|
Hujjat kuchini yo‘qotgan " " 03.01.2025
|
Oʻzbekiston Respublikasi Vazirlar Mahkamasining
qarori
Biznes va tadbirkorlik oliy maktabi faoliyatini tashkil etish chora-tadbirlari toʻgʻrisida
LexUZ sharhiMazkur qaror Oʻzbekistan Respublikasi Vazirlar Mahkamasining 2024-yil 30-dekabrdagi 904-sonli “Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi faoliyatini samarali tashkil etish chora-tadbirlari toʻgʻrisida”gi qaroriga asosan oʻz kuchini yoʻqotgan.
Biznes va tadbirkorlik, korporativ va loyiha boshqaruvi, menejment sohasida boshqaruv kadrlari va mutaxassislarni tayyorlash tizimini xalqaro standartlarga muvofiq tubdan takomillashtirish va ularning professional saviyasini oshirish, shuningdek, biznes va tadbirkorlik faoliyatini boshqarishning zamonaviy usullarini joriy etishni ilmiy-metodik qoʻllab-quvvatlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Iqtisodiyotni rivojlantirish va kambagʻallikni qisqartirishga oid davlat siyosatini tubdan yangilash chora-tadbirlari toʻgʻrisida” 2020-yil 26-martdagi PF-5975-son Farmoniga muvofiq Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabi hamda Oʻzbekiston Respublikasi Savdo-sanoat palatasi huzuridagi Tadbirkorlik faoliyati asoslarini oʻqitish respublika markazi Oʻzbekiston Respublikasi Iqtisodiy taraqqiyot va kambagʻallikni qisqartirish vazirligiga (keyingi oʻrinlarda — Iqtisodiy taraqqiyot vazirligi) oʻtkazilganligi va ularning negizida Biznes va tadbirkorlik oliy maktabi (keyingi oʻrinlarda — Oliy maktab) tashkil etilganligi maʼlumot uchun qabul qilinsin.
2. Quyidagilar Oliy maktabning asosiy vazifalari va faoliyat yoʻnalishlari etib belgilansin:
respublika iqtisodiyotini rivojlantirishga zarur boʻlgan boshqaruv kadrlari, shu jumladan oliy taʼlim, oliy taʼlimdan keyingi taʼlim, kadrlar malakasini oshirish va ularni qayta tayyorlash;
kichik biznes va tadbirkorlik, raqamli iqtisodiyot, raqobatni rivojlantirish va monopoliyaga qarshi kurashish, marketing, menejment va iqtisodiyotning talab yuqori boʻlgan boshqa yoʻnalishlari boʻyicha magistrlarni, ilmiy va ilmiy-pedagogik kadrlarni tayyorlash;
iqtisodiyotda erkin raqobat muhitini shakllantirish, mahalliy ishlab chiqaruvchilarning raqobatbardoshligini oshirish, tovar va moliya bozorlarida monopol mavqega ega boʻlgan korxonalarga qoʻllanilgan imtiyoz va preferensiyalar samaradorligini baholab borish va tegishli masalalar boʻyicha oʻquv kurslarini tashkil etish;
halqaro eʼtirof etilgan xorijiy oliy oʻquv yurtlarining yetakchi professor-oʻqituvchilarini jalb qilgan holda, korporativ va loyiha boshqaruvi hamda boshqa sohalarda boshqaruv kadrlarini tayyorlash, qayta tayyorlash va ularning malakasini oshirish boʻyicha hamkorlikda dasturlarni (joint programs) amalga oshirish;
aholining tadbirkorlikka qiziqishi boʻlgan qatlamlarini hamda tadbirkorlarni biznes va tadbirkorlik koʻnikmalari boʻyicha qisqa muddatli pulli, xususan, keyinchalik boʻlib-boʻlib toʻlash sharti bilan oʻqitishni tashkil etish;
oilaviy tadbirkorlik dasturlari orqali kredit olishni moʻljallagan aholi qatlamlari uchun qisqa muddatli oʻqitishni tashkil etish;
aholi hamda tadbirkorlarga tadbirkorlik va biznesga oid oʻquv materiallarini (jumladan, elektron shaklda) tayyorlash.
3. Quyidagilar:
Biznes va tadbirkorlik oliy maktabining tuzilmasi 1-ilovaga muvofiq;
Biznes va tadbirkorlik oliy maktabining Qoraqalpogʻiston Respublikasi va viloyatlardagi hududiy filiallarining namunaviy tuzilmasi 2-ilovaga muvofiq;
Biznes va tadbirkorlik oliy maktabining Vasiylik kengashi tarkibi 3-ilovaga muvofiq;
Biznes va tadbirkorlik oliy maktabi magistraturasiga oʻqishga qabul qilish va uni tashkil etish tartibi toʻgʻrisidagi nizom 4-ilovaga muvofiq;
Biznes va tadbirkorlik oliy maktabi magistraturasini tamomlaganlik toʻgʻrisidagi davlat diplomining namunasi 5-ilovaga muvofiq;
Biznes va tadbirkorlik oliy maktabining qisqa muddatli malaka oshirish kurslarini tamomlaganlik toʻgʻrisidagi sertifikat namunasi 6-ilovaga muvofiq tasdiqlansin.
4. Belgilansinki:
Iqtisodiy taraqqiyot vazirligi Oliy maktabning muassisi hisoblanadi;
Oliy maktab Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv oliy maktabi hamda Oʻzbekiston Respublikasi Savdo-sanoat palatasi huzuridagi Tadbirkorlik faoliyati asoslarini oʻqitish respublika markazining barcha huquqlari, majburiyatlari va shartnomalari boʻyicha huquqiy vorisi hisoblanadi;
Oliy maktab korporativ boshqaruv va loyiha boshqaruvi, biznes va tadbirkorlik sohasida kadrlarni tayyorlash, qayta tayyorlash va ularning malakasini oshirish boʻyicha oliy taʼlim muassasasi hisoblanadi;
Oliy maktab direktori va uning oʻrinbosarlari Oʻzbekiston Respublikasi Iqtisodiy taraqqiyot va kambagʻallikni qisqartirish vazirining buyrugʻi bilan lavozimga tayinlanadi va lavozimdan ozod etiladi.
Oliy maktab direktorining oʻrinbosarlari Iqtisodiy taraqqiyot va kambagʻallikni qisqartirish vazirligi markaziy apparatining departamenti direktoriga, kafedra mudirlari markaziy apparatining departamenti direktori oʻrinbosarlariga tenglashtirilgan tibbiy xizmat amalga oshiriladi.
