648-сон 15.10.2020. 2020-2021-yil qish-bahor mavsumida aholi va ijtimoiy soha muassasalarining asosiy turdagi qishloq xoʻjaligi mahsulotlariga boʻlgan ehtiyojini qondirish boʻyicha qoʻshimcha chora-tadbirlar toʻgʻrisida

Hujjat kuchini yo‘qotgan " " 01.09.2024

O‘zbekiston Respublikasi Vazirlar Mahkamasining

qarori

2020-2021-yil qish-bahor mavsumida aholi va ijtimoiy soha muassasalarining asosiy turdagi qishloq xo‘jaligi mahsulotlariga bo‘lgan ehtiyojini qondirish bo‘yicha qo‘shimcha chora-tadbirlar to‘g‘risida

LexUZ sharhi

Mazkur qaror O‘zbekiston Respublikasi Vazirlar Mahkamasining 2024-yil 6-maydagi 266-sonli “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash to‘g‘risida”gi qaroriga asosan 2024-yil 1-sentabrdan o‘z kuchini yo‘qotadi.

Respublika aholisini asosiy turdagi oziq-ovqat mahsulotlari bilan kafolatli ta’minlash, ichki iste’mol bozoriga mahsulot yetkazib berilishini tizimli monitoring qilish hamda nazoratni yo‘lga qo‘yish va narx-navoning asossiz o‘sib ketishiga yo‘l qo‘ymaslik maqsadida Vazirlar Mahkamasi qaror qiladi:

1. 2020-2021-yillar qish va bahor mavsumida ichki bozorni asosiy turdagi mahsulotlar bilan kafolatli ta’minlash maqsadida Iqtisodiy taraqqiyot va kambag‘allikni qisqartirish vazirligi, Moliya vazirligi, Qishloq xo‘jaligi vazirligi, Maktabgacha ta’lim vazirligi, Sog‘liqni saqlash vazirligi, Xalq ta’limi vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan ishlab chiqilgan:

asosiy turdagi qishloq xo‘jaligi mahsulotlarini zaxiraga jamg‘arishning umumiy prognozi hamda tayyorlov tashkilotlari bo‘yicha prognoz hajmlari 1 va 2-ilovalarga;

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan jalb qilinadigan hududiy tayyorlov tashkilotlarida zaxiraga jamg‘ariladigan asosiy turdagi qishloq xo‘jaligi mahsulotlarining prognoz hajmlari 3-ilovaga;

Maktabgacha ta’lim vazirligi, Sog‘liqni saqlash vazirligi hamda Xalq ta’limi vazirligi muassasalari tomonidan asosiy turdagi qishloq xo‘jaligi mahsulotlarini zaxiraga jamg‘arish prognoz hajmlari 4, 5 va 6-ilovalarga;

asosiy turdagi qishloq xo‘jaligi mahsulotlarini (kartoshka, piyoz, sabzi va guruch) zaxiraga jamg‘arishning reja-jadvali 7, 7a — 7g-ilovalarga muvofiq tasdiqlansin.

2. Asosiy turdagi qishloq xo‘jaligi mahsulotlarini zaxiraga jamg‘arish bo‘yicha belgilangan hajmlarni moliyalashtirish manbalari etib:

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan jalb etilgan tayyorlov tashkilotlari uchun — xo‘jalik yurituvchi subyektlarning o‘z aylanma mablag‘lari va tijorat banklarining kreditlari;

O‘zbekiston Respublikasi Xalq ta’limi vazirligi, Sog‘liqni saqlash vazirligi hamda Maktabgacha ta’lim vazirligi muassasalari uchun — O‘zbekiston Respublikasi Davlat budjeti mablag‘lari va ushbu vazirliklarning budjetdan tashqari mablag‘lari belgilansin.

3. Belgilansinki, 2020-2021-yillar qish-bahor mavsumi zaxirasi uchun asosiy turdagi qishloq xo‘jaligi mahsulotlarini xarid qilishga va chetdan iste’mol kartoshkasini keltirish maqsadlariga:

tijorat banklari belgilangan tartibda tayyorlov korxonalariga aylanma mablag‘lar uchun kreditlar ajratadi;

Tadbirkorlik faoliyatini qo‘llab-quvvatlash davlat jamg‘armasi kreditlar bo‘yicha foiz to‘lovlarining O‘zbekiston Respublikasi Markaziy bankining asosiy stavkasidan oshgan qismini belgilangan tartibda kompensatsiya qilib beradi;

O‘zbekiston Respublikasi Moliya vazirligi kredit ajratish uchun resurslar yetarli bo‘lmagan taqdirda, talab etiladigan mablag‘ni tijorat banklariga O‘zbekiston Respublikasi Markaziy bankining asosiy stavkasida depozitga joylashtirilishini ta’minlaydi.

4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Maktabgacha ta’lim vazirligi, Sog‘liqni saqlash vazirligi, Xalq ta’limi vazirligi joriy yilning 20-oktabriga qadar 4 turdagi (kartoshka, piyoz, sabzi va guruch) sifatli qishloq xo‘jaligi mahsulotlarini arzon narxlarda zaxiraga jamg‘arish uchun mahsulot ishlab chiqaruvchilar, tayyorlov tashkilotlar va ijtimoiy soha muassasalari o‘rtasida istisno tariqasida to‘g‘ridan-to‘g‘ri kontraktatsiya shartnomalari tuzilishini hamda ushbu qaror ilovalaridagi prognoz hajmlarga muvofiq mahsulotlarni to‘liq hajmda va belgilangan muddatlarda g‘amlab qo‘yilishini ta’minlasinlar.

