PQ-4939-сон 31.12.2020. Malakalarni baholash tizimini tubdan takomillashtirish va mehnat bozorini malakali kadrlar bilan taʼminlash chora-tadbirlari toʻgʻrisida

Hujjat kuchini yo‘qotgan " " 05.10.2024

O‘zbekiston Respublikasi Prezidentining

Qarori

Malakalarni baholash tizimini tubdan takomillashtirish va mehnat bozorini malakali kadrlar bilan ta’minlash chora-tadbirlari to‘g‘risida

LexUZ sharhi

Mazkur qaror O‘zbekiston Respublikasi Prezidentining 2024-yil 30-sentabrdagi PQ-345-sonli “O‘zbekiston Respublikasi milliy malaka tizimini yanada takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.

Mamlakatimizda inson kapitalini to‘laqonli rivojlantirish, oliy va professional ta’limning sifatini oshirish, mehnat bozorining rivojlanishi tendensiyalarini inobatga olgan holda, aholining keng qatlamlarini talab yuqori bo‘lgan kasblarga o‘qitish hamda malakali kadrlarni tayyorlashning sifat jihatidan yangi tizimini joriy etish uchun shart-sharoitlarni yaratish maqsadida, shuningdek, 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq:

1. Bandlik va mehnat munosabatlari vazirligi, Iqtisodiy taraqqiyot va kambag‘allikni qisqartirish vazirligi, Savdo-sanoat palatasi, “O‘zstandart” agentligi, yirik korxonalar va uyushmalarning quyidagilarni nazarda tutuvchi Xizmatchilarning asosiy lavozimlari va ishchilar kasblari klassifikatorini (keyingi o‘rinlarda — Klassifikator) takomillashtirish to‘g‘risidagi taklifiga rozilik berilsin:

ta’limning eng past darajasiga qo‘yiladigan talablarni bekor qilgan holda har bir lavozim va kasb bo‘yicha malaka doirasiga muvofiq malaka darajasiga talablar kiritilishi;

lavozim va kasblarni Mashg‘ulotlarning Xalqaro Standart Klassifikatori (MXSK — 2008) bilan muvofiqlashtirish;

ishchi kasblar uchun tarif razryadlarining oralig‘ini belgilash.

Bandlik va mehnat munosabatlari vazirligi (N.B. Xusanov) manfaatdor vazirlik va idoralar bilan birgalikda ikki oy muddatda yangi tahrirdagi Klassifikatorni ishlab chiqsin va “O‘zstandart” agentligida O‘zbekiston davlat standarti shaklida ro‘yxatdan o‘tkazsin.

2. Mehnat bozorida talab yuqori bo‘lgan kasblar bo‘yicha tegishli malaka darajasiga erishish yo‘llarining moslashuvchanligi va xilma-xilligini ta’minlovchi Malaka darajalariga erishish sxemasi 1-ilovaga muvofiq tasdiqlansin.

3. Belgilansinki:

Klassifikatorda belgilangan har bir lavozim va kasb bo‘yicha ta’lim va malaka darajasiga qo‘yiladigan talablar Malaka darajalariga erishish sxemasiga muvofiq tegishli lavozim (kasb)ning malaka darajasidan kelib chiqqan holda ish beruvchilar tomonidan mustaqil belgilanadi;

har bir xodimning malaka darajasini aniqlashda nafaqat uning ma’lumoti, balki kasbiy tajribasi, bilimlari hamda shaxsiy va ishbilarmonlik fazilatlari ham hisobga olinadi;

xodimlarning ish haqini belgilashda ularning malaka darajasi hisobga olinadi.

4. O‘zbekiston Respublikasi Prezidenti va Vazirlar Mahkamasiga hisobdor bo‘lgan Kasbiy malaka va bilimlarni rivojlantirish bo‘yicha kengash (keyingi o‘rinlarda — Kengash) hamda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzurida Kasbiy malaka va bilimlarni rivojlantirish bo‘yicha hududiy kengashlar (keyingi o‘rinlarda — hududiy kengashlar) tashkil etilsin va ularga quyidagi vazifalar yuklatilsin:

mehnat bozorini, shu jumladan uning kasbiy-malakaviy tuzilmasini monitoring qilish, baholash va strategik rejalashtirish tizimini takomillashtirish, iqtisodiyotni raqamlashtirish va yangi progressiv texnologiyalarni rivojlantirishni inobatga olgan holda, malakali kadrlarga bo‘lgan joriy va istiqbolli ehtiyojni qondirish;

kasbiy standartlar, tarmoq malakalar doiralari va malaka talablarining ishlab chiqilishi hamda yangilab borilishini tashkil etish;

malaka va bilimlarni baholash milliy tizimining xalqaro miqyosda tan olinishini ta’minlash;

kasbiy malaka va bilimlarning moslashuvchan, izchil va uzluksiz rivojlanishini ta’minlash;

malaka va bilimlarni, nafaqat shaxs tomonidan olingan ta’lim, balki uning kasbiy tajribasi, ko‘nikmalari hamda shaxsiy va ishbilarmonlik xususiyatlarini inobatga olgan holda tan olish, validatsiya va akkreditatsiya (sertifikatsiya) qilishning moslashuvchan, shaffof va xolisona mexanizmlarini joriy etish;

ish beruvchi talablarining ta’lim dasturlari mazmuni bilan o‘zaro bog‘liqligini kuchaytirish orqali ta’limning sifatini oshirish.

5. Quyidagilar:

Kasbiy malaka va bilimlarni rivojlantirish bo‘yicha kengash tarkibi hamda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi Kasbiy malaka va bilimlarni rivojlantirish bo‘yicha hududiy kengashlarning namunaviy tarkibi 2 va 2a-ilovalarga muvofiq;

Kasbiy malaka va bilimlarni rivojlantirish bo‘yicha tarmoq kengashlari (keyingi o‘rinlarda — tarmoq kengashlari), shuningdek, ularning faoliyatini tashkil etish uchun mas’ul vazirlik, idora, ta’lim va ilmiy muassasalar ro‘yxati 3-ilovaga muvofiq tasdiqlansin.

Bandlik va mehnat munosabatlari vazirligiga tegishli vazirlik va idoralarning takliflariga binoan va O‘zbekiston Respublikasi Prezidenti Administratsiyasi bilan kelishilgan holda tarmoq kengashlari ro‘yxatiga o‘zgartirishlar kiritish huquqi berilsin.

6. Tarmoq kengashlariga quyidagi vazifalarni amalga oshirish yuklansin:

mehnat bozori monitoringi asosida tarmoqlarning malaka va bilimlarga ehtiyojlari va tendensiyalarini aniqlash;

tarmoq malaka doiralarini ishlab chiqish, joriy etish va takomillashtirish;

kasbiy standartlarni ishlab chiqish va joriy etish bo‘yicha faoliyatni muvofiqlashtirish;

norasmiy va informal o‘qitishning natijalarini tan olish, validatsiya va akkreditatsiya (sertifikatsiya) qilish tizimini shakllantirish, shu jumladan malakalarni baholash markazlari faoliyatini tashkil qilish;

yoshlarni kasbga yo‘naltirish, professiogramma va axborot materiallarini ishlab chiqish bo‘yicha ishlarni tashkil etish;

tarmoq malakalar doiralari va kasbiy standartlardan kelib chiqqan holda Klassifikatorni takomillashtirish hamda mehnatga haq to‘lashga oid me’yorlarni aniqlash bo‘yicha takliflarni tayyorlash.

Belgilansinki:

mas’ul vazirlik va idoralarda ularning umumiy shtat birliklari soni doirasida mehnatga haq to‘lash sharoiti bo‘yicha mustaqil bo‘lim boshlig‘iga tenglashtirilgan tarmoq kengashi kotibi lavozimi kiritiladi;

tarmoq kengashlarining doimiy ishchi organi sohaga oid ilmiy-tadqiqot va ta’lim tashkilotlari, yirik tarmoq korxonalari, xodimlar bilan ishlash bo‘yicha tuzilmalar bo‘lishi mumkin;

ishchi organ tarmoq kengashi bilan kelishilgan holda ishlab chiqilayotgan kasbiy standartlar va boshqa hujjatlarning xususiyatlarini inobatga olib, ishchi ekspertlar guruhlarini tashkil etishga haqli;

ishchi ekspertlar guruhlarining ishlariga jalb etiladigan xodim va ekspertlarga tarmoq kengashlarining faoliyatini tashkil etish uchun mas’ul bo‘lgan vazirlik va idoralarning mablag‘lari hisobidan mukofot puli to‘lanishi mumkin.

7. Bandlik va mehnat munosabatlari vazirligi (N.B. Xusanov):

har chorakda tarmoq va hududiy kengashlar bilan birgalikda malakalarni baholash tizimini joriy etish bo‘yicha faoliyat natijalarini muhokama qilib, O‘zbekiston Respublikasi Prezidenti va Vazirlar Mahkamasiga hisobot taqdim etib borsin;

bir oy muddatda 2021-2022-yillarda xizmatchilar lavozimlari va ishchi kasblarining tarmoq tarif-malaka ma’lumotnomalarini tarmoq kengashlari tomonidan qayta ko‘rib chiqish reja-jadvalini ishlab chiqsin va tasdiqlasin.

Bandlik va mehnat munosabatlari vazirligiga quyidagi huquqlar berilsin:

malaka tizimi ishtirokchilarining takliflari va ilg‘or xorijiy tajribalarni hisobga olgan holda, kasbiy standartning maketiga o‘zgartirish va qo‘shimchalar kiritish;

malaka tizimining ishtirokchilari sifatida o‘ziga yuklatilgan vazifalar buzilishiga yo‘l qo‘yayotgan vazirlik va idoralar mansabdor shaxslarining javobgarligi masalasini ko‘rib chiqish bo‘yicha takliflar taqdim etish;

talabgorlarda malaka darajalariga erishish sxemasida nazarda tutilmagan ta’lim bo‘lgan taqdirda ularning malakalar darajasini belgilash.

8. Bandlik va mehnat munosabatlari vazirligi huzuridagi Respublika bandlik va mehnat muhofazasi ilmiy markazi Bandlik va mehnat munosabatlari vazirligi huzuridagi Mehnat bozori tadqiqotlari instituti (keyingi o‘rinlarda — Mehnat instituti) etib qayta tashkil etilsin va unga Kengashning ishchi organi vazifasi yuklansin.

Mehnat institutining asosiy vazifalari etib bandlikka ko‘maklashish, mehnat munosabatlarini rivojlantirish, mehnat bozori, mehnat muhofazasi, Malaka tizimi va kasbiy standartlarni takomillashtirish hamda mehnat migratsiyasi kabi yo‘nalishlar bo‘yicha ilmiy-amaliy tadqiqotlar va ishlanmalarni amalga oshirish belgilansin.

9. Mehnat instituti tuzilmasida quyidagilar uchun mas’ul bo‘lgan Mehnatni me’yorlash markazi tashkil etilsin:

mehnat bo‘yicha me’yorlar va normativlarni ishlab chiqish sohasida amaliy loyihalarni, shu jumladan tarmoq korxonalari buyurtmalari asosida amalga oshirish;

tashkilotlarning tashkiliy tuzilmasi va xodimlar sonini rejalashtirish hamda maqbullashtirish bo‘yicha takliflarni ishlab chiqish;

mehnat faoliyatini tartibga soluvchi texnik reglamentlarni takomillashtirish;

kasblarning malakaviy tavsiflarini ishlab chiqish.

