O‘zbekiston Respublikasi Prezidentining
qarori
O‘zbekiston Respublikasida gematologiya va transfuziologiya xizmatlarini rivojlantirish hamda onkogematologik va davolash qiyin bo‘lgan kasalliklarga chalingan shaxslarni yanada qo‘llab-quvvatlash chora-tadbirlari to‘g‘risida
2019 — 2025-yillarda O‘zbekiston Respublikasi sog‘liqni saqlash tizimini rivojlantirish konsepsiyasi doirasida aholiga qulay va sifatli birlamchi tibbiy-sanitariya, tez tibbiy yordam hamda ixtisoslashtirilgan yordam ko‘rsatishda qator ishlar amalga oshirilmoqda.
Shu bilan birga, gematologik, onkogematologik va boshqa davolash qiyin bo‘lgan kasalliklarga chalingan shaxslarga tibbiy yordam ko‘rsatish, ushbu kasalliklar profilaktikasini kuchaytirish va ularni keltirib chiqaruvchi omillarning oldini olish bugungi kunda aholi salomatligini muhofaza qilishning dolzarb masalalaridan biri bo‘lib qolmoqda.
Aholiga gematologik yordam ko‘rsatishni yangi bosqichga ko‘tarish, kasalliklarning oldini olish va erta aniqlash tizimini yanada rivojlantirish, sohaga ilg‘or tashxis usullarini joriy etish va gematologik kasalliklarni davolashda transplantatsiya usulini rivojlantirish, gematologiya va transfuziologiya xizmatlarining moddiy-texnik bazasi hamda kadrlar salohiyatini mustahkamlash, shuningdek, onkogematologik va davolash qiyin bo‘lgan kasalliklarga chalingan shaxslarni davolashni moliyaviy tomondan qo‘shimcha qo‘llab-quvvatlashni tashkil etish maqsadida:
1. Quyidagilarni nazarda tutuvchi O‘zbekiston Respublikasida gematologiya va transfuziologiya xizmatlarini rivojlantirish bo‘yicha chora-tadbirlar dasturi (keyingi o‘rinlarda — Dastur) 1-ilovaga muvofiq tasdiqlansin:
gematologik kasalliklarga tashxis qo‘yish uchun tibbiyot muassasalarining laboratoriyalarini reagentlar bilan ta’minlanganlik darajasini 7,5 barobarga oshirish;
respublika va hududiy tibbiyot muassasalarining gematologik kasalliklarini davolash uchun zarur bo‘lgan dori vositalari bilan ta’minlanganlik darajasini 2020-yilda 6 barobarga va keyingi yillarda bosqichma-bosqich oshirib borish;
miyeloma va limfoma kasalligiga chalingan bemorlarda autologik o‘zak hujayralari transplantatsiyasini o‘tkazish;
transfuziologiya (qon bilan ishlash) xizmati moddiy-texnika bazasini yaxshilash, qon komponentlari va preparatlarini ishlab chiqarish hajmini oshirish hamda xavfsizligini ta’minlash, aholi o‘rtasida beg‘araz donorlik harakatini rivojlantirish.
Dasturga muvofiq gematologiya xizmatini rivojlantirish uchun 546,5 mlrd so‘m va 70,7 mln AQSH dollari ajratilishi nazarda tutilganligi ma’lumot uchun qabul qilinsin.
2. Quyidagilarni nazarda tutuvchi Gematologiya va transfuziologiya xizmatlarining kadrlar salohiyatini mustahkamlash bo‘yicha “Yo‘l xaritasi” 2-ilovaga muvofiq tasdiqlansin:
2020/2021 o‘quv yilidan boshlab va keyingi besh o‘quv yili davomida “Gematologiya va transfuziologiya” mutaxassisligi yo‘nalishi bo‘yicha magistratura va klinik ordinaturada kadrlarni davlat grantlari asosida tayyorlash;
hududiy tibbiyot muassasalarining gematolog va laborant shifokorlarini asosiy ish joylarida oylik maoshi saqlab qolgan holda respublikaning yetakchi tibbiyot muassasalarida stajirovka o‘tishi va malaka oshirishini tashkil etish;
gematologiya yo‘nalishi bo‘yicha kadrlarni xorijiy oliy ta’lim va ilmiy muassasalarning klinik ordinatura (rezidentura), magistratura va doktorantura bosqichlarida tayyorlash.
3. O‘zbekiston Respublikasi Sog‘liqni saqlash vazirligi va Moliya vazirligining:
Gematologiya va qon quyish ilmiy-tekshirish instituti negizida Respublika ixtisoslashtirilgan gematologiya ilmiy-amaliy tibbiyot markazini (keyingi o‘rinlarda — Markaz);
Buxoro, Jizzax, Navoiy, Sirdaryo va Toshkent viloyatlari kattalar va bolalar ko‘p tarmoqli tibbiyot markazlarining O‘zbekiston Respublikasi Davlat budjeti hisobidan moliyalashtiriladigan o‘rin-joylar sonini oshirish hisobiga gematologiya bo‘limlarining kattalar va bolalar uchun mo‘ljallangan o‘rin-joylarini mos ravishda 20 — 30 taga yetkazish hamda Toshkent shahridagi tegishli tibbiyot muassasasida 20 — 30 o‘rinli kattalar bo‘limini tashkil etish to‘g‘risidagi takliflari ma’qullansin.
4. Belgilab qo‘yilsinki:
a) Markaz:
Gematologiya va qon quyish ilmiy-tekshirish institutining barcha huquq va majburiyatlari bo‘yicha huquqiy vorisi hisoblanadi;
O‘zbekiston Respublikasi Sog‘liqni saqlash vazirligi tibbiyot tashkilotlarining gematologiya bo‘limlari faoliyatiga tashkiliy-metodik rahbarlik qiladi;
b) 2020-yil 1-apreldan boshlab Markazga O‘zbekiston Respublikasi Sog‘liqni saqlash vazirligining respublika ixtisoslashtirilgan tibbiyot markazlarining faoliyatini yuritish bilan bog‘liq amaldagi tartib tatbiq etiladi.
5. Davlat aktivlarini boshqarish agentligi, “Hududgazta’minot” AJ, Sog‘liqni saqlash vazirligi va Toshkent shahar hokimligining “Hududgazta’minot” AJ Chilonzor tuman gaz ta’minoti filialining Toshkent shahar, Chilonzor tumani, 5-mavze, 55 a-uyda joylashgan bino va inshootlarini tegishli hududi bilan birga Markaz infratuzilmasini yaxshilash maqsadida Markazga bepul o‘tkazib berish to‘g‘risidagi takliflari ma’qullansin.
Toshkent shahar hokimligi ikki oy muddatda “Hududgazta’minot” AJ Chilonzor tuman gaz ta’minoti filialiga tegishli yer maydoni ajratilishini ta’minlasin.
Oldingi tahrirga qarang.
(6-band O‘zbekiston Respublikasi Prezidentining 2021-yil 25-maydagi PQ-5124-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2021-y., 07/21/5124/0487-son)
Oldingi tahrirga qarang.
(7-band O‘zbekiston Respublikasi Prezidentining 2021-yil 25-maydagi PQ-5124-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2021-y., 07/21/5124/0487-son)
8. O‘zbekiston Respublikasi Sog‘liqni saqlash vazirligi, Moliya vazirligi hamda Monopoliyaga qarshi kurashish qo‘mitasining Sog‘liqni saqlash vazirligi huzurida yuridik shaxs maqomiga ega bo‘lmagan Onkogematologik va davolash qiyin bo‘lgan kasalliklarga chalingan bemorlarni sog‘lomlashtirishga ko‘maklashish jamg‘armasini (keyingi o‘rinlarda — Jamg‘arma) tashkil etish to‘g‘risidagi taklifi ma’qullansin.
9. Quyidagilar Jamg‘arma mablag‘larini shakllantirish manbalari etib belgilansin:
Oldingi tahrirga qarang.
2024-yil 1-yanvargacha O‘zbekiston Respublikasi Davlat budjetiga tushadigan tamaki mahsulotlari uchun aksiz solig‘i yig‘im summasining 7 foizi;
(9-bandning ikkinchi xatboshisi O‘zbekiston Respublikasi Prezidentining 2023-yil 6-sentabrdagi PF-156-sonli Farmoni tahririda — Qonunchilik ma’lumotlari milliy bazasi, 07.09.2023-y., 06/23/156/0684-son)
Jamg‘armaning vaqtincha bo‘sh mablag‘larini tijorat banklari depozitlariga joylashtirishdan olinadigan daromadlar;
jismoniy va yuridik shaxslarning homiylik xayriyalari;
qonun hujjatlarida taqiqlanmagan boshqa manbalar.
10. Belgilansinki:
a) Jamg‘arma mablag‘lari hisobidan tashxis qo‘yiladigan va davolanadigan onkogematologik va davolash qiyin bo‘lgan kasalliklar ro‘yxati O‘zbekiston Respublikasi Sog‘liqni saqlash vazirligi tomonidan tasdiqlanadi;
b) Jamg‘arma mablag‘laridan:
Oldingi tahrirga qarang.
onkogematologik va davolash qiyin bo‘lgan kasalliklarga chalingan bemorlarga tibbiy yordam ko‘rsatish uchun tegishli tibbiyot muassasalarini qurilish va ta’mirlash, ularga asbob-uskunalar, dori vositalari, tibbiy buyumlar, laboratoriya reaktivlari va boshqa sarflash vositalarini sotib olishda;
(10-band “b” kichik bandining ikkinchi xatboshisi O‘zbekiston Respublikasi Prezidentining 2022-yil 26-oktabrdagi PQ-411-son qarori tahririda — Qonunchilik ma’lumotlari milliy bazasi, 27.10.2022-y., 07/22/411/0961-son)
onkogematologik va davolash qiyin bo‘lgan kasalliklar bo‘yicha yuqori texnologiyali murakkab operatsiyalarni amalga oshirish uchun yuqori malakali xorijiy mutaxassislarni respublikaga jalb qilishda;
Oldingi tahrirga qarang.
Sog‘liqni saqlash vazirligi tomonidan tasdiqlangan ro‘yxat asosida og‘ir kasallikka chalingan yetim bolalar va ota-ona qaramog‘idan mahrum bo‘lgan bolalarning respublikada yo‘lga qo‘yilmagan jarrohlik amaliyotlari bo‘yicha xorijiy davlatlardagi jarrohlik operatsiyalari bilan bog‘liq xarajatlarni qoplash uchun;
(10-band O‘zbekiston Respublikasi Prezidentining 2022-yil 11-maydagi PQ-241-sonli qaroriga asosan oltinchi xatboshi bilan to‘ldirilgan — Qonunchilik ma’lumotlari milliy bazasi, 12.05.2022-y., 07/22/241/0408-son)
onkogematologik va davolash qiyin bo‘lgan kasalliklarga chalingan bemorlarga respublika hududidagi davlat va nodavlat tibbiyot tashkilotlarining yuqori texnologik tashxis va tibbiy yordam ko‘rsatish xizmatlarini xarid qilish xarajatlarini qoplash uchun foydalaniladi.
