570-сон 09.07.2019. Madaniyat va sanʼat sohasida davlat-xususiy sheriklikni amalga oshirishga koʻmaklashish va moliyalashtirish chora-tadbirlari toʻgʻrisida

O‘zbekiston Respublikasi Vazirlar Mahkamasining

qarori

Madaniyat va san’at sohasida davlat-xususiy sheriklikni amalga oshirishga ko‘maklashish va moliyalashtirish chora-tadbirlari to‘g‘risida

O‘zbekiston Respublikasi Prezidentining “Madaniyat va san’at sohasida davlat-xususiy sheriklikni rivojlantirish uchun shart-sharoitlar yaratish chora-tadbirlari to‘g‘risida” 2018-yil 1-avgustdagi PQ-3892-son qarori ijrosini ta’minlash, shuningdek, madaniyat va san’at sohasida davlat-xususiy sheriklik uchun qulay shart-sharoitlar yaratish maqsadida Vazirlar Mahkamasi qaror qiladi:

1. Quyidagilar:

Madaniyat va san’at sohasida davlat-xususiy sheriklik to‘g‘risidagi qonunchilik asosida berilishi mumkin bo‘lgan davlat mulki obyektlarining ro‘yxati 1-ilovaga;

Madaniyat va san’at sohasida davlat-xususiy sheriklik asosida amalga oshiriladigan loyihalarni moliyalashtirish uchun alohida ochiladigan shaxsiy g‘azna hisobvarag‘i mablag‘larini jamlash va undan foydalanish tartibi to‘g‘risidagi nizom 2-ilovaga;

Davlat-xususiy sheriklik to‘g‘risidagi qonunchilik shartlari asosida faoliyat yuritadigan nodavlat madaniyat va san’at muassasalariga O‘zbekiston Respublikasi Davlat budjeti mablag‘laridan subsidiyalar ajratish tartibi to‘g‘risidagi nizom 3-ilovaga muvofiq tasdiqlansin.

2. O‘zbekiston Respublikasi Madaniyat vazirligi, “O‘zbekkino” Milliy agentligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda mazkur qarorga muvofiqlashtirsin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov, O‘zbekiston Respublikasi madaniyat vaziri B.S. Sayfullayev, “O‘zbekkino” Milliy agentligi bosh direktori F.Sh. Zakirov zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2019-yil 9-iyul,

570-son

Vazirlar Mahkamasining 2019-yil 9-iyuldagi 570-son qaroriga
1-ILOVA

Madaniyat va san’at sohasida davlat-xususiy sheriklik to‘g‘risidagi qonunchilik asosida berilishi mumkin bo‘lgan davlat mulki obyektlarining*

