PQ-4463-сон 20.09.2019. Oʻzbekiston Respublikasi “Oʻzarxiv” agentligi faoliyatini takomillashtirish toʻgʻrisida

O‘zbekiston Respublikasi Prezidentining

Qarori

O‘zbekiston Respublikasi “O‘zarxiv” agentligi faoliyatini takomillashtirish to‘g‘risida

O‘zbekiston Respublikasi Prezidentining “O‘zbekiston Respublikasida arxiv ishi va ish yuritishni takomillashtirish chora-tadbirlari to‘g‘risida” 2019-yil 20-sentabrdagi PF-5834-son Farmoni ijrosini ta’minlash hamda O‘zbekiston Respublikasi “O‘zarxiv” agentligi (keyingi o‘rinlarda — Agentlik) faoliyatini takomillashtirish maqsadida:

1. Quyidagilar:

Oldingi tahrirga qarang.

(1-bandning ikkinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan chiqarilgan — Qonunchilik ma’lumotlari milliy bazasi, 25.05.2024-y., 06/24/80/0364-son)

Oldingi tahrirga qarang.

(1-bandning uchinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan chiqarilgan — Qonunchilik ma’lumotlari milliy bazasi, 25.05.2024-y., 06/24/80/0364-son)

Oldingi tahrirga qarang.

(1-bandning to‘rtinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan chiqarilgan — Qonunchilik ma’lumotlari milliy bazasi, 25.05.2024-y., 06/24/80/0364-son)

O‘zbekiston Respublikasida 2020 — 2025-yillarda arxiv ishi va ish yuritishni yanada rivojlantirish dasturi 4-ilovaga muvofiq;

2020 — 2025-yillarda davlat arxivlari binolarini va saqlovxonalarini qurish dasturi 5-ilovaga muvofiq;

2023 — 2025-yillarda davlat arxivlari binolarini rekonstruksiya qilish dasturi 6-ilovaga muvofiq tasdiqlansin.

Belgilansinki, Agentlik markaziy apparati va Qoraqalpog‘iston Respublikasi, viloyatlar va Toshkent shahar arxiv ishi boshqarmalari tuzilmasiga qo‘shimcha kiritilayotgan shtat birliklari tegishli budjet tashkilotlari shtat birliklari sonini kerakligicha qisqartirgan holda, ularni moliyalashtirish uchun O‘zbekiston Respublikasi Davlat budjetidan ajratiladigan mablag‘lar hisobidan ta’minlanadi.

2. Agentlikning asosiy vazifalari etib quyidagilar belgilansin:

Oldingi tahrirga qarang.

(2-bandning ikkinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan chiqarilgan — Qonunchilik ma’lumotlari milliy bazasi, 25.05.2024-y., 06/24/80/0364-son)

Oldingi tahrirga qarang.

Milliy arxiv fondining hujjatlarini jamlash, ularning saqlanishini, davlat hisobiga olinishini ta’minlash va ulardan keng foydalanishni tashkil qilish, arxiv ishi va ish yuritish sohasida nazoratni amalga oshirish;

(2-bandning ikkinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)

davlat arxivlarini boshqarish va ularning samarali faoliyat ko‘rsatishini ta’minlash;

arxiv xizmatlarini ko‘rsatishda nodavlat sektorini yanada rivojlantirish, arxiv ishi sohasida davlat-xususiy sheriklik uchun qulay shart-sharoitlar yaratish;

arxivshunoslik, arxeografiya, ish yuritish, elektron hujjat aylanishi sohasida ilmiy, metodik ishlarni tashkil etish va muvofiqlashtirish, ilmiy tadqiqotlar natijalarini va ilmiy-texnika yutuqlarini respublika arxivlari amaliyotiga joriy etish;

zamonaviy texnologiyalardan foydalangan holda muntazam ravishda arxiv ishi va ish yuritish sohasida faoliyat ko‘rsatayotgan xodimlarni malakasini oshirish tizimini shakllantirish;

arxiv ishi va ish yuritish sohasidagi mamlakatimiz va xorijiy davlatlarning ilg‘or ish tajribasini o‘rganish va ommalashtirish, xorijiy arxivlarda saqlanayotgan O‘zbekiston tarixiga oid arxiv hujjatlari nusxalarini olib kelish.

3. Agentlik direktoriga quyidagi huquqlar berilsin:

Oldingi tahrirga qarang.

