PQ-5033-сон 23.03.2021. Kulolchilikni jadal rivojlantirish va qoʻllab-quvvatlash chora-tadbirlari toʻgʻrisida

Oʻzbekiston Respublikasi Prezidentining

Qarori

Kulolchilikni jadal rivojlantirish va qoʻllab-quvvatlash chora-tadbirlari toʻgʻrisida

Mamlakatimizda qadimdan milliy qadriyat sifatida rivojlanib kelayotgan kulolchilik anʼanalarini asrab-avaylash, xalqaro miqyosdagi nufuzini oshirish, har bir oila, jamoa, idora va tashkilotlarda uni keng targʻib etish, xalq ustalarining mehnatini munosib ragʻbatlantirish, aholining keng qatlamlarini, ayniqsa yoshlarni jalb etish orqali sifatli kulolchilik mahsulotlarini ichki va tashqi bozorga chiqarish uchun qulay shart-sharoitlar yaratish maqsadida:

1. Quyidagilar anʼanaviy va zamonaviy kulolchilikni yanada rivojlantirishning asosiy yoʻnalishlari etib belgilansin:

kulolchilik yoʻnalishida zarur xom ashyo bazasini yaratish, kulollarga yer maydonlari va binolar ajratish, muhandislik-kommunikatsiya tarmoqlariga ulash, asbob-uskuna va jihozlar bilan taʼminlash, qulay shartlarda kreditlar ajratish;

hududlarda kulolchilik anʼanalarini tiklash va rivojlantirish maqsadida sohada ixtisoslashgan markazlar va galereyalar tashkil etish, kulolchilik mahsulotlari ishlab chiqarilishini kengaytirish;

kulolchilik faoliyati bilan shugʻullanayotgan hunarmandlarni (keyingi oʻrinlarda — kulollar) har tomonlama qoʻllab-quvvatlash, usta-shogird maktablari faoliyatini tubdan takomillashtirish orqali yoshlarni sohaga keng jalb qilish va shu asosda yangi ish oʻrinlarini yaratish;

sohaning yetuk namoyandalari tajribasi asosida kulolchilik anʼanalarini milliy iftixor ramzi sifatida har bir oila, xonadon, mahalla hamda idora va tashkilotlarda keng targʻib qilish boʻyicha loyihalarni amalga oshirish.

2. Oʻzbekiston Respublikasida kulolchilik mahsulotlari ishlab chiqarishni kengaytirish va sanoat darajasiga olib chiqish maqsadida:

2021 — 2023-yillarda kulolchilik mahsulotlarini ishlab chiqarish hajmini oshirish boʻyicha istiqbolli reja koʻrsatkichlari 1-ilovaga muvofiq;

2021-2022-yillarda kulolchilik rivojlangan hududlarda qurilishi rejalashtirilgan kulolchilik markazlarining manzilli roʻyxati 2-ilovaga muvofiq;

respublika hududidagi hunarmandchilik markazlari, yirik savdo majmualari, turistik marshrutga kiritilgan obyektlar va bozorlarda kulolchilik mahsulotlari savdosini tashkil qilish boʻyicha manzilli roʻyxat 3-ilovaga muvofiq;

Oʻzbekiston Respublikasining xorijiy davlatlardagi diplomatik vakolatxonalari binolarida tashkil etilgan shourum, yirik shaharlarda ochilgan doimiy ishlab turuvchi koʻrgazma zali va savdo doʻkonlariga mahsulot namunalari yetkazib berishni yoʻlga qoʻyish boʻyicha “Yoʻl-xaritasi” 4-ilovaga muvofiq tasdiqlansin.

3. Yangidan tashkil etiladigan kulolchilik markazlaridagi turar va noturar joylar uchun mol-mulk va yer soligʻi stavkalari mazkur turar va noturar joylarga nisbatan mulk huquqi kulollarga berilgan oydan boshlab uch yil davomida 50 foiz miqdorida oʻrnatilsin.

Quyidagilar:

“Hunarmand” uyushmasining aʼzolari hunarmandchilik faoliyati mahsulotlari (tovar, ish, xizmatlar)ni ishlab chiqarish va sotishda qatʼiy belgilangan miqdorlarda jismoniy shaxslardan olinadigan daromad soligʻidan ozod etilganligi;

Oldingi tahrirga qarang.

qishloq joylarda roʻyxatdan oʻtgan va faoliyatini amalga oshirayotgan hunarmandlar oʻz faoliyatining dastlabki ikki yili mobaynida Iqtisodiyot va moliya vazirligi huzuridagi budjetdan tashqari Pensiya jamgʻarmasiga belgilangan ijtimoiy soliqning 50 foizini toʻlashi;

(3-bandning toʻrtinchi xatboshisi Oʻzbekiston Respublikasi Prezidentining 2024-yil 14-noyabrdagi PF-185-sonli Farmoni tahririda — Qonunchilik maʼlumotlari milliy bazasi, 21.11.2024-y., 06/24/185/0944-son)

“Hunarmand” uyushmasi tomonidan kulollarning murojaatlariga asosan bir ish kunida roʻyxatdan oʻtkazish va aʼzolik guvohnomasi berish tizimi yaratilganligi maʼlumot uchun qabul qilinsin.

4. Vazirlar Mahkamasi joriy yilda tijorat banklari tomonidan Oilaviy tadbirkorlikni rivojlantirish dasturlari doirasida hunarmandchilik uchun Markaziy bankning asosiy stavkasida 500,0 milliard soʻm miqdorida kredit ajratilishini taʼminlasin.