11. O‘zbekiston Respublikasi Sog‘liqni saqlash vazirligi Moliya vazirligi bilan birgalikda uch oy muddatda Jamg‘arma to‘g‘risidagi nizomni ishlab chiqsin va belgilangan tartibda Vazirlar Mahkamasiga kiritsin.
Bunda Jamg‘arma mablag‘larini sarflashning aniq va shaffof tartibi, uning daromadlari va xarajatlari bo‘yicha hisobot berish, oshkoralik va xolislikni ta’minlash masalalarini nazarda tutsin.
12. O‘zbekiston Respublikasi Sog‘liqni saqlash vazirligi bir oy muddatda:
Markazning tuzilmasi va ustavini;
respublika, viloyat va tuman (shahar) miqyosida ko‘rsatiladigan tibbiy xizmatlar hajmi va turi bo‘yicha gematologik tibbiy yordam ko‘rsatish tartibini;
mutaxassislarning funksional vazifalarini hamda gematolog kabineti va bo‘limini jihozlash standartlarini tasdiqlasin.
13. O‘zbekiston Respublikasi Moliya vazirligi:
O‘zbekiston Respublikasi Davlat budjeti xarajatlarining har yilgi parametrlarini shakllantirishda ushbu qaror bilan tasdiqlangan tadbirlarni amalga oshirish uchun zarur mablag‘larni nazarda tutsin;
Jamg‘armaga belgilangan miqdordagi mablag‘lar O‘zbekiston Respublikasi Davlat budjetidan yo‘naltirilishini ta’minlasin.
14. O‘zbekiston Respublikasi Investitsiyalar va tashqi savdo vazirligi Sog‘liqni saqlash vazirligi va Tashqi ishlar vazirligi bilan birgalikda Dasturda ko‘zda tutilgan tadbirlarni amalga oshirish uchun xalqaro moliya institutlari va xalqaro hukumat moliyaviy tashkilotlarining imtiyozli kreditlari (qarzlari) va grantlarini jalb qilish bo‘yicha zarur choralarni ko‘rsin.
15. O‘zbekiston Respublikasi Prezidentining ayrim hujjatlariga 3-ilovaga muvofiq o‘zgartirish va qo‘shimchalar kiritilsin.
16. O‘zbekiston Respublikasi Sog‘liqni saqlash vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
17. Mazkur qaror ijrosi quyidagi tartibda amalga oshirilsin:
O‘zbekiston Respublikasi Bosh vaziri A.N. Aripov — mazkur qarorning o‘z vaqtida sifatli va to‘liq ijro etilishini ta’minlasin, unda ko‘rsatilgan chora-tadbirlarni amalga oshirish uchun mas’ul vazirlik, idoralar va tashkilotlar faoliyatini samarali muvofiqlashtirsin, ularning bajarilgan ishlar to‘g‘risidagi hisobotlarini har chorakda qabul qilsin hamda aniqlangan kamchiliklarni o‘z vaqtida bartaraf etish choralarini ko‘rsin;
O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov — mazkur qaror bilan belgilangan tegishli chora-tadbirlarni to‘liq hajmda moliyalashtirilishini ta’minlasin, ajratilayotgan budjet mablag‘larining samarali foydalanishi ustidan nazorat o‘rnatilishini tashkil qilsin;
O‘zbekiston Respublikasi sog‘liqni saqlash vaziri A.K. Shadmanov — aholiga gematologik yordam ko‘rsatish sifatini yaxshilash, kasalliklar profilaktikasi, erta tashxis qo‘yish va davolash choralarini takomillashtirsin, Jamg‘arma mablag‘laridan maqsadli va samarali foydalanilishini ta’minlasin hamda mazkur qaror ijrosi bo‘yicha har chorakda Vazirlar Mahkamasiga axborot kiritib borsin;
O‘zbekiston Respublikasi sog‘liqni saqlash vazirining o‘rinbosari B.M. Nizamov — Markazga yangi bino qurish va mavjud binolarni rekonstruksiya qilish, gematologiya va transfuziologiya xizmatlarining moddiy-texnika bazasini mustahkamlash, dori vositalari, tibbiy buyumlar va tibbiy texnikani belgilangan muddatlarda va to‘liq hajmda xarid qilish ishlarining o‘z vaqtida va sifatli amalga oshirilishini ta’minlasin hamda sohaga xalqaro moliya institutlari va xorijiy hukumat moliya tashkilotlarining grant mablag‘larini keng jalb qilsin;
O‘zbekiston Milliy axborot agentligi bosh direktori A.K. Ko‘chimov va O‘zbekiston Milliy teleradiokompaniyasi raisi v.b. A.D. Xadjayev — ushbu qarorning mazmun-mohiyati va amaliy ahamiyatini yoritishga oid maqolalar, brifinglar, press-konferensiyalar, tematik teleko‘rsatuvlar tashkil etsinlar.
O‘zbekiston Respublikasi Prezidenti Sh. MIRZIYOYEV
Toshkent sh.,
2020-yil 10-fevral,
PQ-4592-son
O‘zbekiston Respublikasi Prezidentining 2020-yil 10-fevraldagi PQ-4592-son qaroriga
1-ILOVA
O‘zbekiston Respublikasida gematologiya va transfuziologiya xizmatlarini rivojlantirish bo‘yicha
chora-tadbirlar dasturi
Oldingi tahrirga qarang.