Adliya vazirligi bilan kelishgan holda Agentlik, Qoraqalpog‘iston Respublikasi, viloyatlar va Toshkent shahar arxiv ishi hududiy boshqarmalari (keyingi o‘rinlarda — hududiy boshqarmalar) hamda idoraviy bo‘ysunuvidagi tashkilotlari tuzilmalariga boshqaruv xodimlarining cheklangan soni va mehnatga haq to‘lash fondi doirasida o‘zgartirishlar kiritish;

(3-bandning ikkinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)

mahalliy va xorijiy malakali mutaxassislarni xodimlar va maslahatchilar sifatida, ularga istisno tariqasida Arxiv ishini rivojlantirish jamg‘armasi (keyingi o‘rinlarda — Jamg‘arma) mablag‘lari hisobidan ish haqi va boshqa to‘lovlarni belgilagan holda, jalb qilish.

4. Belgilansinki, Agentlik va uning hududiy boshqarmalari xodimlari o‘z vakolati doirasida arxiv hujjatlarini topshirishning, saqlashning, ulardan foydalanishning, xuddi shuningdek arxivlar va idoraviy arxivlar tomonidan xizmatlar ko‘rsatishning belgilangan tartibini buzganlik holatlari yuzasidan ma’muriy huquqbuzarliklar to‘g‘risida bayonnomalar tuzish huquqiga egadirlar.

5. Belgilab qo‘yilsinki, Arxiv ishi va ish yuritish bo‘yicha malaka oshirish ilmiy-metodik markazida (keyingi o‘rinlarda — Markaz):

arxiv ishi va ish yuritishning zamonaviy talablari va jarayonlarini hisobga olgan holda davlat va xo‘jalik boshqaruvi organlari, mahalliy ijro hokimiyati organlari hamda boshqa tashkilot va muassasalar arxivchi va ish yurituvchi kadrlarini uch yilda kamida bir marta malakasini oshirish;

boshqa soha mutaxassislarining arxiv ishi va ish yuritish bo‘yicha bilimlarini oshirish yuzasidan o‘qishlar tashkil etish;

arxiv ishi va ish yuritishga oid respublika va xalqaro miqyosda seminarlar, konferensiyalar, anjumanlar tashkil etish;

arxiv ishi va ish yuritish sohasida ilmiy tadqiqotlar o‘tkazish;

arxivchi va ish yurituvchi kadrlarni malakasini oshirish masalalari yuzasidan xalqaro tashkilotlar hamda xorijiy davlatlar ta’lim muassasalari bilan o‘zaro hamkorlik ishlari amalga oshiriladi.

6. Quyidagilar Jamg‘arma mablag‘larini shakllantirish manbalari etib belgilansin:

davlat arxivlari pullik xizmat ko‘rsatishdan olingan daromadining 20 foizi miqdoridagi yillik majburiy ajratmalar;

Oldingi tahrirga qarang.

(6-bandning uchinchi xatboshisi O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan chiqarilgan — Qonunchilik ma’lumotlari milliy bazasi, 25.05.2024-y., 06/24/80/0364-son)

Jamg‘arma mablag‘larini tijorat banklari depozitlariga qo‘yishdan olingan daromadlar;

yuridik va jismoniy shaxslarning homiylik xayriyalari, xalqaro tashkilotlarning grantlari;

qonun hujjatlari bilan taqiqlanmagan boshqa manbalar.

Belgilansinki, Jamg‘arma mablag‘lari quyidagilarga sarflanadi:

davlat arxivlarining binolari va saqlovxonalarini ta’mirlash hamda qurish;

davlat arxivlarida zamonaviy axborot-kommunikatsiya texnologiyalarini va xavfsizlik tizimlarini joriy qilish;

xorijiy davlatlardan O‘zbekiston tarixiga oid arxiv hujjatlari nusxalarini qaytarish;

arxiv ishi sohasida turli konferensiyalar, seminarlar va boshqa tadbirlarni o‘tkazish;

Agentlik, uning hududiy boshqarmalari va idoraviy bo‘ysunuvidagi tashkilotlari moddiy-texnik bazasini mustahkamlash;

Agentlik, uning hududiy boshqarmalari va idoraviy bo‘ysunuvidagi tashkilotlari xodimlarini xorijiy davlatlarning ilmiy-tadqiqot, ta’lim va boshqa muassasalarida o‘qitish, malakasini oshirish va stajirovkadan o‘tkazish;

Agentlik, uning hududiy boshqarmalari va idoraviy bo‘ysunuvidagi tashkilotlari xodimlariga mamlakatda va xorijdagi xizmat safarlari xarajatlarini to‘lab berish;

Agentlik faoliyatini takomillashtirishga qaratilgan boshqa tadbirlar.

