|
Hujjat kuchini yo‘qotgan " " 22.02.2021
|
Oʻzbekiston Respublikasi Vazirlar Mahkamasining
qarori
“MAHALLIY SANOAT” KORPORATSIYASI VA OʻZBEKBIRLAShUVNING RESPUBLIKADA OSh TUZI IShLAB ChIQARIShNI TAShKIL ETISh VA KOʻPAYTIRIShGA DOIR TAKLIFLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasining MDH boshqa mintaqalaridan osh tuzi yetkazib berishiga bogʻliqligini bartaraf etish hamda xalq xoʻjaligining osh tuzi va texnik tuzga boʻlgan ehtiyojlarini (tegishli ravishda 300 va 500 ming tonna), ularni isteʼmol qilish va eksportga chiqarish istiqbollarini hisobga olgan holda respublikaning oʻzida ishlab chiqariladigan tuzlar hisobiga toʻliq hajmda taʼminlash maqsadida Vazirlar Mahkamasi qaror qiladi.
1. “Mahalliy sanoat” korporatsiyasi va Oʻzbekbirlashuvning quyidagi takliflari qabul qilinsin:
1993-yilda “Mahalliy sanoat” korporatsiyasining Xoʻjaikon tuz konida 40 ming tonna hamda matlubot kooperatsiyasi tizimida – Karaumbet (Qoʻngʻirot tumani) konida 20 ming tonna tuz ishlab chiqarish toʻgʻrisida.
Xoʻjaikon tuz konida 1993-1994-yillarda yiliga 150-200 ming tonnaga hamda Karaumbet konida 1994-1995-yillarda 120 ming tonnagacha osh tuzi ishlab chiqaradigan quvvatlarni barpo etish toʻgʻrisida.
2. “Mahalliy sanoat” korporatsiyasi (oʻrtoq Chjen), Surxondaryo viloyati hokimligi (oʻrtoq Noraliyev), respublika vazirliklari, idoralari va xoʻjalik tashkilotlari yiliga 150-200 ming tonna osh tuzi ishlab chiqaradigan quvvatlarni barpo etish uchun 1-2-ilovalarga muvofiq tegishli tadbirlarning bajarilishini taʼminlasinlar.
3. Maʼlumot uchun qabul qilinsinki, “Mahalliy sanoat” korporatsiyasi bu yil Xoʻjaikon tuz konidan 500 ming tonna texnik tuz qazib chiqarishni koʻzda tutadi, ularning 100 ming tonnasi erkin almashtirilgan valyuta hisobiga eksportga yetkazib beriladi. Korporatsiyaga texnik tuzni chetga chiqarish boʻyicha qoʻshimcha kontraktlar tuzish toʻgʻrisidagi masalalarni ishlab chiqishni davom ettirish yuklatilsin.
4. Davlat geologiya qoʻmitasi (oʻrtoq Shoyoqubov) 1993-yilda tuz konini tuz zaxiralari sanoat asosida qazib olinadigan Xoʻjaikon tuz koni balansiga belgilangan tartibda berishni taʼminlasin hamda “Mahalliy sanoat” korporatsiyasi bilan shartnoma tuzgan holda foydalanish-qidiruv ishlarni muntazam tashkil qilsin.
5. “Oʻzagroqurilish” (oʻrtoq Yusupov) 1993-yilning ΙΙΙ choragida import texnologik liniyalar uchun ishlab chiqarish korpusi qurilishini, shuningdek, 1994-yilning Ι yarim yilida tegishli ijtimoiy-maishiy obyektlar qurilishini tugallansin.
6. Buyurtmachi – Surxondaryo viloyati hokimligi (oʻrtoq Noraliyev) “Oʻzbektransqurilish” uyushmasi (oʻrtoq Omelnitskiy) bilan birgalikda 1993-1994-yillarda Boldir-Xoʻjaikon temir yoʻlini qayta qurishni amalga oshirsin.
7. Boldir-Xoʻjaikon temir yoʻliga xizmat koʻrsatish undan foydalanishning texnikaviy darajasini oshirish maqsadida yoʻlning ushbu uchastkasi “Uchqun” kichik korxonasi balansidan “Oʻzbektransqurilish” uyushmasining VFB (vaqtinchalik foydalanish boʻlimi) balansiga belgilangan tartibda oʻtkazilsin.
