Oʻzbekiston Respublikasi Vazirlar Mahkamasining
qarori
Oʻzbekiston Respublikasi Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Oʻzbekiston Respublikasi Investitsiyalar va tashqi savdo vazirligining faoliyatini tashkil etish toʻgʻrisida” 2019-yil 23-maydagi PQ-4332-son qarorini bajarish yuzasidan Vazirlar Maxkamasi qaror qiladi:
1. Oʻzbekiston Respublikasi Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi toʻgʻrisidagi nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Gʻaniyev hamda Oʻzbekiston Respublikasi investitsiyalar va tashqi savdo vaziri S.U. Umurzakov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 5-oktabr,
849-son
Vazirlar Maxkamasining 2019-yil 5-oktabrdagi 849-son qaroriga
ILOVA
ILOVA
Oʻzbekiston Respublikasi Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Investitsiyalar va tashqi savdo vazirligi huzuridagi Investitsiya loyihalarini ishlab chiqish markazining (keyingi oʻrinlarda Markaz deb ataladi) vazifalari, funksiyalari, huquqlari va javobgarligi hamda faoliyatini tashkil etish tartibini belgilaydi.
2. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlis palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Maxkamasi qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.
Markaz iqtisodiyotning tegishli tarmoqlarida investitsiya takliflarini ishlab chiqish masalalari boʻyicha vazirliklar, idoralar va mahalliy ijro etuvchi hokimiyat organlari faoliyatini muvofiqlashtirishda Investitsiyalar va tashqi savdo vazirligiga koʻmaklashadi.
3. Markaz davlat muassasasi shaklidagi yuridik shahs hisoblanadi, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqalariga va bank hisobraqamlariga, shu jumladan xorijiy valyutadagi xisobraqamlariga, Oʻzbekiston Respublikasi Davlat gerbi tasviri tushirilgan va oʻz nomi yozilgan davlat tilida yozilgan muhrga hamda Markaz nomi va Oʻzbekiston Respublikasi Davlat gerbi tasviri tushirilgan blankalarga ega boʻladi.
4. Markazning rasmiy nomi:
a) davlat tilida:
toʻliq — Oʻzbekiston Respublikasi Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi;
qisqartirilgani — Investitsiya loyihalarini ishlab chiqish markazi;
b) ingliz tilida:
toʻliq — Centre for Development of Investment Projects under the Ministry for Investments and Foreign Trade of the Republic of Uzbekistan;
qisqartirilgani — Centre for Development of Investment Projects;
v) rus tilida:
toʻliq — Sentr razrabotki investitsionnix proyektov pri Ministerstve investitsiy i vneshney torgovli Respubliki Uzbekistan;
qisqartirilgani — Sentr razrabotki investitsionnix proyektov.
5. Markaz joylashgan joy (pochta manzili): 100047, Toshkent shahri, Yashnobod tumani, Istiqlol koʻchasi, 51-uy.
2-bob. Markazning asosiy vazifalari va funksiyalari
6. Quyidagilar Markazning asosiy vazifalari hisoblanadi:
innovatsion, yetakchi texnologiyalar va klaster yondashuvini qoʻllagan holda, ichki va tashqi bozorlarda raqobatbardosh tayyor mahsulotlar (tovarlar) ishlab chiqarishni kengaytirish uchun mamlakatning raqobat ustuvorliklarini, sanoat, infratuzilma, xomashyo va inson salohiyatini safarbar qilishga yoʻnaltirilgan yangi investitsiya loyihalarini aniqlash va ishlab chiqish;
sifatli va jahon bozorlarida raqobatbardosh mahalliy tayyor mahsulotlarni ishlab chiqarish hajmlarini kengaytirish hamda tashqi bozorlarga chiqarish uchun mavjud ishlab chiqarish quvvatlari va istiqbolli korxonalarni modernizatsiya qilish, texnik va texnologik qayta jihozlash boʻyicha investitsiya loyihalarini ishlab chiqish;
dastlabki hisob-kitoblar va salohiyatli investorlar uchun qiziqish uygʻotadigan boshqa axborotni oʻz ichiga olgan aniq loyihalarni koʻrsatgan holda, har bir hududning ishlab chiqarish salohiyati va investitsiyalarga boʻlgan ehtiyojlari hajmlarini aks ettiruvchi Oʻzbekiston Respublikasining interfaol investitsiya xaritasini ishlab chiqish hamda joriy etish;
investitsiya loyihalarini texnik qoʻllab-quvvatlash, shuningdek, xalqaro standartlarga muvofiq ularning texnik-iqtisodiy asoslarini ishlab chiqish uchun mahalliy va xorijiy loyiha-tadqiqot tashkilotlari hamda injiniring tashkilotlarini jalb qilgan holda zarur litsenziya dasturlari hamda tizimlarining maʼlumotlar bazasini shakklantirish;
investitsiya loyihalarini ishlab chiqish va Oʻzbekiston Respublikasi Investitsiyalar va tashqi savdo vazirligi hamda Oʻzbekiston Respublikasi Investitsiyalar va tashqi savdo vazirligi huzuridagi Xorijiy investitsiyalarni jalb qilish agentligiga taqdim etish, zarurat boʻlganda, xorijiy investorlarni jalb qilish uchun dastlabki texnik-iqtisodiy asoslari bilan birgalikda takliflar hamda taqdimotlarni tashkil etish.
