Oʻzbekiston Respublikasi Prezidentining

Farmoni

Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida

Mamlakatimizda tergov faoliyatida “Inson qadri uchun” degan ezgu gʻoyani toʻliq roʻyobga chiqarish, jinoyatlarni oʻz vaqtida fosh etishni tashkil etish tergov organlarining faoliyatini qonun ustuvorligini va qilmish uchun jazo muqarrarligini taʼminlash tamoyili asosida takomillashtirishning muhim vazifalaridan biri hisoblanadi.

Shu munosabat bilan sohada amalga oshirilayotgan islohotlar va zamon talablariga javob beradigan tergov sohasidagi yuqori malakali mutaxassislarni tayyorlash va qayta tayyorlash tizimining samaradorligini tubdan oshirish talab etilmoqda.

Yangi Oʻzbekiston sharoitida jinoyatlarni tergov qilish sohasida malakali kadrlarni tayyorlash va qayta tayyorlash amaliyotini sifat jihatidan yangi bosqichga olib chiqish, ushbu yoʻnalishga ilgʻor xalqaro standartlar va zamonaviy axborot texnologiyalarini keng joriy etish hamda huquqni muhofaza qiluvchi organlarning yuqori malakali kadrlarga boʻlgan ehtiyojini qondirish maqsadida:

1. Bosh prokuratura, Ichki ishlar vazirligi, Davlat xavfsizlik xizmati, Milliy gvardiya, Davlat bojxona qoʻmitasi va Adliya vazirligining quyidagi takliflari maʼqullansin:

Bosh prokuratura Akademiyasi negizida Oʻzbekiston Respublikasi Huquqni muhofaza qilish akademiyasini (keyingi oʻrinlarda — Akademiya) tashkil etish hamda unda jinoyatlarni tergov qilish sohasida kadrlarni amaliyot bilan uzviy bogʻliqligini taʼminlagan holda yagona yondashuv asosida tayyorlashga qaratilgan uzluksiz oʻquv tizimini yoʻlga qoʻyish;

Toshkent davlat yuridik universitetining Ixtisoslashtirilgan filialini (keyingi oʻrinlarda — Ixtisoslashtirilgan filial) tugatish hamda uning shtat birliklari, oʻquv va moddiy-texnika bazasini Akademiyaga oʻtkazish.

2. Quyidagilar Akademiya faoliyatining asosiy yoʻnalishlari etib belgilansin:

taʼlim oluvchilarda inson huquq va erkinliklariga soʻzsiz rioya qilish madaniyati bilan uygʻunlashgan yuksak maʼnaviy, psixologik, tahliliy va kasbiy sifatlarni rivojlantirishning samarali tizimini joriy etgan holda jinoyatlarni tergov qilish sohasida mutaxassislarni chuqurlashtirilgan maqsadli bazaviy tayyorlash;

maxsus kasbiy koʻnikmalarni shakllantirish va rivojlantirish, sud-huquq sohasidagi islohotlarning mazmun-mohiyatini yetkazishga qaratilgan dasturlar asosida tergov hamda huquqni muhofaza qilish faoliyatining boshqa sohalarida kadrlarni tayyorlash, qayta tayyorlash va ularning malakasini oshirish;

korrupsiyaga hamda jinoiy daromadlarni legallashtirishga qarshi kurashish sohalarida maxsus oʻquv dasturlari asosida davlat organlari va boshqa tashkilotlar xodimlarining malakasini oshirish va qayta tayyorlash tizimini yoʻlga qoʻyish;

jinoyatlarni tergov qilish metodikasi va taktikasini samarali belgilash asosida jinoyat ishlari boʻyicha mustaqil ish yuritish koʻnikmalarini rivojlantirishga qaratilgan interfaol oʻqitish metodlarini taʼlim jarayoniga tatbiq etish;

oʻqitishning zamonaviy shakllari, pedagogik va axborot texnologiyalari asosida nazariy tayyorgarlikning huquqni qoʻllash amaliyoti bilan uzviy bogʻliqligini, shu jumladan, masofaviy taʼlim shaklida taʼminlashga qaratilgan oʻquv jarayonini tashkil etish;

prokuratura organlari xodimlarida bilim va koʻnikmalarni, shu jumladan, tizimli tahlil va tanqidiy fikrlashni, qonuniylikni taʼminlash yuzasidan adolat va masʼuliyat kabi yuksak tuygʻularni shakllantirish va mustahkamlashga qaratilgan tayyorlash, qayta tayyorlash va malaka oshirishning yaxlit tizimini tashkil etish;

yuqori malakali ilmiy-pedagogik kadrlarni tayyorlash, huquqni muhofaza qilish faoliyatining eng dolzarb masalalari boʻyicha kompleks ilmiy tadqiqotlarni tizimli asosda, shu jumladan, milliy va xalqaro grantlarni jalb etgan holda amalga oshirish;

Oldingi tahrirga qarang.

tergovga qadar tekshiruv hujjatlari va jinoyat ishlarini oʻrganish asosida jinoyatlarni uning turlari kesimida tahlil qilish, huquqbuzarliklar profilaktikasi va jinoyatchilikka qarshi kurashish faoliyatini uslubiy va konsultativ taʼminlash;

(2-bandning toʻqqizinchi xatboshisi Oʻzbekiston Respublikasi Prezidentining 2024-yil 15-yanvardagi PF-10-sonli Farmoni tahririda — Qonunchilik maʼlumotlari milliy bazasi, 16.01.2024-y., 06/24/10/0031-son)

sud-huquq sohasida qoʻshma ilmiy tadqiqotlar olib borish, ilgʻor pedagogik tajriba almashish borasida uzluksiz xalqaro hamkorlikni amalga oshirish, oʻquv jarayoniga xorijiy mamlakatlar yetakchi oliy taʼlim va ilmiy-tadqiqot tashkilotlarining malakali mutaxassislarini jalb qilish.

3. Akademiyaning Muvofiqlashtirish-vasiylik kengashi (keyingi oʻrinlarda — Vasiylik kengashi) 1-ilovaga muvofiq tarkibda tuzilsin.

Belgilansinki, Vasiylik kengashi Akademiya faoliyatiga quyidagi ustuvor masalalarda koʻmaklashadi:

oʻqitishga boʻlgan ehtiyojga muvofiq, Akademiyada taʼlim yoʻnalishlari va mutaxassisliklarini tasdiqlash, oʻquv jarayonini tashkil etish va rivojlantirish boʻyicha istiqbolli tashabbuslarni maqsadli belgilash;

talaba va tinglovchilar stajirovkasi hamda bitiruvchilarni ishga joylashtirish masalalarida surishtiruv va dastlabki tergov faoliyatini amalga oshirishga vakolatli davlat organlari hamda sudlar bilan samarali hamkorlikni tashkil qilish;

taʼlim va ilmiy muassasalar, huquqni muhofaza qiluvchi organlar hamda xorijiy hamkorlar bilan taʼlim va ilm-fan sohalarida maqsadli hamkorlik oʻrnatish va rivojlantirish;

Akademiyaning rivojlanishini taʼminlash uchun moliyaviy yordam koʻrsatilishini tashkil etish, budjetdan tashqari mablagʻlarni shakllantirish, milliy va xalqaro grantlarni jalb etish.

Vasiylik kengashining har bir aʼzosi zimmasiga Akademiyaning samarali faoliyat koʻrsatishi va rivojlanishiga koʻmaklashish boʻyicha belgilangan vazifalarning oʻz vakolati doirasida har tomonlama amalga oshirilishi boʻyicha shaxsiy masʼuliyat yuklansin.

4. Belgilab qoʻyilsinki:

Akademiya Bosh prokuratura tashkiliy tuzilmasiga kiruvchi, yuridik shaxs maqomiga ega, ixtisoslashtirilgan oliy taʼlim va ilmiy-tadqiqot muassasasi hisoblanadi;

Akademiyaga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod qilinadigan boshliq rahbarlik qiladi, uning maqomi, transport hamda tibbiy taʼminoti shartlari oliy harbiy va ixtisoslashtirilgan taʼlim muassasalari rahbarlari bilan tenglashtiriladi;

Akademiya Bosh prokuratura Akademiyasining huquq va majburiyatlari boʻyicha huquqiy vorisi hisoblanadi;

Akademiyaning tergov sohasiga ixtisoslashtirilgan kafedralari tarkibining 30 foizdan kam boʻlmagan qismi — ichki ishlar organlari, Davlat xavfsizlik xizmati va bojxona organlarining surishtiruv hamda tergov tuzilmalarida koʻp yillik amaliy ish tajribasiga ega boʻlgan yuqori malakali mutaxassislar hisobidan shakllantiriladi;

Akademiya boshqaruv xodimlari va professor-oʻqituvchilariga Bosh prokuratura xodimlari uchun, boshqa xodimlarga oliy taʼlim muassasalarining tegishli xodimlari uchun belgilangan mehnatga haq toʻlash, moddiy ragʻbatlantirish shartlari va boshqa imtiyozlar tatbiq etiladi.