8. “Oʻzshartnomasavdo” (oʻrtoq Sharipov), respublikaning resurs imkoniyatlaridan foydalangan holda, vazirliklar, idoralar korporatsiyalar va boshqa xoʻjalik tashkilotlarning osh tuzi ishlab chiqarishni tashkil etish va koʻpaytirishga doir ishlarni bajarish uchun zarur boʻlgan moddiy-texnika resurslari boʻyicha buyurtmalarini taʼminlashni nazarda tutsin.
9.Markaziy bank (oʻrtoq Mullajonov)ga:
oshtuzi ishlab chiqarish quvvatlarini barpo etish uchun bir yil muddatga, 5 foizli stavka bilan Xoʻjaikon tuz koniga 1993-yilda 500 mln. soʻm, Oʻzbekbirlashuvga 1993-yilda 200 mln. soʻm va 1994-yilda 500 mln soʻm, temir yoʻlning Boldir stansiyasidan Xoʻjikon konigacha boʻlgan tarmogʻini qayta qurish uchun Surxondaryo viloyati hokimligiga 1993-1994-yillarda 340 mln. soʻm maqsadli kredit ajratish, “Oʻzdehqonchiliksanoatbank” (oʻrtoq Ahadov)ga esa uni mablagʻ bilan belgilangan tartibda taʼminlash;
Xoʻjaikon tuz konidan yuklab joʻnatilgan mahsulot uchun schyotlarni aksiyasiz toʻlashni amalga oshirish tavsiya qilinsin.
10. Oʻrta Osiyo Temir yoʻl boshqarmasi (oʻrtoq Jeltouxov) eksportga va boshqa isteʼmolchilarga tuz yetkazib berish uchun, Oʻzbekiston hududida mumkin boʻlgan eng kam tarif stavkalarini qoʻllagan holda, tuz koni talabnomasiga binoan Xoʻjaikon tuz koniga vagonlarni oʻz vaqtida yetkazib berishni taʼminlasin, shuningdek, yuklab joʻnatilgan vagonlarning MDH hududi boʻylab oʻtishiga koʻmaklashsin.
11. “Oʻzbektransqurilish” uyushmasi (oʻrtoq Omelnitskiy) tuzni Xoʻjaikon stansiyasidan Boldir stansiyasigacha tashishda Oʻrta Osiyo temir yoʻlining bosh yoʻllaridagi tariflarning respublikada amalda boʻlganidan yuqori boʻlmagan miqdorini qoʻllasin.
12. Oʻzbekiston Respublikasi Moliya vazirligi (oʻrtoq Boqiboev):
1993-yilda Xoʻjaikon tuz koniga oʻzining aylanma mablagʻlapi kamomatini toʻldirish uchun 3 yil muddat bilan 500 mln sum miqdorida imtiyozli kredit ajratsin;
tuzning yuqori darajada agressivligi munosabati bilan tuz konidagi mashinalar, mexanizmlar va asbob-uskunalarni tiklashga amortizatsiya ajratmalari normativlarini qayta koʻrib chiqsin.
13. Oʻzbekiston Respublikasi Mehnat vazirligi (oʻrtoq Obidov) Xoʻjaikon tuz konidagi mehnat sharoitlarini koʻrikdan oʻtkazsin, tuzning inson organizmiga zararli taʼsiri darajasini aniqlasin hamda ushbu konni u yerda ishlaganlik yoshi (qarilik) boʻyicha imtiyozli tartiblarda pensiya olish huquqini beradigan ishlab chiqarishlar roʻyxatiga kiritsin.
14. Xoʻjaikon tuz koni xodimlari uchun suvsizlik va choʻl sharoitida ishlaganlik uchun ish haqiga 1,35 miqdorida koeffitsiyent belgilansin.
15. “Oʻzistiqbolstat” davlat qoʻmitasi (oʻrtoq Saakov), Oʻzbekbirlashuv (oʻrtoq Volkov), Davlat geologiya qoʻmitasi (oʻrtoq Shoyoqubov), “Oʻzqurilishmateriallar” davlat konserni (oʻrtoq Iskandarov) Qoraqalpogʻiston Respublikasi Vazirlar Kengashi bilan birgalikda Karaumbet (Qoʻngʻirot tumani) konlarida 120 ming tonna osh tuzi qazib chiqarish boʻyicha quvvatlarni barpo etish bilan bogʻliq barcha texnikaviy va iqtisodiy masalalarni ishlab chiqsinlar hamda 2 oy muddatda tegishli takliflar kiritsinlar.