Oldingi tahrirga qarang.

7. Agentlik direktoriga Adliya vazirligi bilan kelishgan holda Jamg‘arma mablag‘lari hisobidan Agentlikning markaziy apparati va hududiy boshqarmalar xodimlariga asosiy egallab turgan lavozimlari bo‘yicha lavozim maoshlariga, qonun hujjatlarida nazarda tutilgan boshqa to‘lovlardan qat’iy nazar, ustama va boshqa rag‘batlantiruvchi to‘lovlarni belgilash huquqi berilsin.

(7-band O‘zbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik ma’lumotlari milliy bazasi, 25.05.2024-y., 06/24/80/0364-son)

8. Belgilansinki, 2019-yil 1-oktabrdan:

Agentlik markaziy apparati va hududiy boshqarmalari xodimlarining lavozim maoshlarini Yagona tarif setkasi bo‘yicha mehnatga haq to‘lashning tasdiqlangan razryadlariga asosan belgilashda tarif koeffitsiyenti 1,6 baravarga oshirgan holda qo‘llaniladi;

Agentlik markaziy apparati va hududiy boshqarmalari xodimlariga sohada uzoq muddat xizmat qilgani uchun ish haqiga ustama haq to‘lanadi.

Ushbu bandni amalga oshirish bilan bog‘liq xarajatlar O‘zbekiston Respublikasi Davlat budjeti mablag‘lari hisobidan qoplanadi.

Oldingi tahrirga qarang.

8¹. Belgilansinki, 2026-yil 1-yanvardan boshlab:

davlat arxivlari xodimlarining mehnatga haq to‘lashning eng kam miqdoriga nisbatan hisoblanadigan bazaviy lavozim maoshlari miqdorlari 1,5 koeffitsiyentga oshirilgan holda qo‘llaniladi;

davlat arxivlarining xodimlariga Agentlik va uning arxiv ishi hududiy boshqarmalarining xodimlariga uzoq muddat xizmat qilganligi uchun belgilangan miqdorlarda ustama haq to‘lash tartibi tatbiq etiladi.

Bunda oshirilgan koeffitsiyent va uzoq muddat xizmat qilganligi uchun ustama xarajatlari 2026-yilda tegishli budjetlarning zaxira jamg‘armalari mablag‘lari hisobidan qoplanadi, 2027-yildan boshlab davlat budjeti parametrlarida nazarda tutiladi.

(8¹-band O‘zbekiston Respublikasi Prezidentining 2025-yil 24-noyabrdagi PF-228-sonli Farmoniga asosan kiritilgan — Qonunchilik ma’lumotlari milliy bazasi, 25.11.2025-y., 06/25/228/1070-son)

9. Toshkent shahar hokimligi va O‘zbekiston Respublikasi Davlat aktivlarini boshqarish agentligi ikki oy muddatda O‘zbekiston milliy arxivlari binosi qurilish davrida Agentlikni davlat tasarrufidagi bo‘sh turgan obyektlarga vaqtinchalik joylashtirishga ko‘maklashsin.

10. O‘zbekiston Respublikasi Vazirlar Mahkamasi uch oy muddatda:

O‘zbekiston Respublikasi “O‘zarxiv” agentligi;

arxiv ishi va ish yuritish holati bo‘yicha davlat nazoratini amalga oshirish tartibi;

Arxiv ishini rivojlantirish jamg‘armasi;

Arxiv ishi va ish yuritish bo‘yicha malaka oshirish ilmiy-metodik markazi to‘g‘risidagi nizomlarni tasdiqlasin.

LexUZ sharhi

Qarang: Vazirlar Mahkamasining 2020-yil 19-martdagi 174-son qarori bilan tasdiqlangan O‘zbekiston Respublikasi “O‘zarxiv” agentligi huzuridagi Arxiv ishi va ish yuritish bo‘yicha malaka oshirish ilmiy-metodik markazi ustavi.

11. Agentlik manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.

12. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti maslahatchisi A.A. Abduvaxitov zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2019-yil 20-sentabr,

PQ-4463-son

Oldingi tahrirga qarang.