RO‘YXATI

T/r	Obyektlar nomi	Joylashgan manzili	Umumiy yer maydoni (kv.m.)	Shundan, bino va inshootlar maydoni (kv.m.)	Obyektning balans saqlovchisi	Obyektning davlat-xususiy sheriklik asosida beriladigan qismi (kv.m.)
Qoraqalpog‘iston Respublikasi
1.	Klub binosi	Qo‘ng‘irot tumani, “Jasliq” MFY	844	811	Tuman madaniyat bo‘limi	844
2.	Klub binosi	Ellikqa’la tumani, “Saribiy” OFY	1 828	1 562	Tuman madaniyat bo‘limi	1 828
Andijon viloyati
3.	O‘rmonbek madaniyat markazi	Baliqchi tumani, Mumtoz MFY	1 290	241,9	Tuman madaniyat bo‘limi	1 290
4.	“Onalar va bolalar” madaniyat va istirohat bog‘i	Marhamat shahri, Mustaqillik ko‘chasi	16 700	560	Shahar madaniyat bo‘limi	16 700
5.	Shahrixon tumani Madaniyat va istirohat bog‘i	Shahrixon tumani, Amir Temur ko‘chasi, 1	30 658,2	3 325,9	Tuman madaniyat bo‘limi	10 000
6.	Qo‘rg‘ontepa tumani “Qo‘rg‘ontepa” madaniyat va istirohat bog‘i	Qo‘rg‘ontepa tumani, Mustaqillik ko‘chasi, 39	7 600	1 300	Tuman madaniyat bo‘limi	12 820
7.	Asaka tumani Madaniyat va istirohat bog‘i	Asaka tumani, Imom Buxoriy ko‘chasi, 74	8 200	1000	Tuman madaniyat bo‘limi	8 200
8.	Xonobod shahri Alisher Navoiy nomidagi madaniyat va istirohat bog‘i	Xonobod shahri, O‘sh ko‘chasi	180 500	8 071,4	Shahar hokimligi	180 500
9.	Izboskan tumani “Poytug‘” madaniyat va istirohat bog‘i	Izboskan tumani, Jo‘ra Sidiqov ko‘chasi, 2	3 700	1 100	Tuman obodonlashtirish bo‘limi	3 700
10.	Andijon shahar “Kamolot” madaniyat va istirohat bog‘i	Andijon shahar, Mashrab ko‘chasi	4 000	800	Yoshlar ittifoqi viloyat bo‘limi	4 000
11.	Baliqchi tumani Madaniyat va istirohat bog‘i	Baliqchi tumani, Baliqchi shoh ko‘chasi, 7	4 200	900	Tuman obodonlashtirish bo‘limi	4 200
Jizzax viloyati
12.	Jizzax shahri “O‘rda” ekologik madaniyat va istirohat bog‘i	Jizzaxlik mahallasi, I. Karimov ko‘chasi	350 700	538,2	Shahar madaniyat bo‘limi	350 700
13.	Zarbdor tumani “Umid” madaniyat va istirohat bog‘i	Zarbdor tumani, “Ravot” MFY, A. Ikromov ko‘chasi	44 000	-	Tuman madaniyat bo‘limi	20 000
Qashqadaryo viloyati
14.	Qarshi tumani madaniyat va istirohat bog‘i	Beshkent shahri, O‘zbekiston ko‘chasi, 53	42 400	-	Tuman madaniyat bo‘limi	2 500
15.	Yakkabog‘ tumani “Yoshlik” madaniyat va istirohat bog‘i	Amir Temur ko‘chasi, 31	12 982,5	-	Tuman madaniyat bo‘limi	12 982,5
Navoiy viloyati
16.	Zarafshon shahri madaniyat va istirohat bog‘i	Zarafshon shahri, Quruvchi MFY	40 000	3 500	Shahar madaniyat bo‘limi	20 000
Namangan viloyati
17.	Namangan shahri Kichkintoy bolalar bog‘i	Namangan shahri, Amir Temur ko‘chasi, 2	160 000	68 000	Shahar hokimligi	92 000
18.	Maxdumi A’zam nomidagi madaniyat va istirohat bog‘i	Kosonsoy shaharchasi, Alisher Navoiy ko‘chasi, 9	38 000	8 600	Tuman madaniyat bo‘limi	10 000
19.	Namangan tumani “Etti buloq” madaniyat va istirohat bog‘i	Namangan tumani, Toshbuloq shaharchasi, Mustaqillikning 5 yilligi ko‘chasi, 3	48 400	720,0	Tuman obodonlashtirish bo‘limi	48 400
20.	Mingbuloq tumani “Do‘stlik” madaniyat va istirohat bog‘i	Mingbuloq tumani, Jomashuy shaharchasi	60 000	550	Tuman hokimligi	60 000
21.	Pop tumani M.Rahimov nomidagi madaniyat va istirohat bog‘i	Pop shaharchasi, Do‘stlik ko‘chasi	42 000	300	Tuman hokimligi	42 000
22.	Uchqo‘rg‘on tumani madaniyat va istirohat bog‘i	Uchqo‘rg‘on tumani, Do‘stlik ko‘chasi, 35	25 000	200	Tuman hokimligi	22 000
23.	Chortoq tumani Furqat nomidagi madaniyat va istirohat bog‘i	Chortoq tumani, Istiqlol ko‘chasi, 47	72 000	2 000	Tuman hokimligi	72 000
24.	Yangiqo‘rg‘on tumani madaniyat va istirohat bog‘i	Yangiqo‘rg‘on shahar, Namangan ko‘chasi, 8-uy	50 000	4 600	Tuman madaniyat bo‘limi	27 000
Samarqand viloyati
25.	Bulung‘ur tumani madaniyat va istirohat bog‘i	Bulung‘ur tumani, Sayilgoh ko‘chasi, 5	44 200	500	Tuman madaniyat bo‘limi	44 200
26.	Narpay tumani “Oqtosh” madaniyat va istirohat bog‘i	Oqtosh shahri, A. Xaqnazarov MFY, I. Nazar ko‘chasi, 38	30 200	500	Tuman madaniyat bo‘limi	2 100
27.	Pastdarg‘om tumani “Yoshlar” madaniyat va istirohat bog‘i	Pastdarg‘om tumani, Juma shahri A. Temur ko‘chasi 2	48 000	500	Tuman madaniyat bo‘limi	48 000
Surxondaryo viloyati
28.	Qiziriq tumani “Bolajon” madaniyat va istirohat bog‘i	Qiziriq tumani, “Do‘stlik” mahallasi	35 500	-	Tuman hokimligi	35 500
29.	Oltinsoy tumani madaniyat va istirohat bog‘i	Oltinsoy tumani, Bo‘ston mahallasi	100 000	200	Tuman madaniyat bo‘limi	100 000
30.	Termiz tumani “Do‘stlik” madaniyat va istirohat bog‘i	Termiz tumani, Uchqizil MFY	40 000	-	Tuman madaniyat bo‘limi	40 000
31.	Uzun tumani Yangi ro‘zg‘or madaniyat markazi	Uzun tumani, Yangiro‘zg‘or mahallasi	983,9	686,4	Tuman madaniyat bo‘limi	983,9
Sirdaryo viloyati
32.	Sardoba tumani “Gulzor” madaniyat markazi	Sardoba tumani, “Otayurt” MFY	5 070	1 364,3	Tuman madaniyat bo‘limi	5 070
33.	Mirzaobod tumani G‘. Yunusov nomidagi madaniyat markazi	Mirzaobod tumani, Bahoriston MFY	20 580	19 802	Tuman madaniyat bo‘limi	20 580
Toshkent viloyati
34.	Qibray tumani “Yonariq” madaniyat markazi	Qibray tumani, Ziyokor MFY	1 163	267,8	Tuman madaniyat bo‘limi	1 163
35.	Oqqo‘rg‘on tumani “Orom” madaniyat va istirohat bog‘i	Oqqo‘rg‘on tumani, Birlik MFY	50 190	1 744,5	Tuman hokimligi	50 190
Farg‘ona viloyati
36.	Rishton tumani “Zoxidon” madaniyat markazi	Rishton tumani, Navbahor MFY, Navbahor ko‘chasi	1 484	593,5	Tuman hokimligi	1 484
37.	Farg‘ona tumani“Yambaroq” madaniyat markazi	Farg‘ona tumani, Yambaroq MFY, Yangi avlod ko‘chasi	1 205,51	267	Tuman madaniyat bo‘limi	1 205,51
38.	Farg‘ona shahar “Yormozor” madaniyat markazi	Farg‘ona shahar, B. Marg‘iloniy ko‘chasi, 121-uy	2 200	800	Adliya boshqarmasi	2 200
39.	Beshariq tumani “Shodlik” nomli madaniyat va istirohat bog‘i	Beshariq tumani, Sirdaryo ko‘chasi	2 700	850,5	Tuman madaniyat bo‘limi	2 700
40.	Beshariq tumani “Qashqar” madaniyat markazi	Beshariq tumani, Ropqon qishlog‘i	800	530	Tuman madaniyat bo‘limi	800
41.	Toshloq tumani “Naymanbo‘ston” madaniyat markazi	Toshloq tumani, Xonariq MFY, Xonariq qishlog‘i	1 400	800	Tuman madaniyat bo‘limi	1 400
42.	Oltiariq tumani “Markaziy” madaniyat markazi	Oltiariq shaharchasi, Mustaqillik ko‘chasi, 2 uy	1 500	1 200	Tuman madaniyat bo‘limi	1 200
43.	O‘zbekiston tumani “Nurso‘x” madaniyat markazi	O‘zbekiston tumani, Nurso‘x qishlog‘i	950	780	Tuman madaniyat bo‘limi	950
44.	O‘zbekiston tumani madaniyat va istirohat bog‘i	Yaypan shaharchasi, Toshkent ko‘chasi	22 400	-	Tuman madaniyat bo‘limi	22 400
45.	Bog‘dod tumani “Matqulobod” madaniyat markazi	Bog‘dod tumani, Matqulobod qishlog‘i	800	600	Tuman madaniyat bo‘limi	800
46.	Yozyovon tumani Madaniyat va istirohat bog‘i	Yozyovon shaharchasi, Mustaqillik ko‘chasi, 71-uy	2 530	2 270	Tuman hokimligi	2 270
Xorazm viloyati
47.	Gurlan tumani Alisher Navoiy nomidagi madaniyat va istirohat bog‘i	Gurlan tumani, Mustaqillik shoh ko‘chasi	180 000	9 963	Xorazm viloyati madaniyat boshqarmasi	25 000
48.	Shovot tumani K. Otaniyozov nomidagi madaniyat va istirohat bog‘i	Shovot tumani, Komiljon Otaniyozov ko‘chasi	87 000	-	Tuman madaniyat bo‘limi	87 000
49.	Xazorasp tumani “Ovshar” madaniyat markazi	Xazorasp tumani, Ovshar qishlog‘i	1 363,6	794,3	Tuman madaniyat bo‘limi	1 363,6
50.	Yangiariq tumani “Qo‘riqtom” madaniyat markazi	Yangiariq tumani, Qo‘riqtom qishlog‘i	5 284	1 092	Tuman madaniyat bo‘limi	5 284
Toshkent shahri
51.	Mirzo Ulug‘bek tumani 2-son madaniyat markazi	Mirzo Ulug‘bek tumani, Qizilsuv ko‘chasi, 186	1 512	967	Tuman madaniyat bo‘limi	1 512
52.	Yunusobod tumani madaniyat markazi	Yunusobod tumani, Osiyo ko‘chasi, 40-uy	415	415	Tuman madaniyat bo‘limi	415
53.	Madaniyat mehmonxonasi	Yakkasaroy tumani Sh. Rustaveli kuchasi, 18-uy	2399	1907	Madaniyat vazirligi huzuridagi binolardan foydalanish va ularni ekspulatatsiya qilish direksiyasi davlat unitar korxonasi	2399
54.	Olmazor tumani Abdulla Qodiriy nomidagi madaniyat va istirohat bog‘i	Olmazor tumani Zarqaynar ko‘chasi, 6-uy	226000	900	Ichki ishlar vazirligi	3000
55.	Yakkasaroy tumani “Do‘stlik bog‘i” istirohat bog‘i	Yakkasaroy tumani, Bobur ko‘chasi, 33-uy	123000	560	Millatlararo munosabatlar va xorijiy mamlakatlar bilan do‘stlik aloqalari qo‘mitasi	3000
56.	Mirzo Ulug‘bek tumani “EKO BOG‘” nomli madaniyat va istirohat bog‘i	Mirzo Ulug‘bek tumani, X. Olimjon va I. Gandi ko‘chalari kesishuvi	57000	200	Toshkent shahar madaniyat bosh boshqarmasi	3000
57.	Chilonzor tumani G‘afur G‘ulom nomidagi madaniyat va istirohat bog‘i	Chilonzor tumani, Bunyodkor ko‘chasi, 21-uy	180000	660	Toshkent shahar madaniyat bosh boshqarmasi	180000