Shartnoma tuzish bo‘yicha amalga oshirilgan ishlar yuzasidan joriy yil 25-oktabriga qadar Vazirlar Mahkamasiga ma’lumot taqdim etilsin.

Maktabgacha ta’lim vazirligi, Sog‘liqni saqlash vazirligi hamda Xalq ta’limi vazirligi tasarrufidagi muassasalardagi ovqatlanishni jadallik bilan autsorsing tizimiga o‘tkazish bo‘yicha kerakli choralarni ko‘rsin.

5. O‘zbekiston Respublikasi Moliya vazirligi budjetdan mablag‘ bilan ta’minlanuvchi ijtimoiy soha muassasalariga 2020-2021-yilgi qish-bahor mavsumiga qishloq xo‘jaligi mahsulotlarini jamg‘arish uchun zarur mablag‘lar budjet va budjet muassasalarining budjetdan tashqari jamg‘armalari hisobiga to‘liq ajratilishini ta’minlasin.

Bunda, ijtimoy soha muassasalari tomonidan 4 ta asosiy turdagi qishloq xo‘jaligi mahsulotlarini (kartoshka, piyoz, sabzi va guruch) xarid qilishda dehqon bozorlarida shakllanadigan o‘rtacha narxlardan kelib chiqqan holda tegishli ijtimoy soha muassasasining xarid komissiyasi tomonidan baholanadigan eng yaxshi takliflarni saralab olish yo‘li bilan tuzilgan shartnomalarni tegishli g‘aznachilik bo‘linmalarida ro‘yxatdan o‘tkazilishiga ruxsat etilsin. Ushbu shartnomalar tuzilgan sanadan boshlab 3 kundan kechiktirmasdan davlat xaridlarining maxsus axborot portaliga joylashtirilsin.

6. Quyidagilar:

asosiy turdagi qishloq xo‘jaligi mahsulotlarini zaxiraga jamg‘arish va maqsadli ishlatilishini muvofiqlashtirish bo‘yicha respublika ishchi guruhi tarkibi 8-ilovaga muvofiq;

asosiy turdagi qishloq xo‘jaligi mahsulotlarini zaxira maqsadlariga xarid qilishni moliyalashtirish masalalarini muvofiqlashtirish bo‘yicha respublika ishchi guruhi tarkibi 9-ilovaga muvofiq tasdiqlansin.

7. Respublika ishchi guruhlarining asosiy vazifalari etib quyidagilar belgilansin:

a) asosiy turdagi qishloq xo‘jaligi mahsulotlarini zaxiraga jamg‘arish va maqsadli ishlatishni muvofiqlashtirish bo‘yicha respublika ishchi guruhi (G‘aniyevga):

2020-2021-yillar qish va bahor mavsumi uchun asosiy turdagi qishloq xo‘jaligi mahsulotlarini hududlar bo‘yicha zaxiraga jamg‘arishning belgilangan prognoz hajmlari bajarilishini monitoring qilish;

qishloq xo‘jaligi mahsulotlari aholi ehtiyojiga nisbatan kam yetishtiriladigan hududlar zaxirasi uchun yetishmaydigan mahsulotlarni ishlab chiqarish hajmi ehtiyojdan ortiqcha bo‘lgan hududlar hisobiga qoplash choralarini ko‘rish;

mahalliy hokimliklar tomonidan zaxira tadbirlariga jalb etilgan tayyorlov tashkilotlari bilan qishloq xo‘jaligi mahsulotlari ishlab chiqaruvchilar o‘rtasida arzon narxlarda sifatli mahsulot yetkazib berish yuzasidan istisno tariqasida to‘g‘ridan-to‘g‘ri kontraktatsiya shartnomalari tuzish ishlarini samarali tashkil etilishini nazorat qilish;

zaxira tadbirlariga jalb etilgan tayyorlov tashkilotlari tomonidan zaxira maqsadlari uchun talab etiladigan mablag‘lar bo‘yicha tijorat banklariga buyurtmalarni taqdim etilishini va mablag‘lar ajratilishini nazorat qilish;

zaxira maqsadlari uchun omborxonalar va sovutkichli sig‘imlar yetishmayotgan hududlarga boshqa hududlardagi ortiqcha sig‘imlarni biriktirish hisobiga mavjud sig‘imlardan oqilona va samarali foydalanishni tashkil etish;

zaxira maqsadlari uchun mahsulotlarni xarid qilish, tayyorlash, saqlash va sotish bilan bog‘liq aniqlangan muammolarni tezkor bartaraf etish choralarini ko‘rish.

b) asosiy turdagi qishloq xo‘jaligi mahsulotlarini zaxira maqsadlariga xarid qilishni moliyalashtirish masalalarini muvofiqlashtirish bo‘yicha respublika ishchi guruhi (Ishmetovga):

ijtimoiy soha muassasalari ehtiyoji uchun zaxiraga jamg‘ariladigan asosiy turdagi qishloq xo‘jaligi mahsulotlarini xarid qilish maqsadida talab etiladigan mablag‘larni muassasalarning budjet mablag‘lari va budjetdan tashqari mablag‘lari hisobidan moliyalashtirilishini amalga oshirish;

autsorsing usulida ovqatlantirish tashkil etilgan ijtimoiy soha muassasalariga xizmat ko‘rsatuvchi tadbirkorlik subyektlariga zaxira tadbirlari uchun talab etiladigan mablag‘larni oldindan to‘lab berilishini ta’minlash;

O‘zbekiston Respublikasi Sog‘liqni saqlash vazirligi, Xalq ta’limi vazirligi hamda Maktabgacha ta’lim vazirligi tomonidan zaxira maqsadlari uchun rejalashtirilgan budjet va budjetdan tashqari mablag‘lardan maqsadli foydalanilishini nazorat qilish.

8. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:

o‘n kun muddatda qishloq xo‘jaligi mahsulotlarini saqlash hajmlariga mos omborxonalar va sovutish sig‘imlarini xatlovdan o‘tkazsinlar, xatlov natijalariga ko‘ra zaxira tadbirlari uchun belgilangan hajmlarni saqlashga ixtisoslashgan tashkilotlar ro‘yxatini alohida ko‘rsatgan holda Vazirlar Mahkamasiga ma’lumot taqdim etsinlar;

ushbu qaror ilovalaridagi prognoz hajmlarga muvofiq asosiy turdagi qishloq xo‘jaligi mahsulotlari to‘liq hajmda va belgilangan muddatlarda g‘amlab qo‘yilishini ta’minlasinlar;

2021-yil 1-yanvarga qadar tasdiqlangan tarmoq jadvallari asosida zaxiraga jamg‘arilgan mahsulotlarni ichki iste’mol bozoriga yetkazib berish jadvallarini ishlab chiqsinlar va tasdiqlasinlar.

Bunda mahsulotlar bir tekis taqsimlanishi hisobga olinsin.

9. Asosiy turdagi qishloq xo‘jaligi mahsulotlarini zaxiraga jamg‘arish va ichki bozorga savdoga chiqarilishi monitoringini olib borishda shunday tartib o‘rnatilsinki, unga muvofiq:

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari — tadbirlarga jalb etilgan tayyorlov tashkilotlari tomonidan joriy yilning oktabr-noyabr oylarida qishloq xo‘jaligi mahsulotlarining asosiy turlarini zaxiraga jamg‘arish va zaxira omborlaridan ichki iste’mol bozoriga sotuvga chiqarish hajmlari to‘g‘risida;

O‘zbekiston Respublikasi Sog‘liqni saqlash vazirligi, Xalq ta’limi vazirligi hamda Maktabgacha ta’limi vazirligi — ijtimoiy soha muassasalari tomonidan o‘z ehtiyojlari uchun qishloq xo‘jaligi mahsulotlarining asosiy turlarini xarid qilish maqsadlari uchun mo‘ljallangan budjet mablag‘lari ajratilishi va o‘zlashtirilishi holati, mahsulotlarni zaxira omborlariga jamg‘arish ishlarining borishi va qish-bahor oylarida maqsadli ishlatilishi to‘g‘risida Iqtisodiy taraqqiyot va kambag‘allikni qisqartirish vazirligiga har 10 kunda axborot taqdim etadilar.

10. O‘zbekiston Respublikasi Iqtisodiy taraqqiyot va kambag‘allikni qisqartirish vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hamda tegishli vazirliklar va idoralar bilan birgalikda:

joriy yilning 20-oktabridan boshlab asosiy turdagi qishloq xo‘jaligi mahsulotlarini zaxiraga jamg‘arish ko‘rsatkichlari bajarilishi va ularni moliyalashtirish masalalari hal etilishi hamda tasdiqlanadigan tarmoq jadvallariga muvofiq savdo shoxobchalariga va ijtimoiy soha muassasalari ehtiyojlari uchun samarali ishlatilishi yuzasidan monitoring olib borish tizimini joriy etsin va natijalari bo‘yicha umumlashtirilgan ma’lumotlarni har 10 kunda Vazirlar Mahkamasi va Bosh prokuraturaga kiritsin.

11. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari 20-oktabrga qadar ochiq tanlov asosida ichki ehtiyojni qoplash imkoniyati mavjud bo‘lmagan qishloq xo‘jaligi mahsulotlarini (kartoshka, guruch) qish-bahor mavsumida import qilish miqdorlarini tasdiqlab va importyor subyektlarni tanlab olsin.

12. O‘zbekiston Respublikasi Bosh vazirining o‘rinbosari (G‘aniyev):

qishloq xo‘jaligi mahsulotlarini (kartoshka, guruch) 2021-yilning yanvar — may oylarida ichki ehtiyojni uzluksiz qoplash maqsadida zarur miqdorlarda import qilinishini ta’minlasin;

qish-bahor mavsumida aholi ehtiyoji uchun import qilib olib kirilayotgan kartoshka va guruchni respublikaga olib kirishda Davlat bojxona qo‘mitasi va O‘zbekiston Respublikasi Vazirlar Mahkamasi huzuridagi O‘simliklar karantini davlat inspeksiyasi tomonidan bir sutkadan kechiktirmasdan rasmiylashtirilishni nazoratga olsin;

Tashqi ishlar vazirligi bilan birgalikda mahsulotlarni import qilishda xorijiy davlatlarning chegaralarida yuzaga kelgan muammolarni zudlik bilan bartaraf etish choralarini ko‘rsin.