(4-band Oʻzbekiston Respublikasi Vazirlar Mahkamasining 2022-yil 29-noyabrdagi 679-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 29.11.2022-y., 09/22/679/1051-son)
5. Oliy maktabga Iqtisodiy taraqqiyot vazirligi bilan kelishgan holda 2020/2021 oʻquv yilidan boshlab vazirliklar, idoralar va tadbirkorlik subyektlarining ehtiyojlari va strategik rivojlanishidan kelib chiqqan holda, sohaviy xorijiy taʼlim muassasalari bilan hamkorlikda qoʻshma “ikki diplom” (double degree) modeli asosida magistratura mutaxassisliklari boʻyicha oʻqishni hamda ilmiy va ilmiy-pedagogik kadrlarni tayyorlashni tashkil etish huquqi berilsin.
6. Quyidagilar Oliy maktab faoliyatini moliyalashtirishning asosiy manbalari etib belgilansin:
Oʻzbekiston Respublikasi Davlat budjeti mablagʻlari;
toʻlov-kontrakt asosida oʻqitishdan tushadigan mablagʻlar;
xoʻjalik faoliyati, xizmatlarni tijoratlashtirish va eksport qilish, innovatsion faoliyat natijalari, startap loyihalar asosida tushadigan mablagʻlar;
boʻsh turgan mablagʻlarni tijorat banklari depozitlariga va moliya bozoridagi boshqa vositalarga joylashtirishdan olinadigan daromadlar;
jismoniy va yuridik shaxslarning homiylik xayriyalari;
qonunchilik hujjatlari bilan taqiqlanmagan boshqa manbalar.
(6-bandning yettinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
7. Oliy maktab rahbariyati (direktor va uning oʻrinbosarlari), professor-oʻqituvchilari va xodimlarining mehnatiga haq toʻlash, ularni moddiy ragʻbatlantirish, ilmiy darajaga beriladigan qoʻshimchalar va ijtimoiy himoyani taʼminlash maqsadida Oliy maktabning budjetdan tashqari Rivojlantirish va xodimlarni moddiy ragʻbatlantirish jamgʻarmasi (keyingi oʻrinlarda — Oliy maktab jamgʻarmasi) tashkil etilsin va uning moliyaviy manbai etib toʻlov-kontrakt asosida oʻqitishdan tushadigan mablagʻlar belgilansin.
Oliy maktab jamgʻarmasi budjet mablagʻlari (budjet tashkilotlari xodimlari mehnatini ragʻbatlantirish uchun mehnatga haq toʻlash fondining 15 foizi miqdorida nazarda tutilgan) bilan bir qatorda toʻlov-kontrakt asosida tushadigan mablagʻlari hisobidan Oliy maktab rahbariyati (direktor va uning oʻrinbosarlari), professor-oʻqituvchilari va xodimlarni moddiy ragʻbatlantirish uchun mehnatga haq toʻlash fondining 185 foizigacha miqdorida tashkil etilsin.
Oliy maktab jamgʻarmasining mablagʻlari Oliy maktab shtatidagi boshqaruv, professor-oʻqituvchilar va xodimlarga tarif stavkasining 200 foizgacha miqdorda har oylik ustamalar belgilashga yoʻnaltirilsin.
8. Shunday tartib oʻrnatilsinki, unga muvofiq:
a) mazkur qaror 2-bandining oltinchi — sakkizinchi xatboshilarida nazarda tutilgan vazifalar Oʻzbekiston Respublikasi Davlat budjeti mablagʻlari va Iqtisodiy taraqqiyot va kambagʻallikni qisqartirish vazirligi huzuridagi Tadbirkorlik faoliyatini qoʻllab-quvvatlash davlat jamgʻarmasi mablagʻlari hisobidan amalga oshiriladi;
(8-bandning “a” kichik bandi Oʻzbekiston Respublikasi Vazirlar Mahkamasining 2022-yil 19-apreldagi 195-sonli qarori tahririda — Qonunchilik maʼlumotlari milliy bazasi, 19.04.2022-y., 09/22/195/0319-son)
b) Oliy maktab va uning hududiy filiallari tomonidan aholi va tadbirkorlar uchun oʻquv kurslarini tashkil etishda foydalaniladigan davlat mulki boʻlgan bino va xonalarning maydonlariga hamda oʻrta maxsus, kasb-hunar taʼlimi muassasalari auditoriyalarida tekin foydalanish asosida va kommunal xizmatlar toʻlovisiz oʻquv kurslarini oʻtkazishga ruxsat etiladi;
v) Oliy maktab magistraturasida taʼlimning kechki shaklida tahsil olayotgan tinglovchilar bilan tuzilgan amaldagi shartnomalar belgilangan muddatgacha oʻz kuchida qoladi.
9. Iqtisodiy taraqqiyot vazirligi:
a) ikki hafta muddatda Oliy maktab ustavini belgilangan tartibda tasdiqlasin va uning davlat roʻyxatidan oʻtkazilishini taʼminlasin;
b) bir oy muddatda Qoraqalpogʻiston Respublikasi Vazirlar Kengashi, viloyatlar hokimliklari hamda Davlat aktivlarini boshqarish agentligi bilan birgalikda Oliy maktab hududiy filiallarini joylashtirish choralarini koʻrsin;
v) Oliy va oʻrta maxsus taʼlim vazirligi bilan birgalikda:
ikki hafta muddatda Oliy maktabning professor-oʻqituvchilari tarkibini tanlab olish tartibini belgilangan tartibda tasdiqlasin;
bir oy muddatda Oliy maktab xodimlarini attestatsiyadan oʻtkazsin va yuqori darajadagi zarur zamonaviy bilimlarga va koʻnikma hamda ish tajribasiga ega boʻlgan rahbar va pedagogik mutaxassislar bilan taʼminlasin;
ikki oy muddatda Oliy maktabda oʻqitishning kredit-modul tizimi toʻgʻrisidagi nizomni, oliy taʼlimning sirtqi va masofaviy taʼlim shaklida oʻquv jarayonini tashkil etish tartibini hamda magistratura mutaxassisliklari boʻyicha oʻquv rejalarini, fan dasturlarini va boshqa ichki meʼyoriy hujjatlarni tanqidiy qayta koʻrib chiqsin va tasdiqlasin.