5. Moliya vazirligi Oʻzbekiston Respublikasi Prezidentining 2017-yil 17-noyabrdagi “Hunarmand” uyushmasi faoliyatini yanada takomillashtirish chora-tadbirlari toʻgʻrisida”gi PQ-3393-son qarori bilan tashkil etilgan “Hunarmand” uyushmasi tasarrufidagi “Craft and art” MCHJga quyidagi asosiy vazifalarni amalga oshirish uchun Vazirlar Mahkamasining zaxira jamgʻarmasi hisobidan 2021-yilda 5,0 milliard soʻm, 2022-yilda 5,0 milliard soʻm subsidiya ajratsin:

mazkur qarorning 4-ilovasiga muvofiq xorijiy davlatlardagi diplomatik vakolatxonalar binolarida tashkil etilgan shourum, yirik shaharlarda ochilgan doimiy ishlab turuvchi koʻrgazma zali va savdo doʻkonlariga mahsulot namunalari yetkazib berishni yoʻlga qoʻyish;

kulolchilik mahsulotlarini respublikaning olis va boshqa hududlaridan sotib olish hamda realizatsiya va eksport qilish ishlarini, shu jumladan xorijiy elektron tijorat maydonchalari orqali tashkil etish;

mamlakatimizning turizm rivojlangan tuman (shahar)larida faoliyat olib boruvchi milliy hunarmandchilik savdo doʻkonlarini kulolchilik mahsulotlari bilan taʼminlash.

Savdo-sanoat palatasi “Hunarmand” uyushmasi bilan birgalikda “Craft and art” MCHJga ajratilgan mablagʻlarning maqsadli foydalanilishi ustidan nazorat oʻrnatsin.

6. Bandlik va mehnat munosabatlari vazirligi “Hunarmand” uyushmasi, Savdo-sanoat palatasi va Moliya vazirligi bilan birgalikda Bandlikka koʻmaklashish davlat jamgʻarmasi hisobidan 2021-yil 1-aprelga qadar usta-shogird anʼanalari asosida yoshlarga hunar oʻrgatayotgan kulollarga shogirdlar tayyorlashi, zarur xom ashyo sotib olishi va shogirdlarni ish haqi bilan taʼminlashi uchun subsidiyalar ajratish tartibini joriy etsin.

Iqtisodiy taraqqiyot va kambagʻallikni qisqartirish vazirligi Bandlik va mehnat munosabatlari vazirligi hamda “Hunarmand” uyushmasi bilan birgalikda davlat tomonidan qoʻllab-quvvatlashning qonunchilikda belgilangan choralaridan foydalangan holda kulolchilikka oʻqitish markazlari faoliyatini rivojlantirish choralarini koʻrsin.

7. Mahalla va oilani qoʻllab-quvvatlash vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda har yili “Temir daftar”, “Ayollar daftari” hamda “Yoshlar daftari”ga kiritilgan yangi turmush qurayotgan yuz ming nafar xotin-qizlarga reja boʻyicha kulolchilik mahsulotlari toʻplamini sovgʻa qilish tizimini yoʻlga qoʻysin.

Bunda, kulolchilik mahsulotlari Mahalla va oilani qoʻllab-quvvatlash vazirligi huzuridagi “Obod va xavfsiz mahalla” jamgʻarmasi mablagʻlari hisobidan taʼminlanishi belgilansin.

8. Davlat korxonalari, hokimliklar, banklar hamda xoʻjalik yurituvchi subyektlarga:

ularda faoliyat olib boruvchi xodimlarga Navroʻz umumxalq bayrami, Mustaqillik bayrami arafasida, toʻy-marosim va boshqa tadbirlarda tashkilotning budjetdan tashqari mablagʻlari hisobidan kulolchilik mahsulotlari toʻplamini sovgʻa tariqasida berish;

oʻzlari joylashgan binoning kirish qismida mahalliy kulolchilik mahsulotlari namunalari burchagi tashkil etish tavsiya etilsin.

Transport vazirligi Turizmni rivojlantirish davlat qoʻmitasi bilan birgalikda bir oy muddatda xalqaro aeroportlar “Duty free” hududlarida va temir yoʻl vokzallarida kulolchilik va boshqa turdagi hunarmandchilik mahsulotlari savdosi uchun maxsus joylar ajratilishini taʼminlasin.

9. Moliya vazirligi davlat muzeylari ehtiyojidan kelib chiqib kulollarning milliy qadriyatlarni aks ettirgan mualliflik asarlarini sotib olish uchun zarur boʻladigan mablagʻlarni 2021-yilda ajratsin hamda 2022-yildan boshlab Oʻzbekiston Respublikasi Davlat budjeti xarajatlari parametrlarida nazarda tutsin.

10. Vazirlik, idoralar, tijorat banklari hamda davlat korxonalariga 2022-yil 1-sentabrga qadar kulollar bilan toʻgʻridan-toʻgʻri shartnoma tuzish orqali kulolchilik mahsulotlarini xarid qilishga ruxsat berilsin.

Vazirlar Mahkamasi bir oy muddatda vazirlik va idoralar, banklar, davlat korxonalarining kulolchilik mahsulotlarini xarid qilish yuzasidan reja grafigini tasdiqlasin.

“Hunarmand” uyushmasi Iqtisodiy taraqqiyot va kambagʻallikni qisqartirish vazirligi hamda davlat xaridlari boʻyicha maxsus axborot portali operatorlari bilan birgalikda Elektron kooperatsiya portali hamda davlat xaridlari boʻyicha maxsus axborot portaliga uch oyda 20 tagacha, yil yakuniga qadar kamida 50 nafar kulollarni jalb qilish yuzasidan choralar koʻrsin.