Izoh. O‘zbekiston Respublikasi Madaniyat vazirligi va “O‘zbekkino” milliy agentligi tomonidan O‘zbekiston Respublikasi Vazirlar Mahkamasi bilan kelishilgan holda madaniyat va san’at sohasida davlat-xususiy sheriklik to‘g‘risidagi qonunchilik asosida berilishi mumkin bo‘lgan davlat mulki obyektlari ro‘yxatiga o‘zgartirish va qo‘shimchalar kiritilishi mumkin.

Vazirlar Mahkamasining 2019-yil 9-iyuldagi 570-son qaroriga
2-ILOVA

Madaniyat va san’at sohasida davlat-xususiy sheriklik to‘g‘risidagi qonunchilik asosida amalga oshiriladigan loyihalarni moliyalashtirish uchun alohida ochiladigan shaxsiy g‘azna hisobvarag‘i mablag‘larini jamlash va undan foydalanish tartibi to‘g‘risida

NIZOM

1-bob. Umumiy qoidalar

1. Mazkur Nizom O‘zbekiston Respublikasi Prezidentining “Madaniyat va san’at sohasida davlat xususiy sheriklikni rivojlantirish uchun sharoitlar yaratish chora-tadbirlari to‘g‘risida” 2018-yil 1-avgustdagi PQ-3892-son qaroriga muvofiq Madaniyat va san’at sohasida davlat-xususiy sheriklik asosida amalga oshiriladigan loyihalarni moliyalashtirish uchun Moliya vazirligi G‘aznachiligida alohida ochiladigan shaxsiy g‘azna hisobvarag‘i (keyingi o‘rinlarda maxsus hisobvaraq deb ataladi) mablag‘larini jamlash va undan foydalanish tartibini belgilaydi.

2. Maxsus hisobvaraqdagi mablag‘lar davlat-xususiy sheriklik to‘g‘risidagi bitim obyektlarini qurish, rekonstruksiya qilish va ta’mirlashga imtiyozli kredit berish uchun tuman va chekka qishloq joylardagi teatrlar, kinoteatrlar, madaniyat markazlari, madaniyat va istirohat bog‘lari, konsert zallari, hayvonot bog‘lari va boshqa madaniy obyektlar negizida madaniyat va san’at nodavlat muassasalarini tashkil etish maqsadida foydalaniladi.

3. Maxsus hisobvaraqdagi mablag‘lar O‘zbekiston Respublikasi Vazirlar Mahkamasining qarorlari bilan tasdiqlanadigan madaniyat va san’at sohasida davlat-xususiy sheriklik to‘g‘risidagi qonunchilik asosida berilishi mumkin bo‘lgan davlat mulki obyektlarining ro‘yxatiga (keyingi o‘rinlarda obyektlar ro‘yxati deb ataladi) hamda tegishliligi bo‘yicha O‘zbekiston Respublikasi Madaniyat vazirligi va “O‘zbekkino” Milliy agentligi (keyingi o‘rinlarda Davlat sherigi deb ataladi) tomonidan belgilangan tartibda o‘tkazilgan tanlov yakunlari bo‘yicha shakllantirilgan bitimlarning yagona reyestriga (keyingi o‘rinlarda bitimlar yagona reyestri deb ataladi) kiritilgan tadbirkorlik subyektlarining davlat-xususiy sheriklik loyihalarini imtiyozli kreditlar asosida moliyalashtirish uchun tijorat banklariga o‘tkazib beriladi.