10. Oliy maktab:
a) quyidagi majburiy joʻnatmalar reyestriga kiritilsin:
qonunlar, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining va Vazirlar Mahkamasining hujjatlari, Davlat statistika qoʻmitasi, moliya, iqtisodiy taraqqiyot, bandlik va mehnat munosabatlari vazirliklari, Davlat soliq qoʻmitasi, Davlat bojxona qoʻmitasi, Bosh prokuratura, Oliy sud, boshqa vazirliklar va idoralarning statistik maʼlumotlari;
ijtimoiy-iqtisodiy sohadagi xorijiy matbuot sharhlari, shu jumladan Iqtisodiy taraqqiyot vazirligi huzuridagi Prognozlashtirish va makroiqtisodiy tadqiqotlar instituti, Moliya vazirligi huzuridagi Budjet-soliq tadqiqotlari institutining tahliliy maʼlumotnomalari;
b) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan belgilangan tartibda qoʻshimcha hukumat aloqasi va zarur aloqa kanali hamda keng polosali Internet tarmogʻi bilan taʼminlanadi;
v) Oʻzbekiston Respublikasi Oliy va oʻrta maxsus taʼlim vazirligi va Oʻzbekiston Milliy kutubxonasi tomonidan “Elektron taʼlim” milliy tarmogʻiga hamda Oʻzbekiston Milliy kutubxonasining axborot-kutubxona fondiga va yetakchi xorijiy litsenziyalangan axborot-kutubxona resurslari fondlariga kirish imkoniyati bilan taʼminlanadi.
11. Oʻzbekiston Respublikasi Ichki ishlar vazirligi, Toshkent shahar hokimligi va Iqtisodiy taraqqiyot vazirligi yigʻimlar va boshqa toʻlovlar undirmasdan ikki hafta muddatda qayta tashkil etilayotgan Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabining hamda Savdo-sanoat palatasi huzuridagi Tadbirkorlik faoliyati asoslarini oʻqitish respublika markazining:
Oliy maktabga oʻtkazilayotgan avtotransport vositalarini Oʻzbekiston Respublikasi Ichki ishlar vazirligi idoralarida qayta roʻyxatdan oʻtkazsin;
koʻchmas mulk obyektlariga boʻlgan huquqlarini Oliy maktabga belgilangan tartibda oʻtkazilishini taʼminlasin.
12. Belgilab qoʻyilsinki, mazkur qarorda nazarda tutilgan xarajatlarni moliyalashtirish 2020-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Iqtisodiy taraqqiyot vazirligiga ajratiladigan mablagʻlar doirasida, 2021-yildan boshlab esa — Oʻzbekiston Respublikasi Davlat budjeti parametrlarida nazarda tutiladi.
13. Oʻzbekiston Respublikasi Hukumatining 7-ilovaga muvofiq ayrim qarorlari oʻz kuchini yoʻqotgan deb hisoblansin.
14. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
15. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 30-iyul,
460-son
Vazirlar Mahkamasining 2020-yil 30-iyuldagi 460-son qaroriga
1-ILOVA
1-ILOVA
Biznes va tadbirkorlik oliy maktabining
tuzilmasi
Xodimlarning umumiy cheklangan soni — 80 nafar (texnik, xizmat koʻrsatuvchi va oʻquv-yordamchi xodimlardan tashqari), shu jumladan, boshqaruv xodimlari — 55 nafar, professor-oʻqituvchilar tarkibi — 25 nafar.
Vazirlar Mahkamasining 2020-yil 30-iyuldagi 460-son qaroriga
2-ILOVA
2-ILOVA
Biznes va tadbirkorlik oliy maktabining Qoraqalpogʻiston Respublikasi va viloyatlardagi hududiy filiallarining
namunaviy tuzilmasi
Xodimlarning umumiy cheklangan soni (texnik, xizmat koʻrsatuvchi va oʻquv-yordamchi xodimlardan tashqari): jami — 8 nafar, shu jumladan: boshqaruv xodimlari — 6 nafar, professor-oʻqituvchilar tarkibi — 2 nafar
Vazirlar Mahkamasining 2020-yil 30-iyuldagi 460-son qaroriga
3-ILOVA
3-ILOVA
Biznes va tadbirkorlik oliy maktabining Vasiylik kengashi
TARKIBI
|
J.A. Qoʻchqorov |
— |
Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri, vasiylik kengashi raisi | |
|
2. |
A.J. Ortiqov |
— |
iqtisodiy taraqqiyot va kambagʻallikni qisqartirish vazirining birinchi oʻrinbosari, vasiylik kengashi raisining oʻrinbosari |
|
3. |
J.I. Abruyev |
— |
moliya vazirining oʻrinbosari |
|
4. |
J.T. Mirzamaxmudov |
— |
energetika vazirining birinchi oʻrinbosari, “Oʻzkimyosanoat” AJ boshqaruv raisi vazifasini bajaruvchisi |
|
5. |
I.R. Mahkamov |
— |
transport vazirining birinchi oʻrinbosari vazifasini bajaruvchisi |
|
6. |
O.A. Pekos |
— |
axborot texnologiyalari va kommunikatsiyalarini rivojlantirish vazirining birinchi oʻrinbosari |
|
7. |
U.Sh. Begimqulov |
— |
oliy va oʻrta maxsus taʼlim vazirining oʻrinbosari |
|
8. |
S.X. Bekenov |
— |
Davlat aktivlarini boshqarish agentligi direktori |
|
9. |
A.O. Kamalov |
— |
Vazirlar Mahkamasining Makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyati mudiri |
|
10. |
J.Sh. Salixov |
— |
Toshkent shahridagi Singapur menejmentni rivojlantirish instituti rektori |
|
11. |
M.M. Djalalov |
— |
Toshkent shahridagi INXA universiteti rektori vazifasini bajaruvchisi |
|
12. |
O.B. Yuldashev |
— |
“Praysvoterxaus Kupers” MChJ auditorlik tashkiloti rahbari |
|
13. |
Sh.R. Akbarov |
— |
Yevropa tiklanish va taraqqiyot bankining Oʻzbekistondagi vakolatxonasi yetakchi menejeri |
|
14. |
lavozimi boʻyicha |
— |
iqtisodiy taraqqiyot va kambagʻallikni qisqartirish vazirining oʻrinbosari — Mahallabay ishlash va tadbirkorlikni rivojlantirish agentligi direktori |
|
15. |
lavozimi boʻyicha |
— |
Biznes va tadbirkorlik oliy maktabi direktori, vasiylik kengashi kotibi |
Izoh. Kengash aʼzolari boshqa ishga oʻtgan taqdirda uning tarkibiga ushbu lavozimga yangi tayinlangan yoxud mazkur lavozim vazifalarini bajarish yuklangan shaxslar kiritiladi.