(1-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)

Oldingi tahrirga qarang.

(2-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)

Oldingi tahrirga qarang.

(3-ilova O‘zbekiston Respublikasi Prezidentining 2024-yil 24-maydagi PF-80-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 25.05.2024-y., 06/24/80/0364-son)

O‘zbekiston Respublikasi Prezidentining 2019-yil 20-sentabrdagi PQ-4463-son qaroriga
4-ILOVA

O‘zbekiston Respublikasida 2020 — 2025-yillarda arxiv ishi va ish yuritishni yanada rivojlantirish

DASTURI

Oldingi tahrirga qarang.

T/r	Chora-tadbirlar nomi	Amalga oshirish shakli	Bajarish muddatlari	Moliyalashtirish manbai	Mas’ul ijrochilar
I. Arxiv ishi va ish yuritishning normativ va uslubiy bazasini takomillashtirish
1.	O‘zbekiston Respublikasining “Arxiv ishi to‘g‘risida”gi Qonuniga o‘zgartirish va qo‘shimchalar kiritish to‘g‘risida”gi Qonuni loyihasini belgilangan tartibda kiritish. Qonun loyihasi quyidagilarni nazarda tutadi: nodavlat arxivlarning faoliyatini rivojlantirish; hujjatlarini Milliy arxiv fondida doimiy saqlash huquqi berilgan vazirlik va idoralar arxivlarining maqomini belgilash; arxiv binolarini tasarrufdan chiqarishga bo‘lgan talablarni belgilash; tashkilotlar tomonidan arxiv hujjatlarini davlat arxivlariga elektron nusxalari bilan topshirish majburiyatini belgilash; arxiv hujjatlarining elektron nusxalarini yaratish tartibini belgilash.	O‘zbekiston Respublikasi Qonuni	2020-yil 1-mart	—	“O‘zarxiv” agentligi (U. Yusupov), Adliya vazirligi (R. Davletov), tegishli vazirlik va idoralar
2.	Davlat arxivlari tomonidan ko‘rsatiladigan pullik xizmatlarning yagona narxnomasini ishlab chiqish va joriy etish.	Normativ-huquqiy hujjat	2020-yil 1-aprel	—	“O‘zarxiv” agentligi (U. Yusupov), Moliya vazirligi (T. Ishmetov), tegishli vazirlik va idoralar
3.	Arxiv ishi sohasida sulolalar davomiyligini ta’minlash, arxiv xodimlarining ijtimoiy himoya qilish va moddiy rag‘batlantirishni kuchaytirish, jumladan: qarindosh-urug‘larning birga ishlashlarini cheklash to‘g‘risidagi qoidalardan istisnolarga yo‘l qo‘yilishi mumkin bo‘lgan davlat korxonalari xodimlarining ro‘yxatiga qo‘shimcha kiritish; davlat arxivlari pullik xizmatlaridan tushadigan mablag‘larning xodimlarni ijtimoiy himoya qilish va moddiy rag‘batlantirish tadbirlariga 50 foizgacha qismini sarflashga ruxsat berish.	Normativ-huquqiy hujjat	2020-yil 1-may	—	“O‘zarxiv” agentligi (U. Yusupov), Moliya vazirligi (T. Ishmetov), Adliya vazirligi (R. Davletov), Bandlik va mehnat munosabatlari vazirligi (E. Muxitdinov), tegishli vazirlik va idoralar
4.	“Birxillashtirilgan hujjatlar tizimi. Kommunikativ formatda axborotni yozish” hamda “Birxillashtirilgan hujjatlar tizimi. Elektron vositalarda, mashina tashuvchilarda va mashinogrammalarda yaratiladigan hujjatlarga yuridik kuch berish. Umumiy qoidalar” Davlat standartlarini ishlab chiqish va o‘rnatilgan tartibda tasdiqlash.	Normativ hujjat	2020-yil 1-oktabrgacha	Budjetdan tashqari mablag‘lar	“O‘zarxiv” agentligi (U. Yusupov), “O‘zstandart” agentligi (D. Sattarov), Axborot texnologiyalari va kommunikatsiyalarni rivojlantirish vazirligi (Sh. Sodiqov)