11. “Oʻzsanoatqurilishbank” ATBning Fargʻona viloyati Rishton tumanida tashkil etilgan “Xalqaro kulolchilik markazi” hududida kulollar uchun qurilgan xonadonlarni ular tomonidan sotib olish maqsadida:

“Oʻzsanoatqurilishbank” ATB tomonidan xonadonlar qiymatining 50 foizi miqdorida kulollarga boshlangʻich badalsiz, faqat mazkur xonadonlar garovi ostida 20 yil muddatga, 3 yil imtiyozli davr bilan, Markaziy bankning asosiy stavkasida ipoteka kreditlarini ajratish;

xonadonlar qiymatining 50 foiz miqdorini “Oʻzsanoatqurilishbank” ATB tomonidan qoplab berish haqidagi takliflari maʼqullansin.

Ushbu mablagʻlar “Oʻzsanoatqurilishbank” ATBning xarajatlariga olib borilsin va foyda soligʻini hisoblashda chegirib tashlansin.

12. Tiklanish va taraqqiyot jamgʻarmasi Fargʻona viloyati Rishton tumanida quriladigan kulolchilik markazlarining tashkil etilishini moliyalashtirish uchun “Oʻzsanoatqurilishbank” ATBga subordinar qarz sifatida 20 yil muddatga, 5 yillik imtiyozli davr bilan Markaziy bankning asosiy stavkasidan 5 foiz punkt past boʻlgan yillik foizda 100,0 milliard soʻmgacha resurs mablagʻlari ajratsin.

Belgilansinki, “Oʻzsanoatqurilishbank” ATB ajratilgan mablagʻlar hisobidan:

Rishton tumanida yana 3 ta kulolchilik markazini qurish maqsadida Fargʻona viloyati hokimligi tomonidan tanlab olingan tashabbuskorlarga — Markaziy bankning asosiy stavkasida kreditlar;

qurib bitkazilgan markazlardagi xonadonlarni sotib olish maqsadida kulollarga — boshlangʻich badalsiz, faqat mazkur xonadonlar garovi ostida 20 yil muddatga, 3 yillik imtiyozli davr bilan Markaziy bankning asosiy stavkasida ipoteka kreditlari;

mamlakat ichki bozorida ishlab chiqarilgan kulolchilik mahsulotlarini xarid qilish uchun aholiga — 3 yil muddatga taʼminotsiz Markaziy bankning asosiy stavkasida isteʼmol kreditlari ajratiladi.

13. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

Oldingi tahrirga qarang.

mazkur qarorning 2-ilovasiga muvofiq 2021-2022-yillarda qurilishi rejalashtirilgan kulolchilik markazlarini tashkil etish uchun zarur boʻlgan boʻsh yer maydonlarini elektron onlayn-auksionga qoʻyilishini taʼminlasin;

(13-bandning ikkinchi xatboshisi Oʻzbekiston Respublikasi Prezidentining 2021-yil 8-iyundagi PF-6243-sonli Farmoni tahririda — Qonunchilik maʼlumotlari milliy bazasi, 09.06.2021-y., 06/21/6243/0540-son — 2021-yil 1-avgustdan kuchga kiradi)

Energetika vazirligi, Uy-joy kommunal xizmat koʻrsatish vazirligi, “Hududiy elektr tarmoqlari” AJ va “Hududgaztaʼminot” AJ bilan birgalikda kulolchilik markazlari foydalanishga topshirilgunga qadar ularni tashqi muhandislik-kommunikatsiya tarmoqlari bilan taʼminlash “Hududiy elektr tarmoqlari” AJ, “Hududgaztaʼminot” AJ va mahalliy budjetning qoʻshimcha mablagʻlari hisobidan amalga oshirsin.

14. “Oʻzbekiston pochtasi” AJ bir oy muddatda kulolchilik mahsulotlarini xorijiy davlatlarga pochta joʻnatmasi sifatida joʻnatishda amalda belgilangan tarif stavkalariga 50 foizgacha chegirmalar taqdim etish yuzasidan Vazirlar Mahkamasiga taklif kiritsin.

15. Axborot texnologiyalari va kommunikatsiyalarini rivojlantirish vazirligi “Hunarmand” uyushmasi bilan birgalikda uch oy muddatda kulolchilik mahsulotlarini ichki va tashqi bozorlarda sotish va sotib olish yuzasidan yagona platformaning ishga tushirilishini taʼminlasin.

Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi Savdo-sanoat palatasi, “Hunarmand” uyushmasi bilan birgalikda kulollarga marketing sohasida doimiy amaliy yordam koʻrsatsin va ularning mahsulotlari elektron tijorat (E-commerce) yoʻnalishida keng qoʻllaniladigan Internet jahon axborot tarmogʻi veb-saytlari orqali sotilishida zarur tashkiliy ishlarni yoʻlga qoʻysin.

16. Geologiya va mineral resurslar davlat qoʻmitasi Tuproqshunoslik va agrokimyo ilmiy-tadqiqot instituti, Savdo-sanoat palatasi, “Hunarmand” uyushmasi va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda:

kulolchilikda ishlatiladigan tuproq turlari zaxiralari mavjud yerlarning manzilli roʻyxatini shakllantirsin;

kulollar uchun zarur tuproq turlari karyerlaridan foydalanish tartibini ishlab chiqib, Vazirlar Mahkamasiga kiritsin.

17. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari “Hunarmand” uyushmasi, Savdo-sanoat palatasi va Badiiy akademiya bilan birgalikda bir oy muddatda “Eng mohir kulol” shiori ostida koʻrgazma-tanlovni oʻtkazish boʻyicha tartib ishlab chiqsin va tasdiqlasin.

