PQ-4610-сон 19.02.2020. Limonchilik tarmogʻini yanada rivojlantirishga doir qoʻshimcha chora-tadbirlar toʻgʻrisida

O‘zbekiston Respublikasi Prezidentining

Qarori

Limonchilik tarmog‘ini yanada rivojlantirishga doir qo‘shimcha chora-tadbirlar to‘g‘risida

So‘nggi yillarda respublikada limonchilik tarmog‘ini boshqarish tizimini isloh qilish, limonzorlar maydonini kengaytirish hisobiga mahsulot ishlab chiqarish va eksport hajmini ko‘paytirish borasida izchil choralar amalga oshirilmoqda.

Jumladan, respublikada 2018-2019-yillarda 46 mln AQSH dollari miqdoridagi xorijiy kredit liniyalari jalb qilinib, 730 gektar maydonda zamonaviy limonzorlar barpo etildi, limon yetishtiriladigan issiqxonalar umumiy maydoni 1 221 gektarga yetkazildi.

Shu bilan birga, innovatsion texnologiyalar asosida yangi, serhosil va jahon bozorida raqobatbardosh bo‘lgan limon navlarini yaratishga yetarli e’tibor berilmayotganligi, sifatli axborot-konsalting xizmatlarini ko‘rsatish talab darajasida yo‘lga qo‘yilmaganligi, kooperatsiya munosabatlari to‘liq shakllanmaganligi oqibatida sohadagi mavjud imkoniyatlardan samarali foydalanilmayapti.

Respublikada limonchilik tarmog‘ini yanada rivojlantirish, ilmiy-tadqiqotlar ko‘lamini kengaytirish, ilg‘or va zamonaviy resurs tejovchi texnologiyalarni qo‘llash asosida yuqori sifatli sanoatbop va eksportbop limon yetishtirish hajmini oshirish, davlat tomonidan qo‘llab-quvvatlash mexanizmlarini keng joriy etish maqsadida:

1. O‘zbekiston Respublikasi Qishloq xo‘jaligi vazirligi va “Limon yetishtiruvchilar va eksport qiluvchilar” uyushmasining:

“Limon yetishtiruvchilar va eksport qiluvchilar” uyushmasi nomini “Sitrus, subtropik va tropik o‘simlik yetishtiruvchilar va eksport qiluvchilar” uyushmasi (keyingi o‘rinlarda — Uyushma) deb o‘zgartirish;

tajriba tariqasida Akademik M. Mirzayev nomidagi bog‘dorchilik, uzumchilik va vinochilik ilmiy-tadqiqot instituti huzurida Uyushma ishtirokida davlat-xususiy sheriklik shartlari asosida mas’uliyati cheklangan jamiyati shaklidagi Sitrus, subtropik va tropik o‘simliklar ilmiy — amaliy markazini (keyingi o‘rinlarda — Markaz) tashkil etish to‘g‘risidagi takliflari ma’qullansin.

Markazning asosiy vazifalari quyidagilar ekanligi ma’lumot uchun qabul qilinsin:

kooperatsiya shartlari asosida sitrus, subtropik va tropik o‘simliklar plantatsiyalarini tashkil etish bo‘yicha tavsiyalarni ishlab chiqish hamda mahsulot yetishtiruvchilarga yetkazish;

sertifikatlangan va kafolatlangan limon ko‘chatlarini yetishtirish bo‘yicha maxsus ko‘chatxonalarni tashkil etish hamda limon ko‘chatlarini yetishtiruvchi xo‘jaliklar bilan o‘zaro hamkorlikni yo‘lga qo‘yish;

mavjud issiqxonalarni modernizatsiya qilish hamda serhosil, eksportbop limon navlari kolleksiyasini va ko‘rgazmali limon plantatsiyalarini yaratish;

sitrus, subtropik va tropik o‘simliklar, eksport va import mahsulotlarini sertifikatlash;

sitrus, subtropik va tropik o‘simliklar, shuningdek, manzarali o‘simliklar, gullar va ko‘kalamzorlashtirish ekinlari ko‘chatlarini yetkazib berish;

mahsulot ishlab chiqaruvchilarni mineral o‘g‘itlar va kimyoviy moddalar bilan ta’minlash;

sitrus, subtropik va tropik o‘simliklarni qayta ishlash, yangi innovatsion texnologiyalarni joriy qilish va xizmat ko‘rsatish;

sohani rivojlantirish bo‘yicha xorijiy texnologiyalar, fan va ishlab chiqarishdagi yutuqlar, yangiliklarga oid rolik va maxsus ko‘rsatuvlar tayyorlash.

Markaz faoliyati bank kreditlari, tashabbuskorlar mablag‘lari, xizmat ko‘rsatishdan tushadigan mablag‘lar, xalqaro moliya institutlari mablag‘lari, homiylik xayriyalari va qonun hujjatlarida taqiqlanmagan boshqa manbalar hisobidan moliyalashtiriladi.

2. O‘zbekiston Respublikasi Qishloq xo‘jaligi vazirligi Uyushma bilan birgalikda ikki oy muddatda:

Markazga Akademik M. Mirzayev nomidagi bog‘dorchilik, uzumchilik va vinochilik ilmiy-tadqiqot instituti hududidan bino va issiqxona uchun 12 gektar yer maydoni ajratilishini;

Uyushma, Akademik M. Mirzayev nomidagi bog‘dorchilik, uzumchilik va vinochilik ilmiy-tadqiqot instituti hamda xususiy sherik o‘rtasida uch tomonlama shartnoma tuzilishini ta’minlasin.