5.	Doimiy saqlovga olinadigan hujjatlar tarkibini optimizatsiya qilish.	Idoraviy normativ-huquqiy hujjat	2021-yil 1-yanvargacha	—	“O‘zarxiv” agentligi (U. Yusupov), vazirlik va idoralar
6.	Shaxsiy tarkib hujjatlarini saqlash muddatlarini qisqartirish bo‘yicha takliflar ishlab chiqish.	Tahliliy ma’lumotnoma	2021-yil 1-yanvargacha	—	“O‘zarxiv” agentligi (U. Yusupov), vazirlik va idoralar
II. Davlat arxivlari binolarini qurish va texnik jihozlash
7.	2020 — 2025-yillarda davlat arxivlari binolarini va saqlovxonalarini qurish.	2020 — 2025-yillarda davlat arxivlari binolarini va saqlovxonalarini qurish dasturi	2020 — 2025-yillar davomida	Investitsiya dasturi doirasida markazlashtirilgan mablag‘lar	Iqtisodiyot va sanoat vazirligi (B. Xodjayev), Investitsiyalar va tashqi savdo vazirligi (S. Umurzakov), Moliya vazirligi (T. Ishmetov), Qurilish vazirligi (B. Zokirov), “O‘zarxiv” agentligi (U. Yusupov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
8.	2023 — 2025-yillarda davlat arxivlari binolarini rekonstruksiya qilish.	2023 — 2025-yillarda davlat arxivlari binolarini rekonstruksiya qilish dasturi	2023 — 2025-yillar davomida	Investitsiya dasturi doirasida markazlashtirilgan mablag‘lar	Iqtisodiyot va sanoat vazirligi (B. Xodjayev), Investitsiyalar va tashqi savdo vazirligi (S. Umurzakov), Moliya vazirligi (T. Ishmetov), Qurilish vazirligi (B. Zokirov), “O‘zarxiv” agentligi (U. Yusupov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
9.	Davlat arxivlari va saqlovxonalarni zarur asbob-uskuna va jihozlar, jumladan mobil stellaj, zamonaviy qo‘riqlash tizimi, gazli yong‘in o‘chirish avtomatik qurilmalari tizimi, server, tarmoq hamda axborot xavfsizligini ta’minlash qurilmalari bilan ta’minlash.	Tashkiliy chora-tadbirlar	2020 — 2025-yillar davomida	Investitsiya dasturi doirasida markazlashtirilgan mablag‘lar	Iqtisodiyot va sanoat vazirligi (B. Xodjayev), Investitsiyalar va tashqi savdo vazirligi (S. Umurzakov), Moliya vazirligi (T. Ishmetov), Qurilish vazirligi (B. Zokirov), “O‘zarxiv” agentligi (U. Yusupov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
10.	Milliy arxivlarni alohida qimmatli hujjatlar restavratsiyasi bo‘yicha zamonaviy uskunalar bilan ta’minlash hamda raqamlashtirish uskunalari bilan jihozlash, shu jumladan 200 ta hujjatlarni raqamlashtirish (elektron shaklga o‘tkazish) uchun skaner, 1 ta film-skaner, 3 ta server, 200 ta kompyuter qurilmalari bilan ta’minlash, shuningdek 3 ta restavratsiya laboratoriyalarini tashkil etish.	Tashkiliy chora-tadbirlar	2022 — 2025-yillar davomida	O‘zbekiston Respublikasi Davlat budjeti va budjetdan tashqari mablag‘lar, xalqaro moliyaviy institutlar mablag‘lari	Moliya vazirligi (T. Ishmetov), “O‘zarxiv” agentligi (U. Yusupov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
III. Arxiv ishi va ish yuritish sohasida faoliyat ko‘rsatayotgan xodimlarning malakasini oshirish
11.	Arxiv ishi va ish yuritish bo‘yicha malaka oshirish ilmiy-metodik markazi (keyingi o‘rinlarda — Markaz) faoliyatini tashkil etish, shu jumladan: �arkaz nizomini tasdiqlash hamda uni davlat ro‘yxatidan o‘tkazish; Markazni zarur o‘quv va laboratoriya uskunalari, mebel va kompyuter texnikasi bilan jihozlash; Markazni yuklangan vazifalarni lozim darajada bajara oladigan yuqori malakali kadrlar bilan to‘ldirish; Markazning faoliyati samaradorligini baholash mezonlarini ishlab chiqish va joriy qilish.	Normativ-huquqiy hujjat	2019-yil 1-dekabrgacha	Arxiv ishini rivojlantirish jamg‘armasi mablag‘lari	“O‘zarxiv” agentligi (U. Yusupov)