5. Akademiyada 2023/2024 oʻquv yilidan boshlab quyidagi tartibni nazarda tutgan holda tergov faoliyati va huquqni muhofaza qilish faoliyatining boshqa sohalarida oliy taʼlimning ikki bosqichli tizimi — bakalavriat va magistratura boʻyicha toʻlaqonli oʻquv jarayoni tashkil etilsin:

bakalavriat boʻyicha oʻqitish kunduzgi taʼlim shaklida amalga oshiriladi hamda ixtisoslik va yuridik fanlarni oʻqitish, shuningdek, chuqurlashtirilgan stajirovkani tashkil etish orqali kadrlarni maqsadli tayyorlashga yoʻnaltiriladi;

Akademiyaning tergov faoliyati yoʻnalishi boʻyicha magistraturasiga qabul surishtiruv va tergov faoliyatini amalga oshirish vakolatiga ega davlat organlarining mazkur vazifalarni amalga oshiruvchi tuzilmalarining hamda prokuratura organlarining (keyingi oʻrinlarda — vakolatli davlat organlari) amaldagi xodimlari (harbiy xizmatchilari) orasidan amalga oshiriladi;

Akademiyaning tergov faoliyati yoʻnalishi boʻyicha bakalavriat hamda magistraturasiga oʻqishga qabul qilish Vasiylik kengashining vakolatli aʼzosi raislik qiladigan idoralararo qabul komissiyasi tomonidan tashkil etiladigan maxsus psixologik tanlov, yozma imtihon va test sinovlari orqali amalga oshiriladi;

Akademiyada taʼlim olish muddati bakalavriat dasturi boʻyicha — uch yilni, tergov faoliyati yoʻnalishidagi magistratura dasturi boʻyicha — bir yilni tashkil etib, bitiruvchilarga oliy yuridik taʼlimning tegishli bosqichini yakunlaganligini tasdiqlovchi davlat namunasidagi diplomlar beriladi;

Akademiyaning tergov faoliyati yoʻnalishidagi har yilgi qabul kvotalari bakalavriat dasturi boʻyicha — 250 nafargacha talaba, magistratura dasturi boʻyicha — 50 nafargacha oliy yuridik maʼlumotli vakolatli davlat organlari xodimlarini tashkil etib, Vasiylik kengashi tomonidan vakolatli davlat organlarining hududlar kesimidagi ehtiyojlaridan kelib chiqqan holda takliflar ishlab chiqiladi hamda magistraturaning boshqa mutaxassisliklari boʻyicha qabul kvotalari Bosh prokuratura tomonidan Iqtisodiy taraqqiyot va kambagʻallikni qisqartirish vazirligi bilan birgalikda belgilanadi.

Belgilansinki:

Akademiyada oʻqitish davlat grantlari va toʻlov-kontrakt asosida tashkil etilib, bakalavriat va tergov faoliyati boʻyicha magistraturaga qabul parametrlari Vasiylik kengashining taklifini inobatga olgan holda har yili Oʻzbekiston Respublikasi Prezidenti tomonidan belgilanadi;

Akademiyaga qabul qilishda abituriyentlarning muayyan toifalariga respublikaning boshqa oliy taʼlim muassasalariga kirish uchun qonunchilik hujjatlarida nazarda tutilgan imtiyozlar tatbiq etilmaydi;

Akademiyaning tergov faoliyati yoʻnalishi boʻyicha bitiruvchilari vakolatli davlat organlariga xizmatga (harbiy xizmatga) qabul qilinganda faqat ofitserlar tarkibiga kiruvchi yoki darajali unvon berilishi koʻzda tutilgan lavozimlarga tayinlanadi;

davlat grantlari asosida oʻqishni tamomlagan Akademiya bakalavriatining bitiruvchilariga vakolatli davlat organlarida kamida uch yil ishlab berish (xizmatni oʻtash) majburiyati yuklanadi;

Akademiyaning tergov faoliyati yoʻnalishi boʻyicha magistraturasiga kunduzgi shaklda oʻqishga qabul qilingan vakolatli davlat organlari xodimlari, shuningdek, boshqa mutaxassisliklar boʻyicha magistraturaning kunduzgi shakliga oʻqishga qabul qilingan prokuratura organlari xodimlarini oʻqitish bepul asosda amalga oshiriladi hamda ularning egallab turgan lavozimi va oʻrtacha oylik ish haqi oʻqish davri mobaynida saqlab qolinadi.

6. Shunday tartib oʻrnatilsinki, unga muvofiq:

oʻqish yakunlari boʻyicha yuqori natijalarga erishgan vakolatli davlat organlari xodimlari Akademiyaning tergov faoliyati yoʻnalishi boʻyicha magistraturasini tugatishi bilan, qoida tariqasida, ilgari egallab turgan lavozimiga nisbatan yuqori lavozimga tayinlanadi;

Akademiyada oʻqish davri vakolatli davlat organlari xodimlari uchun pensiyaga chiqish, unvon (daraja) olish va koʻp yillik xizmatini hisoblash huquqini beruvchi umumiy xizmat (harbiy xizmat) stajiga oʻqishning bir yili xizmat (harbiy xizmat)ning bir yiliga tenglashtirilgan holda kiritiladi.

7. Vakolatli davlat organlari xodimlari uchun Akademiyada quyidagi oʻquv dasturlari boʻyicha kasbiy qayta tayyorlash va malaka oshirishning majburiy tartibi joriy qilinsin:

birinchi marotaba vakolatli davlat organlariga xizmatga qabul qilinib, surishtiruvchi yoki tergovchi lavozimlariga tayinlangan hamda prokuratura organlariga ilk bor xizmatga qabul qilingan xodimlar uchun — davomiyligi 576 soatdan kam boʻlmagan majburiy birlamchi ixtisoslashuv shaklida kasbiy qayta tayyorlash kurslari;

prokuratura organlarida rahbarlik lavozimlarini egallash maqsadida zaxirada turgan kadrlar uchun — davomiyligi 576 soatdan kam boʻlmagan rahbar kadrlarni kasbiy qayta tayyorlash kurslari;

surishtiruvchi yoki tergovchi lavozimlariga tayinlash maqsadida vakolatli davlat organlari xodimlari uchun — davomiyligi 288 soatdan kam boʻlmagan kasbiy qayta tayyorlash kurslari;

vakolatli davlat organlarining surishtiruv va tergov tuzilmalari xodimlari, shuningdek, prokuratura organlari barcha boʻgʻinlari xodimlari uchun (har uch yilda kamida bir marotaba) — davomiyligi 144 soatdan kam boʻlmagan malaka oshirish kurslari.

Belgilab qoʻyilsinki:

Akademiyaning kasbiy qayta tayyorlash kurslariga qabul qilish vakolatli davlat organlari rahbarlari tavsiyasiga koʻra amalga oshiriladi;

mazkur bandning ikkinchi va toʻrtinchi xatboshilarida belgilangan kurslarni tergovchi (surishtiruvchi) lavozimlariga tayinlangan hamda ilk bor prokuratura organlariga xizmatga qabul qilingan xodimlar ular lavozimga tayinlangan kundan eʼtiboran olti oydan kechiktirmasdan oʻtaydi. Ushbu kurslarni oʻtash boʻyicha talab bakalavriatni Akademiyada bitirganlarga yoki Ichki ishlar vazirligi Akademiyasining “Tergov faoliyati” mutaxassisligi boʻyicha bitiruvchilariga nisbatan tatbiq etilmaydi;

qayta tayyorlash va malaka oshirish tizimiga kiruvchi kurslarda oʻqiyotgan vakolatli davlat organlari xodimlarining egallab turgan lavozimlari boʻyicha belgilangan tartib va miqdorda mehnatga haq toʻlash fondi toʻlovlari (pul taʼminoti) saqlab qolinadi.

8. Quyidagilar:

Jinoyatlarni tergov qilish sohasida kadrlarni uzluksiz oʻqitish yagona tizimining tuzilmaviy-mantiqiy sxemasi 2-ilovaga muvofiq;

Oʻzbekiston Respublikasi Huquqni muhofaza qilish akademiyasining tuzilmasi 3-ilovaga muvofiq;

Oʻzbekiston Respublikasi Huquqni muhofaza qilish akademiyasining faoliyatini samarali tashkil etish boʻyicha “yoʻl xaritasi” 4-ilovaga muvofiq tasdiqlansin.