T/r

Chora-tadbirlar nomlanishi

Amalga oshirish shakli

Amalga oshirish muddati

Summa

Moliyalashtirish manbalari

Mas’ul ijrochilar

I. Gematologiya xizmatini rivojlantirish

1. Gematologiya xizmati faoliyatini yaxshilash va moddiy-texnik bazasini mustahkamlash

1.

Gematologik kasalliklarga tashxis qo‘yishning zamonaviy usullarini joriy etish maqsadida:

Tashkiliy chora-tadbirlar

O‘zbekiston
Respublikasi Davlat

budjeti mablag‘lari

Sog‘liqni saqlash vazirligi (Shadmanov),

Moliya vazirligi
(Ishmetov)

Respublika ixtisoslashtirilgan gematologiya ilmiy-amaliy tibbiyot markazini zamonaviy laboratoriya asbob-uskunalari bilan jihozlash;

2020-yil iyun

1 612 mln so‘m

zarur reagentlar va trombokonsentrat tayyorlash uchun bir marotaba ishlatiladigan sarflov materiallari bilan ta’minlash.

2020 — 2024-yillar

11 495 mln so‘m

shundan:

2020-yil

1 883 mln so‘m

2021-yil

2 071 mln so‘m

2022-yil

2 278 mln so‘m

2023-yil

2 506 mln so‘m

2024-yil

2 757 mln so‘m

2.

Gematologik kasalliklar tashxisi uchun hududiy tibbiyot muassasalari laboratoriyalarini reagentlar bilan ta’minlash.

Tashkiliy chora-tadbirlar

2020 — 2024-yillar

1 316 mln so‘m shundan:

Mahalliy budjet mablag‘lari

Qoraqalpog‘iston Respublikasi

Vazirlar Kengashi, viloyatlar va Toshkent shahar hokimliklari,

Moliya vazirligi (Ishmetov),

Sog‘liqni saqlash vazirligi (Shadmanov)

2020-yil

215 mln so‘m

2021-yil

237 mln so‘m

2022-yil

261 mlnso‘m

2023-yil

287 mln so‘m

2024-yil

316 mln so‘m

3.

Respublika ixtisoslashtirilgan gematologiya ilmiy-amaliy tibbiyot markazini davolash va diagnostika uskunalari (sun’iy nafas olish apparati, kardiomonitor, infuzomat va boshqalar) bilan jihozlash.

Tashkiliy chora-tadbirlar

2020-yil

4 137 mln so‘m

O‘zbekiston Respublikasi

Investitsiya dasturi doirasida

Davlat budjeti mablag‘lari

Sog‘liqni saqlash vazirligi (Shadmanov),

Moliya vazirligi (Ishmetov),

Investitsiyalar va tashqi savdo vazirligi (Umurzakov)

5.

Respublika ixtisoslashtirilgan gematologiya ilmiy-amaliy tibbiyot markazida 300 nafar miyeloma yoki limfoma kasalligiga chalingan bemorlarda autologik o‘zak hujayralari transplantatsiyasi amaliyotini o‘tkazish.

Tashkiliy chora-tadbirlar

2020 — 2024-yillar

26 812 mln so‘m shundan:

O‘zbekiston Respublikasi Davlat budjeti mablag‘lari

Sog‘liqni saqlash vazirligi (Shadmanov),

Moliya vazirligi (Ishmetov)

2020-yil

4 392 mln so‘m

2021-yil

4 831 mln so‘m

2022-yil

5 314 mln so‘m

2023-yil

5 845 mln so‘m

2024-yil

6 430 mln so‘m

2. Gematologik kasalliklariga chalingan bemorlarni davolash uchun tibbiyot muassasalarini dori vositalari bilan ta’minlanganlik darajasini oshirish

6.

O‘tkir va surunkali gemoblastoz kasalligiga chalingan bemorlarni sitostatik, gemostatik, glyukokortikoid va yondosh terapiya uchun zarur bo‘lgan dori vositalari bilan ta’minlash.

Tashkiliy chora-tadbirlar

2020-yil

30 000 mln so‘m

Onkogematologik va davolash qiyin bo‘lgan kasalliklarga chalingan

shaxslarni sog‘lomlashtirishga ko‘maklashish jamg‘armasi mablag‘lari,

Sog‘liqni saqlash vazirligi (Shadmanov),
Moliya vazirligi (Ishmetov)

2020 — 2024-yillar

222 165 mln so‘m shundan:

O‘zbekiston Respublikasi
Davlat budjeti mablag‘lari

2020-yil

36 390 mln so‘m

2021-yil

40 029 mln so‘m

2022-yil

44 032 mln so‘m

2023-yil

48 435 mln so‘m

2024-yil

53 279 mln so‘m

7.

Aplastik anemiya va trombotsitopenik purpura kasalligiga chalingan bemorlarni immunodepresant va immunoglobulin dori vositalari bilan ta’minlash.

Tashkiliy chora-tadbirlar

2020 — 2024-yillar

7 735 mln so‘m shundan:

O‘zbekiston Respublikasi Davlat budjeti mablag‘lari

Sog‘liqni saqlash vazirligi (Shadmanov),
Moliya vazirligi (Ishmetov)

2020-yil

1 267 mln so‘m

2021-yil

1 394 mln so‘m

2022-yil

1 533 mln so‘m

2023-yil

1 686 mln so‘m

2024-yil

1 855 mln so‘m

8.

Gemofiliya kasalligiga chalingan bemorlarni qon ivish omillari bilan ta’minlash.

Tashkiliy chora-tadbirlar

2020 — 2024-yillar

203 339 mln so‘m shundan:

O‘zbekiston Respublikasi Davlat budjeti mablag‘lari

Sog‘liqni saqlash vazirligi (Shadmanov),
Moliya vazirligi (Ishmetov)

2020-yil

33306 mln so‘m

2021-yil

36 637 mln so‘m

2022-yil

40 301 mln so‘m

2023-yil

44 331 mln so‘m

2024-yil

48 764 mln so‘m

9.

Suyak ko‘migi depressiyasi va qon paydo bo‘lishi buzilishi bilan kechuvchi qon kasalliklariga chalingan bemorlarni ferment va target dori vositalari bilan davolashni ta’minlash.

Tashkiliy chora-tadbirlar

2020 — 2024-yillar

11 755 mln so‘m shundan:

O‘zbekiston Respublikasi Davlat budjeti mablag‘lari

Sog‘liqni saqlash vazirligi (Shadmanov),
Moliya vazirligi (Ishmetov)

2020-yil

1925 mln so‘m

2021-yil

2 118 mln so‘m

2022-yil

2 330 mln so‘m

2023-yil

2 563 mln so‘m

2024-yil

2 819 mln so‘m

10.

GIPAP xalqaro xayriya dasturi doirasida surunkali miyeloleykoz kasalligiga chalingan bemorlarni dori vositalari bilan ta’minlash.

Tashkiliy chora-tadbirlar

2020-yil

26 448 ming AQSH doll.

