldingi tahrirga qarang.
Ijtimoiy reyestrga kiritilgan oila a’zolariga o‘rmon fondi yerlarida ekilgan daraxtlar uchun subsidiya ajratish tartibi to‘g‘risida
NIZOM
(ilova nomi O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
1-bob. Umumiy qoidalar
Oldingi tahrirga qarang.
1. Mazkur Nizom Ijtimoiy reyestrga kiritilgan oila a’zolariga o‘rmon fondi yerlarida ekilgan va parvarishlangan har 100 ta daraxt uchun bazaviy hisoblash miqdorining bir baravari miqdorida subsidiya ajratish tartibini belgilaydi.
(1-band O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
2. Ushbu Nizomda quyidagi asosiy tushunchalar qo‘llaniladi:
ko‘chat ekish mavsumlari — daraxt-butalar ko‘chatlarini ularning biologik xususiyatlaridan kelib chiqqan holda bahor yoki kuz mavsumlarida ekish vaqti;
ko‘chatlarni parvarishlash davri — ko‘chatlar ekilgandan keyin ularning ko‘karib chiqishini ta’minlash bo‘yicha agrotexnik tadbirlar majmui;
Oldingi tahrirga qarang.
talabgor — o‘rmon fondi yerlarida ko‘chatlar ekish va parvarishlash istagini bildirgan Ijtimoiy reyestrga kiritilgan oila a’zolari;
(2-bandning to‘rtinchi xatboshisi O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
“Ekofaol fuqaro” platformasi — aholining kundalik hayotiga ekologik tamoyillarni singdirish orqali mamlakatda “Ekofaol fuqaro” hayot tarzini keng targ‘ib qilishga qaratilgan elektron tizim.
3. Subsidiya O‘zbekiston Respublikasi Ekologiya va iqlim o‘zgarishi milliy qo‘mitasiga (keyingi o‘rinlarda — Ekologiya qo‘mitasi) “Yashil makon” umummilliy loyihasi doirasida ajratiladigan mablag‘lar hisobidan yil davomida ikkiga bo‘linib, ko‘chatlar ekilgan vaqtda (bahor va kuz mavsumlarida) hamda ularni parvarishlash davridan keyin teng ulushlarda to‘lanadi.
2-bob. Subsidiyani ajratish tartibi
Oldingi tahrirga qarang.
4. Ijtimoiy reyestrga kiritilgan oila a’zolariga subsidiya ushbu Nizomga ilovadagi sxemaga muvofiq ajratiladi.
(4-band O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
Oldingi tahrirga qarang.
5 “Mahalla yettiligi” tomonidan o‘rmon fondi yerlarida daraxt ko‘chatlarini ekish istagini bildirgan Ijtimoiy reyestrga kiritilgan oila a’zolarining ro‘yxati shakllantirilib, o‘rmon xo‘jaligi tashkilotiga taqdim etiladi.
(5-band O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
6. O‘rmon xo‘jaligi tashkiloti tomonidan:
ko‘chatlar ekiladigan yer maydoni tanlanadi;
tanlangan yer maydonining tuproq-iqlim sharoitiga mos daraxt-butalar turlari aniqlanadi, ularning ro‘yxati shakllantiriladi;
ro‘yxat asosida daraxt ko‘chatlari talabgorga bepul yetkazib beriladi;
daraxt ko‘chatlarini ekish uchun yerni har xil chiqindilardan tozalash, tekislash, shudgorlash, sug‘orish ariqlarini qazish, ekish uchun jo‘yak olish tadbirlari talabgor bilan birgalikda amalga oshiriladi;
mavsumning boshlanish va tugash sanalari to‘g‘risidagi ma’lumotlar, daraxt ko‘chatlarini parvarishlash bo‘yicha tavsiyalar berib boriladi hamda yaqindan uslubiy yordam ko‘rsatiladi.
7. Talabgor o‘rmon xo‘jaligi tashkiloti tomonidan tayinlangan mas’ul xodim (keyingi o‘rinlarda — murabbiy) tavsiya va ko‘rsatmalariga asosan tanlangan maydonda yerni tayyorlaydi, daraxt ko‘chatlarini bir mavsum davomida ekadi va parvarishlaydi.