7. Markaz oʻziga yuklangan asosiy vazifalarga muvofiq quyidagi funksiyalarni amalga oshiradi:
a) innovatsion, yetakchi texnologiyalar va klaster yondashuvini qoʻllagan holda, ichki va tashqi bozorlarda raqobatbardosh tayyor mahsulotlar (tovarlar) ishlab chiqarishni kengaytirish uchun mamlakatning raqobat ustuvorliklarini, sanoat, infratuzilma, xomashyo va inson salohiyatini safarbar qilishga yoʻnaltirilgan yangi investitsiya loyihalarini aniqlash va ishlab chiqish sohasida:
rivojlanish nuqtalari va raqobat ustunliklarini aniqlash bilan birga, hududlar va ayrim sanoat tarmoqlarining investitsiya salohiyatini oʻrganadi va tahlil qiladi;
ichki va tashqi bozorlarda marketing tadqiqotlarini tashkil qiladi va oʻtkazadi, eksport yoki import oʻrnini bosuvchi saloxiyatiga ega boʻlgan yuqori qoʻshilgan qiymatli maxsulotlarni aniqlaydi;
hududiy va tarmoq salohiyatiga oid mavjud maʼlumotlarni toʻplaydi, tahlil qiladi, tasniflaydi va hujjatlashtiradi;
klaster asosida ishlab chiqarishlarni joylashtirish uchun salohiyatli hududlarni aniqlaydi;
aniq investitsiya takliflarini aniqlash va ishlab chiqishni taʼminlaydi;
texnologiya sohasida jahon trendlarini muntazam ravishda oʻrganishni tashkil etadi;
b) sifatli va jahon bozorlarida raqobatbardosh mahalliy tayyor mahsulotlarni ishlab chiqarish hajmlarini kengaytirish hamda tashqi bozorlarga chiqarish uchun mavjud ishlab chiqarish quvvatlari va istiqbolli korxonalarni modernizatsiya qilish, texnik va texnologik qayta jihozlash boʻyicha investitsiya loyihalarini ishlab chiqish sohasida:
mavjud ishlab chiqarish quvvatlarni tahlil qiladi va baholaydi, ularning texnologik darajasi xamda texnologik modernizatsiyalashga boʻlgan ehtiyojini, jumladan, zarurat boʻlganda, davlat budjeti hisobidan va Oʻzbekiston Respublikasi kafolati bilan moliyalashtiriladigan loyihalar boʻyicha tarmoq ilmiy-texnik kengashlarini, loyiha-tadqiqot institutlari xamda texnik audit mutaxassislarini jalb qilgan holda aniqlaydi;
ishlab chiqariladigan yuqori qoʻshilgan qiymatli mahsulotning mahsuldorligi, sifati va raqobatbardoshligi boʻyicha zamonaviy talablarga javob beradigan ilgʻor texnologiyalarni topadi, tahlil qiladi hamda jalb etadi;
xoʻjalik faoliyati va ilm-fan sohalarida joriy etiladigan ilgʻor texnologiyalar boʻyicha muntazam axborot almashish uchun Markaz faoliyatiga taalluqli masalalar yuzasidan respublika vazirliklari va idoralari, shuningdek, mahalliy davlat hokimiyati organlari bilan oʻzaro hamkorlikni taʼminlaydi;
texnologik yechimlarni takomillashtirish va (yoki) yangilarini yaratish uchun bozor salohiyatini baholaydi;
dastlabki texnik, moliyaviy va iqtosodiy koʻrsatkichlarni hisobga olgan holda, investitsiya takliflarini va loyihalarini ishlab chiqadi;
v) dastlabki hisob-kitoblar va salohiyatli investorlar uchun qiziqish uygʻotadigan boshqa axborotni oʻz ichiga olgan aniq loyihalarni koʻrsatgan holda, har bir hududning ishlab chiqarish salohiyati va investitsiyalarga boʻlgan ehtiyojlari hajmlarini aks ettiruvchi Oʻzbekiston Respublikasining interfaol investitsiya xaritasini ishlab chiqish hamda joriy etish sohasida:
mavjud investitsiya salohiyati, investitsiya takliflari va tartibga solish bazasi toʻgʻrisidagi toʻliq maʼlumotlarni oʻz ichiga olgan interaktiv maʼlumotlar bazasini hududlar va tarmoqlar kesimidagi joriy qiladi;
investitsiya loyihalarini amalga oshirishni baholaydi xamda hududlar va tarmoqlarning investitsiya salohiyatining toʻliq rivojlanishga toʻsqinlik qilayotgan tavakkalchiliklarni tahlil qiladi;
yuzaga kelishi mumkin boʻlgan tavakkalchiliklarni bartaraf etish va tavakkalchiliklar hamda statistika maʼlumotlarining tahlilidan kelib chiqib, muammoli masalalarini hal etish boʻyicha takliflar ishlab chiqadi;
joriy etiladigan ilgʻor texnologiyalar afzalliklarini keng yoritish uchun konferensiyalar, seminarlar, ommaviy eshitishlar, davra suhbatlari va boshqa tadbirlarni, shu jumladan xalqaro tadbirlarni tashkil etadi va oʻtkazadi;
