Oʻzbekiston Respublikasi Prezidentining

Farmoni

Hududlarning sanoat salohiyatini oshirishga doir qoʻshimcha chora-tadbirlar toʻgʻrisida

Soʻnggi yillarda mamlakatimiz sanoat salohiyatini mustahkamlash va hududlarni kompleks rivojlantirish, shahar va viloyatlarda yangi ishlab chiqarishlarni tashkil etish hisobiga aholini ish bilan band qilishni kengaytirishga qaratilgan kompleks chora-tadbirlar qabul qilindi va amalga oshirildi.

Natijada, soʻnggi toʻrt yil ichida sanoat mahsulotlari ishlab chiqarish hajmi 23 foizga, shu jumladan elektrotexnika, toʻqimachilik, charm-poyabzal, oziq-ovqat, farmatsevtika, zargarlik sanoati, qurilish materiallari, mebel, uy-roʻzgʻor buyumlari va boshqa isteʼmol mollari ishlab chiqarish singari sanoatning hududlarda jadal rivojlanayotgan tarmoqlari 1,3 barobardan koʻproq oʻsdi.

Shu bilan birga, hududlarda mavjud sanoat salohiyatidan, ayniqsa, qurilish industriyasini rivojlantirishda noruda minerallarning xomashyo bazasini oʻzlashtirish imkoniyatlaridan toʻliq foydalanilmayapti.

Xususan, keramzit, silikat qumi, shisha xomashyosi, qurilish va qoplama toshlarga ega oʻrganilgan konlarning yarmidan koʻpi oʻzlashtirilmay qolmoqda. Natijada, sanitariya-texnik vositalar boʻyicha mahalliy ishlab chiqarish ichki bozorning faqatgina 40 foizini, gazbeton bloklar — 51 foizini, lok-boʻyoq mahsulotlari — 65 foizini, qurilish oynalari — 70 foizini, devor gulqogʻozlari — 30 foizini tashkil etmoqda.

Elektrotexnika, toʻqimachilik, charm-poyabzal, oziq-ovqat, farmatsevtika, zargarlik buyumlari, qogʻoz sanoati, qurilish materiallari, mebel, uy-roʻzgʻor buyumlari ishlab chiqarish va boshqa mahalliy sanoat tarmoqlarini (keyingi oʻrinlarda — mahalliy sanoat) jadal rivojlantirishga koʻmaklashuvchi yaxlit tizimni yaratish, shuningdek, hududlarning sanoat salohiyatini oshirish maqsadida:

1. Investitsiyalar va tashqi savdo vazirligiga mahalliy sanoatni jadal rivojlantirishni taʼminlash boʻyicha quyidagi qoʻshimcha vazifalar yuklatilsin:

mavjud tabiiy va iqtisodiy resurslarni jalb qilish, tumanlar (shaharlar) salohiyatini ishga solish va ularning nisbiy ustunliklaridan foydalanish asosida mahalliy sanoatni rivojlantirish “drayverlari” boʻlgan tarmoqlarni aniqlash;

tarmoqlarning ichki va tarmoqlararo kooperatsiya aloqalarini kengaytirish va chuqurlashtirish, korxonalarni global ishlab chiqarish zanjirlariga jalb qilish va ishlab chiqarilgan mahsulotlarni uchinchi davlatlarga hamkorlikda eksport qilishni yoʻlga qoʻyish;

sifatli va raqobatbardosh mahsulotlar ishlab chiqarishni taʼminlaydigan xususiy va xorijiy investitsiyalar hamda zamonaviy texnologiyalarni jalb qilish uchun shart-sharoitlar yaratish;

“qoʻshimcha qiymat zanjirlari”ni kengaytirish, ishlab chiqarish tannarxi va xarajatlarini kamaytirish, tayyor mahsulotlar va materiallar ishlab chiqarishni mahalliylashtirishni chuqurlashtirish asosida ishlab chiqarilayotgan mahsulotlarning raqobatbardoshligini oshirish;

kichik sanoat va maxsus iqtisodiy zonalar imkoniyatlaridan samarali foydalanish va faoliyatini muvofiqlashtirish;

zamonaviy tendensiyalarni hisobga olgan holda mahalliy sanoat korxonalari uchun professional kadrlar tayyorlash, trening dasturlaridan keng foydalanish;

tarmoqlar va hududlarning sanoat salohiyatini oshirish maqsadida tartibga solish muhiti va standartlarni takomillashtirish.

