1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.09.00 Tadbirkorlarni davlat tomonidan qoʻllab-quvvatlash va huquqlarini himoya qilish]
[TSZ:
1.Fuqarolik qonunchiligi. Tadbirkorlik / Tadbirkorlik faoliyatini davlat tomonidan qoʻllab-quvvatlash]
Oʻzbekiston Respublikasi Vazirlar Mahkamasining
qarori
Tadbirkorlik sohasidagi majburiy talablar yagona elektron reyestrini shakllantirish va yuritish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Tadbirkorlik faoliyatini davlat tomonidan tartibga solishni soddalashtirish chora-tadbirlari toʻgʻrisida” 2022-yil 9-noyabrdagi PF-244-son Farmoni ijrosini taʼminlash, shuningdek, tadbirkorlik subyektlari uchun tartibga solish yukini kamaytirish hamda mamlakatda qulay ishbilarmonlik muhitini yanada yaxshilash maqsadida Vazirlar Mahkamasi qaror qiladi:
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.09.00 Tadbirkorlarni davlat tomonidan qoʻllab-quvvatlash va huquqlarini himoya qilish;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi;
3.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.02.00 Axborotni hujjatlashtirish. Elektron hujjat aylanishi / 12.03.02.01 Elektron hujjat aylanishi]
1. Oʻzbekiston Respublikasi Prezidentining “Tadbirkorlik faoliyatini davlat tomonidan tartibga solishni soddalashtirish chora-tadbirlari toʻgʻrisida” 2022-yil 9-noyabrdagi PF-244-son Farmoniga asosan:
Tadbirkorlik sohasidagi majburiy talablar yagona elektron reyestriga (keyingi oʻrinlarda — Yagona reyestr) tadbirkorlik faoliyatini tartibga solish vositalari boʻyicha belgilangan barcha talablar, ularning muddatlari, ular bilan bogʻliq moliyaviy xarajatlar, talablarga muvofiqlikni tasdiqlovchi hujjatlar, nazorat qiluvchi organlar, tekshiruv shakllari hamda javobgarlik choralari toʻgʻrisidagi maʼlumotlar kiritilishi;
Yagona reyestrga maʼlumotlar tegishli sohani tartibga soluvchi vakolatli davlat organlari va tashkilotlari tomonidan kiritilishi;
Oʻzbekiston Respublikasi Adliya vazirligi Yagona reyestrning operatori hisoblanishi, uning yuritilishini uslubiy taʼminlashi, shuningdek, davlat organlari va tashkilotlarining ushbu sohadagi faoliyatini muvofiqlashtirib borishi belgilanganligi maʼlumot uchun qabul qilinsin.
LexUZ sharhi
Qarang: Vazirlar Mahkamasining 2023-yil 14-avgustdagi 385-son qarori bilan tasdiqlangan Tadbirkorlik sohasidagi majburiy talablar yagona elektron reyestrini shakllantirish va yuritish tartibi toʻgʻrisidagi nizom.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi]
2. Quyidagilarni nazarda tutuvchi Tadbirkorlik sohasidagi majburiy talablar yagona elektron reyestrini shakllantirish va yuritish tartibi toʻgʻrisidagi nizom ilovaga muvofiq tasdiqlansin:
Yagona reyestrni shakllantirish va yuritish maqsadi hamda prinsiplari;
Yagona reyestrda har bir majburiy talab boʻyicha kiritiladigan maʼlumotlarning turlari;
Yagona reyestrni shakllantirish va yuritish boʻyicha vakolatli davlat organlari hamda tashkilotlarining funksiyalari;
tadbirkorlik faoliyatini tartibga soladigan amaldagi majburiy talablar toʻgʻrisidagi maʼlumotlarni shakllantirish tartibi;
yangi joriy etiladigan majburiy talablar toʻgʻrisidagi maʼlumotlarni shakllantirish tartibi;
Yagona reyestrda joylashtirilgan maʼlumotlarni yangilab borish tartibi.