Markaz faoliyati bilan bogʻliq boʻlgan nashriyot-matbaa faoliyati, bosma va audiovizual mahsulotlar, reklama, axborot va boshqa materiallarni tayyorlaydi, chop etadi, tarqatadi va sotadi, shu jumladan “Internet” tarmogʻi orqali;
Markaz faoliyati davomida olingan dolzarb axborot va maʼlumotlar bazasini shakllantiradi;
g) investitsiya loyihalarini texnik qoʻllab-quvatlash, shuningdek, xalqaro standartlarga muvofiq ularning texnik-iqtisodiy asoslarini ishlab chiqish uchun mahalliy va xorijiy loyiha-tadqiqot tashkilotlari hamda injiniring tashkilotlarini jalb qilgan holda, zarur litsenziya dasturlari hamda tizimlarining maʼlumotlar bazasini shakllantirish sohasida:
turdosh tashkilotlar hamda xorijiy davlatlarning tashkilotlari bilan xamkorlik qiladi;
investitsiya loyihalarini tayyorlash va joriy qilish jarayonlarini avtomatlashtirish uchun mavjud vositalarni oʻrganadi va tahlil qiladi (loyihalarni boshqarish usullarini hisobga olgan xolda);
investitsiya loyihalarni texnik qoʻllab-quvvatlash dasturlarini va tizimlarini joriy etadi;
dastlabki loyiha hujjatlarini va texnik-iqtisodiy asoslarni yetakchi konsalting kompaniyalari bilan birgalikda ishlab chiqish doirasida zamonaviy uslubiyotlar bilan bilan tanishish, oʻrganish hamda tajriba almashishni tashkil qiladi;
birgalikda ishlash uchun yetakchi mahalliy va xorijiy loyiha-tadqiqot, injiniring va konsalting kompaniyalarni jalb qilishga koʻmaklashadi;
d) investitsiya loyihalarini ishlab chiqish va Oʻzbekiston Respublikasi Investitsiyalar va tashqi savdo vazirligi hamda Oʻzbekiston Respublikasi Investitsiyalar va tashqi savdo vazirligi huzuridagi Xorijiy investitsiyalarni jalb qilish agentligiga taqdim etish, zarurat boʻlganda, xorijiy investorlarni jalb qilish uchun dastlabki texnik-iqtisodiy asoslari bilan birgalikda takliflar hamda taqdimotlarni tashkil etish soxasida:
obyektiv maʼlumotlar tahlili asosida tayyorlangan istiqbolli investitsiya takliflarini va loyihalarini, dastlabki va yakuniy texnik-iqtisodiy asoslarni tayyorlaydi;
loyihalarni amalga oshirish muddati va samaradorligiga taʼsir etuvchi maʼmuriy imtiyozlarni qoʻllash boʻyicha takliflar kiritadi.
3-bob. Markazning huquqlari va javobgarligi
8. Markaz oʻziga yuklangan vazifalar va funksiyalarni bajarish uchun quyidagi huquqlarga ega:
Markaz vakolatlariga kiruvchi masalalarni hal etish uchun belgilangan tartibda davlat idoralarining maʼlumotlar bazasiga kirish ruxsatini olish, davlat va xoʻjalik boshqaruvchi organlari, mahalliy davlat hokimiyati organlari, respublikaning xorijdagi diplomatik va savdo vakolatxonalari, Markaziy bank va tijorat banklaridan maʼlumotlarni soʻrash va olish;
davlat statistika organlardan zarur statistik maʼlumotlarni bepul olish;
oʻz vakolatlari doirasida ekspert-tahliliy ishlarni olib borish va investitsiya takliflarini ishlab chiqish uchun toʻgʻridan toʻgʻri shartnomalar tuzish orqali xalqaro ekspertlar, davlat tashkilotlari va ularning vakillarini mahalliy va xalqaro loyiha-tadqiqot hamda injiniring kompaniyalarini, shuningdek ayrim mutaxassislarni jalb qilish;
manfaatdor tashkilotlarning soʻroviga binoan tijorat asosida, jumladan, loyiha-tadqiqot tashkilotlarini jalb qilgan holda, investitsiya takliflari boʻyicha biznes-rejalar va loyihalarning texnik-iqtisodiy asoslarini ishlab chiqish;
shartnoma asosida buyurtmachilarning texnik topshiriqlari boʻyicha investitsiya loyihalarini mustaqil baholash va tahlil qilish;
shartnoma asosida xodimlarni mahalliy va xorijiy oʻquv markazlariga, maxalliy loyiha-tadqiqot tashkilotlariga va xorijiy injiniring kompaniyalariga oʻqishga va stajirovkaga yuborish, shuningdek ishlab chiqarish korxonalarga ularning malakasini oshirish uchun yuborish;
loyiha takliflari toʻplamlarini va investitsiya pasportlarini, axborot-tahliliy va boshqa materiallarni ishlab chiqish, nashr qilish, koʻpaytirish va tarqatish;
investitsiya loyihalarini ishlab chiqish masalalariga jalb qilingan vazirlik va idoralar xodimlarining, shuningdek, maxalliy hokimiyat organlari vakillarining kasbiy va shaxsiy salohiyatini oshirishga yoʻnaltirilgan oʻquv dasturlari va modullarini ishlab chiqish, treninglar va amaliy seminarlar tashkil etish.