8. Murabbiy tuman (shahar) ekologiya bo‘limi bilan birgalikda talabgor tomonidan ekilgan daraxt ko‘chatlarini joyiga chiqqan holda dalolatnoma va fotohisobot asosida qabul qilib oladi.
9. Tuman (shahar) ekologiya bo‘limi tomonidan “Ekofaol fuqaro” platformasida har bir talabgor uchun shaxsiy kabinet ochiladi va unga ekilgan daraxt ko‘chatlari to‘g‘risidagi ma’lumotlar talabgor tomonidan mustaqil ravishda, zarur hollarda “mahalla yettiligi” ko‘magida kiritib boriladi. Kiritilgan ma’lumotlar tuman (shahar) ekologiya bo‘limi tomonidan besh ish kuni ichida tasdiqlanadi yoki tasdiqlanishi rad etiladi.
10. Tuman (shahar) ekologiya bo‘limi ekilgan daraxt ko‘chatlari soniga mutanosib ravishda subsidiyaning 50 foizini talabgorga to‘lab berish uchun “Ekofaol fuqaro” platformasiga dalolatnomani yuklagan holda Qoraqalpog‘iston Respublikasi Ekologiya va iqlim o‘zgarishi qo‘mitasi, viloyatlar va Toshkent shahar Ekologiya va iqlim o‘zgarishi bosh boshqarmalariga (keyingi o‘rinlarda — Ekologiya boshqarmalari) talabnoma yuboradi.
11. Ekologiya boshqarmalari “Ekofaol fuqaro” platformasidagi talabnomalar asosida subsidiya mablag‘larini besh ish kuni mobaynida talabgorning tijorat bankida ochilgan bank kartasiga o‘tkazib beradi.
12. Subsidiya ekilgan va parvarishlangan har 100 ta daraxt ko‘chatlari uchun to‘lanadi.
13. Daraxt ko‘chatlari 100 tadan ko‘p miqdorda ekilgan taqdirda, talabgorga ajratiladigan subsidiya miqdori haqiqatda ekilgan daraxt ko‘chatlari soniga mutanosib ravishda quyidagi formula asosida hisoblanadi:
x = a*b/100;
a — ekilgan ko‘chatlar soni;
b — bazaviy hisoblash miqdorining bir baravari miqdori.
Oldingi tahrirga qarang.
3-bob. Ijtimoiy reyestrga kiritilgan oila a’zolari tomonidan o‘rmon fondi yerlarida ekilgan daraxt ko‘chatlarini monitoring qilish tartibi
(3-bobning nomi O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
Oldingi tahrirga qarang.
14. Ijtimoiy reyestrga kiritilgan oila a’zolari o‘rmon fondi yerlarida ekkan daraxt ko‘chatlarining monitoringi tuman (shahar) ekologiya bo‘limi, kambag‘allikni qisqartirish va bandlikka ko‘maklashish bo‘limi hamda tegishli o‘rmon xo‘jaligi (murabbiy) xodimlaridan iborat ishchi guruh tomonidan amalga oshiriladi.
(14-bandning birinchi xatboshisi O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
Zarur hollarda ishchi guruh tarkibiga O‘rmon xo‘jaligi ilmiy-tadqiqot instituti, “Yashilloyiha” loyihalash instituti yoki boshqa ilmiy tashkilotlarning xodimlari va ekofaollar jalb etilishi mumkin.
15. O‘rmon fondi yerlarida ekilgan daraxt ko‘chatlarining monitoringi ishchi guruh a’zolarining o‘zaro kelishuvi asosida har mavsum davomida va ekilgan daraxt ko‘chatlarini parvarishlash davrida amalga oshiriladi.
16. Monitoring o‘tkazish davomida ishchi guruh tomonidan quyidagilar joyiga chiqqan holda o‘rganiladi:
talabgor tomonidan tuproq-iqlim sharoitga mos daraxt ko‘chatlari ekilgani;
belgilangan miqdorda ko‘chatlar ekilgani hamda daraxt turiga bog‘liq holda ko‘chatlarning ko‘karib chiqqani;
bir mavsum davomida ekilgan daraxt ko‘chatlarini parvarishlash va sug‘orish ishlari o‘z vaqtida bajarilayotgani;
talabgorga subsidiya mablag‘lari o‘z vaqtida to‘lab berilishi.
