1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.01.00 Umumiy masalalar;
2.15.00.00.00 Mudofaa / 15.02.00.00 Mudofaani boshqarish / 15.02.04.00 Jangovar tayyorgarlik. Harbiy intizom]
[TSZ:
1.Ijtimoiy-madaniy masalalar / Jismoniy tarbiya va sport;
2.Mudofaa va milliy xavfsizlik / Harbiy xizmat. Muqobil xizmat]
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Mudofaa vazirligida armiya sportini yanada rivojlantirish va ommalashtirish chora-tadbirlari toʻgʻrisida
Oʻzbekiston Respublikasi Qurolli Kuchlarida jismoniy tarbiya va sportni rivojlantirish davlatning mudofaa qobiliyatini mustahkamlash, Oʻzbekiston Respublikasi Qurolli Kuchlarining jangovar qudrati qobiliyatini oshirish sohasidagi davlat siyosatining muhim tarkibiy qismi hisoblanadi.
Shu bilan birga, armiya sportidagi koʻplab ijobiy natijalarga qaramay, qator tizimli muammolar mavjud boʻlib, ular Oʻzbekiston Respublikasi Mudofaa vazirligining sport salohiyatidan toʻliq foydalanish imkonini bermaydi. Xususan:
birinchi — armiya sportining aniq yoʻlga qoʻyilgan boshqaruv tizimi mavjud emas, shuningdek, Oʻzbekiston Respublikasi Mudofaa vazirligining ayrim harbiy qism va muassasalarida sport infratuzilmasi yetarli darajada rivojlantirilmagan;
ikkinchi — davlat-xususiy sheriklik shartlarida zamonaviy infratuzilmani yaratish boʻyicha nodavlat sektor bilan hamkorlik mexanizmlari joriy etilmagan;
uchinchi — jismoniy tarbiya vositalari orqali sogʻlom turmush tarzini targʻib qilish hamda harbiy xizmatchilar va ularning oila aʼzolarini (ayniqsa yoshlarni) sport bilan muntazam shugʻullanishga jalb qilish tizimi chuqur eʼtiborni talab qiladi.
Oʻzbekiston Respublikasi Mudofaa vazirligida armiya sportini aholining keng qatlamlari, ayniqsa yoshlar oʻrtasida yanada rivojlantirish va ommalashtirish, oliy malakali sportchilarni olimpiya, ommaviy, milliy, harbiy-amaliy va texnik sport turlari boʻyicha talabga toʻla javob beradigan darajada va sifatli tayyorgarlik koʻrishlarini taʼminlash maqsadida Vazirlar Mahkamasi qaror qiladi:
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.06.00 Sport]
1. Oʻzbekiston Respublikasi Mudofaa vazirligi Sport klubini Oʻzbekiston Respublikasi Mudofaa vazirligi Oliy sport natijalarini rivojlantirish markaziga (keyingi oʻrinlarda Markaz deb ataladi) aylantirish toʻgʻrisidagi Oʻzbekiston Respublikasi Mudofaa vazirligining taklifi maʼqullansin.
Belgilab qoʻyilsinki, Markaz Oʻzbekiston Respublikasi Mudofaa vazirligi markaziy apparatining mustaqil boshqarmasiga tenglashtirilgan muassasasi hisoblanadi.
2. Quyidagilar Markazning asosiy vazifalari etib belgilansin:
ommaviylashtirilayotgan sport turlarini rivojlantirish, mamlakat va Oʻzbekiston Respublikasi Mudofaa vazirligi qoʻshinlari sport terma jamoalari uchun harbiy xizmatchi, xizmatchi va oʻquvchi sportchilar orasidan yuqori toifali sportchilarni tayyorlash;
harbiy xizmatchilar va ularning oila aʼzolari, ishchi va xizmatchilar hamda oʻquvchi yoshlarni jismoniy tarbiya va sport bilan muntazam shugʻullanishga jalb qilish ishlarini tashkil etish;
Markaz hamda Oʻzbekiston Respublikasi Sport vazirligining xalqaro aloqalarni rivojlantirish rejalari boʻyicha tadbirlarda Oʻzbekiston Respublikasi Mudofaa vazirligi qoʻshinlari sport terma jamoalari va alohida sportchilarning ishtirokini taʼminlash;
(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
Oʻzbekiston Respublikasi Mudofaa vazirligi qoʻshinlari jismoniy tayyorgarlik va sport sohasi mutaxassislariga amaliy yordam koʻrsatish;
Oʻzbekiston Respublikasi Mudofaa vazirligining Harbiy sport xalqaro kengashi, xorijiy davlatlar armiyalari sport qoʻmitalari bilan doʻstona oʻzaro munosabatlarini rivojlantirishda ishtirok etish;
jismoniy tarbiya va sport, shuningdek, armiya sportchilarining yutuqlari keng targʻib qilinishini taʼminlash.
3. Oʻzbekiston Respublikasi Mudofaa vazirligi huzuridagi Jamoatchilik kengashiga armiya sportini rivojlantirish sohasida:
sport tashkilotlari (muassasalari, federatsiyalari, assotsiatsiyalari va boshkalar) bilan hamkorlikda istiqbolli sportchilarni tayyorlash va mahoratini oshirishning samarali saralab olish tizimini yaratish, Olimpiya, Paralimpiya va Osiyo oʻyinlari, Jahon va Osiyo chempionatlari hamda boshqa xalqaro musobaqa va turnirlarda muvaffaqiyatli ishtirok etishni taʼminlash uchun ular orasidan sifatli sport zaxirasi va mamlakat terma jamoalari tarkiblarini shakllantirish;
xalqaro sport aloqalarini kengaytirish va mustahkamlashda, xorijiy investitsiya va grantlarni jalb qilish boʻyicha ishlarni tashkil etish;
jismoniy tarbiya va armiya sportiga bagʻishlangan ommabop armiya sport dasturlarini tashkil qilish, adabiyotlarni nashr etish hamda mavzuli video- va kinomateriallar yaratish borasida koʻmaklashish tavsiya etilsin.
4. Quyidagilar:
Oʻzbekiston Respublikasi Mudofaa vazirligida armiya sportini tashkil etish toʻgʻrisida nizom 1-ilovaga muvofiq;
Oʻzbekiston Respublikasi Mudofaa vazirligida armiya sportini takomillashtirish boʻyicha chora-tadbirlar dasturi (keyingi oʻrinlarda Dastur deb ataladi) 2-ilovaga muvofiq tasdiqlansin.
5. Dasturga kiritilgan bino va inshootlarni rekonstruksiya qilish va kapital taʼmirlash boʻyicha qurilish-montaj ishlarini bajarish doirasida:
Oʻzbekiston Respublikasi Mudofaa vazirligi xuzuridagi “Yagona buyurtmachi xizmati” IK — buyurtmachi;
oʻtkazilgan tanlov natijalari asosida aniqlangan tashkilot — bosh pudratchi etib belgilansin.
6. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi, Mudofaa vazirligi bilan birgalikda 2020 — 2022-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish doirasida Dasturga kiritilgan bino va inshootlarni rekonstruksiya qilish va kapital taʼmirlash uchun markazlashtirilgan manbalar hisobiga mablagʻlar ajratishni nazarda tutsin.
7. Oʻzbekiston Respublikasi Mudofaa vazirligi Sport vazirligi, Oliy taʼlim, fan va innovatsiyalar vazirligi bilan birgalikda:
(7-bandning birinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
kelgusida belgilangan tartibda haqiqiy harbiy xizmatga chaqirish uchun sport seksiyasi va maktabi darajasidan boshlab mamlakat terma jamoasiga qadar istiqbolli va qobiliyatli sportchilarni saralash, tayyorlash va mahoratini oshirishning uzluksiz tizimini joriy etsin;
Oʻzbekiston Respublikasi Mudofaa vazirligi oliy harbiy taʼlim muassasalari kursantlarining respublika miqyosida oʻtkaziladigan talabalarning ommaviy sport tadbirlari (universiadalari)da ishtirok etishini taʼminlasin;
zamonaviy axborot-kommunikatsiya texnologiyalarini qoʻllagan holda sportchilar asosiy tarkibining uzluksiz oʻquv-mashq yigʻinlari oʻtkazilishini va ularning xalqaro musobaqalarda muntazam samarali ishtirokini taʼminlasin;
ikki oy muddatda Oʻzbekiston Respublikasi Jismoniy tarbiya va sport vazirligining sport imkoniyatlari hamda armiya sportchilarining xalqaro musobaqalardagi ishtiroki tajribasining har tomonlama tahlili asosida Markazda rivojlantirish uchun qoʻshimcha sport turlarini belgilansin, bunda Oʻzbekiston Respublikasi Mudofaa vazirligi xodimlarining umumiy belgilangan cheklangan soni doirasida Markazning ofitser, serjant va oddiy askarlar tarkibiga kiruvchi kontrakt boʻyicha harbiy xizmatchilar, xizmatchilar, trener-oʻqituvchilar, sportchi va xizmat koʻrsatish xodimlarining shtat sonini koʻpaytirish choralarini koʻrsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari joylarda harbiy xizmatchilar va chaqiruvgacha boʻlgan yoshlarning jismoniy tayyorgarlik darajasini oshirish maqsadida Oʻzbekiston Respublikasi Mudofaa vazirligi doirasida oʻtkaziladigan sport tadbirlari uchun mavjud boʻlgan hududiy sport obyektlarini bepul asosda taqdim etishda har tomonlama koʻmaklashsinlar.