9. Quyidagi huquqlar berilsin:

a) Vasiylik kengashiga — vakolatli davlat organlarining ehtiyojlarini inobatga olgan holda Akademiyaning tergov faoliyati yoʻnalishi boʻyicha bakalavriati va magistraturasiga qabul parametrlarini oshirish yuzasidan takliflar kiritish;

b) Bosh prokurorga:

tergov faoliyati yoʻnalishidan tashqari mutaxassisliklar boʻyicha Akademiyada oʻquv jarayonini taʼlimning kechki, sirtqi va masofaviy shakllari asosida tashkil etish;

Akademiya tuzilmasiga xodimlarning umumiy cheklangan soni va mehnatga haq toʻlash fondi doirasida oʻzgartirishlar kiritish hamda toʻlov-kontrakt asosida oʻqitish va pullik xizmatlardan tushgan mablagʻlar hisobidan qoʻshimcha shtatlar joriy etish;

Akademiya uchun belgilangan qabul parametrlaridan tashqari tabaqalashtirilgan toʻlov-kontrakt asosida oʻqishga qoʻshimcha qabul kvotalarini belgilash;

v) Akademiyaga:

vakolatli davlat organlarining ehtiyojlarini inobatga olgan holda, bakalavriat va magistraturada oʻqish mutaxassisliklari va yoʻnalishlari boʻyicha malaka talablari, oʻquv rejalari va dasturlarini mustaqil ravishda ishlab chiqish va tasdiqlash;

ilmiy, taʼlim, noshirlik, matbaa va qonunchilikda taqiqlanmagan boshqa faoliyatni amalga oshirish boʻyicha pullik xizmatlar koʻrsatish;

Akademiya faoliyatiga mutaxassislarni (konsultant, maʼruzachi, oʻqituvchi va boshqalar) soatbay va uzoq muddatli ishlash shartlarida jalb etish hamda ularga mehnat bozorining amaldagi konyunkturasini hisobga olgan holda toʻlov-kontrakt asosida budjetdan tashqari mablagʻlar hisobidan tegishli toʻlovlarni belgilash;

g) Akademiya boshligʻiga:

Akademiya Kengashi tavsiyasiga koʻra budjetdan tashqari mablagʻlar hisobidan bakalavriatning iqtidorli talabalariga qoʻshimcha individual stipendiyalar ajratish;

yetakchi xorijiy oliy taʼlim va ilmiy-tadqiqot tashkilotlari bilan, kadrlarni tayyorlash va ularning malakasini oshirish, shuningdek, qoʻshma taʼlim dasturlarini amalga oshirish borasida oʻzaro hamkorlik toʻgʻrisida memorandum va bitimlar tuzish;

xalqaro hamkorlik va ikki tomonlama shartnomalar doirasida xorijiy davlatlarning vakolatli organlari kadrlarini tayyorlash, qayta tayyorlash va ularning malakasini oshirish kurslarini tashkil etish.

10. Akademiya faoliyatini moliyalashtirish manbalari etib quyidagilar belgilansin:

Oʻzbekiston Respublikasi Davlat budjetining mablagʻlari;

Akademiyada toʻlov-kontrakt shaklida oʻqitishdan tushadigan mablagʻlar;

pullik xizmatlar koʻrsatish, shuningdek, vaqtincha boʻsh turgan budjetdan tashqari mablagʻlarni tijorat banklari depozitlariga joylashtirish orqali daromad olishdan tushadigan mablagʻlar;

Vasiylik kengashi tarkibiga kiruvchi davlat organlari tomonidan ajratiladigan budjetdan tashqari mablagʻlar;

milliy va xalqaro grantlar, shuningdek, qonunchilik hujjatlarida taqiqlanmagan boshqa manbalar.

Akademiyaga olti dona xizmat yengil avtotransport vositasi (shu jumladan 5 ta shaxsiy biriktirilgan) hamda ikkita avtobusni saqlash uchun limit belgilansin.

11. Belgilab qoʻyilsinki:

Ixtisoslashtirilgan filialning amaldagi oʻquv dasturlari boʻyicha oʻqitish ular yakunlanguniga qadar ilgari belgilangan tartibda Akademiyada davom ettiriladi, tinglovchilarga nisbatan ilgari oʻrnatilgan imtiyoz va majburiyatlar saqlab qolinadi hamda bitiruvchilarga tegishli mutaxassislik boʻyicha diplom beriladi;

Akademiyaning qoʻshma taʼlim dasturlarini hamda qoʻshma fakultetlarini tugatgandan soʻng oʻqishni davom ettirgan shaxslarga berilgan xorijiy taʼlim tashkilotlarining belgilangan shakldagi diplomlari (bakalavriat, magistratura) qoʻshimcha maʼmuriy tartib-taomillarsiz oliy taʼlim toʻgʻrisidagi hujjat sifatida tan olinadi;

Oldingi tahrirga qarang.

Akademiya magistraturasini tamomlaganlik toʻgʻrisidagi diplom harbiy xizmat (xizmat)ni oʻtashda Oʻzbekiston Respublikasi Harbiy xavfsizlik va mudofaa universitetining ikki yillik magistratura dasturini, Ichki ishlar vazirligi Akademiyasining ikkinchi darajadagi magistraturasini tamomlaganlik toʻgʻrisidagi diplomlarga tenglashtiriladi;

(11-bandning toʻrtinchi xatboshisi Oʻzbekiston Respublikasi Prezidentining 2026-yil 10-fevraldagi PF-20-sonli Farmoni tahririda)

Akademiyada toʻlov-kontrakt asosida oʻqitish qiymatlari har yili Vasiylik kengashi tomonidan belgilanadi;

tugatilayotgan Ixtisoslashtirilgan filial xodimlari qonunchilikda belgilangan tartibda tuziladigan muddatli mehnat shartnomasiga asosan Akademiyadagi mavjud shtat birliklari va mehnatga haq toʻlash miqdorlari doirasida ishga qabul qilinadi;

Akademiyani budjet mablagʻlari hisobidan saqlash bilan bogʻliq xarajatlar 2022-yilda Oʻzbekiston Respublikasining respublika budjetidan Bosh prokuratura va Adliya vazirligiga ajratilgan mablagʻlar doirasida moliyalashtiriladi, 2023-yildan boshlab Davlat budjeti parametrlarida nazarda tutiladi.

12. Toshkent shahar hokimligi (J.A. Ortiqxoʻjayev):

Bosh prokuratura bilan birgalikda 2023/2024 oʻquv yili yakuniga qadar Akademiyaning oʻquv-maʼmuriy korpusini toʻlaqonli tashkil etish va foydalanishga topshirish boʻyicha barcha zarur choralarni koʻrsin;

Davlat aktivlarini boshqarish agentligi, Oliy va oʻrta maxsus taʼlim vazirligi bilan birgalikda Akademiya kampusini bunyod etish boʻyicha qurilish-taʼmirlash ishlari yakunlanguniga qadar tugatilayotgan Ixtisoslashtirilgan filial talabalarining Akademiyada oʻquv jarayonini tashkil etish maqsadida boshqa taʼlim muassasalaridan bepul asosda bino, yotoqxona va auditoriya xonalari vaqtincha ajratilishini taʼminlasin.

13. Ichki ishlar vazirligi (P.R. Bobojonov) 2023/2024 oʻquv yilidan boshlab:

Ichki ishlar vazirligi Akademiyasida “Tergov faoliyati” yoʻnalishi boʻyicha bakalavriatga qabulni toʻxtatib, ushbu sohadagi oʻquv-uslubiy va axborot-resurs bazalarini bosqichma-bosqich Akademiyaga oʻtkazsin;

“Huquqbuzarliklar profilaktikasi faoliyati” yoʻnalishi boʻyicha bakalavriat oʻquv dasturiga yillik qabul kvotani koʻpaytirish choralarini koʻrsin.

14. Oʻzbekiston Respublikasi Prezidentining maslahatchisi — Spichrayteri X.M. Sultanov Bosh prokuratura (N.T. Yoʻldoshev), Respublika Maʼnaviyat va maʼrifat markazi (M.M. Xodjimatov) bilan birgalikda ikki oy muddatda prokuratura organlari xodimlarining umumiy dunyoqarashi, siyosiy ongi, maʼnaviy va intellektual salohiyatini yuksaltirish, ularda vatanparvarlik, kasbiga nisbatan sadoqat va yuqori masʼuliyat hislarini oshirish choralarini nazarda tutuvchi maʼnaviy-maʼrifiy ishlarni tashkil etish konsepsiyasini tasdiqlash boʻyicha Oʻzbekiston Respublikasi Prezidentining qarori loyihasini kiritsin.

15. Bosh prokuratura (N.T. Yoʻldoshev) uch oy muddatda:

Ixtisoslashtirilgan filialni tugatishga masʼul boʻlgan Adliya vazirligi bilan birgalikda tegishli bino-inshootlar, shtat birliklari, oʻquv-uslubiy va axborot-resurs baza, moddiy-texnika va boshqa mol-mulklarini mazkur Farmonga muvofiq topshirish-qabul qilish boʻyicha tashkiliy choralarni koʻrsin;

Ichki ishlar vazirligi, Milliy gvardiya, Davlat xavfsizlik xizmati, Davlat bojxona qoʻmitasi va Innovatsion rivojlanish vazirligi bilan birgalikda ochiq, har tomonlama va xolis tanlov mezon va mexanizmlarini qamrab olgan Akademiyada oliy taʼlim hamda oliy taʼlimdan keyingi taʼlimga qabul qilish va oʻqitishning alohida tartibini nazarda tutuvchi Hukumat qarori loyihasini Vazirlar Mahkamasiga kiritsin;

manfaatdor vazirlik va idoralar bilan birgalikda belgilangan tartibda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida takliflarni kiritsin.

16. Iqtisodiy taraqqiyot va kambagʻallikni qisqartirish vazirligi Bosh prokuratura bilan birgalikda Akademiyaning zamonaviy kampusiga zarur boʻlgan bino va inshootlarni qurish, rekonstruksiya qilish va jihozlash ishlari uchun tegishli mablagʻlar ajratish boʻyicha takliflarni 2023 — 2025-yillarga moʻljallangan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlariga kiritsin.