(3-ilova Oʻzbekiston Respublikasi Vazirlar Mahkamasining 2022-yil 19-apreldagi 195-sonli qarori tahririda — Qonunchilik maʼlumotlari milliy bazasi, 19.04.2022-y., 09/22/195/0319-son)
Vazirlar Mahkamasining 2020-yil 30-iyuldagi 460-son qaroriga
4-ILOVA
4-ILOVA
Biznes va tadbirkorlik oliy maktabi magistraturasiga oʻqishga qabul qilish va uni tashkil etish tartibi toʻgʻrisida
NIZOM
1-bob. Umumiy qoidalar
1. Mazkur Nizom Biznes va tadbirkorlik oliy maktabi (keyingi oʻrinlarda — Oliy maktab) magistraturasiga oʻqishga qabul qilish va uni tashkil etish tartibini belgilaydi.
2. Oliy maktab magistraturasida (keyingi oʻrinlarda — magistratura) boshqaruv kadrlari ishlab chiqarishdan ajralgan va ajralmagan holda, oliy taʼlimning davlat taʼlim standartlariga muvofiq meʼyoriy va qisqartirilgan muddatlarda oʻzbek, rus va ingliz tillarida toʻlov-kontrakt asosida tayyorlanadi.
Magistraturada oʻqishni tamomlagandan keyin tegishli mutaxassislik boʻyicha magistr darajasini beruvchi davlat namunasidagi hujjat beriladi.
3. Ishlab chiqarishdan ajralgan holda taʼlim kunduzgi shaklda amalga oshiriladi.
Ishlab chiqarishdan ajralmagan holda taʼlim sirtqi shakllarda, shu jumladan masofaviy oʻqitishni qoʻllash bilan amalga oshirilishi mumkin.
4. Magistratura dasturlari boʻyicha oʻqitish ixtisoslashgan yetakchi xorijiy taʼlim muassasalari bilan tuzilgan xalqaro kelishuvlarda nazarda tutilgan oʻquv rejalari, dasturlar va jadvallar asosida “ikki diplom” (double degreye) modeli boʻyicha amalga oshirilishi mumkin.
Nomzodlar magistraturaga oʻqishga “ikki diplom” (double degreye) modeli boʻyicha xalqaro kelishuvlar talablariga muvofiq qabul qilinadi.
“Ikki diplom” (double degreye) modeli boʻyicha oʻqishni bitirgandan soʻng xorijiy taʼlim muassasasining diplomi va tegishli mutaxassislik boʻyicha davlat namunasidagi magistr darajasi diplomi beriladi.
5. Magistraturada boshqaruv kadrlari oliy taʼlimning davlat taʼlim standartlariga muvofiq toʻlov-kontrakt hamda xorijiy va mahalliy tashkilotlarning grantlari asosida, “Biznesni boshqarish” (Master of Business Administration-MBA) mutaxassisligi boʻyicha ikki yillik va “Loyiha boshqaruvi” (Project Management) mutaxassisligi boʻyicha bir yillik taʼlim dasturi boʻyicha tayyorlanadi.
Oʻqish muddati va shakllari Oliy maktab tomonidan Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi (keyingi oʻrinlarda — Vazirlik) bilan kelishilgan holda tasdiqlanadi.
6. Magistraturaga xoʻjalik birlashmalari, aksiyadorlik jamiyatlari va boshqa tadbirkorlik subyektlarining Oʻzbekiston Respublikasi hamda xorijiy davlatlar fuqarolari hisoblangan, oliy maʼlumotga (bakalavr diplomi mavjud boʻlganda) va oliy taʼlim muassasasini tamomlagandan keyin kamida uch yil ish stajiga ega 45 yoshgacha boʻlgan (oʻqitishning faqat kunduzgi shakliga) rahbar xodimlari va mutaxassislari suhbat va test sinovlari natijalari boʻyicha ochiq tanlov asosida qabul qilinadi.
7. Nomzodlarning hujjatlarini qabul qilish, shuningdek, kirish imtihonlari oʻquv yilida ikki marta — avgust va yanvar oylarida tashkil etiladi.
(7-band Oʻzbekiston Respublikasi Vazirlar Mahkamasining 2022-yil 29-noyabrdagi 679-sonli qarori tahririda — Qonunchilik maʼlumotlari milliy bazasi, 29.11.2022-y., 09/22/679/1051-son)
8. Magistraturaga oʻqishga barcha uchun teng huquqlilik, yagona qabul qoidalari va yagona tanlov prinsiplari asosida qabul qilinadi.
9. Magistraturada ishlab chiqarishdan ajralgan holda oʻqish davrida magistratura tinglovchilarining egallab turgan ish oʻrinlari (lavozimlari) va oʻrtacha oylik ish haqi saqlab qolinadi. Bunda ish beruvchi tasdiqlangan ish haqi fondi doirasida magistraturada taʼlim olayotgan tinglovchining oʻqishni tamomlash davri yakuniga qadar muddatga tuzilgan shartnoma asosida boshqa xodimlarni tegishli ish joyiga qabul qilishi mumkin.
2-bob. Oliy maktab magistraturasiga qabul qilish va oʻqishni tashkil etish
10. Magistraturaga oʻqishga qabul qilishning yillik kvotasi Vazirlik tomonidan qonunchilik hujjatlarida belgilangan tartibda tasdiqlanadi.
(10-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
LexUZ sharhiQarang: Oʻzbekiston Respublikasi Prezidentining 2022-yil 15-iyundagi PQ-279-son “Davlat oliy taʼlim muassasalariga oʻqishga qabul qilish jarayonlarini tashkil etish toʻgʻrisida”gi qarori.
Ingliz tilini V2 va undan yuqori darajada bilishini tasdiqlovchi amaldagi milliy malaka sertifikati yoki CEFR (Common European Framework of Reference) boʻyicha B2, IELTS (International English Language Testing System) boʻyicha 5,0 ball, TOEFL (Test of English as a Foreign Language) boʻyicha 72 balldan kam boʻlmagan darajada ingliz tilini bilishini tasdiqlovchi xalqaro sertifikatlarga ega boʻlgan, shuningdek, oliy taʼlim muassasalarini ingliz taʼlim tilida bitirgan nomzodlar ingliz tili boʻyicha imtihon topshirishdan ozod qilinadi. Ularga mazkur fandan belgilangan maksimal ball beriladi.