Oldingi tahrirga qarang.

(2-band Oʻzbekiston Respublikasi Prezidentining 2023-yil 10-noyabrdagi PF-193-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 11.11.2023-y., 06/23/193/0844-son)

3. Investitsiyalar va tashqi savdo vazirligi, “Oʻzsanoatqurilishbank” ATB, “Oʻzsanoatqurilishmateriallari” uyushmasi, Qoraqalpogʻiston Respublikasi Vazirlar Kengashi va viloyatlar hokimliklarining:

2-ilovaga muvofiq 24 ta tumanlar (shaharlar)ni qurilish materiallari ishlab chiqarishga ixtisoslashtirish (keyingi oʻrinlarda — ixtisoslashtirilgan tumanlar);

“Oʻzsanoatqurilishmateriallari” uyushmasi huzurida 3-ilovaga muvofiq tarkibda Qurilish materiallari sanoatini rivojlantirish boʻyicha kengash tashkil qilish;

ixtisoslashtirilgan tumanlarda zarur yer uchastkalarini ajratgan holda, shu jumladan “Oʻzsanoatqurilishbank” ATB huzuridagi “PSB Capital” MChJ investitsiya kompaniyasi ishtirokida, qurilish materiallarini ishlab chiqarish loyihalarini amalga oshirish maqsadida “kichik sanoat zonalari”ni tashkil etish toʻgʻrisidagi takliflari maʼqullansin.

4. Vazirlar Mahkamasi (S. Umurzakov) “Oʻzsanoatqurilishmateriallari” uyushmasi huzuridagi Qurilish materiallari sanoatini rivojlantirish boʻyicha kengash (S. Annaklichev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda xalqaro ekspertlarni jalb qilgan holda, ikki oy muddatda ixtisoslashuv sohasini inobatga olib, loyihalar amalga oshirilishi taklif qilinadigan tumanlar (shaharlar) roʻyxatini shakllantirgan holda 2022 — 2026-yillarda mahalliy sanoat tarmoqlarini jadal rivojlantirish va eksport salohiyatini oshirish dasturini ishlab chiqsin va tasdiqlasin.

5. Tiklanish va taraqqiyot jamgʻarmasi “Oʻzsanoatqurilishbank” ATBga qurilish materiallari sanoatidagi loyihalarni moliyalashtirish uchun 200 million AQSh dollari miqdorida kredit liniyasi ajratilishini taʼminlasin.

6. Vazirlar Mahkamasi (J. Qoʻchqorov) va Moliya vazirligi:

a) Oʻzbekiston Respublikasi Prezidenti topshiriqlariga asosan hududlarni ijtimoiy-iqtisodiy rivojlantirish uchun koʻzda tutilgan mablagʻlar hisobidan 2021-yilda:

ixtisoslashtirilgan tumanlarda sanoat infratuzilmasini rivojlantirish uchun 400 milliard soʻm;

geologiya-qidiruv ishlarini olib borish uchun 100 milliard soʻm mablagʻ ajratilishini nazarda tutsin;

b) Investitsiyalar va tashqi savdo vazirligi bilan birgalikda bir oy muddatda Qoraqalpogʻiston Respublikasi Vazirlar Kengashi va viloyatlar hokimliklarining asoslantirilgan takliflariga binoan ixtisoslashtirilgan tumanlarda sanoat infratuzilmasini rivojlantirish boʻyicha ishlarning manzilli roʻyxatini tasdiqlasin va ushbu manzilli roʻyxatga muvofiq ishlarning moliyalashtirilishini taʼminlasin.