17. Oʻzbekiston Respublikasi Prezidentining ayrim hujjatlariga 5-ilovaga muvofiq oʻzgartirish va qoʻshimchalar kiritilsin.

18. Oʻzbekiston Respublikasi Prezidentining 2019-yil 7-fevraldagi “Huquqbuzarliklar profilaktikasi va jamoat xavfsizligini taʼminlash sohasida kadrlar tayyorlash tizimini takomillashtirishga doir qoʻshimcha chora-tadbirlar toʻgʻrisida”gi PQ-4166-son qarori 5-bandining birinchi — beshinchi, yettinchi — sakkizinchi xatboshilari, 6-bandining birinchi — beshinchi xatboshilari hamda 9-bandining birinchi, uchinchi, toʻrtinchi, oltinchi xatboshilaridan tashqari oʻz kuchini yoʻqotgan deb hisoblansin.

19. Mazkur Farmon ijrosini samarali tashkil etishga masʼul va shaxsiy javobgar etib Bosh prokuror N.T. Yoʻldoshev belgilansin.

Mazkur Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisining oʻrinbosari D.B. Kadirov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 28-noyabr,

PF-257-son

Oʻzbekiston Respublikasi Prezidentining 2022-yil 28-noyabrdagi PF-257-son Farmoniga
1-ILOVA

Huquqni muhofaza qilish akademiyasining Muvofiqlashtirish-vasiylik kengashi

TARKIBI

N.T. Yoʻldoshev	—	Bosh prokuror, Muvofiqlashtirish-vasiylik kengashi raisi
S.N. Gordeyev	—	Oʻzbekiston Respublikasi Prezidenti Administratsiyasi masʼul xodimi, Muvofiqlashtirish-vasiylik kengashi raisi oʻrinbosari
A.A. Azizov	—	Davlat xavfsizlik xizmati raisi
P.R. Bobojonov	—	ichki ishlar vaziri
R.M. Djurayev	—	Milliy gvardiya qoʻmondoni
A.Yu. Mavlonov	—	Davlat bojxona qoʻmitasi raisi
A.X. Toshkulov	—	oliy va oʻrta maxsus taʼlim vaziri
I.Yu. Abduraxmonov	—	innovatsion rivojlanish vaziri
A.E. Burxanov	—	Korrupsiyaga qarshi kurashish agentligi direktori
D.F. Raximov	—	Bosh prokuratura huzuridagi Iqtisodiy jinoyatlarga qarshi kurashish departamenti boshligʻi
X.M. Kabirdjanov	—	Bosh prokuratura huzuridagi Majburiy ijro byurosi direktori
Lavozimi boʻyicha	—	Huquqni muhofaza qilish akademiyasi boshligʻi, Muvofiqlashtirish-vasiylik kengashi kotibi

Izoh: Muvofiqlashtirish-vasiylik kengashi aʼzolari boshqa ishga oʻtganda, uning tarkibiga mazkur lavozimlarga yangidan tayinlangan yoki zimmasiga tegishli vazifalarni bajarish yuklangan shaxslar kiritiladi.

Oʻzbekiston Respublikasi Prezidentining 2022-yil 28-noyabrdagi PF-257-son Farmoniga

2-ILOVA

Jinoyatlarni tergov qilish sohasida kadrlarni uzluksiz oʻqitish yagona tizimining tuzilmaviy-mantiqiy sxemasi

Oʻzbekiston Respublikasi Prezidentining 2022-yil 28-noyabrdagi PF-257-son Farmoniga
3-ILOVA

Oʻzbekiston Respublikasi Huquqni muhofaza qilish akademiyasining

TUZILMASI

Akademiya Kengashi

Boshliq

Yordamchi

Akademiya boshligʻining birinchi oʻrinbosari

Akademiya boshligʻining ilmiy ishlar va innovatsiyalar boʻyicha oʻrinbosari

Akademiya boshligʻining moliya-iqtisod ishlari boʻyicha oʻrinbosari

Akademiya boshligʻining xalqaro hamkorlik va yoshlar bilan ishlash boʻyicha oʻrinbosari

Oʻquv-uslubiy boshqarma

Huquqni muhofaza qilish faoliyati muammolarini ilmiy-amaliy tadqiq etish markazi

Buxgalteriya va reja-moliya boʻlimi

Yoshlar bilan ishlash, maʼnaviyat va maʼrifat boʻlimi

Elektron taʼlim boʻlimi

Ilmiy-innovatsion tadqiqotlarni muvofiqlashtirish va ilmiy xodimlarni tayyorlash markazi

Ishlar boshqaruvi boʻlimi

Xalqaro hamkorlik boʻlimi

Mediastudiya

Sport-sogʻlomlashtirish majmuasi*

Loyiha boshqaruvi boʻlimi

Huquqni qoʻllash amaliyoti va qonunchilik muammolarini oʻrganish laboratoriyasi

Ofis-registrator markazi

Yotoqxona*

Yuridik klinika

Korrupsiyaga qarshi kurashish ilmiy-taʼlim markazi

Bakalavriat fakulteti

Fuqaro va mehnat muhofazasi boʻlimi*

Kadrlar boʻlimi

bakalavriat talabalari

Raqamli kriminalistika ilmiy-uslubiy markazi

Tahririy-nashriyot boʻlimi*

Tashkiliy-nazorat va faoliyat samaradorligini baholash boʻlimi

Magistratura fakulteti

Akademiya nashrlari

Kiberlaboratoriya

Shaxsiy xavfsizlik boʻlimi

magistratura tinglovchilari

Tipografiya

Jamoatchilik bilan aloqalar boʻlimi

Qayta tayyorlash va malaka oshirish fakulteti

Axborot-resurs markazi*

Yuridik boʻlim

Axborot-kommunikatsiya texnologiyalari va axborot xavfsizligini taʼminlash boʻlimi

Birinchi va ikkinchi boʻlim

Jinoyat huquqi va kriminologiya kafedrasi

Sudlarda prokuror vakolatini taʼminlash hamda ijro ishi yurituvi kafedrasi

Til oʻrgatish kafedrasi

Devonxona va arxiv*

Harbiy va jismoniy tayyorgarlik kafedrasi

Dastlabki tergov va surishtiruv kafedrasi **

Davlat-huquqiy fanlar kafedrasi

Iqtisodiy jinoyatlarga va jinoiy daromadlarni legallashtirishga qarshi kurash kafedrasi

Kriminalistika va sud ekspertizalari kafedrasi **

Kasbiy psixologiya va boshqaruv faoliyati kafedrasi

Prokurorlik faoliyati va prokuror nazorati kafedrasi

Jinoiy daromadlarni legallashtirishga, terrorizmni moliyalashtirishga qarshi kurash oʻquv-uslubiy markazi

Xalqaro huquq va inson huquqlarini himoya qilish kafedrasi

Tezkor-qidiruv faoliyati va kiberhuquq kafedrasi

Ijtimoiy-gumanitar fanlar kafedrasi

Izoh: Xodimlarning cheklangan soni (mutaxassis, texnik, xizmat koʻrsatuvchi, oʻquv-yordamchi va boshqa xodimlar tarkibidan tashqari) — 156 nafar, shu jumladan professor-oʻqituvchilar 89 nafar, boshqaruv xodimlari 67 nafar. Akademiyadagi texnik, xizmat koʻrsatuvchi va oʻquv-yordamchi xodimlar soni oliy taʼlim muassasalari (shu jumladan, oliy taʼlim muassasalarining oʻxshash tuzilmalari) uchun oʻrnatilgan normativlar asosida belgilanadi.

* Mazkur tarkibiy tuzilmalarda oliy taʼlim muassasalarining oʻxshash tuzilmalari uchun oʻrnatilgan normativlar asosida qoʻshimcha mutaxassis shtat birliklari joriy etiladi.