11. Magistraturaga qabul qilishni tashkil etish uchun qabul komissiyasi (keyingi oʻrinlarda — komissiya) tashkil etiladi. Komissiya aʼzolarining tarkibi, shuningdek, ish reglamenti Oliy maktab direktori tomonidan Vazirlik bilan kelishilgan holda tasdiqlanadi.
12. Komissiya tinglovchilarni magistraturaga suhbat va test sinovlarini oʻtkazish yoʻli bilan qabul qilishni tashkil etadi.
13. Nomzodlar uchun suhbatni amalga oshirish boʻyicha fanlar roʻyxati komissiya tomonidan aniqlanadi. Test sinovlarini amalga oshirish boʻyicha fanlar roʻyxati komissiya tomonidan Oʻzbekiston Respublikasi Vazirlar Mahkamasi huzuridagi Davlat test markazi (keyingi oʻrinlarda — Davlat test markazi) bilan kelishgan holda belgilanadi. Test sinovlari Oliy maktab va Davlat test markazi kelishgan holda ishlab chiqilgan nizom talablari asosida Davlat test markazi tomonidan oʻtkaziladi.
14. Magistraturaga qabul tanlov asosida ikki bosqichda oʻtkaziladi:
1-bosqich — nomzodlar tomonidan boshqaruv koʻnikmalarini egallaganlik darajasi, mantiqiy, tizimli va tahliliy fikrlash qobiliyatlarini baholash, shuningdek, ularning yetakchilik sifatlarini aniqlash nuqtai nazaridan suhbatlar oʻtkazish;
2-bosqich — Oliy maktabda mavjud mutaxassisliklar boʻyicha Davlat test markazi tomonidan oʻtkaziladigan test sinovlaridan oʻtish.
15. Suhbatlarning mavzulari hamda test sinovlari fanlari boʻyicha oʻquv dasturlari Oliy maktab Ilmiy kengashi tomonidan tasdiqlanadi hamda kirish suhbatlari va test sinovlari boshlanishiga qadar kamida bir oy avval Oliy maktabning Internet tarmogʻidagi rasmiy veb-saytida (keyingi oʻrinlarda — veb-sayt) chop etiladi.
16. Magistraturaga kirish istagini bildirgan nomzodlar komissiyaga va veb-sayt orqali Oliy maktab direktori nomiga quyidagi hujjatlarning nusxalarini ilova qilgan holda ariza bilan murojaat qiladi:
davlat boshqaruvi organlari, xoʻjalik birlashmalari, nodavlat notijorat tashkilotlari va tadbirkorlik subyektlari birinchi rahbarlarining imzosi qoʻyilgan tavsiya xati;
Oldingi tahrirga qarang.
(16-bandning uchinchi xatboshisi Oʻzbekiston Respublikasi Vazirlar Mahkamasining 2024-yil 11-sentabrdagi 562-sonli qaroriga asosan chiqarilgan)
Oldingi tahrirga qarang.
(16-bandning toʻrtinchi xatboshisi Oʻzbekiston Respublikasi Vazirlar Mahkamasining 2024-yil 11-sentabrdagi 562-sonli qaroriga asosan chiqarilgan)
Oldingi tahrirga qarang.
(16-bandning beshinchi xatboshisi Oʻzbekiston Respublikasi Vazirlar Mahkamasining 2022-yil 29-noyabrdagi 679-sonli qaroriga asosan chiqarilgan — Qonunchilik maʼlumotlari milliy bazasi, 29.11.2022-y., 09/22/679/1051-son)
pasport yoki identifikatsiyalovchi ID-karta (imtihon vaqtida asl nusxasi taqdim etiladi);
(16-bandning beshinchi xatboshisi Oʻzbekiston Respublikasi Vazirlar Mahkamasining 2022-yil 29-noyabrdagi 679-sonli qarori tahririda — Qonunchilik maʼlumotlari milliy bazasi, 29.11.2022-y., 09/22/679/1051-son)
ingliz tilini bilish darajasini tasdiqlovchi belgilangan namunadagi hujjat (agar mavjud boʻlsa).
Magistraturaga kirish imtihonlaridan (suhbat va testdan) muvaffaqiyatli oʻtgan nomzodlar yuqorida koʻrsatilgan hujjatlarning aslini yoki ularning belgilangan tartibda tasdiqlangan nusxalarini Oliy maktabga taqdim etadi.
3-bob. Nomzodlarning suhbatdan oʻtish tartibi
17. Nomzodlar bilan suhbat Oliy maktab direktorining buyrugʻi bilan Vazirlik vakillari va Oliy maktabning professor-oʻqituvchilari xamda boshqa oliy oʻquv yurtlari oʻqituvchilaridan iborat tarkibda tuziladigan maxsus komissiya (keyingi oʻrinlarda — maxsus komissiya) tomonidan oʻtkaziladi.
18. Nomzodlar bilan suhbat boshqaruv koʻnikmalarini egallaganlik, mantiqiy, tizimli va tahliliy fikrlash qobiliyatlari saviyasini baholash hamda ularning yetakchilik sifatlarini aniqlash nuqtai nazaridan vaziyatlarga xos vazifalarni hal etish va shaxsiy muloqot shaklida oʻtkaziladi.
19. Maxsus komissiya aʼzolarining tarkibi, ish reglamenti, shuningdek, suhbat oʻtkazish qoidalari va uning yakunlari boʻyicha bilimlarni baholash mezonlari Vazirlik bilan kelishilgan holda Oliy maktab direktorining buyrugʻi bilan tasdiqlanadi.
20. Suhbat natijalari 100 balli tizim boʻyicha baholanadi. Nomzodlar bilan suhbat yakunlariga koʻra, maxsus komissiya tomonidan tegishli bayonnoma tuziladi.
21. Nomzodlarni Oliy maktabga qabul qilish uchun tavsiyanoma toʻgʻrisida maxsus komissiyaning qarori tasdiqlangan kvotalardan kelib chiqqan holda, nomzodlar suhbat yakunlari boʻyicha toʻplagan ballari asosida qabul qilinadi.
22. Suhbat yakunlari boʻyicha eng yuqori ballning kamida 25 foizini toʻplagan nomzodlar suhbatdan oʻtgan xisoblanadi.
23. Suhbat natijalari boʻyicha nomzodlarning shikoyatlari ular eʼlon qilingan sanadan boshlab uch ish kuni mobaynida komissiyaga taqdim etiladi.