17. Monitoring yakunlari bo‘yicha ekilgan daraxt ko‘chatlari va ularni parvarish qilish to‘g‘risidagi ma’lumotlar ko‘rsatilgan holda dalolatnoma rasmiylashtiriladi.
Bunda oilaviy pudrat shartnomasida belgilangan miqdorda ekiladigan daraxt ko‘chatlari soni subsidiya to‘lash uchun asos bo‘lgan miqdordan kam ekilganda yoki ko‘chatlar ekilgandan keyin ularning 50 foizidan kami ko‘karib chiqmaganda, talabgor tomonidan daraxt ko‘chatlari qaytadan ekiladi.
18. Talabgor ekilgan ko‘chatlarni parvarishlashdan voz kechgani yoki parvarishlash bo‘yicha tavsiyalarga amal qilinmayotgani yuzasidan o‘rmon xo‘jaligi tashkilotining murojaati kelib tushganda, tuman (shahar) ekologiya bo‘limi tomonidan murojaat o‘rganiladi hamda ushbu ko‘chatlarni parvarishlash majburiyatini o‘rmon xo‘jaligi tashkilotining tavsiyasiga ko‘ra boshqa talabgorga o‘tkazishga ruxsat berish to‘g‘risida xulosa taqdim etiladi.
Ushbu xulosa va o‘rmon xo‘jaligi tashkilotining tavsiyasi asosida tuman (shahar) ekologiya bo‘limi tomonidan uch kun muddatda ko‘chatlarni parvarishlash majburiyati “Ekofaol fuqaro” platformasida yangi talabgor nomiga rasmiylashtiriladi.
Mazkur o‘zgarishlar subsidiya to‘lovlarining parvarishlash bo‘yicha ikkinchi qismini keyinchalik yangi talabgorga to‘lash uchun asos bo‘ladi.
Tuman (shahar) ekologiya bo‘limi xulosasidan norozi bo‘lgan dastlabki talabgor Ekologiya boshqarmalariga, Ekologiya va iqlim o‘zgarishi milliy qo‘mitasiga yoki sud tartibida murojaat qilishi mumkin.
19. Ishchi guruh tomonidan rasmiylashtirilgan dalolatnoma ko‘chatlar ekilgan vaqtda (bahor va kuz mavsumlarida) hamda ularni parvarishlash davridan keyin teng ulushlarda to‘lovlarni amalga oshirish uchun asos bo‘lib xizmat qiladi.
20. Tuman (shahar) ekologiya bo‘limlari tomonidan subsidiyaning qolgan 50 foizi to‘lab berilishi bo‘yicha “Ekofaol fuqaro” platformasi orqali talabnoma yuboriladi.
21. Ekologiya boshqarmalari tomonidan ushbu mablag‘lar besh ish kuni mobaynida belgilangan tartibda to‘lab beriladi.
4-bob. Yakunlovchi qoidalar
22. Ekologiya boshqarmalari subsidiya berish ishlarini tashkil etish, muvofiqlashtirish, monitoring qilish va ajratilgan mablag‘larning talabgorlarga yetkazilishi uchun mas’ul hisoblanadi.
Oldingi tahrirga qarang.
23. Mazkur Nizom talablariga muvofiq subsidiya ajratib berilgan Ijtimoiy reyestrga kiritilgan oila a’zosi bir vaqtning o‘zida qonunchilik hujjatlarida belgilangan tartibda boshqa turdagi subsidiyalarni olishga haqli.
(23-band O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
24. Ushbu Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
Oldingi tahrirga qarang.
