Hujjat kuchini yo‘qotgan " " 01.01.2025
Oʻzbekiston Respublikasi Prezidentining
Qarori
Eksport faoliyatini yanada qoʻllab-quvvatlash chora-tadbirlari toʻgʻrisida
 LexUZ sharhi
Mazkur qaror Oʻzbekiston Respublikasi Prezidentining 2024-yil 27-dekabrdagi PF-228-sonli “Eksportni qoʻllab-quvvatlash chora-tadbirlarining Jahon savdo tashkiloti bitimlariga muvofiqlashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi Farmoniga asosan 2025-yil 1-yanvardan oʻz kuchini yoʻqotadi.
Soʻnggi yillarda tadbirkorlik subyektlarining eksport faoliyatini davlat tomonidan qoʻllab-quvvatlash va ragʻbatlantirishga doimiy eʼtibor qaratilmoqda.
Xususan, Oʻzbekiston Respublikasi Investitsiyalar va tashqi savdo vazirligi huzurida Eksportni ragʻbatlantirish agentligi tashkil etilib, eksport hajmini oshirish uchun eksport qiluvchi korxonalarga moliyaviy koʻmak berish mexanizmlari yaratildi.
Jahon bozorlarida raqobat keskinlashib borayotgan sharoit mahsulotlar eksporti hajmini oshirish orqali yangi bozorlarga kirib borish va anʼanaviy bozorlarda oʻz oʻrnini mustahkamlash uchun eksport qiluvchilarni davlat tomonidan qoʻllab-quvvatlashni yanada kengaytirish zaruriyatini yuzaga keltirmoqda.
Eksport faoliyatini qoʻllab-quvvatlash tizimini yanada takomillashtirish, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturida belgilangan vazifalar ijrosini taʼminlash maqsadida:
1. Oʻzbekiston Respublikasi Prezidentining 2019-yil 24-maydagi PQ-4337-son “Eksport faoliyatini moliyalashtirish va sugʻurta himoyasi mexanizmlarini kengaytirish chora-tadbirlari toʻgʻrisida” qaroriga muvofiq joriy etilgan mahsulotlarni eksport qilishda, shuningdek qayta ishlash mahsulotlarini “reeksport” bojxona rejimida olib chiqishda tashish xarajatlarini 50 foizigacha miqdorda kompensatsiya qilishga subsidiyalar taqdim etish mexanizmi mahsulotlarni avtomobil va havo transportida eksportga tashishga ham tatbiq etilsin.
(1-bandning birinchi xatboshisi Oʻzbekiston Respublikasi Prezidentining 2022-yil 25-apreldagi PF-115-sonli Farmoni tahririda — Qonunchilik maʼlumotlari milliy bazasi, 26.04.2022-y., 06/22/115/0344-son)
Eksport qilishda avtomobil, temir yoʻl va havo transportida tashish xarajatlarining bir qismi kompensatsiya qilinadigan mahsulotlar roʻyxati 1-ilovaga muvofiq tasdiqlansin.
2. Eksport va investitsiyalarni rivojlantirish masalalari boʻyicha Hukumat komissiyasiga (S.U. Umurzakov) (keyingi oʻrinlarda — Hukumat komissiyasi) eksport qilishda transport xarajatlarining bir qismini kompensatsiya qilish uchun Oʻzbekiston Respublikasi Davlat budjetidan subsidiyalar taqdim etiladigan mahsulotlar roʻyxatiga oʻzgartirish va qoʻshimchalar kiritish, subsidiyalar taqdim etish shartlari va miqdorlarini belgilash hamda tartibini tasdiqlash, shuningdek, mahsulot turi, hajmi va eksport yoʻnalishiga qarab subsidiyaning qatʼiy miqdorlarini belgilash vakolati berilsin.
Hukumat komissiyasi bir hafta muddatda mahalliy eksport qiluvchi korxonalar (ularning vakolatli vakillari)ga mahsulotlarni eksport qilishda, shu jumladan 2020-yil 1-apreldan buyon amalga oshirilgan eksport boʻyicha avtomobil, havo va temir yoʻl transportida tashish xarajatlarini qisman kompensatsiya qilishga subsidiyalar taqdim etish tartibini tasdiqlasin.
(2-band Oʻzbekiston Respublikasi Prezidentining 2020-yil 21-oktabrdagi PF-6091-sonli Farmoni tahririda — Qonun hujjatlari maʼlumotlari milliy bazasi, 22.10.2020-y., 06/20/6091/1399-son)
3. Oʻzbekiston Respublikasi bojxona chegarasidan eksport operatsiyalari boʻyicha olib oʻtilayotgan tovarlarning bojxona rasmiylashtiruvini amalga oshirishda jismoniy va yuridik shaxslarga nisbatan joriy qilingan barcha turdagi majburiy toʻlovlar va ijro hujjatlari boʻyicha qarzdorligi mavjudligini tekshirish amaliyoti 2021-yil 1-yanvarga qadar bekor qilinsin.
4. Belgilansinki, eksport qiluvchilar garov sifatida sugʻurta xizmatlaridan foydalanganda sugʻurta mukofotini qoplashga Oʻzbekiston Respublikasi Investitsiyalar va tashqi savdo vazirligi huzuridagi Eksportni ragʻbatlantirish agentligi tomonidan kompensatsiyalar taqdim etiladi.
5. Oʻzbekiston Respublikasi Moliya vazirligi Eksportni ragʻbatlantirish agentligining xarajatlari uchun asoslangan hisob-kitoblar boʻyicha 2020-yil uchun Oʻzbekiston Respublikasi Davlat budjetidan zarur mablagʻlar ajratsin va 2021-yildan har yili zarur budjet mablagʻlarini nazarda tutsin.
6. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirishlar va qoʻshimcha kiritilsin.
7. Oʻzbekiston Respublikasi Investitsiyalar va tashqi savdo vazirligi bir oy muddatda manfaatdor vazirlik va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisida Vazirlar Mahkamasiga taklif kiritsin.
8. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 7-may,
PQ-4707-son
Oʻzbekiston Respublikasi Prezidentining 2020-yil 7-maydagi PQ-4707-son qaroriga
1-ILOVA
Eksport qilishda avtomobil, temir yoʻl va havo transportida tashish xarajatlarining bir qismi kompensatsiya qilinadigan mahsulotlar
ROʻYXATI