Markaz qonun hujjatlariga muvofiq boshqa huquqlarga ham ega boʻlish mumkin.
9. Markaz:
oʻziga yuklangan vazifalar va funksiyalar samarali bajarilishi;
Oʻzbekiston Respublikasi bilan yaqin va uzoq xorijiy mamlakatlar oʻrtasida hamkorlikni rivojlantirish boʻyicha harakatlar rejalari (“yoʻl xaritalari”)da nazarda tutiladigan Markaz faoliyatiga taalluqli tadbirlar bajarilishini soʻzsiz taʼminlash;
Oʻzbekiston Respublikasi Prezidenti Administratsiyasiga va Oʻzbekiston Respublikasi Vazirlar Mahkamasiga kiritiladigan normativ-huquqiy hujjatlar va boshqa hujjatlar loyihalarini tayyorlash muddati va sifatiga rioya qilish;
investitsion takliflari boʻyicha biznes-rejalar va loyihalarning texnik-iqtisodiy asoslarini ishlab chiqish sifati;
jismoniy va yuridik shaxslarning huquqlari hamda qonuniy manfaatlariga rioya etilishi va himoya qilinishini taʼminlash uchun masʼuldir.
4-bob. Markaz rahbarlarining asosiy funksional vazifalari
10. Markazga Direktor rahbarlik qiladi. Quydagilar uning asosiy funksional vazifalari hisoblanadi:
Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;
Markaz faoliyatiga umumiy rahbarlik qilish, Oʻzbekiston Respublikasi Prezidentining hujjatlari, Vazirlar Mahkamasining qarorlari va boshqa qonun hujjatlari bilan Markazga yuklangan vazifalar va funksiyalar bajarilishini tashkil etish;
Oʻzbekiston Respublikasi Prezidentining hujjatlari, Oʻzbekiston Respublikasi Vazirlar Mahkamasining qarorlari bilan tasdiqlangan Markaz faoliyatini yanada takomillashtirish boʻyicha kompleks dasturlar va tadbirlar ijrosini chuqur va tanqidiy tahlil qilish;
Oʻzbekiston Respublikasi Prezidenti Administratsiyasi, Oʻzbekiston Respublikasi Vazirlar Mahkamasi, shuningdek, Oʻzbekiston Respublikasi investitsiyalar va tashqi savdo vazirligining topshiriqlarini bajarish;
faoliyatning ayrim uchastkalariga rahbarlik qilish uchun Markaz mansabdor shaxslarining vakolatlarini aniqlash va ularning shaxsiy javobgarlik darajasini belgilash;
Markaz faoliyati rejalashtirilishini tashkil etish, Markaz va uning mansabdor shaxslarining har choraklik ish rejalarini tasdiqlash, ularning bajarilishi nazoratini taʼminlash;
Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari ijrosini tashkil etish va monitoringini olib borish, Markaz faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish;
Markaz xodimlarini lavozimga tayinlash va lavozimdan ozod qilish;
Markaz kadrlarini tanlash va joy-joyiga quyish, ularning samarali faoliyati uchun zarur shart-sharoitlar yaratish, Markaz kadrlar zaxirasini shakllantirish;
Markaz xodimlarini tayyorlash, qayta tayyorlash va ularning malakasini oshirish tizimini tashkil etish;
ishni tashkil etishning zamonaviy shakllari Markaz faoliyatiga joriy etilishini taʼminlash;
Rahbarlar va xodimlarning xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish va amalga oshirish, xizmat safarlarining asosliligini, samaradorligi va natijadorligini, xizmat safari sarf-xarajatlari uchun ajratiladigan mablagʻlardan maqsadli va oqilona foydalanilishini taʼminlash;
Markaz xodimlari tomonidan Markaz xodimlarining odob-axloq qoidalari talablariga rioya qilishini taʼminlash;
Markaz tizimida “Korrupsiyaga qarshi kurashish toʻgʻrisida”gi Oʻzbekiston Respublikasi Qonunining talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni aniqlash, tahlil qilish, ularning sabablari va shartlarini bartaraf etish;
Markaz vakolatiga kiradigan masalalar boʻyicha jismoniy va yuridik shaxslarning murojaatlari toʻgʻrisidagi qonun hujjatlarini ijro etish, elektron hujjatlar aylanishi tizimini keng joriy etish va undan samarali foydalanish, yuridik va jismoniy shaxslarning tushayotgan murojaatlari boʻyicha maʼlumotlar bazasini shakllantirish boʻyicha ishlarni nazorat qilish va muvofiqlashtirish, ularni koʻrib chiqish natijalari hisobga olinishi va kuzatib borilishini taʼminlash;
Markaz xodimlari tomonidan bajarilishi majburiy boʻlgan buyruqlar chiqarish va koʻrsatmalar berish;
Markaz xodimlarini ragʻbatlantirish va intizomiy javobgarlikka tortish masalalarini hal etish, shu jumladan ularning egallab turgan lavozimda keyinchalik qolishining maqsadga muvofiqligi toʻgʻrisidagi masalalarni koʻrib chiqish, ularning shaxsiy javobgarligini oshirish chora-tadbirlarini amalga oshirish;
Markazning tuzilmasini va shtatdagi xodimlari sonini oʻzgartirish toʻgʻrisida Oʻzbekiston Respublikasi investitsiyalar va tashqi savdo vaziriga takliflar kiritish;
qonuniylik va mehnat intizomining yoʻl qoʻyilgan buzilishlari holatlari boʻyicha oʻz vakolatlari doirasida xizmat tekshiruvi oʻtkazilishini tayinlash;
qonun hujjatlarida belgilangan tartibda Markaz mol-mulkini tasarruf etish.