Anʼanaviy kulolchilik sanʼati ustalari, sanʼatshunoslar, arxeologlarni jalb qilgan holda kulolchilikni chuqur ilmiy oʻrganish, xalqaro kulolchilik gildiyalari bilan hamkorlik aloqalarini yoʻlga qoʻyish, oʻzaro tajriba almashish hamda jahon talablariga mos sifatli mahsulotlar tayyorlashni targʻib qilish maqsadida Hunarmand uyushmasi qoshida “Anʼanaviy kulolchilik ustalari Kengashi” tashkil etilganligi maʼlumot uchun qabul qilinsin.

18. Madaniyat vazirligi Qurilish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Savdo-sanoat palatasi, “Hunarmand” uyushmasi bilan birgalikda tarixiy obidalarni taʼmirlash ishlariga kulol (koshinpaz)larni keng jalb qilish choralarini koʻrsin.

19. Fargʻona viloyati hokimligi, Savdo-sanoat palatasi, “Hunarmand” uyushmasi ikki oy muddatda:

Madaniyat vazirligi, Turizmni rivojlantirish davlat qoʻmitasi va Badiiy akademiya bilan birgalikda Rishton shahrida “Xalqaro kulolchilik festivali” hamda festival doirasida “Anʼanaviy kulolchilikni saqlash va uni rivojlantirish: muammo va yechimlar” mavzusida ilmiy-amaliy konferensiyani tashkil etish boʻyicha normativ-huquqiy hujjat loyihasini;

Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi bilan birgalikda Rishton tumanida tashkil etiladigan kulolchilik markazlari faoliyatini qoʻllab-quvvatlash maqsadida logistika markazi va laboratoriya tashkil etish hamda klaster tizimini joriy qilish boʻyicha takliflarni Vazirlar Mahkamasiga kiritsin.

20. Madaniyat vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, “Oʻzbekkino” Milliy agentligi, “Hunarmand” uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari kulolchilik mahsulotlarini keng targʻib qilishda shaxsan masʼul ekanligi belgilansin.

Bunda:

oʻzbek milliy anʼanaviy kulolchilik tarixi, uning taniqli namoyandalari ijodiy faoliyatini yoritish hamda keng targʻib etishga bagʻishlangan ilmiy-ommabop asarlarni yaratish, nashr etish va hujjatli filmlar ishlash;

kulolchilik tarixi hamda bugungi rivojini keng targʻib qilish maqsadida Oʻzbekiston milliy teleradiokompaniyasi, Oʻzbekiston Elektron ommaviy axborot vositalari milliy assotsiatsiyasi, Oʻzbekiston Milliy axborot agentligi, “Dunyo” axborot agentligi va boshqa ommaviy axborot vositalarida keng yoritib borish;

hududlarda kulolchilik mahsulotlari ishlab chiqarishni kengaytirish hamda ular milliy iftixor ramzi sifatida har bir xonadonga kirib borishini taʼminlash yuzasidan targʻibot olib borish;

dunyoning yetakchi ommaviy axborot vositalari orqali Oʻzbekistondagi anʼanaviy kulolchilikka koʻrsatilayotgan eʼtiborni keng yoritish, ushbu yoʻnalishdagi reklama roliklarini tayyorlash va namoyish etish bilan xorijiy turistlar oqimini koʻpaytirishga alohida eʼtibor qaratilsin.

Mazkur qarorning mazmun-mohiyati, markazlarning tashkil etilishi bilan bogʻliq amalga oshirilayotgan ishlar ommaviy axborot vositalarida keng yoritilsin.

21. Oʻzbekiston Respublikasi Prezidentining 2019-yil 28-noyabrdagi “Hunarmandchilikni yanada rivojlantirish va hunarmandlarni qoʻllab-quvvatlash boʻyicha qoʻshimcha chora-tadbirlar toʻgʻrisida”gi PQ-4539-son qarori 9-bandining uchinchi xatboshisi quyidagi tahrirda bayon etilsin:

“AT Xalq banki, “Mikrokreditbank” ATB va “Agrobank” ATB ushbu manbalar hisobidan “Hunarmand” uyushmasi aʼzolariga ishlab chiqarish ehtiyojlari uchun asbob-uskuna, ehtiyot qismlar va xom ashyo materiallarini xarid qilish, hunarmandchilikni rivojlantirish markazlari, “usta-shogird” maktablarini tashkil etish, uy-muzeyi va ustaxonalar qurish yoki shu maqsadlarda bino va inshootlar sotib olish uchun 36 oygacha muddatga hamda aylanma mablagʻlarini toʻldirish uchun 18 oygacha muddatga, Oʻzbekiston Respublikasi Markaziy bankining asosiy stavkasidan oshmaydigan holda, bazaviy hisoblash miqdorining 250 baravarigacha, Uyushmaning Toshkent shahrida faoliyat yuritadigan aʼzolariga esa, istisno tariqasida, bazaviy hisoblash miqdorining 1 000 baravaridan oshmaydigan miqdorda kreditlar ajratsin”.