10. Belgilab qo‘yilsinki:

a) Mehnat instituti:

tarmoq kengashlarining, shu jumladan kasbiy standartlarni ishlab chiqish va amaliyotga tatbiq etish borasidagi faoliyatini uslubiy, tashkiliy va axborot jihatidan ta’minlaydi;

malakalar tizimining registri va boshqa axborot resurslarini shakllantirish, yuritish va rivojlantirishni tashkil etadi;

yuklatilgan vazifalarni bajarish uchun vazirlik va idoralar, ta’lim tashkilotlari, ilmiy va boshqa muassasalar, davlat korxonalari mutaxassislarini jalb etishga haqli;

b) Mehnat institutining direktori Vazirlar Mahkamasining qarori bilan, uning o‘rinbosarlari esa Vazirlar Mahkamasi bilan kelishilgan holda bandlik va mehnat munosabatlari vazirining buyrug‘i bilan lavozimga tayinlanadi;

v) Mehnatni me’yorlash markazining rahbari bir vaqtning o‘zida Mehnat instituti direktorining o‘rinbosari hisoblanadi;

g) Mehnat instituti, shu jumladan Mehnatni me’yorlash markazi faoliyatini moliyalashtirish manbalari Bandlikka ko‘maklashish davlat jamg‘armasining mablag‘lari, xo‘jalik hisobidagi faoliyatdan daromadlar, xalqaro, xorijiy va mahalliy tashkilotlarning grant mablag‘lari hamda qonun hujjatlari bilan taqiqlanmagan boshqa manbalar hisoblanadi.

Bandlik va mehnat munosabatlari vazirligiga Mehnat institutida ishlash uchun xorijiy mutaxassislarni, shu jumladan chet eldagi vatandoshlarni shartnoma asosida jalb qilish hamda Bandlikka ko‘maklashish davlat jamg‘armasi hisobidan ularning mehnatiga haq to‘lashga ruxsat berilsin.

11. Bandlik va mehnat munosabatlari vazirligi (N.B. Xusanov) Axborot texnologiyalari va kommunikatsiyalarini rivojlantirish vazirligi (Sh.M. Sadikov) va tarmoq kengashlari bilan birgalikda 2021-yil 1-aprelgacha quyidagi imkoniyatlarni ta’minlovchi “profstandart.uz” kasbiy standartlarning yagona ochiq portalini ishlab chiqsin va ishga tushirsin:

kasbiy standartlarning registri va ular matnlarining amaldagi tahrirlari bilan erkin tanishish;

ish beruvchilar va mutaxassislar tomonidan kasbiy standartlarga o‘zgartirish va qo‘shimchalar kiritish bo‘yicha tashabbus ko‘rsatish;

“ochiq maydoncha” tamoyili asosida va real vaqt rejimida yangi kasb standartlarini ishlab chiqish va amaldagilarini takomillashtirish, malakalarni baholash tizimining samaradorligini oshirish borasidagi dolzarb masalalarni muhokama qilishni manfaatdor vazirlik va idoralar vakillarini jalb qilgan holda tashkil etish.

Belgilansinki, “profstandart.uz” portalini yaratish va uning faoliyatini ta’minlash bilan bog‘liq ishlarni moliyalashtirish Bandlikka ko‘maklashish davlat jamg‘armasi mablag‘lari hisobidan amalga oshiriladi.

12. Ta’lim va ishlab chiqarish amaliyotining tizimli o‘zaro bog‘liqligini ta’minlash maqsadida shunday tartib o‘rnatilsinki, unga muvofiq:

a) 2021/2022 o‘quv yilidan boshlab:

oliy ta’lim muassasalarida amaliyotga yo‘naltirilgan ta’lim dasturlarini joriy etish maqsadida ushbu muassasalarning qarorlari asosida dual ta’lim tizimi joriy etilishi mumkin;

dual ta’lim tizimi asosida ishlab chiqarish amaliyotini o‘tayotgan o‘quvchilarga ish beruvchi bilan tuzilgan muddatli mehnat shartnomasiga muvofiq ish haqi to‘lanishi mumkin;

b) 2021-yil 1-apreldan boshlab:

yangi kasbiy standart qabul qilinganda yoki amaldagilariga o‘zgartirish va qo‘shimchalar kiritilganda, tasarrufida ta’lim muassasalari bo‘lgan vazirlik va idoralar navbatdagi o‘quv yili boshlanishidan oldin ta’lim tashkilotlarining tegishli ta’lim dasturlarini qayta ko‘rib chiqish, shuningdek, professor-o‘qituvchilarining malakasini oshirishni tashkil etadi;

oliy va professional ta’limning ta’lim dasturlari WorldSkills standartlari, kasbiy standartlar va ro‘yxati Oliy va o‘rta maxsus ta’lim vazirligi hamda Vazirlar Mahkamasi huzuridagi Ta’lim sifatini nazorat qilish davlat inspeksiyasining qo‘shma qarori bilan tasdiqlanadigan, xalqaro miqyosda tan olingan tashkilotlar reytingida oliy ta’lim muassasalari o‘rtasida birinchi 1 000 o‘rinni egallovchi oliy ta’lim muassasalari ta’lim dasturlari hisobga olingan holda ishlab chiqiladi;

ta’lim dasturlarini qayta ko‘rib chiqish bo‘yicha loyihalar “profstandart.uz” portalida, shuningdek ta’lim tashkilotlari hamda Oliy va o‘rta maxsus ta’lim vazirligining rasmiy saytlarida yigirma kundan kam bo‘lmagan muddatga jamoatchilik va ekspertlar, shu jumladan ish beruvchilar, vazirlik va idoralar, uyushmalar va mahalliy ijro hokimiyati organlari vakillari orasida muhokama uchun joylashtiriladi.

13. 2021-yilga mo‘ljallangan kasbiy faoliyatning ustuvor yo‘nalishlari bo‘yicha kasbiy standartlarni ishlab chiqish reja-grafigi (keyingi o‘rinlarda — Reja-grafik) 4-ilovaga muvofiq tasdiqlansin.

Belgilansinki:

har yili 1-noyabrga qadar tarmoq kengashlari, hududiy kengashlar, Savdo-sanoat palatasi, O‘zbekiston kasaba uyushmalari Federatsiyasi kengashi, ta’lim tashkilotlari, ilmiy va boshqa muassasalar Mehnat institutiga kelgusi yil uchun Reja-grafik bo‘yicha takliflarni taqdim etadi;

har yili 1-dekabrga qadar Mehnat instituti joriy va o‘tgan yillardagi Reja-grafikni amalga oshirish natijalarini hamda tarmoq kengashlari, hududiy kengashlar, ta’lim tashkilotlari, ilmiy va boshqa muassasalarning takliflarini har tomonlama o‘rganish asosida kelgusi yil uchun Reja-grafik loyihasini ishlab chiqadi va Kengashga taqdim etadi;

har yili 10-dekabrga qadar Bandlik va mehnat munosabatlari vazirligi Kengash tomonidan ma’qullangan kelgusi yil uchun Reja-grafik loyihasini Vazirlar Mahkamasiga tasdiqlash uchun kiritadi.

14. Bandlik va mehnat munosabatlari vazirligi, Oliy va o‘rta maxsus ta’lim vazirligi, Iqtisodiy taraqqiyot va kambag‘allikni qisqartirish vazirligining 2021-yil 1-apreldan boshlab kasbiy standartlarni ishlab chiqish va tasdiqlashga quyidagi talablarni belgilash to‘g‘risidagi taklifiga rozilik berilsin:

kasbiy standartlarning ishlab chiqilishi tarmoq kengashlari tomonidan tegishli yil uchun Reja-grafik asosida yoki o‘z tashabbusi bilan tarmoqlar mutaxassislarini jalb qilgan holda tashkil etiladi;

kasbiy standart loyihasi jamoatchilik va ekspertlar muhokamasi uchun yigirma kundan kam bo‘lmagan muddatga “profstandart.uz” portaliga joylashtiriladi;

jamoatchilik va ekspertlar muhokamasidan o‘tgan kasbiy standart loyihasi tarmoq kengashi tomonidan ekspertizadan o‘tkazish uchun Mehnat institutiga taqdim etiladi. Bunda, taqdim etilgan kasbiy standart loyihasiga nisbatan salbiy xulosa berilgan taqdirda, uni qayta ishlash tarmoq kengashi tomonidan Mehnat instituti negizida tashkil etiladi;

ekspertizadan o‘tgan kasbiy standart loyihasi besh kun ichida tarmoq kengashi tomonidan tasdiqlanadi va shu kunning o‘zida Bandlik va mehnat munosabatlari vazirligiga ro‘yxatdan o‘tkazish hamda kasbiy standartlar registriga kiritish uchun taqdim etiladi.

Bandlik va mehnat munosabatlari vazirligi (N.B. Xusanov) bir oy muddatda Kasbiy malaka va bilimlarni rivojlantirish bo‘yicha tarmoq kengashlari to‘g‘risidagi namunaviy nizomni tasdiqlash haqidagi Hukumat qarori loyihasini Vazirlar Mahkamasiga kiritsin.

15. 2021-yilga mo‘ljallangan iqtisodiyotning ustuvor tarmoqlaridagi yirik korxonalar huzurida malakalarni baholash markazlarini tashkil etish dasturi 5-ilovaga muvofiq tasdiqlansin.

Malakalarni baholashning shaffof, xolisona va samarali tartibotlarini ta’minlash maqsadida shunday tartib o‘rnatilsinki, unga muvofiq:

malakalarni baholash Bandlik va mehnat munosabatlari vazirligi tomonidan belgilanadigan baholash vositalari, shu jumladan onlayn testni o‘tkazishga mo‘ljallangan dastur ta’minotidan foydalangan holda amalga oshiriladi;

malakalarni baholash jarayoni Internet tarmog‘ida efirga uzatilib, elektron jismda videoyozuv orqali qayd etiladi;

baholash vositalari Mehnat instituti yoki tarmoq kengashlarida ekspertizadan o‘tkazilishi shart.

Mazkur qarorga 5-ilovada belgilangan mas’ul vazirlik, idora va tashkilotlar hududiy kengashlar bilan birgalikda quyidagilarni ta’minlasin:

2021-yil davomida malakalarni baholash markazlarini tashkil etishga qaratilgan zarur choralarni ko‘rish;

malakalarni baholash markazlarini tegishli baholash vositalari va boshqa asbob-uskunalar bilan jihozlash;

malakalarni baholash markazlarini yuqori malakali mutaxassislar bilan to‘ldirish.

16. Belgilab qo‘yilsinki, malakani baholash markazlari tomonidan beriladigan malaka pasportlari malaka doirasi darajalariga muvofiq lavozimlarni egallash va mehnat faoliyatini amalga oshirish huquqini beradi.

17. Bandlik va mehnat munosabatlari vazirligi (N.B. Xusanov) Davlat statistika qo‘mitasi (B.A. Begalov) hamda boshqa manfaatdor vazirlik va idoralar bilan birgalikda 2021-yildan boshlab ish bilan band bo‘lganlarning kasbiy va malaka tuzilmasi ko‘rsatkichlarini aniqlash uslubiyatini ishlab chiqsin.

18. Malakalar tizimini takomillashtirish va mehnat bozorini malakali kadrlar bilan ta’minlash bo‘yicha “yo‘l xaritasi” 6-ilovaga muvofiq tasdiqlansin.

19. Vazirlar Mahkamasining 2017-yil 4-oktabrdagi “Xizmatchilarning asosiy lavozimlari va ishchilar kasblari klassifikatorini yanada takomillashtirish to‘g‘risida”gi 795-son qarori 2021-yil 1-martdan boshlab o‘z kuchini yo‘qotgan deb hisoblansin.

20. Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari ikki hafta muddatda hududiy kengashlarning tarkibini tasdiqlasin hamda Bandlik va mehnat munosabatlari vazirligi bilan birgalikda ularning samarali faoliyatini tashkil etish uchun barcha zarur choralarni ko‘rsin.