13. Joriy yilda mahsulotlarni zaxiraga jamg‘arishda tadbirkorlik subyektlarining zarar ko‘rishini hamda jamg‘arilgan mahsulotlar narxining oshib ketishini oldini olish maqsadida:

kartoshka, piyoz, sabzi va guruch mahsulotlarini tashishda yo‘l-transport hodisasi yoki saqlash jarayonida elektr energiyasidagi uzilishlar sababli mahsulotlar nobud bo‘lganligi oqibatidagi zararlarni sug‘urta qilish mexanizmi orqali zararni qoplash;

qish-bahor mavsumida zaxiraga jamg‘arilgan mahsulotlarni aholi ehtiyojlariga sotishni tashkil etish uchun bozorlar va savdo komplekslarida, istisno tariqasida, beg‘araz asosda alohida rastalar hamda sotuv anjomlari vaqtinchalik foydalanish uchun ajratilsin, shuningdek ushbu korxonalarga taalluqli bo‘lgan yuk avtomashinalarning bozor avtoturargohlariga kirishi hamda chiqishi uchun to‘lovlar undirilmasligi joriy etilsin.

14. O‘zbekiston fermer, dehqon xo‘jaliklari va tomorqa yer egalari kengashi (Xayitov) Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda hududlardagi “Tomorqa xizmati” korxonalari orqali kam ta’minlangan oilalar tomonidan 61 ming gektar g‘alladan bo‘shagan maydonlarda yetishtiriladigan qishloq xo‘jaligi mahsulotlarini ichki va tashqi bozorga sotish tizimini yo‘lga qo‘ysinlar.

15. O‘zbekiston Respublikasi Veterinariya va chorvachilikni rivojlantirish Davlat qo‘mitasi hamda “Parrandasanoat” uyushmasi 2020-2021-yillar qish-bahor mavsumida go‘sht va tuxum mahsulotlari bilan aholini uzluksiz ravishda arzon narxlarda ta’minlash choralarini ko‘rsin.

Mahalliy hokimliklar ushbu maqsadda mazkur idoralarga har bir dehqon bozorida maxsus rasta ajratilishi ta’minlasin.

“O‘zyog‘moysanoat” uyushmasi, “O‘zdonmahsulot” AK tarkibidagi ishlab chiqaruvchi korxonalar tomonidan mavsum davomida aholini ehtiyojlariga mos ravishda mahsulot ishlab chiqarishni ta’minlash, innovatsion va tejamkor texnologiyalarni qo‘llash orqali narxlar oshishini oldini olish choralarini ko‘rsin.

16. Quyidagilar:

O‘zbekiston Respublikasi Bosh vazirining o‘rinbosari (G‘aniyev), Qoraqalpog‘iston Respublikasi Vazirlar Kengashi Raisi, viloyatlar va tumanlar hokimlari zimmasiga ushbu qarorning 1-ilovasiga muvofiq zaxiraga jamg‘arish uchun zarur hajmlarda qishloq xo‘jaligi mahsulotlarini takroriy ekin maydonlarida yetishtirilishini ta’minlash;

Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari, zimmalariga ushbu qarorning 2 va 3-ilovalariga muvofiq asosiy turdagi qishloq xo‘jalik mahsulotlarini xarid qilishga o‘z vaqtida shartnomalar tuzish va zaxiraga jamg‘arish hamda ichki iste’mol bozorga yetkazib berish;

O‘zbekiston Respublikasi Maktabgacha ta’lim vazirligi, Sog‘liqni saqlash vazirligi hamda Xalq ta’limi vazirligi ushbu qarorning 4, 5 va 6-ilovalariga muvofiq asosiy turdagi qishloq xo‘jalik mahsulotlarini xarid qilish bo‘yicha o‘z vaqtida shartnomalar tuzish va zaxiraga jamg‘arish hamda ulardan samarali va maqsadli foydalanish;

O‘zbekiston Respublikasi Moliya vazirligi zimmasiga ushbu qarorning 4, 5 va 6-ilovalariga muvofiq asosiy turdagi qishloq xo‘jalik mahsulotlarini zaxiraga jamg‘arish uchun ijtimoiy soha muassasalarini va ular tomonidan jalb etiladigan tayyorlov tashkilotlarini o‘z vaqtida moliyalashtirish yuzasidan shaxsiy javobgarlik yuklansin.

17. Mazkur qaror ijrosini nazorat qilish O‘zbekiston Respublikasi Bosh vazirining o‘rinbosarlari Sh. G‘aniyev va B. Musayev zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2020-yil 15-oktabr,

648-son

Vazirlar Mahkamasining 2020-yil 15-oktabrdagi 648-sonli qaroriga
1-ILOVA

2020-2021-yil qish va bahor mavsumiga asosiy turdagi qishloq xo‘jaligi mahsulotlarini zaxiraga jamg‘arishning umumiy prognoz hajmlari

						tonna
T/r	Hududlar nomi	Jami mahsulot	jumladan:
T/r	Hududlar nomi	Jami mahsulot	Kartoshka	Piyoz	Sabzi	Guruch
1.	Qoraqalpog‘iston Respublikasi	58 000	23 000	12 000	10 000	13 000
viloyatlar:
2.	Andijon	69 000	35 000	15 000	13 000	6 000
3.	Buxoro	42 000	22 000	9 000	7 000	4 000
4.	Jizzax	27 000	16 000	6 000	3 000	2 000
5.	Qashqadaryo	65 000	35 000	15 000	8 000	7 000
6.	Navoiy	23 000	12 000	6 000	3 000	2 000
7.	Namangan	66 000	35 000	14 000	11 000	6 000
8.	Samarqand	76 000	40 000	17 000	12 000	7 000
9.	Surxondaryo	43 000	22 000	11 000	6 000	4 000
10.	Sirdaryo	20 000	10 000	5 000	3 000	2 000
11.	Toshkent	75 000	35 000	19 000	14 000	7 000
12.	Farg‘ona	83 000	40 000	20 000	16 000	7 000
13.	Xorazm	49 000	20 000	10 000	9 000	10 000
14.	Toshkent sh.	99 000	55 000	21 000	15 000	8 000
Jami:		795 000	400 000	180 000	130 000	85 000