11. Quyidagilar Markaz direktorining oʻrinbosarlari va tarkibiy boʻlinmalari rahbarlarining asosiy funksional vazifalari hisoblanadi:
Markaz tarkibiy boʻlinmalari xodimlari tomonidan Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilinishini taʼminlash;
mutasaddilik qilinadigan tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;
Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining, shuningdek, Oʻzbekiston Respublikasi investitsiyalar va tashqi savdo vazirining hujjatlari va topshiriqlari ijrosini taʼminlash;
ijro intizomini mustahkamlash boʻyicha kompleks amaliy chora-tadbirlarni amalga oshirish, topshiriqlar oʻz vaqtida va sifatli ijro etilishi uchun tarkibiy boʻlinmalar xodimlarining shaxsiy javobgarligini oshirish chora-tadbirlarini koʻrish;
Markaz qarorlari, direktorning buyruqlari va topshiriqlari oʻz vaqtida va sifatli ijro etilishini taʼminlash;
tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;
tarkibiy boʻlinmalarga yuklangan vazifalar bajarilishini nazorat qilish va muvofiqlashtirish;
tarkibiy boʻlinmalar faoliyati masalalari boʻyicha qonun hujjatlarini takomillashtirish toʻgʻrisida takliflar ishlab chiqish va ularni koʻrib chiqish uchun Markaz rahbariyatiga hamda keyinchalik Oʻzbekiston Respublikasi Investitsiyalar va tashqi savdo vazirligi rahbariyatiga kiritish;
Markaz tarkibiy boʻlinmalarida kadrlarni tanlash va joy-joyiga qoʻyishda direktorga takliflar taqdim etish, ularning kasbiy mahoratini, oʻz ishini bilishini, amaliy tajribasini, ishbilarmonlik va maʼnaviy-axloqiy sifatlarining yuqori darajasini taʼminlash, ularning kasbiy malakasini oshirish chora-tadbirlarini koʻrish, tarkibiy boʻlinmalarda kadrlar zaxirasini shakllantirish;
Markaz tarkibiy boʻlinmalari xodimlari va rahbarlari faoliyatining samaradorligi va natijadorligini tanqidiy tahlil qilish, yigʻilishlarda ularning shaxsiy hisobotlarini eshitish, yakunlar boʻyicha zarur chora-tadbirlar koʻrish;
Markaz xodimlarining odob-axloq qoidalari talablariga rioya qilish;
“Korrupsiyaga qarshi kurashish toʻgʻrisida” Oʻzbekiston Respublikasi Qonuni talablariga muvofiq Markazning tarkibiy boʻlinmalarida korrupsiya va boshqa huquqbuzarliklarning oldini olish chora-tadbirlarini koʻrish, shuningdek, huquqni qoʻllash amaliyoti va qonunchilikni takomillashtirish chora-tadbirlarini ishlab chiqish va amalga oshirish yoʻli bilan korrupsiya va boshqa huquqbuzarliklarni aniqlash, tahlil qilish, ular sodir etilishiga koʻmaklashuvchi sabablar va shart-sharoitlarni bartaraf etish;
davlat sirlariga kiritilgan axborot va mahfiy axborot bilan ishlashda qonun hujjatlari talablariga rioya qilish.
5-bob. Markaz raxbarlarining javobgarligi
12. Markaz direktori qonun hujjatlariga muvofiq:
Markazga yuklangan vazifalar va funksiyalar samarali bajarilishi;
Markazdagi ishlarning holati, tarkibiy boʻlinmalarining muvofaqlashtirilishini amalga oshirish;
oʻz lavozim vazifalarini bajarmaganligi va/yoki oʻz vaqtida bajarmaganligi;
davlat sirlariga kiritilgan axborot va maxfiy axborotni oshkor qilganlik uchun javobgar boʻladi.
