Hozirgi vaqtda mazkur hujjatga o‘zgartirish kiritilmoqda
Oʻzbekiston Respublikasi Prezidentining
Qarori
Sunʼiy intellekt texnologiyalarini jadal joriy etish uchun shart-sharoitlar yaratish chora-tadbirlari toʻgʻrisida
“Raqamli Oʻzbekiston — 2030” Strategiyasiga muvofiq hamda sunʼiy intellekt texnologiyalarini jadal joriy etish va ularni mamlakatimizda keng qoʻllash, raqamli maʼlumotlardan foydalanish imkoniyatini va ularning yuqori sifatini taʼminlash, ushbu sohada malakali kadrlar tayyorlash uchun qulay shart-sharoitlar yaratish maqsadida:
1. Quyidagilar tasdiqlansin:
a) quyidagi asosiy ustuvor yoʻnalishlarni nazarda tutuvchi 2021-2022-yillarda sunʼiy intellekt texnologiyalarini oʻrganish va joriy etish boʻyicha chora-tadbirlar dasturi (keyingi oʻrinlarda — Dastur) 1-ilovaga muvofiq:
sunʼiy intellektni qoʻllashning asosiy yoʻnalishlari va tamoyillarini, shuningdek, yaqin va uzoq istiqbolda ushbu sohani kompleks shakllantirish uchun shart-sharoitlarni belgilovchi Sunʼiy intellektni rivojlantirish strategiyasini ishlab chiqish;
iqtisodiyot tarmoqlari va ijtimoiy sohada, davlat boshqaruvi tizimida sunʼiy intellekt texnologiyalarini ishlab chiqish va ulardan foydalanishda yagona talablar, javobgarlik, xavfsizlik va shaffoflikni belgilovchi normativ-huquqiy bazani ishlab chiqish;
aholi manfaatlari yoʻlida davlat xizmatlari koʻrsatish sifatini yaxshilash, shuningdek, maʼlumotlarni qayta ishlashda davlat organlarining samaradorligini oshirish uchun sunʼiy intellekt texnologiyalaridan keng foydalanish;
foydali texnologik yechimlarni ishlab chiqish boʻyicha fundamental va amaliy ilmiy tadqiqotlarni oʻtkazish va ularni keyinchalik tijoratlashtirishni ragʻbatlantiruvchi sunʼiy intellekt sohasida innovatsion ishlanmalarning mahalliy ekotizimini yaratish;
sunʼiy intellekt texnologiyalarini qoʻllovchi dasturiy taʼminot ishlab chiquvchilariga raqamli maʼlumotlardan foydalanish uchun sharoit yaratish, shuningdek, davlat organlari va tashkilotlarining tegishli maʼlumotlarini tezkor raqamlashtirishni taʼminlash;
sunʼiy intellekt sohasidagi ilmiy ishlar va ishlanmalarning investitsion jozibadorligini shakllantirish, shu jumladan tovarlarning (ish va xizmatlarning) ichki va tashqi bozorlarda raqobatbardoshligini oshirish;
mahalliy korxonalar va mutaxassislarning sunʼiy intellekt sohasidagi axborot resurslari va bilimlardan foydalanish imkoniyatini taʼminlash, shuningdek, zarur taʼlim muhitini rivojlantirish;
qoʻshma xalqaro tadqiqot faoliyatini amalga oshirish, kadrlar tayyorlash va ularning malakasini oshirish, respublikamizning nufuzli reytinglar va indekslarda pozitsiyasini yaxshilash maqsadida sunʼiy intellekt va uni qoʻllash texnologiyalari sohasida xalqaro hamkorlikni rivojlantirish;
b) quyidagi ustuvor tarmoqlar va sohalarda, shu jumladan Dasturiy mahsulotlar va axborot texnologiyalari texnologik parki rezidentlarini jalb qilgan holda Sunʼiy intellekt texnologiyalarini joriy etish boʻyicha 2021-2022-yillarda amalga oshiriladigan tajriba-sinov loyihalar roʻyxati 2-ilovaga muvofiq:
qishloq xoʻjaligi sohasida: yerni masofadan zondlash maʼlumotlari asosida tuproq va qishloq xoʻjaligi ekinlari holatini, shuningdek, qishloq xoʻjaligi texnikasi, shu jumladan kombaynlar ishini monitoring qilish jarayonida sunʼiy intellekt texnologiyalarini qoʻllash — Qishloq xoʻjaligi vazirligi, Axborot texnologiyalari va kommunikatsiyalarini rivojlantirish vazirligi, “Oʻzbekkosmos” agentligi (J. Xodjayev, Q. Yuldashev, Sh. Qodirov);
bank sohasida: tijorat banklari faoliyatini monitoring qilish samaradorligini oshirish va ular tomonidan tartibga solish talablari (SubTech va RegTech) bajarilishini soddalashtirish, shuningdek, bank xizmatlari koʻrsatish sifatini tahlil qilish, foydalanuvchilarni masofadan biometrik identifikatsiyalash (Face-ID) va kredit tavakkalchiliklarini baholash uchun sunʼiy intellekt texnologiyalarini qoʻllash — Markaziy bank, “Oʻzbekiston Respublikasi tashqi iqtisodiy faoliyat Milliy banki” AJ, AT “Aloqabank” (M. Nurmuratov, A. Mirsoatov, K. Irisbekova);
moliya sohasida: budjet xarajatlari, pensiya, ijtimoiy va sugʻurta toʻlovlari, shuningdek, nafaqa toʻlovlarini tahlil qilish va samaradorligini oshirish uchun sunʼiy intellekt texnologiyalarini qoʻllash — Moliya vazirligi (T. Ishmetov);
soliq sohasida: yuridik shaxslarning soliq tushumlarini tahlil qilish, soliq toʻlovlaridagi tafovutlarni aniqlashda sunʼiy intellekt texnologiyalarini qoʻllash — Davlat soliq qoʻmitasi, Moliya vazirligi (Sh. Kudbiyev, D. Sultonov);
transport sohasida: lokomotivlarni boshqarish jarayonida ularning harakatini kuzatib borish va xavfli vaziyatlarda mashinistlarni ogohlantirishda, jamoat transporti harakatini tahlil qilish va ularning optimal yoʻnalishlarini aniqlashda, shuningdek, avtomobil harakatini va transportdagi tirbandliklarni monitoring qilishda sunʼiy intellekt texnologiyalarini qoʻllash — Transport vazirligi, “Oʻzbekiston temir yoʻllari” AJ, “Toshshahartransxizmat” AJ, Ichki ishlar vazirligi (I. Mahkamov, X. Xasilov, A. Joʻrayev, A. Ikramov);
energetika sohasida: energiya resurslarini ishlab chiqarish va ularning isteʼmolini prognoz qilishda, texnologik uskunalar ishini optimallashtirishda sunʼiy intellekt texnologiyalarini qoʻllash — Energetika vazirligi, “Hududiy elektr tarmoqlari” AJ (A. Sultanov, U. Mustafoyev);
sogʻliqni saqlash sohasida: inson oʻpkasining kompyuter tomografiyasi tahlili asosida pnevmoniyani aniqlash hamda mammografiya tahlili asosida koʻkrak bezi saratoniga ilk bosqichda tashxis qoʻyish uchun sunʼiy intellekt texnologiyalarini qoʻllash — Sogʻliqni saqlash vazirligi (A. Xadjibayev, A. Azizov);
farmatsevtika sohasida: bozorning dori vositalari va tibbiy buyumlariga boʻlgan ehtiyojlarini tahlil qilish va prognozlashtirishda sunʼiy intellekt texnologiyalarini qoʻllash — Farmatsevtika tarmogʻini rivojlantirish agentligi, “Dori-Darmon” AK, Sogʻliqni saqlash vazirligi (S. Kariyev, U. Salixbayeva, A. Azizov);
elektron hukumat sohasida: elektron davlat va moliya xizmatlarini koʻrsatishda foydalanuvchilarni masofadan turib biometrik identifikatsiyalash (Face-ID) uchun sunʼiy intellekt texnologiyalarini qoʻllash — Axborot texnologiyalari va kommunikatsiyalarini rivojlantirish vazirligi (Sh. Sadikov).
2. Quyidagilarga:
Innovatsion rivojlanish vazirligiga (I. Abduraxmonov) sunʼiy intellekt sohasida ilmiy-texnik tadqiqotlar va innovatsion ishlanmalarni qoʻllab-quvvatlash;
Axborot texnologiyalari va kommunikatsiyalarini rivojlantirish vazirligiga (Sh. Sadikov) sunʼiy intellekt asosidagi dasturiy mahsulotlarni ishlab chiqish va joriy qilish uchun texnologik sharoitlarni yaratish;