12.	Yangi texnologiyalar va metodologiyalarni qo‘llagan holda arxiv ishi va ish yuritish sohasida faoliyat ko‘rsatayotgan xodimlarning malakasini oshirish.	O‘quv kursi dasturlari, malaka oshirish grafigi	Tasdiqlash 2019-yil 1-dekabrgacha Amalga oshirish 2020 — 2025-yillar davomida	—	“O‘zarxiv” agentligi (U. Yusupov)
13.	Kasbiy tayyorgarlik va kvalifikatsiya darajasini aniqlash maqsadida davlat arxivlari rahbarlari va xodimlarining attectatsiyasini o‘tkazish.	Attectatsiya o‘tkazish grafigi	Tasdiqlash 2019-yil 1-noyabrgacha	—	“O‘zarxiv” agentligi (U. Yusupov)
IV. Arxiv ishi va ish yuritish sohasida axborot-kommunikatsiya texnologiyalarini joriy etish va rivojlantirish
14.	“Arxiv ishi” yagona axborot tizimini ishlab chiqish va amaliyotga tatbiq etish.	Axborot tizimi	2021-yil 1-aprelgacha	Arxiv ishini rivojlantirish jamg‘armasi mablag‘lari	“O‘zarxiv” agentligi (U. Yusupov), Moliya vazirligi (T. Ishmetov), Axborot texnologiyalari vazirligi (Sh. Sadikov)
15.	2020 — 2025-yillarda davlat arxivlari binolarini va saqlovxonalarini qurish dasturi doirasida respublika milliy arxivlarida 30 tadan, viloyat davlat arxivlarida 10 tadan shtat birligidan iborat arxiv hujjatlarini raqamlashtirish (elektron shaklga o‘tkazish) sektorlarini tashkil etish hamda mutanosib ravishda raqamlashtirish qurilmalari bilan ta’minlash.	Amaliy chora-tadbirlar	2022 — 2025-yillar davomida	O‘zbekiston Respublikasi Davlat budjeti	Moliya vazirligi (T. Ishmetov), “O‘zarxiv” agentligi (U. Yusupov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
16.	Quyidagi davlat xizmatlarini Davlat xizmatlari markazlari va Yagona interaktiv davlat xizmatlari portali orqali ko‘rsatilishini joriy qilish: o‘qiganlikni tasdiqlash haqidagi arxiv ma’lumotnomasini berish; ish stajini tasdiqlash haqidagi arxiv ma’lumotnomasini berish; ish haqini tasdiqlash haqidagi arxiv ma’lumotnomasini berish; arab alifbosida yaratilgan turkiy, forsiy va arabcha hujjatlardagi axborotlar bo‘yicha annotatsiya ma’lumotlarini tayyorlab berish; arxiv hujjatlari, kitoblar va qo‘lyozmalarni raqamlashtirish (elektron nusxa olish). Internet tizimi orqali, shu jumladan bank plastik kartalaridan foydalangan holda arxiv ishi sohasida ko‘rsatiladigan xizmatlarni onlayn to‘lovini amalga oshirish tizimini joriy etish.	Chora-tadbirlar dasturi	2020-yil 1-iyun 2022-yil 1-yanvar	Arxiv ishini rivojlantirish jamg‘armasi mablag‘lari, budjetdan tashqari mablag‘lar, xalqaro moliyaviy institutlar mablag‘lari	“O‘zarxiv” agentligi (U. Yusupov), Adliya vazirligi (R. Davletov), Axborot texnologiyalari vazirligi (Sh. Sadikov)