GIPAP xalqaro xayriya dasturi (Shveysariya)

Sog‘liqni saqlash vazirligi (Shadmanov)

2021-yil

26 448 ming AQSH doll

3. Gematologik kasalliklarni profilaktikasi, erta tashxis qo‘yish va davolash choralarini takomillashtirish

11.

Gematologiya xizmati faoliyatini tashkil etishning zamonaviy talablari va standartlaridan kelib chiqqan holda gematologiya bo‘limlari (xonalari) faoliyatini tartibga soluvchi idoraviy hujjatlarni, shu jumladan shtat normativlarini xatlovdan o‘tkazish va yangi tahrirda tasdiqlash.

Sog‘liqni saqlash vazirining buyrug‘i

2020-yil 1-aprel

-

-

Sog‘liqni saqlash vazirligi (Shadmanov),
Moliya vazirligi (Ishmetov)

12.

Sog‘liqni saqlash vazirligi tizimidagi tibbiyot tashkilotlarida statsionar va ambulatoriya sharoitida gematologik kasalliklar turiga ko‘ra ko‘rsatiladigan tibbiy yordam hajmini belgilash.

Sog‘liqni saqlash vazirining buyrug‘i

2020-yil 1-may

-

-

Sog‘liqni saqlash vazirligi (Shadmanov)

13.

Gematologik kasalliklarning keng qamrovli va shaffof onlayn reyestrini yaratish.

Tashkiliy chora-tadbirlar

2020-yil

100 mln so‘m

Markazning budjetdan tashqari mablag‘lari

Sog‘liqni saqlash vazirligi (Shadmanov),
Moliya vazirligi (Ishmetov)

2021-yil

110 mln so‘m

14.

Viloyat ko‘p tarmoqli tibbiyotmarkazlarining onkogematologiya bo‘limlariga bemorlarni yo‘llanma bilan (ordersiz) bepul davolanishini joriy qilish.

Sog‘liqni saqlash vazirining buyrug‘i

2020-yil 1-may

-

-

Sog‘liqni saqlash vazirligi (Shadmanov)

II. Transfuziologiya xizmatini rivojlantirish

1. Transfuziologiya xizmatini rivojlantirish, qon komponentlari hamda preparatlarini ishlab chiqarish hajmini oshirish

16.

Qon bilan ishlash muassasalarini donor qonini to‘plash, qayta ishlash va infeksiyalarga tekshirish uchun zarur sarf vositalari bilan ta’minlash (zarur tibbiy asbob-uskunalar sotib olingandan so‘ng moliyalashtiriladi).

Tashkiliy chora-tadbirlar

2021 — 2024-yillar

20 041 mln so‘m

shundan:

O‘zbekiston Respublikasi Davlat budjeti mablag‘lari

Sog‘liqni saqlash vazirligi (Shadmanov),

Moliya vazirligi (Ishmetov),

Iqtisodiyot va sanoat vazirligi

(Xodjayev)

2021-yil

4 318 mln so‘m

2022-yil

4 750 mln so‘m

2023-yil

5 225 mln so‘m

2024-yil

5 748 mln so‘m

18.

Respublika qon quyish markazining yerto‘la qismi va uchinchi qavatini qon zaxiralari hajmini oshirish va zamonaviy standartlarga mos xolda saqlashni tashkil etish maqsadida kapital ta’mirlash.

Tashkiliy chora-tadbirlar

2020-yil avgust

5 000 mln so‘m

O‘zbekiston Respublikasi Davlat budjeti mablag‘lari

Sog‘liqni saqlash vazirligi (Shadmanov)

19.

Qon va uning komponentlarini hamda preparatlarini ishlab chiqarish hajmini oshirish maqsadida GMP talablariga javob beradigan zavod qurish. Bunda:

Tashkiliy chora-tadbirlar

Loyiha-smeta hujjatlari asosida

Xalqaro moliya institutlarining grant va kredit mablag‘lari

Sog‘liqni saqlash vazirligi (Shadmanov),

Investitsiya va tashqi savdo vazirligi (Umurzakov),

Moliya vazirligi (Ishmetov),

Iqtisodiyot va sanoat vazirligi

(Xodjayev)

loyiha-smeta hujjatlarini ishlab chiqish va ekspertizadan o‘tkazish;

2020-yil sentabr

qurilish ishlarini amalga oshirish.

2021 — 2023-yillar

20.

9 ta hududiy va 2 ta davolash muassasalarini (Toshkent tibbiyot akademiyasining Ko‘p tarmoqli klinikasi va V. Voxidov nomidagi Xirurgiya RIIATM va uning filiali) qon quyish stansiyalarida lokal kompyuter tarmog‘ini yaratish va o‘zaro bog‘lash, qon xizmati axborot tizimini amaliyotga joriy etish.

Tashkiliy chora-tadbirlar

2020-yil oktabr

-

Muassasalarning budjet
va budjetdan tashqari mablag‘lari

Sog‘liqni saqlash vazirligi (Shadmanov),

viloyatlar va Toshkent shahar
hokimliklari

21.

Qon bilan ishlash muassasalarini kerakli kompyuter texnikasi, shtrix kodlarni o‘qish uchun skanerlar va yopishtiriluvchi etiketkalarni bosib chiqarish uchun maxsus termo printerlar bilan ta’minlash.

Tashkiliy chora-tadbirlar

2020-yil
noyabr

964 mln so‘m

Muassasalarning budjetdan tashqari mablag‘lari

Sog‘liqni saqlash vazirligi (Shadmanov)

2. Aholi orasida beg‘araz donorlik faoliyatini rivojlantirish

22.

Oliy va o‘rta maxsus, kasb-hunar ta’limi muassasalari, Mudofaa vazirligi, Ichki ishlar vazirligi muassasalari va o‘quv yurtlarida hamda O‘zbekiston yoshlar ittifoqida beg‘araz donorlikni targ‘ibot qilish bo‘yicha faollar (volontyorlar) harakatini tashkil qilish.