3. O‘zbekiston Respublikasi Qishloq xo‘jaligi vazirligi, Iqtisodiyot va sanoat vazirligi, Moliya vazirligi, Bog‘dorchilik va issiqxona xo‘jaligini rivojlantirish agentligi, Uyushmaning 2020-yil 1-martdan boshlab limonzorlarni barpo etishning quyidagi tartibini joriy etish to‘g‘risidagi taklifi ma’qullansin:

a) O‘zbekiston Respublikasi Qishloq xo‘jaligi vazirligi huzuridagi Bog‘dorchilik va issiqxona xo‘jaliklarini rivojlantirish agentligi:

yangi barpo etiladigan limonzorlar uchun standartlarni (ko‘chat navi va sifati, ekish sxemasi, issiqxonaga qo‘yiladigan talablar, resurs tejovchi texnologiyalar hamda boshqalar) belgilaydi;

limonchilik tarmog‘ini rivojlantirishda ilg‘or xorijiy tajriba va resurs tejovchi innovatsion texnologiyalar joriy etilishini tashkil qiladi;

limonzorlarni tashkil etish xarajatlarini moliyalashtirish uchun xalqaro moliya institutlarining imtiyozli resurslari va grant mablag‘larini jalb etish choralarini ko‘radi;

qayta ishlash korxonalari va eksport qiluvchi tashkilotlar ishtirokida tashkil etiladigan kooperatsiyalar (klasterlar) rahbarlari va limon yetishtiruvchilar uchun o‘quv-seminarlarni tashkil qiladi;

sertifikatlangan va kafolatlangan limon ko‘chatlarini yetishtirish bo‘yicha maxsus ko‘chatxonalarni tashkil etadi hamda limon ko‘chatlarini yetishtiruvchi xo‘jaliklar faoliyatini muvofiqlashtiradi;

b) Qoraqalpog‘iston Respublikasi Vazirlar Kengashi, viloyatlar va tumanlar hokimliklari:

kooperatsiya (klaster) asosida ishlaydigan qayta ishlash korxonalari va eksport qiluvchi tashkilotlar ro‘yxatini shakllantiradi hamda ularga limon yetishtiruvchilarni biriktiradi;

limonzorlar uchun talab qilingan yer maydonlarining qisqa muddatlarda ajratilishini va belgilangan standartlar asosida barpo qilinishini ta’minlaydi;

hosildorlikni oshirish va mahsulot ishlab chiqarishni ko‘paytirish, belgilangan agrotexnik tadbirlarni o‘z muddatida amalga oshirish bo‘yicha chora-tadbirlarni belgilaydi;

v) qayta ishlash korxonalari va eksport qiluvchi tashkilotlar ishtirokida tashkil etiladigan kooperatsiyalar (klasterlar):

limon yetishtiruvchilar bilan o‘zaro hamkorlik asosida kooperatsiya faoliyatini yo‘lga qo‘yish, yetishtirilgan mahsulotni saralash, qayta ishlash, saqlash, qadoqlash va eksport qilish bo‘yicha samarali ish yuritish tizimini joriy qiladi;

limonzorlarni barpo etadi va ularni lizing shartlari asosida uzoq muddatga tadbirkorlik subyektlariga beradi, agrotexnik tadbirlarni amalga oshirish uchun mutaxassis ajratadi, ilmiy asoslangan agronomik tavsiyalar berib boradi;

limon yetishtiruvchilar talabi asosida ularni limon ko‘chatlari, mineral o‘g‘itlar, yonilg‘i-moylash mahsulotlari va boshqa moddiy-texnika resurslari bilan ta’minlaydi;

soha olimlari va ko‘p yillik tajribaga ega bo‘lgan mutaxassislarni jalb qilib, limon yetishtiruvchilarning malakasini oshirib boradi;

g) mahsulot yetishtiruvchilar:

kooperatsiya talablari asosida limon ko‘chatlarining to‘liq ekilishini, agrotexnik tadbirlarning o‘z vaqtida bajarilishini ta’minlaydi;

limonzorlarni barpo etish bo‘yicha xarajatlarning kelishilgan qismi bo‘yicha dastlabki to‘lovlarni amalga oshiradi;

tuzilgan shartnomalarga muvofiq yetishtirilgan mahsulotlarning belgilangan vaqtda va sifatda yetkazib berilishini ta’minlaydi.

4. Quyidagilar:

2020-yilda Qoraqalpog‘iston Respublikasi va viloyatlarda ishga tushadigan limonchilik yo‘nalishidagi loyihalarning manzilli ro‘yxati 1-ilovaga muvofiq;

Oldingi tahrirga qarang.

2021-2022-yillarda “Turonbank” ATB tomonidan moliyalashtirish hisobiga tashkil etiladigan limonzorlar maydonlarining prognoz ko‘rsatkichlari 1a-ilovaga muvofiq;

(4-band O‘zbekiston Respublikasi Prezidentining 2021-yil 3-avgustdagi PQ-5207-sonli qaroriga asosan uchinchi xatboshi bilan to‘ldirilgan — Qonunchilik ma’lumotlari milliy bazasi, 04.08.2021-y., 07/21/5207/0750-son)

limon yetishtirishga ixtisoslashtiriladigan hududlar ro‘yxati 2-ilovaga muvofiq tasdiqlansin.

