Oʻzbekiston Respublikasi Prezidentining

Qarori

Tadbirkorlik subyektlari tomonidan davlat organlariga hisobot va statistik maʼlumotlarni taqdim etish jarayonlarini yanada soddalashtirish chora-tadbirlari toʻgʻrisida

2023-yil 18-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash, shuningdek, hisobot va statistik maʼlumotlarni taqdim etish jarayonlarini soddalashtirish orqali biznesga maʼmuriy yukni kamaytirish maqsadida:

Oldingi tahrirga qarang.

1. Adliya vazirligi va Milliy statistika qoʻmitasining 2024-yildan boshlab tadbirkorlik subyektlaridan talab qilinadigan, oʻzaro bir-birini takrorlovchi va davlat organlarining boshqa organlardan olish imkoniyati mavjud boʻlgan hisobot va statistika maʼlumotlarini (keyingi oʻrinlarda — hisobot) 1-ilovaga muvofiq bekor qilish toʻgʻrisidagi taklifi maʼqullansin.

(1-bandning birinchi xatboshisi Oʻzbekiston Respublikasi Prezidentining 2025-yil 21-noyabrdagi PF-223-sonli Farmoni tahririda — Qonunchilik maʼlumotlari milliy bazasi, 22.11.2025-y., 06/25/223/1076-son)

Davlat organlari va tashkilotlari oʻzlarining axborot tizimlaridagi maʼlumotlarning tegishli sohani tartibga soluvchi davlat organlariga ularning murojaatlari asosida belgilangan tartibda taqdim etilishini taʼminlasin.

2. Shunday tartib oʻrnatilsinki, unga muvofiq:

a) davlat organlari va tashkilotlari tadbirkorlik subyektlari tomonidan topshiriladigan hisobot turlarini hamda ulardagi maʼlumotlarni quyidagilar orqali maqbullashtirish choralarini koʻrib boradi:

davlat organlari va tashkilotlari oʻrtasida raqamli hukumat tizimi doirasida maʼlumotlar almashishni kengaytirish;

sohaga axborot texnologiyalarini keng joriy etish orqali maʼlumotlarning avtomatik tarzda shakllanishini yoʻlga qoʻyish;

LexUZ sharhi

Qarang: Vazirlar Mahkamasining 2017-yil 9-fevraldagi 66-sonli qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizom.

Oldingi tahrirga qarang.

b) davlat organlari va tashkilotlari har yili 1-sentabrga qadar Milliy statistika qoʻmitasiga hisobot turlarini maqbullashtirish boʻyicha takliflarni kiritib boradi;

(2-bandning “b” kichik bandi Oʻzbekiston Respublikasi Prezidentining 2025-yil 21-noyabrdagi PF-223-sonli Farmoni tahririda — Qonunchilik maʼlumotlari milliy bazasi, 22.11.2025-y., 06/25/223/1076-son)

Oldingi tahrirga qarang.

v) Milliy statistika qoʻmitasi har yili 1-dekabrga qadar davlat organlari va tashkilotlari tomonidan taqdim etilgan takliflar asosida hisobot turlarini maqbullashtirish choralarini koʻradi.

(2-bandning “v” kichik bandi Oʻzbekiston Respublikasi Prezidentining 2025-yil 21-noyabrdagi PF-223-sonli Farmoni tahririda — Qonunchilik maʼlumotlari milliy bazasi, 22.11.2025-y., 06/25/223/1076-son)

3. Tadbirkorlik subyektlari tomonidan davlat organlariga taqdim etiladigan hisobot va statistik maʼlumotlarning yagona roʻyxati (keyingi oʻrinlarda — yagona roʻyxat) 2-ilovaga muvofiq tasdiqlansin.

4. Belgilansinki:

yagona roʻyxatga kiritilmagan hisobotlarni tadbirkorlik subyektlaridan talab qilish taqiqlanadi;

hisobotlar faqat axborot tizimlari orqali taqdim etiladi, hisobotlarni qogʻoz shaklida topshirish tartibi bekor qilinadi.

Oldingi tahrirga qarang.

5. Raqamli texnologiyalar vazirligi Adliya vazirligi, Iqtisodiyot va moliya vazirligi, Milliy statistika qoʻmitasi va Soliq qoʻmitasi bilan birgalikda 2026-yil 1-yanvarga qadar “tadbirkorlik subyektining shaxsiy kabineti” orqali hisobotlarni shakllantirish va davlat organlariga taqdim etishni nazarda tutuvchi Yagona hisobotlar tizimini joriy qilsin.

(5-bandning birinchi xatboshisi Oʻzbekiston Respublikasi Prezidentining 2025-yil 21-noyabrdagi PF-223-sonli Farmoni tahririda — Qonunchilik maʼlumotlari milliy bazasi, 22.11.2025-y., 06/25/223/1076-son)

“Raqamli hukumat loyihalarini boshqarish markazi” davlat muassasasi Yagona hisobotlar tizimining operatori etib belgilansin.

6. Belgilansinki, tadbirkorlik subyektlari tomonidan Yagona hisobotlar tizimi orqali hisobotlarni topshirish quyidagi tartibda amalga oshiriladi:

2026-yil 1-yanvardan barcha tadbirkorlik subyektlari uchun — ixtiyoriy;

2027-yil 1-yanvardan kichik va oʻrta tadbirkorlik subyektlari uchun — majburiy;

2028-yil 1-yanvardan barcha tadbirkorlik subyektlari uchun — majburiy.