22. Savdo-sanoat palatasi “Hunarmand” uyushmasi bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

23. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 23-mart,

PQ-5033-son

Oʻzbekiston Respublikasi Prezidentining 2021-yil 23-martdagi PQ-5033-son qaroriga
1-ILOVA

2021 — 2023-yillarda kulolchilik mahsulotlarini ishlab chiqarish hajmini oshirish boʻyicha istiqbolli

REJA KOʻRSATKICHLARI

T/r	Mahsulot turi	Yillik ishlab chiqarish hajmi (ming dona)			Ishlab chiqaruvchi kulollar soni			Moliyalashtirish manbai va miqdori (mln soʻm)
	Toʻplam	2021-yil	2022-yil	2023-yil	2021-yil	2022-yil	2023-yil	2021-yilda			2022-yilda			2023-yilda
								Loyiha qiymati	Oʻz mablagʻlari hisobidan	Bank krediti	Loyiha qiymati	Oʻz mablagʻlari hisobidan	Bank krediti	Loyiha qiymati	Oʻz mablagʻlari hisobidan	Bank krediti
1.	Lagan	225	315	441	1 137	1 479	1 902	42 896	17 158	25 738	25 583	5 117	20 466	28 265	5 730	22 922
2.	Choynak	225	315	441
3.	Piyola	1 350	1 890	2 646
4.	Kosa	1 350	1 890	2 646
5.	Likop	900	1 260	1 764
6.	Mevadon	450	630	882
7.	Boshqalar (tuzdon, salfetnitsa va boshqalar)	900	1 260	1 764
Jami		5 400	7 560	10 584

Oʻzbekiston Respublikasi Prezidentining 2021-yil 23-martdagi PQ-5033-son qaroriga
2-ILOVA

2021-2022-yillarda kulolchilik rivojlangan hududlarda qurilishi rejalashtirilgan kulolchilik markazlarining

MANZILLI ROʻYXATI

T/r	Hudud	Tuman (shahar) va manzil	Loyihaning taxminiy qiymati	Moliyalashtirish manbai	Masʼullar
1.	Qoraqalpogʻiston Respublikasi	Nukus tumani, Baqanshaqli OFY	300 mln soʻm	Tashabbuskorlar va kredit mablagʻlari	Qoraqalpogʻiston Respublikasi Vazirlar Kengashi, “Hunarmand” uyushmasi
2.	Andijon viloyati	Oltinkoʻl tumani, Farovonlik koʻchasi, 7-uy	-	Tashabbuskorlar va kredit mablagʻlari	Andijon viloyati hokimligi, “Hunarmand” uyushmasi
2.	Andijon viloyati	Paxtaobod tumani, Sogʻlom avlod koʻchasi	-	Tashabbuskorlar va kredit mablagʻlari	Andijon viloyati hokimligi, “Hunarmand” uyushmasi
3.	Buxoro viloyati	Buxoro shahar Imom Buxoriy MFY	20 mlrd soʻm	Tashabbuskorlar va kredit mablagʻlari	Buxoro viloyati hokimligi, “Hunarmand” uyushmasi
4.	Jizzax viloyati	Jizzax shahar, Oʻrda bogʻi	2,5 mlrd soʻm	Tashabbuskorlar va kredit mablagʻlari	Jizzax viloyati hokimligi, “Hunarmand” uyushmasi
5.	Qashqadaryo viloyati	Shahrisabz shahar	2 mlrd soʻm	Tashabbuskorlar va kredit mablagʻlari	Qashqadaryo viloyati hokimligi, “Hunarmand” uyushmasi
6.	Namangan viloyati	Chortoq tumani, Oromgoh MFY hududi	4 mlrd soʻm	Tashabbuskorlar va kredit mablagʻlari	Namangan viloyati hokimligi, “Hunarmand” uyushmasi
7.	Samarqand viloyati	Samarqand shahar, “Afrosiyob” xarobalari yon tomoni “Siyob” kanali oʻng yoqasida, “Obi-Rahmat” MFY	1 mlrd soʻm	Tashabbuskorlar va kredit mablagʻlari	Samarqand viloyati hokimligi, “Hunarmand” uyushmasi
8.	Sirdaryo viloyati	Guliston shahar	1 mlrd soʻm	Tashabbuskorlar va kredit mablagʻlari	Sirdaryo viloyati hokimligi, “Hunarmand” uyushmasi
9.	Surxondaryo viloyati	Sherobod tumani	500 mln soʻm	Tashabbuskorlar va kredit mablagʻlari	Surxondaryo viloyati hokimligi, “Hunarmand” uyushmasi
10.	Xorazm viloyati	Urganch tumani “Oyoqbogʻ” MFY	1,5 mlrd soʻm	Tashabbuskorlar va kredit mablagʻlari	Xorazm viloyati hokimligi, “Hunarmand” uyushmasi
10.	Xorazm viloyati	Xiva shahri markazi	1 mlrd soʻm	Tashabbuskorlar va kredit mablagʻlari	Xorazm viloyati hokimligi, “Hunarmand” uyushmasi
11.	Fargʻona viloyati	Rishton tumani: “Oq-yer” MFY, “Uch-Ariq” MFY, “Toʻraobod” MFY, “Qalaynav” MFY,	-	Tashabbuskorlar va kredit mablagʻlari	“Oʻzsanoatqurilishbank” ATB, Fargʻona viloyati hokimligi, “Hunarmand” uyushmasi
12.	Toshkent viloyati	Toshkent tumani, Toshkent halqa yoʻli boʻyi	-	Tashabbuskorlar va kredit mablagʻlari	Toshkent viloyati hokimligi, “Hunarmand” uyushmasi
13.	Toshkent shahri	Olmazor tumani Islom sivilizatsiyasi markaziga yaqin hudud	1 mlrd soʻm	Tashabbuskorlar va kredit mablagʻlari	Toshkent shahar hokimligi, “Hunarmand” uyushmasi
13.	Toshkent shahri	Shayxontohur tumani, Chorsu va Eski juva bozoriga yaqin hududlar	1 mlrd soʻm	Tashabbuskorlar va kredit mablagʻlari	Toshkent shahar hokimligi, “Hunarmand” uyushmasi

Oldingi tahrirga qarang.

