Oʻzbekiston Respublikasining “Soliq va budjet siyosatining 2019-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2018-yil 24-dekabrdagi OʻRQ-508-son Qonuni, Oʻzbekiston Respublikasi Prezidentining “Oʻzbekiston Respublikasining soliq siyosatini takomillashtirish konsepsiyasi toʻgʻrisida” 2018-yil 29-iyundagi PF-5468-son va “Fuqarolarning pensiya taʼminoti tizimi samaradorligini oshirish va pensionerlarni ijtimoiy qoʻllab-quvvatlashni kuchaytirishga oid qoʻshimcha chora-tadbirlar toʻgʻrisida” 2018-yil 12-dekabrdagi PF-5597-son farmonlariga muvofiq, shuningdek, fuqarolarning davlat pensiya taʼminoti tizimini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

1. Vazirlar Mahkamasining “Ish haqining oʻz vaqtida toʻlanishiga doir qoʻshimcha chora-tadbirlar toʻgʻrisida” 2002-yil 19-martdagi 88-son qarorining 1-bandiga (Oʻzbekiston Respublikasi QT, 2002-y., 3-son, 15-modda) “hamda” soʻzidan keyin “2019-yil 1-yanvarga qadar boʻlgan davr uchun” soʻzlari qoʻshilsin.

2. Vazirlar Mahkamasining 2010-yil 19-fevraldagi 30-son qarori (Oʻzbekiston Respublikasi QT, 2010-y., 8-son, 62-modda) bilan tasdiqlangan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi toʻgʻrisidagi nizomda:

a) 5-band quyidagi tahrirda bayon qilinsin:

“5. Jamgʻarma tizimiga:

Jamgʻarmaning Qoraqalpogʻiston Respublikasi, viloyatlar va Toshkent shahridagi boshqarmalari;

Jamgʻarmaning tuman (shahar) boʻlimlari kiradi.

Jamgʻarma ijro etuvchi apparati, uning hududiy boshqarmalari, tuman (shahar) boʻlimlarining taʼminoti quyidagi manbalar hisobiga amalga oshiriladi:

Jamgʻarma ijro etuvchi apparati — Oʻzbekiston Respublikasi respublika budjeti mablagʻlari;

hududiy boshqarmalar, tuman (shahar) boʻlimlari — Qoraqalpogʻiston Respublikasi budjeti, viloyatlar va Toshkent shahar mahalliy budjeti mablagʻlari”;

b) 8-bandda:

“a” kichik bandda:

ikkinchi xatboshi quyidagi tahrirda bayon qilinsin:

“Jamgʻarma majburiy va boshqa toʻlovlardan tushgan mablagʻlarni Oʻzbekiston Respublikasi Moliya vazirligining Gʻaznachiligidagi (keyingi oʻrinlarda Gʻaznachilik deb ataladi) hisob raqamiga jamlaydi hamda pensiyalar, ijtimoiy nafaqalar, kompensatsiya va boshqa toʻlovlar boʻyicha xarajatlarni moliyalashtirishga yoʻnaltirishni taʼminlaydi;”;

yettinchi xatboshi quyidagi tahrirda bayon qilinsin:

“majburiy va boshqa toʻlovlar tushishi hisobini olib boradi;”;

“v” kichik bandining uchinchi xatboshidagi “aloqa tashkilotlari” soʻzlari “pensiyani yetkazib berish (topshirish) yuklangan tashkilot” soʻzlari bilan almashtirilsin;

v) 9-bandning toʻrtinchi xatboshidan “toʻlovlar, badallar” soʻzlari chiqarib tashlansin;

g) 10-bandda:

“a” kichik band quyidagi tahrirda bayon qilinsin:

“a) majburiy toʻlovlar:

belgilangan miqdorlardagi yagona ijtimoiy toʻlov tushumlari;

jismoniy shaxslar ayrim toifalarining yagona ijtimoiy toʻlovlari;”

“b” kichik bandda:

beshinchi xatboshidagi “sugʻurta badallari” soʻzlari “yagona ijtimoiy toʻlov” soʻzlari bilan almashtirilsin;

oltinchi xatboshidan “toʻlovlar, badallar” soʻzlari chiqarib tashlansin;

d) 11-band quyidagi tahrirda bayon qilinsin:

“11. Majburiy va boshqa toʻlovlarni oʻtkazish Jamgʻarma daromadlarining belgilangan tasniflariga muvofiq tushumlarning har bir turi boʻyicha Jamgʻarmaning Gʻaznachilikdagi tegishli hisob raqamlari boʻyicha amalga oshiriladi”;

e) 12-bandda:

ikkinchi — beshinchi xatboshilardan “toʻlovlar, badallar” soʻzlari chiqarib tashlansin;

oltinchi xatboshi quyidagi tahrirda bayon qilinsin:

“yagona ijtimoiy toʻlovlarning shaxslar boʻyicha hisobini amalga oshirishni va har chorakda Jamgʻarmaga yuridik shaxs tashkil etmasdan tadbirkorlik faoliyati bilan shugʻullanadigan shaxslar va dehqon xoʻjaliklari aʼzolari tomonidan toʻlangan yagona ijtimoiy toʻlovlarning miqdorlari toʻgʻrisidagi maʼlumotlar taqdim etilishini taʼminlaydi”;

yo) 13-bandning ikkinchi va uchinchi xatboshilardan “toʻlovlar, badallar” soʻzlari chiqarib tashlansin;

j) 14-bandning “b” kichik bandida:

uchinchi xatboshi chiqarib tashlansin;

toʻrtinchi va beshinchi xatboshilar tegishlicha uchinchi va toʻrtinchi xatboshilar deb hisoblansin;

z) 18-banddagi “aloqa tashkilotlari” soʻzlari “pensiyani yetkazib berish (topshirish) yuklangan tashkilot” soʻzlari bilan almashtirilsin;

i) 23-bandning ikkinchi xatboshidagi “toʻlovlar, badallar” soʻzlari chiqarib tashlansin;

k) 26-bandning beshinchi xatboshi quyidagi tahrirda bayon qilinsin:

“Oʻzbekiston Respublikasi Davlat soliq qoʻmitasining Jamgʻarmaga majburiy va boshqa toʻlovlarning toʻliq hamda oʻz vaqtida toʻlanishini taʼminlash toʻgʻrisidagi axborotini eshitish;”;

l) 34-bandning uchinchi xatboshi quyidagi tahrirda bayon qilinsin:

“majburiy va boshqa toʻlovlarning Jamgʻarmaga oʻz vaqtida toʻlanmaganligi uchun hisoblangan jarimalar, penyalar summasining 5 foizi”;

m) 38-banddan “toʻlovlar, badallar” soʻzlari chiqarib tashlansin;

n) 40-band quyidagi tahrirda bayon qilinsin:

“40. Pensiyalar, ijtimoiy nafaqalar va kompensatsiya toʻlovlari va boshqa toʻlovlarning toʻgʻri tayinlanishi va toʻlanishini, shuningdek Jamgʻarma mablagʻlaridan maqsadli foydalanilishini nazorat qilish Oʻzbekiston Respublikasi Moliya vazirligining Davlat moliyaviy nazorati departamenti va uning hududiy organlari hamda Jamgʻarmaning ichki audit va moliyaviy nazorat boshqarmasi tomonidan amalga oshiriladi.

Zarurat boʻlganda, Oʻzbekiston Respublikasi Moliya vazirligining Davlat moliyaviy nazorati departamenti va uning hududiy organlari tomonidan, mustaqil ekspertlar jalb qilingan holda bosh, tumanlararo, tuman va shahar tibbiy-mehnat ekspert komissiyalari tomonidan berilgan koʻrikdan oʻtkazish dalolatnomalari va xulosalar hujjatlari takroran ekspertizadan oʻtkazilishi mumkin”.

4. Vazirlar Mahkamasining 2012-yil 24-oktabrdagi 307-son qarori (Oʻzbekiston Respublikasi QT, 2012-y., 10-son, 77-modda) bilan tasdiqlangan Umidsiz soliq qarzini hisobdan chiqarish tartibi toʻgʻrisidagi nizomning 3-bandi ikkinchi xatboshiga “soliqqa va” soʻzlaridan keyin “2019-yil 1-yanvarga qadar boʻlgan davr uchun” soʻzlari qoʻshilsin.

9. Vazirlar Mahkamasining “Jismoniy shaxslarning mehnat stajini elektron hisobga olishni yanada takomillashtirish chora-tadbirlari toʻgʻrisida” 2017-yil 4-iyuldagi 462-son qarorida (Oʻzbekiston Respublikasi QT, 2017-y., 27-son, 620-modda):

a) 1-band quyidagi tahrirda bayon qilinsin:

“1. Oʻzbekiston Respublikasi Vazirlar Mahkamasning “Fuqarolarning pensiyalarini hisoblash uchun zarur boʻlgan hisoblangan ish haqining yakka tartibdagi hisobini yuritishni joriy etish chora-tadbirlari haqida” 2019-yil 1-fevraldagi 80-son qaroriga muvofiq 2019-yil 1-yanvardan boshlab davlat soliq xizmatlariga taqdim etiladigan soliq boʻyicha hisobotlar asosida shakllantiriladigan, fuqarolarning pensiyalarini hisoblash uchun zarur boʻlgan hisoblangan ish haqining yakka tartibdagi hisobini yuritishning markazlashtirilgan elektron reyestri tashkil etilganligi maʼlumot uchun qabul qilinsin.”;

b) 3-banddagi “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga yagona ijtimoiy toʻlov va sugʻurta badallari” soʻzlari “jismoniy shaxslardan olinadigan daromad soligʻi va yagona ijtimoiy toʻlov” soʻzlari bilan almashtirilsin.

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2017-yil 8-sentabrdagi 703-son qaroriga (Oʻzbekiston Respublikasi QT, 2017-y., 37-son, 990-modda) ilovaning 43-bandi “b” kichik bandi oʻz kuchini yoʻqotgan deb hisoblansin.