O‘zbekiston yoshlar ittifoqi bilan hamkorlikda “O‘zbekistonda beg‘araz donorlikni rivojlantirish” mavzusida konferensiya o‘tkazish.

Tashkiliy chora-tadbirlar

2020-yil iyun

-

Ijrochilar mablag‘lari

Sog‘liqni saqlash vazirligi

(Shadmanov),
Oliy va o‘rta maxsus ta’lim vazirligi

(Madjidov),

Mudofaa vazirligi

(Qurbanov),

Ichki ishlar vazirligi (Bobojonov), O‘zbekiston yoshlar ittifoqi

(Sa’dullayev)

23.

Yoshlar, o‘quv muassasalarining o‘quvchilari va kursantlari orasida hamda O‘zbekiston “Qizil yarim oy” jamiyati markazlarida beg‘araz donorlik bo‘yicha yoshlar harakati va klublarini tashkil qilish.

Tashkiliy chora-tadbirlar

2020-yil may

-

Ijrochilar mablag‘lari

Sog‘liqni saqlash vazirligi

(Shadmanov),
Oliy va o‘rta maxsus ta’lim vazirligi

(Madjidov),

Mudofaa vazirligi

(Qurbanov),

Ichki ishlar vazirligi (Bobojonov), O‘zbekiston yoshlar ittifoqi

(Sa’dullayev)

24.

Respublika aholisi orasida beg‘araz donorlikni targ‘ib qilishda oliy o‘quv yurtlari, korxona va tashkilotlar rahbarlari, harbiy qismlar boshliqlari, mahalliy o‘zini o‘zi boshqarish organlarining faol ishtirokini ta’minlash.

Maktablarning yuqori sinf o‘quvchilari bilan beg‘araz donorlikni rivojlantirish bo‘yicha tushuntirish ishlarini tashkil qilish va eng yaxshi plakatlar, eng yaxshi tashviqot guruhi konkurslarini tashkil qilish.

Tashkiliy chora-tadbirlar

Doimiy

-

Ijrochilar mablag‘lari

Sog‘liqni saqlash vazirligi (Shadmanov),

O‘zbekiston yoshlar ittifoqi

(Sa’dullayev),

tegishli vazirlik
va idoralar,

Qoraqalpog‘iston Respublikasi Vazirlar Kengashi, viloyatlar

va Toshkent shahar hokimliklari

25.

Har yili 14-iyun — Butunjahon donorlar kunini nishonlash, faxriy donorlar va donorlikka targ‘ibot qilish bo‘yicha faollarni rag‘batlantirish.

Tashkiliy chora-tadbirlar

Doimiy

-

Ijrochilar mablag‘lari

Sog‘liqni saqlash vazirligi (Shadmanov),
oliy ta’lim muassasalari rektorlari,

O‘zbekiston yoshlar ittifoqi

(Sa’dullayev),

O‘zbekiston “Qizil yarim Oy” jamiyati

(kelishuv asosida),
MTRK

(Xadjayev),

Qoraqalpog‘iston Respublikasi Vazirlar Kengashi, viloyatlar
va Toshkent shahar hokimliklari

26.

Aholi orasida beg‘araz donorlik faoliyatini targ‘ib qilishga qaratilgan seminar va konferensiyalar, ko‘rik tanlovlar, konsertlar va sport musobaqalarini tashkil qilish.

Tashkiliy chora-tadbirlar

Doimiy

-

Ijrochilar mablag‘lari

Sog‘liqni saqlash vazirligi (Inoyatov),
Oliy ta’lim, fan va innovatsiyalar vazirligi (Abduraxmonov),
Yoshlar siyosati va sport vazirligi (Ikramov),
O‘zbekiston yoshlar ittifoqi (Poyonov),

Qoraqalpog‘iston Respublikasi Vazirlar Kengashi, viloyatlar
va Toshkent shahar hokimliklari

27.

Qon topshirish bo‘yicha o‘tkazilgan tadbirlarni ommaviy axborot vositalarida keng yoritish, televizion va radio eshittirishlar turkumini tashkil etish orqali qon donorligi ahamiyatini omma e’tiboriga yoyish.

Tashkiliy chora-tadbirlar

Doimiy

-

-

Sog‘liqni saqlash vazirligi

(Shadmanov),

MTRK

(Xadjayev),

tegishli vazirlik
va idoralar,

Qoraqalpog‘iston Respublikasi Vazirlar Kengashi, viloyatlar
va Toshkent shahar hokimliklari

Chora-tadbirlar dasturini amalga oshirish uchun jami xarajatlar — 546 581 mln so‘m va 70 771 ming AQSH dollari

shundan:

mln so‘mda

ming AQSH dollarida

O‘zbekiston Respublikasi Davlat budjeti mablag‘lari

51 4091

shu jumladan, mahalliy budjet mablag‘lari

1 316

-

Onkogematologik va davolash qiyin bo‘lgan kasalliklarga chalingan shaxslarni sog‘lomlashtirishga ko‘maklashish respublika jamg‘armasi mablag‘lari

30 000

xalqaro tashkilotlar mablag‘lari

-

70 771

(1-ilova O‘zbekiston Respublikasi Prezidentining 2026-yil 20-yanvardagi PQ-19-sonli qarori tahririda — Qonunchilik ma’lumotlari milliy bazasi, 23.01.2026-y., 07/26/19/0067-son)
O‘zbekiston Respublikasi Prezidentining 2020-yil 10-fevraldagi PQ-4592-son qaroriga
2-ILOVA
Gematologiya va transfuziologiya xizmatlarining kadrlar salohiyatini mustahkamlash bo‘yicha
“Yo‘l xaritasi”

T/r

Chora-tadbirlar nomlanishi

Amalga oshirish mexanizmi

Amalga oshirish muddati

Moliyalashtirish manbalari

Mas’ul ijrochilar

1.