21. Bandlik va mehnat munosabatlari vazirligi (N.B. Xusanov):

O‘zbekiston kasaba uyushmalari Federatsiyasi (Q.M. Rafikov) bilan birgalikda xodimlarning mehnat huquqlarini ishonchli himoya qilishni ta’minlab, ularning malaka darajasini hisobga olgan holda ish haqi to‘lanilishi ustidan tizimli nazorat o‘rnatsin;

manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.

22. Mazkur qarorning ijrosini samarali tashkil etishga mas’ul va shaxsiy javobgar etib O‘zbekiston Respublikasi bandlik va mehnat munosabatlari vaziri N.B. Xusanov, oliy va o‘rta maxsus ta’lim vaziri I.U. Madjidov hamda oliy va o‘rta maxsus ta’lim vazirining kasb-hunar ta’limi bo‘yicha o‘rinbosari M.M. Xolmuxamedov belgilansin.

Qaror ijrosini har chorakda muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Bosh vazirining o‘rinbosari J.A. Qo‘chqorov zimmasiga yuklansin.

Amalga oshiriladigan chora-tadbirlar natijadorligi to‘g‘risida 2021-yil 1-aprel hamda 1-dekabrga qadar O‘zbekiston Respublikasi Prezidentiga axborot berilsin.

O‘zbekiston Respublikasi Prezidenti Sh. MIRZIYOYEV

Toshkent sh.,

2020-yil 31-dekabr,

PQ-4939-son

O‘zbekiston Respublikasi Prezidentining 2020-yil 31-dekabrdagi PQ-4939-son qaroriga
1-ILOVA

Malaka darajalariga erishish

SXEMASI

Milliy malaka doirasi bo‘yicha malaka darajasi	Talab etiladigan ta’lim va kasbiy tayyorgarlik darajasi*
1	ish joyida o‘qitish (yo‘l-yo‘riqlar berish) yoki ishlab chiqarish yoki norasmiy o‘qitish bo‘yicha qisqa muddatli kurslar
2	ta’lim tashkiloti negizida qisqa muddatli kurslar yoki ishlab chiqarish kurslarida yoki “usta-shogird” uslubi orqali o‘qitish yoki kasbiy tajriba
3	boshlang‘ich professional ta’lim yoki o‘rta maxsus ta’lim yoki qisqa va o‘rta muddatli sertifikatlangan kasbga o‘qitish kurslari yoki kasbiy tajriba**
4	boshlang‘ich professional ta’lim va kasbiy tajriba yoki o‘rta professional ta’lim yoki ta’lim muassasalari negizida kasbga o‘qitish dasturlari bo‘yicha uzoq muddatli kasbga o‘qitish kurslari yoki davomiyligi 1 yildan kam bo‘lmagan validatsiyadan o‘tgan kasbga o‘qitish bo‘yicha ta’lim dasturlari**
5	o‘rta professional ta’lim va kasbiy tajriba yoki o‘rta maxsus professional ta’lim
6	bakalavriat yoki ayrim hollarda — o‘rta maxsus professional ta’lim va kasbiy tajriba
7	magistratura, internatura, ordinatura (o‘zlashtirilgan bakalavriat dasturi asosida) yoki bakalavriat va kasbiy tajriba bilan birgalikda ish beruvchilar tomonidan tan olingan dasturlar bo‘yicha qo‘shimcha professional ta’lim (mutaxassislik) yoki yuqori darajadagi qo‘shimcha ta’lim (biznes boshqaruvi, ommaviy boshqaruv va boshqa xalqaro tan olingan oliy ta’limdan keyingi ta’lim)
8	magistratura, ilmiy unvon olishga yo‘naltirilgan oliy ta’limdan keyingi ta’lim to‘g‘risida diplom (sertifikat), kasbiy tajriba yoki fan nomzodi yoki falsafa doktori (PhD) ilmiy darajasi yoki unga tenglashtirilgan va undan yuqori bo‘lgan xorijiy davlatlar ilmiy darajalari yoki fan doktori (DSc) ilmiy darajasi yoki kasbiy tajriba bilan birgalikda yuqori darajadagi qo‘shimcha ta’lim (biznes boshqaruvi, ommaviy boshqaruv va boshqa xalqaro tan olingan oliy ta’limdan keyingi ta’lim)

* xodimda malakalarni baholash markazi tomonidan tasdiqlangan katta kasbiy tajriba bo‘lgan taqdirda, istisno tariqasida, uni ta’lim va kasbiy tayyorgarlik bo‘yicha talab etiladigan tegishli darajadan yuqoriroq bo‘lgan lavozimlar (kasblar)ga ishga olishga yo‘l qo‘yiladi.

** 2005-yilga qadar texnikumlarda olingan ta’lim, shuningdek kasb-hunar kollejlari, o‘rta hunar-texnika bilim yurtlari va hunar-texnika bilim yurtlarida olingan ta’lim o‘rta kasbiy ta’limga, texnika bilim yurtlarida olingan ta’lim esa — boshlang‘ich professional ta’limga tenglashtiriladi.

O‘zbekiston Respublikasi Prezidentining 2020-yil 31-dekabrdagi PQ-4939-son qaroriga
2-ILOVA

Kasbiy malaka va bilimlarni rivojlantirish bo‘yicha kengash

TARKIBI

1.	N.B. Xusanov	—	bandlik va mehnat munosabatlari vaziri, Kengash raisi
2.	I.U. Madjidov	—	oliy va o‘rta maxsus ta’lim vaziri, Kengash raisi o‘rinbosari
3.	U.N. Tashkenbayev	—	Vazirlar Mahkamasi huzuridagi Ta’lim sifatini nazorat qilish davlat inspeksiyasi direktori
4.	Lavozimi bo‘yicha	—	O‘zbekiston Respublikasi Prezidenti huzuridagi Davlat xizmatini rivojlantirish agentligi direktori
5.	A.Sh. Bekmuradov	—	O‘zbekiston Respublikasi Prezidenti huzuridagi Davlat boshqaruvi akademiyasi rektori
6.	B.S. Yuldashev	—	Fanlar akademiyasi Prezidenti
7.	K.M. Rafikov	—	Kasaba uyushmalari Federatsiyasi Kengashi raisi
8.	M.B. Nurmuratov	—	Markaziy bank boshqaruvi raisi
9.	T.A. Ishmetov	—	moliya vaziri
10.	R.K. Davletov	—	adliya vaziri
11.	A.M. Xadjibayev	—	sog‘liqni saqlash vaziri
12.	Sh.X. Shermatov	—	xalq ta’limi vaziri
13.	Sh.M. Sadikov	—	axborot texnologiyalari va kommunikatsiyalarini rivojlantirish vaziri
14.	B.I. Zakirov	—	qurilish vaziri
15.	J.A. Xodjayev	—	qishloq xo‘jaligi vaziri
16.	Sh.R. Xamrayev	—	suv xo‘jaligi vaziri
17.	A.S. Sultanov	—	energetika vaziri
18.	M.X. Saliyev	—	uy-joy kommunal xizmat ko‘rsatish vaziri
19.	O.A. Nazarbekov	—	madaniyat vaziri
20.	I.Y. Abduraxmanov	—	innovatsion rivojlanish vaziri
21.	D.X. Nabiyev	—	jismoniy tarbiya va sport vaziri
22.	I.R. Maxkamov	—	transport vaziri v.b.
23.	Sh.D. Kudbiyev	—	Davlat soliq qo‘mitasi raisi
24.	N.J. Bakirov	—	O‘rmon xo‘jaligi davlat qo‘mitasi raisi
25.	A.I. Maksudov	—	Davlat ekologiya va atrof-muhitni muhofaza qilish qo‘mitasi raisi
26.	B.F. Islamov	—	Davlat geologiya va mineral resurslar qo‘mitasi raisi
27.	B.T. Norkobilov	—	Veterinariya va chorvachilikni rivojlantirish qo‘mitasi raisi
28.	A.I. Ikramov	—	Savdo-sanoat palatasi raisi
29.	I.I. Norqulov	—	iqtisodiy rivojlanish va kambag‘allikni qisqartirish vazirining birinchi o‘rinbosari
30.	D.N. Sattarov	—	“O‘zstandart” agentligining bosh direktori
31.	A.X. Kuldashev	—	favqulodda vaziyatlar vazirining birinchi o‘rinbosari
32.	A.K. Akkulov	—	Turizmni rivojlantirish davlat qo‘mitasi raisining birinchi o‘rinbosari
33.	M.M. Xolmuxamedov	—	oliy va o‘rta maxsus ta’lim vazirining kasb-hunar ta’limi bo‘yicha o‘rinbosari
34.	I.U. Xaydarov	—	“O‘zto‘qimachiliksanoat” uyushmasi raisi
35.	M.M. Yunusov	—	“O‘zeltexsanoat” uyushmasi raisi
36.	F.A. Boboyev	—	“O‘zcharmsanoat” uyushmasi raisi
37.	Lavozimi bo‘yicha	—	“O‘zsanoatqurilishmateriallari” uyushmasi raisi
38.	Sh.B. Umurzakov	—	“O‘zavtosanoat” AJ boshqaruvi raisi
39.	M.R. Abdullayev	—	“O‘zbekneftgaz” AJ boshqaruvi raisi
40.	J.T. Mirzamahmudov	—	“O‘zkimyosanoat” AJ boshqaruvi raisi
41.	Lavozimi bo‘yicha	—	Mehnat bozori tadqiqotlari instituti direktori, Kengash kotibi

Izoh: Kengash a’zolari boshqa ishga o‘tgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.

(2-ilova O‘zbekiston Respublikasi Prezidentining 2024-yil 16-fevraldagi PF-36-sonli Farmoni tahririda — Qonunchilik ma’lumotlari milliy bazasi, 16.02.2024-y., 06/24/36/0130-son)

O‘zbekiston Respublikasi Prezidentining 2020-yil 31-dekabrdagi PQ-4939-son qaroriga
2a-ILOVA

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi Kasbiy malaka va bilimlarni rivojlantirish bo‘yicha hududiy kengashlarning