Shikoyatni koʻrib chiqish muddati nomzod tomonidan shikoyat berilgan sanadan boshlab uch ish kunidan oshmasligi lozim.
4-bob. Nomzodlarning test sinovlaridan oʻtish tartibi
24. Oliy maktabga qabul qilish uchun test sinovlarini oʻtkazish va tashkil qilish tartibi Davlat test markazi tomonidan Oliy maktab bilan kelishilgan holda tasdiqlanadi.
LexUZ sharhiQarang: Mazkur qarorning 4-ilovasi.
25. Test sinovlari uchun savollar Davlat test markazi tomonidan kirish imtihonlari boʻyicha oʻquv dasturlari asosida tuziladi.
26. Test sinovlarining natijalari 100 balli tizim boʻyicha baholanadi. Test sinovlarining natijalari vedomostlarga kiritiladi va ular Davlat test markazi direktori tomonidan imzolanib, Oliy maktabga taqdim etiladi.
27. Nomzodlarning test sinovlari natijalari boʻyicha shikoyatlari natijalar eʼlon qilingan sanadan keyin uch ish kuni mobaynida Davlat test markaziga taqdim etiladi.
Shikoyatni koʻrib chiqish muddati nomzod tomonidan shikoyat berilgan sanadan boshlab uch ish kunidan oshmasligi lozim.
28. Nomzodlarning kirish suhbati va test sinovlaridan takroran oʻtishiga yoʻl qoʻyilmaydi.
29. Magistraturaga qabul qilish shartlari, hujjatlarni qabul qilish muddatlari magistraturaga hujjatlarni qabul qilish muddati tugashidan kamida bir oy oldin veb-saytda ommaviy eʼlon qilinadi.
30. Nomzodlar mazkur Nizomda belgilangan talablarga muvofiq boʻlgan taqdirda, magistraturaga qabul qilish uchun oʻtkaziladigan kirish imtihonlarida ishtirok etishiga yoʻl qoʻyiladi.
31. Magistraturaga qabul qilish uchun oʻtkaziladigan kirish imtihonlarida ishtirok etishga yoʻl qoʻyilganlar roʻyxati veb-saytda eʼlon qilinadi.
32. Magistraturaga kirish imtihonlarini muvaffaqiyatli topshirgan nomzodlar roʻyxati veb-saytda eʼlon qilinadi.
33. Komissiyaning nomzodlarni magistraturaga qabul qilish haqidagi qarori asosida nomzod (tashkilot) bilan toʻlov-kontrakt asosida oʻqitish toʻgʻrisida tegishli shartnoma tuziladi.
34. Shartnoma shartlari, tomonlarning huquqlari va majburiyatlari, toʻlovlarni amalga oshirish tartibi qonunchilik hujjatlariga muvofiq belgilanadi va veb-saytda eʼlon qilinadi.
(34-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
35. Belgilangan namunadagi shartnoma blankalari Oliy maktab tomonidan magistraturaga kirish imtihonlari natijalari eʼlon qilinganidan keyin beriladi.
36. Tinglovchilar magistraturaga komissiya qaroriga muvofiq shartnomada belgilangan muddatlarda toʻlov-kontrakt summasi toʻlanganidan keyin Oliy maktab direktorining buyrugʻi bilan qabul qilinadi.
37. Nomzod tomonidan toʻlov-kontrakt summasi shartnomada koʻrsatilgan muddatda toʻlanmagan taqdirda, uning oʻrniga toʻplangan ballar soni boʻyicha navbatdagi nomzod qabul qilinadi.
38. Tinglovchilar Oliy maktabning ichki tartib-qoidalarini buzganligi yoki akademik qarzdorlik sababli tinglovchilar safidan chiqarilgan taqdirda, mazkur tinglovchi uchun amalga oshirilgan toʻlov-kontrakt summasi qaytarilmaydi.
39. Magistraturaga kirish imtihonlarini tashkil etish va oʻtkazish bilan bogʻliq xarajatlar Oliy maktab mablagʻlari hisobidan qoplanadi.
40. Apellyatsiya komissiyasining tarkibi va ish reglamenti Oʻzbekiston Respublikasi iqtisodiy taraqqiyot va kambagʻallikni qisqartirish vazirining buyrugʻi bilan tasdiqlanadi.
Apellyatsiya komissiyasining tarkibi komissiya va maxsus komissiya faoliyatida ishtirok etmagan shaxslar orasidan shakllantiriladi.
Zarurat tugʻilganda, Davlat test markazining masʼul xodimi yoki eksperti test sinovlari boʻyicha javoblarni asoslashga jalb etilishi mumkin.
Apellyatsiya komissiyasi apellyatsiya shikoyatini uch ish kuni ichida koʻrib chiqadi va qabul qilingan qaror toʻgʻrisida nomzodga shu kunning oʻzida shikoyatni qanoatlantirish yoki qanoatlantirishni rad etish masalasini koʻrsatgan holda yozma ravishda xabar beradi.
41. Nomzod apellyatsiyasining koʻrib chiqilishida shaxsan ishtirok etish huquqiga ega.
42. Nomzodlar Apellyatsiya komissiyasi qarori boʻyicha uch ish kuni mobaynida Oliy maktabning Vasiylik kengashiga shikoyat qilishi mumkin.
Vasiylik kengashi shikoyatni Oliy maktab ustavida belgilangan tartibda koʻrib chiqadi.
5-bob. Oliy maktab oʻquv kurslariga qabul qilish va oʻqitish
43. Oliy maktabda oʻquv kurslari oʻqishni tamomlagandan keyin tegishli tasdiqlovchi hujjatlar (davlat namunasidagi sertifikat) beriladigan maxsus taʼlim dasturlari asosida oʻtkaziladi.
44. Oliy maktab maxsus taʼlim dasturlari asosida:
xalqaro miqyosda tan olingan biznes taʼlimi dasturlari asosida zamonaviy menejment va yetakchilik koʻnikmalariga ega boʻlgan, biznesni yuritishning barcha jabhalarini yaxshi biladigan, raqobat sharoitida samarali boshqarish va tarmoqlarni rivojlantirishga qodir boʻlgan professional boshqaruv kadrlarini (menedjerlarini), shuningdek, biznes va tadbirkorlik, korporativ va loyiha boshqaruvi, menedjment, xususiylashtirish, xalkaro moliyaviy xisobot, sud boshqaruvchisi, davlat-xususiy sherikchilik, komplayens va audit yoʻnalishlari boʻyicha xoʻjalik birlashmalari, aksiyadorlik jamiyatlari va tadbirkorlik subyektlarining oliy maʼlumotga ega boʻlgan (diplomli mutaxassis, bakalavr) yuqori va oʻrta boʻgʻin rahbarlarining malakasini oshirish va ularni qayta tayyorlashni;
belgilangan namunadagi sertifikat berilgan holda, korporativ boshkaruvchilarni qayta tayyorlash va ularning malakasini oshirish hamda ularga korporativ boshqaruvchi malaka attestatini berish boʻyicha oʻquv kurslarini tashkil etadi.