3. Oʻzbekiston Respublikasi Adliya vazirligi Raqamli texnologiyalar vazirligi bilan birgalikda:
2023-yil 1-dekabrga qadar Yagona reyestr elektron tizimining ishlab chiqilishini va sinov tariqasida ishga tushirilishini;
Yagona reyestrning Oʻzbekiston Respublikasi qonunchilik maʼlumotlari milliy bazasi va zaruratga koʻra boshqa axborot tizimlari bilan integratsiya qilinishini taʼminlasin.
4. Belgilab qoʻyilsinki:
Yagona reyestrni ishlab chiqish va ishga tushirish, unga texnik xizmat koʻrsatish va qoʻllab-quvvatlash, shuningdek, uning funksional imkoniyatlarini yanada takomillashtirish bilan bogʻliq xarajatlar Adliya organlari va muassasalarini rivojlantirish budjetdan tashqari jamgʻarmasi mablagʻlari hisobidan moliyalashtiriladi;
majburiy talablar toʻgʻrisidagi maʼlumotlar vakolatli davlat organlari va tashkilotlari tomonidan shakllantiriladi, bunda maʼlumotlarning asoslanganligi, ishonchliligi va belgilangan muddatda taqdim etilishi uchun maʼlumotni kiritayotgan idoralarning birinchi rahbarlariga shaxsiy masʼuliyat yuklanadi;
Oʻzbekiston Respublikasi Adliya vazirligi vakolatli davlat organlari va tashkilotlari tomonidan majburiy talablar toʻgʻrisidagi maʼlumotlar belgilangan tartibda shakllantirilishi va taqdim etilishini nazorat qiladi hamda aniqlangan qoidabuzarliklarni bartaraf etish boʻyicha taʼsir choralarini koʻradi.
5. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev hamda adliya vaziri A.D. Tashkulov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 14-avgust,
385-son
Vazirlar Mahkamasining 2023-yil 14-avgustdagi 385-son qaroriga ILOVA
Tadbirkorlik sohasidagi majburiy talablar yagona elektron reyestrini shakllantirish va yuritish tartibi toʻgʻrisida
NIZOM
1-bob. Umumiy qoidalar
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi;
2.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.02.00 Axborot tizimlari, texnologiyalari va ularni taʼminlash vositalari]
1. Mazkur Nizom Tadbirkorlik sohasidagi majburiy talablar yagona elektron reyestrini (keyingi oʻrinlarda — Yagona reyestr) shakllantirish, yuritish va maʼlumotlarni yangilab borish tartibini belgilaydi.
LexUZ sharhi
Qarang: Oʻzbekiston Respublikasi Prezidentining 2022-yil 9-noyabrdagi PF-244-son “Tadbirkorlik faoliyatini davlat tomonidan tartibga solishni soddalashtirish chora-tadbirlari toʻgʻrisida”gi Farmoni.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.01 Umumiy qoidalar. Tadbirkorlik subyektlari faoliyati yuzasidan davlat nazoratini olib boruvchi organlar]
2. Ushbu Nizomda quyidagi asosiy tushunchalar qoʻllaniladi:
vakolatli organlar — majburiy talablarni ishlab chiqish va qabul qilishga vakolatli boʻlgan, ushbu talablarga rioya etilishini nazorat qiluvchi davlat organlari va tashkilotlari;
ishchi guruh — Oʻzbekiston Respublikasi Prezidentining 2022-yil 9-noyabrdagi PF-244-son Farmoni bilan tasdiqlangan Tadbirkorlik subyektlari uchun tartibga solish yukini kamaytirish boʻyicha ishchi guruh;
kichik ishchi guruhlar — majburiy talablarni tahlil qilish va ularni qisqartirish maqsadida masʼul vazirlik va idoralar, nodavlat notijorat tashkilotlari, yirik davlat korxonalarining malakali mutaxassislari, shuningdek, tadbirkorlik subyektlari va xalqaro tashkilotlar vakillaridan iborat tarkibda ishchi guruh tomonidan tuziladigan guruhlar;
majburiy talablar — normativ-huquqiy hujjatlar va texnik jihatdan tartibga solish sohasidagi normativ hujjatlarda belgilangan tadbirkorlik faoliyati subyektlari bajarishi shart boʻlgan talablar.