7. Shunday tartib oʻrnatilsinki, unga muvofiq:

tadbirkorlik subyektlari qonunchilik hujjatlarida hisobga olinishi belgilangan maʼlumotlarni Yagona hisobotlar tizimiga kiritib boradi;

davlat organlari va tashkilotlarining axborot tizimlarini integratsiya qilish orqali hisobotlarni shakllantirish uchun zarur maʼlumotlar Yagona hisobotlar tizimiga kiritiladi;

hisobotlar Yagona hisobotlar tizimida avtomatik tarzda shakllanadi va hisobotlardagi maʼlumotlarning toʻgʻriligini tadbirkorlik subyekti tasdiqlaydi;

davlat organlari va tashkilotlari oʻzlariga zarur boʻlgan hisobotlarni qonunchilik hujjatlarida belgilangan talablar doirasida Yagona hisobotlar tizimi orqali oladi;

Yagona hisobotlar tizimidagi maʼlumotlarning maxfiyligi qonunchilik hujjatlarida belgilangan tartibda saqlanadi;

LexUZ sharhi

Qarang: Oʻzbekiston Respublikasining “Axborot erkinligi prinsiplari va kafolatlari toʻgʻrisida”gi Qonuni.

buxgalteriya dasturlari tizimidan foydalangan holda hisobotlar topshirayotgan tadbirkorlik subyektlariga ularning maʼlumotlar bazalarini Yagona hisobotlar tizimiga integratsiya qilish imkoniyati yaratiladi.

8. Quyidagilar:

Tadbirkorlik subyektlari uchun hisobot va statistik maʼlumotlarni taqdim etish jarayonlarini soddalashtirish boʻyicha ishchi guruh tarkibi 3-ilovaga muvofiq;

Yagona hisobotlar tizimini ishlab chiqish va ishga tushirish boʻyicha chora-tadbirlar dasturi 4-ilovaga muvofiq tasdiqlansin.

Ishchi guruh (J.A. Qoʻchqorov) mahalliy va xalqaro ekspertlarni jalb qilgan holda Yagona hisobotlar tizimi belgilangan muddatlarda ishga tushirilishini hamda ushbu qarorga 4-ilovada belgilangan chora-tadbirlar oʻz vaqtida va sifatli amalga oshirilishini taʼminlasin.

9. Adliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Mazkur qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.

Qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 9-yanvar,

PQ-8-son

Oʻzbekiston Respublikasi Prezidentining 2024-yil 9-yanvardagi PQ-8-son qaroriga
1-ILOVA

Tadbirkorlik subyektlaridan talab qilinadigan, oʻzaro bir-birini takrorlovchi va davlat organlarining boshqa organlardan olish imkoniyati mavjud boʻlgan bekor qilinayotgan hisobot va statistika maʼlumotlari turlari

ROʻYXATI

T/r	Bekor boʻlayotgan hisobot turi	Hisobot qabul qiluvchi organ	Hisobot olish imkoniyati mavjud boʻlgan boshqa davlat organi yoki manbalar	Hisobot shakli (elektron yoki qogʻoz koʻrinishida)	Hisobotni taqdim etish davriyligi
1.	Sugʻurtalovchilarning moliyaviy hisobot shakli “Buxgalteriya balansi” — 1-sonli shakl (sugʻurta)	Istiqbolli loyihalar milliy agentligi	Soliq qoʻmitasi	Qogʻoz koʻrinishida	Choraklik va yillik
2.	Sugʻurtalovchilarning moliyaviy hisobot shakli “Moliyaviy natijalar toʻgʻrisidagi hisobot” — 2-sonli shakl (sugʻurta)	Istiqbolli loyihalar milliy agentligi	Soliq qoʻmitasi	Qogʻoz koʻrinishida	Choraklik va yillik
3.	Sugʻurtalovchilarning moliyaviy hisobot shakli “Pul oqimlari toʻgʻrisidagi hisobot” — 4-sonli shakl (sugʻurta)	Istiqbolli loyihalar milliy agentligi	Soliq qoʻmitasi	Qogʻoz koʻrinishida	Choraklik va yillik
4.	Sugʻurtalovchilarning moliyaviy hisobot shakli “Xususiy kapital toʻgʻrisidagi hisobot” — 5-sonli shakl (sugʻurta)	Istiqbolli loyihalar milliy agentligi	Soliq qoʻmitasi	Qogʻoz koʻrinishida	Choraklik va yillik
5.	Qimmatbaho metallar va qimmatbaho toshlardan zargarlik va boshqa buyumlarni ishlab chiqarish faoliyati	Soliq qoʻmitasi, “Oʻzbekiston respublika tovar-xom ashyo birjasi” AJ	Ochiq maʼlumotlar portali (data.egov.uz) va elektron litsenziyalash tizimi (license.gov.uz)	Elektron koʻrinishda	Har chorakda
6.	Erkin omborga joylashtirilgan tovarlar va ularning harakati toʻgʻrisida hisobot	Bojxona qoʻmitasi	“Yuk operatsiyalari” AAT	Qogʻoz koʻrinishida	Davriy
7.	Bojxona omboriga joylashtirilgan tovarlar va ularning harakati toʻgʻrisida hisobot	Bojxona qoʻmitasi	“Yuk operatsiyalari” AAT	Qogʻoz koʻrinishida	Davriy
8.	Boj olinmaydigan savdo doʻkonidagi tovarlar va ularning harakati boʻyicha hisobot	Bojxona qoʻmitasi	“Yuk operatsiyalari” AAT	Qogʻoz koʻrinishida	Davriy

Oldingi tahrirga qarang.