16. Osh tuzi ishlab chiqarish boʻyicha quvvatlarni barpo etish aholining osh tuziga boʻlgan ehtiyojlarini toʻliq taʼminlashni hisobga olgan holda uni qazib olishni qisqa muddatlarda tashkil qilish bilan bogʻliq xarajatlarni mablagʻ bilan taʼminlash uchun qoʻshimcha ravishda zarur mablagʻlarni jalb etish maqsadida Xoʻjaikon koniga hamda Oʻzbekbirlashuv korxonalariga quvvatlarni qurish, oʻzlashtirish va 3 yil mobaynida tuz ishlab chiqarish davrida quyidagi imtiyozlar berilsin:
daromad soligʻi 12 foiz darajasida belgilansin;
amortizatsiya ajratmalari summasi korxonalar ixtiyorida qoldirilsin;
tuzni respublikadan chetga chiqarish bojxona bojlaridan ozod qilinsin.
17. Erkin almashtiriladigan valyuta evaziga eksportga tuz yetkazib berishdan manfaatdorlikni oshirish maqsadida Xoʻjaikon tuz koni chet el valyutasidagi tushumdan soliq toʻlovidan bir yil mobaynida ozod qilinsin.
18. Ushbu qarorning bajarilishini nazorat qilish Bosh vazir oʻrinbosari oʻrtoq T.M. Miryoqubov zimmasiga yuklatilsin.
Vazirlar Mahkamasining Raisi I. KARIMOV
Toshkent sh.,
1993-yil 15-sentabr,
460-son
“Mahalliy sanoat” korporatsiyasining Xoʻjaikon tuz konida 1993-1994-yillarda yiliga 150—200 ming tonna osh tuzi ishlab chiqarish quvvatlarini barpo etish boʻyicha
TADBIRLAR
|
|
Amaldagi baholardagi xarajatlarning hisoblangan miqdori (mln soʻm) |
Bajaruvchilar |
Bajarish muddati |
|
1 |
2 |
3 |
4 |
| | | | |
| I. Osh tuz ochiq konini qayta taʼmirlash hamda texnikaviy qayta jihozlash, buning uchun: | | | |
| kondagi tuzi zaxiralarini Xoʻjaikon tuz koni balansiga belgilangan tartibda oʻtkazishni taʼminlash | | Davlatgeologiya qoʻmitasi, “Mahalliy sanoat” korporatsiyasi | 1993—1994-yillar |
| “Mahalliy sanoat” korporatsiyasi bilan shartnoma asosida Xoʻjaikon konida tuz qazib chiqarish boʻyicha foydalanish-qidiruv ishlarini muntazam olib borishni tashkil etish | | “Mahalliy sanoat” korporatsiyasi, Davlat geologiya qoʻmitasi | kondan foydalanish davomida |
| zarur geologiya-qidiruv asbob-uskunalarini (burgʻulash dastgohlari, transformatorlar va hokazolar) sotib olish hamda ularni montaj qilish | 8 | “Qizilqum” oltin izlovchilar arteli | 1993—1994-yillar |
| osh tuzini qazish joyida sinovdan oʻtkazish | |
—”— |
doimiy ravishda |
| 5 ta tuz kombayni montajini hamda sozlash-ishga tushirishni amalga oshirish | 65 |
—”— |
1993—1994-yillar |
| shu jumladan: | | | 1993-yil |
| 2 tasini | 26 | | 1994-yil |
| 3 tasini | 39 | | |
| Tuz qazib olish hamda uni joʻnatish boʻyicha qabul qilingan texnologiyaga muvofiq zarur boʻlgan tuproq qazish texnikasini, koʻtarma transport va boshqa asbob uskunalarni sotib olish | 393 | “Mahalliy sanoat” korporatsiyasi, Xoʻjaikon tuz koni | |
| II. Osh tuzini qayta ishlash va qadoqlash zavodini qayta qurish, texnik qayta jihozlash hamda qurish: | | | |
| yiliga 30 ming tonna osh tuz�ni qayta ishlash va qadoqlash quvvatiga ega boʻlgan liniyani tayyorlash, montaj qilish hamda sozlash-ishga tushirish | 100 | Xoʻjaikon tuz koni, “Qizilqum” oltin izlovchilar arteli | 1993-yil III choragi |