LexUZ sharhi
Qarang: Vazirlar Mahkamasining 2023-yil 14-avgustdagi 385-son qarori bilan tasdiqlangan Tadbirkorlik sohasidagi majburiy talablar yagona elektron reyestrini shakllantirish va yuritish tartibi toʻgʻrisidagi nizomning 2-bandi.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi;
2.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.01.00 Adliya organlarining tizimi va tashkiliy tuzilmasi]
3. Yagona reyestrda tadbirkorlik faoliyati sohasidagi majburiy talablar toʻgʻrisidagi maʼlumotlar Oʻzbekiston Respublikasi Adliya vazirligi tomonidan ochiq va umumiy foydalanish uchun joylashtiriladi.
4. Majburiy talablarni qisqartirish va ularning Yagona reyestrini shakllantirish ishlarini tashkil etish ishchi guruh tomonidan amalga oshiriladi.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.01 Umumiy qoidalar. Tadbirkorlik subyektlari faoliyati yuzasidan davlat nazoratini olib boruvchi organlar;
2.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.01.00 Adliya organlarining tizimi va tashkiliy tuzilmasi]
5. Oʻzbekiston Respublikasi Adliya vazirligi vazirlik va idoralarning Yagona reyestrni shakllantirish bilan bogʻliq faoliyatini uslubiy taʼminlaydi, shuningdek ularning ushbu sohadagi faoliyatini muvofiqlashtiradi.
2-bob. Yagona reyestrni shakllantirish va yuritish
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.08.00 Tadbirkorlik faoliyati subyektlarining faoliyati kafolatlari]
6. Yagona reyestrni shakllantirish amaldagi majburiy talablar roʻyxatini tuzish, ularni qayta koʻrib chiqish, tartibga solish taʼsirini baholash, takrorlanuvchi va dolzarbligini yoʻqotgan talablarni bekor qilish hamda ularni tizimli shakllantirish, yuritish, yangilab borish va tadbirkorlik faoliyati subyektlariga majburiy talablar haqida axborot berish jarayonlarini oʻz ichiga oladi.
7. Yagona reyestrni shakllantirish hamda unda joylashtirilgan maʼlumotlarni yangilab borish ushbu Nizomga 1-ilovadagi sxemaga muvofiq amalga oshiriladi.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.01 Umumiy qoidalar. Tadbirkorlik subyektlari faoliyati yuzasidan davlat nazoratini olib boruvchi organlar]
8. Vakolatli organlar har yili 1-martga qadar oʻz sohasidagi majburiy talablar oʻrnatilgan barcha normativ-huquqiy hujjatlar va texnik jihatdan tartibga solish sohasidagi normativ hujjatlarni xatlovdan oʻtkazadi hamda ularning roʻyxatini shakllantiradi.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.06.00 Faoliyatning ayrim turlarini litsenziyalash. Ruxsat berish (shuningdek, 02.08.06.00ga qarang) / 09.01.06.02 Faoliyatning ayrim turlarini litsenziyalash tartibi;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.01 Umumiy qoidalar. Tadbirkorlik subyektlari faoliyati yuzasidan davlat nazoratini olib boruvchi organlar;
3.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.12.00 Tadbirkorlik toʻgʻrisidagi qonunchilik hujjatlarini buzganlik uchun javobgarlik]