9. Oʻzbekiston Respublikasi Mudofaa vazirligi:
Oʻzbekiston Milliy teleradiokompaniyasi, Oʻzbekiston Milliy axborot agentligi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan birgalikda Markaz faoliyatini ommaviy axborot vositalarida keng yoritish hamda chaqiruvgacha boʻlgan yoshlar oʻrtasida armiya sportini faol targʻib qilish va ommalashtirish ishlarini tashkil etsinlar;
manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
10. Oʻzbekiston Respublikasi Mudofaa vazirligi Davlat aktiv boshqaruv agentligi bilan birgalikda Toshkent shahar, Yashnobod tumani, Aviasozlar koʻchasi, 1-uy manzilida joylashgan Mudofaa vazirligining “Maʼnaviyat va maʼrifat markazi” binosini Toshkent shahar hokimligiga operativ boshqaruv huquqi bilan belgilangan tartibda bepul berilishini taʼminlasin.
11. Toshkent shahar hokimligi:
ikki oy muddatda “Maʼnaviyat va maʼrifat markazi” binosini rekonstruksiya qilish uchun salohiyatli investorlarni davlat-hususiy sheriklik shartlari asosida muzokaralar oʻtkazish orqali tanlab olsin, binoni rekonstruksiya qilish loyihasi va eskizlarni tasdiqlasin;
“Maʼnaviyat va maʼrifat markazi” binosini rekonstruksiya qilish ishlari yakunlangandan soʻng binoga davlat-hususiy sheriklik shartlari asosida Oʻzbekiston Respublikasi Madaniyat vazirligining “Oʻzbekiston badiiy filarmoniyasi” jamoalaridan birini joylashtirishni taʼminlasin.
Belgilansinki, “Maʼnaviyat va maʼrifat markazi” binosini davlat-hususiy sheriklik shartlari asosida taʼmirlash xalq deputatlari Toshkent shahar Kengashi qaroriga muvofiq belgilanadi.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Turizmni rivojlantirish davlat qoʻmitasi raisi A.A. Abduxakimov, Oʻzbekiston Respublikasi mudofaa vaziri B.N. Kurbanov, Oʻzbekiston Respublikasi jismoniy tarbiya va sport vaziri D.X. Nabiyev va Toshkent shahar hokimi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 19-may,
292-son
Vazirlar Mahkamasining 2020-yil 19-maydagi 292-son qaroriga 1-ILOVA
Oʻzbekiston Respublikasi Mudofaa vazirligida armiya sportini tashkil etish toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Mudofaa vazirligida jismoniy tarbiya va sport bilan shugʻullanishning kompleks tizimini va armiya sportini tashkillashtirish, harbiy-kasbiy faoliyatga oid masalalarni samarali hal etishga qodir, sogʻlom, jismonan rivojlangan, ruhan barqaror harbiy xizmatchilarni tayyorlash tartibini belgilaydi.
2. Armiya sportiga Olimpiya, ommaviy, milliy, harbiy-amaliy hamda texnik va amaliy sport turlari kiradi.
3. Ushbu Nizomda quyidagi asosiy tushunchalar qoʻllaniladi:
Olimpiya sport turlari — Xalqaro olimpiya qoʻmitasining qarori bilan Olimpiya oʻyinlari dasturiga kiritilgan sport turlari;
ommaviy sport turlari — tashkil etilgan va mustaqil mashgʻulotlarni, shuningdek, ommaviy-jismoniy va sport tadbirlarini oʻtkazish orqali aholini jismoniy tarbiya va sport bilan shugʻullanishga jalb qilishga, rivojlantirishga, jismoniy jihatdan tarbiyalashga, sogʻlomlashtirishga qaratilgan sport turlari;
milliy sport turlari — Oʻzbekiston Respublikasi hududida rivojlanayotgan va milliy, ijtimoiy-madaniy yoʻnalishga ega sport turlari;
harbiy amaliy sport turlari — harbiy-amaliy ahamiyatga ega boʻlgan hamda “Jismoniy tayyorgarlik va sport” fani boʻyicha taʼlim dasturiga kiritilgan alohida sport turlaridan (yengil atletika, suzish, yakka kurashning turli koʻrinishlari va boshqalar) olingan mashqlar va ular birikmasining umumlashtirilgan nomi;
texnik va amaliy sport turlari — sport natijalariga erishish uchun sportchi tomonidan umumiy jismoniy mashqlar majmuasidan tashqari, sport texnikasidan, moslamalaridan yoki texnikaviy vositalardan foydalana bilish va ularni boshqarish sohasidagi koʻnikmalar va mahorat qoʻllaniladigan, shuningdek, har xil sport turlaridan olingan, amaliy ahamiyatga ega boʻlgan mashqlar birikmasidan foydalaniladigan sport turlari;
harbiy sport musobaqalari — harbiy xizmatchilarning jismoniy tayyorgarlik dasturiga kiritilgan harbiy-kasbiy usullar, harakatlar va mashqlardan foydalangan holda oʻtkaziladigan musobaqalar;
ommaviy sport ishlari — harbiy xizmatchilarning har tomonlama jismoniy tayyorgarligini oshirish, ularda zarur maʼnaviy-ruhiy sifatlar va amaliy koʻnikmalarni hosil qilish hamda sogʻligʻini mustahkamlash va organizmini chiniqtirishga qaratilgan chora-tadbirlar majmuasi;
tahsil olayotgan sportchilar — Oʻzbekiston Respublikasi Mudofaa vazirligi Oliy sport natijalarini rivojlantirish markazi oliy mahorat sport maktabining sport boʻlinmalariga qabul qilingan, yoshi va jinsi boʻyicha tanlagan sport turi bilan shugʻullanayotgan harbiy boʻlmagan fuqaro hamda sport tadbirlarida Oʻzbekiston Respublikasi Mudofaa vazirligi nomidan ishtirok etuvchi sportchilar;
harbiy xizmatchining jismoniy tayyorgarligi — harbiy xizmatchilarning zarur jismoniy tayyorgarlik darajasini saqlab turish va ularda jangovar topshiriqlarni bajarish uchun yuksak maʼnaviy-ruhiy sifatlarni tarbiyalashga qaratilgan tadbirlar majmuasi.