Oʻzbekiston Respublikasi Prezidentining 2020-yil 5-oktabrdagi PF-6079-son Farmoni bilan tashkil qilingan “Raqamli Oʻzbekiston — 2030” Strategiyasini amalga oshirish boʻyicha muvofiqlashtirish komissiyasiga (A.N. Aripov) (keyingi oʻrinlarda — Muvofiqlashtirish komissiyasi) Dasturni hamda sunʼiy intellekt texnologiyalarini tatbiq etish va qoʻllash bilan bogʻliq boshqa tashabbuslarni kompleks muvofiqlashtirish yuzasidan javobgarlik yuklansin.
3. Muvofiqlashtirish komissiyasi (A.N. Aripov) yetakchi xorijiy mutaxassislar va kompaniyalarni jalb qilgan holda 2021-yil 1-dekabrga qadar yaqin va uzoq istiqbolga moʻljallangan Sunʼiy intellektni rivojlantirish strategiyasini tasdiqlash uchun kiritsin.
4. Belgilansinki:
sunʼiy intellekt sohasida ilmiy tadqiqotlar va innovatsion ishlanmalarni moliyalashtirish Innovatsion rivojlanish va novatorlik gʻoyalarini qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan ushbu maqsadlar uchun alohida ochiladigan hisob raqami orqali amalga oshiriladi;
sunʼiy intellekt texnologiyalarini qoʻllovchi ilmiy tadqiqotlar va innovatsion ishlanmalarni maqsadli moliyalashtirish Jamgʻarmaning mablagʻlari hisobidan Muvofiqlashtirish komissiyasi ishchi organining xulosasiga koʻra amalga oshiriladi;
Innovatsion rivojlanish vazirligi Muvofiqlashtirish komissiyasining xulosasiga koʻra, davlat ilmiy dasturlari boʻyicha ilmiy loyihalarni moliyalashtirish uchun moʻljallangan Davlat budjeti mablagʻlari doirasida Jamgʻarmaga sunʼiy intellekt sohasida ilmiy tadqiqot va innovatsion ishlanmalarni hamda ushbu sohani rivojlantirishni qoʻllab-quvvatlash chora-tadbirlarini moliyalashtirishga mablagʻlarni yoʻnaltirish huquqiga ega.
5. Muhammad al-Xorazmiy nomidagi Toshkent axborot texnologiyalari universiteti huzuridagi Axborot-kommunikatsiya texnologiyalari ilmiy-innovatsion markazi hamda Mirzo Ulugʻbek nomidagi Oʻzbekiston milliy universiteti huzuridagi Intellektual-dasturiy tizimlar ilmiy-amaliy markazi negizida Axborot texnologiyalari va kommunikatsiyalarini rivojlantirish vazirligi huzuridagi Raqamli texnologiyalar va sunʼiy intellektni rivojlantirish ilmiy-tadqiqot instituti (keyingi oʻrinlarda — Institut) tashkil qilinsin.
Quyidagilar Institutning asosiy vazifalari etib belgilansin:
“Raqamli Oʻzbekiston — 2030” Strategiyasini har tomonlama amalga oshirishga qaratilgan ilmiy tadqiqotlarni tashkil qilish hamda iqtisodiyot tarmoqlari, ijtimoiy soha va davlat boshqaruvi tizimida sunʼiy intellekt texnologiyalarini joriy qilish;
sunʼiy intellekt sohasida fundamental va amaliy ilmiy tadqiqotlarni olib borish, raqamli texnologiyalarni rivojlantirishning ilmiy ekotizimini shakllantirish;
sunʼiy intellekt texnologiyalari asosida boshqaruv va ishlab chiqarish jarayonlarini avtomatlashtirish boʻyicha innovatsion mahsulotlarni hamda ularning modellari, algoritmlari va dasturiy taʼminotini ishlab chiqish;
sunʼiy intellekt texnologiyalarini rivojlantirish boʻyicha yetakchi xorijiy innovatsion va ilmiy muassasalar bilan hamkorlikni yoʻlga qoʻyish va qoʻshma loyihalarni amalga oshirish.
6. Belgilansinki:
Institut yuridik shaxs maqomiga ega davlat ilmiy tashkiloti boʻlib, Muhammad al-Xorazmiy nomidagi Toshkent axborot texnologiyalari universiteti huzuridagi Axborot-kommunikatsiya texnologiyalari ilmiy-innovatsion markazi hamda Mirzo Ulugʻbek nomidagi Oʻzbekiston milliy universiteti huzuridagi Intellektual-dasturiy tizimlar ilmiy-amaliy markazining shartnomalari va majburiyatlari boʻyicha huquqiy vorisi hisoblanadi;
2021-yil 1-martdan boshlab Institutning joriy faoliyati, bino va inshootlardan foydalanish, xodimlar mehnatiga haq toʻlash (ilmiy xodimlardan tashqari) boʻyicha xarajatlarni moliyalashtirish Davlat budjeti mablagʻlari hisobidan amalga oshiriladi;
Institut xodimlariga Fanlar akademiyasi tizimidagi ilmiy-tadqiqot muassasalarining tegishli lavozimlari uchun belgilangan mehnatga haq toʻlash miqdorlari va shartlari tatbiq etiladi;
Davlat budjetining mazkur qaror doirasida Institut faoliyatini tashkil qilish bilan bogʻliq xarajatlari 2021-yilda birinchi darajali budjet mablagʻlarini taqsimlovchi sifatida Axborot texnologiyalari va kommunikatsiyalarini rivojlantirish vazirligi uchun ajratilgan budjet ajratmalari doirasida moliyalashtiriladi, 2022-yildan esa Davlat budjetining xarajatlar parametrlarida belgilangan tartibda nazarda tutiladi.
7. Axborot texnologiyalari va kommunikatsiyalarini rivojlantirish vazirligi markaziy apparati tuzilmasida 15 ta shtat birligidan iborat boʻlgan Sunʼiy intellekt texnologiyalarini joriy qilish va rivojlantirish departamenti tuzilsin.
Belgilansinki:
departament xodimlari soni mazkur qarorning 5-bandiga muvofiq qayta tashkil qilinayotgan markazlarning shtat birliklari hisobidan shakllantiriladi.
Oldingi tahrirga qarang.
(7-bandning toʻrtinchi xatboshisi Oʻzbekiston Respublikasi Prezidentining 2023-yil 31-oktabrdagi PF-186-sonli Farmoniga asosan chiqarilgan)
8. Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, davlat organlari, tijorat banklari va yirik sanoat korxonalarining Sunʼiy intellektni rivojlantirish boʻyicha qoʻshma alyansni 3-ilovaga muvofiq tarkibda tashkil qilish boʻyicha taklifi maʼqullansin.
Belgilansinki:
Qoʻshma alyans sunʼiy intellekt texnologiyalarini iqtisodiyot tarmoqlari va ijtimoiy sohada, davlat boshqaruvi tizimida joriy qilish boʻyicha ustuvor loyihalarni jadal va birgalikda amalga oshirish, ularni ishlab chiqish xarajatlarini optimallashtirish, ushbu sohadagi eng yaxshi tajribalarni davlat organlari va tashkilotlari oʻrtasida ommalashtirish maqsadida tashkil qilinadi;
Axborot texnologiyalari va kommunikatsiyalarini rivojlantirish vazirligi Qoʻshma alyansning ishchi organi hisoblanadi.
9. Axborot texnologiyalari va kommunikatsiyalarini rivojlantirish vazirligi, Davlat statistika qoʻmitasi 2021-yil 1-sentabrga qadar Oʻzbekiston Respublikasi Ochiq maʼlumotlar portali faoliyati doirasida mahalliy ilmiy tashkilotlar va oliy taʼlim muassasalari hamda axborot texnologiyalari sohasidagi dasturchilar va tashkilotlarga sunʼiy intellekt asosidagi dasturiy taʼminotda foydalanish uchun davlat va boshqa maʼlumotlar toʻplamlarini olish imkoniyatini taqdim etuvchi raqamli maʼlumotlar platformasini yaratsin.
10. Iqtisodiy taraqqiyot va kambagʻallikni qisqartirish vazirligi, Monopoliyaga qarshi kurashish qoʻmitasi, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Adliya vazirligi hamda Markaziy bank idoralararo ishchi guruhini tashkil qilsin va eng yaxshi xorijiy tajribalar asosida 2021-yil 1-iyunga qadar Vazirlar Mahkamasiga eksperimental innovatsion tadqiqotlar doirasida sunʼiy intellekt texnologiyalarini qoʻllash boʻyicha maxsus huquqiy rejimni joriy qilishning aniq mexanizmlari toʻgʻrisida, shu jumladan quyidagilarni nazarda tutuvchi takliflarni kiritsin:
tadbirkorlik subyektlarining faoliyatini sunʼiy intellekt texnologiyasi asosida transformatsiya qilishni moliyalashtirishga koʻmaklashish dasturini ishlab chiqish va joriy etish;