2020/2021 o‘quv yilidan boshlab va keyingi besh o‘quv yili davomida “Gematologiya va transfuziologiya” mutaxassisligi bo‘yicha magistratura va klinik ordinaturada (rezidentura) kadrlarni davlat grantlari asosida tayyorlash.

1) Magistratura mutaxassisligi bo‘yicha qabulni O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari asosida amalga oshirish.

2) Ordinatura (rezidentura) mutaxassisligi bo‘yicha 2020/2021 o‘quv yilida hududiy davlat tibbiyot muassasalari uchun quyidagi maqsadli qabul ko‘rsatkichlarini belgilash:

Respublika ixtisoslashtirilgan gematologiya ilmiy amaliy tibbiyot markaziga Toshkent shahri uchun 3 ta va Toshkent viloyati uchun 3 ta, jami 6 ta o‘rin;

Toshkent tibbiyot akademiyasiga Surxondaryo viloyati uchun 3 ta va Jizzax viloyati uchun 2 ta, jami 5 ta o‘rin;

Andijon davlat tibbiyot institutiga Andijon, Farg‘ona va Namangan viloyatlari uchun 2 tadan, jami 6 ta o‘rin;

Samarqand davlat tibbiyot institutiga Samarqand va Qashqadaryo viloyatlari uchun 2 tadan, jami 4 ta o‘rin;

Buxoro davlat tibbiyot institutiga Buxoro viloyati uchun 2 ta va Navoiy viloyati uchun 3 ta, jami 5 ta o‘rin;

Toshkent tibbiyot akademiyasi Urganch filialiga Xorazm viloyati uchun 2 ta o‘rin;

Toshkent pediatriya tibbiyot instituti Nukus filialiga Qoraqalpog‘iston Respublikasi uchun 2 ta o‘rin.

Izoh: ordinatura (rezidentura)
mutaxassisligi bo‘yicha keyingi o‘quv yillari
uchun qabul ko‘rsatkichlari hududiy tibbiyot
muassasalarining ehtiyoji asosida
belgilanadi.

2020/2021 o‘quv yili

O‘zbekiston Respublikasi budjet mablag‘lari

Sog‘liqni saqlash vazirligi

(Shadmanov),

Oliy va o‘rta maxsus ta’lim vazirligi

(Madjidov),

Iqtisodiyot
va sanoat vazirligi (Xodjayev),
Moliya vazirligi (Ishmetov)

2.

Sog‘liqni saqlash tizimining birlamchi bo‘g‘ini uchun malakali gematologlarni tayyorlash.

Respublika ixtisoslashtirilgan gematologiya ilmiy-amaliy tibbiyot markazi, Toshkent vrachlar malakasini oshirish instituti va tibbiyot oliy ta’lim muassasalarining ixtisoslashtirish kurslarida gematologlarni tayyorlash. Bunda:

Mahalliy budjet mablag‘lari

Sog‘liqni saqlash vazirligi

(Shadmanov),

Qoraqalpog‘iston Respublikasi Vazirlar Kengashi, viloyatlar

va Toshkent shahar hokimliklari

2020-yilda 186 nafar gematologlarni hududiy sog‘liqni saqlash boshqaruv organlarining buyurtmasiga asosan mahalliy budjet mablag‘lari hisobiga tayyorlash;

2020-yil

keyingi yillarda hududiy davlat tibbiyot muassasalarining ehtiyojidan kelib chiqqan holda tayyorlash.

ehtiyojga asosan

3.

Hududiy tibbiyot muassasalari gematolog va laborant shifokorlari malakasini oshirish.

Hududiy tibbiyot muassasalari va Respublika ixtisoslashtirilgan gematologiya ilmiy-amaliy tibbiy markazi o‘rtasida tasdiqlangan reja jadvali asosida malaka oshirish dasturlarini tashkil etish.

Bunda, 2020 — 2024-yillar davomida har yili 26 nafar mutaxassislarni asosiy ish joylarida oylik maoshini saqlab qolgan holda Respublika ixtisoslashtirilgan gematologiya ilmiy-amaliy tibbiy markazida malakasini oshirish.

2020 — 2024-yillar

Respublika ixtisoslashti-rilgan gematologiya ilmiy-amaliy tibbiy markazining budjetdan tashqari mablag‘lari

Sog‘liqni saqlash vazirligi (Shadmanov)

4.

Xorijiy davlatlarning yetakchi tibbiyot, ta’lim va ilmiy muassasalar�da malakali gematologlarni tayyorlash.

“El-yurt umidi” jamg‘armasi ko‘magida gematologiya yo‘nalishi bo‘yicha kadrlarni tanlov asosida xorijiy tibbiyot, ta’lim va ilmiy muassasalarning klinik ordinatura (rezidentura), magistratura va doktorantura bosqichlarida tayyorlash.

2020 — 2024-yillar

“El-yurt umidi” jamg‘armasi mablag‘lari

Sog‘liqni saqlash vazirligi (Shadmanov),

“El-yurt umidi” jamg‘armasi (Bekmuradov)

Davlat tibbiyot muassasalarining tibbiyot kadrlarini yetakchi xorijiy tibbiyot va ilmiy muassasalarga markazlashtirilgan holda yuborish orqali ularning qisqa va uzoq muddatli malakasini oshirish.

Bunda 2020-yilda (jami 27 nafar):

1) Respublika ixtisoslashtirilgan gematologiya ilmiy amaliy tibbiyot markazi shifokorlaridan:

Germaniyaga — 2 nafar;

Turkiyaga — 4 nafar;

Belorussiyaga — 2 nafar;

Rossiya Federatsiyasiga — 2 nafar.

2) Qoraqalpog‘iston Respublikasi, viloyatlar va Toshkent shahar davlat tibbiyot muassasalari shifokorlaridan:

Rossiya Federatsiyasiga — 15 nafar;

Belorussiyaga — 2 nafar shifokorlar yuboriladi.