Oʻzbekiston Respublikasi Prezidentining 2024-yil 9-yanvardagi PQ-8-son qaroriga
2-ILOVA

Tadbirkorlik subyektlari tomonidan davlat organlariga taqdim etiladigan hisobot va statistik maʼlumotlarning

YAGONA ROʻYXATI

T/r	Hisobot turi	Hisobot taqdim etuvchi subyekt	Hisobotni qabul qiluvchi organ	Hisobotni taqdim etish davriyligi
1.	Tijorat bankining buxgalteriya balansi toʻgʻrisida moliyaviy hisoboti	Tijorat banklari	Soliq organlari	Choraklik va yillik
2.	Tijorat bankining foyda va zararlar toʻgʻrisida moliyaviy hisoboti	Tijorat banklari	Soliq organlari	Choraklik va yillik
3.	Qoʻshilgan qiymat soligʻi boʻyicha hisobot	Tadbirkorlik subyektlari	Soliq organlari	Oylik
4.	Aksiz soligʻi boʻyicha hisobot	Tadbirkorlik subyektlari	Soliq organlari	Oylik
5.	Foyda soligʻi boʻyicha hisobot	Tadbirkorlik subyektlari	Soliq organlari	Oylik va choraklik
6.	Jismoniy shaxslardan olinadigan daromad soligʻi, qatʼiy belgilangan miqdorlardagi soliq summalari va ijtimoiy soliq boʻyicha hisobot	Tadbirkorlik subyektlari	Soliq organlari	Oylik
7.	Yer qaʼridan foydalanganlik uchun soliq boʻyicha hisobot	Tadbirkorlik subyektlari	Soliq organlari	Oylik
8.	Suv resurslaridan foydalanganlik uchun soliq boʻyicha hisobot	Tadbirkorlik subyektlari	Soliq organlari	Yillik
9.	Yuridik shaxslarning mol-mulkiga solinadigan soliq boʻyicha hisobot	Tadbirkorlik subyektlari	Soliq organlari	Yillik
10.	Yuridik shaxslardan olinadigan yer soligʻi boʻyicha hisobot	Tadbirkorlik subyektlari	Soliq organlari	Yillik
11.	Aylanmadan olinadigan soliq boʻyicha hisobot	Tadbirkorlik subyektlari	Soliq organlari	Oylik
12.	Olingan maqsadli mablagʻlardan foydalanganlik boʻyicha hisobot	Tadbirkorlik subyektlari	Soliq organlari	Yillik
13.	Davlat boji va yigʻimlar boʻyicha hisobot	Tadbirkorlik subyektlari	Soliq organlari	Choraklik
14.	Moliyaviy hisobotning xalqaro standartlarga oʻtgan yuridik shaxslarning soliqlarini hisoblab chiqish uchun zarur boʻlgan koʻrsatkichlar boʻyicha hisobot	Tadbirkorlik subyektlari	Soliq organlari	Yillik
15.	Foydali qazilmalarni qazib olganlik uchun maxsus renta soligʻi boʻyicha hisobot	Tadbirkorlik subyektlari	Soliq organlari	Choraklik
16.	Moliyaviy holat toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
17.	Moliyaviy hisobotlar boʻyicha izohlar (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
18.	Foyda yoki zarar va boshqa umumlashgan daromad toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
19.	Xususiy kapitaldagi oʻzgarishlar toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
20.	Pul mablagʻlari harakati toʻgʻrisida hisobot (MHXS asosida)	Aksiyadorlik jamiyatlari, tijorat banklari, sugʻurta tashkilotlari va yirik soliq toʻlovchilar	Soliq organlari	Yillik
21.	Izohlar, hisob-kitoblar va tushuntirishlar	Tadbirkorlik subyektlari	Soliq organlari	Yillik
22.	Buxgalteriya balansi — 1-sonli shakl	Tadbirkorlik subyektlari	Soliq organlari	Yillik
23.	Moliyaviy natijalar toʻgʻrisidagi hisobot — 2-sonli shakl	Tadbirkorlik subyektlari	Soliq organlari	Yillik
24.	Pul oqimlari toʻgʻrisidagi hisobot — 4-sonli shakl	Tadbirkorlik subyektlari	Soliq organlari	Yillik
25.	Xususiy kapital toʻgʻrisidagi hisobot — 5-sonli shakl	Tadbirkorlik subyektlari	Soliq organlari	Yillik
26.	Investitsiya faoliyati, bino va inshootlarni foydalanishga topshirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
27.	Investitsiya faoliyati, bino va inshootlarni foydalanishga topshirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
28.	Oʻzbekiston Respublikasiga chet eldan kiritilgan investitsiyalar va Oʻzbekiston Respublikasidan chet elga yoʻnaltirilgan investitsiyalar toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
29.	Dehqon bozorlari, savdo majmualari va ixtisoslashgan bozorlardagi savdo joylari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
30.	Mahsulotlar va materiallar ishlab chiqarishni mahalliylashtirish chora-tadbirini amalga oshirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
31.	Yoqilgʻi yetkazish va uning kelib tushish manbalari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
32.	Yoqilgʻi va energiya kelib tushishi, sarfi va qoldiqlari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
33.	Elektr energiya manbalari va taqsimoti toʻgʻrisidagi statistika hisoboti (ishlab chiqarish)	Yuridik shaxslar va ularning alohida boʻlinmalari	Statistika organlari	Yillik
34.	Elektr energiya manbalari va taqsimoti toʻgʻrisidagi statistika hisoboti (tarmoq)	Yuridik shaxslar va ularning alohida boʻlinmalari	Statistika organlari	Yillik
35.	Pilla xaridi toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	mavsumiy
36.	Qishloq xoʻjaligi faoliyati toʻgʻrisida statistika hisoboti	Yuridik shaxslar va ularning alohida boʻlinmalari	Statistika organlari	Yillik
37.	Fermer xoʻjaligi faoliyati toʻgʻrisidagi statistika hisoboti	Fermer xoʻjaliklari	Statistika organlari	Yillik
38.	Fermer xoʻjaligi faoliyati toʻgʻrisidagi statistika hisoboti	Fermer xoʻjaliklari	Statistika organlari	Choraklik