T/r

Mahsulot nomi

Mahsulotning TIF TN kodi

1.

Parranda tuxumi, uy parrandasi goʻshti va qoʻshimcha ozuqabop mahsulotlari*

0407, 0207

2.

Pomidorlar

0702000001 — 0702000009

3.

Sarimsoq

0703200000

4.

Gulkaram

0704100000

5.

Salatlar (latuk, aysberg, radicho, oaklif, lollo-rossa va boshqalar)

0705

6.

Bodringlar

0707000501 — 0707000509

7.

Koʻkatlar

0709400000, 0709700000, 0709991000, 0709999000

8.

Shirin qalampir hoʻl yoki muzlatilgan

0709601000, 0710805100

9.

Achchiq qalampir

0709609900

10.

Muzlatilgan sabzavotlar

0710809500

11.

Kovul

0711907000

12.

Quritilgan sabzavotlar

0712909000

13.

Yongʻoq

0802310000, 0802320000

14.

Bodom

0802111000, 0802119000, 0802121000, 0802129000

15.

Limon

0805501000

16.

Uzum

0806101000, 0806109000

17.

Mayiz

0806203000, 0806209000

18.

Tarvuz

0807110000

19.

Qovun

0807190000

20.

Olma

0808108001 — 0808108004

21.

Nok

0808309000

22.

Oʻrik

0809100000

23.

Gilos

0809290000

24.

Nektarin

0809301000

25.

Shaftoli

0809309000

26.

Olxoʻri

0809400500

27.

Olcha

0809210000, 0811907500

28.

Xurmo

0810700000

29.

Anor

0810907500

30.

Muzlatilgan yoki konservalangan mevalar

0811, 0811907500, 0811908000, 0811909500, 0812902500

31.