tadbirkorlik subyektlarining faoliyatini sunʼiy intellekt texnologiyasi asosida transformatsiya qilish natijasida ish joylarini saqlab qolish maqsadida xodimlarning malakasini oshirish va qayta tayyorlashga ketgan sarf-xarajatlarni subsidiyalash dasturini ishlab chiqish;
tadbirkorlik subyektlari uchun sunʼiy intellekt yechimlarini ishlab chiqish va oʻz faoliyatida joriy qilish boʻyicha tadqiqotlar va ishlanmalarni (R&D) ragʻbatlantiruvchi choralar koʻrish.
11. Muvofiqlashtirish komissiyaning 2021-yilda sunʼiy intellekt sohasida loyihalarni amalga oshirish uchun ochiq shaklda taqdim etiladigan davlat maʼlumotlarini yaratiladigan platformada 4-ilovaga muvofiq roʻyxat boʻyicha joylashtirish toʻgʻrisidagi taklifi qabul qilinsin.
Sunʼiy intellekt uchun davlat maʼlumotlarini shakllantirishga masʼul tegishli vazirlik va idoralarning rahbarlari oʻziga taalluqli qismlarda maʼlumotlarni oʻz vaqtida joylashtirish, shuningdek, ularning toʻliqligi, dolzarbligi hamda ishonchliligi yuzasidan shaxsan javobgar ekanligi belgilab qoʻyilsin.
Axborotlashtirish va telekommunikatsiyalar sohasida nazorat boʻyicha davlat inspeksiyasi sunʼiy intellekt texnologiyalari asosida qayta ishlash uchun taqdim etiladigan raqamli davlat maʼlumotlari toʻplamlariga kirish imkoniyatini tashkil qilish hamda ularning sifati ustidan tizimli nazoratni taʼminlasin.
12. Axborot texnologiyalari va kommunikatsiyalarini rivojlantirish vazirligi Innovatsion rivojlanish vazirligi hamda “Oʻzstandart” agentligi bilan birgalikda bir oy muddatda sunʼiy intellekt va katta hajmdagi maʼlumotlar sohasidagi xalqaro standartlarni Oʻzbekiston Respublikasi davlat standartlari sifatida qabul qilish boʻyicha ishlar jadvalini tasdiqlasin.
13. Quyidagilar:
2021/2022 oʻquv yilidan boshlab grant asosida “Sunʼiy intellekt” yoʻnalishi boʻyicha kadrlar tayyorlash bosqichma-bosqich boshlanadigan oliy taʼlim muassasalari va ilmiy tashkilotlar roʻyxati 5-ilovaga muvofiq;
Iqtisodiyot tarmoqlari, ijtimoiy soha va davlat boshqaruvi tizimida sunʼiy intellekt texnologiyalarini amaliy qoʻllash boʻyicha oʻquv kurslari va fanlarini joriy qilish koʻzda tutilgan oliy taʼlim muassasalar roʻyxati 6-ilovaga muvofiq tasdiqlansin.
Oliy va oʻrta maxsus taʼlim vazirligi Innovatsion rivojlanish vazirligi bilan birgalikda 2021/2022 oʻquv yilidan boshlab 5 va 6-ilovalarda koʻrsatilgan har bir oliy taʼlim muassasasiga kamida bir nafar yetakchi xorijiy ekspert va olimni sunʼiy intellekt va uni qoʻllash texnologiyalari sohasida oʻqitishda ishtirok etish uchun jalb qilsin.
Belgilansinki, xorijiy ekspertlar va olimlarni oliy taʼlim muassasalariga jalb qilish bilan bogʻliq xarajatlar ularning budjetdan tashqari mablagʻlari hisobidan qoplanadi.
14. Innovatsion rivojlanish vazirligi, Oliy va oʻrta maxsus taʼlim vazirligi, Axborot texnologiyalari va kommunikatsiyalarini rivojlantirish vazirligi, Moliya vazirligi 2021-yildan boshlab sunʼiy intellekt sohasida stajyor-tadqiqotchilar hamda tayanch doktoranturada tahsil olish uchun har yili 5 kishilik kvotani maqsadli ajratishni koʻzda tutsin.
15. Vazirlar Mahkamasi huzuridagi Oliy attestatsiya komissiyasi, Innovatsion rivojlanish vazirligi, Oliy va oʻrta maxsus taʼlim vazirligi, Axborot texnologiyalari va kommunikatsiyalarini rivojlantirish vazirligi “Raqamli texnologiyalar va sunʼiy intellekt” doktorantura ixtisosligini tashkil qilishni koʻzda tutsin.
16. Axborot texnologiyalari va kommunikatsiyalarini rivojlantirish vazirligi, AT “Aloqabank”, “Oʻzbekiston Respublikasi Tashqi iqtisodiy faoliyat milliy banki” AJ tomonidan “Sber” guruhi (Rossiya) bilan birgalikda sunʼiy intellekt texnologiyalarini tatbiq qilish sohasida oʻzaro hamkorlikni yoʻlga qoʻyish ishlari olib borilayotganligi maʼlumot uchun qabul qilinsin.
Bosh vazir maslahatchisi O.M. Umarov, Axborot texnologiyalari va kommunikatsiyalarini rivojlantirish vazirligi (Sh. Sadikov, O. Pekos), Innovatsion rivojlanish vazirligi (I. Abduraxmonov, A. Nazarov), AT “Aloqabank” (K. Irisbekova), “Oʻzbekiston Respublikasi Tashqi iqtisodiy faoliyat milliy banki” AJ (A. Mirsoatov) iqtisodiyot tarmoqlari va ijtimoiy soha, davlat va xoʻjalik boshqaruvi organlari ehtiyojlaridan kelib chiqib, “Sber” guruhi (Rossiya) bilan xorijiy ilgʻor tajriba hamda eng yaxshi tajribalar asosida sunʼiy intellekt texnologiyalari va boshqa dasturiy mahsulotlarni joriy etish masalalari boʻyicha hamkorlikni faollashtirish choralarini koʻrsin, shu jumladan:
bir oy muddatda pilot loyihalarini tezkorlik bilan va samarali amalga oshirish, mahalliy mutaxassislarni oʻqitishni tashkil qilish, shuningdek, mazkur qarorda belgilab berilgan boshqa yoʻnalishlarda hamkorlik qilish boʻyicha birgalikda “yoʻl xaritasi”ni ishlab chiqsin va tasdiqlasin;
sunʼiy intellektni rivojlantirish hamda davlat organlari va boshqa tashkilotlar faoliyatida, shuningdek, ushbu sohada normativ-huquqiy bazani tayyorlashda maslahatchi sifatida qatnashish uchun “Sber” guruhining (Rossiya) yetakchi mutaxassislari va ekspertlari jalb qilinishini taʼminlasin.
17. Axborot texnologiyalari va kommunikatsiyalarini rivojlantirish vazirligi Innovatsion rivojlanish vazirligi, Axborot va ommaviy kommunikatsiyalar agentligi, Oʻzbekiston Milliy axborot agentligi hamda Oʻzbekiston Milliy teleradiokompaniyasi bilan birgalikda ommaviy axborot vositalarida mazkur qarorning mohiyati va ahamiyati haqida chiqishlar va tematik telekoʻrsatuvlar tashkil qilsin.
18. Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi manfaatdor tashkilotlar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Innovatsion rivojlanish vaziri I.Yu. Abduraxmonov hamda axborot texnologiyalari va kommunikatsiyalarini rivojlantirish vaziri Sh.M. Sadikovlar zimmasiga mazkur qarorning bajarilishini samarali tashkil qilish boʻyicha shaxsiy masʼuliyat yuklatilsin.
Mazkur qarorning 2, 3 va 4-ilovalarida koʻrsatilgan vazirlik, idora va tashkilotlar Axborot texnologiyalari va kommunikatsiyalarini rivojlantirish vazirligi bilan kelishilgan holda yigirma kun muddatda yuklatilgan vazifalarni amalga oshirish boʻyicha “manzilli yoʻl xaritalari” (chora-tadbirlar dasturlari)ni tasdiqlasin.
Muvofiqlashtirish komissiyasi (A.N. Aripov) mazkur qarorning bajarilishini har chorakda muhokama qilish, masʼul vazirlik, idora va tashkilotlar faoliyatini muvofiqlashtirish hamda nazorat qilishni taʼminlasin.
20. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchilari R.A. Gulyamov, A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 17-fevral,
PQ-4996-son
Oʻzbekiston Respublikasi Prezidentining 2021-yil 17-fevraldagi PQ-4996-son qaroriga
1-ILOVA
2021-2022-yillarda sunʼiy intellekt texnologiyalarini oʻrganish va joriy etish boʻyicha chora-tadbirlar dasturi