13. Markaz direktori oʻrinbosarlari qonun hujjatlariga muvofiq:
oʻz vazifalarini bajarmaganligi va/yoki oʻz vaqtida bajarmaganligi;
davlat sirlariga kiritilgan axborot va maxfiy axborotni oshkor qilganlik uchun javobgar boʻladi.
6-bob. Markaz faoliyatini tashkil etish
14. Markazga Oʻzbekiston Respublikasi investitsiyalar va tashqi savdo vazirining taqdimnomasi asosida Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan direktor rahbarlik qiladi.
Direktorning Oʻzbekiston Respublikasi investitsiyalar va tashqi savdo vaziri tomonidan lavozimga tayinlanadigan va lavozimdan ozod qilinadigan birinchi oʻrinbosari va oʻrinbosari boʻladi.
Direktor maqomi, mehnatga xaq toʻlash, moddiy ragʻbarlantirish, tibbiy va transport xizmatlari shartlari boʻyicha vazir oʻrinbosariga tenglashtiriladi.
15. Direktor ish tashkil etilishini taʼminlaydi va Markaz faoliyatiga umumiy rahbarlik qiladi, shuningdek, Markaz faoliyatining sifati va yakuniy natijalari uchun javob beradi va Oʻzbekiston Respublikasi investitsiyalar va tashqi savdo vaziri bilan kelishgan holda Markazni xalqaro munosabatlarda ifoda etadi;
Markaz direktori boʻlmaganida, uning vakolatlarini direktorning birinchi oʻrinbosari amalga oshiradi.
7-bob. Texnik-iqtisodiy asoslarni ishlab chiqishda Markazning idoralararo oʻzaro xamkorligi
16. Markaz oʻz vazifa va funksiyalarini amalga oshirish doirasida maʼlumotlarni toʻplash, qayta ishlash va tasniflash boʻyicha, texnik topshiriqni tuzish va loyihalarning dastlabki texnik-iqtisodiy asoslarini ishlab chiqishda vazirliklar, idoralar, xoʻjalik birlashmalari, mahalliy davlat hokimiyati organlari va boshqa tashkilotlar (ular loyiha tashabbuskori boʻlganda) hamkorlik qiladi, shuningdek, loyihalarning texnik-iqtisodiy asoslarini tuzish va ishlab chiqishda koʻmaklashadi va ushbu sohada moslashtirilgan xorijiy standartlarni amaliyotga joriy etadi, turli sohalarga innovatsiyalarni joriy etish, yangi texnologiyalar, materiallar, buyumlar va konstruksiyalarni oʻzlashtirish boʻyicha kompleks chora-tadbirlarni amalga oshiradi.
Markaz mazkur Nizomga 1-ilovaga muvofiq sxemaga asosan idoralararo hamkorlik qiladi.
17. Markaz investitsiya loyihasi boʻyicha dastlabki hisob-kitoblarni oʻz ichiga olgan loyiha hujjatlarini tegishli vazirliklar, idoralar, xoʻjalik birlashmalari, mahalliy davlat hokimiyati organlari va boshqa tashkilotlar — loyihalar tashabbuskorlariga keyinchalik ular loyiha-tadqiqot ishlarini amalga oshiradigan tegishli loyiha, konsalting va boshqa tashkilotlarni jalb qilishi uchun berish orqali loyihalarning texnik-iqtisodiy asoslarini ishlab chiqishda koʻmaklashadi.
18. Markaz loyihalarning texnik-iqtisodiy asoslarini ishlab chiqish jarayonida mazkur Nizomga 2-ilovaga muvofiq sxema boʻyicha ishtirok etadi.
8-bob. Markaz faoliyatining samaradorligi va natijadorligini baholash mezonlari va ishchi indikatorlari
19. Markaz faoliyati uning samaradorligi va natijadorligi yuzasidan muntazam baholanadi.
20. Markaz faoliyatining samaradorligi va natijadorligini baholash Oʻzbekiston Respublikasi investitsiyalar va tashqi savdo vaziri tomonidan tasdiqlanadigan Markaz faoliyati samaradorligi va natijadorligini baholash mezonlari va ishchi indikatorlari asosida amalga oshiriladi.
21. Markaz faoliyati samaradorligi va natijadorligini baholash yakunlari boʻyicha Oʻzbekiston Respublikasi Investitsiyalar va tashqi savdo vazirligi tomonidan:
Markaz rahbarlari va xodimlariga nisbatan ragʻbatlantirish (mukofotlash) yoki tegishli intizomiy javobgarlik choralarini koʻrish;
aniqlangan kamchiliklarni bartaraf etish va Markaz faoliyatini yanada takomillashtirish chora-tadbirlari koʻriladi.
22. Markaz faoliyatinining samaradorligi va natijadorligi investitsiya loyihalarini ishlab chiqish boʻyicha vazifalarning ushbu Nizomga ilovada koʻrsatilgan muddatlarda sifatli bajarilishi, shuningdek, Markazga yuklangan boshqa vazifalarning sifatli va oʻz vaqtida bajarilishi asosida baholanadi.