Quritilgan mevalar

0813100000, 0813200000, 0813300000, 0813401000, 0813403000, 0813409500, 0813501500, 0813501900, 0813509100, 0813509900

32.

Quritilgan, maydalangan va yanchilgan qalampir

0904110000, 0904120000, 0904211000, 0904219000, 0904220000

33.

Yeryongʻoq

1202, 1202410000, 1202420000

34.

Tabiiy uzum vinolari

2204101100, 2204219700, 2204219800, 2204299501, 2204299508, 2204299601, 2204299701, 2204299708, 2204299709, 2204299801, 2204299809, 2204309800

35.

Konyak distillyati

2208208900

36.

Tarkibida antibiotiklar boʻlgan penitsillinlar, dori vositalari

3004100001, 3004100006, 3004200001, 3004200002

37.

Gulqogʻozlar va shunga oʻxshash devor qoplamalari

4814200000

38.

Gazlama

5208-5212

39.

Toʻqima gilamlar

5702 42 900 0, 5701101000, 5701 90 100 0, 5702 41 900 0, 5703 10 000 0

40.

Linoleum

5904100000

41.

Trikotaj mato**

60

42.

Tikuv-trikotaj mahsulotlari

61 — 63

43.

Suv oʻtkazmaydigan poyabzal

6401921000, 6401929000, 6401990000

44.

Poyabzal

6403200000, 6403400000, 6403911600, 6403999100, 6403999600, 6404199000, 6404209000, 6405100000, 6405209100, 6405209900, 6405901000

45.

Shlak paxta, mineral paxta va boshqalar

6806100008, 6806209000, 6806900000

46.

Tosh yotqizish uchun plitalar

6907219001, 6907229003, 6907229009, 6907239003

47.

Keramikadan yasalgan pardozlash buyumlari

6907409003, 6907409009

48.

Oshxona idishlari va boshqalar

6912001000, 6912002100, 6912002300, 6912002500, 6912002900, 6912005000, 6912008100, 6912008900, 6912009000

49.

Shisha tola

7019199009, 7019310000, 7019390009, 7019510000, 7019590000, 7019900009

50.

Shisha idishlar

7010901000, 7010904100, 7010904300, 7010904500, 7010905300, 7010907100, 7010907900

51.

Qalpoqlar yoki ventilyatsiyali shkaflar

8414600000

52.

Kir yuvish mashinalari

8450120000

53.

Akkumulyatorlar

8507102003

54.

Transformatorlar

8504210000, 8504221000, 8504229000, 8504230000, 8504312900, 8504318009, 8504330000, 8504340000, 8504403009, 8504405500, 8504408200, 8504408800, 8504409000, 8504509500, 8504901800, 8504909900

55.

Chang yutgichlar

8508190001

56.

Taqsimlagichlar, oʻt oldirish gʻaltaklari

8511400008

57.

Elektr uskunalar

8511500009

58.

Elektr yoritish va signalizatsiya uskunalari

8512200001, 8512200009

59.

Pechlar va kameralar

8514900000

60.

Elektr suv isitgichlar, mikrotoʻlqinli pechlar, pechlar, elektr plitalar va h.k.

8516108000, 8516500000, 8516601010, 8516601090, 8516607000, 8516609000

61.

Ovozni qabul qilish va uzatish uchun apparatura, televizion aloqani qabul qilish uchun apparatura

8517620009, 8528722001

62.

Kommutatsiya uchun elektr apparatura

8535900000

63.

Pultlar, panellar, konsollar va boshqalar

8537109900, 8537209100

64.

Diodlar

8541100009

65.

Oʻralgan va izolyatsiyalangan simlar, oʻt oldirish svechalari uchun simlar toʻplami, elektr oʻtkazgichlar

8544111000, 8544300008, 8544499101, 8544499109, 8544499309, 8544499500, 8544609009

66.

Oʻtirish uchun mebel

9401610000, 9401690000, 9401903000

67.

Oʻyinchoqlar

9503001000, 9503003500, 9503007000, 9503009500

68.