NAMUNAVIY TARKIBI

1.	Lavozimi bo‘yicha	—	Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlari, hududiy kengash raisi
2.	Lavozimi bo‘yicha	—	Bandlik va mehnat munosabatlari vazirligining hududiy tuzilmasi rahbari, hududiy kengash raisi o‘rinbosari
3.	Lavozimi bo‘yicha	—	Oliy va o‘rta maxsus ta’lim vazirligining hududiy tuzilmasi rahbari, hududiy kengash raisi o‘rinbosari
4.	Lavozimi bo‘yicha	—	Vazirlar Mahkamasi huzuridagi Ta’lim sifatini nazorat qilish davlat inspeksiyasining hududiy tuzilmasi rahbari
5.	Lavozimi bo‘yicha	—	O‘zbekiston Respublikasi Prezidenti huzuridagi Davlat xizmatini rivojlantirish agentligining hududiy tuzilmasi rahbari
6.	Lavozimi bo‘yicha	—	O‘zbekiston Kasaba uyushmalari Federatsiyasi hududiy tuzilmasi rahbari
7.	Lavozimi bo‘yicha	—	Markaziy bankning hududiy tuzilmasi rahbari
8.	Lavozimi bo‘yicha	—	Moliya vazirligining hududiy tuzilmasi rahbari
9.	Lavozimi bo‘yicha	—	Iqtisodiy rivojlanish va kambag‘allikni qisqartirish vazirligining hududiy tuzilmasi rahbari
10.	Lavozimi bo‘yicha	—	Adliya vazirligining hududiy tuzilmasi rahbari
11.	Lavozimi bo‘yicha	—	Sog‘liqni saqlash vazirligining hududiy tuzilmasi rahbari
12.	Lavozimi bo‘yicha	—	Xalq ta’limi vazirligining hududiy tuzilmasi rahbari
13.	Lavozimi bo‘yicha	—	Axborot texnologiyalari va kommunikatsiyalarini rivojlantirish vazirligining hududiy tuzilmasi rahbari
14.	Lavozimi bo‘yicha	—	Qurilish vazirligining hududiy tuzilmasi rahbari
15.	Lavozimi bo‘yicha	—	Qishloq xo‘jaligi vazirligining hududiy tuzilmasi rahbari
16.	Lavozimi bo‘yicha	—	Suv xo‘jaligi vazirligining hududiy tuzilmasi rahbari
17.	Lavozimi bo‘yicha	—	Uy-joy kommunal xizmat ko‘rsatish vazirligining hududiy tuzilmasi rahbari
18.	Lavozimi bo‘yicha	—	Madaniyat vazirligining hududiy tuzilmasi rahbari
19.	Lavozimi bo‘yicha	—	Jismoniy tarbiya va sport vazirligining hududiy tuzilmasi rahbari
20.	Lavozimi bo‘yicha	—	Transport vazirligining hududiy tuzilmasi rahbari
21.	Lavozimi bo‘yicha	—	Favqulodda vaziyatlar vazirligining hududiy tuzilmasi rahbari
22.	Lavozimi bo‘yicha	—	Davlat soliq qo‘mitasining hududiy tuzilmasi rahbari
23.	Lavozimi bo‘yicha	—	O‘rmon xo‘jaligi davlat qo‘mitasining hududiy tuzilmasi rahbari
24.	Lavozimi bo‘yicha	—	Davlat ekologiya va atrof-muhitni muhofaza qilish qo‘mitasining hududiy tuzilmasi rahbari
25.	Lavozimi bo‘yicha	—	Veterinariya va chorvachilikni rivojlantirish qo‘mitasining hududiy tuzilmasi rahbari
26.	Lavozimi bo‘yicha	—	Turizmni rivojlantirish davlat qo‘mitasining hududiy tuzilmasi rahbari
27.	Lavozimi bo‘yicha	—	“O‘zstandart” agentligining hududiy tuzilmasi rahbari
28.	Lavozimi bo‘yicha	—	Savdo-sanoat palatasining hududiy tuzilmasi rahbari
29.	Lavozimi bo‘yicha	—	Bandlik va mehnat munosabatlari vazirligining hududiy tuzilmasi mas’ul xodimi, hududiy kengash kotibi

(2a-ilova O‘zbekiston Respublikasi Prezidentining 2024-yil 16-fevraldagi PF-36-sonli Farmoni tahririda — Qonunchilik ma’lumotlari milliy bazasi, 16.02.2024-y., 06/24/36/0130-son)

O‘zbekiston Respublikasi Prezidentining 2020-yil 31-dekabrdagi PQ-4939-son qaroriga
3-ILOVA

Kasbiy malaka va bilimlarni rivojlantirish bo‘yicha tarmoq kengashlari, shuningdek, ularning faoliyatini tashkil etish uchun mas’ul vazirlik, idora, ta’lim va ilmiy muassasalar

RO‘YXATI

T/r	Tarmoq kengashlari nomlanishi	Qamrab olish doirasi	Mas’ul vazirlik va idoralar	Biriktirilgan oliy ta’lim muassasalari	Biriktirilgan professional ta’lim muassasalari	Biriktirilgan ilmiy muassasalar
1.	Kadrlar bilan ishlash, mehnat xavfsizligi, kasbiy faoliyatning yordamchi tarmoqlararo turlari sohasida kasbiy malaka va bilimlar bo‘yicha tarmoq kengashi	Mehnat munosabatlari va mehnat resurslarini rivojlantirish	Bandlik va mehnat munosabatlari vazirligi	Toshkent davlat iqtisodiyot universiteti	Toshkent xodimlarni boshqarish va mehnatni muhofaza qilish kolleji	Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi
2.	Sog‘liqni saqlash va farmatsevtika sohasida kasbiy malaka va bilimlar bo‘yicha tarmoq kengashi	Sog‘liqni saqlash, farmatsevtika va ijtimoiy xizmatlar	Sog‘liqni saqlash vazirligi	Toshkent tibbiyot akademiyasi	1-respublika Abu Ali ibn Sino nomidagi Jamoat salomatligi texnikumi, Chilonzor Abu Ali ibn Sino nomidagi Jamoat salomatligi texnikumi	O‘zbekiston kimyo-farmatsevtika ilmiy tadqiqot instituti
3.	Geologiya va kon sanoati sohasida kasbiy malaka va bilimlar bo‘yicha tarmoq kengashi	Geologiya va kon sanoati sohasi (neft va gaz sohasidan tashqari)	Davlat geologiya va mineral resurslar qo‘mitasi	Geologiya fanlari universiteti	Olmaliq kon-metallurgiya kolleji, Zarafshon sanoat texnikumi	Fanlar akademiyasi Navoiy bo‘limi
4.	Kimyo sanoati sohasida kasbiy malaka va bilimlar bo‘yicha tarmoq kengashi	Kimyo sanoati	“O‘zkimyosanoat” AJ	Toshkent kimyo-texnologiya instituti	Angren texnologiya texnikumi	Fanlar akademiyasi Umumiy va noorganik kimyo instituti
5.	Ta’lim sohasida kasbiy malaka va bilimlar bo‘yicha tarmoq kengashi	Maktabgacha ta’lim, umumiy o‘rta va o‘rta maxsus ta’lim, oliy ta’lim	Oliy va o‘rta maxsus ta’lim vazirligi	Toshkent davlat pedagogika universiteti	Toshkent pedagogika kolleji	Fanlar akademiyasi O‘zbek tili, adabiyoti va folklori instituti, T.N. Qori Niyoziy nomidagi O‘zbekiston Pedagogika fanlari ilmiy tadqiqot instituti
6.	Iqtisodiy faoliyat sohasida kasbiy malaka va bilimlar bo‘yicha tarmoq kengashi	Iqtisodiy faoliyat	Iqtisodiy rivojlanish va kambag‘allikni qisqartirish vazirligi	Toshkent davlat iqtisodiyot universiteti	Namangan tadbirkorlikni tashkil etish texnikumi	Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi
7.	Energetika sohasida kasbiy malaka va bilimlar bo‘yicha tarmoq kengashi	Elektr energiyani ishlab chiqarish, uzatish va taqsimlash, neft va gazni qazib olish, qayta ishlash va yetkazib berish	Energetika vazirligi	Toshkent davlat texnika universiteti, Jizzax politexnika instituti, Farg‘ona politexnika instituti, Buxoro muhandislik-texnologiya instituti	Qibray energetika kolleji, Shirin energetika kolleji	Fanlar akademiyasining “Fizika-quyosh” IICHB materialshunoslik instituti
8.	Soliqqa tortish sohasida kasbiy malaka va bilimlar bo‘yicha tarmoq kengashi	Soliqqa tortish	Davlat soliq qo‘mitasi	Fiskal institut, Toshkent moliya instituti	Toshkent soliq texnikumi, Buxoro soliq texnikumi	Prognozlashtirish va makroiqtisodiy tadqiqotlar instituti
9.	Transport sohasida kasbiy malaka va bilimlar bo‘yicha tarmoq kengashi	Avtomobil, temir yo‘l, havo va boshqa transport turlari	Transport vazirligi	Toshkent davlat transport universiteti	Toshkent temir yo‘l texnikumi	Avtomobil yo‘llari ilmiy-tadqiqot instituti
10.	Adliya sohasida kasbiy malaka va bilimlar bo‘yicha tarmoq kengashi	Adliya organlari va muassasalari faoliyati	Adliya vazirligi	Toshkent davlat yuridik universiteti	Toshkent shahri yuridik texnikumi	Fanlar akademiyasi Davlat va huquq instituti
11.	Qurilish sohasida kasbiy malaka va bilimlar bo‘yicha tarmoq kengashi	Qurilish	Qurilish va uy-joy kommunal xo‘jaligi vazirligi	Toshkent arxitektura-qurilish instituti	Toshkent qurilish kolleji, Samarqand qurilish kolleji	Standartlashtirish, sertifikatlashtirish va texnik jihatdan tartibga solish ilmiy-tadqiqot instituti
12.	Qurilish materiallari sanoati sohasida kasbiy malaka va bilimlar bo‘yicha tarmoq kengashi	Qurilish materiallari	“O‘zsanoatqurilishmateriallari” uyushmasi	Toshkent arxitektura-qurilish ins?ituti, Namangan muhandislik-qurilish instituti, Jizzax politexnika instituti	Qarshi qurilish kolleji, Nurota kon-sanoat kolleji, Toshkent qurilish kolleji	Standartlashtirish, sertifikatlashtirish va texnik jihatdan tartibga solish ilmiy-tadqiqot instituti
13.	Madaniyat sohasida kasbiy malaka va bilimlar bo‘yicha tarmoq kengashi	San’at, ko‘ngil ochar va dam olish	Madaniyat vazirligi	O‘zbekiston san’at va madaniyat davlat instituti, O‘zbekiston davlat konservatoriyasi, O‘zbekiston xoreografiya davlat akademiyasi, Milliy rassomlik va dizayn instituti	Respublika musiqa va san’at kolleji	Fanlar akademiyasi San’atshunoslik instituti
14.	Jismoniy tarbiya va sport sohasida kasbiy malaka va bilimlar bo‘yicha tarmoq kengashi	Jismoniy tarbiya va sport	Jismoniy tarbiya va sport vazirligi	O‘zbekiston davlat jismoniy tarbiya va sport universiteti	Uychi jismoniy tarbiya va sport texnikumi	Fanlar akademiyasi immunologiya va inson genomikasi instituti
15.	Axborot texnologiyalari va aloqa sohasida kasbiy malaka va bilimlar bo‘yicha tarmoq kengashi	Axborot texnologiyalari va aloqa	Axborot texnologiyalari va kommunikatsiyalarini rivojlantirish vazirligi	Toshkent axborot texnologiyalari universiteti	Toshkent axborot texnologiyalari texnikumi, Samarqand axborot texnologiyalari texnikumi	Toshkent axborot texnologiyalari universiteti huzuridagi axborot-kommunikatsiya texnologiyalari ilmiy-innovatsiya markazi
16.	Hayot xavfsizligi sohasida kasbiy malaka va bilimlar bo‘yicha tarmoq kengashi	Hayot va sanoat xavfsizligi	Favqulodda vaziyatlar vazirligi	Toshkent davlat texnika universiteti, Toshkent kimyo-texnologiya instituti	Toshkent gidrometeorologiya texnikumi	Fanlar akademiyasi Mexanika va inshootlar seysmik mustahkamligi instituti
17.	Suv xo‘jaligi sohasida kasbiy malaka va bilimlar bo‘yicha tarmoq kengashi	Irrigatsiya va melioratsiya	Suv xo‘jaligi vazirligi	Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti	Mingbuloq suv xo‘jaligi va melioratsiya kolleji, Quva suv xo‘jaligi va melioratsiya kolleji	Irrigatsiya va suv muammolari ilmiy-tadqiqot instituti
18.	Qishloq xo‘jaligi sohasida kasbiy malaka va bilimlar bo‘yicha tarmoq kengashi	Qishloq xo‘jaligi	Qishloq xo‘jaligi vazirligi	Toshkent davlat agrar universiteti	Bo‘ka agrotexnologiyalari texnikumi, Guliston agrotexnologiyalari texnikumi	Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti
19.	Veterinariya sohasida kasbiy malaka va bilimlar bo‘yicha tarmoq kengashi	Veterinariya, zootexniya, chorvachilik, parrandachilik, baliqchilik	Veterinariya va chorvachilikni rivojlantirish qo‘mitasi	Samarqand veterinariya tibbiyoti instituti	Samarqand veterinariya texnikumi	Veterinariya ilmiy-tadqiqot instituti
20.	O‘rmon xo‘jaligi sohasida kasbiy malaka va bilimlar bo‘yicha tarmoq kengashi	O‘rmon xo‘jaligi va yog‘och tayyorlash	O‘rmon xo‘jaligi davlat qo‘mitasi	Toshkent davlat agrar universiteti	O‘rmon xo‘jaligi texnikumi	O‘rmon xo‘jaligi ilmiy-tadqiqot instituti
21.	Ekologiya va chiqindilarni qayta ishlash sohasida kasbiy malaka va bilimlar bo‘yicha tarmoq kengashi	Ekologiya, atrof-muhitni muhofaza qilish, chiqindilarni utilizatsiya qilish va qayta ishlash	Ekologiya va atrof-muhitni muhofaza qilish davlat qo‘mitasi	O‘zbekiston milliy universiteti, Qoraqalpoq davlat universiteti	Shahrixon agrotexnologiya texnikumi, Namangan sanoat texnikumi	Atrof-muhit va tabiatni muhofaza qilish texnologiyalari ilmiy-tadqiqot instituti
22.	Turizm sohasida kasbiy malaka va bilimlar bo‘yicha tarmoq kengashi	Turizm va mehmondo‘stlik	Turizmni rivojlantirish davlat qo‘mitasi	“Ipak yo‘li” xalqaro turizm universiteti	Toshkent turizm va mehmonxona menejmenti texnikumi	Prognozlashtirish va makroiqtisodiy tadqiqotlar instituti
23.	Standartlashtirish va sertifikatsiyalash sohasida kasbiy malaka va bilimlar bo‘yicha tarmoq kengashi	Standartlashtirish, mahsulotlarni sertifikatsiyalash va metrologiya	“O‘zstandart” agentligi	Toshkent davlat texnika universiteti, Toshkent kimyo-texnologiya instituti, Toshkent to‘qimachilik va yengil sanoat instituti	Oltiariq sanoat texnikumi	Standartlashtirish, sertifikatlashtirish va texnik jihatdan tartibga solish ilmiy-tadqiqot instituti
24.	Uy-joy kommunal xo‘jaligi sohasida kasbiy malaka va bilimlar bo‘yicha tarmoq kengashi	Uy-joy kommunal xo‘jaligi	Qurilish va uy-joy kommunal xo‘jaligi vazirligi	Toshkent arxitektura-qurilish instituti, Namangan muhandislik-qurilish instituti, Jizzax politexnika instituti	Bekobod kommunal xo‘jaligi kolleji, Qarshi kommunal xo‘jaligi kolleji	Favqulodda vaziyatlar muammolari va yong‘in xavfsizligi ilmiy-tadqiqot instituti
25.	Moliya va sug‘urta faoliyati sohasida kasbiy malaka va bilimlar bo‘yicha tarmoq kengashi	Moliya va sug‘urta faoliyati	Moliya vazirligi	Toshkent moliya instituti	Oltinko‘l iqtisodiy texnikumi	Prognozlashtirish va makroiqtisodiy tadqiqotlar instituti
26.	Bank faoliyati sohasida kasbiy malaka va bilimlar bo‘yicha tarmoq kengashi	Bank va mikromoliyaviy faoliyat	Markaziy bank	Toshkent davlat iqtisodiyot universiteti, Toshkent moliya instituti	Marg‘ilon bank-moliya texnikumi	Prognozlashtirish va makroiqtisodiy tadqiqotlar instituti
27.	Avtomobilsozlik sohasida kasbiy malaka va bilimlar bo‘yicha tarmoq kengashi	Avtomobilsozlik, traktor va tirkamalarni ishlab chiqarish	“O‘zavtosanoat” AJ	Andijon mashinasozlik instituti, Toshkent davlat texnika universiteti	Asaka avtomobil kolleji	Fanlar akademiyasi Mexanika va inshootlar seysmik mustahkamligi instituti
28.	Elektrotexnika sanoati sohasida kasbiy malaka va bilimlar bo‘yicha tarmoq kengashi	Elektr jihozlari, maishiy elektrotexnika, kabel va sim mahsulotlarini ishlab chiqarish	“O‘zeltexsanoat” uyushmasi	Toshkent davlat texnika universiteti, Farg‘ona politexnika instituti, Andijon Mashinasozlik instituti	Chilonzor tumani 1-kasb-hunar maktabi	O‘zbekiston Milliy universiteti huzuridagi yarimo‘tkazgichlar fizikasi va mikroelektronika ilmiy-tadqiqot instituti
29.	To‘qimachilik, tikuvchilik va charm sanoati sohasida kasbiy malaka va bilimlar bo‘yicha tarmoq kengashi	To‘qimachilik, tikuvchilik va charm mahsulotlarini ishlab chiqarish	“O‘zto‘qimachiliksanoat” va “O‘zcharmsanoat” uyushmalari	Toshkent to‘qimachilik va yengil sanoat instituti	Olmazor yengil sanoat kolleji, Jarqo‘rg‘on yengil sanoat kolleji	O‘zbekiston tabiiy tolalar ilmiy-tadqiqot instituti