2-bob. Vakolatli organlarning armiya sportini rivojlantirish sohasidagi asosiy vazifalari
4. Armiya sportini rivojlantirish sohasida vazirliklar va idoralarning asosiy vazifalari quyidagilardan iborat:
a) Oʻzbekiston Respublikasi Mudofaa vazirligi:
harbiy xizmatchilarning jismoniy takomillashuvini ishonchli va tezkor boshqarishni amalga oshirish hamda jismoniy tayyorgarlik tizimi faoliyatining samaradorligini taʼminlash;
Oʻzbekiston Respublikasi Mudofaa vazirligi qoʻshinlarining jangovar shayligini oshirish va jangovar qobiliyatini taʼminlash boʻyicha faoliyatda zamonaviy qarashlar, maqsadli koʻrsatmalar, tamoyillardan kelib chiqib, jangovar tayyorgarlikni takomillashtirish konsepsiyasini belgilash;
harbiy xizmatchilarni jismoniy tayyorgarlik mobaynida oʻrgatish va tarbiyalashning umumiy tizimi, jismoniy tarbiya va sport mashgʻulotlarining davlat tizimi, turli ijtimoiy holatlarni boshqarish tamoyillarini amalga oshirish, shuningdek, zamonaviy jang va harbiy xizmatchilarning jismoniy holatlar talablariga mos tarzda oʻquv-mashq jarayonining amaliy, majmuaviy, tizimli va optimal boʻlishini taʼminlash;
sport industriyasi doirasida yoshlarni harbiy-vatanparvarlik ruhida tarbiyalashning milliy strategiyasi asosida chaqiriqqa qadar boʻlgan yoshlar oʻrtasida armiya sportini barcha imkoniyatlardan foydalangan holda rivojlantirish va ommalashtirish;
Oʻzbekiston Respublikasi Sport vazirligi hamda Oʻzbekiston Milliy olimpiya qoʻmitasi bilan hamkorlikda jismoniy tarbiya va sport sohasida harbiy kadrlarni tayyorlash, qayta tayyorlash va malakasini oshirishni tashkil etishda uzluksiz ish olib borish, harbiy qism va muassasalarni jismoniy tarbiya va sport boʻyicha yuqori malakali mutaxassislar bilan taʼminlash;
(4-band “a” kichik bandining oltinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
jismoniy tarbiya va sport sohasida tasdiqlangan normativ-huquqiy hujjatlarning ijrosini belgilangan tartibda taʼminlash;
b) Oʻzbekiston Respublikasi Sport vazirligi hamda Oʻzbekiston Milliy olimpiya qoʻmitasi:
(4-band “b” kichik bandining birinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
Oʻzbekiston Respublikasi Mudofaa vazirligi bilan hamkorlikda Oʻzbekiston Respublikasi Qurolli Kuchlari koʻlamida jismoniy tarbiya va sport jamiyatlari, klublar, sport qoʻmitalari faoliyatini muvofiqlashtirishni amalga oshirish;
harbiy qism va muassasalarning moddiy-texnik bazalarini, jismoniy-sogʻlomlashtirish va sport obyektlari, inshootlari mustahkamlanishida va rivojlanishida, shuningdek, ularni zamonaviy sport inventarlari va asbob-uskunalar bilan taʼminlashda bevosita ishtirok etish;
Oʻzbekiston Respublikasi Mudofaa vazirligi qoʻshinlarida professional va ommaviy sport, shuningdek, harbiy-amaliy va texnik sport turlarini rivojlantirishga yordam berish va ragʻbatlantirish, harbiy xizmatchilarning jismoniy tayyorgarlik jarayonida zamonaviy texnologiyalarni tatbiq etish, Mustaqil Davlatlar Hamdoʻstligiga aʼzo davlatlar doʻstona armiyalarining sport kengashlari va xalqaro harbiy sport qoʻmitasi doirasida xalqaro va viloyatlararo musobaqalarni tashkil etish boʻyicha tadbirlarni oʻtkazish;
jismoniy tarbiya va sport sohasidagi faoliyatni hamkorlikda tashkil etish toʻgʻrisida idoralararo tasdiqlangan memorandumlar boʻyicha ish olib borish;
Oʻzbekiston Respublikasi Sport vazirligi huzuridagi Jismoniy tarbiya va sport boʻyicha mutaxassislarni qayta tayyorlash va malakasini oshirish instituti bazasida Oʻzbekiston Respublikasi Qurolli Kuchlari uchun jismoniy tarbiya va sport mutaxassislarini tayyorlash boʻyicha tadbirlarni oʻtkazish;
(4-band “b” kichik bandining oltinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
v) Oʻzbekiston Respublikasi Oliy va oʻrta maxsus taʼlim vazirligi:
turli harbiy-hisob ixtisosliklarining talablarini hisobga olgan holda sport-taʼlim muassasalarining sport tayyorgarligi boʻyicha yagona standartlarni ishlab chiqish va faoliyatga tatbiq etish;
harbiy-amaliy yoʻnalishga ega respublika taʼlim muassasalarida klublar, toʻgaraklar va seksiyalarni tashkil etish;
turli kuch tuzilmalari mutaxassislarini jalb qilgan holda sport va amaliy yoʻnalishga ega harbiy-vatanparvarlik toʻgaraklarini yaratish;
oʻquvchilar va chaqiruv yoshigacha boʻlgan yoshlar oʻrtasida oʻtkaziladigan Oʻzbekiston Respublikasi Qurolli Kuchlari ochiq chempionatlarini (kubok, birinchiliklar) tashkil etishda bevosita ishtirok etish;
g) hududlarning harbiy-maʼmuriy sektorlari:
armiya tuzilmalarining hududlar aholisi bilan oʻzaro hamjihatligini mahalliy ijro etuvchi hokimiyat organlari va jamoatchilikni mazkur jarayonga jalb qilgan holda amalga oshirish;
garnizon va harbiy shaharchalar moddiy-texnik sport bazasining yaratilishi va samarali ishlashida ishtirok etish;
hududlarning harbiy-sport tadbirlari va armiya jismoniy harakatini qoʻllab-quvvatlashni manzilli moliyalashtirish uchun mahalliy budjet mablagʻlarini jalb qilish;
harbiy qism komandirlari va muassasalar boshliqlarining buyurtmasi boʻyicha harbiy xizmatchilarning jismoniy tayyorgarlik mashgʻulotlari va sport tadbirlarini oʻtkazish uchun mahalliy sport inshootlarini bepul asosda taqdim etish.
3-bob. Oʻzbekiston Respublikasi Mudofaa vazirligida armiya sportini tashkil etish
5. Oʻzbekiston Respublikasi Mudofaa vazirligida armiya sportini tashkil etish subyektlari quyidagilar hisoblanadi:
Oʻzbekiston Respublikasi Qurolli Kuchlari Bosh shtabi;
Oʻzbekiston Respublikasi Qurolli Kuchlari Bosh shtabi Jangovar tayyorgarlik bosh boshqarmasi — Oʻzbekiston Respublikasi Mudofaa vazirligi qoʻshinlarida harbiy-amaliy va texnik sport turlarini rivojlantirish va ommaviy-sport ishlarini tashkil etish sohasida;
Oʻzbekiston Respublikasi Mudofaa vazirligi Oliy sport natijalarini rivojlantirish markazi — Oʻzbekiston Respublikasi Mudofaa vazirligi harbiy xizmatchilari va chaqiruvga qadar yoshlar oʻrtasida yuksak natijalarga erishish maqsadida sportni rivojlantirish sohasida;
Oʻzbekiston Respublikasi Mudofaa vazirligi tarkibiy boʻlinmalari.
6. Oʻzbekiston Respublikasi Mudofaa vazirligida armiya sportini boshqarishni tashkil etish ushbu Nizomga ilovaga muvofiq amalga oshiriladi.
4-bob. Armiya sportini rivojlantirish sohasida Oʻzbekiston Respublikasi Qurolli Kuchlari Bosh shtabining asosiy vazifalari va funksiyalari
7. Armiya sportini rivojlantirish sohasida Oʻzbekiston Respublikasi Qurolli Kuchlari Bosh shtabining asosiy vazifalari quyidagilardan iborat:
Oʻzbekiston Respublikasi Mudofaa vazirligi qoʻshinlarida jismoniy tarbiya va sportni boshqarishni tashkil etish;
Oʻzbekiston Respublikasi Mudofaa vazirligi qoʻshinlarida ommaviy-sport ishlarini tashkil etish hamda sportning harbiy-amaliy va texnik turlarini rivojlantirish;
harbiy xizmatchilar, ularning oila aʼzolari, chaqiruvga qadar yoshlar va chaqiruv yoshidagi yoshlarni jismoniy tarbiya va sport bilan muntazam shugʻullanishga jalb etish, tanlagan sport turi bilan shugʻullanish uchun shart-sharoitlar yaratish;
chaqiruvga qadar yoshlar va chaqiruv yoshidagi yoshlar oʻrtasida harbiy xizmatni ommalashtirish;
Oʻzbekiston Respublikasi Mudofaa vazirligi qoʻshinlarida jismoniy tayyorgarlik va sport boʻyicha oʻquv va moddiy-texnik bazani takomillashtirish.