2020-yil

Sog‘liqni saqlash vazirligiga markazlashtirilgan tartibda har yili ajratiladigan budjet mablag‘lari

Sog‘liqni saqlash vazirligi (Shadmanov)

Keyingi yillarda davlat tibbiyot muassasalarining ehtiyojidan kelib chiqib belgilash.

2021 — 2024-yillar

5.

Xalqaro ilmiy-amaliy hamkorlikni kengaytirish.

Gematologiya va transfuziologiya sohasida malakali xorijiy mutaxassislar ishtirokida:

mahorat darslari hamda yuqori texnologiyali amaliyotlarni o‘tkazish;

gematologik kasalliklarni erta aniqlash, tashxis qo‘yish, davolash va profilaktika usullari bo‘yicha seminarlar, konferensiyalar, treninglar hamda vebinarlar o‘tkazish;

o‘zaro ilmiy tadqiqotlar olib borish.

Doimiy

Sog‘liqni saqlash vazirligiga markazlashtirilgan tartibda har yili ajratiladigan budjet mablag‘lari, davlat tibbiyot tashkilotlarining budjetdan tashqari mablag‘lari, xalqaro tashkilotlar va moliya institutlari, xorijiy hukumat tashkilotlarining grantlari

Sog‘liqni saqlash vazirligi (Shadmanov)

6.

Hududiy davlat tibbiyot muassasalari, shu jumladan birlamchi bo‘g‘in shifokorlari faoliyatini tashkiliy-metodik muvofiqlashtirib borish.

Belgilangan reja-jadvallariga asosan hududiy davlat tibbiyot muassasalarida joyiga chiqqan holda:

aholining gematologik kasalliklari bo‘yicha tibbiy savodxonligini oshirish;

gematologik kasalliklarni erta aniqlash va ularni profilaktikasi bo‘yicha tibbiyot xodimlarining bilim va ko‘nikmalarini oshirish;

gematologik kasalliklarning dispanser nazorati bo‘yicha birlamchi bo‘g‘in shifokorlariga ma’ruzalar va mahorat darslari o‘tkazish;

tasdiqlangan klinik davolash protokollar bo‘yicha ta’lim beruvchi seminarlar va treninglar o‘tkazish.

Doimiy

-

Sog‘liqni saqlash vazirligi (Shadmanov)

O‘zbekiston Respublikasi Prezidentining 2020-yil 10-fevraldagi PQ-4592-son qaroriga
3-ILOVA
O‘zbekiston Respublikasi Prezidentining ayrim hujjatlariga kiritilayotgan o‘zgartirish va qo‘shimchalar
1. O‘zbekiston Respublikasi Prezidentining 2017-yil 20-iyundagi PQ-3071-son qarori bilan tasdiqlangan Respublika ixtisoslashtirilgan ilmiy-amaliy tibbiyot markazlari — tibbiy xizmatlar ko‘rsatishning tegishli ixtisoslashtirilgan yo‘nalishlari bo‘yicha respublikaning bosh tibbiyot tashkilotlari ro‘yxati quyidagi mazmundagi 17-band bilan to‘ldirilsin:
“17. Respublika ixtisoslashtirilgan gematologiya ilmiy-amaliy tibbiyot markazi”.
2. O‘zbekiston Respublikasi Prezidentining 2017-yil 1-noyabrdagi PQ-3365-son qarori bilan tasdiqlangan 2018 — 2021-yillarda ilmiy-tadqiqot muassasalarining moddiy-texnika bazasini mustahkamlash dasturining rus tilidagi matni “Ministerstvo zdravooxraneniya Respubliki Uzbekistan” bo‘limi 5-pozitsiyasining “Naimenovaniye nauchno-issledovatelskogo uchrejdeniya” ustunidagi “Nauchno-issledovatelskiy institut gematologii i perelivaniya krovi” so‘zlari “Respublikanskiy spetsializirovanniy nauchno-prakticheskiy meditsinskiy sentr gematologii” so‘zlari bilan almashtirilsin.
3. O‘zbekiston Respublikasi Prezidentining 2019-yil 6-maydagi “Tibbiyot va farmatsevtika ta’limi va ilm-fani tizimini yanada rivojlantirish chora-tadbirlari to‘g‘risida”gi PQ-4310-son qaroriga 5-ilovada:
a) “Respublika ixtisoslashtirilgan ilmiy-amaliy va ilmiy tibbiyot markazlari, ularning filiallari” bloki quyidagi mazmundagi 18-band bilan to‘ldirilsin:
“18. Respublika ixtisoslashtirilgan gematologiya ilmiy-amaliy tibbiyot markazi”;
b) “Ilmiy-tadqiqot institutlari (ITI)” blokida:
2-band chiqarib tashlansin;
3 — 8-bandlar tegishincha 2 — 7-bandlar deb hisoblansin.
4. O‘zbekiston Respublikasi Prezidentining 2019-yil 7-sentabrdagi PQ-4440-son qarori bilan tasdiqlangan 2019 — 2024-yillarda kam uchraydigan (orfan) va boshqa irsiy-genetik kasalliklarga chalingan bolalarga tibbiy va ijtimoiy yordam ko‘rsatishni tashkil etish chora-tadbirlari dasturining 8-pozitsiyasi “Tadbirlarning nomi” ustunidagi “(Trenaksan)” so‘zi “(VIII, IX qon ivish omillari)” so‘zlari bilan almashtirilsin.
(Qonun hujjatlari ma’lumotlari milliy bazasi, 11.02.2020-y., 07/20/4592/0150-son; Qonunchilik ma’lumotlari milliy bazasi, 25.05.2021-y., 07/21/5124/0487-son; 12.05.2022-y., 07/22/241/0408-son; 27.10.2022-y., 07/22/411/0961-son; 13.06.2023-y., 06/23/92/0366-son; 07.09.2023-y., 06/23/156/0684-son; 23.01.2026-y., 07/26/19/0067-son)