(3-ilova O‘zbekiston Respublikasi Prezidentining 2024-yil 16-fevraldagi PF-36-sonli Farmoni tahririda — Qonunchilik ma’lumotlari milliy bazasi, 16.02.2024-y., 06/24/36/0130-son)

O‘zbekiston Respublikasi Prezidentining 2020-yil 31-dekabrdagi PQ-4939-son qaroriga
4-ILOVA

2021-yilga mo‘ljallangan kasbiy faoliyatning ustuvor yo‘nalishlari bo‘yicha kasbiy standartlarni ishlab chiqish

REJA-GRAFIGI

T/r	Tarmoq kengashi nomlanishi	Jami 2021-yilda*	Jumladan choraklar bo‘yicha				Kasbiy faoliyat turlari	Ishlab chiqishni tashkil etish uchun mas’ul
T/r	Tarmoq kengashi nomlanishi	Jami 2021-yilda*	1-chor.	2-chor.	3-chor.	4-chor.	Kasbiy faoliyat turlari	Ishlab chiqishni tashkil etish uchun mas’ul
1.	Kadrlar bilan ishlash, mehnat xavfsizligi, kasbiy faoliyatning yordamchi tarmoqlararo turlari sohasida kasbiy malaka va bilimlar bo‘yicha tarmoq kengashi	28	10	5	5	8	Aholining bandligi sohasidagi xizmatlar, tashkilot xodimlarini boshqarish, ijtimoiy xizmatlar, tashkilot faoliyatini ma’muriy va xo‘jalik jihatidan faoliyatini qo‘llab-quvvatlash va ta’minlash, mehnat qonunchiligi sohasida maslahat berish va inspeksiya qilish.	Bandlik va mehnat munosabatlari vazirligi (N.B. Xusanov)
2.	Sog‘liqni saqlash va farmatsevtika sohasida kasbiy malaka va bilimlar bo‘yicha tarmoq kengashi	32	8	12	8	4	Shifokorlik amaliyoti va stomatologiya sohasidagi faoliyat, tibbiyot-profilaktika faoliyati, dori vositalari muomalasi sohasida farmatsevtika faoliyatini tashkil etish va yuritish, tibbiyot va farmakologiya sohasidagi axborot-texnologiyalari va ilmiy-tadqiqot faoliyati, yangi dori vositalarini ishlab chiqish va sanoat miqyosida ishlab chiqariladigan dori vositalarini takomillashtirish bo‘yicha amaliy tadqiqotlarni tashkiliy va me’yoriy qo‘llab-quvvatlash, funksional va klinik laboratoriya diagnostikasi sohasida tibbiy faoliyatni amalga oshirish.	Sog‘liqni saqlash vazirligi (A.M. Xodjibayev)
3.	Geologiya va kon sanoati sohasida kasbiy malaka va bilimlar bo‘yicha tarmoq kengashi	42	10	22	6	4	Kon ochish, ko‘mir va lignit (qo‘ng‘ir ko‘mir) qazib olish, kon sanoati sohasidagi xizmatlar, kon sanoati va yer osti qazilmalarining boshqa sohalarini texnik qo‘llab-quvvatlash.	Davlat geologiya va mineral resurslar qo‘mitasi (B.F. Islamov)
4.	Kimyo sanoati sohasida kasbiy malaka va bilimlar bo‘yicha tarmoq kengashi	27	10	10	5	2	Asosiy kimyoviy moddalar, o‘g‘itlar va azotli birikmalar, plastmassalar va sintetik kauchuklarni birlamchi shakllarda ishlab chiqarish, sanoat gazlarini, boshqa asosiy noorganik kimyoviy moddalar hamda pestitsidlarni va boshqa agrokimyoviy mahsulotlarni ishlab chiqarish, materiallarning xususiyatlarini tadqiq qilish bo‘yicha kimyoviy-fizikaviy tahlillarni o‘tkazish.	“O‘zkimyosanoat” AJ (J.T. Mirzamaxmudov)
5.	Ta’lim sohasida kasbiy malaka va bilimlar bo‘yicha tarmoq kengashi	34	12	15	5	2	Ta’lim (maktabgacha, umumiy, o‘rta maxsus, professional va oliy ta’lim), texnik va professional o‘rta ta’lim, ta’lim sohasidagi yordamchi faoliyat.	Oliy va o‘rta maxsus ta’lim vazirligi (I.U. Madjidov)
6.	Iqtisodiy faoliyat sohasida kasbiy malaka va bilimlar bo‘yicha tarmoq kengashi	16	4	4	4	4	Iqtisodiy faoliyatni samarali yuritishni tartibga solish va qo‘llab-quvvatlash.	Iqtisodiy taraqqiyot va kambag‘allikni qisqartirish vazirligi (A.J. Ortikov)
7.	Energetika sohasida kasbiy malaka va bilimlar bo‘yicha tarmoq kengashi	54	16	22	10	6	Gidro va issiqlik elektr inshootlari, atom elektr stansiyalari qurilishi va ulardan foydalanish, elektr energiyasi tijorat va texnik hisoblash tizimlarining texnik auditi, atom energetikasi, elektr stansiyalarining asosiy va yordamchi qurilmalari ish holatini ta’minlash, gidroelektr stansiyasining/ gidroakkumulyatsiyalovchi elektr stansiyasining texnologik jarayonini avtomatlashgan boshqarish tizimlari uskunalarining ishlashini ta’minlash. Xom neft va tabiiy gazni qazib olish, neft va tabiiy gazni qazib olish sohasidagi texnik xizmatlar, koks va neftni qayta ishlash mahsulotlarini ishlab chiqarish. Neft va gazni qayta ishlovchi tashkilotlarning texnologik uskunalarini ta’mirlash va xizmat ko‘rsatish, neft, gaz, gaz kondensati va ularni qayta ishlash mahsulotlarini, reagentlar va boshqa mahsulotlarni qabul qilish, joylashtirish, saqlash, haydash, jo‘natish, neft va gaz quduqlarini burg‘ulash jarayonini texnologik nazorat qilish va boshqarish, elektr energiyasini texnik hisobga olish tizimining texnik auditi.	Energetika vazirligi (A.S. Sultanov)
8.	Soliqqa tortish sohasida kasbiy malaka va bilimlar bo‘yicha tarmoq kengashi	32	8	12	6	6	Soliqlarni hisoblashning to‘g‘riligini, to‘laligini va o‘z vaqtida to‘lanishini ta’minlash.	Davlat soliq qo‘mitasi (Sh.D. Kudbiyev)
9.	Transport sohasida kasbiy malaka va bilimlar bo‘yicha tarmoq kengashi	41	12	22	5	2	Avtomobil, temir yo‘l, aviatsiya va boshqa transport turlari ishini tashkil etish, temir yo‘l qurilish mashinalariga texnik xizmat ko‘rsatish va ta’mirlash. Yo‘l ishlari (qurilish va foydalanish) va temir yo‘l transportlari mexanizmlaridan foydalanish, aviatsiya texnikasiga xizmat ko‘rsatish jarayonlarini tashkil etish va iste’molchilarga xizmat ko‘rsatishni qo‘llab-quvvatlash va ularni boshqarish, uchish apparatlariga texnik xizmat ko‘rsatish, fuqarolarning va yuridik shaxslarning havo, temir yo‘l va avtomobil transportiga bo‘lgan ehtiyojlarini qondirish bo‘yicha ishlar.	Transport vazirligi (I.R. Maxkamov)
10.	Adliya sohasida kasbiy malaka va bilimlar bo‘yicha tarmoq kengashi	16	6	6	2	2	Adliya sohasidagi faoliyat, huquqiy maslahat berish, tashkilotlar faoliyatini huquqiy ta’minlash (yuridik konsalting) va uning faoliyati qonunchilik talablariga muvofiqligini nazorat qilish, notarial faoliyat, fuqarolik holati dalolatnomalarini qayd etish va davlat xizmatlarini ko‘rsatish sohasidagi faoliyat.	Adliya vazirligi (R.K. Davletov)
11.	Qurilish sohasida kasbiy malaka va bilimlar bo‘yicha tarmoq kengashi	35	7	16	10	2	Arxitektura, bino va inshootlar qurilishi, fuqarolik va muhandislik inshootlari.	Qurilish vazirligi (B.I. Zakirov)
12.	Qurilish materiallari sanoati sohasida kasbiy malaka va bilimlar bo‘yicha tarmoq kengashi	30	10	5	10	5	Qurilish materiallarini ishlab chiqarish	“O‘zsanoatqurilishmateriallari” uyushmasi (A.A. Baxodirov)
13.	Madaniyat sohasida kasbiy malaka va bilimlar bo‘yicha tarmoq kengashi	26	7	14	4	1	Barcha turdagi badiiy faoliyat (teatr, kino, sirk va boshqalar), barcha turdagi muzeylarda muzey buyumlarini saqlash va hisobga olish bo‘yicha faoliyat, kutubxonachilik ishi.	Madaniyat vazirligi (O.A. Nazarbekov)
14.	Jismoniy tarbiya va sport sohasida kasbiy malaka va bilimlar bo‘yicha tarmoq kengashi	10	3	4	2	1	Jismoniy tarbiya va sport jamiyatlari va klublari, jismoniy tarbiya-sog‘lomlashtirish va sport tashkilotlari faoliyati.	Jismoniy tarbiya va sport vazirligi (D.X. Nabiyev)
15.	Axborot texnologiyalari va aloqa sohasida kasbiy malaka va bilimlar bo‘yicha tarmoq kengashi	32	14	8	5	5	IT-texnologiyalarni va “elektron hukumat” dasturini ishlab chiqish va joriy qilish, axborot xavfsizligini ta’minlash, telekommunikatsiyalar rivojlanishi, IT sohasida ilmiy tadqiqotlar va innovatsiyalar. Pochta xizmatini ko‘rsatish.	Axborot texnologiyalari va kommunikatsiyalarini rivojlantirish vazirligi (Sh.M. Sadikov)
16.	Hayot xavfsizligi sohasida kasbiy malaka va bilimlar bo‘yicha tarmoq kengashi	24	5	11	7	1	To‘plangan va qoldiq xavfni hisobga olgan holda xavflarning oldini olish va ulardan saqlanish, xavfning odamlarga ta’siri oqibatlarini bartaraf etish, mumkin bo‘lgan va yuz bergan favqulodda vaziyatlar sharoitida tadbirlarni rejalashtirish va tashkil etish.	Favqulodda vaziyatlar vazirligi (A.X. Kuldashev)
17.	Suv xo‘jaligi sohasida kasbiy malaka va bilimlar bo‘yicha tarmoq kengashi	40	10	16	11	3	Suv xo‘jaligi obyektlarini qurish, ta’mirlash va ularga xizmat ko‘rsatish jarayonida mexanizatsiyalashtirilgan ishlarni bajarish, qishloq xo‘jaligida irrigatsiya va melioratsiya.	Suv xo‘jaligi vazirligi (Sh.R. Xamrayev)
18.	Qishloq xo‘jaligi sohasida kasbiy malaka va bilimlar bo‘yicha tarmoq kengashi	6	1	2	1	2	Qishloq xo‘jaligi faoliyatining barcha turlari (dehqonchilik, o‘simliklar himoyasi va karantini, agronomiya, meva-sabzavotchilik va uzumchilik, bog‘dorchilik, qishloq xo‘jaligi mahsulotlarini saqlash va qayta ishlash texnologiyasi, agrologistika, marketing va boshqalar).	Qishloq xo‘jaligi vazirligi (J.A. Xadjayev)
19.	Veterinariya sohasida kasbiy malaka va bilimlar bo‘yicha tarmoq kengashi	19	4	6	5	4	Veterinariya, zootexniya (chorvachilik, parrandachilik, baliqchilik).	Veterinariya va chorvachilikni rivojlantirish davlat qo‘mitasi (B.T. Norkobilov)
20.	O‘rmon xo‘jaligi sohasida kasbiy malaka va bilimlar bo‘yicha tarmoq kengashi	36	18	10	6	2	O‘rmonlardan foydalanish, takror barpo etish, muhofaza qilish va saqlash sohasida boshqaruv, o‘rmon fondi hududidagi milliy parklar va qo‘riqxonalar faoliyatini yuritish, dorivor o‘simliklarni tayyorlash.	O‘rmon xo‘jaligi davlat qo‘mitasi (N.J. Bakirov)
21.	Ekologiya va chiqindilarni qayta ishlash sohasida kasbiy malaka va bilimlar bo‘yicha tarmoq kengashi	22	7	11	1	3	Yerdan, yer osti qatlamlaridan, suvlardan, o‘rmonlardan, qo‘riqlanadigan tabiiy hududlardan, hayvonot va o‘simlik dunyosidan, atmosfera havosidan foydalanish va ularni muhofaza qilish, aholi yashash joylarini obodonlashtirish va ko‘kalamzorlashtirish.	Ekologiya va atrof-muhitni muhofaza qilish davlat qo‘mitasi (A.I. Maksudov)
22.	Turizm sohasida kasbiy malaka va bilimlar bo‘yicha tarmoq kengashi	24	8	11	3	2	Turistik faoliyatni tashkil etish (turistik agentlik va turoperatorlik faoliyati, marketing, voqea turizmi, agro- va ekoturizm, hordiq chiqarish, faol turizm), turizm logistikasi, mehmonxona majmuasi va boshqa joylashtirish joylarini boshqarish, ekskursiyalar tashkil etish, ishlab chiqish va o‘tkazish bo‘yicha faoliyat (mijozlarga (turistlarga) turistik xizmatlar to‘g‘risidagi axborot xizmati ko‘rsatish, muzeylarga, tarixiy va madaniyat yodgorliklariga, monumentlar tomoshasiga tashrif buyurish va boshqalar).	Turizmni rivojlantirish davlat qo‘mitasi (A.K. Akkulov)
23.	Standartlashtirish va sertifikatsiyalash sohasida kasbiy malaka va bilimlar bo‘yicha tarmoq kengashi	16	6	5	4	1	Metrologiya, mahsulotni sertifikatlash va standartlashtirish, texnik tahlil, metrologik o‘lchashlar, mahsulot sifatini boshqarish.	“O‘zstandart” agentligi (D.N. Sattarov)
24.	Uy-joy kommunal xo‘jaligi sohasida kasbiy malaka va bilimlar bo‘yicha tarmoq kengashi	24	6	12	3	3	Aholini issiqlik va suv bilan ta’minlash, uy-joy kommunal xo‘jaligida energiya resurslari iste’molini hisobga olish va tartibga solishni ta’minlash, suvni ketkazish kommunal tizimlarida oqova suvlardan mexanik tozalash.	Uy-joy kommunal xizmat ko‘rsatish vazirligi (M.X. Saliyev)
25.	Moliya va sug‘urta faoliyati sohasida kasbiy malaka va bilimlar bo‘yicha tarmoq kengashi	18	10	5	2	1	Buxgalteriya hisobi va audit, moliyaviy va sug‘urta faoliyati, pensiya ishi, ko‘chmas mulk bilan operatsiyalar, buxgalteriya hisobi sohasidagi faoliyat, moliyaviy konsalting, faktoring.	Moliya vazirligi (T.A. Ishmetov)
26.	Bank faoliyati sohasida kasbiy malaka va bilimlar bo‘yicha tarmoq kengashi	8	4	2	1	1	Bank operatsiyalari va mikromoliyaviy faoliyat.	Markaziy bank (M.B. Nurmuratov)
27.	Avtomobilsozlik sohasida kasbiy malaka va bilimlar bo‘yicha tarmoq kengashi	38	7	19	11	1	Avtomobilsozlik, traktor va tirkamalar ishlab chiqarish.	“O‘zavtosanoat” AJ (Sh.B. Umurzakov)
28.	Elektrotexnika sanoati sohasida kasbiy malaka va bilimlar bo‘yicha tarmoq kengashi	30	10	5	5	10	Kuchlanish qurilmalarini, elektr maishiy texnikani, kabel-o‘tkazgich mahsulotlarini va boshqa elektrotexnika mahsulotlarini, detallar va ehtiyot qismlarini, sanoat qurilmalarini ishlab chiqarish.	“O‘zeltexsanoat” uyushmasi (M.M. Yunusov)
29.	To‘qimachilik, tikuvchilik va charm sanoatlari sohasida kasbiy malaka va bilimlar bo‘yicha tarmoq kengashi	38	7	25	4	2	To‘qimachilik mahsulotlarini ishlab chiqarish, to‘qimachilik va trikotaj ishlab chiqarishda yigiruv, to‘quv va o‘rash ishlarini bajarish, gilam to‘qish, to‘qimachilik va trikotaj ishlab chiqarishida bo‘yash ishlari. Teriga ishlov berish va charm buyumlarni ishlab chiqarish.	“O‘zto‘qimachiliksanoat” uyushmasi (I.U. Xaydarov ) “O‘zcharmsanoat” uyushmasi (F.A. Boboyev )
	JAMI:	799	240	317	152	90

* muqaddam ishlab chiqilgan kasb standartlarini qayta ishlash ham kiradi.