Ijtimoiy reyestrga kiritilgan oila a’zolariga o‘rmon fondi yerlarida ekilgan daraxtlar uchun subsidiya ajratish tartibi to‘g‘risidagi nizomga
ILOVA
ILOVA
Ijtimoiy reyestrga kiritilgan oila a’zolariga o‘rmon fondi yerlarida ekilgan daraxtlar uchun subsidiya ajratish tartibi
SXEMASI
Bosqichlar | Subyektlar | Tadbirlar | Ijro muddati | |||
1-bosqich | “Mahalla yettiligi” | 2. Shakllantirilgan ro‘yxatni tegishli o‘rmon xo‘jaligi tashkilotiga taqdim etadi. | Har yili yanvar va avgust oylarida | |||
2-bosqich | O‘rmon xo‘jaligi tashkiloti | 1. Ko‘chatlar ekiladigan yer maydonini tanlaydi. 2. Tanlangan yer maydonining tuproq-iqlim sharoitiga mos daraxt-butalar turlarini aniqlaydi, ularning ro‘yxatini shakllantiradi. 3..Ro‘yxatga ko‘ra daraxt ko‘chatlarini talabgorga bepul yetkazib beradi. 4. Daraxt ko‘chatlarini ekish uchun yerni har xil chiqindilardan tozalash, tekislash, shudgorlash, sug‘orish ariqlarini qazish, ekish uchun jo‘yak olish tadbirlarini talabgor bilan birgalikda amalga oshiradi. 5. Daraxt ko‘chatlarini parvarishlash bo‘yicha tavsiyalar berib boradi hamda yaqindan uslubiy ko‘maklashadi. | Har yili fevral, mart, sentabr oylarida | |||
3-bosqich | Talabgor | 1. Yetkazib berilgan ko‘chatlarni tayyorlangan yer maydoniga ekadi. 2. Ekilgan daraxt ko‘chatlarini bir mavsum davomida parvarishlaydi. 3..Ekilgan ko‘chatlarni o‘rmon xo‘jaligi tashkiloti tomonidan tayinlangan mas’ul xodimga topshiradi. 4..“Ekofaol fuqaro” platformasiga ekilgan daraxt ko‘chatlari to‘g‘risida ma’lumotlarni kiritadi. | Har yili fevral, mart, sentabr oylarida | |||
4-bosqich | O‘rmon xo‘jaligi tashkiloti, Tuman (shahar) ekologiya bo‘limi | Talabgor tomonidan ekilgan daraxt ko‘chatlarini joyiga chiqqan holda, dalolatnoma va fotohisobot asosida qabul qilib oladi. | Har yili may va noyabr oylarida | |||
Tuman (shahar) ekologiya bo‘limi | 1. Ekilgan daraxt ko‘chatlarini qabul qilib olgandan keyin “Ekofaol fuqaro” platformasida talabgor uchun shaxsiy kabinet ochadi. 2. Talabgor tomonidan ekilgan daraxt ko‘chatlari to‘g‘risida “Ekofaol fuqaro” platformasiga kiritilgan ma’lumotlarni tasdiqlaydi yoki tasdiqlashni rad etadi. | 5 ish kunida | ||||
3. Ekilgan daraxt ko‘chatlari soniga mutanosib ravishda subsidiyaning 50 foizi to‘lab berilishi uchun “Ekofaol fuqaro” platformasiga dalolatnomani yuklagan holda hududiy ekologiya boshqarmasiga yuboradi. | Har yili may va noyabr oylarida | |||||
6-bosqich | Hududiy ekologiya boshqarmasi | “Ekofaol fuqaro” platformasidagi talabnomalar asosida subsidiyaning 50 foizini talabgorning bank kartasiga to‘lab beradi. | 5 ish kunida | |||
7-bosqich | Ishchi guruh | 1. Talabgor tomonidan o‘rmon fondi yerlarida ekilgan daraxt ko‘chatlarini monitoring qiladi. 2..Monitoring yakunlari bo‘yicha ekilgan daraxt ko‘chatlari va ularni parvarish qilish to‘g‘risidagi ma’lumotlar ko‘rsatilgan holda dalolatnoma rasmiylashtiradi. | Har yili may va noyabr oylarida | |||
Tuman (shahar) ekologiya bo‘limi | 3..Subsidiyaning qolgan 50 foizini to‘lab berish bo‘yicha “Ekofaol fuqaro” platformasi orqali hududiy ekologiya boshqarmasiga talabnoma yuboradi. | |||||
8-bosqich | Hududiy ekologiya boshqarmasi | Subsidiya mablag‘larini belgilangan tartibda talabgorga to‘lab beradi. | 5 ish kunida | |||
(ilova O‘zbekiston Respublikasi Vazirlar Mahkamasining 2026-yil 29-yanvardagi 35-sonli qarori tahririda — Qonunchilik ma’lumotlari milliy bazasi, 02.02.2026-y., 09/26/35/0101-son)
(Qonunchilik ma’lumotlari milliy bazasi, 19.12.2025-y., 09/25/798/1182-son; 02.02.2026-y., 09/26/35/0101-son)