Gigiyena vositalari

9619008101

* Import qiluvchi mamlakatdan qatʼiy nazar.
** Transportda tashish xarajatlarining bir qismini kompensatsiya qilish 2022-yil 1-yanvargacha amal qiladi.
(1-ilova Oʻzbekiston Respublikasi Prezidentining 2021-yil 14-iyundagi PQ-5146-sonli qarori tahririda — Qonunchilik maʼlumotlari milliy bazasi, 15.06.2021-y., 07/21/5146/0555-son)
Oʻzbekiston Respublikasi Prezidentining 2020-yil 7-maydagi PQ-4707-son qaroriga
2-ILOVA
Oʻzbekiston Respublikasi Prezidentining ayrim hujjatlariga kiritilayotgan
oʻzgartirishlar va qoʻshimcha
1. Oʻzbekiston Respublikasi Prezidentining 2019-yil 23-maydagi “Qurilish materiallari sanoatini jadal rivojlantirishga oid qoʻshimcha chora-tadbirlar toʻgʻrisida”gi PQ-4335-son qarori 4-bandining “a” kichik bandidan ““Oʻzstandart” agentligining asoslantirilgan hisob-kitoblariga muvofiq” soʻzlari chiqarib tashlansin.
2. Oʻzbekiston Respublikasi Prezidentining 2019-yil 24-maydagi “Eksport faoliyatini moliyalashtirish va sugʻurta himoyasi mexanizmlarini kengaytirish chora-tadbirlari toʻgʻrisida”gi PQ-4337-son qarorida:
a) 3-bandda:
birinchi xatboshi “ilovadagi roʻyxatga muvofiq mahsulotlarni eksport qilishda temir yoʻl transportida” soʻzlari “avtomobil, temir yoʻl va havo transportida” soʻzlari bilan almashtirilsin;
ikkinchi xatboshi “tatbiq etilmaydi,” soʻzlaridan keyin “Afgʻoniston Islom Respublikasiga eksport qilinadigan mahsulotlar va” soʻzlari bilan toʻldirilsin;
toʻrtinchi xatboshi chiqarib tashlansin;
b) ilova oʻz kuchini yoʻqotgan deb topilsin.
3. Oʻzbekiston Respublikasi Prezidentining 2019-yil 29-iyuldagi “Qishloq xoʻjaligi mahsulotlarini chuqur qayta ishlash va oziq-ovqat sanoatini yanada rivojlantirish boʻyicha qoʻshimcha chora-tadbirlar toʻgʻrisida”gi PQ-4406-son qarori 7-bandining “a” kichik bandidan “Oʻzstandart” agentligining asoslantirilgan hisob-kitoblariga muvofiq” soʻzlari chiqarib tashlansin.
4. Oʻzbekiston Respublikasi Prezidentining 2019-yil 11-dekabrdagi “Meva-sabzavotchilik va uzumchilik tarmogʻini yanada rivojlantirish, sohada qoʻshilgan qiymat zanjirini yaratishga doir qoʻshimcha chora-tadbirlar toʻgʻrisida”gi PQ-4549-son qaroriga ilovaning 4-bandi oʻz kuchini yoʻqotgan deb topilsin.
5. Oʻzbekiston Respublikasi Prezidentining 2020-yil 29-yanvardagi “Chorvachilik tarmogʻini davlat tomonidan koʻllab-quvvatlashning qoʻshimcha chora-tadbirlari toʻgʻrisida”gi PQ-4576-son qaroriga 2-ilovaning 1-bandi oʻz kuchini yoʻqotgan deb topilsin.

(Qonun hujjatlari maʼlumotlari milliy bazasi, 07.05.2020-y., 07/20/4707/0545-son, 26.06.2020-y., 07/20/4759/0970-son, 22.10.2020-y., 06/20/6091/1399-son, 31.10.2020-y., 06/20/6098/1432-son; Qonunchilik maʼlumotlari milliy bazasi, 15.06.2021-y., 07/21/5146/0555-son, 26.04.2022-y., 06/22/115/0344-son)