Vazirlar Mahkamasining 2020-yil 15-oktabrdagi 648-sonli qaroriga
2-ILOVA

2020-2021-yillar qish va bahor mavsumiga asosiy turdagi qishloq xo‘jaligi mahsulotlarini zaxiraga jamg‘arishning tayyorlov tashkilotlari bo‘yicha prognoz hajmlari

							tonna
T/r	Hududlar	Jami mahsulotlarni saqlashning umumiy hajmi	shu jumladan:
			Hududiy tayyorlovchi korxonalar va tashkilotlar	Ijtimoiy soha obyektlari	shundan:
			Hududiy tayyorlovchi korxonalar va tashkilotlar	Ijtimoiy soha obyektlari	maktabgacha ta’lim muassasalari	sog‘liqni saqlash muassasalari	xalq ta’limi muassasalari
1.	Qoraqalpog‘iston Respublikasi	58 000	56 786	1 214	918	236	60
viloyatlar:
2.	Andijon	69 000	66 566	2 434	2 033	125	276
3.	Buxoro	42 000	41 079	921	592	163	167
4.	Jizzax	27 000	26 233	767	676	92
5.	Qashqadaryo	65 000	63 603	1 397	641	469	288
6.	Navoiy	23 000	22 409	591	395	125	71
7.	Namangan	66 000	63 389	2 611	1 943	235	434
8.	Samarqand	76 000	73 300	2 700	2 103	409	189
9.	Surxondaryo	43 000	41 984	1 016	698	108	210
10.	Sirdaryo	20 000	19 453	547	509	39
11.	Toshkent	75 000	73 188	1 812	1 383	320	109
12.	Farg‘ona	83 000	78 220	4 780	3 678	647	455
13.	Xorazm	49 000	47 849	1 152	781	163	208
14.	Toshkent shahri	99 000	96 430	2 570	2 235	218	117
Jami:		795 000	770 487	24 513	18 584	3 347	2 583

Vazirlar Mahkamasining 2020-yil 15-oktabrdagi 648-sonli qaroriga
3-ILOVA

2020-2021-yil qish va bahor mavsumiga xududiy tayyorlov tashkilotlari tomonidan asosiy turdagi qishloq xo‘jaligi mahsulotlarini zaxiraga jamg‘arish hajmlari

						tonna
T/r	Hududlar nomi	Jami mahsulot	jumladan:
T/r	Hududlar nomi	Jami mahsulot	Kartoshka	Piyoz	Sabzi	Guruch
1.	Qoraqalpog‘iston Respublikasi	56 786	22 338	11 785	9 769	12 894
viloyatlar:
2.	Andijon	66 566	33 653	14 540	12 555	5 818
3.	Buxoro	41 079	21 396	8 871	6 867	3 944
4.	Jizzax	26 233	15 549	5 863	2 860	1 961
5.	Qashqadaryo	63 603	34 120	14 847	7 762	6 874
6.	Navoiy	22 409	11 646	5 887	2 917	1 958
7.	Namangan	63 389	33 483	13 523	10 502	5 881
8.	Samarqand	73 300	38 474	16 471	11 513	6 842
9.	Surxondaryo	41 984	21 338	10 857	5 852	3 937
10.	Sirdaryo	19 453	9 633	4 940	2 921	1 958
11.	Toshkent	73 188	33 877	18 692	13 726	6 894
12.	Farg‘ona	78 220	37 264	19 093	15 080	6 784
13.	Xorazm	47 849	19 421	9 789	8 786	9 853
14.	Toshkent sh.	96 430	53 496	20 465	14 606	7 865
Jami:		770 487	385 688	175 621	125 715	83 462

Vazirlar Mahkamasining 2020-yil 15-oktabrdagi 648-sonli qaroriga
4-ILOVA

2020-2021-yil qish va bahor mavsumiga Maktabgacha ta’lim muassasalari tomonidan asosiy turdagi qishloq xo‘jaligi mahsulotlarini zaxiraga jamg‘arish hajmlari

						tonna
T/r	Hududlar nomi	Jami mahsulot	jumladan:
T/r	Hududlar nomi	Jami mahsulot	Kartoshka	Piyoz	Sabzi	Guruch
1.	Qoraqalpog‘iston Respublikasi	918	502	170	183	64
viloyatlar:
2.	Andijon	2 033	1 087	425	395	126
3.	Buxoro	592	382	95	76	39
4.	Jizzax	676	383	128	131	35
5.	Qashqadaryo	641	447	60	89	45
6.	Navoiy	395	238	84	51	23
7.	Namangan	1 943	1 110	357	397	79
8.	Samarqand	2 103	1 144	447	390	122
9.	Surxondaryo	698	471	95	95	37
10.	Sirdaryo	509	347	54	71	37
11.	Toshkent	1 383	843	263	214	62
12.	Farg‘ona	3 678	2 095	757	688	138
13.	Xorazm	781	399	153	135	95
14.	Toshkent sh.	2 235	1 299	485	346	104
Jami:		18 584	10 747	3 571	3 261	1 005