O‘zbekiston Respublikasi Prezidentining 2020-yil 31-dekabrdagi PQ-4939-son qaroriga
5-ILOVA

2021-yilga mo‘ljallangan iqtisodiyotning ustuvor tarmoqlaridagi yirik korxonalar huzurida malakalarni baholash markazlarini tashkil etish

dasturi

T/r	Tarmoq nomlanishi	Malakani baholash markazini tashkil etishga mas’ul bo‘lgan tashkilot	Malakani baholash markazi tashkil etiladigan tashkilot
1.	Kadrlar xizmatlari	Bandlik va mehnat munosabatlari vazirligi	Malaka oshirish markazi
2.	Barcha tarmoqlar	Bandlik va mehnat munosabatlari vazirligi	“Ishga marhamat” monomarkazlari
3.	Sog‘liqni saqlash	Sog‘liqni saqlash vazirligi	Tibbiyot oliy ta’lim muassasalari
4.	Qurilish	Qurilish va uy-joy kommunal xo‘jaligi vazirligi	Hududiy bo‘linmalar
5.	Kimyo va neft-kimyo sanoati	“O‘zkimyosanoat” AJ	Yirik sanoat korxonalari
6.	Metallurgiya	Toshkent viloyati hokimligi	“O‘zmetkombinat” AJ, “Olmaliq kon-metallurgiya kombinati” AJ
7.	Xomashyo qazib chiqarish va boyitish	Toshkent va Navoiy viloyatlari hokimliklari, Qoraqalpog‘iston Respublikasi Vazirlar Kengashi	“Olmaliq kon-metallurgiya kombinati” AJ, “Navoiy kon-metallurgiya kombinati” AJ, Qo‘ng‘irot soda zavodi
8.	Neft va gaz qazib chiqarish	Energetika vazirligi	“O‘zbekneftgaz” AJ
9.	Avtomobilsozlik, traktor va tirkamalar ishlab chiqarish	“O‘zavtosanoat” AJ	Yirik sanoat korxonalari
10.	Elektrotexnika sanoati	“O‘zeltexsanoat” uyushmasi	Yirik sanoat korxonalari
11.	Qurilish materiallari sanoati	“O‘zqurilishsanoatmateriallari” uyushmasi	Yirik sanoat korxonalari
12.	Yengil sanoat (to‘qimachilik, tikuv va charm ishlab chiqarishi)	“O‘zto‘qimachiliksanoat” va “O‘zcharmsanoat” uyushmalari	Yirik sanoat korxonalari
13.	Oziq-ovqat sanoati, un va omuxta yem ishlab chiqarish sanoati	Qishloq xo‘jalik vazirligi	Yirik sanoat korxonalari
14.	Transport (avtomobil va temir yo‘l)	Transport vazirligi	Yirik avtotransport korxonalari, “O‘zbekiston temir yo‘llari” AJ
15.	Aloqa va axborot texnologiyalari	Axborot texnologiyalari va kommunikatsiyalarini rivojlantirish vazirligi	Hududiy bo‘linmalar
16.	Qishloq xo‘jaligi	Qishloq xo‘jalik vazirligi	Hududiy bo‘linmalar
17.	Veterinariya	Veterinariya va chorvachilikni rivojlantirish davlat qo‘mitasi	Hududiy bo‘linmalar
18.	Suv xo‘jaligi	Suv xo‘jaligi vazirligi	Qashqadaryo, Sirdaryo, Buxoro va Samarqand viloyatlari suv xo‘jaligi boshqarmalari
19.	Turizm va mehmonxona xo‘jaligi	Turizmni rivojlantirish davlat qo‘mitasi	Hududiy bo‘linmalar
20.	Uy-joy kommunal xizmati	Qurilish va uy-joy kommunal xo‘jaligi vazirligi	Hududiy bo‘linmalar
21.	Moliya va sug‘urta	Moliya vazirligi	Hududiy bo‘linmalar
22.	Ta’lim	Oliy va o‘rta maxsus ta’lim vazirligi, Maktabgacha ta’lim vazirligi, Xalq ta’limi vazirligi	Pedagogika oliy ta’lim muassasalari, Pedagogik innovatsiyalar instituti

Izoh: Malakani baholash markazlarini tashkil etayotgan tashkilotlar kadrlarga bo‘lgan ehtiyojdan kelib chiqib, malakani baholash markazlarining ixtisoslanishini belgilaydi.

(5-ilova O‘zbekiston Respublikasi Prezidentining 2023-yil 28-avgustdagi PF-151-sonli Farmoni tahririda — Qonunchilik ma’lumotlari milliy bazasi, 29.08.2023-y., 06/23/151/0661-son)

O‘zbekiston Respublikasi Prezidentining 2020-yil 31-dekabrdagi PQ-4939-son qaroriga
6-ILOVA

Malakalar tizimini takomillashtirish va mehnat bozorini malakali kadrlar bilan ta’minlash bo‘yicha

“YO‘L XARITASI”