2-bob. Maxsus hisobvaraq mablag‘larini jamlash

4. Quyidagilar maxsus hisobvaraqni shakllantirish manbalari hisoblanadi:

O‘zbekiston Respublikasi Tiklanish va taraqqiyot jamg‘armasi tomonidan ajratiladigan 100,0 million AQSh dollari ekvivalentidagi kreditlar;

davlat madaniyat va san’at muassasalari negizida madaniyat va san’at nodavlat muassasalarini tashkil etish maqsadida davlat-xususiy sheriklik asosida ajratiladigan kreditlar bo‘yicha foiz to‘lovining 7 foizdan oshgan qismini qoplab berish uchun har yili O‘zbekiston Respublikasi Davlat budjetining maqsadli mablag‘lari;

xalqaro moliya institutlari, xorijiy hukumat tashkilotlari va boshqa donorlarning xayriyalari, kreditlari (qarzlari) va grantlari;

maxsus hisobvaraqning vaqtincha bo‘sh mablag‘larini joylashtirishdan olinadigan daromadlar;

Oldingi tahrirga qarang.

qonunchilik hujjatlarida taqiqlanmagan boshqa manbalar.

(4-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

3-bob. Maxsus hisobvaraqdan tijorat banklariga mablag‘lar ajratish tartibi

5. Obyektlar ro‘yxatiga asosan xususiy sherik bilan bitimlar davlat sherigi tomonidan tuziladi va bitimlar yagona reyestriga kiritiladi.

Bitimlar yagona reyestri obyektlar ro‘yxati va xususiy sherikka xizmat ko‘rsatuvchi tegishli tijorat banklari kesimida davlat sherigi tomonidan yuritiladi.

6. Bitimlar yagona reyestriga kiritilgan bitimlar to‘g‘risidagi ma’lumotlar bitimlar tuzilgan kunidan boshlab o‘n kun mobaynida davlat sherigi tomonidan O‘zbekiston Respublikasi Moliya vazirligiga yozma hamda elektron shaklda yuboriladi.

7. Davlat sherigi hamda tegishli tijorat banklari o‘rtasida bitimlar yagona reyestrida ko‘rsatilgan davlat-xususiy sheriklik loyihasini amalga oshirish uchun maxsus hisobvaraqdan kredit mablag‘larini ajratish to‘g‘risida bosh kelishuv imzolanadi.

8. Bosh kelishuvga asosan tegishli tijorat bankiga maxsus hisobvaraqdan ajratilgan mablag‘lar xususiy sheriklarga tuman va chekka qishloq joylarida faqatgina teatr, kinoteatr, madaniyat markazlari, madaniyat va istirohat bog‘lari, konsert zallari, hayvonot bog‘lari va boshqa madaniyat obyektlari asosida nodavlat madaniyat va san’at muassasalarini tashkil etish maqsadida davlat-xususiy sheriklik bitimi obyektlarini qurish, rekonstruksiya, ta’mirlash va jihozlash loyihalarni moliyalashtirish uchun kredit berish maqsadlariga yo‘naltiriladi.

9. Maxsus hisobvaraqdan tijorat banklariga xususiy sheriklarning loyihalariga kredit uchun ajratiladigan mablag‘lar kredit ajratish muddatiga qarab, tegishli balans hisobvaraqlarida hisobga olinadi.

10. Xususiy sherik kredit olish ehtiyoji bo‘lganda, davlat madaniyat va san’at muassasalari negizida davlat-xususiy sheriklik asosida madaniyat va san’at nodavlat muassasalarini tashkil etish bo‘yicha loyihalarni moliyalashtirish uchun kredit ajratish to‘g‘risida tegishli tijorat bankiga ariza bilan murojaat qiladi.

11. Tijorat banklari tomonidan xususiy sherikka madaniyat va san’at nodavlat muassasalarini tashkil etish bo‘yicha loyihalarni moliyalashtirish uchun tijorat banklarining kreditlari loyihalarning loyiha-smeta hujjatlari va biznes-rejalari puxta va har tomonlama o‘rganilgandan so‘ng maqsadli foydalanish shartlari asosida beriladi.

12. Bosh kelishuvga asosan maxsus hisobvaraqdagi mablag‘lar tijorat banklariga o‘tkazib beriladi va tegishli tijorat banki tomonidan tadbirkorlik subyektlariga kreditlar 3 yillik imtiyozli davr bilan 10 yil muddatga yillik 7 foizli stavkada ajratiladi.

13. Tijorat banklari kelib tushgan arizalar bo‘yicha buyurtmanomalarni shakllantiradi va bosh kelishuv hamda tijorat banki kredit qo‘mitasining ijobiy qaroriga asosan ularni davlat sherigiga taqdim etadi.

14. Davlat sherigi tijorat banklari tomonidan taqdim etilgan buyurtmanomalarga muvofiq Tiklanish va taraqqiyot jamg‘armasi tomonidan maxsus hisobvaraqqa kelib tushgan zarur mablag‘larni uch ish kuni mobaynida Moliya vazirligi G‘aznachiligi orqali tijorat banklarining tegishli balans hisobvarag‘iga o‘tkazib beradi yoki xato va kamchiligi bo‘lsa rad etadi.

15. Tijorat banklari tomonidan imtiyozli kreditlar maxsus hisobvaraqdan tijorat banklariga ajratilgan mablag‘lar doirasida ajratiladi.

16. Tijorat banklari maxsus hisobvaraqdan ajratilgan mablag‘lar hisobidan berilgan imtiyozli kreditlar va ularning maqsadli sarflanishi yuzasidan belgilangan tartibda O‘zbekiston Respublikasi Moliya vazirligiga hisobot topshiradi.

4-bob. O‘zbekiston Respublikasi Tiklanish va taraqqiyot jamg‘armasi tomonidan maxsus hisobvaraqqa mablag‘larni ajratish tartibi

17. Davlat sherigi va O‘zbekiston Respublikasi Tiklanish va taraqqiyot jamg‘armasi (keyingi o‘rinlarda Jamg‘arma deb ataladi) o‘rtasida mazkur Nizomning 4-bandi ikkinchi xatboshida ko‘rsatilgan mablag‘larni maxsus hisobvarag‘iga o‘tkazish bo‘yicha shartnoma tuziladi.

Bunda Jamg‘arma maxsus hisobvaraqqa davlat-xususiy sheriklik loyihalarini amalga oshirish uchun 5 foizli kredit stavkasiga asosan mablag‘larni o‘tkazadi va maxsus xisobvarag‘idan ushbu mablag‘lar tijorat banklariga 5 foizli kredit stavkasiga asosan o‘tkazib beriladi.