T/r

Chora-tadbirlar

Amalga oshirish mexanizmlari

Ijro muddatlari

Moliyalashtirish manbalari

Masʼul ijrochilar

I. Sunʼiy intellekt sohasidagi normativ-huquqiy bazani ishlab chiqish

1.

Quyidagilarni nazarda tutuvchi Sunʼiy intellektni rivojlantirish strategiyasini ishlab chiqish:

sunʼiy intellekt sohasida ilmiy-tadqiqot va innovatsion loyihalarni qoʻllab-quvvatlash maqsadli davlat dasturi, strategiyani amalga oshirishning bir yillik “Yoʻl xaritasi”, ushbu sohani yillar boʻyicha rivojlantirish koʻrsatkichlari (indikatorlari);

mashina yordamida oʻqitish va sunʼiy intellekt algoritmlarini rivojlantirish uchun zarur boʻlgan raqamli maʼlumotlar ochiqligi va sifatini oshirish;

sunʼiy intellektni mashina yordamida oʻqitish uchun katta hajmda davlat tilidagi raqamli maʼlumotlarni shakllantirish, shuningdek, davlat tilidagi nutqni tahlil va sintez qilishni qoʻllovchi dasturiy mahsulotlarni ishlab chiqish;

sunʼiy intellekt sohasidagi vazifalarni hal qilish uchun zamonaviy yuqori texnologik infratuzilma va apparat komplekslarini yaratish;

sunʼiy intellekt sohasida malakali mutaxassislarni, jumladan xorijiy oʻqituvchilarni jalb qilgan holda sohaga oid oliy taʼlim muassasalarida alohida yoʻnalishlarni ochish hamda iqtisodiyotning ustuvor tarmoqlari, ijtimoiy soha va davlat boshqaruv tizimlari uchun kadrlarni maqsadli oʻqitish orqali tayyorlashni tashkil etish;

sunʼiy intellekt texnologiyalarini joriy etish va qoʻllash, raqamli maʼlumotlarni qayta ishlashning umumiy tamoyillari va meʼyorlari, shuningdek, yagona standartlari va qoidalari masalalarini tartibga solishning kompleks tizimini ishlab chiqish;

sunʼiy intellekt sohasidagi xatarlarni nazorat qilish va oldini olish tizimini takomillashtirish, shu jumladan sunʼiy intellekt texnologiyalari asosida ishlab chiqilgan dasturlarning xavfsiz ishlashi, yuzaga kelishi mumkin boʻlgan xatarlarning oldini olish, shuningdek, foydalaniladigan maʼlumotlarning konfidensialligini taʼminlash.

1. Xorijiy ekspertlar va mutaxassislarni jalb qilgan holda strategiya loyihasini tayyorlash boʻyicha ishchi guruhni shakllantirish.

2. Strategiyani tasdiqlashni nazarda tutuvchi normativ-huquqiy hujjat loyihasini tayyorlash.

3. Normativ-huquqiy hujjat loyihasini Vazirlar Mahkamasiga kiritish.

2021-yil fevral



2021-yil sentabr


2021-yil noyabr

Ijrochilar mablagʻlari

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Oliy va oʻrta maxsus taʼlim vazirligi, Markaziy bank, Fanlar akademiyasi, AT “Aloqabank”, “Oʻzmilliybank” AJ, vazirliklar, idoralar, ilmiy va oliy taʼlim muassasalari

2.

Sunʼiy intellekt sohasidagi xalqaro standartlarni Oʻzbekiston Respublikasining davlat standartlari sifatida qabul qilish.

1. Sunʼiy intellekt sohasidagi xalqaro standartlarni tahlil qilish va ularni Oʻzbekiston Respublikasining davlat standartlari sifatida qabul qilish reja-jadvalini ishlab chiqish.

2021-yil mart

Ijrochilar mablagʻlari

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, “Oʻzstandart” agentligi, manfaatdor vazirlik va idoralar

2. Oʻzbekiston Respublikasining sunʼiy intellekt sohasidagi davlat standartlarini ishlab chiqish va tatbiq etish.

Reja-jadval asosida

3.

Sunʼiy intellekt texnologiyalarini qoʻllash boʻyicha maxsus huquqiy rejimni yaratish.

1. Ilgʻor xorijiy tajribani inobatga olgan holda maxsus huquqiy rejimni yaratish yuzasidan takliflar tayyorlash boʻyicha idoralararo ishchi guruhini shakllantirish.

2021-yil fevral

Ijrochilar mablagʻlari

Iqtisodiy taraqqiyot va kambagʻallikni qisqartirish vazirligi, Monopoliyaga qarshi kurashish qoʻmitasi, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Adliya vazirligi, Markaziy bank, manfaatdor vazirlik va idoralar

2. Maxsus huquqiy rejimni yaratishni nazarda tutuvchi normativ-huquqiy hujjat loyihasini tayyorlash.

2021-yil aprel

3. Normativ-huquqiy hujjat loyihasini Vazirlar Mahkamasiga kiritish.

2021-yil may

II. Sunʼiy intellekt texnologiyalarini davlat boshqaruvi tizimida keng qoʻllash

4.

Elektron hukumat va moliyaviy xizmatlar foydalanuvchilarini masofaviy identifikatsiya qilishni joriy qilish uchun normativ-huquqiy bazani takomillashtirish.

1. Normativ-huquqiy hujjat loyihasini ishlab chiqish.

2021-yil may

-

Axborot texnologiyalari va kommunikatsiyalarini rivojlantirish vazirligi, Davlat personallashtirish markazi, Adliya vazirligi, Markaziy bank

2. Normativ-huquqiy hujjat loyihasini Vazirlar Mahkamasiga kiritish.

2021-yil iyul

5.

Ovozli biometriya va inson nutqini tanish texnologik yechimlarini joriy etish.

1. Loyihani amalga oshirishning moliyaviy va texnik masalalarini ishlab chiqish.

2021-yil mart

Ijrochilar mablagʻlari, grantlar

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, AT “Aloqabank”

2. Ovozli biometriya yechimini AT “Aloqabank” aloqa markazi bilan integratsiyalash (tajriba-sinov loyiha).

2021-yil oktabr

3. Nutqni tanish texnologik yechimini davlat tili nuqtai nazaridan mahalliylashtirish.

2022-yil mart

6.

“Sber” guruhi tajribasi asosida tadbirkorlik subyektlari va jismoniy shaxslar uchun raqamli ekotizim yaratish.

1. AT “Aloqabank” raqamli xizmatlari tomonidan biznesni onlayn roʻyxatdan oʻtkazishni yoʻlga qoʻyish (tajriba-sinov loyiha).

2021-yil may

Ijrochilar mablagʻlari

AT “Aloqabank”, Axborot texnologiyalari va kommunikatsiyalarini rivojlantirish vazirligi

2. Tegishli normativ-huquqiy hujjatlarga quyidagilarni nazarda tutuvchi oʻzgartirish va qoʻshimchalar kiritish:

tijorat banklari tomonidan alohida davlat xizmatlarining koʻrsatilishi;

tijorat banklari tomonidan moliyaviy boʻlmagan maslahat xizmatlarining koʻrsatilishi;

tijorat banklarining ularning raqamli ekotizimiga kiruvchi loyihalarda ulushli ishtirok etishlari imkonining yaratilishi.

2021-yil sentabr

Markaziy bank, Axborot texnologiyalari va kommunikatsiyalarini rivojlantirish vazirligi, Adliya vazirligi, Banklar assotsiatsiyasi, tijorat banklari

III. Sunʼiy intellekt sohasida innovatsion ishlanmalarning mahalliy ekotizimini yaratish

7.

Raqamli texnologiyalar va sunʼiy intellektni rivojlantirish ilmiy-tadqiqot instituti faoliyatini tashkil etish.

1. Institut faoliyatini tashkil etish va uning tarkibiy tuzilmasini tasdiqlashni nazarda tutuvchi normativ-huquqiy hujjat loyihasini ishlab chiqish.

2021-yil mart

-

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Fanlar akademiyasi

2. Normativ-huquqiy hujjat loyihasini Vazirlar Mahkamasiga kiritish.

2021-yil aprel

8.

Sunʼiy intellekt sohasidagi startap loyihalarni qoʻshma moliyalashtirish (kraudfanding) mexanizmlarini joriy etish.

1. Ishchi guruh tashkil etish.

2. Ilgʻor xorijiy tajribani oʻrganish.

2021-yil mart — dekabr

-

Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi, Iqtisodiy taraqqiyot va kambagʻallikni qisqartirish vazirligi, vazirlik va idoralar

3. Normativ-huquqiy hujjat loyihasini ishlab chiqish va kelishish.

2022-yil fevral

4. Normativ-huquqiy hujjat loyihasini Vazirlar Mahkamasiga kiritish.

2022-yil may

9.

Sunʼiy intellekt sohasida tayanch doktorantura va tadqiqotchi-stajyorlikka oʻqitish uchun har yili 5 nafardan maqsadli kvota ajratilishini belgilash.

1. “Axborot texnologiyalari va sunʼiy intellekt” doktorantura ixtisosligini tashkil etish.

2021-yil avgust

-

Innovatsion rivojlanish vazirligi, Oliy va oʻrta maxsus taʼlim vazirligi, Axborot texnologiyalari va kommunikatsiyalarini rivojlantirish vazirligi, Oliy attestatsiya komissiyasi, Moliya vazirligi, Iqtisodiy taraqqiyot va kambagʻallikni qisqartirish vazirligi, vazirlik va idoralar

2. 2021/2022 oʻquv yili uchun kvotalarni iqtisodiyot tarmoqlari va ijtimoiy soha ehtiyojlaridan kelib chiqqan holda taqsimlash.

2021-yil sentabr

3. “Axborot texnologiyalari va sunʼiy intellekt” doktorantura ixtisosligini oliy malakali kadrlarning ilmiy va ilmiy-pedagogik mutaxassisliklar nomenklaturasiga kiritish.