7. Davlat geologiya va mineral resurslar qoʻmitasi 2021-yil 1-oktabrga qadar kim oshdi savdolari natijalariga koʻra 500 ta noruda foydali qazilmalar konlarining investorlarga foydalanishga berilishini taʼminlasin.

8. Belgilansinki, 2021-yil 1-iyuldan boshlab 4-ilovada koʻrsatilgan Oʻzbekiston Respublikasida ishlab chiqarilgan qurilish materiallarining muvofiqligini tasdiqlash ishlab chiqaruvchi (yetkazib beruvchi) tomonidan deklaratsiya qilish orqali amalga oshiriladi.

9. Vazirlar Mahkamasining mahalliy sanoat tarmoqlarini va qurilish materiallari ishlab chiqarishni jadal rivojlantirishga koʻmaklashishga qaratilgan yangi yaxlit tizimni joriy etish toʻgʻrisidagi, quyidagilarning shaxsiy javobgarligini nazarda tutuvchi takliflari maʼqullansin:

Oʻzbekiston Respublikasi Bosh vazirining oʻrinbosari S. Umurzakovga — mahalliy sanoatni jadal rivojlantirishga koʻmaklashishning vertikal tizimini joriy qilish yuzasidan;

Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlariga — “ichki bozor ehtiyojlarini oʻrganish — importni tahlil qilish — resurs bazasini aniqlash — yangi loyihalarni ishlab chiqish va amalga oshirish” tamoyili asosida mahalliy sanoatni rivojlantirish yuzasidan.

Oldingi tahrirga qarang.

(10-band Oʻzbekiston Respublikasi Prezidentining 2023-yil 31-oktabrdagi PF-186-sonli Farmoniga asosan oʻz kuchini yoʻqotgan)

11. Viloyatlar va Toshkent shahar hokimlarining ishlab chiqarishni mahalliylashtirish va sanoat kooperatsiyasini rivojlantirish boʻyicha yordamchisi lavozimi mahalliy sanoatni rivojlantirish masalalari boʻyicha yordamchisi lavozimiga oʻzgartirilsin. Bunda, ularning kotibiyatlari shtati Iqtisodiy taraqqiyot va kambagʻallikni qisqartirish vazirligining hududiy boʻlinmalaridan 2 ta shtat birligini oʻtkazish hisobiga 3 ta shtat birligigacha kengaytirilsin.

12. Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari zimmasiga Kotibiyat hamda viloyatlar va Toshkent shahar hokimlarining mahalliy sanoatni rivojlantirish masalalari boʻyicha yordamchisi faoliyatini muvofiqlashtirish vazifasi yuklansin.

13. 2021-yil 1-iyuldan Iqtisodiy taraqqiyot va kambagʻallikni qisqartirish vazirligi huzuridagi Elektron kooperatsiya portali markazi hamda Qoraqalpogʻiston Respublikasi Iqtisodiy taraqqiyot va kambagʻallikni qisqartirish vazirligi va viloyatlar iqtisodiy taraqqiyot va kambagʻallikni qisqartirish bosh boshqarmalari huzuridagi Kichik sanoat zonalari direksiyalari Investitsiyalar va tashqi savdo vazirligi tizimiga toʻligʻicha mavjud shtat birliklari va moddiy-texnika bazasi bilan birgalikda oʻtkazilsin.

14. Oʻzbekiston Respublikasi Bosh vaziri A.N. Aripov bir hafta muddatda ushbu Farmon talablaridan kelib chiqqan holda, Vazirlar Mahkamasining ijro etuvchi tuzilmasini takomillashtirish toʻgʻrisidagi qaror loyihasini kiritsin.