18. Davlat sherigi tijorat banklaridan kelib tushgan buyurtmanomalarga asosan O‘zbekiston Respublikasi Moliya vazirligi va Jamg‘armaga tegishli ravishda buyurtmanoma yuboradi.

19. Jamg‘arma davlat sherigi tomonidan kelib tushgan buyurtmanomalarni ikki ish kuni ichida ko‘rib chiqadi va zarur mablag‘larni maxsus xisobvaraqqa o‘tkazib beradi.

20. Davlat sherigi tomonidan Moliya vazirligi G‘aznachiligiga maxsus xisobvarag‘idan tijorat banklarining tegishli xisobraqamlariga (resurs) mablag‘larni o‘tkazish uchun quyidagi hujjatlar taqdim etiladi:

bosh kelishuv;

tijorat banklari tomonidan tasdiqlangan buyurtmanomalar;

xususiy sheriklar va tijorat banklari o‘rtasida tuzilgan kredit shartnomalar;

21. O‘zbekiston Respublikasi Moliya vazirligi G‘aznachiligi davlat sherigi tomonidan taqdim etilgan hujjatlarni uch ish kuni davomida tijorat banklarining tegishli hisobraqamlariga o‘tkazadi yoki xato va kamchiligi bo‘lsa rad etadi, bunda mablag‘larni o‘tkazish kuniga O‘zbekiston Respublikasi Moliya vazirligi G‘aznachiligi tomonidan qo‘shimcha foiz to‘lanmaydi.

5-bob. Tijorat banklari tomonidan maxsus hisobvaraq mablag‘larini qaytarish

22. Maxsus hisobvaraq mablag‘lari hisobidan ajratilgan kreditlardan maqsadli foydalanilishi tijorat banklari tomonidan davlat sherigi bilan birgalikda doimiy ravishda monitoring qilib boriladi.

23. Tijorat banklari tomonidan maxsus hisobvaraqdan jalb etilgan mablag‘lar tijorat banklari va xususiy sherik o‘rtasida tuzilgan grafik asosida qaytariladi.

24. Maxsus hisobvaraq mablag‘laridan ajratilgan imtiyozli kreditlar bo‘yicha xususiy sherik tomonidan to‘langan foizlarning:

2 foizi tegishli tijorat bank marjasi;

5 foizi tegishli tijorat banki tomonidan maxsus hisobvaraqqa o‘tkaziladi.

25. Xususiy sherik tomonidan kredit o‘z vaqtida qaytarilmagan taqdirda jalb etilgan mablag‘lar tijorat banklari tomonidan o‘z mablag‘lari hisobidan maxsus hisobvaraqqa qaytariladi.

26. O‘zbekiston Respublikasi Moliya vazirligi G‘aznachiligi tegishli tijorat banklari tomonidan maxsus xisobvaraqqa qaytarilgan mablag‘larni ikki ish kuni ichida Jamg‘armaga belgilangan grafik asosida qaytaradi. Bunda mablag‘larni qaytarish kuniga tijorat banklari tomonidan Jamg‘armaga qo‘shimcha foiz to‘lanmaydi.

6-bob. Maqsadli budjet mablag‘larini ajratish tartibi

27. Tijorat banklari o‘z mablag‘lari hisobidan obyektlar ro‘yxatiga kiritilgan davlat madaniyat va san’at muassasalari negizida davlat-xususiy sheriklik shartlari asosida nodavlat madaniyat va san’at muassasalarini tashkil etish uchun imtiyozli kredit ajratishi mumkin.

Bunda ajratiladigan kreditlar bo‘yicha foiz to‘lovlarining:

7 foizi xususiy sherik tomonidan qoplanadi;

7 foizdan oshgan qismi, biroq kredit ajratilgan kunda O‘zbekiston Respublikasi Markaziy bankining belgilangan qayta moliyalashtirish stavkasidan oshmagan holda, har yili O‘zbekiston Respublikasi Davlat budjetining maqsadli mablag‘lari (keyingi o‘rinlarda maqsadli mablag‘lar deb ataladi) hisobidan qoplanadi.

28. Tijorat banklari o‘z mablag‘lari hisobidan xususiy sherikka berilgan imtiyozli kredit bo‘yicha maqsadli mablag‘larni to‘lab berish zaruratidan kelib chiqib, xususiy sherik va tijorat banki o‘rtasida tuzilgan kredit shartnomasi va to‘lov grafiklari nusxalarini O‘zbekiston Respublikasi Moliya vazirligi va davlat sherigiga taqdim etadi.

29. Davlat sherigi har yili budjet so‘rovini taqdim etish muddatlarida xususiy sherik va tijorat banki o‘rtasida tuzilgan kredit shartnomalariga muvofiq maqsadli mablag‘larni to‘lab berish uchun zarur mablag‘larni O‘zbekiston Respublikasi Davlat budjeti parametrlarida nazarda tutish uchun O‘zbekiston Respublikasi Moliya vazirligiga tegishli hujjatlarni taqdim etadi.

30. O‘zbekiston Respublikasi Moliya vazirligi maqsadli mablag‘lar uchun zarur mablag‘larni har yili O‘zbekiston Respublikasi Davlat budjeti mablag‘lari hisobidan davlat sherigiga ajratadi.

31. Davlat sherigi xususiy sheriklar va tijorat banklari o‘rtasida tuzilgan kredit shartnomalarining to‘lov grafigiga asosan har oyning 5 sanasiga qadar maqsadli mablag‘lar uchun zarur budjet mablag‘larini maxsus hisobvaraqqa ko‘chirib beradi va ko‘chirib berilgan mablag‘lari to‘g‘risida belgilangan tartibda O‘zbekiston Respublikasi Moliya vazirligi G‘aznachiligiga tegishli hujjatlarni taqdim etadi.

32. O‘zbekiston Respublikasi Moliya vazirligi G‘aznachiligi har oyning 8 sanasiga qadar maxsus hisobvaraqqa kelib tushgan maqsadli mablag‘lar uchun budjet mablag‘larini xususiy sheriklar va tijorat banklari o‘rtasida tuzilgan kredit shartnomalar raqami va sanasi ko‘rsatilgan holda tegishli tijorat banklarning xisobraqamiga o‘tkazadi.

33. Maxsus hisobvaraqdan tijorat banklariga ajratilgan maqsadli mablag‘lar uchun budjet mablag‘larini kredit shartnomalarida belgilangan ortiqcha hisoblangan foiz to‘lovlarini, shuningdek, penya va jarimalarni qoplashga yoki mazkur Nizomda belgilanmagan boshqa maqsadlarga yo‘naltirish taqiqlanadi.