5. Belgilansinki:

a) limonzorlar paxta va g‘alladan bo‘shagan hamda foydalanishga kiritiladigan yer maydonlarida resurs tejovchi texnologiyalarni qo‘llagan holda barpo etiladi;

Oldingi tahrirga qarang.

yangi limonzorlar “Har bir oila — tadbirkor” dasturi doirasida ajratiladigan, Agrosanoatni rivojlantirish va qo‘llab-quvvatlash davlat maqsadli jamg‘armasi, Bandlikka ko‘maklashish davlat jamg‘armasi, Fermer, dehqon xo‘jaliklari va tomorqa yer egalarini qo‘llab-quvvatlash jamg‘armasi, xalqaro moliya institutlari mablag‘lari hisobidan barpo etiladi;

(5-band “a” kichik bandining ikkinchi xatboshisi O‘zbekiston Respublikasi Prezidentining 2025-yil 14-fevraldagi PF-22-sonli Farmoni tahririda — Qonunchilik ma’lumotlari milliy bazasi, 18.02.2025-y., 06/25/22/0156-son)

Oldingi tahrirga qarang.

b) 2020-yil 1-martdan boshlab kooperatsiyalarga birlashgan limon yetishtiruvchi fermer va dehqon xo‘jaliklari, qishloq xo‘jaligi korxonalari, jismoniy shaxslar va tadbirkorlik subyektlariga:

(5-band “b” kichik bandining birinchi xatboshisi O‘zbekiston Respublikasi Prezidentining 2021-yil 3-avgustdagi PQ-5207-sonli qarori tahririda — Qonunchilik ma’lumotlari milliy bazasi, 04.08.2021-y., 07/21/5207/0750-son)

Oldingi tahrirga qarang.

yangi limonzorlarni barpo etish va ko‘chatlarni xarid qilish bilan bog‘liq bo‘lgan xarajatlarning har bir sotixi uchun 300 ming so‘mdan oshmaydigan miqdori Agrosanoatni rivojlantirish va qo‘llab-quvvatlash davlat maqsadli jamg‘arma mablag‘lari hisobidan qoplab beriladi.

(5-band “b” kichik bandining ikkinchi xatboshisi O‘zbekiston Respublikasi Prezidentining 2025-yil 14-fevraldagi PF-22-sonli Farmoni tahririda — Qonunchilik ma’lumotlari milliy bazasi, 18.02.2025-y., 06/25/22/0156-son)

Oldingi tahrirga qarang.

(O‘zbekiston Respublikasi Prezidentining 2024-yil 27-dekabrdagi PF-228-sonli Farmoniga asosan 5-bandning “b” kichik bandi uchinchi xatboshisining chiqarilish sanasi 2025-yil 1-yanvar — Qonunchilik ma’lumotlari milliy bazasi, 30.12.2024-y., 06/24/228/1091-son)

6. Ma’lumot uchun qabul qilinsinki, kooperatsiyalarga birlashgan limon yetishtiruvchi fermer va dehqon xo‘jaliklari, qishloq xo‘jaligi korxonalari va tadbirkorlik subyektlariga O‘zbekiston Respublikasi Prezidentining 2019-yil 11-dekabrdagi “Meva-sabzavotchilik va uzumchilik tarmog‘ini yanada rivojlantirish, sohada qo‘shilgan qiymat zanjirini yaratishga doir qo‘shimcha chora-tadbirlar to‘g‘risida qo‘shimcha chora-tadbirlar to‘g‘risida”gi PQ-4549-son qarorida nazarda tutilgan imtiyozlar tatbiq etiladi.

Oldingi tahrirga qarang.

7. O‘zbekiston Respublikasi Qishloq xo‘jaligi vazirligi, Investitsiyalar, sanoat va savdo vazirligi:

(7-bandning birinchi xatboshisi O‘zbekiston Respublikasi Prezidentining 2025-yil 14-fevraldagi PF-22-sonli Farmoni tahririda — Qonunchilik ma’lumotlari milliy bazasi, 18.02.2025-y., 06/25/22/0156-son)

tijorat banklari bilan birgalikda limonchilik sohasidagi loyihalarni moliyalashtirish uchun xalqaro moliya institutlarining kamida 100 mln AQSH dollari miqdoridagi mablag‘lari jalb etilishini;

“Turonbank” aksiyadorlik tijorat banki bilan birgalikda xalqaro moliya institutlarining 100 mln AQSH dollari miqdoridagi xorijiy kredit liniyalarini limonchilik sohasidagi loyihalarni moliyalashtirish uchun yo‘naltirilishini ta’minlasin.

Oldingi tahrirga qarang.

Moliya vazirligi hamda O‘zbekiston Tiklanish va taraqqiyot jamg‘armasi “Turonbank” ATBga O‘zbekiston Tiklanish va taraqqiyot jamg‘armasidan ajratilgan 357,8 mlrd so‘m ekvivalentidagi qoldiq mablag‘larni jamg‘armaning bank ustav kapitalidagi ulushini oshirish uchun yo‘naltirilishini ta’minlasin.

(7-band O‘zbekiston Respublikasi Prezidentining 2021-yil 3-avgustdagi PQ-5207-sonli qaroriga asosan xatboshi bilan to‘ldirilgan — Qonunchilik ma’lumotlari milliy bazasi, 04.08.2021-y., 07/21/5207/0750-son)

8. O‘zbekiston Respublikasi Innovatsion rivojlanish vazirligi va Qishloq xo‘jaligi vazirligi bir oy muddatda limonchilik bo‘yicha 2020 — 2024-yillarga mo‘ljallangan fundamental va amaliy tadqiqotlar hamda innovatsion ilmiy-texnik loyihalarni shakllantirsin hamda ularning grant tanlovlari asosida amalga oshirilishini ta’minlasin.

Bunda, limon ko‘chatlarining issiqxona va ochiq maydonda parvarish qilinadigan yangi navlarini yaratish, onalik ko‘chatzorlarni tashkil etish, zararkunanda hamda kasalliklarga qarshi kurashish, innovatsion texnologiyalarni joriy qilishga alohida e’tibor qaratilsin.