15. Qoraqalpogʻiston Respublikasi Joʻqorgʻi Kengesiga Qoraqalpogʻiston Respublikasi Vazirlar Kengashi tuzilmasini ushbu Farmonda belgilangan talablarga muvofiq qayta koʻrib chiqish, uning yangi tuzilmasi va boshqaruv xodimlari shtat jadvalini tasdiqlash tavsiya etilsin.

16. Investitsiyalar va tashqi savdo vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur Farmon ijrosini samarali tashkil etishga masʼul va shaxsiy javobgar etib Investitsiyalar va tashqi savdo vazirining birinchi oʻrinbosari A.B. Voitov, “Oʻzsanoatqurilishmateriallari” uyushmasi huzuridagi Qurilish materiallari sanoatini rivojlantirish boʻyicha kengash raisi S.S. Annaklichev hamda Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari belgilansin.

Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti maslahatchisi R.A. Gulyamov va Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 9-iyun,

PF-6244-son

Oldingi tahrirga qarang.

(1-ilova Oʻzbekiston Respublikasi Prezidentining 2023-yil 10-noyabrdagi PF-193-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 11.11.2023-y., 06/23/193/0844-son)

Oʻzbekiston Respublikasi Prezidentining 2021-yil 9-iyundagi PF-6244-son Farmoniga
2-ILOVA

Qurilish materiallari ishlab chiqarishga ixtisoslashgan tumanlar (shaharlar)

ROʻYXATI

T/r	Tumanlar (shaharlar)	Tuman (shahar)ning ixtisoslashuvi
1.	Qoraqalpogʻiston Respublikasi Qoraoʻzak tumani	Sement va undan qurilish materiallarini ishlab chiqarish, vermikulitni qayta ishlash
2.	Andijon viloyati Buloqboshi tumani	Marmar buyumlar, gazbeton bloklari va pardozbop gʻishtlarni ishlab chiqarish
3.	Buxoro viloyati Peshku tumani	Tabiiy toshlarni qayta ishlash va pardozbop plitalarni ishlab chiqarish
4.	Buxoro viloyati Qorovulbozor tumani	Silikat mahsulotlar, qurilish plitalari va sement ishlab chiqarish
5.	Jizzax viloyati Forish tumani	Bazalt xomashyosini qayta ishlash asosida qurilish materiallarini ishlab chiqarish
6.	Qashqadaryo viloyati Kitob tumani	Sement ishlab chiqarish va tabiiy tosh (marmar)ni qayta ishlash
7.	Qashqadaryo viloyati Dehqonobod tumani	Qurilish toshi va shagʻalni qayta ishlash asosida qurilish materiallarini ishlab chiqarish
8.	Navoiy viloyati Zarafshon shahri	Gazbeton bloklarini ishlab chiqarish
9.	Navoiy viloyati Gʻozgʻon shahri	Mineral momiq (vata), tabiiy toshlardan pardozbop va qurilish plitalarini ishlab chiqarish
10.	Navoiy viloyati Uchquduq tumani	Kaolinni qayta ishlash, temirbeton buyumlarni ishlab chiqarish
11.	Namangan viloyati Uychi tumani	Pardozbop gʻisht ishlab chiqarish
12.	Namangan viloyati Uchqoʻrgʻon tumani	Pardozbop gʻisht ishlab chiqarish
13.	Namangan viloyati Chust tumani	Pardozbop gʻisht ishlab chiqarish
14.	Namangan viloyati Pop tumani	Tabiiy toshni qayta ishlash, pardozbop plitalarni ishlab chiqarish
15.	Samarqand viloyati Nurobod tumani	Gips va silikat materiallar, sement ishlab chiqarish, tabiiy toshni qayta ishlash
16.	Samarqand viloyati Paxtachi tumani	Gips buyumlar va mineral momiq (vata) ishlab chiqarish, tabiiy toshni qayta ishlash
17.	Sirdaryo viloyati Xovos tumani	Temirbeton buyumlar ishlab chiqarish
18.	Surxondaryo viloyati Boysun tumani	Sement va gipsokarton buyumlar ishlab chiqarish
19.	Surxondaryo viloyati Sherobod tumani	Gips buyumlar, sement, temirbeton buyumlar ishlab chiqarish, tabiiy toshni qayta ishlash
20.	Surxondaryo viloyati Sariosiyo tumani	Gips buyumlar, sement, temirbeton buyumlar ishlab chiqarish, tabiiy toshni qayta ishlash
21.	Toshkent viloyati Ohangaron tumani	Gips buyumlar, sement, temirbeton buyumlar, mineral momiq (vata) ishlab chiqarish, tabiiy toshni qayta ishlash
22.	Fargʻona viloyati Oʻzbekiston tumani	Gips va keramik buyumlar, sement, temirbeton buyumlar, tabiiy boʻyoqlar ishlab chiqarish
23.	Xorazm viloyati Hazorasp tumani	Pardozbop gʻisht va gulqogʻoz (oboy) ishlab chiqarish
24.	Xorazm viloyati Tuproqqalʼa tumani	Gulqogʻoz (oboy) va keramik plitalar ishlab chiqarish

