Oʻzbekiston Respublikasining “Yer osti boyliklari toʻgʻrisida”gi Qonuni, Oʻzbekiston Respublikasi Prezidentining 2018-yil 1-martdagi PQ-3578-son “Oʻzbekiston Respublikasi Davlat geologiya va mineral resurslar qoʻmitasi faoliyatini tubdan takomillashtirish chora-tadbirlari toʻgʻrisida”gi qarori, Oʻzbekiston Respublikasi Vazirlar Mahkamasining 2018-yil 4-dekabrdagi 983-son “Yer qaʼrini geologik oʻrganish, foydalanish va muhofaza qilish sohasidagi boshqaruv va nazorat qilish tizimini yanada takomillashtirish toʻgʻrisida”gi qaroriga muvofiq Oʻzbekiston Respublikasi Davlat geologiya va mineral resurslar qoʻmitasi qaror qiladi:

1. Oʻzbekiston Respublikasi Davlat geologiya va mineral resurslar qoʻmitasining 2015-yil 3-iyuldagi 1-son qarori (roʻyxat raqami 2699, 2015-yil 22-iyul) (Oʻzbekiston Respublikasi qonun hujjatlari toʻplami, 2015-y., 29-son, 388-modda) bilan tasdiqlangan Oʻzbekiston Respublikasi foydali qazilmalari zaxiralarini hisobga olish va hisobot balanslarini tuzish boʻyicha yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 3-banddagi “Oʻzbekiston Respublikasi Vazirlar Mahkamasi” degan soʻzlar “Davlat geologiya va mineral resurslar qoʻmitasi” degan soʻzlar bilan almashtirilsin.

2. 13-band quyidagi tahrirda bayon etilsin:

“13. Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni qazishda tasdiqlanmagan foydali qazilma zaxiralarini yer qaʼridan foydalanuvchining hisobidan chiqarish Vazirlar Mahkamasining 2018-yil 4-dekabrdagi 983-son qarori bilan tasdiqlangan Yer osti boyliklarini qazib olish jarayonida qazib olingan va yoʻqotilgan foydali qazilmalar zaxiralarini yer qaʼridan foydalanuvchining hisobidan chiqarish tartibi toʻgʻrisidagi nizomga muvofiq amalga oshiriladi.”.

3. 16-bandning birinchi, uchinchi va toʻrtinchi xatboshilaridagi “Sanoatgeokontexnazorat” davlat inspeksiyasi” degan soʻzlar “Kon-geologiya faoliyatini nazorat qilish inspeksiyasi” degan soʻzlar bilan almashtirilsin.

4. 17-bandda:

birinchi xatboshi quyidagi tahrirda bayon etilsin:

“17. Hisobot balansi uch nusxada tuziladi va yer qaʼridan foydalanuvchilar tomonidan har yil 5-fevraldan kechikmasdan:

noruda foydali qazilmalar boʻyicha Kon-geologiya faoliyatini nazorat qilish inspeksiyasining hududiy boʻlinmalariga;

rudali foydali qazilmalar va uglevodorodlar boʻyicha — Kon-geologiya faoliyatini nazorat qilish inspeksiyasiga taqdim etiladi.

Kon-geologiya faoliyatini nazorat qilish inspeksiyasi tomonidan qabul qilingan hisobotlar hisobga olinib, Davlat geologiya fondiga yuboriladi.”.

ikkinchi xatboshidagi “Sanoatgeokontexnazorat” davlat inspeksiyasiga” degan soʻzlar “Kon-geologiya faoliyatini nazorat qilish inspeksiyasiga” degan soʻzlar bilan almashtirilsin.

5. Yoʻriqnomaning ikkinchi, toʻrtinchi, beshinchi, oltinchi, yettinchi, sakkizinchi, toʻqqizinchi, oʻninchi, oʻn birinchi va oʻn ikkinchi ilovalaridagi “Kelishildi: “Sanoatgeokontexnazorat” davlat inspeksiyasi” degan soʻzlar “Kon-geologiya faoliyatini nazorat qilish inspeksiyasi” degan soʻzlar bilan almashtirilsin.