9. O‘zbekiston Respublikasi Qishloq xo‘jaligi vazirligi hamda Akademik M. Mirzayev nomidagi bog‘dorchilik, uzumchilik va vinochilik ilmiy-tadqiqot institutiga:

bir oy muddatda limonchilikni rivojlantirish bo‘yicha ilg‘or xorijiy tajribani o‘rgangan holda resurs tejovchi texnologiyalarga asoslangan limonzorlarni barpo etish va parvarishlash, mahsulot yetishtirish, saqlash hamda qayta ishlash bo‘yicha tavsiyalarni ishlab chiqish va joylarga yetkazish;

ikki oy muddatda limon ekish, parvarishlash, yetishtirish, hosilni yig‘ishtirib olish, qayta ishlash, saqlash, saralash va eksport qilish masalalari bo‘yicha fermer hamda dehqon xo‘jaliklari, tomorqa yer egalari va tadbirkorlik subyektlari uchun joylarda o‘quv-seminarlarini o‘tkazish;

yetakchi xorijiy institutlar bilan limonchilikni rivojlantirish va ilg‘or innovatsion texnologiyalarni keng joriy qilish bo‘yicha ilmiy-amaliy hamkorlikni yo‘lga qo‘yish, ilmiy xodimlar va mutaxassislarning malakasini oshirish hamda tajriba almashish ishlarini tashkil etish vazifalari yuklatilsin.

10. O‘zbekiston Respublikasi Qishloq xo‘jaligi vazirligi Toshkent davlat agrar universiteti huzurida davlat-xususiy sheriklik shartlari asosida sitrus, subtropik va tropik o‘simliklarni yetishtirish bo‘yicha kichik innovatsion korxona tashkil etish choralarini ko‘rsin.

Bunda, korxonaning asosiy vazifasi “fan-ta’lim-ishlab chiqarish”ning uzviy integratsiyasini ta’minlash, dars mashg‘ulotlarini ishlab chiqarish bilan bog‘liq holda amalga oshirish va talabalarda amaliy ko‘nikmalarni shakllantirish ekanligiga e’tibor qaratilsin.

11. Qishloq xo‘jaligi vazirligi Toshkent davlat agrar universiteti bilan birgalikda universitetning 3-bosqich talabalari orasidan saralab olingan talabalar uchun sitrus, subtropik va tropik o‘simliklarni yetishtirish texnologiyalari bo‘yicha zaruriy bilim va malakaga ega bo‘lgan mutaxassislar tayyorlovchi maxsus guruhlarni tashkil etsin.

Bunda, o‘quv auditoriyalarini jihozlash, zamonaviy texnologiya vositalari bilan ta’minlash Uzum yetishtiruvchilar va vino tayyorlovchilarni qo‘llab-quvvatlash jamg‘armasi, Bog‘dorchilik va issiqxona xo‘jaligini rivojlantirish jamg‘armasi, homiylik mablag‘lari hamda xalqaro moliya institutlari grantlari hisobidan amalga oshiriladi.

12. “O‘zstandart” agentligiga xalqaro darajada tan olingan standartlar talablariga mos mahsulot yetishtirishni ko‘paytirish, sitrus, subtropik va tropik o‘simliklar, jumladan limon mahsulotlarini ushbu standartlar talablari asosida sertifikatlash ishlarini jadallashtirish yuklatilsin.

13. O‘zbekiston milliy teleradiokompaniyasiga sitrus, subtropik va tropik o‘simliklar bo‘yicha ilg‘or texnologiyalar, fan va ishlab chiqarishdagi yutuqlarga oid maxsus ko‘rsatuvlarni muntazam namoyish etib borish yuklatilsin.

14. O‘zbekiston Respublikasi Qishloq xo‘jaligi vazirligi huzuridagi Bog‘dorchilik va issiqxona xo‘jaliklarini rivojlantirish agentligi:

Qoraqalpog‘iston Respublikasi Vazirlar Kengashi va viloyatlar hokimliklari, Uyushma bilan birgalikda ikki oy muddatda 2020-yilda qo‘shimcha 2,5 ming gektar yer maydonida amalga oshiriladigan limonchilik yo‘nalishidagi loyihalarning manzilli ro‘yxatini shakllantirsin;

zarur hollarda, Uyushma taklifiga asosan mazkur qarorning 1 va 2-ilovalariga o‘zgartirish va qo‘shimchalar kiritsin.

15. O‘zbekiston Respublikasi Qishloq xo‘jaligi vazirligi Adliya vazirligi bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.

16. Mazkur qaror ijrosi quyidagi tartibda amalga oshirilsin:

O‘zbekiston Respublikasi Bosh vazirining maslahatchisi A.D. Vaxabov, qishloq xo‘jaligi vazirining birinchi o‘rinbosari Sh.J. Teshayev — ushbu qaror ijrosining tashkil etilishini, 2020-yilda amalga oshiriladigan limonchilik yo‘nalishidagi loyihalarning tarmoq jadvallari ishlab chiqilishi va ishga tushirilishi, limonzorlar uchun ajratiladigan subsidiyalarning maqsadli yo‘naltirilishini ta’minlasin;

O‘zbekiston Respublikasi qishloq xo‘jaligi vaziri J.A. Xodjayev, Bog‘dorchilik va issiqxona xo‘jaligini rivojlantirish agentligi direktori N.E. Najimov — davlat-xususiy sheriklik shartlari asosida Sitrus, subtropik va tropik o‘simliklar ilmiy-amaliy markazi faoliyatini tashkil etish, sohada kooperatsiya munosabatlarini shakllantirish hamda ilmiy-tadqiqotlar ko‘lamini kengaytirish choralarini ko‘rsin;

Oldingi tahrirga qarang.