2021-yil oktabr

4. Keyingi uch yilga qabul kvotalari uchun tavsiyalar ishlab chiqish.

2021-yil noyabr

10.

Umumtaʼlim maktablarida “Axborot jamiyati va unda sunʼiy intellektning oʻrni” mavzusida ochiq darslar oʻtkazish.

1. Umumtaʼlim maktablarining informatika fani oʻqituvchilari uchun har ikki yilda bir marotaba onlayn tarzda oʻtkaziladigan “Axborot jamiyatida axborot texnologiyalari va sunʼiy intellekt” mavzusidagi malaka oshirish va qayta tayyorlash qisqa muddatli kurslari dasturini (10 soatlik) tayyorlash.

2021-yil noyabr

Ajratilgan budjet mablagʻlari hisobidan

Xalq taʼlim vazirligi, Axborot texnologiyalari va kommunikatsiyalarini rivojlantirish vazirligi, Oliy va oʻrta maxsus taʼlim vazirligi, Moliya vazirligi

2. Umumtaʼlim maktablari oʻquvchilari uchun (5-sinf va undan yuqori) “Axborot jamiyati va unda sunʼiy intellektning oʻrni” mavzusida bir yilda kamida ikki marotaba ochiq darslar tashkil etish.

2022-yil aprel oyidan boshlab

11.

Axborot texnologiyalari sohasiga ixtisoslashgan xodimlar uchun axborot texnologiyalari va sunʼiy intellekt sohasida qayta tayyorlash va malaka oshirish oʻquv kurslarini tashkil etish hamda “Sunʼiy intellekt” taʼlim yoʻnalishi fanlari boʻyicha oʻqituvchilarni tayyorlash.

1. Axborot texnologiyalari va kommunikatsiyalarini rivojlantirish vazirligi tizimida “Raqamli iqtisodiyot va sunʼiy intellekt” malaka oshirish oʻquv dasturini ishlab chiqish.

2021-yil dekabr

Ijrochilar mablagʻlari

Axborot texnologiyalari va kommunikatsiyalarini rivojlantirish vazirligi, Oliy va oʻrta maxsus taʼlim vazirligi, Innovatsion rivojlanish vazirligi, Mehnat vazirligi, Iqtisodiy taraqqiyot va kambagʻallikni qisqartirish vazirligi

2. Muhammad al-Xorazmiy nomidagi Toshkent axborot texnologiyalari universitetining Qayta tayyorlash va malaka oshirish markazi negizida oʻqituvchilar uchun qisqa muddatli qayta tayyorlash kurslarini tashkil etish hamda yetarli bilim va koʻnikmalarga ega boʻlgan tinglovchilarga oliy taʼlim muassasalari talabalariga maʼruza oʻqish, mashgʻulotlar oʻtish uchun sertifikatlar berish.

2021-yil mart oyidan boshlab

IV. Sunʼiy intellekt texnologiyalarini qoʻllovchi dasturiy taʼminot ishlab chiquvchilariga raqamli maʼlumotlardan foydalanish uchun sharoit yaratish

12.

Raqamli davlat maʼlumotlaridan foydalanish uchun sharoit yaratish hamda ularni tezkor raqamlashtirishni taʼminlash.

1. Quyidagilarni nazarda tutuvchi normativ-huquqiy hujjat loyihasini ishlab chiqish:

raqamlashtirilgan davlat maʼlumotlarini joylashtirish va shaxslarning ulardan foydalanishini tashkil etish;

raqamlashtirilishi shart boʻlgan davlat maʼlumotlari roʻyxatini shakllantirish;

raqamlashtirish formatiga va raqamlashtirilgan zarur davlat maʼlumotlarini joylashtirish davriga qoʻyiladigan talablarni tasdiqlash.

2021-yil sentabr

-

Axborot texnologiyalari va kommunikatsiyalarini rivojlantirish vazirligi, Davlat statistika qoʻmitasi, Iqtisodiy taraqqiyot va kambagʻallikni qisqartirish vazirligi, “Oʻzarxiv” agentligi, vazirlik va idoralar

2. Normativ-huquqiy hujjat loyihasini loyihasini kelishish va Vazirlar Mahkamasiga kiritish.

2021-yil dekabr

13.

Iqtisodiyot tarmoqlari, ijtimoiy soha va davlat boshqaruvi tizimi ehtiyojlari uchun Sunʼiy intellektni rivojlantirish boʻyicha qoʻshma alyans faoliyatini tashkil etish.

1. Har yili Qoʻshma alyansning harakatlar rejasi va uning ishtirokchilari tarkibini tasdiqlash.

2021 va 2022-yillar dekabr

-

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Iqtisodiy taraqqiyot va kambagʻallikni qisqartirish vazirligi, vazirlik va idoralar

2. Qoʻshma alyans ishtirokchilarining muammoli masalalarini taqdim etish va Sunʼiy intellektni rivojlantirish strategiyasi doirasida tegishli loyihalar ishlab chiqish hamda amalga oshirish boʻyicha qarorlar qabul qilish.

2021 va 2022-yillar yanvar

3. Amalga oshirilgan loyihalar natijalarini eshitish va tegishli qarorlar qabul qilish.

2021 va 2022-yillar fevral

4. Har chorakda qoʻshma alyans faoliyati yuzasidan “Raqamli Oʻzbekiston — 2030” Strategiyasini amalga oshirish boʻyicha muvofiqlashtirish komissiyasi majlisini oʻtkazish.

2021-2022-yillar mobaynida

14.

Davlat tilida sunʼiy intellekt boʻyicha izohli lugʻat ishlab chiqish.

1. Ilgʻor xalqaro tajribani hisobga olgan holda sunʼiy intellekt sohasidagi termin va taʼriflarni shakllantirish.

2021-yil may

Innovatsion rivojlanish va novatorlik gʻoyalarini qoʻllab-quvvatlash jamgʻarmasining maxsus hisob raqami mablagʻlari

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Fanlar akademiyasi, Oliy va oʻrta maxsus taʼlim vazirligi

2. Sunʼiy intellekt boʻyicha izohli lugʻat loyihasini ishlab chiqish va kelishish.

2021-yil sentabr

3. Izohli lugʻatni eʼlon qilish.

2021-yil dekabr

V. Sunʼiy intellekt sohasidagi ilmiy ishlar va ishlanmalarning investitsion jozibadorligini shakllantirish

15.

Sunʼiy intellekt sohasida amaliy algoritmlar yozishda tadqiqotchilarni ragʻbatlantirish maqsadida doimiy ravishda “xakaton”lar va tanlovlar oʻtkazish.

1. Tadbirlarni oʻtkazish boʻyicha yillik jadvalni ishlab chiqish va tasdiqlash.

2021-yil mart

-

Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi, Oliy va oʻrta maxsus taʼlim vazirligi, vazirlik va idoralar

2. Tadbirlarni oʻtkazish va ularni ommaviy axborot vositalarida keng yoritish.

2021-2022-yillar mobaynida

16.

Sunʼiy intellekt texnologiyalarini joriy etish uchun maxsus huquqiy rejim doirasida tajriba-sinov loyihalarni amalga oshirish maqsadida maxsus ochiq maydoncha yaratish.

1. Loyiha-texnik hujjatini ishlab chiqish va uni belgilangan tartibda kelishish.

2021-yil avgust

Ijrochilar mablagʻlari

Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, vazirlik va idoralar

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil oktabr

3. Dasturiy taʼminotni ishlab chiqish va joriy etish.

2022-yil may

17.

Telekommunikatsiya, xavfsizlik va boshqa davlat hamda hududiy dasturlar doirasida yoʻnalishlardagi loyihalarda ishtirok etish uchun ilmiy-tadqiqot va tajriba-konstruktorlik markazlari (R&D) faoliyatini tashkil etish uchun talablarni oʻrnatish.

1. Ilgʻor xorijiy tajribani hisobga olgan holda takliflar tayyorlash boʻyicha ekspert guruh shakllantirish.

2021-yil fevral

Ijrochilar mablagʻlari

“Oʻzeltexsanoat” uyushmasi, Iqtisodiy taraqqiyot va kambagʻallikni qisqartirish vazirligi, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Adliya vazirligi, manfaatdor vazirlik va idoralar

2. Tegishli normativ-huquqiy hujjat loyihasini ishlab chiqish.

2021-yil may

3. Normativ-huquqiy hujjat loyihasini Vazirlar Mahkamasiga kiritish.

2021-yil iyun

VI. Mahalliy korxonalar va mutaxassislarning sunʼiy intellekt sohasidagi axborot resurslari va bilimlardan foydalanish imkoniyatini taʼminlash

18.

Oʻzbekiston Respublikasi Ochiq davlat maʼlumotlari portali faoliyati doirasida sunʼiy intellekt uchun raqamli maʼlumotlar platformasini yaratish, bunda shu jumladan quyidagilarni nazarda tutish:

barcha foydalanuvchilar uchun teng imkoniyatlar yaratgan holda ochiq davlat maʼlumotlarini, integratsiya qilish talablarini va ulardan foydalanish toʻgʻrisida maʼlumotlarni eʼlon qilish;

sunʼiy intellekt texnologiyalarini rivojlantirish doirasida ochiq davlat maʼlumotlaridan bemalol foydalanish imkoniyatini olish uchun ariza berish.