Oʻzbekiston Respublikasi Prezidentining 2021-yil 9-iyundagi PF-6244-son Farmoniga
3-ILOVA

“Oʻzsanoatqurilishmateriallari” uyushmasi huzuridagi Qurilish materiallari sanoatini rivojlantirish boʻyicha kengash

TARKIBI

S. Annaklichev	—	“Oʻzsanoatqurilishbank” ATB boshqaruv raisi, kengash raisi
lavozimi boʻyicha	—	“Oʻzsanoatqurilishmateriallari” uyushmasi raisi, kengash aʼzosi
A. Kadirxodjayev	—	Davlat geologiya qoʻmitasi raisi oʻrinbosari, kengash aʼzosi
A. Akbarjonov	—	“Oʻzsanoatqurilishbank” ATB boshqaruv raisining birinchi oʻrinbosari, kengash aʼzosi
B. Mamatov	—	Iqtisodiy taraqqiyot va kambagʻallikni qisqartirish vazirligi boshqarma boshligʻi, kengash aʼzosi
A. Xamidov	—	Investitsiyalar va tashqi savdo vazirligi boshqarma boshligʻi, kengash aʼzosi

Oʻzbekiston Respublikasi Prezidentining 2021-yil 9-iyundagi PF-6244-son Farmoniga
4-ILOVA

Muvofiqligi ishlab chiqaruvchi (yetkazib beruvchi) tomonidan deklaratsiya qilish orqali tasdiqlanadigan qurilish materiallari

