Oʻzbekiston Respublikasi Prezidentining 2019-yil 6-sentabrdagi PF-5812-son “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi Farmoni, 2019-yil 9-dekabrdagi PQ-4546-son “Byurokratik toʻsiqlarni yanada qisqartirish hamda davlat organlari va tashkilotlari faoliyatiga zamonaviy boshqaruv tamoyillarini joriy qilish chora-tadbirlari toʻgʻrisida”gi va 2018-yil 24-dekabrdagi PQ-4075-son “Jamoat xavfsizligini taʼminlash samaradorligini oshirish boʻyicha qoʻshimcha chora-tadbirlar toʻgʻrisida”gi qarorlariga muvofiq, buyuraman:

1. Oʻzbekiston Respublikasi ichki ishlar vazirining 2017-yil 23-sentabrdagi 207-son buyrugʻi (roʻyxat raqami 2941, 2017-yil 27-oktabr) (Oʻzbekiston Respublikasi qonun hujjatlari toʻplami, 2017-y., 10/17/2941/0181-son) bilan tasdiqlangan Oʻzbekiston Respublikasi Ichki ishlar vazirligi Akademiyasining kasbiy tayyorgarlik fakultetiga qabul qilish tartibi toʻgʻrisidagi nizomga ilovaga muvofiq qoʻshimcha va oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 1-banddagi “kasb-hunar” degan soʻzlar “boshlangʻich professional, oʻrta professional, oʻrta maxsus professional (bundan buyon matnda boshlangʻich, oʻrta, oʻrta maxsus professional deb yuritiladi)” degan soʻzlar bilan almashtirilsin.

2. 6-banddagi “kasbiy” degan soʻz “boshlangʻich, oʻrta, oʻrta maxsus professional” degan soʻzlar bilan almashtirilsin.

3. 22-bandda “kasb-hunar kollejlari” degan soʻzlar “boshlangʻich, oʻrta, oʻrta maxsus professional taʼlim muassasalari” degan soʻzlar bilan almashtirilsin.

4. 27-bandda:

sakkizinchi va toʻqqizinchi xatboshilar quyidagi tahrirda bayon etilsin:

“oʻqish yoki ish joyidan (agar oʻqiyotgan yoki ishlayotgan boʻlsa) va oʻzini oʻzi boshqarish organlaridan tavsifnoma;

maʼlumoti toʻgʻrisidagi (oʻrta maxsus, boshlangʻich, oʻrta, oʻrta maxsus professional, oliy) hujjatlar nusxasi hamda baholar koʻrsatilgan ilovasi nusxasi;”;

oʻn birinchi xatboshi quyidagi tahrirda bayon etilsin:

“mehnat daftarchasi nusxasi yoki mehnat stajini tasdiqlovchi “Elektron mehnat daftarchasi” tizimidan koʻchirma (agar mavjud boʻlsa).”.

5. 33-bandning birinchi xatboshisi quyidagi tahrirda bayon etilsin:

“33. Nomzodlarni tibbiy koʻrikdan oʻtkazish Vazirlar Mahkamasining 2017-yil 26-sentabrdagi 764-son qarori bilan tasdiqlangan Oʻzbekiston Respublikasi ichki ishlar organlarida tibbiy tekshiruvni tashkil etish va harbiy-tibbiy ekspertizani oʻtkazish tartibi toʻgʻrisidagi nizomga muvofiq harbiy-tibbiy komissiyalar tomonidan amalga oshiriladi.”.

6. 41-banddagi “2003-yil 21-fevraldagi 95-son qarori bilan tasdiqlangan Tinch va harbiy davrda Oʻzbekiston Respublikasi Qurolli Kuchlarida tibbiy koʻrikdan oʻtkazish” degan soʻzlar “2017-yil 26-sentabrdagi 764-son qarori bilan tasdiqlangan Oʻzbekiston Respublikasi ichki ishlar organlarida tibbiy tekshiruvni tashkil etish va harbiy-tibbiy ekspertizani oʻtkazish tartibi” degan soʻzlar bilan almashtirilsin.

7. 44-band quyidagi mazmundagi xatboshi bilan toʻldirilsin:

“Huquqbuzarliklar profilaktikasi va jinoyatchilikka qarshi kurashishga munosib hissa qoʻshgan profilaktika (katta) inspektorlarining jamoat tartibini saqlash boʻyicha yordamchilariga Oʻzbekiston Respublikasi Ichki ishlar vazirligi Huquqbuzarliklar profilaktikasi bosh boshqarmasi boshligʻining tavsiyasiga asosan Fakultetga kvota asosida oʻqishga kirish huquqi beriladi.”.

8. 7-ilovaning 7-bandidagi “va kasb-hunar taʼlimi” degan soʻzlar “, boshlangʻich professional, oʻrta professional va oʻrta maxsus professional taʼlim” degan soʻzlar bilan almashtirilsin.