17.	“Elektron hukumat” tizimi doirasida axborot tizimlari va elektron bazalarni yaratish va rivojlantirish, shu jumladan: davlat arxivlarining raqamlashtirilgan arxiv hujjatlaridan foydalanish bo‘yicha yagona axborot tizimini yaratish; raqamlashtirilgan (elektron nusxasi olingan) hujjatlarning elektron bazasini yaratish; davlat arxivlari arxiv fondlarining elektron bazasini yaratish; tashkilotlar va idoralarning qidiruv tizimi va axborot bazasini takomillashtirish; arxivlarni “Elektron hukumat” yagona indentifikatorlari bilan integratsiyalash.	Axborot tizimi	2020 — 2025-yillar davomida	Arxiv ishini rivojlantirish jamg‘armasi mablag‘lari, budjetdan tashqari mablag‘lar	“O‘zarxiv” agentligi (U. Yusupov), Moliya vazirligi (T. Ishmetov), Axborot texnologiyalari vazirligi (Sh. Sadikov)
18.	Arxivlar axborot tizimlari infratuzilmasini modernizatsiya qilish, kompyuter hamda telekommunikatsiya infratuzilmasining axborot xavfsizligini ta’minlash.	Chora-tadbirlar dasturi	2020 — 2025-yillar davomida	Arxiv ishini rivojlantirish jamg‘armasi mablag‘lari, budjetdan tashqari mablag‘lar	“O‘zarxiv” agentligi (U. Yusupov), Moliya vazirligi (T. Ishmetov), Axborot texnologiyalari va kommunikatsiyalarini rivojlantirish vazirligi (Sh. Sodiqov)
V. Arxiv hujjatlaridan foydalanishni takomillashtirish
19.	“O‘zarxiv” agentligi va Madaniyat vazirligi hamkorligida quyidagilarni nazarda tutuvchi chora-tadbirlarni amalga oshirish: muzeylarda saqlanayotgan arxiv hujjatlarini inventarizatsiyadan o‘tkazish va ularning hisobi bo‘yicha ma’lumotlarni Milliy arxiv fondi Davlat katalogiga kiritish; muzeylar va davlat arxivlari hamkorligida mavzuli loyihalar tayyorlash ishlarini yo‘lga qo‘yish; xalqaro va respublika miqyosida o‘tkaziladigan madaniy meros obyektlarini saqlanishiga doir anjumanlarda o‘zaro hamkorlik olib borish.	Chora-tadbirlar dasturi	Tasdiqlash 2020-yil 1-yanvargacha Amalga oshirish 2021-yil 1-aprelgacha	—	“O‘zarxiv” agentligi (U. Yusupov), Madaniyat vazirligi (B. Sayfullayev)
20.	Davlat arxivlarida saqlanayotgan tarixiy davr (1917-yilgacha) arxiv hujjatlarini o‘rnatilgan tartibda maxfiylikdan chiqarish bo‘yicha choralar ko‘rish.	Chora-tadbirlar dasturi	2020-yil 1-iyungacha	—	“O‘zarxiv” agentligi (U. Yusupov), Davlat xavfsizligi xizmati (A. Azizov)
21.	Davlat arxivlari saqlovida bo‘lgan shaxsiy tarkib hujjatlarini shaxsiy tarkib hujjatlari davlat arxivlariga o‘tkazish choralarini ko‘rish, shu jumladan 2019-yil yakuniga qadar — kamida 10 foizini o‘tkazish, 2020-yil yakuniga qadar — 40 foizini va 2022-yil yakuniga qadar — 100 foizini.	Tashkiliy chora-tadbirlar dasturi	2019 — 2022-yillar davomida	—	“O‘zarxiv” agentligi (U. Yusupov), Davlat-xususiy sheriklikni rivojlantirish agentligi (G‘. Xoljigitov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
22.	“O‘zarxiv” agentligi tizimidagi davlat arxivlarida saqlanib kelinayotgan Milliy arxiv fondining alohida qimmatli va noyob (qog‘oz shaklidagi, kino, foto va ovoz) hujjatlar ko‘rgazmalari tashkil etish.	Reja-jadval	Doimiy	Arxiv ishini rivojlantirish jamg‘armasi mablag‘lari, budjetdan tashqari mablag‘lar	“O‘zarxiv” agentligi (U. Yusupov), Madaniyat vazirligi (B. Sayfullayev)
23.	Alohida qimmatli va noyob arxiv hujjatlari to‘g‘risidagi ma’lumotlarni “O‘zarxiv” agentligi va milliy arxivlar veb-saytlari orqali yoritib borish.	Chora-tadbirlar dasturi	Doimiy	Arxiv ishini rivojlantirish jamg‘armasi mablag‘lari, budjetdan tashqari mablag‘lar	“O‘zarxiv” agentligi (U. Yusupov)