1. Ochiq maʼlumotlar portali platformasida joylashtirish uchun ochiq maʼlumotlar va masʼul tashkilotlar roʻyxatini shakllantirish.

2021-yil mart

-

Davlat statistika qoʻmitasi, vazirlik va idoralar

2. Sunʼiy intellekt doirasida maʼlumotlar toʻplamini joylashtirish imkoniyatlarini yaratish uchun Ochiq maʼlumotlar portalini modernizatsiya qilish hamda maʼlumotlarni avtomatik tarzda kiritish va yuklab olishda integratsiyani taʼminlash.

2021-yil iyul

Axborot texnologiyalari va kommunikatsiyalarini rivojlantirish vazirligi, Statistika qoʻmitasi, vazirlik va idoralar

3. Sunʼiy intellekt sohasidagi loyihalarda foydalanish uchun Portal platformasida maʼlumotlar toʻplamini oʻz vaqtida (shu jumladan avtomatlashtirilgan) joylashtirish.

2021-yil avgust

Vazirlik va idoralar

VII. Sunʼiy intellekt va uni qoʻllash texnologiyalari sohasida xalqaro hamkorlikni rivojlantirish

19.

Sunʼiy intellektni rivojlantirishga qaratilgan xalqaro hamkorlikdagi ilmiy tadqiqot faoliyatini rivojlantirish.

1. Sunʼiy intellekt sohasida xorijiy ilmiy-tadqiqot va oliy taʼlim muassasalari roʻyxatini shakllantirish.

2021-yil oktabr

-

Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi, Fanlar akademiyasi, Oliy va oʻrta maxsus taʼlim vazirligi, Tashqi ishlar vazirligi

2. Ilmiy tadqiqotda hamkorlikni oʻrnatish imkoniyatlarini oʻrganish.

2022-yil fevral

3. Tegishli xorijiy ilmiy-tadqiqot va oliy taʼlim muassasalari bilan hamkorlikni faollashtirish boʻyicha “Yoʻl xarita”sini ishlab chiqish.

2022-yil mart

20.

Hukumatning sunʼiy intellektga tayyorlik indeksida (Government Artificial Intelligence Readiness Index) respublika pozitsiyasini yaxshilash choralarini koʻrish.

1. Xorijiy tajribani oʻrganish va hukumatning sunʼiy intellektga tayyorlik indeksi koʻrsatkichlarini tahlil qilish.

2021-yil iyun

-

Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi, Moliya vazirligi, vazirlik va idoralar

2. Mamlakat pozitsiyasini yaxshilash boʻyicha maqsadli harakatlar dasturini ishlab chiqish.

2021-yil avgust

3. Dastur loyihasini manfaatdor vazirlik va idoralar bilan kelishish va tasdiqlash uchun Vazirlar Mahkamasiga kiritish.

2021-yil sentabr

21.

Sunʼiy intellekt sohasida milliy va xorijiy oliy taʼlim muassasalari va ilmiy-tadqiqot tashkilotlarining hamkorlikdagi tadqiqot loyihalari faolligini oshirish.

Quyidagilarni nazarda tutuvchi sunʼiy intellekt sohasidagi ilmiy tashkilotlarning milliy va xorijiy oliy taʼlim va ilmiy muassasalari bilan 5 yillik hamkorlik rejasini ishlab chiqish:

iqtisodiyot tarmoqlari, ijtimoiy soha va davlat boshqaruvi tizimiga sunʼiy intellektni joriy qilish boʻyicha dolzarb mavzularni shakllantirish;

sunʼiy intellekt sohasida tadqiqot loyihalarini moliyalashtirishda xususiy sektor ulushini bosqichma-bosqich oshirib borish.

2022-yil fevral

-

Innovatsion rivojlanish vazirligi, Oliy va oʻrta maxsus taʼlim vazirligi, Fanlar akademiyasi

22.

Sunʼiy intellekt sohasida ilmiy-tadqiqot faoliyatini olib borayotgan yosh olimlarni qisqa muddatli xorijiy ilmiy stajirovkalarga yuborish.

1. Sunʼiy intellekt sohasida ilmiy-tadqiqot faoliyatini olib borayotgan yosh olimlar roʻyxatini shakllantirish va tanlov asosida saralash.

2. Ilgʻor xorijiy ilmiy tashkilotlari va oliy taʼlim muassasalari bilan hamkorlik aloqalarini oʻrnatish.

3. Tanlov asosida saralash orqali yosh olimlarni maqsadli xorijiy ilmiy stajirovkalarga oʻzaro kelishuv asosida yuborish.

2021-2022-yillar

Ijrochilar mablagʻlari

Innovatsion rivojlanish vazirligi, “El-yurt umidi” jamgʻarmasi, Fanlar akademiyasi, Oliy va oʻrta maxsus taʼlim vazirligi

23.

Sunʼiy intellekt sohasidagi yetakchi ilmiy tashkilotlar va oliy taʼlim muassasalarida taʼlim olish hamda ularning ilmiy-tadqiqot faoliyatini qoʻllab-quvvatlash.

1. Sunʼiy intellekt sohasida oʻqitish va tadqiqot faoliyatining ustuvor yoʻnalishlarini belgilash.

2021-yil aprel

Ijrochilar mablagʻlari

“El-yurt umidi” jamgʻarmasi, Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi, Oliy va oʻrta maxsus taʼlim vazirligi, Tashqi ishlar vazirligi

2. Yetakchi xorijiy ilmiy tashkilotlar va oliy taʼlim muassasalari bilan aloqalar oʻrnatish.

2021-yil avgust

3. Magistratura va doktoranturada oʻqish uchun ilmiy-tadqiqot faoliyati va taʼlimning maqsadli dasturini shakllantirish.

2021/2022 oʻquv yilidan boshlab

4. Sunʼiy intellekt sohasidagi xalqaro konferensiyalar, seminarlar, simpoziumlar va boshqa tadbirlar toʻgʻrisida axborotlarni eʼlon qilib borish.

Har yili

24.

Sunʼiy intellekt sohasida xususiy sektorni keng jalb qilgan holda muntazam tarzda xalqaro ilmiy konferensiyalar va boshqa tadbirlarni tashkil etish.

1. “Sunʼiy intellekt — texnologik rivojlanish asosi” shiori ostida axborot-texnologiyalari haftaligini oʻtkazish, shu jumladan oliy taʼlim muassasalari va ilmiy tashkilotlar, Dasturiy mahsulot va axborot texnologiyalari texnologik parki rezidentlari oʻrtasida iqtisodiyot tarmoqlari, ijtimoiy soha va davlat boshqaruvi tizimi uchun sunʼiy intellekt texnologiyalarini ishlab chiqishga qaratilgan tanlov tashkil etish.

2. 2021-yilda “Innoweek” innovatsion gʻoyalar haftaligi doirasida xorijiy kompaniyalar, xalqaro tashkilotlar va diplomatik vakolatxonalar, banklar, yirik ishlab chiqaruvchilar vakillari ishtirokida “Sunʼiy intellekt — texnologik rivojlanish asosi” mavzusida xalqaro konferensiya tashkil etish.

2021-yil oktabr-noyabr

Ijrochilar mablagʻlari, grantlar

Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi, Oliy va oʻrta maxsus taʼlim vazirligi, Fanlar akademiyasi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Tashqi ishlar vazirligi, Markaziy bank, Savdo-sanoat palatasi

3. Xalqaro konferensiya va boshqa tadbirlar oʻtkazish konsepsiyasi va dasturini ishlab chiqish.

2021-yil dekabr

4. Yetakchi xorijiy ekspertlar va mutaxassislar, kompaniya va boshqa muassasalarni jalb qilgan holda xalqaro konferensiya va tadbirlarni tashkil qilish.

2022-yilda alohida reja asosida

Izohlar:
1. Ishlab chiqiladigan normativ-huquqiy hujjatlar va boshqa hujjatlar huquqiy munosabatlarni tartibga solish predmeti va sohasidan kelib chiqib birlashtirilishi mumkin.
2. Ikki va undan ortiq bandlar birlashtirilganda ushbu bandlar uchun belgilangan eng kech muddat ijro muddati etib belgilanadi.
Oʻzbekiston Respublikasi Prezidentining 2021-yil 17-fevraldagi PQ-4996-son qaroriga
2-ILOVA
Sunʼiy intellekt texnologiyalarini joriy etish boʻyicha 2021-2022-yillarda amalga oshiriladigan tajriba-sinov loyihalar
roʻyxati
Oldingi tahrirga qarang.

T/r

Chora-tadbirlar

Amalga oshirish mexanizmlari

Bajarish muddatlari

Moliyalashtirish manbalari

Masʼul ijrochilar

1.

Yerni masofadan zondlash maʼlumotlari asosida tuproq va qishloq xoʻjaligi ekinlari holatini, shuningdek, qishloq xoʻjaligi texnikasi, shu jumladan kombaynlar ishini monitoring qilish jarayonida sunʼiy intellekt texnologiyalarini qoʻllash.