39.	Mehnat hisoboti	Yuridik shaxslar va ularning alohida boʻlinmalari	Statistika organlari	Choraklik
40.	Kasb va lavozimlar boʻyicha xodimlarning ish haqi toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
41.	Koʻp kvartirali uylarni boshqarish organlari faoliyati toʻgʻrisida hisobot	Yuridik shaxslar va ularning alohida boʻlinmalari	Statistika organlari	Yillik
42.	Avtomobil, elektr (tramvay, metropoliten, trolleybus) transporti ishi toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
43.	Umumiy foydalanilmaydigan temir yoʻl transporti toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
44.	Umumiy foydalanishdagi havo transporti xizmatlari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
45.	Axborotlashtirish vositalari va axborot-kommunikatsiya texnologiyalaridan foydalanish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
46.	Maktabdan tashqari taʼlim tashkilotining statistika hisoboti	Yuridik shaxslar va ularning alohida boʻlinmalari	Statistika organlari	Yillik
47.	Tashrif buyuruvchilarga xizmat koʻrsatish va joylashtirish toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
48.	Tashkilot xoʻjalik faoliyatining asosiy koʻrsatkichlari toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
49.	Asosiy vositalarning mavjudligi va harakati hamda boshqa nomoliyaviy aktivlar toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
50.	Tashkilotning moliyaviy ahvoli toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Choraklik
51.	Tashkilot faoliyati toʻgʻrisida statistika hisoboti	Yuridik shaxslar va ularning alohida boʻlinmalari	Statistika organlari	Oylik
52.	Maxsus iqtisodiy zona, kichik sanoat zona, texnopark ishtirokchisi boʻlgan tashkilotlar va klasterlar faoliyati toʻgʻrisida statistika hisoboti	Yuridik shaxslar va ularning alohida boʻlinmalari	Statistika organlari	Choraklik
53.	Aholiga tibbiy yordam koʻrsatuvchi muassasalar faoliyati toʻgʻrisidagi statistika hisoboti	Yuridik shaxslar va ularning alohida boʻlinmalari	Statistika organlari	Yillik
54.	Insonparvarlik yordamining kelib tushishi va ularning oʻzlashtirilishi toʻgʻrisida hisobot	Yuridik shaxslar	Iqtisodiyot va moliya vazirligi	Choraklik
55.	Texnik koʻmaklashish vositalarining kelib tushishi va ularning oʻzlashtirilishi toʻgʻrisida hisobot	Yuridik shaxslar	Investitsiyalar, sanoat va savdo vazirligi	Choraklik
56.	Oʻz mablagʻlari va investitsiya aktivlarining oʻrtacha yillik qiymati toʻgʻrisida hisobot	Qimmatli qogʻozlar bozorining professional ishtirokchisi	Istiqbolli loyihalar milliy agentligi	Choraklik
57.	Toʻlov qobiliyati marjasining yetarliligi normativi hisob-kitoblari (umumiy, hayot yoki faqat qayta sugʻurta boʻyicha)	Sugʻurta tashkilotlari	Istiqbolli loyihalar milliy agentligi	Choraklik va yillik
58.	Alohida tavakkalchiliklar boʻyicha majburiyatlarning yoʻl qoʻyiladigan eng koʻp miqdori va majburiyatlar jamining yoʻl qoʻyiladigan eng koʻp miqdori normativlariga rioya qilganligi hamda sugʻurtalovchi (qayta sugʻurtalovchi) aktivlarini joylashtirishga oid talablarga rioya qilinganligi toʻgʻrisida maʼlumotlar	Sugʻurta tashkilotlari	Istiqbolli loyihalar milliy agentligi	Choraklik va yillik
59.	Har qanday bitta yuridik shaxsning ustav kapitalida ishtirok etish ulushi hisob-kitobi	Sugʻurta tashkilotlari	Istiqbolli loyihalar milliy agentligi	Choraklik va yillik
60.	Bitta bogʻliq shaxs yoki barcha bogʻliq shaxslarda joylashtirilgan aktivlari summasi hisob-kitobi	Sugʻurta tashkilotlari	Istiqbolli loyihalar milliy agentligi	Choraklik va yillik
61.	Qayta sugʻurta operatsiyalariga oid talablarga rioya qilganligi toʻgʻrisida maʼlumotlar	Sugʻurta tashkilotlari	Istiqbolli loyihalar milliy agentligi	Choraklik va yillik
62.	Transport vositalari egalarining fuqarolik javobgarligini majburiy sugʻurta qilish boʻyicha barqarorlashtirish zaxirasi boʻyicha maʼlumotlar (1, 2-jadvallar)	Sugʻurta tashkilotlari	Istiqbolli loyihalar milliy agentligi	Choraklik va yillik
63.	Ish beruvchining fuqarolik javobgarligini majburiy sugʻurta qilish boʻyicha barqarorlashtirish zaxirasi boʻyicha maʼlumotlar (1, 2-jadvallar)	Sugʻurta tashkilotlari	Istiqbolli loyihalar milliy agentligi	Choraklik va yillik
64.	Tashuvchining fuqarolik javobgarligini majburiy sugʻurta qilish boʻyicha barqarorlashtirish zaxirasi boʻyicha maʼlumotlar (1, 2-jadvallar)	Sugʻurta tashkilotlari	Istiqbolli loyihalar milliy agentligi	Choraklik va yillik tarzda
65.	Sugʻurta zaxiralarining umumiy miqdori	Sugʻurta tashkilotlari	Istiqbolli loyihalar milliy agentligi	Choraklik va yillik tarzda
66.	Aktivlar tarkibi toʻgʻrisida maʼlumot	Sugʻurta tashkilotlari	Istiqbolli loyihalar milliy agentligi	Choraklik va yillik tarzda
67.	Davlat ulushlarini boshqarish boʻyicha hisobot	Ustav fondidagi davlat ulushi davlatning ishonchli vakillariga ishonchli boshqaruvga berilgan xoʻjalik jamiyatlari	Davlat aktivlarini boshqarish agentligi	Choraklik
68.	Biznes-rejaning bajarilishi toʻgʻrisida tashkilotning ijro etuvchi organi hisoboti	Ustav kapitalida davlat ulushi mavjud xoʻjalik jamiyatlar	Davlat aktivlarini boshqarish agentligi	Choraklik