8. Oʻzbekiston Respublikasi Qurolli Kuchlari Bosh shtabi oʻziga yuklangan vazifalarga muvofiq quyidagi funksiyalarni amalga oshiradi:
a) Oʻzbekiston Respublikasi Mudofaa vazirligi qoʻshinlarida jismoniy tarbiya va sportni boshqarish tizimini tashkil etish sohasida:
jismoniy tarbiya va sport masalalariga oid majburiyatlarning barcha toifadagi mansabdor shaxslar tomonidan samarali bajarilishi uchun shart-sharoitlar yaratilishini taʼminlaydi;
armiya sportini rivojlantirish sohasidagi masʼuliyatni Oʻzbekiston Respublikasi Mudofaa vazirligining turli darajadagi rahbarlari oʻrtasida taqsimlaydi;
Oʻzbekiston Respublikasi Mudofaa vazirligi qoʻshinlarida jismoniy tayyorgarlik va sportni rivojlantirishning asosiy tamoyillari amaliy jihatdan bajarilishiga koʻmaklashadi;
b) Oʻzbekiston Respublikasi Mudofaa vazirligi qoʻshinlarida ommaviy-sport ishlarini samarali tashkil etish hamda sportning harbiy-amaliy va texnik turlarini rivojlantirish sohalarida:
barcha toifadagi komandir va boshliqlarning harbiy xizmatchilar, harbiy boʻlmagan xodimlar, ularning oila aʼzolari oʻrtasida jismoniy tarbiya va armiya sporti bilan shugʻullanishni ommalashtirish sohasidagi faoliyatini muvofiqlashtiradi;
har yili armiya sportining har xil turlari boʻyicha Oʻzbekiston Respublikasi Qurolli Kuchlari ochiq chempionatlarining oʻtkazilishini tashkil etadi;
Oʻzbekiston Respublikasi Mudofaa vazirligi qoʻshinlarida sportning harbiy-amaliy va texnik turlari faol rivojlanishiga koʻmaklashadi;
Oʻzbekiston Respublikasi Mudofaa vazirligi shaxsiy tarkibini Sport vazirligi, Oʻzbekiston Milliy olimpiya qoʻmitasi, Xalqaro harbiy sport kengashi (CISM) hamda Mustaqil Davlatlar Hamdoʻstligiga aʼzo davlatlar armiyalarining sport qoʻmitalari tomonidan oʻtkaziladigan respublika va xalqaro miqyosdagi musobaqalarga tayyorlashni va ulardagi ishtirokini taʼminlaydi;
(8-band “b” kichik bandining beshinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
barcha toifadagi fuqarolar uchun ularning yoshi va tayyorgarlik darajasiga mos keluvchi harbiy-sport musobaqalari oʻtkazilishini tashkil etadi;
Oʻzbekiston Respublikasi Mudofaa vazirligi shaxsiy tarkibining jismoniy tarbiya va sport sohasidagi kasbiy tayyorgarligini, qayta tayyorlash va malakasini oshirishni tashkil etadi;
har bir harbiy qismda jismoniy tayyorgarlik tizimi ishonchli faoliyat yuritishini taʼminlaydi;
v) harbiy xizmatchilar va ularning oila aʼzolarini, chaqiruv yoshiga qadar va chaqiruv yoshidagi yoshlarni jismoniy tarbiya va sport bilan muntazam shugʻullanishga jalb etish, ular sportning tanlangan turi bilan shugʻullanishi uchun shart-sharoitlar yaratish sohasida:
harbiy xizmatchilar, ularning oila aʼzolari, chaqiruv yoshiga qadar va chaqiruv yoshidagi yoshlarning armiya sportining tanlangan turi bilan shugʻullanishi uchun shart-sharoitlar yaratishda koʻmaklashadi;
harbiy-amaliy va armiya sportining boshqa turlari boʻyicha sport razryadlari va unvonlarini, murabbiylik va hakamlik toifalarini belgilangan tartibda berishni amalga oshiradi;
jismoniy tarbiya va sport sohasidagi armiya mutaxassislarining mehnatini ragʻbatlantirishni taʼminlaydi;
g) chaqiruv yoshiga qadar va chaqiruv yoshidagi yoshlar oʻrtasida harbiy xizmatni ommalashtirish sohasida:
sport seksiyalarining ishi hamda seksiya va seleksiya ishlarini oʻtkazish uchun shart-sharoitlar yaratish boʻyicha kompleks tadbirlarni amalga oshiradi;
Oʻzbekiston Respublikasi Mudofaa vazirligi qoʻshinlarida jismoniy tarbiya va sportni rivojlantirish mavzulari, shu jumladan, yuqori malakali sportchilarni mutaxassis va yoʻriqchilar sifatida jalb qilgan holda ommaviy axborot vositalarida muntazam yoritilishini tashkil etadi;
oliy harbiy taʼlim muassasalarida oʻqishni davom ettirish, kontrakt boʻyicha xizmatni va maxsus boʻlinmalardagi xizmatni oʻtash uchun eng yaxshi jismoniy tayyorgarlikka ega yoshlarni tanlab olishda ishtirok etadi;
vatanparvarlikka qaratilgan sport tadbirlarini tashkil etilishi va oʻtkazilishini taʼminlaydi;
d) Oʻzbekiston Respublikasi Mudofaa vazirligi qoʻshinlarida jismoniy tayyorgarlik va sport boʻyicha oʻquv va moddiy-texnik bazani takomillashtirish sohasida:
respublikaning harbiy-maʼmuriy sektorlari bilan hamkorlikda harbiy garnizonlarning sport obyektlari infratuzilmasini takomillashtirish boʻyicha uzluksiz ishlar amalga oshirilishini tashkil etadi;
Oʻzbekiston Respublikasi Mudofaa vazirligi sport obyektlari sport infratuzilmasini takomillashtirish boʻyicha kompleks tadbirlarni ishlab chiqadi va amalga oshiradi, ularning zamonaviy inventar va qurilmalar bilan jihozlanishini taʼminlaydi.
5-bob. Oʻzbekiston Respublikasi Qurolli Kuchlari Bosh shtabi Jangovar tayyorgarlik bosh boshqarmasining asosiy vazifalari
9. Oʻzbekiston Respublikasi Qurolli Kuchlari Bosh shtabi Jangovar tayyorgarlik bosh boshqarmasining armiya sportini rivojlantirish sohasidagi asosiy vazifalari quyidagilardan iborat:
Oʻzbekiston Respublikasi Mudofaa vazirligi qoʻshinlarida oʻtkazilayotgan sport va ommaviy-jismoniy tarbiya tadbirlarni tashkil etish va oʻtkazishga jalb qilingan Oʻzbekiston Respublikasi Mudofaa vazirligi barcha boʻlinmalarining faoliyatini muvofiqlashtirish;
jismoniy tayyorgarlik va sport mutaxassislarining faoliyatini jangovar tayyorgarlik dasturining vazifalarini bajarishga yoʻnaltirish;
jismoniy tayyorgarlik va sport boʻyicha oʻquv, moddiy-texnik bazaning holati, uni takomillashtirish va undan samarali foydalanish ustidan nazoratni amalga oshirish, shuningdek, zamonaviy jihozlar va inventar bilan oʻz vaqtida va sifatli taʼminlash;
Oʻzbekiston Respublikasi Mudofaa vazirligi qoʻshinlarida jismoniy tayyorgarlik va sportning holati toʻgʻrisidagi maʼlumotlarning tizimli monitoringi, tahlil, umumlashtirish va hisobga olishni tashkil etish hamda axborot materiallarini Oʻzbekiston Respublikasi Mudofaa vazirligi harbiy boshqaruv organlari, harbiy qism va muassasalariga yuborish;
Oʻzbekiston Respublikasi Mudofaa vazirligi qoʻshinlaridagi jismoniy tayyorgarlik va sport mutaxassislarini tayyorlash, qayta tayyorlash va malakasini oshirishni tashkil etish;
kalendar yil uchun Oʻzbekiston Respublikasi Mudofaa vazirligidagi sport va ommaviy-jismoniy tadbirlar rejasini ishlab chiqish va tasdiqlash;
ommaviy-jismoniy ishlar koʻrik tanlovlarini, Butun armiya oʻyinlari, Qurolli Kuchlar chempionatlari va xalqaro harbiy-sport musobaqalarini tashkil etish va oʻtkazish;
jismoniy tayyorgarlik va sport masalalari boʻyicha yuqori turuvchi qoʻmondonlik buyruqlarining loyihalarini ishlab chiqish va ularning ijrosini tashkil etish;
jismoniy tayyorgarlik va sport boʻyicha harbiy mutaxassis kadrlar tarkibini tanlash va joylashtirishni amalga oshirish.
6-bob. Oʻzbekiston Respublikasi Mudofaa vazirligi Oliy sport natijalarini rivojlantirish markazining asosiy vazifalari va funksiyalari
10. Oʻzbekiston Respublikasi Mudofaa vazirligi Oliy sport natijalarini rivojlantirish markazining (keyingi oʻrinlarda Markaz deb ataladi) armiya sportini rivojlantirish sohasidagi asosiy vazifalari quyidagilardan iborat:
Markazning oliy mahorat sport maktabida ommalashtirilayotgan sport turlarini rivojlantirish, harbiy xizmatchi, xizmatchi va oʻquvchi sportchilardan milliy sport terma jamoalari va Oʻzbekiston Respublikasi Mudofaa vazirligi qoʻshinlarining sport terma jamoalari uchun yuqori toifali sportchilarni tayyorlash;
harbiy xizmatchilar, ularning oila aʼzolari, ishchi va xizmatchilar, oʻquvchi yoshlarni jismoniy tarbiya va sport bilan muntazam shugʻullanishga jalb qilish boʻyicha ishlarni tashkil etish;
Oʻzbekiston Respublikasi Mudofaa vazirligi qoʻshinlarining sport terma jamoalari va alohida sportchilarining Oʻzbekiston Respublikasi Mudofaa vazirligi hamda Sport vazirligining xalqaro aloqalar rejalari boʻyicha oʻtkaziladigan tadbirlarida ishtirok etishini taʼminlash;
(10-bandning toʻrtinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
Oʻzbekiston Respublikasi Mudofaa vazirligi qoʻshinlarining jismoniy tayyorgarlik va armiya sporti boʻyicha mutaxassislariga jismoniy tayyorgarlik va sportning barcha shakllarini tashkil etish boʻyicha amaliy yordam koʻrsatish;
Oʻzbekiston Respublikasi Mudofaa vazirligining Xalqaro harbiy sport kengashi bilan sport aloqalarini rivojlantirishda belgilangan tartibda ishtirok etish hamda ushbu tashkilotning qoʻmitalarida vakil boʻlish;
jismoniy tarbiya va sportni, shuningdek, armiya sportchilarining yutuqlarini targʻib qilish.