9. Roʻyxatga kiritilgan hujjatlardagi har bir majburiy talabning zarurati, asosliligi va dolzarbligi vakolatli organ tomonidan tahlil qilinadi, tahlil natijalari boʻyicha quyidagilarni nazarda tutuvchi maʼlumotnoma tayyorlanadi va ushbu Nizomning 2-ilovasida belgilangan shaklda Ishchi guruhga kiritiladi:
majburiy talabning mazmuni;
majburiy talab belgilangan normativ-huquqiy hujjat (texnik jihatdan tartibga solish sohasidagi normativ hujjat) nomi, rekvizitlari, tarkibiy birligi va uning matniga havola;
majburiy talabning zarurati, asosliligi va dolzarbligi;
majburiy talabning amal qilish muddati;
majburiy talabga rioya qilishi lozim boʻlgan tadbirkorlik sohasining Oʻzbekiston Respublikasi Iqtisodiy faoliyat turlarining umumdavlat tasniflagichi boʻyicha iqtisodiy faoliyati turi;
majburiy talabga rioya etilishini nazorat qilish (tekshiruvi)ning shakli, nazorat qilinadigan (litsenziyalash, ruxsat berish va xabardor qilish) faoliyat turining nomi (agar mavjud boʻlsa);
majburiy talablarga rioya etilishi ustidan davlat nazoratini (tekshiruvini) amalga oshiruvchi vakolatli organlar;
majburiy talabga muvofiqlikni tasdiqlovchi hujjatlar toʻgʻrisidagi maʼlumotlar va tasdiqlovchi hujjatlarni taqdim etadigan vakolatli organ (agar mavjud boʻlsa);
majburiy talabga rioya qilmaganlik uchun belgilangan javobgarlik choralari, uni qoʻllovchi organlar, shuningdek, javobgarlikni belgilovchi normativ-huquqiy hujjatning nomi, rekvizitlari, tarkibiy birligi va uning matniga havola;
majburiy talabga rioya qilish boʻyicha qoʻllanmalar, ular boʻyicha vakolatli organlarning rasmiy tushuntirishlari, nazorat qilinadigan shaxslarni xabardor qilish doirasida ishlab chiqilgan normativ tusga ega boʻlmagan boshqa hujjatlar toʻgʻrisidagi maʼlumotlar (rekvizitlar, qabul qilgan vakolatli organning nomi, hujjatlarga havolalar) (agar mavjud boʻlsa);
majburiy talabning qayta koʻrib chiqilishi muddati;
majburiy talab natijasida tadbirkorlik subyekti uchun yuzaga keladigan moliyaviy xarajatlar.
10. Ishchi guruh vakolatli organlar tomonidan kiritilgan majburiy talablarni zarurati, asosliligi va dolzarbligini tanqidiy tahlil qilgan holda, ularni tartibga solish taʼsirini baholash va qisqartirish toʻgʻrisida takliflar tayyorlash uchun har yili 15-martga qadar tegishli kichik ishchi guruhlarga yuboradi.
11. Kichik ishchi guruhlar vakolatli organlar tomonidan kiritilgan majburiy talablarning koʻrib chiqqan holda majburiy talablarning tartibga solish taʼsirini baholaydi va hisobotini hamda ushbu talablarni qisqartirish toʻgʻrisidagi takliflarni va boshqa tahliliy materiallarni har yili 1-iyulga qadar ishchi guruhga kiritadi.
12. Ishchi guruh majburiy talablarni qisqartirish toʻgʻrisidagi takliflarni koʻrib chiqadi va har yili 15-iyulga qadar kichik ishchi guruhlarga ularni amalga oshirish boʻyicha tegishli topshiriqlar beradi.
13. Kichik ishchi guruhlar tegishli sohaga oid majburiy talablarni qisqartirishni nazarda tutuvchi normativ-huquqiy hujjatlar loyihalarini ishlab chiqadi va bir oy muddatda belgilangan tartibda ishchi guruhga kiritadi.