69.	Samaradorlikning muhim koʻrsatkichlari (SMK) bajarilishi toʻgʻrisida hisobot	Ustav kapitalida davlat ulushi mavjud xoʻjalik jamiyatlar	Davlat aktivlarini boshqarish agentligi	Choraklik
70.	Investitsiya majburiyatlarining bajarilishi toʻgʻrisida hisobot	Investitsiya majburiyatlari bilan davlat aktivini sotib olgan tadbirkorlik subyektlari	Davlat aktivlarini boshqarish agentligi	Oldi-sotdi shartnomasiga muvofiq
71.	Davlat unitar korxonalarining mol-mulklari hamda ularni realizatsiya qilishdan olingan tushumlar boʻyicha hisobot (har birini alohida shaklda)	Davlat unitar korxonalari	Davlat aktivlarini boshqarish agentligi	Choraklik
72.	Tovar, moliya va raqamli bozorlar toʻgʻrisida hisobot	Tahlil qilinayotgan bozor ishtirokchilari	Raqobatni rivojlantirish va isteʼmolchilar huquqlarini himoya qilish qoʻmitasi	Zaruratga koʻra
73.	Ishlab chiqaruvchilarning sanoat mahsulotlari miqdori va narxlari toʻgʻrisida hisobot	Farmatsevtika faoliyatining dori vositalari ishlab chiqarish huquqiga ega litsenziatlar	Sogʻliqni saqlash vazirligi	Oylik
74.	Taʼlim tashkiloti, taʼlim oluvchilar va pedagog xodimlar toʻgʻrisida maʼlumotlar	Nodavlat oliy, professional taʼlim tashkilotlari	Oliy taʼlim, fan va innovatsiyalar vazirligi	Choraklik
75.	Telekommunikatsiya xizmatlari sifati toʻgʻrisida hisobot	Telekommunikatsiya va pochta aloqasi xizmatlarini koʻrsatuvchi xoʻjalik yurituvchi subyektlar	Raqamli texnologiyalar vazirligi	Choraklik
76.	Pochta aloqasi va davriy bosma nashrlarni tarqatish xizmatlarining sifati toʻgʻrisida hisobot	Telekommunikatsiya va pochta aloqasi xizmatlarini koʻrsatuvchi xoʻjalik yurituvchi subyektlar	Raqamli texnologiyalar vazirligi	Choraklik
77.	Televideniye, radioaloqa (mobil aloqa) va radioeshittirish texnik vositalarining ish sifati toʻgʻrisida hisobot	Mobil aloqa operatorlari va teleradiodasturlarni tarqatish (efir, kabel, efir-kabel televideniyesi, radioeshittirish) xizmatlarini koʻrsatadigan xoʻjalik yurituvchi subyektlar	Raqamli texnologiyalar vazirligi	Choraklik
78.	Shaharlararo aloqa liniyalari, traktlari va kanallarining ish sifati toʻgʻrisida hisobot	“Oʻzbekiston telekommunikatsiya tarmoqlarini boshqarish respublika markazi” DUK, “Oʻzbektelekom” AK	Raqamli texnologiyalar vazirligi	Choraklik
79.	Sanoat korxonalariga biriktirilgan hududlardagi tuproq degradatsiyasi va ifloslanishi toʻgʻrisida maʼlumot	Tabiiy resurslarni qazib oluvchi va qayta ishlovchi yirik sanoat korxonalari	Qishloq xoʻjaligi vazirligi	Choraklik
80.	Biznes-reja va bitim parametrlariga rioya qilish holati toʻgʻrisida maʼlumot	Paxta-toʻqimachilik klasterlari	Qishloq xoʻjaligi vazirligi	Yillik
81.	Yer osti suvlarini olish va berishda suv miqdori toʻgʻrisida hisobot	Yer osti suvlaridan foydalanuvchilar	Togʻ-kon sanoati va geologiya vazirligi tizimidagi “Oʻzbekgidrogeologiya” DM	Yillik
82.	Foydali qazilmalarni qazib olishda foydali qazilmalar zaxirasi harakati toʻgʻrisidagi hisobot	Yer qaʼridan foydalanuvchilar	Togʻ-kon sanoati va geologiya vazirligi huzuridagi “Yer qaʼridan foydalanish markazi” DM	Choraklik
83.	Markaziy bank faoliyatining asosiy maqsadlarini hamda nazoratga doir vazifalarini amalga oshirish uchun zarur boʻlgan axborot va hisobotlar	Markaziy bank tomonidan faoliyati tartibga solinadigan va nazorati amalga oshiriladigan tashkilotlar	Markaziy bank	Davriy
84.	Temir yoʻl transportiga oid tashqi sektor statistikasi boʻyicha maʼlumot	“Oʻzbekiston temir yoʻllari” AJ, ichki va xalqaro yoʻnalishlarda yuk va yoʻlovchi tashish faoliyati bilan shugʻullanuvchi tashkilotlar	Markaziy bank	Choraklik
85.	Xorijiy investorlar ishtirokidagi tashkilotlarning kapitali, norezidentlarning ulushlari va ularga toʻlangan dividendlar, shuningdek, norezidentlarga koʻrsatilgan xizmatlar toʻgʻrisida maʼlumotlar	Lizing tashkilotlari va boshqa nobank moliyaviy tashkilotlar	Markaziy bank	Choraklik
86.	Norezidentlarni tashish va norezidentlar bilan tovar va xizmatlar savdosi toʻgʻrisida maʼlumotlar	Aviatsiya va avtomobil yoʻllari sohasida faoliyat yurituvchi tashkilotlar	Markaziy bank	Choraklik
87.	Tabiiy gazning eksport va import hajmlari toʻgʻrisidagi maʼlumotlar hamda mahsulot taqsimotiga oid bitimlar (MTB) va investitsiya bitimlari asosida faoliyat yurituvchi tashkilotlarning ishlab chiqarish, eksporti va daromadlarini taqsimlash hamda chet el investorlarining investitsiyalari toʻgʻrisida maʼlumotlar	Tabiiy gaz eksport va importini amalga oshiruvchi hamda MTB va investitsiya bitimlari asosida faoliyat yurituvchi tashkilotlar	Markaziy bank	Choraklik
88.	Nobank va boshqa moliyaviy tashkilotlar sharhini shakllantirish boʻyicha statistik hisobotlar	Nobank va boshqa moliyaviy tashkilotlar	Markaziy bank	Choraklik, yillik
89.	Ishlab chiqarilgan va realizatsiya qilingan alkogol, pivo va tamaki mahsulotlari hajmlari, shuningdek, ularni sotishdan tushgan daromad miqdori haqida maʼlumot	Tadbirkorlik subyektlari	Investitsiyalar, sanoat va savdo vazirligi	Zaruratga koʻra