Tinglovchilar oʻquv kurslarida tuzilgan shartnomalar asosida oʻqitiladi.
45. Oʻquv kurslarining qiymati Vazirlik bilan kelishilgan holda, Oliy maktab direktori tomonidan tasdiqlanadi.
Oʻquv kurslarini oʻtkazish sanasi, davomiyligi, taʼlim shakli, shartnoma shartlari, taraflarning huquq va majburiyatlari, toʻlovlarni amalga oshirish tartibi va oʻquv kurslari boʻyicha boshqa maʼlumotlar Oliy maktab direktori tomonidan tasdiqlanadi.
6-bob. Yakunlovchi qoida
46. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.
(46-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Vazirlar Mahkamasining 2020-yil 30-iyuldagi 460-son qaroriga
5-ILOVA
5-ILOVA
Biznes va tadbirkorlik oliy maktabi magistraturasini tamomlaganlik toʻgʻrisidagi davlat diplomining
namunasi
|
|
|
(titul varagʻi) |
|
OʻZBEKISTON RESPUBLIKASI DAVLAT GERBINING TASVIRI |
|
BIZNES VA TADBIRKORLIK OLIY MAKTABI |
|
_____________________________________________________________________ |
|
GRADUATE SCHOOL OF BUSINESS AND ENTREPRENEURSHIP |
|
(1-bet) |
|
BIZNES VA TADBIRKORLIK OLIY MAKTABI |
|
MAGISTR DIPLOMI |
|
____ № 000000 |
|
Davlat attestatsiya komissiyasining |
|
20___ yil “___” _________ dagi ______ son qaroriga binoan |
|
___________________________________________________ga |
|
(familiyasi, ismi, otasining ismi) |
|
___________________ magistri |
|
darajasi berildi |
|
Davlat attestatsiya |
|
komissiyasi raisi |
|
Direktor |
|
M.O. Qayd raqami № _________ |
|
Toshkent sh., 20___ yil “___”_________ |
|
(berilgan sana) |
|
GRADUATE SCHOOL OF BUSINESS AND ENTREPRENEURSHIP |
|
MASTER`S DIPLOMA |
|
_____ № 000000 |
|
In accordance with the decision of the State Attestation Commission |
|
№ ______ of “___” ______ 20 ____ |
|
___________________________________________ |
|
Is awarded degree of |
|
__________________________________ |
|
Chairman of the State |
|
Attestation Commission |
|
Director |
|
|
|
Tashkent “___” ______ 20 ____ |
Oliy maʼlumot toʻgʻrisidagi magistr diplomi ilovalarining davlat
NAMUNASI
NAMUNASI
|
| ||||||||
|
OʻZBEKISTON RESPUBLIKASI |
1. DIPLOM SONIBI NAQIDA MAʼLUMOTLAR/ INFORMATION ABOUT TNE DEGREE NOLDER | |||||||
|
|
1.1 Familiyasi/Surname |
1.2 Ismi, otasining ismi/Name, other name | ||||||
|
1.3 Tugʻilgan sana/Date of birth |
1.4 Tinglovchining identifikatsiya raqami va kodi/ Studentʼs idenfication number and code | |||||||
|
1.5 Avvalgi taʼlim haqida hujjat/Previous education document | ||||||||
|
|
||||||||
|
№ 000000 |
2. MALAKASI NAQIDA MAʼLUMOTLAR / QUALIFICATION | |||||||
|
2.1 Malakasining (darajasining) nomi, berilgan sanasi/Qualification, date of issue | ||||||||
|
DIPLOMA |
Davlat attestastiya komissiyasining qarori/ Decision of the State Attestation Commission | |||||||
|
(diplomsiz ilova haqiqiy hisoblanmaydi/not valid without diploma about the degree) |
||||||||
|
|
| |||||||
|
2.3 Kvalifikatsiyasi/Qualification | ||||||||
|
| ||||||||
|
Oliy taʼlim muassasasining rekvizitlari: pochta manzili, shahar, koʻcha, uy raqami, telefonlari, elektron pochta manzili |
2.4 Diplom bergan oliy taʼlim muassasasining nomi, tashkiliy-huquqiy shakli, taʼlim muassasasining turi/Awarding institution | |||||||
|
|
||||||||
|
Requisites of higher education institution: postal address, city, street, house number, telephone number, e-mail address |
2.5 Avval tahsil olgan oliy taʼlim muassasasining nomi va tashkiliy-huquqiy shakli, oʻqitish davri/Former Institution administered studies. | |||||||
|
2.6 Taʼlim (imtihon) til(lar)i / Language(s) of instruction (examination) | ||||||||
|
| ||||||||
|
3. TAʼLIM DARAJASI NAQIDA MAʼLUMOTLAR/INFORMATION ON TNE LEVEL OF EDUCATION | ||||||||
|
| ||||||||
|
3.1 Taʼlim darajasi/Level of education | ||||||||
|
| ||||||||
|
3.2 Taʼlimning kunduzgi shakli boʻyicha dasturni oʻzlashtirish muddati/Length of full-time programme. | ||||||||
|
| ||||||||
|
3.3 Oʻqishga kiruvchilarga qoʻyiladigan talab(lar)/Admission requirement(s) | ||||||||
|
| ||||||||
|
4. TAʼLIMNING MAZMUNI VA ERISNILGAN NATIJALAR NAQIDA MAʼLUMOTLAR / INFORMATION ON TNE CONTENTS OF STUDY AND GRADES OBTAINED | ||||||||
|
| ||||||||
|
4.1 Taʼlim shakli/Type of study | ||||||||
|
| ||||||||
|
4.2 Taʼlim dasturining tavsifi/Curriculum description | ||||
|
| ||||
|
______________________________________________________________________ | ||||
|
Tinglovchining F.I.O./Student full name | ||||
|
4.3 Taʼlim dasturini oʻzlashtirish natijalari haqida maʼlumotlar/Programme details and grades obtained | ||||
|
T/r |
Fan (modul)ning nomi |
Course title |