11. Markaz oʻziga yuklangan vazifalarga muvofiq quyidagi funksiyalarni amalga oshiradi:
a) Sport maktabida ommalashtirilayotgan sport turlarini rivojlantirish, harbiy xizmatchi, xizmatchi va oʻquvchi sportchilardan milliy sport terma jamoalari va Oʻzbekiston Respublikasi Mudofaa vazirligi qoʻshinlarining sport terma jamoalari uchun yuqori toifali sportchilarni tayyorlash sohasida:
oʻzining vakolatlari doirasida normativ-huquqiy hujjatlar, shuningdek, jismoniy tarbiya va armiya sporti sohasidagi sport normativlarini ishlab chiqadi;
jismoniy tarbiya va armiya sportini rivojlantirish monitoringini olib borish va tahlil qilish, Mudofaa vazirligi tizimida jismoniy tarbiya va sportni yanada rivojlantirish boʻyicha takliflarni shakllantiradi;
alohida sport turlarini ommalashtirish boʻyicha takliflarni kiritadi;
tegishli yil uchun Markazning ommaviy-sport tadbirlari kalendar rejasini ishlab chiqadi va tasdiqlash uchun Oʻzbekiston Respublikasi Mudofaa vazirligi rahbariyatiga kiritadi hamda ushbu tadbirlarning oʻtkazilishini taʼminlaydi;
sport industriyasi va Markaz infratuzilmasini rivojlantirish boʻyicha takliflarni ishlab chiqadi;
Markazning oliy mahorat sport maktabidagi sportchilar tarkibi boʻyicha takliflar kiritadi;
b) harbiy xizmatchilar, ularning oila aʼzolari, ishchi va xizmatchilar, oʻquvchi yoshlarni jismoniy tarbiya va sport bilan muntazam shugʻullanishga jalb qilish boʻyicha ishlarni tashkil etish sohasida:
davlat boshqaruvi organlari, mahalliy ijroiya hokimiyati organlari, fuqarolarning oʻzini oʻzi boshqarish organlari, jismoniy tarbiya va sport tashkilotlari, ommaviy axborot vositalari bilan birgalikda jismoniy tarbiya va armiya sporti bilan shugʻullanishni ommalashtirish boʻyicha ishlarni tashkil etadi;
aholining keng qatlamlari orasida sport va ommaviy-jismoniy tarbiyaviy tadbirlarini tashkil etish va oʻtkazishga koʻmaklashadi;
Oʻzbekiston Respublikasi Mudofaa vazirligi boʻlinmalarida muntazam ravishda ommaviy sport va jismoniy-sogʻlomlashtirish tadbirlarini, jumladan, harbiy xizmatchilarning oila aʼzolari, ishchi va xizmatchilar, oʻquvchi yoshlar oʻrtasida xalq oʻyinlari va milliy sport turlari boʻyicha musobaqalarni tashkil etishga koʻmaklashadi;
Oʻzbekistonning milliy sport turlari va xalq oʻyinlarini rivojlantirish, shuningdek, milliy sport turlarini xalqaro sport maydonlarida keng targʻib qilish va rivojlantirishga har tomonlama yordam koʻrsatadi;
v) Oʻzbekiston Respublikasi Mudofaa vazirligi qoʻshinlarining terma sport jamoalari va alohida sportchilarining Oʻzbekiston Respublikasi Mudofaa vazirligi hamda Sport vazirligining xalqaro aloqalar rejalari boʻyicha oʻtkaziladigan tadbirlarda ishtirok etishini taʼminlash sohasida:
(11-band “v” kichik bandining birinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
Markazning sport jamoalari tarkibini tasdiqlaydi, ularning tayyorgarligi hamda xalqaro sport musobaqalari va ommaviy-jismoniy tadbirlaridagi ishtirokini taʼminlaydi;
oliy sport natijalarini rivojlantirishda, sport turlari boʻyicha respublika terma jamoalari tarkibiga kiritish uchun eng iqtidorli va istiqbolli sportchilarni saralab olishda hamda sogʻlom turmush tarzini ommalashtirish doirasida oʻquvchi sportchilarni tarbiyalashda ishtirok etadi;
Oʻzbekiston Milliy olimpiya qoʻmitasi, sport turlari boʻyicha federatsiya va assotsiatsiyalar bilan birgalikda kelgusida armiyaning sport zaxirasini shakllantirish uchun iqtidorli va istiqbolli sportchilarni saralab olish, tayyorlash va malakasini oshirishning uzluksiz tizimini amalga oshirish boʻyicha kompleks tadbirlarni tashkil etadi;
xalqaro va respublika miqyosidagi sport va ommaviy-jismoniy tarbiyaviy tadbirlarning oʻtkazilishini, sportchi, murabbiy va boshqa mutaxassislarning taʼminotini, Oʻzbekiston Respublikasining sportchilari va sport terma jamoalarini tayyorlashni tashkil etishni hamda ularning Olimpiya, Paralimpiya va Osiyo oʻyinlarida, jahon, Osiyo chempionatlari, kuboklari va birinchiliklari hamda boshqa xalqaro sport musobaqalaridagi ishtirokini belgilangan tartibda taʼminlaydi;
g) Oʻzbekiston Respublikasi Mudofaa vazirligi qoʻshinlarining jismoniy tayyorgarlik va armiya sporti boʻyicha mutaxassislariga jismoniy tayyorgarlik va sportning barcha shakllarini tashkil etish boʻyicha amaliy yordam koʻrsatish sohasida:
jismoniy tayyorgarlik va armiya sporti mutaxassislarini qayta tayyorlaydi malakasini oshiradi, va stajirovkasida ishtirok etadi;
xalqaro koʻrik-tanlov, festival, sport musobaqalari va boshqa tadbirlarda ishtirok etish uchun idoraviy boʻysunuvidan qatʼi nazar sport jamoalari, mutaxassislari, arboblari, shuningdek, sportchilar hamda jismoniy tarbiya va sport sohasining boshqa vakillarini tayyorlash, yuborish va qabul qilishni taʼminlaydi;
d) Oʻzbekiston Respublikasi Mudofaa vazirligining Xalqaro harbiy sport kengashi bilan sport aloqalarini rivojlantirishda ishtirok etish hamda ushbu tashkilotning qoʻmitalarida vakil boʻlish sohasida:
armiya sportini rivojlantirish boʻyicha oʻz ishlarini Oʻzbekiston Respublikasi Sport vazirligi, Milliy olimpiya qoʻmitasi, respublika jismoniy tarbiya va sport tashkilotlari, sport turlari boʻyicha federatsiya va assotsiatsiyalar, Xalqaro harbiy sport kengashi va Mustaqil Davlatlar Hamdoʻstligiga aʼzo davlatlar armiyalarining sport qoʻmitalari bilan hamkorlikda rejalashtiradi va amalga oshiradi;
(11-band “d” kichik bandining ikkinchi xatboshisi Oʻzbekiston Respublikasi Vazirlar Mahkamasining 2024-yil 8-maydagi 272-sonli qarori tahririda — Qonunchilik maʼlumotlari milliy bazasi, 10.05.2024-y., 09/24/272/0337-son)
xalqaro sport aloqalarini oʻrnatadi va rivojlantiradi, Xalqaro harbiy sport kengashi va xalqaro sport hamjamiyati bilan oʻzaro munosabatlarda Oʻzbekiston Respublikasi Mudofaa vazirligi manfaatlarini himoya qiladi;
jismoniy tarbiya va armiya sporti sohasida hamkorlik hamda xorijiy investitsiya va grantlarni jalb etishda ishtirok etish boʻyicha xalqaro loyihalarni ishlab chiqishda ishtirok etadi;
armiya sporti sohasida iqtidorli yoshlarni xorijda oʻqish va stajirovkaga yuborishga koʻmaklashadi;
konferensiya, koʻrgazma va sport musobaqalarini oʻtkazadi, armiya sportiga xorijiy investitsiya va grantlarni jalb qilish boʻyicha ishlarni tashkil etadi;
e) jismoniy tarbiya va sportni, shuningdek, armiya sportchilarining yutuqlarini targʻib qilish sohasida:
jismoniy tarbiya va armiya sporti boʻyicha ilmiy, oʻquv, ilmiy-ommabop va ommaviy adabiyotlarni, shuningdek, armiya sportchilarining yutuqlari aks etgan foto-videomateriallarni tayyorlashda ishtirok etadi;
oʻqitish va mahorat darslari oʻtkazish uchun respublika va xorijiy mamlakatlarning mashhur sport arboblarini, ilgʻor pedagog-mutaxassislarni taklif etadi;
vazirliklar va idoralar, respublika jismoniy tarbiya va sport tashkilotlari, sport turlari boʻyicha federatsiyalar bilan armiya sportchilarining tajriba almashishi, sport mahoratini oshirishi, shuningdek, sport turlari boʻyicha murabbiylar va boshqa mutaxassislarning malakasini oshirish, mamlakat yoshlari oʻrtasida jismoniy tarbiya va armiya sportini, sogʻlom turmush tarzini ommalashtirish masalalari boʻyicha hamkorlikni rivojlantiradi.
(11-band “e” kichik bandining toʻrtinchi xatboshisi Oʻzbekiston Respublikasi Vazirlar Mahkamasining 2024-yil 22-iyuldagi 439-sonli qarori tahririda — Qonunchilik maʼlumotlari milliy bazasi, 24.07.2024-y., 09/24/439/0543-son)
7-bob. Markazning Oliy mahorat sport maktabi asosiy vazifalari va funksiyalari
12. Markaz Oliy mahorat sport maktabining armiya sportini rivojlantirish sohasidagi asosiy vazifalari quyidagilardan iborat:
jismoniy tarbiya va sport boʻyicha mashgʻulotlar oʻtkazish, mamalakat va Oʻzbekiston Respublikasi Mudofaa vazirligi qoʻshinlarining sport terma jamoalari uchun sport turlari boʻyicha sport zaxirasini va yuqori toifali sportchilarni tayyorlashni tashkil etishning eng yangi usullarini qoʻllagan holda oʻquv-mashq jarayonini tashkil etish uchun malakali murabbiylar tarkibini saralab olish;
sport tayyorgarligi bosqichlarida barcha yosh guruhlariga mansub sportchilarning oʻquv-mashq jarayonidagi shakl va usullarning avloddan avlodga oʻtishini taʼminlash;
sportchilarni tayyorlashning barcha bosqichlarida oʻquv-mashq jarayonini ishlab chiqilgan oʻquv-mashq rejalari va dasturlarga muvofiq taʼminlash, tashkil etish va oʻtkazish, unga ilgʻor ilmiy texnologiya va metodikalarni tatbiq etish;
turli sport tashkilotlari va federatsiyalar bilan sportchilarning tajriba almashishi, sport mahoratini oshirish, shuningdek, sport turlari boʻyicha murabbiylar va boshqa mutaxassislarning kasbiy malakasini oshirish, mamlakat yoshlari oʻrtasida jismoniy tarbiya va sport, sogʻlom turmush tarzini ommalashtirish masalalari boʻyicha hamkorlikni rivojlantirish.