T/r	Tadbir nomlanishi	Amalga oshirish mexanizmi	Bajarish muddatlari	Mas’ul ijrochilar
I. Malaka tizimining mustahkam institutsional muhitini shakllantirish va tashkiliy asoslarini takomillashtirish
1.	Malaka tizimini takomillashtirishga qaratilgan aniq chora-tadbirlarni va ularni bajarish uchun mas’ullarni belgilash maqsadida Kasbiy malaka va bilimlarni rivojlantirish bo‘yicha kengashning (keyingi o‘rinlarda — Kengash) tashkiliy majlisini o‘tkazish.	Tashkiliy choralar	2021-yil yanvar	Bandlik va mehnat munosabatlari vazirligi (N.B. Xusanov), vazirlik va idoralar rahbarlari — Kengash a’zolari
2.	Quyidagilarni ishlab chiqish va tasdiqlash: Kengash to‘g‘risida Nizom; Kengashning 2021-yil uchun ish rejasi.	Kengash qarori	2021-yil yanvar	Bandlik va mehnat munosabatlari vazirligi (N.B. Xusanov), vazirlik va idoralar rahbarlari — Kengash a’zolari
3.	Malaka tizimini takomillashtirish bo‘yicha amalga oshirilgan ishlar, shu jumladan tarmoq kengashlari faoliyati natijalarini tizimli asosda muhokama qilish.	Majlis hujjatlari	har chorakda	Bandlik va mehnat munosabatlari vazirligi (N.B. Xusanov), vazirlik va idoralar rahbarlari — Kengash a’zolari
4.	Kelgusi yil uchun mo‘ljallangan kasbiy faoliyatning ustuvor yo‘nalishlari bo‘yicha kasbiy standartlarni ishlab chiqish Reja-grafigiga takliflar ishlab chiqish va Vazirlar Mahkamasiga kiritish.	Takliflarni tayyorlash va kiritish	Har yili 1-dekabrgacha	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari
5.	Tarmoq kengashlarini shakllantirish, shu jumladan: tarmoq kengashlari tarkibini belgilash; tarmoq kengashlari to‘g‘risidagi nizomlarni tasdiqlash; mas’ul kotibni tayinlash; tarmoq kengashlari ishchi organlarini belgilash.	Tashkiliy choralar	2021-yil yanvar	Tarmoq kengashlari faoliyatini tashkil etish uchun mas’ul vazirlik va idoralar rahbarlari
6.	Tarmoq kengashlari mas’ul kotiblarini tayyorlashni tashkil qilish va ularning malakalarini baholash.	Seminar-treninglar	2021-yil yanvar — may	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari faoliyatini tashkil etish uchun mas’ul vazirliklar va idoralar rahbarlari
7.	Kasbiy malaka va bilimlarni rivojlantirish bo‘yicha tarmoq kengashlari haqida namunaviy nizomni tasdiqlash to‘g‘risidagi Hukumat qarori loyihasini ishlab chiqish va Vazirlar Mahkamasiga kiritish.	Vazirlar Mahkamasi qarori loyihasi	2021-yil 1-fevralgacha	Bandlik va mehnat munosabatlari vazirligi (N.B. Xusanov)
8.	Xalqaro Mehnat Tashkiloti bilan hamkorlikda ishlab chiqilgan O‘zbekistonning to‘la va unumli bandlikka erishish konsepsiyasi, davlat bandlik xizmatining funksional tahlili natijalari va malaka tizimini joriy qilish tajribasini inobatga olgan holda, 2030-yilgacha mo‘ljallangan aholi bandligi va mehnat munosabatlarini takomillashtirish strategiyasini ishlab chiqish.	Vazirlar Mahkamasi qarori loyihasi	2021-yil iyul	Bandlik va mehnat munosabatlari vazirligi (N.B. Xusanov), manfaatdor vazirlik va idoralar
9.	Munosib ishga joylashish va tadbirkorlik faoliyatini amalga oshirish uchun talab qilinadigan ko‘nikmalarga ega bo‘lgan fuqarolar, ayniqsa yoshlar va xotin-qizlar sonini oshirishni, shu asosda milliy ishchi kuchining raqobatbardoshligi va mehnat unumdorligini oshirishni nazarda tutuvchi 2030-yilgacha mo‘ljallangan inson kapitalini rivojlantirish konsepsiyasini ishlab chiqish.	Vazirlar Mahkamasi qarori loyihasi	2021-yil iyul	Bandlik va mehnat munosabatlari vazirligi (N.B. Xusanov), manfaatdor vazirlik va idoralar
10.	Malaka tizimini strategik boshqarish mexanizmini shakllantirish, shu jumladan: malaka tizimi monitoringini amalga oshirish ko‘rsatkichlari tizimi va metodikasini ishlab chiqish; malaka tizimining holati va rivojlanishining monitoringini amalga oshirish; malaka tizimi ekspertlari reyestrini tuzish; kasbiy faoliyatning tarmoqlararo turlari bo‘yicha tarmoq kengashlarining o‘zaro hamkorligi tartibini ishlab chiqish; davlat idoralari va tashkilotlarining malaka tizimini hududiy mehnat va ta’lim bozorlari darajasida joriy qilish va takomillashtirish bo‘yicha faoliyatini baholashning ko‘rsatkich va indikatorlari ro‘yxatini shakllantirish.	Tashkiliy-huquqiy tadbirlar	2021-yil davomida	Bandlik va mehnat munosabatlari vazirligi (N.B. Xusanov), manfaatdor vazirlik va idoralar
II. Kasb va ta’lim standartlarining muvofiqligini ta’minlash tizimini shakllantirish, tarmoq malaka doiralari va malaka talablarini yangilab borish
11.	Mehnat instituti faoliyatini tashkil qilish, shu jumladan Institut to‘g‘risida nizom va uning tuzilmasini tasdiqlash haqidagi Hukumat qarori loyihasini tayyorlash va Vazirlar Mahkamasiga kiritish.	Vazirlar Mahkamasi qarori loyihasi	2021-yil 15-fevralgacha	Bandlik va mehnat munosabatlari vazirligi (N.B. Xusanov), manfaatdor vazirlik va idoralar
12.	Mehnat instituti direktorining birinchi o‘rinbosari lavozimiga yetakchi xorijiy mutaxassislar, shu jumladan chet eldagi vatandoshlar orasida tanlov tashkil etish va o‘tkazish.	Tashkiliy choralar	2021-yil fevral	Bandlik va mehnat munosabatlari vazirligi (N.B. Xusanov), Davlat xizmatini rivojlantirish agentligi (O.A. Xasanov)
13.	Internet tarmog‘ida kasbiy standartlarning “profstandart.uz” yagona ochiq portalini ishga tushirish.	Tashkiliy choralar	2021-yil 1-aprelgacha	Bandlik va mehnat munosabatlari vazirligi (N.B. Xusanov), Axborot texnologiyalari va kommunikatsiyalarini rivojlantirish vazirligi (Sh.M. Sadikov)
14.	Mirzo Ulug‘bek nomidagi O‘zbekiston Milliy universiteti huzurida talabalar tomonidan o‘zlari tanlagan kasbga qo‘yiladigan talablarga muvofiq bo‘lish va muvaffaqiyatli kasbiy o‘sish uchun zarur bo‘lgan malaka va bilimni egallash yo‘llari va usullari bilan tanishtirish maqsadida “Karyera” markazini tashkil etish.	Tashkiliy-huquqiy tadbirlar	2021-yil 1-martgacha	Oliy va o‘rta maxsus ta’lim vazirligi (I.U. Madjidov), Bandlik va mehnat munosabatlari vazirligi (N.B. Xusanov)
15.	Mirzo Ulug‘bek nomidagi O‘zbekiston Milliy universiteti huzurida “Karyera” markazining faoliyati natijalarini hisobga olgan holda “Karyera” markazlarini hududlarda tashkil etish to‘g‘risida takliflarni taqdim etish.	Takliflarni tayyorlash	2021-yil 1-iyulgacha	Oliy va o‘rta maxsus ta’lim vazirligi (I.U. Madjidov), Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari
16.	Mehnat bozorining malakali kadrlarga bo‘lgan ehtiyojini baholovchi tizimni shakllantirish, shu jumladan: mehnat bozorini monitoring qilishning va uning natijalarini baholashning tashkiliy va uslubiy asoslarini ishlab chiqish; tarmoq kengashlari tomonidan ish bilan bandlikning, mehnat bozorida talab va taklifning kasblar va malakalar kesimida sifat va miqdor o‘zgarishlarini baholashni amalga oshirish uchun yangilangan yagona vositalarini ishlab chiqish.	Chora-tadbirlar dasturi	2022-yil 1-yanvargacha	Bandlik va mehnat munosabatlari vazirligi (N.B. Xusanov), Mehnat instituti
17.	Kasbiy standartlarni va mustaqil malaka baholashning ma’lumotlar bazasini shakllantirish va bu boradagi eng yaxshi amaliyotlarni tarqatish.	Ma’lumotlar bazasi	2022-yil 1-yanvargacha	Bandlik va mehnat munosabatlari vazirligi (N.B. Xusanov), Mehnat instituti
18.	2021-yilgacha ishlab chiqilgan kasbiy standartlarni iqtisodiyotning o‘zaro bog‘liq tarmoqlarida keyinchalik foydalanish imkoniyatlarini hisobga olgan holda validatsiya qilish.	Kasbiy standartlarga o‘zgartirish va qo‘shimchalar kiritish	2021-yil davomida	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari
19.	Osiyo taraqqiyot bankining “Kasbiy ko‘nikmalarni rivojlantirish” loyihasi va BMT Taraqqiyot Dasturi granti doirasida kasbiy standartlarni va tarmoq malaka doiralarini ishlab chiqishda ishtirok etuvchi mutaxassislarni o‘qitish dasturlarini va o‘quv modullarini ishlab chiqish.	Mutaxassislarni tayyorlash dasturi, o‘qitish Reja-grafigi	2021-2022-yillar	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari
III. Xizmatchilar lavozimlari va ishchilar kasblarini klassifikatsiyalash tizimini takomillashtirish
20.	Xizmatchilarning asosiy lavozimlari va ishchi kasblari yangilangan klassifikatori loyihasini ishlab chiqish.	Klassifikator loyihasi	2021-yil 20-fevralgacha	Bandlik va mehnat munosabatlari vazirligi (N.B. Xusanov), “O‘zstandart” agentligi (D.N. Sattarov)
21.	Xizmatchilarning asosiy lavozimlari va ishchi kasblari yangilangan klassifikatorini davlat standarti sifatida ro‘yxatdan o‘tkazish.	Klassifikatorni davlat standarti sifatida ro‘yxatdan o‘tkazish	2021-yil 1-martgacha	Bandlik va mehnat munosabatlari vazirligi (N.B. Xusanov), “O‘zstandart” agentligi (D.N. Sattarov)
22.	Xizmatchilarning asosiy lavozimlari va ishchi kasblari klassifikatorini Internet tarmog‘iga joylashtirish va uning tahrirlarini yangilab borish.	Tashkiliy choralar	2021-yil 1-martgacha	Bandlik va mehnat munosabatlari vazirligi (N.B. Xusanov)
23.	Xizmatchilarning asosiy lavozimlari va ishchi kasblari yangilangan klassifikatori asosida Oliy ta’lim yo‘nalishlari va mutaxassisliklari klassifikatoriga hamda Professional ta’limning tayyorlov yo‘nalishlari, kasblar va mutaxassisliklar klassifikatoriga o‘zgartirish va qo‘shimchalar kiritish.	Idoraviy normativ-huquqiy hujjat loyihasi	2021-yil 1-aprelgacha	Oliy va o‘rta maxsus ta’lim vazirligi (I.U. Madjidov), Xalq ta’limi vazirligi (Sh.X. Shermatov), Bandlik va mehnat munosabatlari vazirligi (N.B. Xusanov)
IV. Mehnat bozori va kasb-hunarga tayyorlash tizimlari aloqadorligini mustahkamlash
24.	Osiyo taraqqiyot bankining qarz mablag‘larini jalb qilgan holda “Zamonaviy iqtisodiyot uchun malakalarni rivojlantirish” loyihasini o‘z vaqtida va samarali amalga oshirish bo‘yicha choralar ko‘rish, shu jumladan loyihaning texnik-iqtisodiy asosini ishlab chiqish va tasdiqlashni ta’minlash.	Vazirlar Mahkamasining qarori	2021-yil 1-fevralgacha	Bandlik va mehnat munosabatlari vazirligi (N.B. Xusanov), Moliya vazirligi (T.A. Ishmetov)
25.	Yangi kasblarni aniqlash va mavjud kasblarga qo‘yiladigan talablarni zamonaviy (shu jumladan raqamli) texnologiyalarni joriy qilishni hisobga olgan holda yangilab borish.	Tadbirlar dasturi	2021-2022-yillar	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari
26.	Yangi texnologiyalar, mahsulotlar va xizmatlarni hisobga olgan holda kasbiy standartlar, malakaviy talablar, baholash vositalari, ta’lim standartlari va talablarini tizimli yangilab borish mexanizmini shakllantirish.	Tadbirlar dasturi	2021-2022 yy.	Bandlik va mehnat munosabatlari vazirligi (N.B. Xusanov ), Mehnat instituti, tarmoq kengashlari
27.	Aholini malaka tizimi va uning resurslaridan foydalanish to‘g‘risida xabardor qilishning rivojlangan tizimini shakllantirish va bunda quyidagilarni nazarda tutish: malaka tizimining amal qilishi masalalari bo‘yicha maslahatlar berish; malaka tizimi vazifalari va resurslari to‘g‘risida jamiyatni tizimli xabardor qilishni tashkil etish.	Media-reja	2021-2022 yy.	Bandlik va mehnat munosabatlari vazirligi (N.B. Xusanov ), Mehnat instituti, tarmoq kengashlari
28.	Malakalarning xalqaro miqyosda tan olinishini va o‘zaro taqqoslanilishini, shu jumladan mehnat migratsiyasida talab yuqori bo‘lgan kasblar to‘g‘risida yagona ma’lumotlar bazasini yaratish yo‘li bilan ta’minlash.	Ikki tomonlama kelishuvlar loyihalari	2021-2022-yillar	Bandlik va mehnat munosabatlari vazirligi (N.B. Xusanov), Mehnat instituti
V. Mehnatni me’yorlashtirish tizimini yanada takomillashtirish
29.	Mehnat instituti tarkibidagi Mehnatni me’yorlash markazining faoliyatini tashkil etish.	Tashkiliy-huquqiy tadbirlar	2021-yil mart	Bandlik va mehnat munosabatlari vazirligi (N.B. Xusanov), Mehnat instituti
30.	Mehnatni me’yorlash markazi to‘g‘risida nizom va uning tashkiliy tuzilmasini ishlab chiqish va tasdiqlash.	Tashkiliy-huquqiy tadbirlar	2021-yil mart	Bandlik va mehnat munosabatlari vazirligi (N.B. Xusanov), Mehnat instituti
31.	Bozor iqtisodiyoti talablariga javob beradigan, zamonaviy shakldagi O‘zbekistonda mehnatni me’yorlash konsepsiyasini ishlab chiqish va unda keng qamrovlilik, tizimlilik, samaradorlik va ilg‘orlik tamoyillari asosida mehnat me’yorlarini belgilashni nazarda tutish.	Konsepsiya loyihasi	2021-yil 1-iyulgacha	Bandlik va mehnat munosabatlari vazirligi (N.B. Xusanov), Mehnat instituti
32.	Muayyan ishlab chiqarish xususiyatlari va tarmoq jihatlarini inobatga olgan holda mehnatni me’yorlash sohasidagi uslubiy hujjatlarni, shu jumladan instrumental uslublarni ishlab chiqish.	Uslubiy hujjatlar	2021-yil iyul	Bandlik va mehnat munosabatlari vazirligi (N.B. Xusanov), Mehnat instituti
33.	Bandlikka ?o‘maklashish davlat jamg‘armasi mablag‘lari hisobidan ishlab chiqiladigan (umumtarmoq) mehnat normalari ro‘yxatini tuzish va ularni ishlab chiqishning Reja-grafigini tuzish.	Vazirlar Mahkamasi qarori loyihasi	2021-yil mart	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari
34.	Buyurtmachilar — tashkilotlar mablag‘lari hisobidan mehnat normalari ishlab chiqishga buyurtmalar portfelini shakllantirish.	Buyurtmalar portfeli	2021-2022 yy.	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari, vazirlik va idoralar
VI. Malakalarni baholash tizimini rivojlantirish
35.	Malakalarni baholash markazi to‘g‘risidagi namunaviy nizomni ishlab chiqish va tasdiqlash.	Vazirlar Mahkamasi qarori loyihasi	2021-yil fevral	Bandlik va mehnat munosabatlari vazirligi (N.B. Xusanov), Oliy va o‘rta maxsus ta’lim vazirligi (I.U. Madjidov), Savdo-sanoat palatasi (A.I. Ikramov)
36.	Malakalarni baholash markazlari tomonidan kasb imtihoni ko‘rinishida malakani mustaqil baholashni o‘tkazish qoidalarini ishlab chiqish va tasdiqlash.	Idoraviy normativ-huquqiy hujjat loyihasi	2021-yil fevral	Bandlik va mehnat munosabatlari vazirligi (N.B. Xusanov), Oliy va o‘rta maxsus ta’lim vazirligi (I.U. Madjidov)
37.	Tarmoq kengashlari tomonidan asosiy lavozimlar va kasblar bo‘yicha malaka darajasini belgilashda foydalaniladigan baholash vositalarini ishlab chiqish va tasdiqlash.	Tarmoqlar kengashlari qarorlari	2021-yil davomida	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari
38.	Yetakchi milliy va xorijiy oliy o‘quv yurtlarida, shuningdek, maslahat ko‘rinishidagi muntazam seminarlar, treninglar va mahorat darslari o‘tkazish yo‘li bilan malakani baholash bo‘yicha ekspertlar tayyorlashni tashkil etish.	Reja-grafik loyihasi	2021-2022-yillar	Bandlik va mehnat munosabatlari vazirligi (N.B. Xusanov), Mehnat instituti, tarmoq kengashlari
39.	Yangi tizimning hududlarda samarali va o‘z vaqtida amalga oshirilishini ta’minlash maqsadida viloyat va tuman darajasidagi mas’ul ijrochilarning malakasini oshirish, hududlarda seminar-treninglar o‘tkazish.	Reja-grafik loyihasi	2021-yil davomida	Bandlik va mehnat munosabatlari vazirligi (N.B. Xusanov), Oliy va o‘rta maxsus ta’lim vazirligi (I.U. Madjidov), Adliya vazirligi (R.K. Davletov)

(Qonun hujjatlari ma’lumotlari milliy bazasi, 31.12.2020-y., 07/20/4939/1703-son; Qonunchilik ma’lumotlari milliy bazasi, 31.08.2022-y., 06/22/214/0791-son; 29.08.2023-y., 06/23/151/0661-son; 16.02.2024-y., 06/24/36/0130-son)