(izoh Oʻzbekiston Respublikasi Prezidentining 2021-yil 8-iyundagi PF-6243-sonli Farmoniga asosan 2021-yil 1-avgustdan chiqariladi — Qonunchilik maʼlumotlari milliy bazasi, 09.06.2021-y., 06/21/6243/0540-son)

Oʻzbekiston Respublikasi Prezidentining 2021-yil 23-martdagi PQ-5033-son qaroriga
3-ILOVA

Respublika hududidagi hunarmandchilik markazlari, yirik savdo majmualari, turistik marshrutga kiritilgan obyektlar va bozorlarda kulolchilik mahsulotlari savdosini tashkil qilish boʻyicha

MANZILLI ROʻYXAT

T/r	Hududlar nomi	Tuman (shahar)	Ajratilgan joy manzili	Maydoni
I. Hunarmandchilik markazlari
1.	Qoraqalpogʻiston Respublikasi	Boʻzatov tumani	Amir Temur koʻchasi	50 kv.m.
1.	Qoraqalpogʻiston Respublikasi	Moʻynoq tumani	Ajiniyaz koʻchasi,74-uy	100 kv.m.
2.	Andijon viloyati	Andijon shahar	Andijon shahar “Jomye” majmuasi galereyasi	100 kv.m.
3.	Buxoro viloyati	Gʻijduvon tumani	A. Gʻijduvoniy MFY, A. Gʻijduvoniy shoh koʻchasi, 9-uy (kulol Alisher Narzullayev muzeyi)	50 kv.m.
3.	Buxoro viloyati	Gʻijduvon tumani	A. Qahhor MFY, Kimson koʻchasi, 55-uy (kulol Abdullo Narzullayev muzeyi)	100kv.m.
4.	Jizzax viloyati	Jizzax shahar	Sangzor MFY, Sh. Rashidov koʻchasi, 128-uy	100 kv.m.
5.	Qashqadaryo viloyati	Qarshi shahar	I. Karimov koʻchasi, “Odina” majmuasi	100 kv.m.
5.	Qashqadaryo viloyati	Shahrisabz shahar	Oqsaroy majmuasi, Alleya hududi	100 kv.m.
6.	Navoiy viloyati	Karmana tumani	“Talqoq” MFY, Navoiy koʻchasi	50 kv.m.
6.	Navoiy viloyati	Nurota tumani	Nurota tumani “Eshon Sudur” MFY, Nurota tumani, “Chashma” majmuasi	100 kv.m.
7.	Namangan viloyati	Norin tumani	Norin hunarmandlar markazi	100 kv.m.
7.	Namangan viloyati	Pop tumani	Pop Gʻurumsaroy markazi	50 kv.m.
8.	Samarqand viloyati	Samarqand shahar	I. Karimov, 43 A-uy	50 kv.m.
8.	Samarqand viloyati	Samarqand shahar	Lui Gonsalez Deklavia (Ruhobod hunarmandchilik markazi)	100 kv.m.
9.	Sirdaryo viloyati	Guliston shahar	Samarqand koʻchasi	50 kv.m.
10.	Surxondaryo viloyati	Termiz shahar	A. Navoiy koʻchasi, Savdo sanoat palatasi binosi	100 kv.m.
10.	Surxondaryo viloyati	Boysun tumani	Tuzbozor MFY	50 kv.m.
11.	Xorazm viloyati	Yangiariq tumani	Kattabogʻ qishlogʻi	50 kv.m.
11.	Xorazm viloyati	Xiva shahar	Nurullaboy hunarmandchilik markazi	100 kv.m.
12.	Fargʻona viloyati	Rishton tumani	Toʻqimachilar koʻchasi, 43	100 kv.m.
12.	Fargʻona viloyati	Qoʻqon shahar	“Jomye” madaniy meros obyekti	50 kv.m.
13.	Toshkent viloyati	Chirchiq shahar	Chirchiq shahar, 3-sonli V. Haydarov MFY, V. Haydarov koʻchasi	100 kv.m.
14.	Toshkent shahri	Shayxontohur tumani	Oqlon mahallasi, Rahimovlar studiyasi	100 kv.m.
II. Yirik savdo majmualari
1.	Qoraqalpogʻiston Respublikasi	Nukus shahar	Nukus savdo kompleksi	100 kv.m.
2.	Andijon viloyati	Andijon shahar	Jahon bozori	100 kv.m.
3.	Buxoro viloyati	Buxoro shahar	Markaziy dehqon bozori hududida	100 kv.m.
4.	Jizzax viloyati	Jizzax shahar	Buyum bozori	100 kv.m.
5.	Qashqadaryo viloyati	Qarshi shahar	Farovon savdo kompleksi	50 kv.m.
6.	Navoiy viloyati	Navoi? shahri	Navoiy “Savdo kompleksi” MCHJ	100 kv.m.
6.	Navoiy viloyati	Navoiy shahri	Navoiy markaziy “Saxovat” dehqon bozori	50 kv.m.
7.	Namangan viloyati	Namangan shahar	Afsonalar vodiysi	100 kv.m.
8.	Samarqand viloyati	Samarqand shahar	Farovon savdo kompleksi	100 kv.m.
9.	Sirdaryo viloyati	Guliston shahar	Baraka savdo kompleksi	50 kv.m.
		Sirdaryo tumani	Baxt savdo majmuasi	50 kv.m.
		Yangiyer shahar	Savdo majmuasi	50 kv.m.
10.	Surxondaryo viloyati	Termiz shahar	“Yashil dunyo” savdo kompleksi	100kv.m.