ROʻYXATI

T/r	Qurilish materiallari	TIF TN kodlari
1.	Kvars	2506100000
2.	Bentonit	2508100000
3.	Marmar	2515110000, 2515120000 2515200000
4.	Granit	2516110000, 2516120000 2516200000, 2516900000
5.	Mayda toshlar, mayda shagʻal va shagʻal	2517101000, 2517102000
6.	Gips	2520100000, 2520200000
7.	Asbest	2524100000, 2524900000
8.	Sement, gips yoki boshqa mineral bogʻlovchi moddalar bilan aglomeratlangan oʻsimlik tolalari, somon yoki paraxa, payraha, boʻlakchalar, qirindilar va boshqa yogʻoch chiqindilaridan tayyorlangan panellar, plitalar, plitkalar, bloklar va shunga oʻxshash buyumlar	6808000000
9.	Gips yoki uning asosidagi qorishmalardan tayyorlangan buyumlar	6809110000, 6809190000 6809900000
10.	Asbotsement, sellyuloza tolali sement yoki shunga oʻxshash materiallardan tayyorlangan buyumlar	6811400001, 6811400002 6811400009, 6811810000 6811820000, 6811890000
11.	Kremniyga boy tosh qumidan tayyorlangan gʻishtlar, bloklar, plitkalar va boshqa keramika buyumlar	6901000000
12.	Oʻtga chidamli boshqa keramika buyumlar	6903100000, 6903201000 6903209000, 6903901000 6903909000
13.	Cherepitsa, deflektorlar, tutun quvurlari ustidagi soyabonlar, dudburonlar qismlari, keramikadan yasalgan meʼmoriy bezaklar va boshqa qurilish qismlari	6905100000, 6905900000
14.	Keramik quvurlar, izolatsiya quvurlari, oqova suv quvurlari va quvurlar fitinglari	6906000000
15.	Koʻchaga yotqizish uchun moʻljallangan plitalar, pollar uchun, pechlar, kaminlar yoki devorlar uchun keramik koshinlar (pardozlash plitkalari); mozaika ishlari uchun keramik kubiklar va uning asosida yoki usiz shunga oʻxshash buyumlar; keramik pardozlash buyumlari	6907211000 6907219001 6907219002, 6907219003 6907219009, 6907221000 6907229001, 6907229002 6907229003, 6907229004 6907229005, 6907229009 6907231000, 6907239001 6907239002, 6907239003 6907239004, 6907239005 6907239009, 6907301000 6907309001, 6907309009 6907401000, 6907409001 6907409002, 6907409003 6907409004, 6907409005 6907409009
16.	Keramika rakovinalar, bet-qoʻl yuvgichlar, rakovina konsollari, vannalar, bide, chanoqlar (unitazlar), suv quyish bachoklari, pissuarlar va shunga oʻxshash sanitar-texnik buyumlar	6910100000, 6910900000
17.	Issiq holatda prokatlangan, plakirovkalanmagan, galvanik yoki boshqa qoplamasi boʻlmagan eni 600 mm yoki undan koʻp boʻlgan, temir yoki legirlanmagan poʻlatdan yassi prokat	7208100000, 7208250000 7208260000, 7208270000 7208360000, 7208370000 7208380000, 7208390000 7208400000, 7208512001 7208512009, 7208519100 7208519800, 7208521000 7208529100, 7208529900 7208531000, 7208539000 7208540000, 7208902000 7208908000
18.	Sovuq holatda prokatlangan (sovuq holatda siqilgan), plakirovkalanmagan, galvanik yoki boshqa qoplamasi boʻlmagan eni 600 mm yoki undan koʻp boʻlgan temir yoki legirlanmagan poʻlatdan yassi prokat	7209150000, 7209161000 7209169000, 7209171000 7209179000, 7209181000 7209189100, 7209189900 7209250000, 7209261000 7209269000, 7209271000 7209279000, 7209281000 7209289000, 7209902000 7209908000
19.	Plakirovkalangan, galvanik yoki boshqa qoplamali eni 600 mm yoki undan qalinroq temir yoki legirlanmagan poʻlatdan yassi prokat	7210110000, 7210122000 7210128000, 7210200000 7210300000, 7210410000 7210490000, 7210500000 7210610000, 7210690000 7210701000, 7210708000 7210903000, 7210904000 7210908000
20.	Plakirovkalanmagan, galvanik yoki boshqa qoplamasi boʻlmagan eni 600 mm dan kam boʻlgan temir yoki legirlanmagan poʻlatdan yassi prokat	7211130000, 7211140000 7211190000, 7211232000 7211233000, 7211238000 7211290000, 7211902000 7211908000