23. Markaz faoliyatining samaradorligi va natijadorligini baholash tartibi va metodikasi Oʻzbekiston Respublikasi Investitsiya va tashqi savdo vazirligi tomonidan tasdiqlanadi.
9-bob. Markaz faoliyatini moliyalashtirish
24. Quyidagilar Markaz faoliyatini moliyalashtirish manbalari hisoblanadi:
Oʻzbekiston Respublikasi Davlat budjeti mablagʻlari, xalqaro va xorijiy hukumat, xalqaro moliyaviy tashkilotlar, moliya institutlari va boshqa donorlarning grantlari va kreditlari (qarzlari);
tijorat banklarning depozitlariga joylashtirilgan vaqtincha boʻsh turgan budjetdan tashqari va qarz mablagʻlardan olingan daromadlar, xizmat koʻrsatishdan olingan daromadlar;
qonun hujjatlarida taqiqlanmagan boshqa manbalar.
25. Markaz xodimlarining ish haqi lavozim maoshi, mukofotlar, qonun hujjatlarida nazarda tutilgan qoʻshimcha haqlar va ustamalardan iborat boʻladi.
26. Markaz xodimlari qonun hujjatlariga muvofiq moddiy ragʻbatlantiriladi.
27. Markaz xodimlarining moddiy ragʻbarlantirish haqidagi Nizom Oʻzbekiston Respublikasi Moliya vazirligi bilan kelishilgan holda investitsiya va tashqi savdo vaziri tomonidan tasdiqlanadi.
28. Markazning qarz mablagʻlar va tijorat banklari depozitlarida Markazning boʻsh mablagʻlarini joylashtirishdan olinadigan jami daromadlar hisobidan shakllantiriladigan budjetdan tashqari mablagʻlaridan quyidagi maqsadlarda foydalanniladi:
Oʻzbekiston Respublikasi Investitsiya va tashqi savdo vazirligi tomonidan tasdiqlangan roʻyxatga muvofiq investitsiya loyihalarining loyihaoldi hujjatlarini tayyorlash;
Oʻzbekiston Respublikasining investitsiya salohiyatini ilgari surish uchun tashkiliy hamda reklama-axborot tadbirlarini oʻtkazish, shu jumladan mahalliy va xorijiy nashrlar va elektron axborot vositalariga maqsadli reklama, maqolalar va boshqa nashrlarni joylashtirish;
xodimlarni tayyorlash, qayta tayyorlash, malakasini oshirish va stajirovka oʻtashi, Markaz faoliyatini rivojlantirish va salohiyatini oshirish bilan bogʻliq konferensiyalar, seminarlar va boshqa tadbirlar, shu jumladan xorijda oʻtkaziladigan tadbirlarni tashkil etish va ishtirok etish;
shartnoma asosida xizmatlar koʻrsatish uchun jalb etilgan yuqori malakali xorijiy mutaxassislar xarajatlarini moliyalashtirish (mehnatga xaq toʻlash, yashash xarajatlari, transport va boshqa xarajatlar);
Markaz xodimlari uchun ijtimoiy himoya va moddiy ragʻbarlantirish xarajatlarini moliyalashtirish.
10-bob. Yakunlovchi qoida
29. Markaz qonun hujjatlarida belgilangan tartibda qayta tashkil etiladi va tugatiladi.
Oʻzbekiston Respublikasi Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi toʻgʻrisidagi nizomga
1-ILOVA
1-ILOVA
Oʻzbekiston Respublikasi Investitsiyalar va tashqi savdo vazirligi xuzuridagi Investitsiya loyihalarini ishlab chiqish markazining respublika tarmoqlari va hududlarini rivojlantirish investitsiya loyihalarini ishlab chiqish boʻyicha faoliyatini tashkil etish
SXEMASI
|
Bosqichlar |
|
Subyektlar |
|
Tadbirlar |
|
Muddatlar* |
|
|
||||||
|
1-bosqich |
Markaz, vazirliklar va idoralar, hokimliklar |
Olingan maʼlumotlarni toʻplash, qayta ishlash, umumlashtirish va tasniflash. |
45 kun davomida | |||
|
|
||||||
|
2-bosqich |
Markaz |
Marketing va tijorat tahlili. |
30 kun davomida | |||
|
|
||||||
|
3-bosqich |
Markaz |
Loyihani amalga oshirish samardorligining dastlabki hisob-kitobi (investitsiya takliflari). |
30 kun davomida | |||
|
|
||||||
|
4-bosqich |
Markaz, |
Loyihani ishlab chiqish uchun texnik topshiriqni tuzish. |
10 kun davomida | |||
|
|
||||||
|
5-bosqich |
Markaz |
Batafsil marketing tadqiqoti. |
35 kun davomida | |||
|
|
||||||
|
6-bosqich |
Markaz |
Muayyan loyiha gʻoyasining imkoniyatlarini oʻrg�nish. |
30 kun davomida | |||
|
|
||||||
|
7-bosqich |
Markaz, loyiha tashabbuskori |
Dastlabki texnik-iqtisodiy asosni (TIA) tayyorlash |
30 kun davomida | |||
|
|
||||||
|
8-bosqich |
Markaz, loyiha tashabbuskori, konsalting tashkilotlar |
TIA ishlab chiqish** |
120 kun davomida |
* Investitsiya loyihasining murakkabligi hamda u amalga oshiralayotgan sohaga qarab, har bir bosqich muddati oʻzgarishi mumkin. Investitsiya loyihasini ishlab chiqish va amalga oshirishning barcha muddatlari loyiha tashabbuskori bilan kelishiladi.