[OKOZ:
1.01.00.00.00 Konstitutsiyaviy tuzum / 01.10.00.00 Oʻzbekiston Respublikasi Prezidenti / 01.10.03.00 Oʻzbekiston Respublikasi Prezidenti Administratsiyasi;
2.01.00.00.00 Konstitutsiyaviy tuzum / 01.11.00.00 Oʻzbekiston Respublikasi Vazirlar Mahkamasi (shuningdek, 02.01.00.00ga qarang)]
14. Ishchi guruh Yagona reyestrni shakllantirish doirasidagi chora-tadbirlarni amalga oshirish holati haqida axborot hamda majburiy talablarni qisqartirishni nazarda tutuvchi normativ-huquqiy hujjatlar loyihalarini bir oy muddatda belgilangan tartibda Oʻzbekiston Respublikasi Prezidenti Administratsiyasi va Vazirlar Mahkamasiga kiritadi.
15. Vakolatli organlar qayta koʻrib chiqilgan hamda qisqartirilgan majburiy talablar asosida sohalar boʻyicha majburiy talablar toʻgʻrisidagi maʼlumotlarni shakllantiradi va qayta koʻrib chiqilgandan keyin darhol Oʻzbekiston Respublikasi Adliya vazirligiga kiritadi.
16. Oʻzbekiston Respublikasi Adliya vazirligi vakolatli organlar tomonidan majburiy talablar toʻgʻrisidagi shakllantirilgan maʼlumotlarni uch ish kuni ichida Yagona reyestrga joylashtiradi.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.01 Umumiy qoidalar. Tadbirkorlik subyektlari faoliyati yuzasidan davlat nazoratini olib boruvchi organlar;
2.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi;
3.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.01.00 Adliya organlarining tizimi va tashkiliy tuzilmasi]
17. Yagona reyestrni shakllantirish va yuritish boʻyicha davlat organlari va tashkilotlari quyidagilarni amalga oshiradi:
a) vakolatli organlar:
Yagona reyestrga joylashtirish uchun majburiy talablar toʻgʻrisidagi maʼlumotlarni mazkur Nizom talablariga muvofiq shakllantiradi;
majburiy talablar toʻgʻrisidagi maʼlumotlarni Oʻzbekiston Respublikasi Adliya vazirligiga belgilangan tartibida va muddatlarda kiritadi;
majburiy talablar toʻgʻrisidagi maʼlumotlarni shakllantirishga masʼul boʻlgan xodimlarning roʻyxatini tasdiqlaydi;
majburiy talablarning zarurati, asosliligi va dolzarbligini doimiy tahlil qilib boradi;
b) Oʻzbekiston Respublikasi Adliya vazirligi:
Yagona reyestrning operatori hisoblanadi hamda uning yuritilishini uslubiy taʼminlaydi, shuningdek, vakolatli organlarning ushbu sohadagi faoliyatini muvofiqlashtiradi;
Yagona reyestrning ishga tushirilishini, uning uzluksiz faoliyat koʻrsatishini, unga texnik xizmat koʻrsatish va qoʻllab-quvvatlashni tashkil qiladi;
Yagona reyestrdan tadbirkorlik faoliyati subyektlarining uzluksiz foydalanishi uchun imkoniyat yaratadi;
Yagona reyestrda joylashtirilgan maʼlumotning xavfsizligini taʼminlaydi;
majburiy talablar toʻgʻrisidagi maʼlumotlarni shakllantirish va ularni yangilab borishda vakolatli organlarga uslubiy yordam koʻrsatadi hamda tavsiyalar ishlab chiqadi;
vakolatli organlar tomonidan shakllantirilgan majburiy talablar toʻgʻrisidagi maʼlumotlarning Yagona reyestrda joylashtirilishini taʼminlaydi;
majburiy talablar toʻgʻrisidagi maʼlumotlarni oʻz vaqtida va belgilangan tartibda taqdim etmagan, shuningdek, Yagona reyestrni shakllantirish bilan bogʻliq qonunchilik hujjatlari talablarini buzgan vakolatli organlarga nisbatan taʼsir choralarini qoʻllaydi.
LexUZ sharhi
Qarang: Vazirlar Mahkamasining 2023-yil 14-avgustdagi 385-son qarori bilan tasdiqlangan Tadbirkorlik sohasidagi majburiy talablar yagona elektron reyestrini shakllantirish va yuritish tartibi toʻgʻrisidagi nizomning 17-bandi, Oʻzbekiston Respublikasi Prezidentining 2022-yil 9-noyabrdagi PF-244-son Farmonining 2-ilovasi.