7-bob. Maxsus hisobvaraq mablag‘larining hisobi, hisoboti va nazorati

34. Davlat sherigi:

maxsus hisobvaraq tushumi va xarajatlari prognozini manbalar, hududlar va choraklar bo‘yicha tayyorlaydi, uning bajarilishini tahlil qiladi;

maxsus hisobvaraq budjetining ijrosi to‘g‘risidagi hisobotni tuzadi;

Oldingi tahrirga qarang.

qonunchilik hujjatlariga muvofiq maxsus hisobvaraq mablag‘larining ishlatilishi to‘g‘risidagi hisobotni O‘zbekiston Respublikasi Moliya vazirligiga taqdim etadi.

(34-bandning to‘rtinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

35. O‘zbekiston Respublikasi Moliya vazirligi Davlat moliyaviy-nazorat bosh boshqarmasi maxsus hisobvaraq xarajatlarining maqsadli ishlatilishini nazorat qiladi.

8-bob. Yakunlovchi qoidalar

Oldingi tahrirga qarang.

36. Ushbu Nizomni qo‘llashda yuzaga keladigan nizolar qonunchilik hujjatlarida belgilangan tartibda hal etiladi.

(36-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Oldingi tahrirga qarang.

37. Mazkur Nizom talablari buzilishida aybdor bo‘lgan shaxslar qonunchilik hujjatlariga muvofiq javob beradilar.

(37-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Vazirlar Mahkamasining 2019-yil 9-iyuldagi 570-son qaroriga
3-ILOVA

Davlat-xususiy sheriklik to‘g‘risidagi qonunchilik shartlari asosida faoliyat yuritadigan madaniyat va san’at nodavlat muassasalariga O‘zbekiston Respublikasi Davlat budjeti mablag‘laridan subsidiyalar ajratish tartibi to‘g‘risida

NIZOM

1-bob. Umumiy qoidalar

1. Mazkur Nizom davlat-xususiy sheriklik to‘g‘risidagi qonunchilik shartlari asosida faoliyat yuritadigan madaniyat va san’at nodavlat muassasalariga (keyingi o‘rinlarda madaniyat va san’at muassasalari deb ataladi) O‘zbekiston Respublikasi Davlat budjetidan subsidiyalar (keyingi o‘rinlarda budjetdan subsidiyalar deb ataladi) ajratish tartibini belgilaydi.

Nizomning amal qilishi davlat-xususiy sheriklik to‘g‘risidagi qonunchilik shartlari asosida tashkil etilgan nodavlat teatr va sirklar, hayvonot bog‘lari, madaniyat saroylari, konsert zallari, madaniyat markazlariga (keyingi o‘rinlarda madaniyat va san’at nodavlat muassasalari deb ataladi) tatbiq etiladi.

2. Ushbu Nizomda quyidagi tushunchalardan foydalaniladi:

madaniy xizmatlar ko‘rsatish bo‘yicha shartnoma — madaniyat va san’at nodavlat muassasasi hamda Qoraqalpog‘iston Respublikasi Madaniyat vazirligi, viloyatlar va Toshkent shahar madaniyat boshqarmalari o‘rtasida madaniy xizmatlar ko‘rsatishni va zarurat bo‘lganda, budjetdan subsidiyalar miqdorini nazarda tutuvchi tegishli yil uchun tuziladigan shartnoma;

madaniy xizmatlar — madaniyat va san’at nodavlat muassasalari tomonidan jismoniy va yuridik shaxslarga xizmat ko‘rsatilishi (ishlar amalga oshirilishi) mumkin bo‘lgan, har yil O‘zbekiston Respublikasi Madaniyat vazirligi tomonidan tasdiqlanadigan madaniy xizmatlar (ishlar) ro‘yxati (spektakl, to‘garaklar, gastrollar, ko‘chma ko‘rgazmalar, bayram va konsert tadbirlari va boshqalar).

3. Budjetdan subsidiyalar quyidagi hollarda ajratiladi:

madaniyat va san’at nodavlat muassasalari xarajatlarining bir qismini qoplash uchun yillik daromadlari va xarajatlari hajmidan, madaniy xizmatlar ko‘rsatish bo‘yicha tuziladigan shartnomalardan kelib chiqib;

qonunchilikda belgilangan tartibda madaniyat va san’at sohasida davlat-xususiy sheriklik shakllarida tuzilgan, O‘zbekiston Respublikasi Madaniyat vazirligi, Qurilish vazirligi va boshqa tegishli vazirlik va idoralar tomonidan belgilangan normalar va talablar asosida qurilish (rekonstruksiya, mukammal ta’mirlash) va jihozlash ishlari to‘liq yakunlanib, belgilangan tartibda foydalanishga topshirilgan madaniyat va san’at nodavlat muassasalariga.

Madaniyat va san’at nodavlat muassasasiga budjetdan subsidiyalar O‘zbekiston Respublikasi Madaniyat vazirligi va madaniyat va san’at nodavlat muassasasi o‘rtasida davlat-xususiy sheriklik to‘g‘risida imzolangan shartnomada ko‘rsatilgan muddat davomida ajratiladi.

4. Madaniyat va san’at nodavlat muassasalariga O‘zbekiston Respublikasi Davlat budjetidan subsidiyalar ajratish va to‘lash mazkur Nizomga 1-ilovadagi sxemaga muvofiq ajratiladi va to‘lanadi.

2-bob. Subsidiyalarni hisoblash tartibi

5. Budjetdan subsidiyalar madaniyat va san’at nodavlat muassasasiga uning tuman (shahar) madaniyat bo‘limiga yo‘naltirilgan tegishli arizasiga asosan hisoblanadi va ajratiladi.