Vazirlar Mahkamasining 2020-yil 15-oktabrdagi 648-sonli qaroriga
5-ILOVA

2020-2021-yil qish va bahor mavsumiga Sog‘liqni saqlash muassasalari tomonidan asosiy turdagi qishloq xo‘jaligi mahsulotlarini zaxiraga jamg‘arish hajmlari

						tonna
T/r	Hududlar nomi	Jami mahsulot	jumladan:
T/r	Hududlar nomi	Jami mahsulot	Kartoshka	Piyoz	Sabzi	Guruch
1.	Qoraqalpog‘iston Respublikasi	236	126	37	36	36
viloyatlar:
2.	Andijon	125	88	12	16	9
3.	Buxoro	163	96	20	36	11
4.	Jizzax	92	68	10	9	5
5.	Qashqadaryo	469	273	25	103	68
6.	Navoiy	125	76	15	19	15
7.	Namangan	235	137	34	45	19
8.	Samarqand	409	261	53	68	27
9.	Surxondaryo	108	73	9	15	11
10.	Sirdaryo	39	20	6	8	5
11.	Toshkent	320	206	31	46	38
12.	Farg‘ona	647	400	68	125	55
13.	Xorazm	163	89	23	29	21
14.	Toshkent sh.	218	129	33	31	25
Jami:		3 347	2 041	376	586	344

Vazirlar Mahkamasining 2020-yil 15-oktabrdagi 648-sonli qaroriga
6-ILOVA

2020-2021-yil qish va bahor mavsumiga Xalq ta’limi muassasalari tomonidan asosiy turdagi qishloq xo‘jaligi mahsulotlarini zaxiraga jamg‘arish hajmlari

						tonna
T/r	Hududlar nomi	Jami mahsulot	jumladan:
T/r	Hududlar nomi	Jami mahsulot	Kartoshka	Piyoz	Sabzi	Guruch
1.	Qoraqalpog‘iston Respublikasi	60	34	9	11	6
viloyatlar:
2.	Andijon	276	173	23	35	46
3.	Buxoro	167	126	14	21	6
4.	Jizzax	0	0	0	0	0
5.	Qashqadaryo	288	160	69	46	14
6.	Navoiy	71	40	14	13	4
7.	Namangan	434	271	86	56	21
8.	Samarqand	189	121	29	29	9
9.	Surxondaryo	210	118	39	38	15
10.	Sirdaryo	0	0	0	0	0
11.	Toshkent	109	74	15	14	7
12.	Farg‘ona	455	242	82	107	24
13.	Xorazm	208	91	36	50	31
14.	Toshkent sh.	117	77	17	17	6
Jami:		2 583	1 524	432	437	190

Vazirlar Mahkamasining 2020-yil 15-oktabrdagi 648-sonli qaroriga
7-ILOVA

2020-2021-yil qish va bahor mavsumiga asosiy turdagi qishloq xo‘jaligi mahsulotlarini zaxiraga jamg‘arishning

REJA-JADVALI

										tonna
T/r	Mahsulotlar nomi	Jami zaxira xajmi	Jumladan:
			Oktabr oyi jami	shu jumladan:		Noyabr oyi jami	shu jumladan:			Dekabr oyining 1 dan 10 gacha jami
			Oktabr oyi jami	15 dan 20 gacha	21 dan 31 gacha	Noyabr oyi jami	1 dan 10 gacha	11 dan 20 gacha	21 dan 30 gacha	Dekabr oyining 1 dan 10 gacha jami
1.	Kartoshka	400 000	60 000		60 000	260 000	91 000	88 400	80 600	80 000
2.	Piyoz	180 000	108 000	56 160	51 840	54 000	18 900	18 360	16 740	18 000
3.	Sabzi	130 000	13 000	6 760	6 240	91 000	31 850	30 940	28 210	26 000
4.	Guruch	85 000	8 500	4 420	4 080	51 000	17 850	17 340	15 810	25 500
Jami:		795 000	189 500	67 340	122 160	456 000	159 600	155 040	141 360	149 500

Vazirlar Mahkamasining 2020-yil 15-oktabrdagi 648-sonli qaroriga
7a-ILOVA

2020-2021-yil qish va bahor mavsumiga KARTOSHKA mahsulotlarini zaxiraga jamg‘arishning

REJA-JADVALI

								tonna
T/r	Hududlar	Jami zaxira xajmi	Jumladan:
			Oktabr oyining 20 dan 30 gacha jami	Noyabr oyi jami	shu jumladan:			Dekabr oyining 1 dan 10 gachajami
			Oktabr oyining 20 dan 30 gacha jami	Noyabr oyi jami	1 dan 10 gacha	11 dan 20 gacha	21 dan 30 gacha	Dekabr oyining 1 dan 10 gachajami
1.	Qoraqalpog‘iston Respublikasi	23 000	3 450	14 950	5 233	5 083	4 635	4 600
	viloyatlar:
2.	Andijon	35 000	5 250	22 750	7 963	7 735	7 053	7 000
3.	Buxoro	22 000	3 300	14 300	5 005	4 862	4 433	4 400
4.	Jizzax	16 000	2 400	10 400	3 640	3 536	3 224	3 200
5.	Qashqadaryo	35 000	5 250	22 750	7 963	7 735	7 053	7 000
6.	Navoiy	12 000	1 800	7 800	2 730	2 652	2 418	2 400
7.	Namangan	35 000	5 250	22 750	7 963	7 735	7 053	7 000
8.	Samarqand	40 000	6 000	26 000	9 100	8 840	8 060	8 000
9.	Surxondaryo	22 000	3 300	14 300	5 005	4 862	4 433	4 400
10.	Sirdaryo	10 000	1 500	6 500	2 275	2 210	2 015	2 000
11.	Toshkent	35 000	5 250	22 750	7 963	7 735	7 053	7 000
12.	Farg‘ona	40 000	6 000	26 000	9 100	8 840	8 060	8 000
13.	Xorazm	20 000	3 000	13 000	4 550	4 420	4 030	4 000
14.	Toshkent shahri	55 000	8 250	35 750	12 513	12 155	11 083	11 000
Jami:		400 000	60 000	260 000	91 000	88 400	80 600	80 000