| yillik quvvatini 20 ming tonnaga yetkazgan holda, ishlab turgan osh tuzini qayta ishlash va qadoqlash liniyasini qayta barpo etish | 80 | Xoʻjaikon tuz koni | 1993-yil III choragi |
| qadoqlash avtomatlarini montaj qilish va sozlash-ishga tushirish | | Tuz koni | |
| — 10 ta | 25 | | 1993-yil |
| — 10 ta | 25 | | 1994-yil |
| Yiliga 100 ming tonna osh tuzini qayta ishlash va qadoqlash quvvatiga ega boʻlgan ikkita Amerika liniyasi korpusini qur?sh montaj qilish hamda ishga tushirish-sozlash | 1100 ming AQSh dollari | “Oʻzagroqurilish”ning 1-tresti, “Treylen korporeyshen” Amerika firmasi | 1993-yil |
| Ijtimoiy-maishiy obyektlar qurish: | | | |
| 100 oʻrinli oshxona | 45 | “Oʻzagroqurilish”ning 1-tresti | |
| 150 kishiga moʻljallangan, kiyinish-echinish xonasi boʻlgan dushxona | 30 |
—”— |
—”— |
| osh tuzi sifatini aniqlash laborotoriyasi | 5 | “Oʻzagroqurilish”ning 1-tresti | 1993-yil |
| Xoʻjaikon-Boldir stansiyalari oraligʻidagi uzunligi 33 km boʻlgan foydalanilayotgan temir yoʻlni qayta qurish | 340 | Hokimlikning kapital qurilish boʻlimi, “Oʻzbektransqurilish” uyushmasi | 1993-1994-yillar |
| | | | |
1993-1994-yillarda Xoʻjaikon koniga yetkazib berilishi kerak boʻlgan tuproq qazish texnikasi va mexanizmlarining, geologiya- qidiruv, qutqaruv-transport va boshqa asbob-uskunalarning
ROʻYXATI
|
|
Oʻlchov |
Soni |
Umumiy qiymati, |
Etkazib berish |
|
1 |
2 |
3 |
4 |
5 |
| I. Tuz qazib olinadigan ochiq konni qayta qurish hamda texnika bilan qayta jihozlash uchun | | | | |
| Burgʻilash qurilmalari | ta | 4 | 15 | 1994-y. |
| Tuz qazib olish kombaynlari | —”— | 2 | 26 | 1993-y. |
| jami | —”— | 3 | 39 | 1994-y. |
| T-330 buldozyerlari | —”— —”— |
1 1 |
302 302 |
1993-y. 1994-y. |
| T-170 buldozeri | —”— | 1 | 12 | 1994-y. |
| Yukni oʻzi toʻkadigan “MAZ-5549” avtomashinalari | —”— —”— |
2 3 |
20 30 |
1993-y. 1994-y. |
| Yukni oʻzi toʻkadigan | —”— | 2 | 24 | 1993-y. |
| “KaMAZ-55111” avtomashinalari | —”— | 3 | 36 | 1994-y. |
| 12 tonna yuk koʻtaradigan avtomobil krani (“MAZ” avtomashinasi asosida) | —”— | 1 | 15 | 1994-y. |
| “URAL” avtomobili asosidagi navbatchi avtomashina | —”— —”— |
2 2 |
10 10 |
1993-y. 1994-y. |
| “BelAZ” avtomobili asosidagi navbatchi avtomashina | —”— —”— |
2 2 |
50 50 |
1993-y. 1994-y. |
| Suv tashuvchi maxsus avtomashina | —”— | 1 | 6 | 1993-y. |
| “UAZ-469” avtomashinasi | —”— —”— |
1 1 |
5 5 |
1993-y. 1994-y. |
| “UAZ-452B” avtomashinasi | —”— —”— |
1 1 |
5 5 |
1993-y. 1994-y. |
| “Moskvich” avtomashinasi | —”— | 1 | | 1993-y. |
| II. Tuzni qayta ishlash va qadoqlash zavodini qayta qurish, texnika bilan qayta jihozlash hamda qurish uchun | | | | |
| Sochiluvchan materiallarni qadoqlash va idishlarga joylash boʻyicha Toshkent tajriba-konstruktorlik byurosida yaratilgan sochiluvchan materiallarni idishlarga joylash avtomatlari | —”— —”— |
10 10 |
25 25 |
1993-y. 1994-y. |
| 0,5 dan 5 tonnagacha yuk koʻtaruvchi “4045” markali avtoyuklagich | —”— —”— |
2 2 |
10 10 |
1993-y. 1994-y. |
| “T-40” markali aravachasi boʻlgan traktor | —”— —”— |
3 3 |
6 9 |
1993-y. 1994-y. |
| | | | | |