11.	Xorazm viloyati	Urganch shahar	“Toʻmaris Nur” savdo kompleksi	50 kv.m.
12.	Fargʻona viloyati	Margʻilon shahar	“Fayz savdo kompleksi”	100 kv.m.
13.	Toshkent viloyati	Zangiota tumani	Zangiota tumani, Qatortol MFY, Chinni bozor	100 kv.m.
14.	Toshkent shahri	Mirobod	Toshkent univermagi	100 kv.m.
14.	Toshkent shahri	Yakkasaroy	“NEXT” koʻngilochar savdo markazi	50 kv.m.
III. Turistik marshrutga kiritilgan obyektlar
1.	Qoraqalpogʻiston Respublikasi	Nukus shahar	A. Dosnazarov koʻchasi (Nukus “Temir yoʻl” binosida)	50 kv.m.
2.	Andijon viloyati	Andijon shahar	Abduvahabov Mirzabahrom uy-ustaxonasi	50 kv.m.
3.	Buxoro viloyati	Buxoro shahar	“Noʻgʻay karvon saroy”	100 kv.m.
4.	Jizzax viloyati	Jizzax shahar	Jelli-Gʻuli MFY, S. Qoʻchqarov koʻchasi, 20-uy	100 kv.m.
5.	Qashqadaryo viloyati	Shahrisabz shahar	Alleya hududidagi “Koʻk gumbaz” majmuasi	50 kv.m.
6.	Navoiy viloyati	Karmana tumani	Karmana tumani “Sardoba” MFY, Sardoba, XI asr	50 kv.m.
7.	Namangan viloyati	Yangiqoʻrgʻon tumani	Beshbuloq MFY, V. Ahmedov koʻchasi, 34-uy	50 kv.m.
8.	Samarqand viloyati	Samarqand shahar	Registon ansambli “Sherdor madrasasi”	50 kv.m.
9.	Sirdaryo viloyati	Guliston shahar	Boʻston MFY	50kv.m.
10.	Surxondaryo viloyati	Termiz tumani	“Al-Hakim at-Termiziy” maqbarasi	100 kv.m.
11.	Xorazm viloyati	Xiva shahar	Ichan qalʼa majmuasi	100 kv.m.
12.	Fargʻona viloyati	Rishton tumani	Ravshan Tojiddinov ustaxonasi (M. Topvoldiyev MFY. M. Temirov 7a-uy)	100 kv.m.
13.	Toshkent viloyati	Zangiota tuman	Zangiota ziyoratgohi majmuasi	100 kv.m.
14.	Toshkent shahri	Chilonzor	Abul Qosim madrasasi	100 kv.m.
IV. Bozorlar hududida
1.	Qoraqalpogʻiston Respublikasi	Amudaryo tumani	Mangʻit savdo kompleksi MCHJ	100 kv.m.
		Toʻrtkoʻl tumani	Toʻrtkoʻl tumani Savdo kompleksi MCHJ hududidagi “Hunarmandlar bozorchasi”	100 kv.m.
		Qoʻngʻirot tumani	Buyum bozori MCHJ	100 kv.m.
2.	Andijon viloyati	Andijon shahar	Andijon shahar Dehqon bozori	100 kv.m.
3.	Buxoro viloyati	Gʻijduvon tumani	Yu. Hamadoniy koʻchasida joylashgan Gʻijduvon Dehqon bozori hududida	50 kv.m.
4.	Jizzax viloyati	Jizzax shahar	Eski shahar buyum bozori	100 kv.m.
5.	Qashqadaryo viloyati	Qarshi shahar	Yerqoʻrgʻon dehqon (oziq-ovqat) bozori	100kv.m.
		Qarshi shahar	Qarshi Markaziy (oziq-ovqat) dehqon bozori	100 kv.m.
		Shahrisabz shahar	Yangi Kesh MCHJ	50 kv.m.
		Shahrisabz shahar	Olchazor impeks MCHJ	50 kv.m.
		Shahrisabz shahar	Koʻhna Turon Mega MCHJ	50 kv.m.
		Kasbi tumani	Moʻgʻlon shaharchasi “Markaziy Dehqon (oziq-ovqat) bozori” MCHJ	100 kv.m.
		Qarshi tumani	Qarshi tuman Dehqon bozori	100 kv.m.
6.	Navoiy viloyati	Zarafshon shahar	Zarafshon “Savdo kompleksi” MCHJ	100 kv.m.
		Uchquduq tumani	Uchquduq “Savdo kompleksi” MCHJ	100kv.m.
		Qiziltepa tumani	Qiziltepa “Saxovat” dehqon bozori	50 kv.m.
7.	Namangan viloyati	Namangan shahar	Chorsu dehqon bozori hududi	50 kv.m.
8.	Samarqand viloyati	Samarqand shahar	Siyob dehqon bozori hududi	100 kv.m.
9.	Sirdaryo viloyati	Sirdaryo tumani	Baxt-baraka bozori	100 kv.m.
10.	Surxondaryo viloyati	Termiz shahar	Termiz Markaziy dehqon bozori hududi	100 kv.m.
11.	Xorazm viloyati	Urganch shahar	Urganch dehqon bozori hududi	100 kv.m.
12.	Fargʻona viloyati	Fargʻona shahar	Fargʻona dehqon bozori	100 kv.m.
13.	Toshkent viloyati	Zangiota tumani	Zangiota tumani Qatortol MFY Chinni bozor	100 kv.m.
13.	Toshkent viloyati	Chirchiq shahar	Chirchiq shahar 8-mikrorayon bozor hududi, 42 A-uy	50 kv.m.
14.	Toshkent shahri	Yunusobod	Oloy dehqon bozori	50 kv.m.
		Yakkasaroy	Askiya dehqon bozori	100 kv.m.
		Shayxontohur	Chorsu dehqon bozori	100 kv.m.

