Hujjat kuchini yo‘qotgan " " 22.02.2021

Oʻzbekiston Respublikasi Vazirlar Mahkamasining

qarori

BOLALI OILALARGA DAVLAT IJTIMOIY YORDAMI TIZIMINI TAKOMILLAShTIRIShGA OID ChORA-TADBIRLAR TOʻGʻRISIDA

LexUZ sharhi

Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining “Bolali oilalarga davlat ijtimoiy yordami tizimini takomillashtirish toʻgʻrisida” 1994-yil 16-iyundagi PF—871-son Farmonini bajarish yuzasidan Vazirlar Mahkamasi qaror qiladi:

1. 1994-yil 1-sentabrdan boshlab 1-ilovaga muvofiq nafaqalar va toʻlovlar bekor qilinsin.

Oldingi tahrirga qarang.

(2-band Oʻzbekiston Respublikasi Vazirlar Mahkamasining 1996-yil 10-dekabrdagi 437-son qarori bilan 1997-yil 1-yanvardan oʻz kuchini yoʻqotgan )

3. Oʻzbekiston Respublikasi Mehnat vazirligi, Moliya vazirligi bir hafta muddatda budjetdan mablagʻ bilan taʼminlanadigan tashkilotlarda ishlovchi va ishlamaydigan ayollarga bola ikki yoshga yetgungacha ularni parvarishlash uchun har oylik nafaqa tayinlash hamda toʻlash tartibini ishlab chiqsinlar va tasdiqlasinlar.

4. Oʻzbekiston Respublikasi Adliya vazirligi 10 kun muddatda Oʻzbekiston Respublikasining amaldagi qonun hujjatlariga tegishli oʻzgartirishlar kiritishga oid takliflarni tayyorlasin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B. S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1994-yil 20-iyun,

308-son

Vazirlar Mahkamasining 1994-yil
20-iyundagi 308-son qaroriga
1-ILOVA

Bolalar uchun moʻljallangan hamda bekor qilinishi lozim boʻlgan amaldagi nafaqalar, kompensatsiyalar va imtiyozlar

POʻYXATI

1. Bir yillik ish stajiga ega boʻlgan ishlovchi onalarga (stajdan qatʼi nazar, 18 yoshga toʻlmagan ayollarga), shuningdek, ishlab chiqarishdan ajralgan holda oʻqiyotgan onalarga bola 1,5 yoshga yetgungacha uni parvarishlash uchun berilayotgan har oylik nafaqalar;

muddatli xizmatdagi harbiy xizmatchilarning bolalariga;

vasiylikka (homiylikka) olingan bolalarga;

bolalar uylari (maktab-internatlar)ning sobiq tarbiyalanuvchilari boʻlgan yolgʻiz onalar (beva ayol va erkaklar)ning bolalariga berilayotgan har oylik nafaqalar.

2. 6 yoshdan 16 yoshgacha bolalari (stipendiya olmaydigan 18 yoshgacha oʻquvchi bolalari) boʻlgan yolgʻiz onalarga;

ota-onalari aliment toʻlashdan boʻyin tovlayotgan yoki qonunda koʻzda tutilgan va aliment undirishning iloji boʻlmagan holatlarda 6 yoshdan 13 yoshgacha boʻlgan bolalarga berilayotgan oylik nafaqalar.

3. Bir yillik ish stajiga ega boʻlmagan ishlovchi onalarga ishlamaydigan ayollarga bola 1,5 yoshga yetgungacha uni parvarishlash uchun berilayotgan har oylik nafaqalar;

bir yarim yoshdan 6 yoshgacha boʻlgan bolalarga;

6 yoshgacha bolalari boʻlgan yolgʻiz onalarga;

ota-onalari aliment toʻlashdan boʻyin tovlayotgan yoki qonunda koʻzda tutilgan va aliment undirishning iloji boʻlmagan boshqa holatlarda 6 yoshgacha boʻlgan bolalarga berilayotgan har oylik nafaqalar.

4. Ijtimoiy taʼminotning amaldagi tizimiga binoan nafaqa, pensiyalar olmayotgan 16 yoshgacha boʻlgan bolalar (stipendiya olmayotgan 18 yoshgacha boʻlgan oʻquvchilar)ga berilayotgan har oylik toʻlovlar.

5. Bolalar uchun moʻljallangan tovarlar va maktab formasi qimmatlashganligi uchun voyaga yetmagan bolali oilalarga har chorakda berilayotgan kompensatsiya toʻlovlari:

6 yoshgacha boʻlgan bolalarga;

6 yoshdan 13 yoshgacha boʻlgan bolalarga:

kunduzgi umumtaʼlim maktablarining 13 yoshdan katta boʻlgan oʻquvchilariga;

hunar-texnika bilim yurtlarining kiyim-bosh va ovqat bilan taʼminlanmaydigan oʻquvchilariga;

13 yoshdan 18 yoshgacha boʻlgan bolalarga:

texnikumlar, oʻrta maxsus oʻquv yurtlari oʻquvchilariga, oliy oʻquv yurtlari talabalariga;

mehnat daftarchasiga ega boʻlgan ishlovchi yoshlarga;

nogironligi boʻyicha pensiya yoki nafaqa oluvchi yoshlarga.

6. Kam taʼminlangan oilalarning 2 yoshgacha boʻlgan bolalariga berilayotgan bepul ovqat.

7. Umumtaʼlim maktablarining birinchi—beshinchi sinflari oʻquvchilari uchun berilayotgan bepul nonushtalar.

8. 3 yoshgacha boʻlgan bolalarga berilayotgan bepul dori-darmonlar.

9. Bolani parvarishlash uchun taʼtilda boʻlgan ishlovchi onalarga berilayotgan kompensatsiya toʻlovlari.

10. Bolalarga moʻljallangan tovarlarning 50 foizli chegirmalari.

Oldingi tahrirga qarang.

(2-ilova Oʻzbekiston Respublikasi Vazirlar Mahkamasining 1996-yil 10-dekabrdagi 437-son qarori bilan 1997-yil 1-yanvardan oʻz kuchini yoʻqotgan )