18. Yangi joriy etilgan majburiy talablar toʻgʻrisidagi maʼlumotlar vakolatli organlar tomonidan ular qabul qilingan kundan boshlab uch ish kuni ichida mazkur Nizomning 9-bandi talablariga muvofiq shakllantiriladi va Oʻzbekiston Respublikasi Adliya vazirligiga taqdim etiladi.
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi;
2.18.00.00.00 Prokuratura. Advokatura. Notariat. Yuridik xizmat. Adliya organlari. FHDY organlari / 18.05.00.00 Adliya organlari / 18.05.01.00 Adliya organlarining tizimi va tashkiliy tuzilmasi]
19. Oʻzbekiston Respublikasi Adliya vazirligi majburiy talablar toʻgʻrisidagi maʼlumotlar kelib tushgan kundan boshlab uch ish kuni ichida ularni Yagona reyestrga kiritadi.
3-bob. Yagona reyestrga joylashtirilgan maʼlumotlarni yangilab borish
[OKOZ:
1.09.00.00.00 Tadbirkorlik va xoʻjalik faoliyati / 09.01.00.00 Tadbirkorlik toʻgʻrisidagi qonunchilik / 09.01.11.00 Tadbirkorlik subyektlari faoliyati yuzasidan davlat nazorati / 09.01.11.02 Tadbirkorlik subyektlari faoliyati yuzasidan davlat nazoratini amalga oshirish tartibi]
20. Majburiy talablar belgilangan normativ-huquqiy va texnik jihatdan tartibga solish sohasidagi normativ hujjatlarga oʻzgartirish va qoʻshimchalar kiritilganda, shuningdek, ular oʻz kuchini yoʻqotgan deb topilganda vakolatli organ uch ish kuni davomida majburiy talablar toʻgʻrisidagi maʼlumotlarni yangilaydi va Oʻzbekiston Respublikasi Adliya vazirligiga taqdim etadi.
Oʻzbekiston Respublikasi Adliya vazirligi uch ish kuni davomida Yagona reyestrda joylashtirilgan majburiy talablar toʻgʻrisidagi maʼlumotlarga tegishli oʻzgartirishlar kiritilishini taʼminlaydi.
21. Yagona reyestrga joylashtirilgan majburiy talablar ularning dolzarbligi va zarurati hamda joriy etilishidan koʻzlangan maqsadlarga erishilganligi yuzasidan har besh yilda bir marta vakolatli organlar tomonidan tartibga solish taʼsirini baholagan holda qayta koʻrib chiqiladi.
22. Vakolatli organ tomonidan majburiy talabni qayta koʻrib chiqish natijalari boʻyicha takliflar normativ-huquqiy hujjatlar boʻyicha ularni qabul qiluvchi organga, texnik jihatdan tartibga solish sohasidagi normativ hujjatlar boʻyicha esa Oʻzbekiston Respublikasi Investitsiyalar, sanoat va savdo vazirligi huzuridagi Oʻzbekiston texnik jihatdan tartibga solish agentligiga belgilangan tartibda kiritiladi.
23. Normativ-huquqiy hujjatlarni qabul qiluvchi organ yoki Oʻzbekiston Respublikasi Investitsiyalar, sanoat va savdo vazirligi huzuridagi Oʻzbekiston texnik jihatdan tartibga solish agentligi majburiy talabni qayta koʻrib chiqish natijalari boʻyicha uni oʻz kuchida qoldirish, oʻzgartirish yoki bekor qilish toʻgʻrisida bir oy ichida qaror qabul qiladi.
24. Majburiy talabni oʻzgartirish yoki bekor qilish toʻgʻrisida qaror qabul qilingan taqdirda, vakolatli organ belgilangan tartibda normativ-huquqiy hujjat yoxud texnik jihatdan tartibga solish sohasidagi normativ hujjat loyihasini qarorda nazarda tutilgan muddatlarda ishlab chiqish va qabul qilish choralarini koʻradi.