Vazirlar Mahkamasining 2020-yil 15-oktabrdagi 648-sonli qaroriga
7b-ILOVA

2020-2021-yil qish va bahor mavsumiga PIYOZ mahsulotlarini zaxiraga jamg‘arishning

REJA-JADVALI

										tonna
T/r	Hududlar	Jami zaxira xajmi
			Oktabr oyi jami	shu jumladan:		Noyabr oyi jami	shu jumladan:			Dekabr oyining 1 dan 10 gacha jami
			Oktabr oyi jami	15 dan 20 gacha	21 dan 31 gacha	Noyabr oyi jami	1 dan 10 gacha	11 dan 20gacha	21 dan 30 gacha	Dekabr oyining 1 dan 10 gacha jami
1.	Qoraqalpog‘iston Respublikasi	12 000	7 200	3 744	3 456	3 600	1 260	1 224	1 116	1 200
	viloyatlar:
2.	Andijon	15 000	9 000	4 680	4 320	4 500	1 575	1 530	1 395	1 500
3.	Buxoro	9 000	5 400	2 808	2 592	2 700	945	918	837	900
4.	Jizzax	6 000	3 600	1 872	1 728	1 800	630	612	558	600
5.	Qashqadaryo	15 000	9 000	4 680	4 320	4 500	1 575	1 530	1 395	1 500
6.	Navoiy	6 000	3 600	1 872	1 728	1 800	630	612	558	600
7.	Namangan	14 000	8 400	4 368	4 032	4 200	1 470	1 428	1 302	1 400
8.	Samarqand	17 000	10 200	5 304	4 896	5 100	1 785	1 734	1 581	1 700
9.	Surxondaryo	11 000	6 600	3 432	3 168	3 300	1 155	1 122	1 023	1 100
10.	Sirdaryo	5 000	3 000	1 560	1 440	1 500	525	510	465	500
11.	Toshkent	19 000	11 400	5 928	5 472	5 700	1 995	1 938	1 767	1 900
12.	Farg‘ona	20 000	12 000	6 240	5 760	6 000	2 100	2 040	1 860	2 000
13.	Xorazm	10 000	6 000	3 120	2 880	3 000	1 050	1 020	930	1 000
14.	Toshkent shahri	21 000	12 600	6 552	6 048	6 300	2 205	2 142	1 953	2 100
Jami:		180 000	108 000	56 160	51 840	54 000	18 900	18 360	16 740	18 000

Vazirlar Mahkamasining 2020-yil 15-oktabrdagi 648-sonli qaroriga
7v-ILOVA

2020-2021-yil qish va bahor mavsumiga SABZI mahsulotlarini zaxiraga jamg‘arishning

REJA-JADVALI

										tonna
T/r	Hududlar	Jami zaxira xajmi	Jumladan:
			Oktabr oyi jami	shu jumladan:		Noyabr oyi jami	shu jumladan:			Dekabr oyining 1 dan 10 gacha jami
			Oktabr oyi jami	15 dan 20gacha	21 dan 31gacha	Noyabr oyi jami	1 dan 10 gacha	11 dan 20 gacha	21 dan 30 gacha	Dekabr oyining 1 dan 10 gacha jami
1.	Qoraqalpog‘iston Respublikasi	10 000	1 000	520	480	7 000	2 450	2 380	2 170	2 000
	viloyatlar:
2.	Andijon	13 000	1 300	676	624	9 100	3 185	3 094	2 821	2 600
3.	Buxoro	7 000	700	364	336	4 900	1 715	1 666	1 519	1 400
4.	Jizzax	3 000	300	156	144	2 100	735	714	651	600
5.	Qashqadaryo	8 000	800	416	384	5 600	1 960	1 904	1 736	1 600
6.	Navoiy	3 000	300	156	144	2 100	735	714	651	600
7.	Namangan	11 000	1 100	572	528	7 700	2 695	2 618	2 387	2 200
8.	Samarqand	12 000	1 200	624	576	8 400	2 940	2 856	2 604	2 400
9.	Surxondaryo	6 000	600	312	288	4 200	1 470	1 428	1 302	1 200
10.	Sirdaryo	3 000	300	156	144	2 100	735	714	651	600
11.	Toshkent	14 000	1 400	728	672	9 800	3 430	3 332	3 038	2 800
12.	Farg‘ona	16 000	1 600	832	768	11 200	3 920	3 808	3 472	3 200
13.	Xorazm	9 000	900	468	432	6 300	2 205	2 142	1 953	1 800
14.	Toshkent shahri	15 000	1 500	780	720	10 500	3 675	3 570	3 255	3 000
Jami:		130 000	13 000	6 760	6 240	91 000	31 850	30 940	28 210	26 000