1. Loyiha-texnik hujjatini ishlab chiqish va uni belgilangan tartibda kelishish.

2021-yil may

XMI va XHMT mablagʻlari va grantlar

Qishloq xoʻjaligi vazirligi, Axborot texnologiyalari va kommunikatsiyalarini rivojlantirish vazirligi, “Oʻzbekkosmos” agentligi, Investitsiyalar va tashqi savdo vazirligi

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil avgust

3. Dasturiy taʼminotni ishlab chiqish va tajriba-sinov loyihasini joriy etish.

2021-yil dekabr

2.

Tijorat banklari faoliyatini monitoring qilish samaradorligini oshirish va ular tomonidan tartibga solish talablari (SubTech va RegTech) bajarilishini soddalashtirish, shuningdek, bank xizmatlari koʻrsatish sifatini tahlil qilish va kredit tavakkalchiliklarini baholash uchun sunʼiy intellekt texnologiyalarini qoʻllash.

1. Xalqaro moliyaviy institutlar va konsalting kompaniyalari koʻmagida loyiha-texnik hujjatini ishlab chiqish va belgilangan tartibda kelishish.

2021-yil dekabr

Ijrochilar mablagʻlari

Markaziy bank, tijorat banklari, Banklar assotsiatsiyasi

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2022-yil yanvar

3. Axborot tizimini ishlab chiqish va joriy etish.

2022-yil noyabr

4.

Yuridik shaxslarning soliq tushumlarini tahlil qilish, soliq toʻlovlaridagi tafovutlarni aniqlashda sunʼiy intellekt texnologiyalarini qoʻllash.

1. Loyiha-texnik hujjatini ishlab chiqish va uni belgilangan tartibda kelishish.

2021-yil may

Ijrochilar mablagʻlari, grantlar va kreditlar

Davlat soliq qoʻmitasi, Moliya vazirligi, Investitsiyalar va tashqi savdo vazirligi, manfaatdor vazirlik va idoralar

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil iyun

3. Dasturiy taʼminotni ishlab chiqish va tajriba-sinov loyihasini joriy etish.

2022-yil may

5.

Lokomotivlarni boshqarish jarayonida ularning harakatini kuzatib borish va xavfli vaziyatlarda mashinistlarni ogohlantirishda, jamoat transporti harakatini tahlil qilish va ularning optimal yoʻnalishlarini aniqlashda, shuningdek, avtomobil harakatini va transportdagi tirbandliklarni monitoring qilishda sunʼiy intellekt texnologiyalarini qoʻllash.

1. Loyiha-texnik hujjatini ishlab chiqish va uni belgilangan tartibda kelishish.

2021-yil iyun

Ijrochilar mablagʻlari

Transport vazirligi, “Oʻzbekiston temir yoʻllari” AJ, “Toshshahar-transxizmat” AJ, Ichki ishlar vazirligi

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil avgust

3. Dasturiy taʼminotni ishlab chiqish va tajriba-sinov loyihasini joriy etish.

2021-yil dekabr

6.

Energiya resurslarini ishlab chiqarish va ularning isteʼmolini prognoz qilishda, texnologik uskunalar ishini optimallashtirishda sunʼiy intellekt texnologiyalarini qoʻllash.

1. Loyiha-texnik hujjatini ishlab chiqish va uni belgilangan tartibda kelishish.

2021-yil avgust

Ijrochilar mablagʻlari va kreditlar

Energetika vazirligi, “Hududiy elektr tarmoqlari” AJ

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil oktabr

3. Dasturiy taʼminotni ishlab chiqish va tajriba-sinov loyihasini joriy etish.

2022-yil aprel

7.

Inson oʻpkasining kompyuter tomografiyasi tahlili asosida pnevmoniyani aniqlash hamda mammografiya tahlili asosida koʻkrak bezi saratoniga ilk bosqichda tashxis qoʻyish uchun sunʼiy intellekt texnologiyalarini qoʻllash.

1. Loyiha-texnik hujjatini ishlab chiqish va uni belgilangan tartibda kelishish.

2021-yil avgust

Xalqaro moliya institutlari va tashkilotlari grantlari, qonunchilikda taqiqlanmagan boshqa manbalar

Sogʻliqni saqlash vazirligi, Investitsiyalar va tashqi savdo vazirligi

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil noyabr

3. Dasturiy taʼminotni ishlab chiqish va tajriba-sinov loyihasini joriy etish.

2021-yil dekabr

8.

Bozorning dori vositalari va tibbiy buyumlariga boʻlgan ehtiyojlarini tahlil qilish va prognozlashtirishda sunʼiy intellekt texnologiyalarini qoʻllash.

1. Loyiha-texnik hujjatini ishlab chiqish va uni belgilangan tartibda kelishish.

2021-yil iyun

Ijrochilar mablagʻlari

Farmatsevtika tarmogʻini rivojlantirish agentligi, “Dori-Darmon” AK, Sogʻliqni saqlash vazirligi

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil iyul

3. Dasturiy taʼminotni ishlab chiqish va tajriba-sinov loyihasini joriy etish.

2021-yil dekabr

9.

Elektron davlat va moliya xizmatlarini koʻrsatishda foydalanuvchilarni masofadan turib biometrik identifikatsiyalash (Face-ID) uchun sunʼiy intellekt texnologiyalarini qoʻllash.

1. Loyiha-texnik hujjatini ishlab chiqish va uni belgilangan tartibda kelishish.

2021-yil may

Ijrochilar mablagʻlari

Axborot texnologiyalari va kommunikatsiyalarini rivojlantirish vazirligi, Davlat personallashtirish markazi, AT “Aloqabank”

2. Dasturiy taʼminot va apparat-dasturiy komplekslari ishlab chiqaruvchi va integratorini aniqlash.

2021-yil iyun

3. Biometrik maʼlumotlar boʻyicha jismoniy shaxslarni identifikatsiya qilishning Yagona biometrik tizimi (YABT)ni ishlab chiqish va tajriba-sinov loyihasini joriy etish.

2021-yil noyabr

(2-ilova Oʻzbekiston Respublikasi Prezidentining 2022-yil 15-apreldagi PQ-208-sonli qarori tahririda — Qonunchilik maʼlumotlari milliy bazasi, 15.04.2022-y., 07/22/208/0311-son)
Oʻzbekiston Respublikasi Prezidentining 2021-yil 17-fevraldagi PQ-4996-son qaroriga
3-ILOVA
Sunʼiy intellektni rivojlantirish boʻyicha qoʻshma alyans

mlrd soʻm

T/r

Tashkilot nomi

Ustuvor yoʻnalish

Summa*

Moliyalashtirish manbalari

1.

Axborot texnologiyalari va kommunikatsiyalarini rivojlantirish vazirligi

Sunʼiy intellekt texnologiyalari va katta maʼlumotlar bilan ishlash uchun superkompyuter va “bulutli” platformalarni rivojlantirish

15

Budjet mablagʻlari doirasida, grantlar, kreditlar, budjetdan tashqari mablagʻlar

Investitsiyalar va tashqi savdo vazirligi

15

Budjet mablagʻlari doirasida, grantlar, kreditlar, budjetdan tashqari mablagʻlar

2.

Innovatsion rivojlanish vazirligi

Nutqni aniqlashva sintezlash texnologiyalari, tabiiy tilga ishlov berish va sunʼiy intellektning boshqa yoʻnalishlarini rivojlantirish

15

Budjet mablagʻlari doirasida, grantlar, kreditlar, budjetdan tashqari mablagʻlar

3.

Iqtisodiy taraqqiyot va kambagʻallikni qisqartirish vazirligi

Boshqaruv qarorlarini qabul qilishni qoʻllab-quvvatlashning intellektual texnologiyalarini rivojlantirish

15

Budjet mablagʻlari doirasida, grantlar, kreditlar, budjetdan tashqari mablagʻlar

4.

Qishloq xoʻjaligi vazirligi

Yerni masofadan zondlash maʼlumotlari asosida tuproq va qishloq xoʻjaligi ekinlari ahvolini, shuningdek, global pozitsiyalash tizimlari maʼlumotlari asosida qishloq xoʻjaligi texnikasi, shu jumladan kombaynlar ishini monitoring qilish texnologiyalarini rivojlantirish

20

Budjet mablagʻlari doirasida, grantlar, kreditlar, budjetdan tashqari mablagʻlar

5.

Energetika vazirligi

Ashyolar interneti intellektual texnologiyalarini rivojlantirish

20

Budjet mablagʻlari doirasida, grantlar, kreditlar, budjetdan tashqari mablagʻlar

6.

Markaziy bank

Bank sohasida monitoring va tahlil qilish uchun intellektual texnologiyalarni rivojlantirish

10

Oʻz mablagʻlari, grantlar, kreditlar

AT “Aloqabank”

10

Oʻz mablagʻlari, grantlar, kreditlar

“Oʻzbekiston Respublikasi Tashqi iqtisodiy faoliyat milliy banki” AJ

20

Oʻz mablagʻlari, grantlar, kreditlar

7.