** Tergov faoliyatiga ixtisoslashtirilgan kafedralar.

Oʻzbekiston Respublikasi Prezidentining 2022-yil 28-noyabrdagi PF-257-son Farmoniga

4-ILOVA

Oʻzbekiston Respublikasi Huquqni muhofaza qilish akademiyasining faoliyatini samarali tashkil etish boʻyicha

“YOʻL XARITASI”

T/r	Chora-tadbirlarning nomlanishi	Amalga oshirish shakli	Ijro muddati	Moliyalashtirish manbalari	Masʼul ijrochilar
I. Oʻqishga qabul qilish tizimini tashkil etish va taʼlim sifatini oshirish
1.	Huquqni muhofaza qilish akademiyasida (keyingi oʻrinlarda — Akademiya) toʻlaqonli taʼlim jarayonini amalga oshirish yuzasidan qoʻshma tashkiliy-amaliy va moliyaviy-texnik choralarni belgilash boʻyicha Vasiylik kengashi majlisini oʻtkazish hamda uning nizomini tasdiqlash.	Vasiylik kengashi majlisining bayonnomasi	2023-yil yanvar	-	Vasiylik kengashi
2.	Akademiyaning ustavi, shtat jadvalini ishlab chiqish va tasdiqlash.	Idoraviy hujjat loyihasi	2023-yil yanvar	-	Bosh prokuratura (N. Yoʻldoshev)
3.	Toshkent davlat yuridik universitetining Ixtisoslashtirilgan filialini quyidagilarni inobatga olgan holda tugatish choralarini koʻrish: tegishli oʻquv semestrini yakunlash; belgilangan tartibda xodimlar bilan tuzilgan mehnat shartnomasini bekor qilish; qonunchilikda belgilangan tartibda tugatish, bino-inshootlar, shtat birliklar, oʻquv-uslubiy va axborot-resurs baza, moddiy-texnika va boshqa mol-mulklarni topshirish boʻyicha tashkiliy choralarni koʻrish.	Tashkiliy chora-tadbirlar	2023-yil yanvar	-	Adliya vazirligi (A. Tashkulov)
4.	Ochiq va xolis tanlov mezon va mexanizmlarini qamrab olgan Akademiyada oliy taʼlim va oliy taʼlimdan keyingi taʼlimga qabul qilish va oʻqitishning alohida tartibini belgilash.	Vazirlar Mahkamasining qarori loyihasi	2023-yil fevral	-	Bosh prokuratura (N. Yoʻldoshev), IIV (P. Bobojonov), DXX (A. Azizov), Milliy gvardiya (R. Djurayev), DBQ (A. Mavlonov), Innovatsion rivojlanish vazirligi (I. Abduraxmonov)
5.	Ilgʻor xorijiy tajriba asosida Akademiyada oʻqitishning taʼlim standartlari, davlat taʼlim talablari, malaka talablari, oʻquv rejalari, dasturlari, yoʻnalishlari (mutaxassisliklar), kadrlarni qayta tayyorlash va ularning malakasini oshirish kurslarini tashkil etish tartibini quyidagilarni nazarda tutgan holda ishlab chiqish va tasdiqlash: prokuratura, tergov va surishtiruv organlarining xususiyatlaridan kelib chiqib, soha mutaxassislarini yuksak axloqiy, psixologik va kasbiy fazilatlarni rivojlantirishning samarali tizimi yordamida maqsadli tayyorlash; sud-huquq sohasi qonunchiligidagi yangiliklar mazmun-mohiyatini yetkazish, kasbiy bilim va koʻnikmalarni takomillashtirishga qaratilgan kadrlarning malakasini oshirish kurslarini tizimli asosda tashkil qilish; mavjud holatlarni xolisona va malakali tahlil qilish, mustaqil ish yuritish koʻnikmalarini rivojlantirishga qaratilgan interfaol oʻqitish metodlarini oʻquv jarayonida qoʻllash.	Kompleks chora-tadbirlar	2023-yil yanvar	-	Vasiylik kengashi, Oliy va oʻrta maxsus taʼlim vazirligi (A. Toshkulov)
6.	Quyidagilarni: taʼlimning dastlabki tergov va surishtiruvni amalga oshirishga vakolatli davlat organlari hamda sudlarda oʻtaladigan amaliyot bilan uzviy bogʻliqligini; taʼlim oluvchilarning qiziqishi, intilishi va qobiliyatlari inobatga olingan holda ularni kasbga yoʻnaltirish va kelgusida prokuratura organlariga hamda surishtiruvchi va tergovchi lavozimlariga ishga joylashishini taʼminlashga qaratilgan malakaviy amaliyot va stajirovka oʻtash tartibini belgilash.	Qoʻshma chora-tadbirlar	2023-yil aprel	-	Bosh prokuratura (N. Yoʻldoshev), IIV (P. Bobojonov), DXX (A. Azizov), Milliy gvardiya (R. Djurayev), DBQ (A. Mavlonov), Oliy sud (B. Islamov)
7.	Akademiyada inson huquqlari nazariyasi va amaliyotini jinoyatlarni tergov qilish faoliyatini amalga oshirish nuqtai nazaridan oʻqitishning samarali tizimini shakllantirish boʻyicha choralarni koʻrish.	Tashkiliy chora-tadbirlar	2023-yil oktabr	-	Bosh prokuratura (N. Yoʻldoshev), Inson huquqlari boʻyicha Milliy markaz (A. Saidov)
8.	Quyidagilarni nazarda tutuvchi Akademiya axborot-taʼlim portalini takomillashtirish boʻyicha texnik topshiriq va dasturiy taʼminotni ishlab chiqish: oʻquv jarayonini raqamlashtirish, shu jumladan mashgʻulotlar jadvalini shakllantirish, imtihonlarni oʻtkazish, taʼlim oluvchilarni baholash va reytingini shakllantirish; magistratura va bakalavriat yoʻnalishlari boʻyicha dasturiy majmualarni joriy etish; portalni vakolatli davlat organlarining axborot tizimlari bilan integratsiya qilish; prokuratura, dastlabki tergov va surishtiruv organlari xodimlarining uzluksiz kasbiy rivojlanishini monitoring qilish tizimini joriy etish.	Kompleks chora-tadbirlar	Alohida grafik asosida	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Bosh prokuratura (N. Yoʻldoshev), Axborot texnologiyalari va kommunikatsiyalarini rivojlantirish vazirligi (Sh. Shermatov), Moliya vazirligi (T. Ishmetov), DXX (A. Azizov), IIV (P. Bobojonov), Milliy gvardiya (R. Djurayev), DBQ (A. Mavlonov)
9.	Akademiyada masofaviy taʼlimni tashkil qilish va videokonferensiyalar oʻtkazish, shuningdek, interfaol elektron kurslarni ishlab chiqish, onlayn baholash va soʻrovnomalar oʻtkazish uchun tegishli uskunalar, qurilmalar va dasturiy mahsulotlarni xarid qilish va oʻrnatish, jumladan: vakolatli organlar oʻrtasida, shu jumladan viloyat, tuman va shahar boʻlinmalari darajasida maʼlumot almashish maqsadida yagona korporativ tarmoqni tashkil qilish uchun optik tolali aloqa tarmoqlarini qurish; tarmoq va server qurilmalari, zaruriy qismlar, Akademiya xodimlari va oʻquv auditoriyalarini zamonaviy kompyuter, dasturiy taʼminotlar, ofis texnikalari bilan taʼminlash; auditoriyalarni interfaol panellar, video-konferensaloqa jihozlari, tinglovchilar orasida soʻrov oʻtkazish vositalari bilan jihozlash.	Kompleks chora-tadbirlar	2023-yil davomida	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Axborot texnologiyalari va kommunikatsiyalarini rivojlantirish vazirligi (Sh. Shermatov), Bosh prokuratura (N. Yoʻldoshev), Oliy va oʻrta maxsus taʼlim vazirligi (A. Toshkulov)
10.	Akademiyaning oʻquv auditoriyalari, axborot-resurs markazlari va boshqa oʻquv-yordamchi obyektlarida zamonaviy axborot taʼlim muhitini va simsiz aloqa tarmogʻi xavfsizligini taʼminlashni nazarda tutuvchi tartibni tasdiqlash.	Idoraviy hujjat loyihasi	2023-yil aprel	-	Bosh prokuratura (N. Yoʻldoshev), Axborot texnologiyalari va kommunikatsiyalarini rivojlantirish vazirligi (Sh. Shermatov)
11.	Raqamli tergovni oʻquv-uslubiy jihatdan taʼminlash markazini (Kiberlaboratoriya) tashkil etish, uni raqamli dalillarni, shu jumladan “Darknet” tarmogʻida mustahkamlash va tadqiq etish funksiyalarini nazarda tutuvchi zarur zamonaviy kompyuter, server uskunalari va dasturiy taʼminot (elektron raqamli izlarni topish va mustahkamlashning kriminalistik-texnik vositalari, mobil kriminalistik majmualar va h.k.) bilan jihozlash.	Tashkiliy chora-tadbirlar	2023-yil davomida	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Bosh prokuratura (N. Yoʻldoshev), DXX (A. Azizov), IIV (P. Bobojonov), Axborot texnologiyalari va kommunikatsiyalarini rivojlantirish vazirligi (Sh. Shermatov)
12.	Akademiya imijini shakllantirish boʻyicha quyidagi tashkiliy choralarni koʻrish: Akademiya ramzlarini tasdiqlash va brendbukini yaratish; Akademiyaning rasmiy veb-saytini xalqaro standartlar asosida ishga tushirish; jamoatchilik bilan aloqalarni jadallashtirish va Akademiya haqidagi xolis maʼlumotlarni yetkazish.	Tashkiliy chora-tadbirlar	2023-yil davomida	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Bosh prokuratura (N. Yoʻldoshev)
13.	Akademiyaning taʼlim yoʻnalishlari va mutaxassisliklari roʻyxatini “Oliy taʼlimning Davlat taʼlim standarti. Oliy taʼlim yoʻnalishlari va mutaxassisliklari klassifikatori” Oʻzbekiston Respublikasining davlat standartiga kiritish.	Idoraviy hujjat loyihasi	2023-yil aprel	-	Oliy va oʻrta maxsus taʼlim vazirligi (A. Toshkulov), Bosh prokuratura (N. Yoʻldoshev)
II. Oʻquv jarayonini rivojlantirish va moddiy-texnik bazani mustahkamlash
14.	Akademiyaning oʻquv va ilmiy tarmoqlarini huquqni muhofaza qilish sohasida katta amaliy tajribaga ega malakali mutaxassislar, shuningdek, oʻqitishning zamonaviy shakllari va usullarini qoʻllay oladigan ilmiy-pedagog kadrlar bilan toʻldirish.	Tashkiliy chora-tadbirlar	2023-yil iyul, doimiy ravishda	-	Bosh prokuratura (N. Yoʻldoshev), IIV (P. Bobojonov), DXX (A. Azizov), Milliy gvardiya (R. Djurayev), DBQ (A. Mavlonov)
15.	Akademiyaning zamonaviy kampusini va ixtisoslashtirilgan oʻquv-uslubiy bazasini barpo etish va uning infratuzilmasida quyidagilarni yaratish: nazorat qilish va boshqarish tizimi bilan jihozlangan oʻquv-maʼmuriy korpus binolari, xalqaro va boshqa tadbirlarni oʻtkazish uchun konferensiya zallari; jinoyat ishlarini tergov qilish faoliyatining xususiyatlaridan, shuningdek, uchraydigan hodisa joylari turlaridan kelib chiqqan holda maqsadli vaziyatli-imitatsion va virtual poligon hamda markazlar, texnik-kriminalistik baza; amaliyotga yoʻnaltirilgan va munozarali mashgʻulotlar oʻtkazishni kuchaytirish, tanqidiy fikrlash va shaxslar toifalari boʻyicha soʻroqni amalga oshirish sanʼatini rivojlantirishni taʼminlovchi xonalar; axborot texnologiyalari sohasidagi jinoyatlarni tergov qilish boʻyicha oʻquv mashgʻulotlarini oʻtkazish uchun jihozlangan kompyuter xonalari; elektron oʻq otish tiri, saflanish maydoni va Elektron taʼlim multimedia mahsulotlarini ishlab chiqish texnik studiyasi; oʻquv auditoriya xonalari, sport-sogʻlomlashtirish majmuasi, mehmonxona-yotoqxona va boshqa obyektlar.	Tashkiliy chora-tadbirlar	2023 — 2025-yillar davomida	Davlat budjeti mablagʻlari, Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Toshkent shahar hokimligi (J. Ortiqxoʻjayev), Bosh prokuratura (N. Yoʻldoshev), Iqtisodiy taraqqiyot va kambagʻallikni qisqartirish vazirligi (I. Norkulov), Qurilish vazirligi (B. Zokirov), Moliya vazirligi (T. Ishmetov)