Vazirlar Mahkamasining 2020-yil 15-oktabrdagi 648-sonli qaroriga
7g-ILOVA

2020-2021-yil qish va bahor mavsumiga GURUCH mahsulotlarini zaxiraga jamg‘arishning

REJA-JADVALI

										tonna
T/r	Hududlar	Jami zaxira xajmi	Jumladan:
			Oktabr oyi jami	shu jumladan:		Noyabr oyi jami	shu jumladan:			Dekabr oyining 1 dan 10 gacha jami
			Oktabr oyi jami	15 dan 20 gacha	21 dan 31 gacha	Noyabr oyi jami	1 dan 10 gacha	11 dan 20 gacha	21 dan 30 gacha	Dekabr oyining 1 dan 10 gacha jami
1.	Qoraqalpog‘iston Respublikasi	13 000	1 300	676	624	7 800	2 730	2 652	2 418	3 900
	viloyatlar:
2.	Andijon	6 000	600	312	288	3 600	1 260	1 224	1 116	1 800
3.	Buxoro	4 000	400	208	192	2 400	840	816	744	1 200
4.	Jizzax	2 000	200	104	96	1 200	420	408	372	600
5.	Qashqadaryo	7 000	700	364	336	4 200	1 470	1 428	1 302	2 100
6.	Navoiy	2 000	200	104	96	1 200	420	408	372	600
7.	Namangan	6 000	600	312	288	3 600	1 260	1 224	1 116	1 800
8.	Samarqand	7 000	700	364	336	4 200	1 470	1 428	1 302	2 100
9.	Surxondaryo	4 000	400	208	192	2 400	840	816	744	1 200
10.	Sirdaryo	2 000	200	104	96	1 200	420	408	372	600
11.	Toshkent	7 000	700	364	336	4 200	1 470	1 428	1 302	2 100
12.	Farg‘ona	7 000	700	364	336	4 200	1 470	1 428	1 302	2 100
13.	Xorazm	10 000	1 000	520	480	6 000	2 100	2 040	1 860	3 000
14.	Toshkent shahri	8 000	800	416	384	4 800	1 680	1 632	1 488	2 400
Jami:		85 000	8 500	4 420	4 080	51 000	17 850	17 340	15 810	25 500

Vazirlar Mahkamasining 2020-yil 15-oktabrdagi 648-sonli qaroriga
8-ILOVA

Asosiy turdagi qishloq xo‘jaligi mahsulotlarini zaxiraga jamg‘arish va maqsadli ishlatishni muvofiqlashtirish bo‘yicha respublika

ISHCHI GURUHI

1.	G‘aniyev Sh.M.	—	O‘zbekiston Respublikasi Bosh vazirining o‘rinbosari, respublika ishchi guruhi rahbari
2.	Xodjayev J.A.	—	Qishloq xo‘jaligi vaziri
3.	Ishmetov T.A.	—	Moliya vaziri
4.	Ortiqov A.J.	—	Iqtisodiy taraqqiyot va kambag‘allikni qisqartirish vazirining birinchi o‘rinbosari
5.	Kudbiyev Sh.D.	—	Davlat soliq qo‘mitasi raisi
6.	Vaxabov A.J.	—	O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi rahbari
7.	Shodmonov A.Q.	—	Sog‘liqni saqlash vaziri
8.	Shermatov Sh.Sh.	—	Xalq ta’limi vaziri
9.	Shin A.V.	—	Maktabgacha ta’lim vaziri
10.	Lavozim bo‘yicha	—	Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari
11.	Eshniyozov J.U.	—	Vazirlar Mahkamasi apparatining bosh mutaxassisi, respublika ishchi guruhi kotibi

Vazirlar Mahkamasining 2020-yil 15-oktabrdagi 648-sonli qaroriga
9-ILOVA

Asosiy turdagi qishloq xo‘jaligi mahsulotlarini zaxira maqsadlariga xarid qilishni moliyalashtirish masalalarini muvofiqlashtirish bo‘yicha respublika

ISHCHI GURUHI

1.	Ishmetov T.A.	—	O‘zbekiston Respublikasi — Moliya vaziri, respublika ishchi guruhi rahbari
2.	Shodmonov A.Q.	—	Sog‘liqni saqlash vaziri
3.	Shermatov Sh.Sh.	—	Xalq ta’limi vaziri
4.	Shin A.V.	—	Maktabgacha ta’lim vaziri
5.	Xolxo‘jayev S.M.	—	Markaziy bank boshqaruvi raisining o‘rinbosari
6.	Ismailov U.	—	Tadbirkorlikni qo‘llab quvvatlash Davlat jamg‘armasi rahbari
6.	Lavozim bo‘yicha	—	Tijorat banki rahbarlari
7.	Lavozim bo‘yicha	—	Qoraqalpog‘iston Respublikasi Vazirlar Kengashi Raisining iqtisodiy rivojlanish va kambag‘allikni qisqartirish masalalari bo‘yicha birinchi o‘rinbosari, viloyatlar va Toshkent shahar hokimlarining iqtisodiy rivojlanish va kambag‘allikni qisqartirish masalalari bo‘yicha birinchi o‘rinbosarlari

(Qonun hujjatlari ma’lumotlari milliy bazasi, 16.10.2020-y., 09/20/648/1391-son)