Izohlar:

1. Yagona roʻyxatga oʻzgartirish va qoʻshimchalar kiritish Vazirlar Mahkamasi tomonidan amalga oshirilishi mumkin.

2. “Rasmiy statistika toʻgʻrisida”gi Qonunning 9-moddasiga muvofiq rasmiy statistika sohasidagi vakolatli davlat organi oʻz vakolatlari doirasida statistika uslubiyatlarini va xalqaro tavsiyalarga muvofiq boʻlgan statistika kuzatuvlarining shakllarini ishlab chiqadi, tasdiqlaydi hamda joriy etadi.

3. Yagona roʻyxatga kiritilgan hisobot va statistik maʼlumotlar shakllari qonunchilik hujjatlarida belgilangan tartibda tegishli vakolatli organlar tomonidan tasdiqlanadi.

(2-ilovaning matni Oʻzbekiston Respublikasi Prezidentining 2025-yil 21-noyabrdagi PF-223-sonli Farmoni tahririda — Qonunchilik maʼlumotlari milliy bazasi, 22.11.2025-y., 06/25/223/1076-son)

Oʻzbekiston Respublikasi Prezidentining 2024-yil 9-yanvardagi PQ-8-son qaroriga
3-ILOVA

Tadbirkorlik subyektlari uchun hisobot va statistik maʼlumotlarni taqdim etish jarayonlarini soddalashtirish boʻyicha ishchi guruh

TARKIBI

Oldingi tahrirga qarang.