16.	Statistik, “elektron surishtiruv va dastlabki tergov” yagona axborot tizimi, arxiv va boshqa maʼlumotlardan (qonunchilikka muvofiq foydalanish cheklangan maʼlumotlar bundan mustasno) foydalanish huquqini berish orqali Akademiya ilmiy va oʻquv jarayonining huquqni qoʻllash amaliyoti bilan (cheklangan rejimda) uzviy bogʻlanishini taʼminlash.	Qoʻshma chora-tadbirlar	2023-yil may	-	Bosh prokuratura (N. Yoʻldoshev), IIV (P. Bobojonov), DXX (A. Azizov), Milliy gvardiya (R. Djurayev), DBQ (A. Mavlonov)
17.	Amalga oshirilayotgan islohotlar hamda yangi metod va taktikalar asosida yangi avlod darsliklari, oʻquv va oʻquv-amaliy qoʻllanmalarni tayyorlash, Akademiyaning axborot-resurs markazi fondini muntazam ravishda yangilab borish, bunda: oʻquv, ilmiy va metodik adabiyotlar mualliflarini munosib ravishda moddiy ragʻbatlantirish va ularga tegishli shart-sharoitlar yaratishni; darsliklar, oʻquv qoʻllanmalar, ilmiy va metodik adabiyotlarni tayyorlash, tarjima qilish va chop etish, shuningdek, mualliflarning mehnatini ragʻbatlantirish uchun Akademiyaning daromadlar va xarajatlar smetasida muntazam ravishda mablagʻlar ajratib borishni nazarda tutish.	Tashkiliy chora-tadbirlar	2023-yil may, doimiy ravishda	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Bosh prokuratura (N. Yoʻldoshev), Vasiylik kengashi
18.	Xorijiy tajriba va huquqni qoʻllash amaliyotini oʻrganish uchun zarur xalqaro kutubxona fondlari (maʼlumotlar bazalari), dasturiy mahsulotlar va huquqiy-axborot tizimlaridan foydalanish huquqini xarid qilish.	Kompleks chora-tadbirlar	2023-yil may	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Bosh prokuratura (N. Yoʻldoshev), Oliy va oʻrta maxsus taʼlim vazirligi (A. Toshkulov), Oʻzbekiston Milliy kutubxonasi (U. Teshabayeva)
19.	Akademiyani “Elektron taʼlim” milliy tarmogʻiga, Alisher Navoiy nomidagi Oʻzbekiston Milliy kutubxonasining elektron axborot-kutubxona fondiga bepul asosda ulash.	Tashkiliy chora-tadbirlar	2023-yil yanvar, doimiy ravishda	-	Bosh prokuratura (N. Yoʻldoshev), Oliy va oʻrta maxsus taʼlim vazirligi (A. Toshkulov), Oʻzbekiston Milliy kutubxonasi (U. Teshabayeva)
20.	Akademiya oʻquv jarayoniga taʼlim oluvchilarning harbiy-vatanparvarlik tayyorgarligini joriy etish, shu jumladan, harbiy-dala sharoitlarida oʻquv yigʻinlarini tashkil etish va harbiy guvohnoma berish amaliyotini yoʻlga qoʻyish.	Tashkiliy chora-tadbirlar	2023-yil avgust	-	Bosh prokuratura (N. Yoʻldoshev), IIV (P. Bobojonov), Mudofaa vazirligi (B. Qurbonov)
21.	Oʻziga yuklatilgan vazifalarni vijdonan va samarali bajarayotgan Akademiyaning boshqaruv, ilmiy va professor-oʻqituvchilar tarkibi, shuningdek, oʻquv-yordamchi xodimlarining ish natijalariga muvofiq, har oylik shaxsiy ustamalarni oʻrnatishning tartibi va mezonlarini belgilash.	Idoraviy hujjat loyihasi	2023-yil fevral	-	Bosh prokuratura (N. Yoʻldoshev)
22.	Akademiyaning yuqori tezlikdagi Internet tarmogʻiga ulanishini taʼminlash.	Tashkiliy chora-tadbirlar	Akademiya talabiga koʻra	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Axborot texnologiyalari va kommunikatsiyalarini rivojlantirish vazirligi (Sh. Shermatov), Bosh prokuratura (N. Yoʻldoshev)
23.	Masofaviy va mustaqil taʼlim olish uchun elektron oʻquv materiallarini ishlab chiqish maqsadida Akademiyaning Elektron taʼlim multimedia mahsulotlarini ishlab chiqish texnik studiyasini zarur zamonaviy uskunalar va dasturiy mahsulotlar bilan jihozlash.	Kompleks chora-tadbirlar	2023-yil davomida	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Bosh prokuratura (N. Yoʻldoshev), Oʻzbekiston Milliy teleradiokompaniyasi (A. Xadjayev), Moliya vazirligi (T. Ishmetov)
24.	Pullik tayyorlov va qisqa muddatli oʻquv kurslarini tashkil etish orqali Akademiyaga qoʻshimcha moliyaviy mablagʻlarni jalb qilish choralarini koʻrish, shuningdek, xorijiy valyutadagi shaxsiy gʻazna hisobvaraqlarini ochish.	Tashkiliy chora-tadbirlar	Doimiy ravishda	-	Bosh prokuratura (N. Yoʻldoshev), Moliya vazirligi (T. Ishmetov), Markaziy bank (M. Nurmuratov)
25.	Akademiya tipografiyasini ilmiy-tadqiqot ishlari natijalari, broshyuralar, darsliklar, bukletlar va boshqa adabiyotlarni nashr etish va tarqatish uchun zarur boʻlgan zamonaviy nashriyot uskunalari bilan jihozlash.	Tashkiliy chora-tadbirlar	Alohida grafik asosida	Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Bosh prokuratura (N. Yoʻldoshev)
III. Sifatli ilmiy-tadqiqot va innovatsion faoliyat uchun shart-sharoitlarni yaratish
26.	Talabalar, mustaqil izlanuvchilar va amaliyot xodimlari uchun quyidagilarni nazarda tutgan holda “Oʻzbekiston tergovchisi” ilmiy-amaliy yuridik jurnalini taʼsis etish: Vazirlar Mahkamasi huzuridagi Oliy attestatsiya komissiyasi tomonidan tavsiya etilgan roʻyxatga kiritish orqali jurnalni muntazam ravishda bosma va elektron shakllarda nashr etishni tashkillashtirish; jurnalda jinoyatlarni fosh etish va tergov qilish sohasida ilmiy maqolalarni, shuningdek, amaliy xususiyatga ega, muayyan toifadagi jinoyat ishlari boʻyicha tergovchilar tomonidan kriminalistik metodika va taktikalarni qoʻllashning ilgʻor tajribalarini aks ettirgan maqolalarni chop etish; jurnalning xalqaro miqyosdagi mavqeyini koʻtarish maqsadida uni yetakchi ilmiy bazalar (RINS, DOI, Scopus)ga bosqichma-bosqich kiritish, shuningdek, jurnalning alohida sonlarini xorijiy davlatlarning nufuzli yuridik jurnallari bilan hamkorlikda nashr etish.	Tashkiliy chora-tadbirlar	2023-yil iyul	Vasiylik kengashi organlarining budjetdan tashqari mablagʻlari, Akademiyaning budjet va budjetdan tashqari mablagʻlari, prokuratura organlarining budjetdan tashqari mablagʻlari	Vasiylik kengashi, Vazirlar Mahkamasi huzuridagi Oliy attestatsiya komissiyasi (A. Yusupov)
27.	“Oʻzbekiston Respublikasi Huquqni muhofaza qilish akademiyasining faxriy doktori” darajasi va “Oʻzbekiston Respublikasi Huquqni muhofaza qilish akademiyasining faxriy professori” unvoni bilan taqdirlash tartibini belgilash.	Idoraviy hujjat loyihasi	2023-yil may	-	Bosh prokuratura (N. Yoʻldoshev)
28.	Bakalavriat talabalarini jinoyatlarni tergov qilish faoliyatida ilmiy-tahliliy yondashuvga faol jalb qilish va ular orasidan eng iqtidorlilarini kelgusida xorijiy davlatlarga qisqa muddatli oʻqishga yuborish maqsadida Akademiyaning kafedralari ixtisoslashuvidan kelib chiqib, ilmiy maktab va toʻgaraklarni, shuningdek, “Yosh tergovchilar klubi”ni tashkil etish.	Tashkiliy chora-tadbirlar	2023-yil yanvar, doimiy ravishda	Vasiylik kengashi organlarining budjetdan tashqari mablagʻlari Akademiyaning budjet va budjetdan tashqari mablagʻlari	Vasiylik kengashi
29.	Akademiyaning Huquqni muhofaza qilish faoliyati muammolarini ilmiy-amaliy tadqiq etish markazi faoliyatini quyidagi mexanizmlarni nazarda tutgan holda samarali tashkil etish: huquqni muhofaza qilish faoliyati muammolari, birinchi navbatda jinoyatlarni tergov qilish sohasida amaliy tadqiqotlar olib borish, uni takomillashtirish boʻyicha ilmiy asoslangan takliflarni ishlab chiqish va amalga oshirish; jinoyatlarni tergov qilishning samaradorligini oshirish boʻyicha tizimli ravishda uslubiy va amaliy qoʻllanmalar, tavsiyalar tayyorlash, ularning vakolatli davlat organlari tomonidan amalda qoʻllanilishini tashkillashtirish; jamoatchilikning keng muhokamasiga sabab boʻlgan, shu jumladan uyushgan jinoiy guruh va uyushmalar tomonidan sodir etilgan alohida murakkab jinoyatlarni tergov qilishda vakolatli davlat organlariga koʻmaklashish.	Idoraviy hujjat loyihasi	2023-yil mart	-	Bosh prokuratura (N. Yoʻldoshev)
30.	Akademiya huzurida quyidagilarni nazarda tutgan holda jinoyatlarni tergov qilish, sud-huquq sohasini isloh qilish bilan bogʻliq yuridik fanlar ixtisosliklari yuzasidan Ilmiy darajalar berish boʻyicha ilmiy kengashni tashkil etish: Akademiya boshligʻiga ilmiy kengash tarkibiga jalb etilgan malakali mutaxassislarni moddiy ragʻbatlantirishni amalga oshirish huquqini berish; sud-huquq islohotlarini amalga oshirish hamda jinoyatlarni tergov qilish sohalarida amaliy muammolarni ilmiy tadqiq etishning samarali tizimini shakllantirish.	Tashkiliy chora-tadbirlar	2023-yil fevral	-	Vazirlar Mahkamasi huzuridagi Oliy attestatsiya komissiyasi (A. Yusupov), Bosh prokuratura (N. Yoʻldoshev)
31.	Akademiyada quyidagilarni nazarda tutuvchi xalqaro hamkorlikning samarali tizimini yaratish: ilmiy xodimlar va professor-oʻqituvchilar tarkibining yetakchi xorijiy oliy taʼlim muassasalarida malaka oshirishini muntazam tashkil etish; oʻquv jarayoniga yuqori malakali xorijiy mutaxassislarni keng jalb qilish; yetakchi xorijiy oliy taʼlim, ilmiy-tadqiqot va axborot-tahlil muassasalari bilan oʻzaro hamkorlik boʻyicha memorandumlar va kelishuvlarni tayyorlash va imzolash.	Tashkiliy chora-tadbirlar	doimiy ravishda	-	Bosh prokuratura (N. Yoʻldoshev), Tashqi ishlar vazirligi (V. Norov), “El-yurt umidi” jamgʻarmasi (A. Bekmurodov)
IV. Taʼlim oluvchilarning maʼnaviy-axloqiy tarbiyasini yuksaltirish
32.	Akademiya axborot-resurs markazi faoliyatida foydalanuvchilarga kompleks, shu jumladan radiochastotalar orqali identifikatsiya qilish (RFID) texnologiyalaridan foydalangan holda elektron xizmatlar koʻrsatishni taʼminlaydigan zamonaviy avtomatlashtirilgan axborot tizimini joriy etish.	Kompleks chora-tadbirlar	Alohida grafik asosida	Prokuratura organlarining budjetdan tashqari mablagʻlari, Vasiylik kengashi organlarining budjetdan tashqari mablagʻlari	Bosh prokuratura (N. Yoʻldoshev), Axborot texnologiyalari va kommunikatsiyalarini rivojlantirish vazirligi (Sh. Shermatov)