O‘zbekiston Respublikasi investitsiyalar va tashqi savdo vazirining o‘rinbosari F.J. Rahimov, qishloq xo‘jaligi vaziri J.A. Xodjayev — xalqaro moliya institutlari mablag‘lari jalb etilishi, tashqi bozorlar konyunkturasi bo‘yicha marketing tadqiqotlari o‘tkazilishi va limon eksporti geografiyasi kengaytirilishini ta’minlasin;

(16-bandning to‘rtinchi xatboshisi O‘zbekiston Respublikasi Prezidentining 2021-yil 30-apreldagi PF-6217-sonli Farmoni tahririda — Qonun hujjatlari ma’lumotlari milliy bazasi, 01.05.2021-y., 06/21/6217/0409-son)

Qoraqalpog‘iston Respublikasi Vazirlar Kengashi raisi, viloyatlar va tumanlar hokimlari — limonzorlar barpo etish uchun yer maydonlarini ajratish, kooperatsiya munosabatlarini shakllantirish asosida ishlab chiqarish hajmini ko‘paytirish, qo‘shilgan qiymat zanjirini yaratish hamda eksport salohiyatini oshirish choralarini ko‘rsin;

Qoraqalpog‘iston Respublikasi Vazirlar Kengashi raisi, viloyatlar va tumanlar hokimlarining qishloq xo‘jaligi bo‘yicha o‘rinbosarlari — limonzorlar barpo etish va hududlarni limonchilikka ixtisoslashtirish choralarini ko‘rsin, “Sitrus, subtropik va tropik o‘simlik yetishtiruvchilar va eksport qiluvchilar” uyushmasi faoliyatiga ko‘maklashsin.

O‘zbekiston Respublikasi Prezidenti Sh. MIRZIYOYEV

Toshkent sh.,

2020-yil 19-fevral,

PQ-4610-son

O‘zbekiston Respublikasi Prezidentining 2020-yil 19-fevraldagi PQ-4610-son qaroriga
1-ILOVA

2020-yilda Qoraqalpog‘iston Respublikasi va viloyatlarda ishga tushadigan limonchilik yo‘nalishidagi loyihalarning