Izoh: mazkur roʻyxat yangi tashkil etiladigan savdo komplekslari, bozorlar va markazlar soniga mutanosib ravishda oʻzgarishi mumkin.

Oʻzbekiston Respublikasi Prezidentining 2021-yil 23-martdagi PQ-5033-son qaroriga
4-ILOVA

Oʻzbekiston Respublikasining xorijiy davlatlardagi diplomatik vakolatxonalari binolarida tashkil etilgan shourum, yirik shaharlarda ochilgan doimiy ishlab turuvchi koʻrgazma zali va savdo doʻkonlariga kulolchilik va boshqa hunarmandchilik mahsulotlari namunalari yetkazib berishni yoʻlga qoʻyish boʻyicha

“YOʻL XARITASI”

T/r	Davlat nomi	Ajratilgan joy manzili, maydoni	Mahsulot soni (dona)	Mahsulot qiymati (mln soʻmda)	Masʼul idora va tashkilotlar
1.	Belgiya	Elchixona binosida shourum, Bryussel shahri 28 kv.m.	134	33,6	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
2.	Buyuk Britaniya	Elchixona binosida shourum, London shahri 16 kv.m.	72	18,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
2.	Buyuk Britaniya	“Kensington Antique Centre”, koʻrgazmalar binosida, savdo doʻkoni, London shahri 25 kv.m.	120	30,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
3.	Germaniya	Doimiy ishlab turuvchi koʻrgazma zali, Berlin shahri Glinkashtrasse koʻchasi, 154 kv.m.	600	150,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
4.	Hindiston	Elchixona binosida shourum, Deli shahri 50 kv.m.	240	60,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
4.	Hindiston	“Shipra Sun City Mall”, savdo majmuasida savdo doʻkoni, Gaziabad shahri 30 kv.m.	144	36,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
5.	Italiya	Oʻzbekiston milliy pavilyoni 17-Xalqaro arxitektura binosi koʻrgazma zali, Venetsiya shahri 100 kv.m.	440	110,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		Sharq sanʼati muzeyi koʻrgazma zali, Turin shahri 25 kv.m.	120	30,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		Usta kulol Juzeppe Fasanoning “Grottagli” ustaxonasi koʻrgazma zali, Grottalye shahri 25 kv.m.	120	30,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
6.	Qozogʻiston	Elchixona binosida shourum, Nur-Sulton shahri 50 kv.m.	240	60,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
7.	Xitoy	Elchixona binosida shourum, Pekin shahri 20 kv.m.	96	24,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		“Tian Ma” savdo markazida “Oʻzbekiston” savdo uyi, Lyanyungan shahri 100 kv.m.	480	110,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		“Yiwu UzCraft and Art Ltd” cavdo uyi, Ivu shahri 100 kv.m.	480	120,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		“Starmall” cavdo markazida “Oʻzbekiston” savdo uyi, Chjuxay shahri 100 kv.m.	440	120,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
8.	Latviya	Elchixona binosida shourum, Riga shahri 36,6 kv.m.	172	43,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
8.	Latviya	“ARMAS” kompaniyasi binosida hunarmandchilik savdo doʻkoni, Riga shahri 20 kv.m.	96	24,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
9.	Malayziya	“GM Kelang Wholesale City”, savdo markazi koʻrgazma zali, Selangor shtati 40 kv.m.	192	48,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
10.	Rossiya	“Xalq xoʻjaligi yutuqlari” koʻrgazma majmuasidagi “Oʻzbekiston” milliy pavilyoni, Moskva shahri 100 kv.m.	440	120,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		Elchixona binosida shourum, Moskva shahri 140 kv.m.	480	120,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		Elchixonaning mehmonxonasi zali, Moskva shahri 90 kv.m.	400	100,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
11.	Tojikiston	Xidoyat savdo markazida savdo doʻkoni, Dushanbe shahri 35 kv.m.	168	42,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
12.	Turkiya	Elchixona binosida shourum, Anqara shahri 12 kv.m.	56	14,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		Elchixona binosida shourum, Istanbul shahri 12 kv.m.	56	14,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
		Elchixona binosida shourum, Antaliya shahri 12 kv.m.	56	14,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
13.	Fransiya	Elchixona binosida shourum, Parij shahri 100 kv.m.	600	150,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
14.	Yaponiya	“Oʻzbekiston-Nagoya” doʻstlik jamiyati binosida koʻrgazma zali, Nagoya shahri 50 kv.m.	240	68,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
15.	Gretsiya	Hunarmandchilik mahsulotlari Savdo uyi, Afina shahri 80 kv.m.	384	96,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
16.	Afgʻoniston	“Hunarmand” uyushmasining “Mudtahid” savdo majmuasida “Afgʻon-Oʻzbek” savdo uyi, Mozori Sharif shahri 120 kv.m.	576	140,0	Investitsiyalar va tashqi savdo vazirligi, Tashqi ishlar vazirligi, “Hunarmand” uyushmasi
			7 642	1,9 mlrd

(Qonun hujjatlari maʼlumotlari milliy bazasi, 24.03.2021-y., 07/21/5033/0227-son, Qonunchilik maʼlumotlari milliy bazasi, 09.06.2021-y., 06/21/6243/0540-son; 21.11.2024-y., 06/24/185/0944-son)