4-bob. Yakunlovchi qoidalar
25. Yagona reyestrga kiritilmagan majburiy talablarni bajarmaganlik uchun javobgarlik belgilanmaydi, shuningdek, vakolatli organlar tomonidan Yagona reyestrga kiritilmagan majburiy talablarning bajarilishini tekshirish taqiqlanadi.
26. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Tadbirkorlik sohasidagi majburiy talablar yagona reyestrini shakllantirish va yuritish tartibi toʻgʻrisidagi nizomga 1-ILOVA
Tadbirkorlik sohasidagi majburiy talablar Yagona reyestrini shakllantirish, unda joylashtirilgan maʼlumotlarni yangilab borish
SXEMASI
Bosqichlar
Masʼullar
Tadbirlar
Bajarish muddatlari
1-bosqich
Vakolatli organlar
1. Oʻz sohasidagi normativ-huquqiy hujjatlar va texnik jihatdan tartibga solish sohasidagi normativ hujjatlarda belgilangan barcha majburiy talablarni xatlovdan oʻtkazadi hamda ularning roʻyxatini shakllantiradi.
2. Roʻyxatga kiritilgan majburiy talablarni tahlil qiladi, tahlil natijalari boʻyicha maʼlumotnoma tayyorlaydi va belgilangan shaklda Tadbirkorlik subyektlari uchun tartibga solish yukini kamaytirish boʻyicha ishchi guruhga kiritadi.
Har yili 1-martga qadar
2-bosqich
Ishchi guruh
1. Ishchi guruh vakolatli organlar tomonidan tayyorlangan maʼlumotnomalarni kichik ishchi guruhlarga tegishli tadbirkorlik faoliyati sohalari boʻyicha taqsimlaydi.
Har yili 15-martga qadar
Kichik ishchi guruhlar
2. Kichik ishchi guruhlar majburiy talablarning tartibga solish taʼsirini baholaydi va ushbu talablarni qisqartirish toʻgʻrisidagi takliflarni ishchi guruhga kiritadi.
Har yili 1-iyulga qadar
3-bosqich
Ishchi guruh
Majburiy talablarni qisqartirish haqidagi takliflarni koʻrib chiqadi va kichik ishchi guruhlarga ularni amalga oshirish boʻyicha topshiriq beradi.
Har yili 15-iyulga qadar
4-bosqich
Kichik ishchi guruhlar
Tegishli sohaga oid majburiy talablarni qisqartirishni nazarda tutuvchi normativ-huquqiy hujjatlar loyihalarini ishlab chiqadi va ishchi guruhga kiritadi.
Bir oy mobaynida
5-bosqich
Ishchi guruh
Yagona reyestrni shakllantirish holati haqida axborot hamda majburiy talablarni qisqartirishni nazarda tutuvchi normativ-huquqiy hujjatlar loyihalarini Oʻzbekiston Respublikasi Prezidenti Administratsiyasi va Vazirlar Mahkamasiga kiritadi.
Bir oy mobaynida
6-bosqich
Vakolatli organlar
Qayta koʻrib chiqilgan va qisqartirilgan majburiy talablar asosida sohalar boʻyicha majburiy talablar toʻgʻrisidagi maʼlumotlarni shakllantiradi va Adliya vazirligiga kiritadi.
Qayta koʻrib chiqilgandan keyin darhol
7-bosqich
Adliya vazirligi
Vakolatli organlar tomonidan majburiy talablar toʻgʻrisida shakllantirilgan maʼlumotlarni Yagona reyestrga joylashtiradi.
Uch ish kuni mobaynida
8-bosqich
Vakolatli organlar
Majburiy talablar belgilangan hujjatlarga oʻzgartirish va qoʻshimchalar kiritilganda, shuningdek, ular oʻz kuchini yoʻqotgan deb topilganda, majburiy talablar toʻgʻrisidagi maʼlumotlarni yangilaydi hamda Adliya vazirligiga taqdim etadi.