MANZILLI RO‘YXATI

T/r	Loyiha tashabbuskorlari	Loyihaning qisqacha tavsifi (ga)	Loyihaning umumiy qiymati		Moliyalashtirish manbasi			Yaratiladigan ish joyi	Loyihani ishga tushirish muddati	Xizmat ko‘rsatuvchi bank
T/r	Loyiha tashabbuskorlari	Loyihaning qisqacha tavsifi (ga)	ming AQSH doll.	mln so‘m	o‘z mablag‘i (mln so‘m)	bank krediti (mln so‘m)	xorijiy investitsiya (ming AQSH doll.)	Yaratiladigan ish joyi	Loyihani ishga tushirish muddati	Xizmat ko‘rsatuvchi bank
83	Jami	2 495	11 050	5 672 134	1 697 292	3 971 407	11 050	26 667
Qoraqalpog‘iston Respublikasi
Nukus tumani
1.	“Davkar limon agro” MCHJ	12	3 000	2 000	2 000		3 000	50	2020-yil noyabr	Turonbank
2.	YTT “Qudekov Jadiger Saparbaevich”	1	270	50	50		270	10	2020-yil avgust	Turonbank
Taxiatosh tumani
3.	“Ilham Agro Teplitsa” MCHJ	3		8 900	250	8 700		15	2020-yil iyun	Turonbank
Shumanay tumani
4.	“Yetti Xazina Olami” MCHJ	2	400	1 300	1 300		400	45	2020-yil sentabr	Turonbank
Ellikqal’a tumani
5.	“Umidbek Odilbek” MCHJ	2	500	400	400		500	5	2020-yil oktabr	Turonbank
Jami		20	4 170	12 650	4 000	8 700	4 170	125
Andijon viloyati
Andijon tumani
1.	“Xayrixon Qo‘ldosh” F/X	1		500	150	350		8	2020-yil III chorak	Agrobank
Asaka tumani
2.	“Risalotxon Limonariya Bog‘lari” MCHJ	1		180	130	50		8	2020-yil III chorak	Milliy bank
Buloqboshi tumani
3.	“Usmonbodlik Jasurbek” MCHJ	1		650	650			10	2020-yil II chorak	Milliy bank
Xo‘jaobod tumani
4.	“Shoirabonu Yog‘dusi” MCHJ	1		750	200	550		5	2020-yil II chorak	Agrobank
5.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Jami		104	0	232 480	70 250	162 230	0	1 231
Buxoro viloyati
Vobkent tumani
1.	“Rahor Garder” MCHJ	1		500	150	350		10	2020-yil II chorak	Turonbank
2.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
	Jami	101	0	230 900	69 270	161 630	0	1 210
Qashqadaryo viloyati
Muborak tumani
1.	“Muborak Yaguar” MCHJ	1		1 600	475	1 200		5	2020-yil aprel	Turonbank
2.	“Qodir Orzu Omad” MCHJ	2		5 800	1 000	4 800		7	2020-yil dekabr	Turonbank
Qarshi tumani
3.	“Sapar Bobo Nabirasi Javoxir” MCHJ	5		16 600	4 200	12 400		15	2020-yil aprel	Turonbank
4.	“Demetr Agro Park” MCHJ	100		230 400	69 120	161 280		1 100	2020-yil dekabr	Tijorat banklari
5.	“Limo Laym” MCHJ	1		1 200	380	855		6	2020-yil aprel	Turonbank
Mirishkor tumani
6.	“Bo‘ri Devonbegi” MCHJ	2		5 100	1 300	4		7	2020-yil aprel	Turonbank
7.	“Jeynov Mebel Gold” MCHJ	1		1 300	427	950		6	2020-yil aprel	Turonbank
8.	“Bek Cluster” MCHJ	100		230 400	69 120	161 280		1 200	2020-yil dekabr	Turonbank
9.	“Sardor Eksport Servis” MCHJ	2		3 800	1 400	2 400		7	2020-yil dekabr	Turonbank
Dexqonobod tumani
10.	“Oydin Oxunovna” XK	1		1 700	522	1 200		6	2020-yil aprel	Turonbank
Shahrisabz tumani
11.	“Yangi Hayot Chorva Invest” MCHJ	1		4 000	1 100	2 900		7	2020-yil dekabr	Turonbank
12.	“Kesh Global Story Servis” MCHJ	1		4 000	1 100	2 900		5	2020-yil dekabr	Turonbank
13.	“Kesh Aziz Shifo” MCHJ	1		3 000	1 100	1 900		4	2020-yil dekabr	Turonbank
14.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Jami		317	0	739 300	220 364	515 349	0	3 575
Navoiy viloyati
Karmana tumani
1.	“Jaloyir Limoni” oilaviy korxonasi	1		400	200	200		2	2020-yil oktabr	Turonbank
Navbahor tumani
2.	“Davr” MCHJ	1		2 900	900	2 000		80	2020-yil dekabr	Turonbank
Uchquduq tumani
3.	YTT “Bo‘riyeva Maxfuza”	1		500	500			10	2020-yil sentabr	Milliy bank
4.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Jami		103	0	234 200	70 720	163 480	0	1 292
Namangan viloyati
Norin tumani
1.	“Asqarali Ota Bo‘stoni” FX	1		550	250	300		7	2020-yil III chorak	Agrobank
Pop tumani
2.	“Root Steam” MCHJ	5	1 500	4 700	4 700		1 500	50	2020-yil IV chorak	Turonbank
Yangiqo‘rg‘on tumani
3.	“Oxunova Xurinsa Jo‘rabekovna” F/X	1		300	200	100		3	2020-yil III chorak	Agrobank
4.	“Vodiy Agro Kompleks” F/X	2		6 000	1 500	4 500		10	2020-yil IV chorak	Turonbank
5.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Jami		108	1 500	241 950	75 770	166 180	1 500	1 270
Samarqand viloyati
Urgut tumani
1.	“Obloqul Boymatov qo‘rg‘oni” F/X	1		750	225	525		4	2020-yil noyabr	Agrobank
Kattaqo‘rg‘on tumani
2.	“Azizlar” MCHJ	1		600	300	300		6	2020-yil dekabr	Turonbank
3.	“Jonkel Bogiyeram Mevalari” F/X	1		600	300	300		6	2020-yil dekabr	Turonbank
4.	YTT “Normatov Sherzod”	1		600	300	300		6	2020-yil dekabr	Turonbank
5.	YTT “Xayitov Zoxid”	1		600	300	300		6	2020-yil dekabr	Turonbank
6.	YTT “Shakarov Nuriddin Abduxakimovich”	1		600	300	300		6	2020-yil dekabr	Turonbank
7.	“Nusxas XAX” F/X	1		600	300	300		6	2020-yil dekabr	Turonbank
8.	“Innavatsion Investor 7777” MCHJ	1		600	300	300		6	2020-yil dekabr	Turonbank
9.	“Mashxurbek Mad” F/X	1		600	300	300		6	2020-yil dekabr	Turonbank
Samarqand tumani
10.	“Samejon Agro Fayz Hosil” F/X	1		750	300	450		4	2020-yil noyabr	Milliy bank
11.	YTT “Abbosov Ma’ruf”	1		750	300	450		4	2020-yil noyabr	Agrobank
12.	“Bek Cluster” MCHJ	200		460 800	138 240	322 560		2 400	2020-yil dekabr	Turonbank
Jami		211	0	467 850	141 465	326 385	0	2 460
Surxondaryo viloyati
Sariosiyo tumani
1.	“Jasur Ulug‘bek Farovon Fayz” F/X	1		1 000	200	800		8	2020-yil oktabr	Tijorat banklari
Sho‘rchi tumani
2.	“Muxamad Golden Uzumi” MCHJ	1		1 000	250	750		5	2020-yil iyun	Tijorat banklari
Qumqo‘rg‘on tumani
3.	“Ayon Oyjamoli” F/X	1		1 000	250	750		4	2020-yil avgust	Tijorat banklari
4.	“Xamrox Fayz bog‘lari” FX	1		1 000	250	750		4	2020-yil sentabr	Tijorat banklari
5.	“Surxon Limonchilik Agrosanoat” MCHJ	10		10 000	2 500	7 500		40	2020-yil sentabr	Tijorat banklari
6.	“Ermuminovlar Uzumzori” F/X	2		2 000	500	1 500		8	2020-yil sentabr	Tijorat banklari
7.	“Demetr Agro Park” MCHJ	100		230 400	69 120	161 280		1 100	2020-yil dekabr	Tijorat banklari
8.	“Nihol Navbaxor” XK	1		1 000	250	750		4	2020-yil iyul	Tijorat banklari
9.	“Bek Cluster” MCHJ	200		460 800	138 240	322 560		2 400	2020-yil dekabr	Tijorat banklari
Jami		317	0	708 200	211 560	496 640	0	3 573
Sirdaryo viloyati
Mirzaobod tumani
1.	“Bunyodbek Universal Xamkor” XK	5	1 500	12 000	12 000		1 500	40	2020-yil dekabr	Turonbank
2.	“Voxidjon Universal Xamkor” XK	5	1 500	5 900	5 900		1 500	40	2020-yil dekabr	Turonbank
3.	“Ulug‘obod Ixlos Baraka” XK	5	1 500	5 400	5 400		1 500	40	2020-yil dekabr	Turonbank
4.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Sayxunobod tumani
5.	“Sayxunobod Limonchilk Clusteri” MCHJ	140		300 000	50 000	250 000		800	2020-yil dekabr	Asakabank
6.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Xovos tumani
7.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Sirdaryo tumani
8.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Sardoba tumani
9.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Guliston tumani
10.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
11.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Boyovut tumani
12.	“Bek Cluster” MCHJ	100		230 400	69 120	161 280			2020-yil dekabr	Tijorat banklari
Jami		955	4 500	2 166 500	626 260	1 540 240	4 500	9 320
Toshkent viloyati
Yuqorichirchiq tumani
1.	“Sim Agro Group” MCHJ	10		27 000	27 000			37	2020-yil III chorak	Sanoatqurilishbank
Yangiyo‘l tumani
2.	“Saxiy Bog‘ Nematlari” MCHJ	2		5 700	100	5 600		15	2020-yil III chorak	Qishloqqurilishbank
Zangiota tumani
3.	“Sherpulat O‘g‘illari” MCHJ	2		5 700		5 700		20	2020-yil III chorak	Agrobank
Qibray tumani
4.	“Qibray limonchilik klasteri” MCHJ (“Bek Cluster”)	33		95 000	30 000	65 000		60	2020-yil IV chorak	Agrobank
5.	“Nikitchenko” F/X	1		2 304	691	1 613		4	2020-yil IV chorak	Savdogar bank
6.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Jami		147	0	366 104	126 911	239 193	0	1 336
Farg‘ona viloyati
Toshloq tumani
1.	“Bog‘bon Sarkor” F/X	2	880	2 000	2 000		880	15	2020-yil iyul	Turonbank
2.	“Bek Cluster” MCHJ	100		230 400	69 120	161 280		1 200	2020-yil dekabr	Tijorat banklari
Jami		102	880	232 400	71 120	161 280	880	1 215
Xorazm viloyati
Urganch tumani
1.	“Agro Savdo Urganch” MCHJ	2		7 600	1 900	5 700		10	2020-yil I chorak	Turonbank
2.	“Fayz Baraka Xorazm” MCHJ	1		4 100	1 000	3 100		5	2020-yil I chorak	Turonbank
3.	“Zilola Zufar” MCHJ	1		3 300	830	2 500		6	2020-yil I chorak	Turonbank
Xazorasp tumani
4.	“Xazorasp Varm Xous” MCHJ	1		3 800	1 000	2 800		5	2020-yil II chorak	Turonbank
5.	“Surojiddin Fruit Gardens” MCHJ	1		4 700	1 100	3 600		7	2020-yil II chorak	Turonbank
6.	“Xazorasp Agro Grin”MCHJ	1		3 500	1 000	2 500		5	2020-yil III chorak	Turonbank
Xonqa tumani
7.	“Muzaffarbek Xursandbek Davlatbek” MCHJ	2		5 900	1 100	4 800		11	2020-yil I chorak	Turonbank
8.	“Qoraqosh Savdo Invest” XK	1		3 900	802	3 100		5	2020-yil II chorak	Turonbank
9.	“Axmadjon Axrorjon Mustafo” F/X	1		2 800	870	2 000		6	2020-yil III chorak	Turonbank
Jami		11	0	39 600	9 602	30 100	0	60