Arizaga quyidagilar ilova qilinadi:

ariza beruvchining — yuridik shaxs bo‘lgan tadbirkorlik subyektining nomi, joylashgan joyi (pochta manzili) va tashkiliy-huquqiy shaklini tasdiqlovchi guvohnoma, tijorat bankidagi hisobraqamlar rekvizitlari;

O‘zbekiston Respublikasi Madaniyat vazirligi bilan davlat-xususiy sheriklik to‘g‘risida imzolangan shartnoma nusxasi;

madaniyat va san’at nodavlat muassasasi to‘g‘risida ma’lumotlar: ro‘yxatga olinganligi to‘g‘risidagi guvohnoma, kadastr hujjati, quvvati, tegishli yilda madaniyat va san’at nodavlat muassasasi tomonidan amalga oshirishi rejalashtirilgan madaniy xizmatlar ko‘rsatish ro‘yxati va ushbu faoliyatdan kelib tushadigan daromadlar prognozi, faoliyati boshlangan sana to‘g‘risidagi ma’lumotnoma, joylashgan bino va yer maydonlari hajmi, barcha xarajatlar, shuningdek, kommunal xizmatlar bo‘yicha kutilayotgan xarajatlar miqdorlari, tegishli hisob-kitoblar va ma’lumotlar;

mazkur Nizomning 3-bandi uchinchi xatboshida belgilangan talablar to‘liq bajarilganligini tasdiqlovchi hujjatlar.

6. Tuman (shahar) madaniyat bo‘limi madaniyat va san’at nodavlat muassasasining buyurtmanomasi kelib tushgan kundan boshlab besh ish kuni mobaynida uning mazkur Nizomda belgilangan talablarga mosligini o‘rganib chiqadi va arizani qanoatlantirish yoki uni rad etish to‘g‘risida qaror qabul qiladi hamda ushbu muassasaga budjetdan subsidiyalar ajratish yoki arizani rad etish to‘g‘risida asoslantirilgan holda yozma shaklda, shu jumladan elektron axborot tizimi orqali xabardor qiladi.

7. Madaniyat va san’at nodavlat muassasasiga budjetdan subsidiyalar ajratish to‘g‘risidagi qaror tuman (shahar) madaniyat bo‘limi rahbarining tegishli buyrug‘i bilan rasmiylashtiriladi va ushbu buyruqqa tuman (shahar) moliya organi bilan kelishilgan budjetdan subsidiyalar miqdori va to‘lash grafigini nazarda tutuvchi jadval ilova qilinadi.

8. Budjetdan subsidiyalar miqdorini belgilash uchun tuman (shahar) madaniyat bo‘limlari tegishli hududda joylashgan madaniyat va san’at nodavlat muassasalarining (mazkur muassasalar kesimida) tegishli moliya yili uchun daromadlari va xarajatlari hajmi prognozini ishlab chiqadi va tuman (shahar) moliya bo‘limi bilan kelishilgan holda tasdiqlaydi.

Bunda davlat-xususiy sheriklik to‘g‘risidagi qonunchilik shartlari asosida tashkil etilgan madaniyat va san’at nodavlat muassasalarining:

Oldingi tahrirga qarang.

xarajatlari (har bir xarajat turi bo‘yicha ish haqi va boshqa xarajatlar) tegishli yo‘nalishdagi davlat madaniyat va san’at muassasalari uchun belgilangan tartib va normalar (qonunchilik hujjatlari bilan belgilangan lavozim maoshlari va bazaviy mehnatga haq to‘lash stavkalari, ularga qo‘shimcha haq to‘lash va ustamalar hamda amaldagi namunaviy shtatlar va shtat normativlari, kommunal xizmatlar va boshqa xarajatlar normalari) asosida;

(8-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

yagona ijtimoiy to‘lovi miqdori xo‘jalik hisobidan faoliyat yurituvchi tashkilotlar uchun belgilangan miqdorlarda hisoblanadi.

9. Madaniyat va san’at nodavlat muassasasi xarajatlarining summasini hisoblashda “Asosiy vositalar bo‘yicha xarajatlar” (sahna-tomosha vositalari, dekoratsiyalar, mebel va rekvizitlar, butaforiya, teatr kostyumlari va milliy kostyumlar, bosh kiyimlar, ichki kiyimlar, poyabzallar, pariklar va boshqalar bundan mustasno) hisobga olinmaydi.

10. Budjetdan subsidiyalar mazkur Nizomning 8-bandida belgilangan tartibda hisoblangan madaniyat va san’at nodavlat muassasasining tegishli yildagi xarajatlariga nisbatan quyidagi miqdorlarda ajratiladi:

a) teatr va sirklarda:

Toshkent shahrida — 30 foiz;

Nukus shahri va viloyatlar markazlarida — 40 foiz;

qolgan hududlarda — 50 foiz;

b) hayvonot bog‘larida:

Toshkent shahrida — 40 foiz;

Nukus shahri va viloyatlar markazlarida — 50 foiz;

v) madaniyat saroylari, konsert zallari:

Toshkent shahrida — 40 foiz;

Nukus shahri va viloyatlar markazlarida — 50 foiz;

qolgan hududlarda — 60 foiz;

g) I tipdagi madaniyat markazlarida:

Toshkent shahrida — 30 foiz;

Nukus shahri va viloyatlar markazlarida — 40 foiz;

qolgan hududlarda — 50 foiz;

d) II va III tipdagi madaniyat markazlarida:

Toshkent shahrida — 40 foiz;

Nukus shahri va viloyatlar markazlarida — 50 foiz;

qolgan hududlarda — 60 foiz.

Budjetdan subsidiyalar mazkur bandda ko‘rsatilgan miqdorlarda, biroq madaniyat va san’at nodavlat muassasasining prognoz xarajatlari o‘z daromadlari bilan qoplanmagan qismidan oshmagan holda ajratiladi.

11. Mazkur Nizomning 8 — 10-bandlarida ko‘rsatilgan talablar faqat madaniyat va san’at nodavlat muassasasiga budjetdan ajratiladigan budjet subsidiyalar miqdorini hisob-kitob qilish maqsadida qo‘llaniladi.

Madaniyat va san’at nodavlat muassasasining haqiqiy shtat birliklari soni va xarajatlari, shu jumladan ish haqi xarajatlari miqdorlari ushbu muassasa rahbarining qaroriga ko‘ra, tegishli yo‘nalishdagi davlat madaniyat va san’at muassasalari uchun belgilangan shtatlar va xarajatlar normalaridan farqlanishi mumkin.

Bunda madaniyat va san’at nodavlat muassasasining ortiqcha xarajatlari uning o‘z daromadlari hisobidan qoplanadi.

12. Madaniyat va san’at nodavlat muassasasining madaniy xizmatlar shartnomasiga tegishli yil xarajatlari hajmining prognozidan kelib chiqib, oyma-oy taqsimlangan budjetdan subsidiyalar va o‘z daromadlari hisobidan (manbalar kesimida) yo‘naltiriladigan mablag‘lar bo‘yicha jadval ilova qilinadi.

Oldingi tahrirga qarang.