Izoh: “Yoʻl xaritasi”da koʻzda tutilgan tadbirlar tegishli chora-tadbirning sohasi va predmetiga qarab qayta koʻrib chiqilishi, shuningdek, bir hujjatga birlashtirilishi mumkin. Bunda, ikki yoki undan ortiq chora-tadbirlar birlashtirilgan hollarda, ushbu masalalarning oxirgi bajarish muddati qoʻshma chora-tadbirlarning bajarilishi uchun belgilangan oxirgi muddat hisoblanadi. Normativ-huquqiy hujjatlar loyihalarini ishlab chiqish jarayonida “Yoʻl xaritasi”da koʻrsatilgan tadbirlar mazmuniga mos keladigan boshqa masalalar ham hisobga olinishi mumkin.

Oʻzbekiston Respublikasi Prezidentining 2022-yil 28-noyabrdagi PF-257-son Farmoniga

5-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartish va qoʻshimchalar

1. Oʻzbekiston Respublikasi Prezidentining 2018-yil 8-maydagi “Prokuratura organlari kadrlarini tayyorlash, qayta tayyorlash va ularning malakasini oshirish tizimini tubdan takomillashtirish chora-tadbirlari toʻgʻrisida”gi PF-5438-son Farmonida:

a) 1 va 7-bandlari oʻz kuchini yoʻqotgan deb hisoblansin;

b) 2-bandning birinchi xatboshisi quyidagi tahrirda bayon etilsin:

“2. Quyidagilar Oʻzbekiston Respublikasi Huquqni muhofaza qilish akademiyasining (keyingi oʻrinlarda — Akademiya) prokuratura organlari kadrlarini tayyorlash, qayta tayyorlash va ularning malakasini oshirish sohasidagi asosiy vazifalari va faoliyati yoʻnalishlari etib belgilansin”;

v) 3-bandda:

“a” kichik bandning ikkinchi xatboshisidagi “organlarida lavozimlarni egallash uchun nomzodlarni” soʻzlari “organlariga birinchi marotaba xizmatga qabul qilingan xodimlarni” soʻzlariga almashtirilsin;

“v” kichik band quyidagi tahrirda bayon etilsin:

“prokuratura organlariga birinchi marotaba xizmatga qabul qilingan xodimlar prokuratura ish oʻrganuvchilari lavozimiga tayinlanishi bilanoq mazkur Farmon 3-bandi “a” kichik bandining ikkinchi xatboshisida nazarda tutilgan kasbiy qayta tayyorlashdan oʻtadilar.”;

g) 4-bandning ikkinchi xatboshisi chiqarib tashlansin;

d) 5-band quyidagi tahrirda bayon etilsin:

“5. Oʻzbekiston Respublikasi Bosh prokuroriga prokuratura organlari kadrlarini tayyorlash, qayta tayyorlash va malakasini oshirish sohasida oʻquv jarayonini taʼlimning kunduzgi, kechki, sirtqi va masofaviy shakllari asosida tashkil etish huquqi berilsin.”;

e) 6-bandda:

uchinchi va sakkizinchi xatboshilari chiqarib tashlansin;

toʻrtinchi — yettinchi xatboshilar tegishincha uchinchi — oltinchi xatboshilar deb hisoblansin;

j) 8-band quyidagi tahrirda bayon etilsin:

“8. Akademiyaga yetakchi oʻquv muassasalari, ilmiy-tadqiqot institutlari, davlat organlari va boshqa tashkilotlarning, shu jumladan, xorijiy mamlakatlarning yuqori malakali mutaxassis va ekspertlarini shartnoma asosida oʻquv jarayoniga jalb qilishga ruxsat berilsin”.