Oldingi tahrirga qarang.

O‘zbekiston Respublikasi Prezidentining 2020-yil 19-fevraldagi PQ-4610-son qaroriga
1a-ILOVA

2021-2022-yillarda “Turonbank” ATB tomonidan moliyalashtirish hisobiga tashkil etiladigan limonzorlar maydonlarining

PROGNOZ KO‘RSATKICHLARI

T/r	Hududlar nomi	Tashkil etiladigan limonzorlar gektar	Limon hosili tonna	Yaratiladigan doimiy ish o‘rinlari	Mavsumiy ish o‘rinlari	Talab etiladigan limon ko‘chatlari dona
JAMI:		2 031	120 000	12 186	14 217	2 234 100
1.	Andijon viloyati	26	1 500	156	182	28 600
2.	Buxoro viloyati	20,5	1 200	123	144	22 550
3.	Qashqadaryo viloyati	5,5	300	33	39	6 050
4.	Namangan viloyati	862,5	50 800	5 175	6 038	948 750
5.	Surxondaryo viloyati	1 000	59 300	6 000	7 000	1 100 000
6.	Farg‘ona viloyati	100	5 900	600	700	110 000
7.	Xorazm viloyati	2,5	150	15	18	2 750
8.	Toshkent viloyati	14	850	84	98	15 400

(1a-ilova O‘zbekiston Respublikasi Prezidentining 2021-yil 3-avgustdagi PQ-5207-sonli qaroriga asosan kiritilgan — Qonunchilik ma’lumotlari milliy bazasi, 04.08.2021-y., 07/21/5207/0750-son)

O‘zbekiston Respublikasi Prezidentining 2020-yil 19-fevraldagi PQ-4610-son qaroriga
2-ILOVA