Izoh:

1. Chora-tadbirlarni amalga oshirish shakli o‘zgarishi, ishlab chiqiladigan normativ-huquqiy va boshqa hujjatlar esa, huquqiy munosabatlarni tartibga solish predmeti va sohasidan kelib chiqqan holda birlashtirilishi mumkin;

2. Ikki va undan ortiq bandlar birlashtirilganda ushbu bandlar uchun belgilangan eng kech muddat ijro muddati etib belgilanadi.

(4-ilova O‘zbekiston Respublikasi Prezidentining 2021-yil 24-iyuldagi PF-6268-sonli Farmoni tahririda — Qonunchilik ma’lumotlari milliy bazasi, 24.07.2021-y., 06/21/6268/0700-son)

O‘zbekiston Respublikasi Prezidentining 2019-yil 20-sentabrdagi PQ-4463-son qaroriga
5-ILOVA

2020 — 2025-yillarda davlat arxivlari binolarini va saqlovxonalarini qurish

DASTURI

T/r	Muassasalar nomi	Quvvati (ming saqlov birligi)	Shu jumladan, yillar bo‘yicha
T/r	Muassasalar nomi	Quvvati (ming saqlov birligi)	2020-yil	2021-yil	2022-yil	2023-yil	2024-yil	2025-yil
Respublika miqyosidagi muassasalar
1.	O‘zbekiston milliy arxivlari binosi qurish hamda ularni zarur asbob-uskuna va jihozlar bilan ta’minlash (mazkur binoda O‘zbekiston Respublikasi “O‘zarxiv” agentligi, O‘zbekiston Milliy arxivi, Kinofotofono hujjatlar milliy arxivi, Ilmiy texnika va tibbiyot hujjatlari milliy arxivi joylashadi).	4 000	+
Namangan viloyati
2.	Namangan viloyati davlat arxivi binosini qurish hamda uni zarur asbob-uskuna va jihozlar bilan ta’minlash.	600	+
Qoraqalpog‘iston Respublikasi
3.	Qoraqalpog‘iston Respublikasi markaziy davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	250		+
Samarqand viloyati
4.	Samarqand viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	500		+
Toshkent shahri
5.	Toshkent shahar markaziy davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	300			+
Toshkent viloyati
6.	Toshkent viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	450			+
Farg‘ona viloyati
7.	Farg‘ona viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	300			+
Sirdaryo viloyati
8.	Sirdaryo viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	250				+
Xorazm viloyati
9.	Xorazm viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	250				+
Andijon viloyati
10.	Andijon viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	400					+
Qashqadaryo viloyati
11.	Qashqadaryo viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	300					+
Buxoro viloyati
12.	Buxoro viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	350						+
Jizzax viloyati
13.	Jizzax viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	250						+
Navoiy viloyati
14.	Navoiy viloyati davlat arxivi uchun qo‘shimcha saqlovxona qurish hamda uni zarur asbob-uskuna va jihozlar bilan ta’minlash.	700						+
Jami:		8 900

O‘zbekiston Respublikasi Prezidentining 2019-yil 20-sentabrdagi PQ-4463-son qaroriga
6-ILOVA

2023 — 2025-yillarda davlat arxivlari binolarini rekonstruksiya qilish

DASTURI

T/r	Binosi rekonstruksiya qilinayotgan davlat arxivi nomi*	Shu jumladan, yillar bo‘yicha
T/r	Binosi rekonstruksiya qilinayotgan davlat arxivi nomi*	2023-yil	2024-yil	2025-yil
Qoraqalpog‘iston Respublikasi
1.	Qoraqalpog‘iston Respublikasi markaziy davlat arxivi	+
Jizzax viloyati
2.	Jizzax viloyati davlat arxivi	+
Xorazm viloyati
3.	Xorazm viloyati davlat arxivi	+
Andijon viloyati
4.	Andijon viloyati davlat arxivi		+
Qashqadaryo viloyati
5.	Qashqadaryo viloyati davlat arxivi		+
Buxoro viloyati
6.	Buxoro viloyati davlat arxivi			+
Navoiy viloyati
7.	Navoiy viloyati davlat arxivi			+

* Mazkur arxivlar rekonstruksiya qilish ishlari bilan birga zarur asbob-uskuna va jihozlar bilan ta’minlanadi.

(Qonun hujjatlari ma’lumotlari milliy bazasi, 21.09.2019-y., 07/19/4463/3779-son; Qonunchilik ma’lumotlari milliy bazasi, 24.07.2021-y., 06/21/6268/0700-son; 25.05.2024-y., 06/24/80/0364-son; 25.11.2025-y., 06/25/228/1070-son)