13. Markazning Oliy mahorat sport maktabi oʻziga yuklangan vazifalarga muvofiq quyidagi funksiyalarni amalga oshiradi:
a) jismoniy tarbiya va sport boʻyicha mashgʻulotlar oʻtkazish, Oʻzbekiston Respublikasi Mudofaa vazirligi qoʻshinlarining sport terma jamoalari uchun sport turlari boʻyicha sport zaxirasini va yuqori toifali sportchilarni tayyorlashni tashkil etishning eng yangi usullarini qoʻllagan holda oʻquv-mashq jarayonini tashkil etish uchun malakali murabbiylar tarkibini saralab olish sohasida:
respublika sport delegatsiyalari va Oʻzbekiston Respublikasi Mudofaa vazirligining harbiy-sport delegatsiyalari tarkibida xorijga chiqish uchun nomzodlarni (sportchilar, murabbiylar, sport mutaxassislari) saralaydi;
Mudofaa vazirligi qoʻshinlarida mehnat faoliyatini amalga oshirish uchun sport turlari boʻyicha yetakchi mutaxassislarni jalb qilishga oid kadrlar siyosatini faol olib boradi;
b) sport tayyorgarligi bosqichlarida barcha yosh guruhlariga mansub sportchilarning oʻquv-mashq jarayonidagi shakl va usullarning avloddan-avlodga oʻtishini taʼminlash sohasida:
aholining yosh va jins xususiyatlarini hisobga olgan holda sport va ommaviy-sport tadbirlarini tashkil etadi va oʻtkazadi;
sportchilar faoliyati, ularning sport natijalari va yutuqlari monitoringini olib boradi;
v) sportchilarni tayyorlashning barcha bosqichlarida oʻquv-mashq jarayonini ishlab chiqilgan oʻquv-mashq rejalari va dasturlarga muvofiq taʼminlash, tashkil etish va oʻtkazish, unga ilgʻor ilmiy texnologiya va metodikalarni tatbiq etish sohasida:
ommaviylashtirilayotgan sport turlarining roʻyxatini hamda respublika va xalqaro musobaqalarda ishtirok etish uchun sport maktabi sportchilari tarkibini ishlab chiqadi;
murabbiylar tarkibi bilan birgalikda sport boʻlinmalarining oʻquv soatlari hajmini belgilaydi;
tayyorgarlikning zamonaviy sport usullari va xalqaro tajriba asosida oʻquv-metodik qoʻllanmalarni tayyorlaydi va nashr qiladi;
Markaz sport tadbirlarining kalendar rejasini ishlab chiqadi va uning bajarilishini taʼminlaydi;
g) turli sport tashkilotlari, federatsiyalar va assotsiatsiyalar bilan sportchilarning tajriba almashishi, sport mahoratini oshirish, shuningdek, sport turlari boʻyicha murabbiylar va boshqa mutaxassislarning kasbiy malakasini oshirish, mamlakat yoshlari oʻrtasida jismoniy tarbiya va sportni, sogʻlom turmush tarzini ommalashtirish masalalari boʻyicha hamkorlikni rivojlantirish sohasida:
turli sport tadbirlarini oʻtkazish va tajriba almashish masalalarida sport turlari boʻyicha federatsiya va assotsiatsiyalar, Mustaqil Davlatlar Hamdoʻstligiga aʼzo davlatlar mudofaa vazirliklari sport qoʻmitalari va Xalqaro harbiy sport kengashi bilan yaqin hamkorlikni amalga oshiradi;
mamlakat yoshlari oʻrtasida tizimli asosda mahorat darslarini tashkil etadi va oʻtkazadi;
sogʻlom turmush tarzi va zararli odatlardan voz kechishni targʻib qilish boʻyicha tadbirlarni oʻtkazadi.
8-bob. Markaz sport obyektlarining asosiy vazifalari
14. Markaz sport obyektlarining (sport kompleksi, “Toshkent dengizi” eshkak eshish bazasi, sport otish maydoni) armiya sportini rivojlantirish sohasidagi asosiy vazifalari quyidagilardan iborat:
ommaviylashtirilayotgan sport turlari va sport musobaqalariga tayyorgarlik guruhlaridagi oʻquv-mashq jarayonining yuqori darajasini taʼminlash;
harbiy xizmatchi, xizmatchi, oʻquvchi sportchilar va murabbiy oʻqituvchilarga sport turlari boʻyicha oʻquv-mashq mashgʻulotlarini oʻtkazish uchun zarur shart- sharoitlar yaratish;
oʻquv-mashq bazasini saqlash, xizmat koʻrsatish va taʼmirlash, shuningdek, sport tadbirlarini tibbiy jihatdan taʼminlash.
9-bob. Armiya sportini ilmiy-metodik va tibbiy jihatdan taʼminlash
15. Armiya sportini ilmiy-metodik va tibbiy jihatdan taʼminlash quyidagilarni oʻz ichiga oladi:
jinsi va yoshidan kelib chiqqan holda harbiy xizmatchilarning jismoniy tayyorgarlik darajasiga maqsadli dasturlar va normativ talablarni ishlab chiqish;
armiya sporti nazariyasi va amaliyotidagi oʻta dolzarb muammolar yuzasidan ilmiy, metodik va ommabop adabiyotlarni tayyorlash va nashr etish;
faoliyatning turli yoʻnalishlari boʻyicha sohaga oid maʼlumotlar bankini yaratgan holda armiya sportini taʼminlashning ilmiy-axborot tizimini tashkil etish;
har yili oʻtkaziladigan dispanserizatsiyani amaliyotga tatbiq etish, harbiy xizmatchilar barcha yosh guruhlarining jismoniy rivojlanish darajasi tekshiruvini oʻtkazib, kelgusida ularga sogʻligini mustahkamlash uchun tavsiyalar berish;
Oʻzbekiston Respublikasi Mudofaa vazirligi terma jamoalarini tayyorlash jarayonida sportchilarning tibbiy tekshiruvini muntazam ravishda taʼminlash;
sportning barcha tur yoʻnalishlari boʻyicha shakllangan yakka tartibdagi davolash va sogʻliqni tiklash boʻyicha tavsiyalarni ishlab chiqish;
tibbiy va jismoniy dispanserlari va vrach nazorati xonalari tarmogʻini kengaytirish.
10-bob. Oʻzbekiston Respublikasi Mudofaa vazirligida armiya sportini rivojlantirish boʻyicha tadbirlarni moliyalashtirish
16. Oʻzbekiston Respublikasi Mudofaa vazirligida armiya sportini rivojlantirish bilan bogʻliq xarajatlar Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari, Oʻzbekiston Milliy olimpiya qoʻmitasi huzuridagi Oʻzbekiston Olimpiadachilarni qoʻllab-quvvatlash jamgʻarmasi mablagʻlari hisobiga amalga oshiriladi.
11-bob. Yakunlovchi qoida
17. Armiya sportini sifatli va toʻlaqonli rivojlantirish, jumladan Oʻzbekiston Respublikasi Mudofaa vazirligida harbiy xizmatchilarning jismoniy tayyorgarlik boʻyicha tadbirlarni oʻtkazish va tashkil etish uchun javobgarlik Oʻzbekiston Respublikasi Mudofaa vazirligi boʻlinmalarining rahbariyati zimmasiga yuklanadi.
Oʻzbekiston Respublikasi Mudofaa vazirligida armiya sportini tashkil etish toʻgʻrisidagi nizomga ILOVA
Oʻzbekiston Respublikasi Mudofaa vazirligida armiya sportini boshqarish
* Oliy mahorat sport maktabi oʻzining faoliyatini jismoniy tarbiya va sport toʻgʻrisidagi qonunchilik hujjatlariga muvofiq amalga oshiradi.
(izoh Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Vazirlar Mahkamasining 2020-yil 19-maydagi 292-son qaroriga 2-ILOVA
Oʻzbekiston Respublikasi Mudofaa vazirligida armiya sportini takomillashtirish boʻyicha
CHORA-TADBIRLAR DASTURI
T/r
Chora-tadbirlar nomi
Moliyalashtirish manbalari
Ijro muddati
Masʼul ijrochilar
I. Armiya sportchilarini tayyorlash va mahoratini oshirishning uzluksiz tizimini takomillashtirish
1.