Limon yetishtirishga ixtisoslashtiriladigan hududlar

RO‘YXATI

T/r	Hududlar nomi	Ixtisoslashtirish davriga qadar (2017 — 2019 yy.)			Ixtisoslashtirish natijasiga ko‘ra (2020-y.)
T/r	Hududlar nomi	Limonzor maydoni, ga	Mahsulot hajmi, tn	Eksport hajmi, tn	Yangi tashkil etiladi, ga	Umumiy limonzor maydoni, ga	Mahsulot hajmi, tn	Eksport hajmi, tn	O‘sish sur’ati, foizda
*Andijon viloyati bo‘yicha*
1.	Andijon tumani	6,5	47,7	19,1	3,5	10	250	100	524
2.	Asaka tumani	5,3	52,3	20,9	6,7	12	300	120	574
Jami		11,8	100	40	10,2	22	550	220	550
*Buxoro viloyati bo‘yicha*
1.	Peshku tumani	6	36	14,4	44	50	500	200	1389
Jami		6	36	14,4	44	50	500	200	1389
*Jizzax viloyati bo‘yicha*
1.	Forish tumani	5,2	125	50	14,8	20	400	160	320
2.	G‘allaorol tumani	5,5	100	40	14,5	20	400	160	400
3.	Zomin tumani	1,5	80	32	14,5	16	320	128	400
4.	Zarbdor tumani	3,3	90	36	12,7	16	320	128	356
Jami		15,5	395	158	56,5	72	1 440	576	365
*Qashqadaryo viloyati bo‘yicha*
1.	Chiroqchi tumani	17,2	813	325,2	16,8	34	952	380,8	117
2.	G‘uzor tumani	16,2	717	286,8	50	66	1 848	739,2	258
3.	Qamashi tumani	12,7	628	251,2	17,3	30	840	336	134
4.	Qarshi tumani	34	1 700	680	53	87	2 436	974,4	143
5.	Kitob tumani	24,4	1 290	516	15,6	40	2 200	880	171
6.	Shahrisabz tumani	16	652	260,8	34	50	1 400	560	215
7.	Yakkabog‘ tumani	15,9	470	188	14	30	840	336	179
Jami		136,4	6 270	2 508	200,7	337	10 516	4206,4	168
*Samarqand viloyati bo‘yicha*
1.	Bulung‘ur tumani	15	26	10,4	10	25	650	260	2500
2.	Jomboy tumani	22	29	11,6	4	25	650	260	2241
3.	Samarqand tumani	2	12	4,8	19	20	520	208	4333
4.	Urgut tumani	12	32	12,8	13	25	650	260	2031
Jami		51	99	39,6	46	95	2 470	988	2495
*Sirdaryo viloyati bo‘yicha*
1.	Xovos tumani	9,3	605	242	100	109,3	2 405	961,84	398
2.	Mirzaobod tumani	12,1	625	250	100	112,1	2 466	986,48	395
3.	Sayhunobod tumani	12,5	875	350	100	112,5	2 475	990	283
Jami		33,9	2 105	842	300	333,9	7 346	2938,32	349
*Surxondaryo viloyati bo‘yicha*
1.	Boysun tumani	12	600	240	16	28	812	324,8	135
2.	Denov tumani	17,2	930	372	22,8	40	1 160	464	125
3.	Jarqo‘rg‘on tumani	10	65,5	26,2	40	50	1 450	580	2214
4.	Qumqo‘rg‘on tumani	32,8	1 966,1	986,4	17,2	50	2 000	800	102
5.	Oltinsoy tumani	12	786	314,4	18	30	870	348	111
6.	Sariosiyo tumani	13,5	885	354	26,5	40	1 160	464	131
7.	Termiz tumani	11	721	288,4	100	111	3 219	1287,6	446
8.	Uzun tumani	18,5	1 000	400	6,5	25	1 000	400	100
Jami		127	6 953,6	2 981,4	247	374	11 671	4668,4	168
*Navoiy viloyati bo‘yicha*
1.	Xatirchi tumani	6,2	10	4	19,8	26	572	228,8	5720
2.	Nurota tumani	2,3	16	6,4	17,7	20	440	176	2750
Jami		8,5	26	10,4	37,5	46	1 012	404,8	3892
*Namangan viloyati bo‘yicha*
1.	Chortoq tumani	7,1	85	34	12	19	494	197,6	581
2.	Pop tumani	7,5	82,5	33	18,5	26	676	270,4	819
3.	To‘raqo‘rg‘on tumani	19,2	165	66	10,8	30	780	312	473
4.	Yangiqo‘rg‘on tumani	7	115,5	46,2	13	20	520	208	450
Jami		40,8	448	179,2	54,3	95	2 470	988	551
*Toshkent viloyati bo‘yicha*
1.	Bekobod tumani	3,9	16,6	6,6	22	25,9	699	279,72	4211
2.	Bo‘stonliq tumani	4	32	12,8	6	10	270	108	844
3.	Qibray tumani	10,9	34	13,6	200	211	3 697	1478,8	10874
Jami		18,8	82,6	33	228	246,9	4 666	1866,5	5649
*Farg‘ona viloyati bo‘yicha*
1.	Bag‘dod tumani	18,3	53,2	21,3	11,7	30	780	312	1466
2.	Quva tumani	2,6	234	93,6	17,4	20	520	208	222
3.	Rishton tumani	11,3	597	452,8	10,7	22	1 210	484	74
4.	So‘x tumani	-	-	-	15	15	390	156	-
Jami		32,2	884,2	567,7	54,8	87	2 262	904,8	118
Respublika bo‘yicha jami		481,9	17399,4	7 373,7	1 279	1 758,8	44 903,1	17 961,2	258

(Qonun hujjatlari ma’lumotlari milliy bazasi, 20.02.2020-y., 07/20/4610/0194-son; Qonunchilik ma’lumotlari milliy bazasi, 01.05.2021-y., 06/21/6217/0409-son, 04.08.2021-y., 07/21/5207/0750-son, 21.12.2021-y., 06/21/36/1175-son; 30.12.2024-y., 06/24/228/1091-son; 18.02.2025-y., 06/25/22/0156-son)