3330-сон 02.11.2021. Majburiy tibbiy koʻrikdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar roʻyxatini tasdiqlash toʻgʻrisida

Oʻzbekiston Respublikasi Sogʻliqni saqlash vazirining

buyrugʻi

Majburiy tibbiy qoʻriqdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar roʻyxatini tasdiqlash toʻgʻrisida

[Oʻzbekiston Respublikasi Adliya vazirligi tomonidan 2021-yil 2-noyabrda roʻyxatdan oʻtkazildi, roʻyxat raqami 3330]

Oʻzbekiston Respublikasining “Aholini sil kasalligidan muhofaza qilish toʻgʻrisida”gi Qonuniga muvofiq buyuraman:

1. Majburiy tibbiy koʻrikdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar roʻyxati ilovaga muvofiq tasdiqlansin.

2. Oʻzbekiston Respublikasi sogʻliqni saqlash vazirining 2014-yil 4-fevraldagi 38-son “Majburiy tibbiy koʻrikdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar roʻyxatini tasdiqlash toʻgʻrisida”gi buyrugʻi (roʻyxat raqami 2566, 2014-yil 5-mart) (Oʻzbekiston Respublikasi qonun hujjatlari toʻplami, 2014-y., 10-son, 114-modda) oʻz kuchini yoʻqotgan deb topilsin.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. XADJIBAYEV

Toshkent sh.,

2021-yil 19-oktabr,

31-son

Kelishildi:

Bandlik va mehnat munosabatlari vaziri N. XUSANOV

2021-yil 27-sentabr

Oʻzbekiston kasaba uyushmalari Federatsiyasi raisi K. RAFIKOV

2021-yil 4-oktabr

Oʻzbekiston Respublikasi sogʻliqni saqlash vazirining 2021-yil 19-oktabrdagi 31-son buyrugʻiga
ILOVA

Majburiy tibbiy koʻrikdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar roʻyxati

T/r	Majburiy tibbiy koʻrikdan oʻtmagan yoxud atrofdagilarga sil kasalligini yuqtirish xavfi mavjud boʻlgan shaxslarning bajarishi ruxsat etilmaydigan ishlar	Ruxsat etilmaydigan ishlarni bajarishni nazarda tutuvchi kasblar	Mashgʻulotlarning Xalqaro Standart Klassifikatsiyasi (MXSK-08) boʻyicha kodi
1.	Davolash-profilaktika muassasalarida (tugʻruqxonalar, tugʻruq, chaqaloqlar patologiyasi va chala tugʻilgan chaqaloqlar boʻlimlarida) chaqaloqlar bilan bevosita muloqotda boʻlgan holda bajariladigan ishlar	akusherka	3222
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash boʻyicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
2.	Bolalarga xizmat koʻrsatishi mumkin boʻlgan barcha davolash-profilaktika muassasalari, shu jumladan bolalarga moʻljallangan sogʻlomlashtirish, jismoniy rivojlantirish, sihatgoh va reabilitatsiya maskanlarida, profilaktoriyalarda bolalar bilan bevosita muloqotda boʻlgan holda bajariladigan ishlar	tarbiyachilar	2342
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash boʻyicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
3.	Maktabgacha taʼlim tashkilotlari va bolalar uylarida bolalar bilan bevosita muloqotda boʻlgan holda bajariladigan ishlar	tarbiyachilar	2342
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash boʻyicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
4.	Maktabgacha yoshdagi bolalarga xizmat koʻrsatishi mumkin boʻlgan taʼlim va sport muassasalarida, shuningdek ushbu maqsadlarda tashkil etilgan toʻgaraklarda bolalar bilan bevosita muloqotda boʻlgan holda bajariladigan ishlar	tarbiyachilar	2342
		barcha nomdagi tibbiyot hamshiralari	3221
		barcha mutaxassislikdagi vrachlar	2212
		bemorga qarash boʻyicha kichik tibbiyot hamshira	5321
		sanitarkalar	5321
		bolalar taomlari va parhez taomlari oshpazi	5120
		bufetchi	5132
		toʻgarak rahbari	2359
		oʻqituvchilar	2351
		logoped	2352
		oʻqituvchi-logoped	2352

Izoh: mazkur Roʻyxatda nazarda tutilgan ishlarda ishlovchi shaxslar, belgilangan muddatlarda majburiy tibbiy koʻrikdan oʻtishlari shart boʻlib, ular tibbiy koʻrik natijalariga koʻra sil kasalligiga chalinmagan deb topilgan taqdirdagina, bunday ishlarga qoʻyiladi.

Mazkur Roʻyxat Oʻzbekiston Respublikasi Bandlik va mehnat munosabatlari vazirligi hamda Oʻzbekiston Kasaba uyushmalari Federatsiyasi Kengashi bilan kelishilgan.

(Qonunchilik maʼlumotlari milliy bazasi, 02.11.2021-y., 10/21/3330/1011-son)