Kreditning umumiy miqdori/ Total credits in the curriculum |
Baholash/Grade |
|
1. |
||||
|
2. |
||||
|
3. |
||||
|
4. |
||||
|
5. |
||||
|
6. |
||||
|
7. |
||||
|
8. |
||||
|
9. |
||||
|
10. |
||||
|
11. |
||||
|
12. |
||||
|
13. |
||||
|
14. |
||||
|
15. |
||||
|
16. |
||||
|
17. |
||||
|
18. |
||||
|
19. |
||||
|
20. |
||||
|
21. |
||||
|
JAMI / TOTAL |
||||
|
Kurs ishlari /Course papers: |
||||
|
1. |
||||
|
2. |
||||
|
3. |
||||
|
4. |
||||
|
Malakaviy amaliyot/ |
||||
|
1. |
||||
|
2. |
||||
|
3. |
||||
|
4. |
||||
|
Yakuniy davlat attestatsiyalari/ |
||||
|
1. |
||||
|
2. |
||||
|
3. |
||||
|
4. |
||||
|
Magistrlik dissertatsiyasi)/ Master's dissertation |
||||
|
|
||||
|
4.4 Oliy taʼlim muassasasida baholash tizimi/Grading system at higher education institution | ||||
|
| ||||
|
4.5 Diplom haqida qoʻshimcha maʼlumotlar/Additional information to the degree | ||||
|
| ||||
|
5. DIPLOM BILAN BERILADIGAN NUQUQ VA IMTIYOZLAR / RIGNTS AND PRIVILEGES PROVIDED BY TNE DEGREE | ||||
|
5.1 Taʼlimni davom ettirish imkoniyatlari/Access to further study | ||||
|
| ||||
|
5.2 Kasbga oid huquqiy maqomi/Professional status | ||||
|
| ||||
|
6. QOʻSNIMCNA MAʼLUMOTLAR/ADDITIONAL INFORMATION | ||||
|
| ||||
|
IMZO VA MUNR/SIGNATURE AND SEAL | ||||
|
| ||||
|
Direktor/Director | ||||
|
Diplomga ilova | ||||
|
| ||||
|
Diploma supplement | ||||
|
| ||||
|
Roʻyxat raqami/ Registration number | ||||
|
| ||||
|
Berilgan vaqti/ Date of issue | ||||
Vazirlar Mahkamasining 2020-yil 30-iyuldagi 460-son qaroriga
6-ILOVA
6-ILOVA
Biznes va tadbirkorlik oliy maktabining qisqa muddatli malaka oshirish kurslarini tamomlaganlik toʻgʻrisidagi sertifikat
namunasi
|
(titul varagʻi) |
|||
|
OʻZBEKISTON RESPUBLIKASI DAVLAT GERBINING TASVIRI |
|||
|
BIZNES VA TADBIRKORLIK OLIY MAKTABI |
|||
|
_____________________________________________________________________ |
|||
|
GRADUATE SCHOOL OF BUSINESS AND ENTREPRENEURSHIP |
|||
|
1-bet |
|||
|
BIZNES VA TADBIRKORLIK OLIY MAKTABI |
|||
|
SERTIFIKATI |
|||
|
№ 000000 |
|||
|
____________________________________________________ |
|||
|
____________________________________________________ |
|||
|
(familiyasi, ismi, otasining ismi) |
|||
|
“_______________” yo`nalishi bo`yicha o`quv kurslarini muvaffaqiyatli tugatdi |
|||
|
Direktor |
|||
|
M.O. Qayd raqami №_______ |
|||
|
Toshkent sh., 20___ yil “___”_________ |
|||
|
(berilgan sana) |
|||
|
|
|||
|
GRADUATE SCHOOL OF BUSINESS AND ENTREPRENEURSHIP |
|
| |
|
CERTIFICATE |
|
| |
|
№ 000000 |
|||
|
____________________________________________________ |
|||
|
____________________________________________________ |
|||
|
successfully completed the course “_________________” |
|||
|
Director |
|||
|
P.S. Registration № _______ |
|||
|
Tashkent “___” ______ 20 __ |
|||
Vazirlar Mahkamasining 2020-yil 30-iyuldagi 460-son qaroriga
7-ILOVA
7-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
ROʻYXATI
1. Vazirlar Mahkamasining “Korporativ boshqaruv ilmiy-taʼlim markazining samarali faoliyatini taʼminlashga doir tashkiliy chora-tadbirlar toʻgʻrisida” 2015-yil 27-oktabrdagi 305-son qarori (Oʻzbekiston Respublikasi QT, 2015-y., 10-son, 94-modda).
2. Vazirlar Mahkamasining “Vazirlar Mahkamasining Tadbirkorlar uchun oʻquv kurslari tashkil qilish va oʻtkazish chora-tadbirlari toʻgʻrisida” 2017-yil 8-avgustdagi 602-son qarori (Oʻzbekiston Respublikasi QHT, 2017-y., 32-son, 816-modda).
3. Vazirlar Mahkamasining “Tadbirkorlar uchun oʻquv kurslari tashkil qilish va oʻtkazish chora-tadbirlari toʻgʻrisida” 2017-yil 8-avgustdagi 602-son qaroriga oʻzgartirish va qoʻshimchalar kiritish toʻgʻrisida” 2017-yil 20-dekabrdagi 1002-son qarori.
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun Oʻzbekiston Respublikasi Vazirlar Mahkamasining masʼuliyatini oshirishga doir birinchi navbatdagi chora-tadbirlar toʻgʻrisida” 2019-yil 28-yanvardagi PF-5644-son, “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 1-fevraldagi PF-5650-son farmonlari va Oʻzbekiston Respublikasi Prezidentining “Oʻzbekiston Respublikasi Hukumati ishini tashkil etishning sifat jihatidan yangi tizimini joriy etish toʻgʻrisida” 2019-yil 28-yanvardagi PQ-4136-son qarori)“ 2019-yil 13-maydagi 397-son qaroriga (Oʻzbekiston Respublikasi QHT, 5-son, 98-modda) ilovaning 61-bandi.
(Qonun hujjatlari maʼlumotlari milliy bazasi, 30.07.2020-y., 09/20/460/1132-son; Qonunchilik maʼlumotlari milliy bazasi, 05.04.2022-y., 09/22/153/0266-son; 19.04.2022-y., 09/22/195/0319-son; 29.11.2022-y., 09/22/679/1051-son)