“Olmaliq KMK” AJ

Sunʼiy intellektdan foydalangan holda ishlab chiqarish jarayonlarini rivojlantirish

20

Oʻz mablagʻlari, grantlar, kreditlar

“Navoiy KMK” DK

20

Oʻz mablagʻlari, grantlar, kreditlar

“Oʻzavtosanoat” AJ

20

Oʻz mablagʻlari, grantlar, kreditlar

Jami

200

* ajratilayotgan mablagʻlarning summalariga amaldagi xarajatlardan kelib chiqib aniqlik kiritiladi.
Ajratilayotgan mablagʻlar mazkur tashkilotlarda sunʼiy intellekt texnologiyalarini joriy qilishga bevosita ushbu tashkilotlar tomonidan yoʻnaltiriladi.
Oʻzbekiston Respublikasi Prezidentining 2021-yil 17-fevraldagi PQ-4996-son qaroriga
4-ILOVA
Sunʼiy intellekt sohasida loyihalarni amalga oshirish uchun ochiq shaklda taqdim etiladigan davlat maʼlumotlari
ROʻYXATI

T/r

Raqamli maʼlumotlar nomi*

Masʼul tashkilotlar

1.

Iqlim va ob-havo sharoitlari toʻgʻrisidagi maʼlumotlar

Gidrometeorologiya xizmati markazi

2.

Kompyuter tomografiyasi va monografiyasi toʻgʻrisidagi maʼlumotlar

(shaxsiy identifikatsiyasiz)

Sogʻliqni saqlash vazirligi

3.

Suv resurslari toʻgʻrisidagi maʼlumotlar

Suv xoʻjaligi vazirligi

4.

Qishloq xoʻjaligi ekin maydonlari, shu jumladan ularning konturlari va chegaralari toʻgʻrisidagi maʼlumotlar

(shaxsiy identifikatsiyasiz)

Qishloq xoʻjaligi vazirligi, Kadastr agentligi

5.

Markirovkalangan alkogol va tamaki mahsulot toʻgʻrisidagi maʼlumotlar

Davlat soliq qoʻmitasi

6.

Sud qarorlari toʻgʻrisidagi maʼlumotlar

(shaxsiy identifikatsiyasiz)

Oliy sud

7.

Nazorat kassa mashinalari orqali aholi bilan pul operatsiyalari toʻgʻrisidagi maʼlumotlar

(shaxsiy identifikatsiyasiz)

Davlat soliq qoʻmitasi

8.

Jamoat transporti harakati toʻgʻrisidagi maʼlumotlar**

Transport vazirligi

9.

Jamoat transportida yoʻlovchilarning harakatlanishi toʻgʻrisidagi maʼlumotlar

(shaxsiy identifikatsiyasiz)***

Transport vazirligi

10.

Koʻchmas mulk, shu jumladan ularning konturlari va chegaralari toʻgʻrisidagi maʼlumotlar

(shaxsiy identifikatsiyasiz)

Kadastr agentligi

11.

Avtomototransport vositalari toʻgʻrisidagi maʼlumotlar

(shaxsiy identifikatsiyasiz)

Ichki ishlar vazirligi

12.

Yoʻl-transport hodisalari toʻgʻrisidagi maʼlumotlar

(shaxsiy identifikatsiyasiz)

Ichki ishlar vazirligi

13.

Maʼmuriy-hududiy birliklar va manzillar toʻgʻrisidagi maʼlumotlar

Kadastr agentligi

14.

Tijorat banklarining muammoli kreditlari toʻgʻrisidagi maʼlumotlar

(shaxsiy identifikatsiyasiz)

Markaziy bank, Kredit byurosi

Izohlar:
* maʼlumotlar sunʼiy intellekt sohasidagi loyihalarni amalga oshirishda foydalanish uchun raqamli maʼlumotlar platformasiga joylashtiriladi hamda real vaqt rejimida, shuningdek, qonun hujjatlari talablariga muvofiq shaxsiy identifikatsiyasiz shaklda yangilanadi;
** 2021-yil 1-sentabrdan boshlab — Toshkent shahri, 2022-yil 1-yanvardan boshlab — bosqichma-bosqich boshqa hududlar uchun;
*** 2021-yil 1-sentabrdan boshlab — Toshkent shahri, 2022-yil 1-yanvardan boshlab — Nukus shahri va viloyat markazlari, 2023-yil 1-yanvardan boshlab — Oʻzbekiston Respublikasining barcha hududlari uchun.
Oʻzbekiston Respublikasi Prezidentining 2021-yil 17-fevraldagi PQ-4996-son qaroriga
5-ILOVA
2021/2022 oʻquv yilidan boshlab grant asosida “Sunʼiy intellekt” yoʻnalishi boʻyicha kadrlar tayyorlash bosqichma-bosqich boshlanadigan oliy taʼlim muassasalari va ilmiy tashkilotlar
ROʻYXATI
Oldingi tahrirga qarang.

T/r

Tashkilot nomi

Grant asosida qabul qilish parametrlari va oʻquv yilining boshlanishi

Bakalavriat

Oʻquv yili

Magistratura

Oʻquv yili

1.

Muhammad al-Xorazmiy nomidagi Toshkent axborot texnologiyalari universiteti

30

2021/2022 oʻquv yilidan boshlab

10

2021/2022 oʻquv yilidan boshlab

2.

Mirzo Ulugʻbek nomidagi Oʻzbekiston milliy universiteti

25

2022/2023 oʻquv yilidan boshlab

10

2021/2022 oʻquv yilidan boshlab

3.

Islom Karimov nomidagi Toshkent davlat texnika universiteti

25

2023/2024 oʻquv yilidan boshlab

5

2022/2023 oʻquv yilidan boshlab

4.

Sharof Rashidov nomidagi Samarqand davlat universiteti

20

2022/2023 oʻquv yilidan boshlab

5

2021/2022 oʻquv yilidan boshlab

5.

Raqamli texnologiyalar va sunʼiy intellektni rivojlantirish ilmiy-tadqiqot instituti*

-

-

10*

2021/2022 oʻquv yilidan boshlab

Jami

100

30

Izoh: “Raqamli Oʻzbekiston — 2030” Strategiyasini amalga oshirish boʻyicha muvofiqlashtirish komissiyasiga mazkur roʻyxatga oʻzgartirish va qoʻshimchalar kiritish huquqi beriladi.
* Tegishli oliy taʼlim muassasalari magistrantlarining magistrlik dissertatsiyalari ustidan ilmiy rahbarlikni amalga oshiradi.
(5-ilova Oʻzbekiston Respublikasi Prezidentining 2022-yil 2-dekabrdagi PF-258-sonli Farmoni tahririda — Qonunchilik maʼlumotlari milliy bazasi, 03.12.2022-y., 06/22/258/1064-son)
Oʻzbekiston Respublikasi Prezidentining 2021-yil 17-fevraldagi PQ-4996-son qaroriga
6-ILOVA
Iqtisodiyot tarmoqlari, ijtimoiy soha va davlat boshqaruvi tizimida sunʼiy intellekt texnologiyalarini amaliy qoʻllash boʻyicha oʻquv kurslari va fanlarini joriy qilish koʻzda tutilgan oliy taʼlim muassasalar
ROʻYXATI
1. Andijon davlat tibbiyot instituti
2. Jizzax politexnika instituti
3. Samarqand iqtisodiyot va servis instituti
4. Fargʻona politexnika instituti
5. Mirzo Ulugʻbek nomidagi Oʻzbekiston milliy universiteti
6. Toshkent davlat transport universiteti
7. Islom Karimov nomidagi Toshkent davlat texnika universiteti
8. Toshkent davlat iqtisodiyot universiteti
9. Toshkent moliya instituti
10. Toshkent davlat yuridik universiteti
Oldingi tahrirga qarang.
11. “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti
(11-band Oʻzbekiston Respublikasi Prezidentining 2022-yil 31-avgustdagi PF-214-sonli Farmoni tahririda — Qonunchilik maʼlumotlari milliy bazasi, 31.08.2022-y., 06/22/214/0791-son)
12. Toshkent davlat agrar universiteti
13. Toshkent tibbiyot akademiyasi
Oldingi tahrirga qarang.
14. Oʻzbekiston Respublikasi Huquqni muhofaza qilish akademiyasi
(14-band Oʻzbekiston Respublikasi Prezidentining 2024-yil 3-yanvardagi PF-1-sonli Farmoni tahririda — Qonunchilik maʼlumotlari milliy bazasi, 04.01.2024-y., 06/24/1/0001-son)
15. Ichki ishlar vazirligi akademiyasi
(Qonun hujjatlari maʼlumotlari milliy bazasi, 18.02.2021-y., 07/21/4996/0127-son; Qonunchilik maʼlumotlari milliy bazasi, 29.07.2021-y., 07/21/5199/0721-son; 15.04.2022-y., 07/22/208/0311-son, 31.08.2022-y., 06/22/214/0791-son; 03.12.2022-y., 06/22/258/1064-son; 04.01.2024-y., 06/24/1/0001-son)