Hujjat kuchini yo‘qotgan " " 01.09.2024
O‘zbekiston Respublikasi Vazirlar Mahkamasining
qarori
2020/2021 o‘quv yili uchun I.M. Gubkin nomidagi Rossiya davlat neft va gaz universitetining Toshkent shahridagi filialiga qabul to‘g‘risida
 LexUZ sharhi
Mazkur qaror O‘zbekiston Respublikasi Vazirlar Mahkamasining 2024-yil 6-maydagi 266-sonli “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash to‘g‘risida”gi qaroriga asosan 2024-yil 1-sentabrdan o‘z kuchini yo‘qotadi.
O‘zbekiston Respublikasi Prezidentining “I.M. Gubkin nomidagi Rossiya davlat neft va gaz universitetining Toshkent shahridagi filiali faoliyatini kelgusida takomillashtirish chora-tadbirlar to‘g‘risida” 2011-yil 6-iyuldagi PQ-1569-son va “O‘zbekiston Respublikasi va Rossiya Federatsiyasi o‘rtasidagi ikki tomonlama strategik hamkorlik va ittifoqchilik munosabatlarini yanada kengaytirish chora-tadbirlari to‘g‘risida” 2017-yil 12-apreldagi PQ-2885-son qarorlari ijrosini ta’minlash hamda respublika neft-gaz tarmog‘i uchun I.M. Gubkin nomidagi Rossiya davlat neft va gaz universitetining Toshkent shahridagi filialida (keyingi o‘rinlarda — Filial) malakali kadrlar tayyorlash maksadida Vazirlar Mahkamasi qaror kiladi:
1. 2020/2021 o‘quv yili uchun Filialga talabalarning qabul kvotasi ilovaga muvofiq 345 o‘rin miqdorida belgilansin.
2. O‘zbekiston Respublikasi Energetika vazirligi, Oliy va o‘rta maxsus ta’lim vazirligi, “O‘zbekneftgaz” AJ I.M. Gubkin nomidagi Rossiya davlat neft va gaz universiteti bilan birgalikda 2020/2021 o‘quv yili uchun Filialga kirish imtihonlarini o‘tkazish bo‘yicha tashkiliy chora-tadbirlar o‘rnatilgan tartibda bajarilishini ta’minlasin.
3. Mazkur qarorning bajarilishini nazorat qilish O‘zbekiston Respublikasi energetika vaziri A.S. Sultanov, O‘zbekiston Respublikasi oliy va o‘rta maxsus ta’lim vaziri I.U. Madjidov zimmasiga hamda Vazirlar Mahkamasining Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamentiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2020-yil 8-iyun,
363-son
Vazirlar Mahkamasining 2020-yil 8-iyundagi 363-son karoriga
ILOVA
2020/2021 o‘quv yili uchun I.M. Gubkin nomidagi Rossiya davlat neft va gaz universitetining Toshkent shahridagi filialiga talabalarning
QABUL KVOTASI

o‘rin

T/r

Ta’lim yo‘nalishi (mutaxassislik) nomi

Qabul

kvotasi

shundan, I.M. Gubkin nomidagi Rossiya davlat neft va gaz universitetiiing Qashqadaryo viloyatidagi hududiy tayyorlov bo‘linmasi bitiruvchilarnni maqsadli qabul qilish hisobidan

I. Kunduzgi ta’lim shakli bo‘yicha

1.

Geologiya qidiruv texnologiyasi

20

5

2.

Neft va gaz quduqlarini burg‘ilash

25

2

3.

Neft qazib chiqarish obyektlarini ishlatish va xizmat ko‘rsatish

25

4

4.

Gaz, gazkondensat qazib chiqarish va yer osti saqlash obyektlarini ishlatish va xizmat ko‘rsatish

35

5

5.

Neft, gaz va ularning mahsulotlarini tashish va saqlash obyektlarini ishlatish va hizmat ko‘rsatish

35

5

6.

Quvur orqali uzatish tizimi obyektlarini qurish va ta’mirlash

60

4

7.

Korxona va tashkilotlar iqtisodiyoti

25

—

Jami:

225

25

II. Kechki ta’lim shakli bo‘yicha

1.

Geologiya qidiruv texnologiyasi

20

—

2.

Neft va gaz quduqlarini burg‘ilash

20

—

3.

Neft qazib chiqarish obyektlarini ishlatish va xizmat ko‘rsatish

20

—

4.

Gaz, gazkondensat qazib chiqarish va yer osti saqlash obyektlarini ishlatish va xizmat ko‘rsatish

20

—

5.

Neft, gaz va ularning mahsulotlarini tashish va saqlash obyektlarini ishlatish va xizmat ko‘rsatish

20

—

6.

Quvur orqali uzatish tizimi obyektlarini qurish va ta’mirlash

20

—

Jami:

120

—

Umumiy:

345

25

Izoh. 1. I.M. Gubkin nomidagi Rossiya davlat neft va gaz universitetining Toshkent shahridagi filialiga belgilangan qabul kvotasi:
kunduzgi ta’lim shakli yo‘nalishlari bo‘yicha 40 foizi — davlat granti, 60 foizi — to‘lov-kontrakt;
kechki ta’lim shakli yo‘nalishlari bo‘yicha 100 foizi — to‘lov-kontrakt asosida amalga oshiriladi.
2. I.M. Gubkin nomidagi Rossiya davlat neft va gaz universitetining Qashqadaryo viloyatidagi hududiy tayyorlov bo‘linmasi (keyingi o‘rinlarda — tayyorlov bo‘linmasi) bitiruvchilarini Filialga maqsadli qabul qilish, tayyorlov bo‘linmasi bitiruvchilari o‘rtasida o‘tkaziladigan alohida tanlov natijalari bo‘yicha amalga oshiriladi. Maqsadli qabul qilish bo‘yicha alohida tanlovdan o‘tmagan tayyorlov bo‘linmasi bitiruvchilari Filialga kirish uchun umumiy talablar asosida imtihon topshirish huquqiga ega.
(Qonun hujjatlari ma’lumotlari milliy bazasi, 09.06.2020-y., 09/20/363/0735-son)