Oʻzbekiston Respublikasi Prezidentining “Shaxsiy yordamchi va dehqon xoʻjaliklarini davlat yoʻli bilan qoʻllab-quvvatlash va mamlakatni oziq-ovqat bilan taʼminlashda ularning rolini kuchaytirish borasidagi chora-tadbirlar toʻgʻrisida” 1997-yil 18-martdagi PF—1737-son Farmonini bajarish yuzasidan Vazirlar Mahkamasi qaror qiladi:

1. Belgilansinki:

shaxsiy yordamchi va dehqon xoʻjaliklarini qoʻllab-quvvatlashning asosiy boʻgʻini boʻlib ularning tuman uyushmalari hisoblanadi;

Qoraqalpogʻiston Respublikasida va viloyatlarda shaxsiy yordamchi va dehqon xoʻjaliklarining hududiy uyushmalari tuziladi, ular tegishli tuman uyushmalarini birlashtiradilar va hududiy uyushmalarga berilgan funksiyalarning bajarilishi uchun ular oldida javob beradilar;

Shaxsiy yordamchi va dehqon xoʻjaliklari uyushmasi aʼzolariga Vazirlar Mahkamasining 1997-yil 21-fevraldagi 98-son qarorining 5-bandiga muvofiq “Oʻzulgurjimevasabzavot” kompaniyasining qishloq xoʻjaligi mahsulotlari yetishtiruvchilarga sotish va erkin sotish uchun moʻljallangan aksiyalarini sotib olishda ustun huquq beriladi.

2. Quyidagilarga:

Shaxsiy yordamchi va dehqon xoʻjaliklari uyushmasining tashkiliy tuzilmasiga 1-ilovaga va Uyushma ijro etuvchi apparati tuzilmasiga 2 va 2a-ilovalarga muvofiq;

shaxsiy yordamchi va dehqon xoʻjaliklari viloyat va tuman uyushmalari apparatining namunaviy tuzilmasiga 3 va 4-ilovalarga muvofiq;

Respublika uyushmasi ijro etuvchi apparati xodimlari cheklangan sonining (xizmat koʻrsatuvchi xodimlardan tashqari) 30 nafar boʻlishiga rozilik berilsin.

Quyidagilar maʼlumot uchun qabul qilinsin:

Shaxsiy yordamchi va dehqon xoʻjaliklari uyushmasi Oʻzbekiston Tovar ishlab chiqaruvchilar va tadbirkorlar palatasining jamoa aʼzosi, hududiy uyushmalar esa Palata tegishli boʻlinmalarining jamoa aʼzolari hisoblanadilar;

Shaxsiy yordamchi va dehqon xoʻjaliklari uyushmasining raisi uyushmaning yuqori organi — syezd tomonidan saylanadi va Vazirlar Mahkamasi tomonidan tasdiqlanadi, tuman, viloyat (Qoraqalpogʻiston Respublikasi) uyushmalarining raislari esa tegishli hokimliklar tavsiyanomasiga koʻra konferensiyalarda saylanadilar;

respublika, viloyatlar va tumanlar uyushmalari ijro etuvchi apparatlarini mablagʻ bilan taʼminlash uning qatnashchilarining ishlab chiqarish faoliyatidan ixtiyoriy ajratmalar, shuningdek, uyushma taʼsis etgan, yakka tartibda qishloq xoʻjaligi mahsulotlari yetishtiruvchilarga xizmat koʻrsatuvchi korxonalar va tashkilotlar daromadlari hisobiga amalga oshiriladi.

3. “Oʻzulgurjimevasabzavot” kompaniyasi, Oʻzbekiston Respublikasi Davlat mulki qoʻmitasi, Adliya vazirligi:

ikki hafta muddatda tuman va hududiy uyushmalarning namunaviy ustavlarini ishlab chiqsinlar;

Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda shaxsiy yordamchi va dehqon xoʻjaliklarining tuman, viloyat va respublika (Qoraqalpogʻiston Respublikasi) uyushmalarini belgilangan tartibda tashkil etishni taʼminlasinlar.

4. Belgilab qoʻyilsinki, shaxsiy yordamchi va dehqon xoʻjaliklari hududiy uyushmalari oʻz faoliyatlarini taʼsis konferensiyasi tasdiqlagan Ustavga muvofiq amalga oshiradilar va oʻz faoliyatlarida tegishli ravishda Qoraqalpogʻiston Respublikasi Vazirlar Kengashiga, viloyatlar va tumanlar hokimliklariga boʻysunadilar.

5. Shaxsiy yordamchi xoʻjaliklar egalari uyushmalari egallab kelgan xonalar viloyat va tumanlar uyushmalari ixtiyorida saqlab qolinsin. Qoraqalpogʻiston Respublikasi Vazirlar Kengashi, viloyatlar va tumanlar hokimliklari shaxsiy yordamchi va dehqon xoʻjaliklari uyushmalariga xizmat xonalarini zarur anjomlar hamda aloqa vositalari bilan jihozlashda yordam koʻrsatsinlar.

Toshkent shahar hokimligi Shaxsiy yordamchi va dehqon xoʻjaliklari uyushmasi ijro etuvchi apparatini Toshkent shahar, A. Qodiriy koʻchasi, 5a-uyga joylashtirsin. Aloqa vazirligi Uyushmani telefon aloqasi, shu jumladan, hukumat telefon aloqasi bilan taʼminlasin.

6. Mazkur qarorning bajarilishini nazorat qilish Bosh vazirning birinchi oʻrinbosari Q.F. Obidov va bosh vazir oʻrinbosari M.3. Usmonov zimmasiga yuklansin.

Uyushma raisi — “Oʻzulgurjimevasabzavot” kompaniyasi bosh direktorining birinchi oʻrinbosari

Rais oʻrinbosari

Rais oʻrinbosari

Prognozlashtirish hamda shaxsiy yordamchi va dehqon xoʻjaliklari ishlab chiqarish-moliya faoliyatini tahlil qilish boʻlimi

Kontraktatsiya shartnomalari, dehqonchilik va chorvachilik mahsulotlari yetishtirishni muvofiqlashtirish boʻlimi

Marketing, qishloq xoʻjaligi mahsulotlarini qayta ishlash va sotishni muvofiqlashtirish boʻlimi

Shaxsiy yordamchi va dehqon xoʻjaliklarini moddiy-texnik taʼminlashni va ularga servis xizmati koʻrsatishni muvofiqlashtirish boʻlimi

Moliya-hisob-kitob boshqarmasi

Yuridik xizmat koʻrsatish va kadrlar tayyorlash, ularning malakasini oshirishni muvofiqlashtirish boʻlimi

Maʼmuriy-xoʻjalik boʻlimi

Xodimlar soni — 10—12 kishi atrofida

Xodimlar soni — 6—9 kishi atrofida