** Markaz tomonidan TIA ishlab chiqish buyurtmachining ixtiyeriy talabiga binoan amalga oshiriladi. Markaz TIA ishlab chiqish jarayenida loyiha va konsalting tashkilotlarini jalb qilgan xolda, bosh pudratchi sifatida va subpudratchi sifatida ishtirok etadi.
Oʻzbekiston Respublikasi Investitsiyalar va tashqi savdo vazirligi huzuridagi Investitsiya loyixalarini ishlab chiqish markazi toʻgʻrisidagi nizomga
2-ILOVA
2-ILOVA
Investitsiya loyihalarini tayyorlashda texnik-iqtisodiy asoslarni ishlab chiqish
SXEMASI (1-ilovaning 8-chi bosqichi)
SXEMASI (1-ilovaning 8-chi bosqichi)
|
Bosqichlar |
|
Subyektlar |
|
Tadbirlar |
|
Muddatlar |
|
|
|
|
|
|
|
|
|
1-bosqich |
Markaz, |
1 — 7 bosqichlarda ishlab chiqilgan loyiha hujjatlarini toʻplash. |
3 kun davomida | |||
|
|
||||||
|
2-bosqich |
Markaz, konsalting tashkilotlari |
Loyihada taxmin qilinayotgan mahsulotga (xizmatga) mavjud va istiqboldagi (loyiha hayotga tatbiq etilayotgan davrda) talabni baholashni aks ettiruvchi marketing tahlil va hisobot berish. |
10 kun davomida | |||
|
|
||||||
|
3-bosqich |
Loyiha institutlari, konsalting tashkilotlari |
Loyixani amalga oshirishning turli texnik yechimlarini aks ettiruvchi, loyiha tuzilmasi, loyiha parametrlari, komponentlari, shuningdek, uning qiymatini aks ettiruvchi texnik yechimlar bayon etilgan texnik-texnologik tahlil va hisobot berish. |
14 kun davomida | |||
|
|
||||||
|
4-bosqich |
Loyiha institutlari, konsalting tashkilotlari |
Loyihaning ekologik jihatlarini aks ettiruvchi ekologik tahlil va hisobot berish. |
10 kun davomida | |||
|
|
||||||
|
5-bosqich |
Konsalting tashkilotlari, loyiha tashabbuskori |
Loyihani hayotiy jarayonida uni boshqarish sxemasini aks ettiruvchi, boshqarishning huquqiy asoslari, tuzilmasi va moliyaviy xarajatlarni baholash bayon qilingan institutsional tahlil va hisobot berish. |
10 kun davomida | |||
|
|
||||||
|
6-bosqich |
Loyiha institutlari, konsalting tashkilotlari |
Loyihaning arxitektura-qurilish qismini ishlab chiqish, hisobot va chizmalarni, shuningdek, qurilish smetasini berish. |
30 kun davomida | |||
|
|
||||||
|
7-bosqich |
Markaz |
Moliyaviy xarajatlar va daromadlar prognozi, loyihani moliyalashtirishning muqobil sxemalari va manbalari, inflatsiya amalga oshiriladigan loyihaga taʼsirini hisobga olish, shuningdek, loyihani amalga oshirishning moliyaviy samaradorligi va moliyaviy modelini aks ettiruvchi moliyaviy tahlil va hisobot berish. |
14 kun davomida | |||
|
|
||||||
|
8-bosqich |
Markaz |
Respublika iqtisodiyoti, hudud va tarmoq nuqtai nazaridan, loyiha samaradorligini aks ettiruvchi iqtisodiy tahlil va hisobot berish. |
14 kun davomida | |||
|
|
||||||
|
9-bosqich |
Markaz, loyiha tashabbuskori, konsalting tashkilotlari |
Loyihaning ijtimoiy jihatlari va loyihani benifitsiarlar boʻyicha amalga oshirishdan foydani aks ettiruvchi ijtimoiy tahlil va hisobot berish. |
10 kun davomida | |||
|
|
||||||
|
10-bosqich |
Loyiha tashabbuskori |
Loyihaning asosiy afzalliklari va kamchiliklarini aks ettiruvchi umumiy hulosalar, loyixani amalga oshirishning optimal variantini tanlash boʻyicha xulosalar va mantiqni bayon qilish, loyiha boʻyicha tavakkalchiliklar va ularga qarshi choralar va boshqa hulosalar. |
5 kun davomida |
(Qonun hujjatlari maʼlumotlari milliy bazasi, 05.10.2019-y., 09/19/849/3875-son)