Uch ish kuni mobaynida
9-bosqich
Adliya vazirligi
Yagona reyestrda joylashtirilgan majburiy talablar toʻgʻrisidagi maʼlumotlarga tegishli oʻzgartirishlar kiritilishini taʼminlaydi.
Uch ish kuni mobaynida
10-bosqich
Vakolatli organlar
1. Yagona reyestrga joylashtirilgan majburiy talablarni ularning dolzarbligi va zarurati hamda joriy etilishidan koʻzlangan maqsadlarga erishilganligi yuzasidan qayta koʻrib chiqadi.
2. Qayta koʻrib chiqish natijalari boʻyicha takliflarni normativ-huquqiy hujjatlar boʻyicha ularni qabul qiluvchi organga, texnik jihatdan tartibga solish sohasidagi normativ hujjatlar boʻyicha esa Oʻzbekiston texnik jihatdan tartibga solish agentligiga belgilangan tartibda kiritiladi.
Har besh yilda bir marta
11-bosqich
Normativ-huquqiy hujjatlarni qabul qiluvchi organ yoki Oʻzbekiston texnik jihatdan tartibga solish agentligi
Majburiy talablarni qayta koʻrib chiqish natijalari boʻyicha uni oʻz kuchida qoldirish, oʻzgartirish yoki bekor qilish toʻgʻrisida qaror qabul qiladi.
Bir oy mobaynida
12-bosqich
Vakolatli organlar
Majburiy talablarni oʻzgartirish yoki bekor qilish toʻgʻrisida qaror qabul qilingan taqdirda, belgilangan tartibda tegishli normativ hujjat loyihasini ishlab chiqish va qabul qilish choralarini koʻradi.
Qarorda nazarda tutilgan muddatda
Tadbirkorlik sohasidagi majburiy talablar yagona reyestrini shakllantirish va yuritish tartibi toʻgʻrisidagi nizomga 2-ILOVA
Tadbirkorlik sohasidagi majburiy talablar yagona elektron reyestriga majburiy talablar boʻyicha kiritiladigan maʼlumotlar
ROʻYXATI
T/r
Majburiy talabning mazmuni
Majburiy talab belgilangan normativ huquqiy hujjat (texnik jihatdan tartibga solish sohasidagi normativ hujjat) nomi, rekvizitlari, tarkibiy birligi va unga havola
Majburiy talabning zarurati, asosliligi, dolzarbligi
Majburiy talabning amal qilish muddati
Majburiy talabga rioya qilishi lozim boʻlgan subyektlarning IFUT boʻyicha faoliyat turi
Nazorat (tekshiruv)ning turi, nazorat qilinadigan (litsenziyalash, ruxsat berish va xabardor qilish) faoliyat turining nomi (agar mavjud boʻlsa)
Nazorat (tekshiruv)ni amalga oshiruvchi vakolatli organ
Majburiy talabga muvofiqlik toʻgʻrisidagi maʼlumotlar va hujjatlarni taqdim etadigan vakolatli organ (agar mavjud boʻlsa)
Majburiy talabga rioya qilmaganlik uchun belgilangan javobgarlik choralari, uni qoʻllovchi organ, javobgarlik belgilangan normativ-huquqiy hujjatning rekvizitlari, unga havola
Majburiy talabga rioya qilish boʻyicha qoʻllanma (tushuntirish), nazorat qilinadigan shaxslarni xabardor qilish boʻyicha ishlab chiqilgan boshqa hujjatlar toʻgʻrisidagi maʼlumotlar (rekvizitlari va unga havola)
Majburiy talabning qayta koʻrib chiqilishi muddati
Majburiy talab natijasida tadbirkorlik subyekti uchun yuzaga keladigan moliyaviy xarajatlar
1.
2.
3.
...
(Qonunchilik maʼlumotlari milliy bazasi, 15.08.2023-y., 09/23/385/0614-son)
LexUZ sharhi