Sportchilar va Oʻzbekiston Respublikasi Mudofaa vazirligi qoʻshinlari, shu jumladan, aholining keng qatlamlari va harbiy xizmatchilarning oila aʼzolarini jalb etgan holda respublika hamda xalqaro musobaqalarga tayyorgarlik koʻrishda ishtirok etish rejasini ishlab chiqish hamda tasdiqlash.
—
Har yili
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, sport turlari boʻyicha federatsiya (uyushma)lar
2.
Xalqaro tajribani qoʻllagan holda sifatli oʻquv-mashgʻulot jarayonini taʼminlashga qodir malakali murabbiy kadrlarni saralash.
—
Doimo
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, Oliy va oʻrta maxsus taʼlim vazirligi
3.
Mudofaa vazirligi Oliy sport natijalarini rivojlantirish markazining (keyingi oʻrinlarda Markaz deb ataladi) sport aktiviga kiritish uchun oʻquvchi yoshlar, muddatli harbiy xizmatchilar, safarbarlik chaqiruvi rezervi xizmatchilari orasidan istiqbolli sportchilarni tizimli saralash va seleksiya qilish boʻyicha metodik tavsiyalarni ishlab chiqish.
—
2020-yil 1-avgustga qadar
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma)lar
4.
Oʻquvchi yoshlar, muddatli harbiy xizmatchilar, safarbarlik chaqiruvi rezervi xizmatchilari orasidan istiqbolli sportchilarni saralash va Markazda ommaviylashtirilayotgan sport turlari boʻyicha sport boʻlinmalarini ular bilan butlash.
—
Doimo
Mudofaa vazirligi, Jismoniy tarbiya va sport vazirligi, Oliy va oʻrta maxsus taʼlim vazirligi
5.
Yuqori malakali sportchilarni tayyorlash sifati va samaradorligini oshirish uchun sport turlari boʻyicha respublika federatsiya (uyushma)lari hamda jismoniy tarbiya va sport hududiy boshqarmalari bilan birgalikdagi harakatlar va hamkorlik rejasini ishlab chiqish va tasdiqlash.
—
Har yili
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma)lar
6.
Mudofaa vazirligining sport imkoniyatlari, xalqaro musobaqalarda armiya sportchilari ishtirokining tajribasini har tomonlama tahlil qilish asosida Markazning oliy mahorat sport maktabida qoʻshimcha sport turlarini belgilash.
—
Har yili 1-dekabrga qadar
Mudofaa vazirligi, Jismoniy tarbiya va sport vazirligi
7.
Asosiy sport bazalarida sportchilarni xalqaro va respublika miqyosidagi musobaqalarga tayyorlashning uzluksiz oʻquv-mashgʻulotlar jarayonini tashkil etish rejasini ishlab chiqish va tasdiqlash.
—
Olimpiada sikli yakuniga qadar
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma)lar
8.
Markaz sportchilarining oʻquv-mashgʻulotlar jarayoniga sport sohasida katta yutuqlarga erishgan jahonning yetakchi mamlakatlarining ilgʻor tajribasini oʻrganish va joriy etish.
—
Doimo
Jismoniy tarbiya va sport vazirligi, Milliy olimpiya qoʻmitasi, Mudofaa vazirligi
9.
Markazning oliy mahorat sport maktabi faoliyati natijalari monitoringini olib borish hamda Butunjahon armiya oʻyinlari dasturiga kiritilgan Olimpiya va harbiy-amaliy sport turlari boʻyicha yuqori malakali sportchilarni tayyorlash borasida Markaz faoliyati darajasini oshirish boʻyicha ilmiy asoslangan takliflarni ishlab chiqish.
—
Doimo
Mudofaa vazirligi, Jismoniy tarbiya va sport vazirligi
10.
Oʻzbekiston Respublikasi Mudofaa vazirligi oliy harbiy taʼlim muassasalari kursantlarining respublika miqyosida oʻtkaziladigan talabalarning ommaviy sport tadbirlari (universiadalari)da ishtirok etishini taʼminlash.
Oʻzbekiston Respublikasi Davlat budjeti mablagʻlari,
Jismoniy tarbiya va sport vazirligining budjetdan tashqari mablagʻlari
Doimo
Jismoniy tarbiya va sport vazirligi, Oliy va oʻrta maxsus taʼlim vazirligi, Mudofaa vazirligi
11.
Harbiy xizmatchi sportchilar va Oʻzbekiston Respublikasi Qurolli Kuchlari xizmatchilarining turli darajadagi oʻquv-mashq yigʻinlari va musobaqalardagi ishtirokini taʼminlash.
Oʻzbekiston Respublikasi Davlat budjeti mablagʻlari, Jismoniy tarbiya va sport vazirligi, sport turlari boʻyicha federatsiya (uyushma) lari, Mudofaa vazirligining budjetdan tashqari mablagʻlari
Doimo
Jismoniy tarbiya va sport vazirligi, Milliy olimpiya qoʻmitasi, sport turlari boʻyicha federatsiya (uyushma)lar, Mudofaa vazirligi
12.
Oʻzbekiston Respublikasi Mudofaa vazirligi doirasida oʻtkaziladigan sport tadbirlari uchun mavjud boʻlgan hududiy sport obyektlarini Mudofaa vazirligi harbiy qism va muassasalariga taqdim etish boʻyicha har tomonlama koʻmaklashish.
—
Doimo
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
13.
Umumtaʼlim maktablari, kasb-hunar kollejlari va akademik litseylarning bitiruvchilari orasidan harbiy-sport oʻyinlari, “Shunqorlar” va “Amir Temur avlodlari” musobaqalari respublika bosqichlari gʻoliblarini Oʻzbekiston Respublikasi Qurolli Kuchlari Akademiyasi va Oʻzbekiston Respublikasi Mudofaa vazirligi oliy harbiy taʼlim muassasalariga imtiyozli asosda oʻqishga qabul qilish mexanizmini joriy etish boʻyicha takliflarni ishlab chiqish.
—
2020-yil 1-sentabrga qadar
Mudofaa vazirligi
14.
Asosiy hududiy sport bazalarida armiya sportchilarini jalb etgan holda yil boʻyi oʻquv-mashq yigʻinlarini oʻtkazish yoʻli bilan turli respublika va xalqaro miqyosdagi musobaqalarga tayyorgarlikning uzluksiz jarayonini tashkil etish.
Oʻzbekiston Respublikasi Davlat budjeti mablagʻlari, Jismoniy tarbiya va sport vazirligi, sport turlari boʻyicha federatsiya (uyushma) lari, Mudofaa vazirligining budjetdan tashqari mablagʻlari
Doimo
Jismoniy tarbiya va sport vazirligi, Milliy olimpiya qoʻmitasi, sport turlari boʻyicha federatsiya (uyushma)lar, Mudofaa vazirligi
15.
Respublika, xalqaro va ommaviy jismoniy tadbirlarda ishtirok etayotgan Oʻzbekiston Respublikasi Mudofaa vazirligi qoʻshinlari sportchilari va tahsil oluvchi sportchilarga energetik sarflar va jismoniy resurslarni kompensatsiya qilish mexanizmini ishlab chiqish hamda ularni zamonaviy tiklovchi vositalar bilan taʼminlash.
—
2020-yil 1-avgustga qadar
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, Sport turi boʻyicha federatsiyalar (uyushmalar)
II. Armiya sportchilarini tayyorlash jarayonida zamonaviy axborot-kommunikatsiya texnologiyalarini joriy etish
16.
Sport jamoalarini sport turlari boʻyicha tayyorlash jarayoniga innovatsion yondashuvni taʼminlash va ishlab chiqish hamda oʻquv-mashgʻulot jarayonini takomillashtirish boʻyicha tavsiyalarni ishlab chiqish uchun axborot-kommunikatsiya texnologiyalari sohasining yetakchi mutaxassislaridan iborat qoʻshma guruhlar tashkil etish.
—
2020-yil 1-iyunga qadar
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, Sport turi boʻyicha federatsiyalar (uyushmalar)
17.
Oliy harbiy taʼlim muassasalarning “Jismoniy tarbiya va sport” fani boʻyicha oʻquv-tarbiyaviy jarayonga zamonaviy axborot-kommunikatsiya texnologiyalarini joriy etish.
—
Doimo
Mudofaa vazirligi, Jismoniy tarbiya va sport vazirligi
III. Oʻzbekiston Respublikasi Mudofaa vazirligi sport obyektlarining infratuzilmasini takomillashtirish va moddiy-texnik bazasini rivojlantirish
18.
Yopiq sport zalini maʼmuriy xonalar, sogʻlomlashtirish markazi (51/66-sonli bino), yechinish xonalari va dushxonalar bilan suzish basseynini (51/49, 51/67-sonli bino) kapital taʼmirlash.
Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari va qonunchilikda taqiqlanmagan boshqa manbalar
Stadion, yugurish yoʻlakchalari va tomoshabinlar tribunasini rekonstruksiya qilish.
Markazlashtirilgan kapital mablagʻlar limitlari
2020-yil mobaynida
Investitsiyalar va tashqi savdo vazirligi, Mudofaa vazirligi
22.
Oʻzbekiston Respublikasi Mudofaa vazirligi harbiy qismlari hududlarida badminton oʻyini uchun sport maydonchalarini yaratish.
Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari va qonunchilikda taqiqlanmagan boshqa manbalar
2020 — 2022-yillar
mobaynida
Mudofaa vazirligi, Moliya vazirligi
23.
Markaz obyektlarini zamonaviy sport inventarlari va jihozlar bilan taʼminlash.
Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari va qonunchilikda taqiqlanmagan boshqa manbalar
2021-yil
Mudofaa vazirligi, Moliya vazirligi
24.
2020-yilga va undan keyingi yillarga moʻljallangan investitsiya dasturlari doirasida Markazning sport obyektlarini kapital taʼmirlash va qurish boʻyicha takliflarni tayyorlash.
Markazlashgan kapital mablagʻlar limitlari, Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari va qonunchilikda taqiqlanmagan boshqa manbalar
2020-yil 1-avgustga qadar
Mudofaa vazirligi, Investitsiyalar va tashqi savdo vazirligi
25.
Oʻzbekiston Respublikasi Mudofaa vazirligining “Maʼnaviyat va maʼrifat markazi” binosini kapital taʼmirlash, rekonstruksiya qilish hamda zamonaviy jihozlar bilan taʼminlash.
Markazlashgan kapital mablagʻlar limitlari, Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari va qonunchilikda taqiqlanmagan boshqa manbalar
2020-2021-yillar mobaynida
Mudofaa vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi
26.
Markazda ommaviylashtirilayotgan sport turlari boʻyicha tibbiy reglamentni ishlab chiqish yoʻli bilan oʻquv-mashq va musobaqalar jarayonining tibbiy-biologik va sport-psixologik kuzatilishini takomillashtirish.
—
Doimo
Sogʻliqni saqlash vazirligi, Mudofaa vazirligi
27.
Akkreditatsiyadan oʻtgan sport markazlari negizida sportga ixtisoslashtirilishni hisobga olgan holda harbiy vrachlarning malakasini oshirish tizimini tashkil etish.
Oʻzbekiston Respublikasi Davlat budjeti mablagʻlari
Doimo
Mudofaa vazirligi, Sogʻliqni saqlash vazirligi, Jismoniy tarbiya va sport vazirligi
IV. Armiya sportini rivojlantirish, targʻib qilish va ommalashtirish boʻyicha tadbirlar
28.
Respublika akademik litseylari, kasb-hunar kollejlari oʻquvchilari hamda oliy taʼlim muassasalari talabalari oʻrtasida sportning harbiy-amaliy turlari boʻyicha musobaqalarni tashkil etish va oʻtkazish.
Oʻzbekiston Respublikasi Davlat budjeti mablagʻlari, Jismoniy tarbiya va sport vazirligi, Oliy va oʻrta maxsus taʼlim vazirligi, Oʻzbekiston yoshlar ittifoqi, Xalq taʼlimi vazirligi, “Vatanparvar” MKTning budjetdan tashqari mablagʻlari
Kalendar rejasiga muvofiq
Jismoniy tarbiya va sport vazirligi, Oliy va oʻrta maxsus taʼlim vazirligi, Oʻzbekiston yoshlar ittifoqi, Xalq taʼlimi vazirligi, “Vatanparvar” MKT
29.
Oʻzbekiston Respublikasi Mudofaa vazirligi boʻlinmalari;
Oʻzbekiston Respublikasi Qurolli Kuchlari;
chaqiruvgacha boʻlgan va chaqiruv yoshidagi yoshlar oʻrtasida badminton boʻyicha musobaqalar va oʻrtoqlik uchrashuvlarini tashkil etish va oʻtkazish.
Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari va qonunchilikda taqiqlanmagan boshqa manbalar
chorakda kamida
1-marta bir yilda kamida 2-marta bir yilda kamida 2-marta
Mudofaa vazirligi, Jismoniy tarbiya va sport vazirligi, Oliy va oʻrta maxsus taʼlim vazirligi, Xalq taʼlimi vazirligi, Oʻzbekiston yoshlar ittifoqi
30.
Oʻzbekiston Respublikasi Qurolli Kuchlari harbiy xizmatchilari va xizmatchilari orasida professional sportchilar va havaskorlar oʻrtasida Milliy olimpiya qoʻmitasining “Armiyadan Olimpiada sari” sovrinlari uchun musobaqalarni tashkil etish.
Oʻzbekiston Respublikasi Davlat budjeti mablagʻlari
bir yilda kamida
2-marta
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi
31.
Respublika universiada musobaqalarini oʻtkazish dasturiga kiritish uchun amaliy yoʻnaltirilgan sport turlarini aniqlash.
—
2020-yil 1-iyulga qadar
Mudofaa vazirligi, Jismoniy tarbiya va sport vazirligi, Oliy va oʻrta maxsus taʼlim vazirligi, Oʻzbekiston yoshlar ittifoqi, Mudofaaga koʻmaklashuvchi “Vatanparvar” MKT
32.
Armiya sportini rivojlantirish va ommalashtirish borasida keng koʻlamli ishlar olib borish, uning mazmun-mohiyati hamda ushbu yoʻnalishda amalga oshirilayotgan saʼy-harakatlarni tushuntirish chora-tadbirlarini ishlab chiqish va amalga oshirish.
Oʻzbekiston Respublikasi Davlat budjeti mablagʻlari
Ishlab chiqish —
2020-yilning
I choragi
amalga oshirish — muntazam
Mudofaa vazirligi, Oʻzbekiston Respublikasi Prezidenti administratsiyasi huzuridagi Axborot va ommaviy kommunikatsiyalar agentligi, Oʻzbekiston milliy teleradiokompaniyasi, Jismoniy tarbiya va sport vazirligi
33.
Mamlakatimizda ommaviy va armiya sportini rivojlantirishga oʻz hissasini qoʻshgan Oʻzbekiston Respublikasi Qurolli Kuchlarining taniqli sportchilari va mutaxassislarning tavsiyalaridan iborat boʻlgan materiallar muntazam nashr etilishini taʼminlash hamda ular bilan intervyularni tashkil etish.
Oʻzbekiston Respublikasi Davlat budjeti mablagʻlari
Reja boʻyicha amalga oshirish
Mudofaa vazirligi, Oʻzbekiston Respublikasi Prezidenti administratsiyasi huzuridagi Axborot va ommaviy kommunikatsiyalar agentligi, Oʻzbekiston milliy teleradiokompaniyasi, Jismoniy tarbiya va sport vazirligi
34.
Mamlakatimizda armiya sportini, ayniqsa chaqiruvgacha boʻlgan yoshlar, muddatli harbiy xizmatchilar, safarbarlik chaqiruvi rezervi xizmatchilari oʻrtasida, shu jumladan, armiya sportchilari ishtirokida turli uchrashuvlar, davra suhbatlari, shuningdek, Oʻzbekiston Respublikasi Qurolli Kuchlarining sport komplekslariga tashriflarni tashkil etish yoʻli bilan targʻib qilish va ommalashtirish.
Oʻzbekiston Respublikasi Davlat budjeti mablagʻlari
Doimo
Mudofaa vazirligi, Jismoniy tarbiya va sport vazirligi, Oʻzbekiston yoshlar ittifoqi, Oliy va oʻrta maxsus taʼlim vazirligi, Halq taʼlimi vazirligi, Oʻzbekiston Milliy axborot agentligi, Oʻzbekiston milliy teleradiokompaniyasi, Oʻzbekiston axborot va ommaviy kommunikatsiyalar agentligi, “Vatanparvar” MKT
35.
Armiya sportini rivojlantirish hamda ilgʻor xorijiy tajriba asosida oʻquv-mashq jarayoni texnologiyasini takomillashtirish masalalari boʻyicha ilmiy-metodik adabiyotlarni ishlab chiqish va nashr etish.
Oʻzbekiston Respublikasi Davlat budjeti mablagʻlari, Jismoniy tarbiya va sport vazirligi, sport turlari boʻyicha federatsiya (uyushma) larning budjetdan tashqari mablagʻlari
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma)lar
36.
Davlat bayramlari va muhim sanalarni nishonlashga bagʻishlangan sport va ommaviy-sport tadbirlarini tashkil etish va oʻtkazish.
Oʻzbekiston Respublikasi Davlat budjeti mablagʻlari, Mudofaa vazirligining budjetdan tashqari mablagʻlari, harbiy-maʼmuriy sektorni rivojlantirish jamgʻarmasi mablagʻlari
Kalendar rejaga muvofiq
Mudofaa vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
37.
Markaz xizmatchilarini moddiy ragʻbatlantirishni takomillashtirish boʻyicha Vazirlar Maxkamasining 2019-yil 19-noyabrdagi 918-son qaroriga oʻzgartirish kiritish boʻyicha takliflarni ishlab chiqish va kiritish.
—
2020-yil 1-avgustga qadar
Mudofaa vazirligi, Jismoniy tarbiya va sport vazirligi, Moliya vazirligi
(Qonun hujjatlari maʼlumotlari milliy bazasi, 20.05.2020-y., 09/20/292/0607-son; Qonunchilik maʼlumotlari milliy bazasi, 05.04.2022-y., 09/22/153/0266-son; 10.05.2024-y., 09/24/272/0337-son; 24.07.2024-y., 09/24/439/0543-son)