2. Oʻzbekiston Respublikasi Prezidentining 2020-yil 30-yanvardagi “Oʻzbekiston Respublikasi Bosh prokuraturasi hayʼatining tarkibini tasdiqlash toʻgʻrisida”gi PF-5929-son Farmoni 1-ilovasining matni quyidagi tahrirda bayon etilsin:

“Oʻzbekiston Respublikasi Bosh prokuraturasi hayʼatining

TARKIBI

1.	Yoʻldoshev Nigʻmatilla Toʻlqinovich	—	Bosh prokuror, hayʼat raisi
2.	Valiyev Baxriddin Baxadirovich	—	Bosh prokurorning birinchi oʻrinbosari
3.	Yuldashev Erkin Turakulovich	—	Bosh prokurorning oʻrinbosari
4.	Lavozimiga koʻra	—	Bosh prokurorning oʻrinbosari
5.	Artikova Svetlana Baymirzayevna	—	Bosh prokurorning oʻrinbosari
6.	Aminov Shoxrux Azamatovich	—	Bosh prokurorning oʻrinbosari
7.	Kudratxodjayev Botir Baxromovich	—	Bosh prokurorning oʻrinbosari — Oʻzbekiston Respublikasi Harbiy prokurori
8.	Raximov Dilshod Faxriyevich	—	Bosh prokuratura huzuridagi Iqtisodiy jinoyatlarga qarshi kurashish departamenti boshligʻi
9.	Kabirdjanov Xasan Murotovich	—	Bosh prokuratura huzuridagi Majburiy ijro byurosi direktori
10.	Tadjiyev Erkabay Aminovich	—	Qoraqalpogʻiston Respublikasi prokurori
11.	Boltayev Halim Xusanboyevich	—	Bosh prokuraturaning Tashkiliy-nazorat va tahlil boshqarmasi boshligʻi, hayʼat kotibi

Izoh: Hayʼat aʼzolari boshqa ishga oʻtganda, uning tarkibiga ushbu lavozimlarga yangi tayinlangan shaxslar kiritiladi.”.

3. Oʻzbekiston Respublikasi Prezidentining 2020-yil 29-iyundagi “Oʻzbekiston Respublikasida korrupsiyaga qarshi kurashish tizimini takomillashtirish boʻyicha qoʻshimcha chora-tadbirlar toʻgʻrisida”gi PF-6013-son Farmonida:

a) 7-bandning oltinchi xatboshisidagi “Bosh prokuraturasi Akademiyasida” soʻzlari “Huquqni muhofaza qilish akademiyasida” soʻzlari bilan almashtirilsin;

b) ilovaning 31-pozitsiyasi quyidagi tahrirda bayon etilsin:

“31. Lavozimi boʻyicha — Oʻzbekiston Respublikasi Huquqni muhofaza qilish akademiyasi boshligʻi”.

4. Oʻzbekiston Respublikasi Prezidentining 2013-yil 12-sentabrdagi PQ-2036-son qarori bilan tasdiqlangan Oʻzbekiston Respublikasi prokuraturasi organlari va muassasalarida xizmatni oʻtash toʻgʻrisidagi nizomining rus tilidagi matnida:

a) 18 va 62-bandlarda “Akademii Generalnoy prokuraturi” soʻzlari “Pravooxranitelnoy akademii” soʻzlari bilan almashtirilsin;

b) 27-bandda:

oltinchi xatboshi “zamestiteli rukovoditeley” soʻzlaridan keyin “professora i nachalniki strukturnix podrazdeleniy” soʻzlari bilan toʻldirilsin;

yettinchi xatboshidagi “zaveduyushiye kafedr, nachalniki otdelov i rukovoditeli sektorov” soʻzlari “pomoshnik nachalnika, dotsenti, starshiye prepodavateli i starshiye prokurori strukturnix podrazdeleniy” soʻzlari bilan almashtirilsin;

sakkizinchi xatboshidagi “nauchnie sotrudniki i prepodavateli” soʻzlari “prepodavateli i prokurori strukturnix podrazdeleniy” soʻzlari bilan almashtirilsin;

v) 35-bandda birinchi xatboshidagi “Akademiyu Generalnoy prokuraturi” soʻzlari “Pravooxranitelnuyu akademiyu” soʻzlari bilan almashtirilsin;

g) 81²-bandning beshinchi xatboshisi quyidagi tahrirda bayon etilsin:

“Primeneniye v otnoshenii rabotnikov, ukazannix v punkte 81¹ nastoyashego Polojeniya, lgot, mer materialnoy i sotsialnoy zashiti, inix materialnix preimushestv, a takje viplata nadbavok k doljnostnomu okladu i povishennogo tarifnogo koeffitsiyenta, ustanovlennix dlya rabotnikov organov prokuraturi, osushestvlyayetsya za schet sredstv respublikanskogo ili mestnogo budjetov”.

5. Oʻzbekiston Respublikasi Prezidentining 2013-yil 13-noyabrdagi “Oʻzbekiston Respublikasi prokuratura organlari xodimlarini moddiy ragʻbatlantirish va ijtimoiy muhofaza qilishni kuchaytirish chora-tadbirlari toʻgʻrisida”gi PQ-2065-son qaroriga 1-ilovaning rus tilidagi matni quyidagi tahrirda bayon etilsin:

“Razryadi po oplate truda po Yedinoy tarifnoy setke rabotnikov Generalnoy prokuraturi Respubliki Uzbekistan

Naimenovaniye doljnosti	Razryad	Razmer tarifnogo koeffitsiyenta
Generalniy prokuror	21	6,887
Perviy zamestitel Generalnogo prokurora	20	6,583
zamestitel Generalnogo prokurora, nachalnik Pravooxranitelnoy akademii	19	6,282
nachalnik upravleniya, zamestitel nachalnika Pravooxranitelnoy akademii	18	5,987
nachalnik samostoyatelnogo otdela, otdela v sostave upravleniya, nachalnik kafedri (upravleniya, fakulteta, otdela, sentra), professor kafedri Pravooxranitelnoy akademii	17	5,694
starshiy sledovatel po osobo vajnim delam, pomoshnik Generalnogo prokurora, starshiy programmist, dotsent kafedri, pomoshnik nachalnika Pravooxranitelnoy akademii	16	5,407
sledovatel po osobo vajnim delam, starshiy prokuror upravleniya, samostoyatelnogo otdela i otdela, vxodyashego v sostav upravleniya, programmist, starshiy spetsialist po informatsionnoy bezopasnosti, starshiy prepodavatel, starshiy prokuror otdela (upravleniya, fakulteta, sentra) Pravooxranitelnoy akademii	15	5,123
starshiy sledovatel, prokuror upravleniya, samostoyatelnogo otdela i otdela, vxodyashego v sostav upravleniya, administrator seti, administrator bazi dannix, programmist — veb-dizayner, prepodavatel, prokuror otdela (upravleniya, fakulteta, sentra) Pravooxranitelnoy akademii	14	4,842
glavniy spetsialist	12	4,296
vedushiy spetsialist	11	4,027
spetsialisti:
I kategorii	10	3,767
II kategorii	9	3,510

Primechaniye: dopolnitelnie sredstva, neobxodimie dlya sverxustanovlennogo razmera tarifnogo koeffitsiyenta, s 1-yanvarya 2020 goda pokrivayutsya za schet sredstv Gosudarstvennogo budjeta Respubliki Uzbekistan. Pri etom razreshayetsya, v poryadke isklyucheniya, nezavisimo ot ustanovlennogo zakonodatelstvom zapreta, viplata dopolnitelnogo materialnogo stimulirovaniya doljnostnim litsam, ukazannim v nastoyashem prilojenii, za schet vnebudjetnix sredstv organov prokuraturi s primeneniyem ustanovlennix razmerov tarifnogo koeffitsiyenta”.

6. Oʻzbekiston Respublikasi Prezidentining 2014-yil 5-martdagi PQ-2142-son qarori bilan tasdiqlangan Xorijiy mamlakatlarga xizmat safariga chiqishi Oʻzbekiston Respublikasi Prezidenti Administratsiyasining tegishli tarkibiy boʻlinmalari bilan maxsus kelishuvni talab qiladigan mansabdor shaxslar roʻyxatining “Huquqni muhofaza qiluvchi va nazorat organlari faoliyatini muvofiqlashtirish masalalari boʻyicha maslahatchi boʻlinmalari” boʻlimining 3-bandidagi “Bosh prokuraturasining Akademiyasi” soʻzlari “Huquqni muhofaza qilish akademiyasi” soʻzlari bilan almashtirilsin.

Oldingi tahrirga qarang.

(7-band Oʻzbekiston Respublikasi Prezidentining 2024-yil 19-iyundagi PF-91-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 20.06.2024-y., 06/24/91/0429-son)

(Qonunchilik maʼlumotlari milliy bazasi, 29.11.2022-y., 06/22/257/1049-son; 16.01.2024-y., 06/24/10/0031-son, 20.06.2024-y., 06/24/91/0429-son)