Paxta va gʻalladan qisqartirilayotgan yer maydonlarida bogʻdorchilik, uzumchilik, poliz va sabzavotchilik, dukkakli va moyli ekinlarni yetishtirishda fuqarolarga, “Temir daftar”, “Ayollar daftari” va “Yoshlar daftari”da roʻyxatda turgan ehtiyojmand oilalarga hamda xorijdan qaytib kelgan mehnat migrantlariga dehqon xoʻjaligini yuritish uchun yer uchastkalarini ochiq elektron tanlov orqali ijaraga berish tizimi joriy etilgan.

Shu bilan birga, “Yoshlar daftari” va xorijdan qaytib kelgan mehnat migrantlari roʻyxatiga kiritilgan yoshlarga dehqon xoʻjaligini yuritish uchun yer uchastkalarini ajratishda ochiq elektron tanlovlarda ustuvorlikni taʼminlovchi mezonlarni takomillashtirish zarurati mavjud.

“Yoshlar daftari” va xorijdan qaytib kelgan mehnat migrantlari roʻyxatiga kiritilgan yoshlarga yer uchastkalarini ajratish hamda ularning bandligini taʼminlash maqsadida Vazirlar Mahkamasi qaror qiladi:

1. Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga quyidagilarni nazarda tutuvchi oʻzgartirish va qoʻshimchalar kiritilsin:

“Yoshlar daftari” va xorijdan qaytib kelgan mehnat migrantlari roʻyxatiga kiritilgan yoshlarga dehqon xoʻjaligini yuritish uchun yer uchastkalarini ochiq elektron tanlov orqali ijaraga berish;

ochiq elektron tanlov orqali “Yoshlar daftari” va xorijdan qaytib kelgan mehnat migrantlari roʻyxatiga kiritilgan yoshlarga yer uchastkalarini ajratishda soddalashtirilgan tartibni joriy etish.

2. Mazkur qarorning bajarilishini nazorat qilish Oʻzbekiston Respublikasi qishloq xoʻjaligi vaziri A.B. Voitov zimmasiga yuklansin.

2. 3¹-ilovada:

3-band qoʻyidagi tahrirda bayon etilsin:

“3. Jismoniy va yuridik shaxslar tomonidan tanlovda ijara huquqini yutib olish uchun koʻproq ball toʻplash maqsadida ixtiyoriy ravishda oʻz zimmasiga olingan qoʻshimcha toʻlovlar qishloq xoʻjaligiga moʻljallangan yer uchastkalarining ijara davri muddatiga teng taqsimlangan holda toʻlanadi va tegishli tuman (shahar) budjetiga yoʻnaltiriladi”.