1.	J.A. Qoʻchqorov	—	Oʻzbekiston Respublikasi Bosh vazirining oʻrinbosari, iqtisodiyot va moliya vaziri — ishchi guruh rahbari
2.	B.S. Hamrayev	—	Milliy statistika qoʻmitasi raisi
3.	Sh.X. Shermatov	—	raqamli texnologiyalar vaziri
4.	A.D. Tashkulov	—	adliya vaziri
5.	B.A. Musayev	—	kambagʻallikni qisqartirish va bandlik vaziri
6.	D.S. Qosimov	—	Tadbirkorlik subyektlarining huquqlari va qonuniy manfaatlarini himoya qilish boʻyicha vakil
7.	D.A. Vahobov	—	Savdo-sanoat palatasi raisi
8.	I.I. Norqulov	—	iqtisodiyot va moliya vazirining birinchi oʻrinbosari
9.	Sh.D. Kudbiyev	—	Soliq qoʻmitasi raisi
10.	A.Yu. Mavlonov	—	Bojxona qoʻmitasi raisi
11.	A.X. Muxitdinov	—	“Raqamli hukumat loyihalarini boshqarish markazi” davlat muassasasi direktori
12.	I.R. Tangriyev	—	Vazirlar Mahkamasining Iqtisodiyot, sanoat, moliya-bank, soliq, davlat aktivlari, tadbirkorlikni qoʻllab-quvvatlash va kambagʻallikni qisqartirish masalalari kotibiyati mudiri, ishchi guruh kotibi

Izoh: Ishchi guruh aʼzolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki tegishli vazifani bajarish yuklangan shaxslar kiritiladi.

(3-ilova Oʻzbekiston Respublikasi Prezidentining 2025-yil 21-noyabrdagi PF-223-sonli Farmoni tahririda — Qonunchilik maʼlumotlari milliy bazasi, 22.11.2025-y., 06/25/223/1076-son)

Oʻzbekiston Respublikasi Prezidentining 2024-yil 9-yanvardagi PQ-8-son qaroriga
4-ILOVA

Yagona hisobotlar tizimini ishlab chiqish va ishga tushirish boʻyicha chora-tadbirlar

DASTURI

Oldingi tahrirga qarang.

