Respublika oʻquv yurtlariga abituriyentlarni test usulida tanlash sohasida yagona davlat siyosatini taʼminlash maqsadida va oliy oʻquv yurtlari abituriyentlarini test sinovidan oʻtkazishning ijobiy tajribasini eʼtiborga olib Vazirlar Mahkamasi qaror qiladi:

1. 1994-yildan boshlab oliy oʻquv yurtlari bilan bir qatorda barcha turdagi oʻrta maxsus oʻquv yurtlariga abituriyentlarni bilimlariga baho berishning test usulini qoʻllagan holda tanlash amaliyotga joriy etilsin.

Belgilab qoʻyilsinki, test sinovlari natijalari boʻyicha abituriyentlar tanlash 1994-yilda 1-ilovaga muvofiq ayrim oʻrta maxsus oʻquv yurtlari uchun, 1995-yildan boshlab esa — idoraviy boʻysunishidan qatʼi nazar, barcha oʻrta maxsus oʻquv yurtlari uchun majburiy hisoblanadi.

4. Oliy oʻquv yurtlarining kunduzgi boʻlimlariga abituriyentlar tanlash boʻyicha Respublika markazi Oʻzbekiston Respublikasi Vazirlar Mahkamasi huzuridagi Davlat test markaziga aylantirilsin.

Belgilab qoʻyilsinki, Davlat test markazi moliya va mulk masalalarida oliy oʻquv yurtlarining kunduzgi boʻlimlariga abituriyentlar tanlash boʻyicha Respublika markazining huquqiy vorisi hisoblanadi.

Oliy va oʻrta maxsus oʻquv yurtlarida test sinovlarini tashkil etish va oʻtkazish Davlat test markazi zimmasiga yuklansin.

Xalq taʼlimi vazirligi har yili test sinovi natijalarini tahlil qilish asosida taʼlim sifatini yaxshilashga qaratilgan aniq chora-tadbirlar koʻrsin.

Oʻzbekiston Respublikasi Moliya vazirligi Vazirlar Mahkamasi huzuridagi Davlat test markazi xodimlarining soni 47 nafarga koʻpayganligi bilan bogʻliq boʻlgan xarajatlarni qoplashga qoʻshimcha mablagʻ ajratsin.

Davlat test markazining direktori lavozimi maqomi boʻyicha vazirning birinchi oʻrinbosari lavozimiga tenglashtirilsin, unga tibbiy, transport va maishiy xizmat koʻrsatish boʻyicha imtiyozlar tatbiq etilsin.

8 Bir oy muddatda Davlat test markaziga test materiallari va oʻquv-uslubiy qoʻllanmalar chiqarishga litsenziya rasmiylashtirilsin.

Oʻzbekiston Respublikasi Davlat matbuot qoʻmitasi Davlat test markazini turlari boʻyicha va zarur miqdordagi qogʻoz bilan davlat buyurtmasi sifatida taʼminlasin.

9. Oʻzbekiston Respublikasi Aloqa vazirligi Davlat test markaziga hukumat ATSining 2 ta telefoni oʻrnatilishini taʼminlasin.

10. Oʻzbekiston Respublikasi Fan va texnika davlat qoʻmitasi 1994-yildan boshlab test sinovining istiqbolli texnologiyalarini ishlab chiqish boʻyicha tanlov asosida ilmiy-tadqiqot ishlarini mablagʻ bilan taʼminlashni nazarda tutsin.

11. Davlat test markaziga 1994-yildan boshlab test sinovlarini oʻtkazishga sarflanadigan xarajatlarni qisman qoplash uchun oliy va oʻrta maxsus oʻquv yurtlarida test sinovlari oʻtkazganlik uchun haq belgilashga ruxsat berilsin.

Davlat test markazi Moliya vazirligi bilan birgalikda oliy va oʻrta maxsus oʻquv yurtlarida test sinovlari oʻtkazganlik uchun haq toʻlash normativlarini ishlab chiqsin hamda indeksatsiyalashni nazarda tutgan holda ularni belgilangan tartibda tasdiqlasin.

Oliy va oʻrta maxsus oʻquv yurtlariga ega boʻlgan vazirliklar, idoralar abituriyentlar va talabalarni test sinovidan oʻtkazish boʻyicha xizmatlarga haq toʻlash uchun zarur mablagʻlarni nazarda tutsinlar.

12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, taʼlim muassasalariga ega boʻlgan vazirliklar va idoralar, oliy oʻquv yurtlari rektorlari va oʻrta maxsus oʻquv yurtlari direktorlari joy ajratish, maishiy, tibbiy va transport xizmati koʻrsatish bilan bogʻliq boʻlgan zarur shart-sharoitlar yaratilishini taʼminlasinlar.

13. Moliya vazirligi abituriyentlar tanlash boʻyicha Respublika markazi uchun nazarda tutilgan xizmat yengil avtomobillarini ijaraga olish limitini Davlat test markaziga bersin hamda test sinovlarini oʻtkazish va Davlat test markazi xarajatlari uchun zarur mablagʻlar ajratsin.

14. Vazirlar Mahkamasi huzuridagi Davlat test markazi quyidagi manzilga joylashtirilsin: Toshkent shahri, Bobur koʻchasi, 22a-uy. Toshkent shahar hokimi bir oy muddatda qayd etib oʻtilgan manzildagi Toshkent restoranlar tresti tomonidan ijaraga olingan binoning bir qismini Davlat test markaziga berish masalasini hal etsin.

15. Oʻzbekiston Respublikasi Vazirlar Mahkamasining “Oʻzbekiston Respublikasi oliy oʻquv yurtlarining kunduzgi boʻlimlariga qabul qilish boʻyicha eksperimentni tashkil etish va oʻtkazish toʻgʻrisida” 1992-yil 9-apreldagi 181-son qarori oʻz kuchini yoʻqotgan deb hisoblansin.

16. Mazkur qarorning bajarilishini nazorat qilish Bosh vazirning oʻrinbosari M. Q. Qoraboyev zimmasiga yuklansin.

Oliy va oʻrta maxsus taʼlim vazirligi

Moliya vazirligi

Adliya vazirligi

Markaziy bank

Oʻzbekbirlashuv

Ijtimoiy taʼminot vazirligi