21.	Plakirovkalangan, galvanik yoki boshqa qoplamali eni 600 mm dan kam boʻlgan temir yoki legirlanmagan poʻlatdan yassi prokat	7212101000, 7212109000 7212200000, 7212300000 7212402000, 7212408000 7212502000, 7212503000 7212504000, 7212506100 7212506900, 7212509000 7212600000
22.	Metall quymasi yoki boshqa dastlabki shakllardagi korroziyaga chidamli poʻlat; korroziyaga chidamli poʻlatdan yarim tayyor mahsulotlar	7218100001, 7218100009 7218911000, 7218918000 7218991100, 7218991900 7218992000, 7218998000
23.	Korroziyaga chidamli poʻlatdan eni 600 mm yoki undan koʻp boʻlgan yassi prokat	7219110000, 7219121000 7219129000, 7219131000 7219139000, 7219141000 7219149000, 7219211001 7219211009, 7219219000 7219221001, 7219221009 7219229000, 7219230001 7219230009, 7219240001 7219240009, 7219310000 7219321001, 7219321009 7219329000, 7219331001 7219331009, 7219339000 7219341001, 7219341009 7219349001, 7219349009 7219351000, 7219359000 7219902000, 7219908001 7219908009
24.	Korroziyaga chidamli poʻlatdan eni 600 mm dan kam boʻlgan yassi prokat	7220110001, 7220110009 7220120000, 7220202100 7220202900, 7220204100 7220204900, 7220208100 7220208900, 7220902000 7220908000
25.	Korroziyaga chidamli poʻlatdan oʻramlarga erkin oʻralgan issiq holatda prokatlangan chiviqlar	7221001000, 7221009000
26.	Korroziyaga chidamli poʻlatdan boshqa chiviqlar	7222111101, 7222111109 7222111900, 7222118101 7222118109, 7222118901 7222118909, 7222191000 7222199000, 7222201101 7222201109, 7222201900 7222202100, 7222202900 7222203100, 7222203900 7222208100, 7222208900 7222305101, 7222305109 7222309100, 7222309701 7222309709
27.	Korroziyaga chidamli poʻlatdan sim	7223001100, 7223001901 7223001909, 7223009100 7223009900
28.	Metall quymasi yoki boshqa dastlabki shakllardagi legirlangan poʻlatning boshqa turla�i; legirlangan poʻlatning boshqa turlaridan yarim tayyor mahsulotlar	7224101000, 7224109000 7224900200, 7224900300 7224900500, 7224900700 7224901400, 7224901800 7224903100, 7224903800 7224909000
29.	Legirlangan poʻlatning boshqa turlaridan eni 600 mm yoki undan koʻp boʻlgan yassi prokat	7225110000, 7225191000 7225199000, 7225301000 7225303000, 7225309000 7225401201, 7225401209 7225401501, 7225401509 7225404000, 7225406000 7225409000, 7225502000 7225508000, 7225910000 7225920000, 7225990000
30.	Legirlangan poʻlatning boshqa turlaridan eni 600 mm yoki undan kam boʻlgan yassi prokat	7226110000, 7226191000 7226198000, 7226200000 7226912000, 7226919100 7226919900, 7226920000 7226991000, 7226993000 7226997000
31.	Legirlangan poʻlatning boshqa turlaridan oʻramlarga erkin oʻralgan issiq holatda prokatlangan chiviqlar	7227100000, 7227200000 7227901000, 7227905000 7227909500
32.	Legirlangan poʻlatning boshqa turlaridan yasalgan boshqa chiviqlar; legirlangan poʻlatning boshqa turlaridan burchaklar, shakldor va maxsus profillar; burgʻulash ishlari uchun legirlangan va legirlanmagan poʻlatdan ichi gʻovak chiviqlar	7228102000, 7228105000 7228109000, 7228201000 7228209100, 7228209900 7228302000, 7228304100 7228304900, 7228306100 7228306900, 7228307000 7228308900, 7228401000 7228409000, 7228502000 7228504000, 7228506100 7228506900, 7228508000 7228602000, 7228608000 7228701000, 7228709000 7228800000, 7229200000
33.	Legirlangan poʻlatning boshqa turlaridan simlar	7229902000, 7229905000, 7229909000

(Qonunchilik maʼlumotlari milliy bazasi, 09.06.2021-y., 06/21/6244/0539-son, 16.12.2021-y., 06/21/34/1164-son; 10.06.2022-y., 06/22/150/0516-son; 11.11.2023-y., 06/23/193/0844-son)