T/r	Chora-tadbirlar nomi	Amalga oshirish mexanizmlari	Ijro muddatlari	Ijro uchun masʼullar
1.	Hisobot va statistik maʼlumotlarni faqat axborot tizimlari orqali qabul qilinishini taʼminlash.	Hisobot va statistik maʼlumotlarni qabul qiluvchi davlat organlari tomonidan hisobot va statistik maʼlumotlarni faqat axborot tizimlari orqali qabul qilinishining texnik shart-sharoitlarini toʻliq yaratish.	2024-yil fevral	Hisobot va statistik maʼlumotlarni qabul qiluvchi davlat organlari va tashkilotlari
2.	Bir-birini takrorlovchi va davlat organlarining boshqa organlardan olish imkoniyati mavjud boʻlgan hisobot va statistik maʼlumotlarning bekor qilinishini toʻliq taʼminlash maqsadida hisobot va statistik maʼlumotlarni shakllantirishda davlat organlarining maʼlumotlar bazalarini oʻzaro integratsiya qilinishini taʼminlash.	1. Bir-birini takrorlovchi va davlat organlarining boshqa organlardan olish imkoniyati mavjud boʻlgan hisobot va statistik maʼlumotlarning bekor qilish hamda davlat organlarining maʼlumotlar bazalarini oʻzaro integratsiya qilish.	Zaruratga koʻra	Hisobot va statistik maʼlumotlarni qabul qiluvchi davlat organlari va tashkilotlari
2.		2. Davlat organlari va tashkilotlari tomonidan ularning maxsus dasturiy taʼminotlaridagi maʼlumotlarni tegishli sohani tartibga soluvchi davlat organlariga ularning murojaatlari asosida belgilangan tartibda taqdim etish.	Murojaat asosida
3.	Tadbirkorlik subyektlari tomonidan taqdim etiladigan hisobot va statistik maʼlumotlarni maqbullashtirib borish.	1. Raqamli hukumat tizimi doirasida maʼlumotlar almashishni kengaytirish va sohaga axborot texnologiyalarini keng joriy etish, maʼlumotlarning avtomatik tarzda shakllanishini yoʻlga qoʻyish orqali hisobot va statistik maʼlumotlarni maqbullashtirish boʻyicha Milliy statistika qoʻmitasiga takliflar kiritish.	Har yili 1-sentabrga qadar	Hisobot va statistik maʼlumotlarni qabul qiluvchi davlat organlari va tashkilotlari
3.		2. Davlat organlari va tashkilotlari tomonidan taqdim etilgan takliflar asosida hisobot va statistik maʼlumotlarni maqbullashtirish choralarini koʻrish.	Har yili 1-dekabrga qadar	Milliy statistika qoʻmitasi (Hamrayev)
4.	“Yagona milliy mehnat tizimi” idoralararo dasturiy-apparat kompleksi maʼlumotlar bazasini hamda hisobot va statistik maʼlumotlarni avtomatik ravishda shakllantirish imkoniyatlarini kengaytirish.	1. “Yagona milliy mehnat tizimi” idoralararo dasturiy-apparat kompleksi maʼlumotlar bazasini hisobot va statistik maʼlumotlarni qabul qiluvchi davlat organlari talablaridan kelib chiqib kengaytirish. 2. “Yagona milliy mehnat tizimi” idoralararo dasturiy-apparat kompleksi maʼlumotlar bazasini xizmatchilarning asosiy lavozimlari va ishchilar kasblari klassifikatori asosida shakllantirilishini toʻliq yoʻlga qoʻyish. 3. “Yagona milliy mehnat tizimi” idoralararo dasturiy-apparat kompleksiga ish beruvchilar tomonidan maʼlumotlarni oʻz vaqtida va sifatli kiritilishini taʼminlash choralarini koʻrish. 4. “Yagona milliy mehnat tizimi” idoralararo dasturiy-apparat kompleksining statistika, soliq va boshqa masʼul organlar bilan toʻliq integratsiya qilinishini taʼminlash.	2024-yil iyul	Kambagʻallikni qisqartirish va bandlik vazirligi (Musayev), Raqamli texnologiyalar vazirligi (Shermatov), Statistika agentligi (Begalov), Soliq qoʻmitasi (Kudbiyev)
5.	Yagona hisobotlar tizimini joriy etish.	1. Yagona hisobotlar tizimiga oʻtishni mavjud resurslardan foydalangan holda (integratsiya asosida) joriy qilish imkoniyatlarini tahlil qilish.	2024-yil iyul	Raqamli texnologiyalar vazirligi (Shermatov), Adliya vazirligi (Tashkulov), Milliy statistika qoʻmitasi (Hamrayev), Iqtisodiyot va moliya vazirligi (Norqulov), Soliq qoʻmitasi (Kudbiyev), manfaatdor vazirlik va idoralar
		2. Yagona hisobotlar tizimining loyiha-texnik hujjatlarini ishlab chiqish va vakolatli organlardan ekspertizadan oʻtkazish.	2024-yil sentabr
		3. Yagona hisobotlar tizimini ishlab chiqish va kelgusida texnik qoʻllab-quvvatlash uchun Davlat budjeti mablagʻlari, budjetdan tashqari va qonunchilikda taqiqlanmagan boshqa mablagʻlar yoʻnaltirilishini taʼminlash.	2024-yil oktabr
		4. Yagona hisobotlar tizimini ishlab chiqish hamda sinov tariqasida ishga tushirish.	2025-yil mart
		5. Sinov tariqasida texnologik yoʻriqnoma asosida oʻzaro integratsiya qilish orqali vazirlik va idoralarning maʼlumotlar almashinuvini yoʻlga qoʻyish.	2025-yil 1-iyun
		6. Yagona hisobotlar tizimini toʻliq ishga tushirish.	2026-yil 1-yanvar
6.	Hisobot va statistik maʼlumotlar hamda mahsulotlar (tovar va xizmatlar) atamalarini taksonomiya tamoyili asosida toʻliq qayta koʻrib chiqish va oʻzaro uygʻunlashtirish.	1. Amaldagi hisobot atamalari va tavsiflarini, shuningdek, mahsulotlar (tovar va xizmatlar) atamalarini uygʻunlashtirish. 2. Hisobot va statistik maʼlumotlarni yagona taʼrif boʻyicha kodlashtirish. 3. “Hisobdorlik” turdagi faoliyatni tasniflash uchun milliy taksonomiyani ishlab chiqish.	2026-yil aprel	Ishchi guruh (Qoʻchqorov), Milliy statistika qoʻmitasi (Hamrayev), Soliq qoʻmitasi (Kudbiyev), Iqtisodiyot va moliya vazirligi (Norqulov)
7.	Standart biznes hisoboti (SBR) tizimi samarali joriy etilgan xorijiy davlatlar tajribasini oʻrganish va yangi tizimni Oʻzbekistonda joriy etish boʻyicha oʻzaro hamkorlik oʻrnatish.	1. Standart biznes hisoboti tizimi samarali joriy etilgan xorijiy davlatlar tajribasini oʻrganish maqsadida mutaxassislarning ushbu davlatlarga xizmat safarini tashkil etish. 2. Xorijiy davlatlar masʼul idoralari bilan Standart biznes hisoboti tizimini Oʻzbekistonda joriy etish boʻyicha oʻzaro hamkorlik oʻrnatish.	2024-yil mart	Tashqi ishlar vazirligi (Saidov), Adliya vazirligi (Tashkulov), Raqamli texnologiyalar vazirligi (Shermatov), Iqtisodiyot va moliya vazirligi (Norqulov), Milliy statistika qoʻmitasi (Hamrayev), Soliq qoʻmitasi (Kudbiyev)
7.		3. Standart biznes hisoboti tizimi bilan ishlash va uni doimiy ravishda takomillashtirib borishga masʼul boʻlgan davlat organlari mutaxassislarining malakasini oshirish.	2024-2025-yillar

Izoh. Tadbirkorlik subyektlari uchun hisobot va statistik maʼlumotlarni taqdim etish jarayonlarini soddalashtirish boʻyicha ishchi guruh tomonidan Yagona hisobotlar tizimini ishlab chiqish va ishga tushirish boʻyicha qoʻshimcha chora-tadbirlar belgilanishi mumkin.

(4-ilova Oʻzbekiston Respublikasi Prezidentining 2025-yil 21-noyabrdagi PF-223-sonli Farmoni tahririda — Qonunchilik maʼlumotlari milliy bazasi, 22.11.2025-y., 06/25/223/1076-son)

(Qonunchilik maʼlumotlari milliy bazasi, 12.01.2024-y., 07/24/8/0021-son; 25.05.2024-y., 06/24/79/0363-son; 30.12.2024-y., 07/24/455/1092-son; 22.11.2025-y., 06/25/223/1076-son)