13. Moliya yili davomida qonunchilik hujjatlariga muvofiq ish haqi miqdorlari va shartlari o‘zgargan holatlarda, madaniyat va san’at muassasasiga budjetdan ajratiladigan subsidiyalar summasi miqdorining tegishli qismi qayta ko‘rib chiqiladi.

(13-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

14. Budjetdan ajratiladigan subsidiyalar tegishli moliya yili uchun tuman (shahar) mahalliy budjetlari parametrlarida “Madaniyat va sport” sohasi bo‘yicha nazarda tutiladi.

3-bob. Budjetdan subsidiyalarni ajratish tartibi

15. Madaniyat va san’at nodavlat muassasasi budjetdan subsidiyalar ajratish uchun tegishli tuman (shahar) moliya bo‘limiga budjetdan subsidiyalar olish uchun buyurtmanomani quyidagi hujjatlarni ilova qilgan holda mazkur nizomga 2-ilovaga muvofiq shaklda hisobot oyi uchun hisobot oyidan keyin har oyning 5 sanasiga qadar taqdim etadi:

buyurtmanoma beruvchining — yuridik shaxs bo‘lgan tadbirkorlik subyektining nomi, joylashgan joyi (pochta manzili) va tashkiliy-huquqiy shaklini tasdiqlovchi guvohnoma, tijorat bankidagi hisobraqamlari rekvizitlari;

O‘zbekiston Respublikasi Madaniyat vazirligi bilan davlat-xususiy sheriklik to‘g‘risida imzolangan shartnoma nusxasi;

tuman (shahar) madaniyat bo‘limi bilan belgilangan tartibda tuzilgan madaniy xizmatlar ko‘rsatish bo‘yicha shartnoma nusxasi;

hisobot oyida o‘z faoliyatidan olingan haqiqiy daromadlar (tushumlar) to‘g‘risida tegishli tijorat banki tomonidan tasdiqlangan ma’lumot.

Mazkur bandning ikkinchi — to‘rtinchi xatboshilarida ko‘rsatilgan ma’lumotlar madaniyat va san’at nodavlat muassasasi tomonidan budjetdan subsidiyani birinchi marta olganda taqdim etiladi.

16. Madaniyat va san’at nodavlat muassasasiga hisobot oyi uchun budjetdan ajratiladigan subsidiyalar miqdorlari quyidagi formula asosida hisoblanadi:

BSh = BSp * Dh / Dp

bunda:

BSh — madaniyat va san’at nodavlat muassasasining hisobot oyida budjetdan ajratiladigan subsidiyaning haqiqiy miqdori;

BSp — madaniyat va san’at nodavlat muassasasining madaniy xizmatlar ko‘rsatish bo‘yicha shartnomasiga ilova qilingan jadvalda hisobot oyi uchun budjetdan ajratilishi belgilangan subsidiyaning prognoz miqdori;

Dh — madaniyat va san’at nodavlat muassasasining hisobot oyidagi o‘z faoliyatidan olingan haqiqiy daromadlar (tushumlar);

Dp — madaniyat va san’at nodavlat muassasasining madaniy xizmatlar ko‘rsatish bo‘yicha shartnomasiga ilova qilingan jadvalda hisobot oyi uchun belgilangan daromadlar prognoz ko‘rsatkichi.

17. Hisob-kitoblar natijasida madaniyat va san’at nodavlat muassasasiga hisobot oyi uchun budjetdan ajratiladigan subsidiyaning haqiqiy miqdori ushbu subsidiyaning prognoz miqdorlaridan oshganida, budjetdan subsidiya uning prognoz miqdorlari doirasida to‘lanadi.

18. Tuman (shahar) moliya bo‘limi hududdagi madaniyat va san’at nodavlat muassasalari tomonidan taqdim etilgan buyurtmanomalarga asosan amalga oshirilgan hisob-kitoblar natijasini umumlashtirib, mazkur Nizomga 2-ilovaga muvofiq shaklda budjetdan subsidiyalar ajratiladigan madaniyat va san’at nodavlat muassasalarining reyestrini tuzadi va hisobot oyidan keyingi oyning 10-sanasigacha tegishli g‘aznachilik bo‘linmasiga to‘lovni amalga oshirish uchun taqdim etadi.

19. G‘aznachilik bo‘linmasi ikki ish kuni mobaynida tuman (shahar) moliya bo‘limlari tomonidan taqdim etilgan reyestr asosida tegishli madaniyat va san’at nodavlat muassasasining tijorat banklardagi hisobraqamiga budjetdan subsidiyalarni belgilangan tartibda o‘tkazadi.

20. Madaniyat va san’at nodavlat muassasasi budjetdan subsidiya olishga buyurtmanomani hisobot oyi uchun hisobot oyidan keyin ikki oy davomida taqdim etishi mumkin.

Mazkur bandda belgilangan muddatdan kechikib topshirilgan buyurtmanomalar to‘lovga qabul qilinmaydi.

21. Madaniyat va san’at nodavlat muassasasining madaniy xizmatlar ko‘rsatish bo‘yicha shartnomasiga ilova qilingan jadvalda belgilangan o‘z faoliyatidan daromadlari prognozining ketma-ket olti oy davomida 50 foiz va undan past miqdorlarda bajarilishi tuman (shahar) moliya bo‘limi tomonidan aniqlanganda, mazkur holat to‘g‘risida tuman (shahar) madaniyat bo‘limiga va madaniyat va san’at nodavlat muassasasiga yozma ravishda ma’lum qilinadi.

Bu holatda madaniyat va san’at nodavlat muassasasiga budjetdan subsidiyalar ajratilishi vaqtinchalik to‘xtatiladi hamda mazkur daromadlar prognozining haqiqiy ko‘rsatkichlari 51 foiz va undan yuqoriroq bo‘lgan oydan boshlab qayta tiklanadi.

Madaniyat va san’at nodavlat muassasasiga budjetdan subsidiyalar ajratishni vaqtinchalik to‘xtatish va qayta tiklash to‘g‘risidagi qaror tuman (shahar) madaniyat bo‘limi rahbarining tegishli buyrug‘i bilan rasmiylashtiriladi.

4-bob. Yakunlovchi qoidalar

22. Tuman (shahar) moliya bo‘limlariga budjetdan subsidiya ajratish uchun taqdim etilgan ma’lumotlarning asosliligi, to‘g‘riligi va haqqoniyligiga madaniyat va san’at nodavlat muassasasi hamda tegishli madaniyat bo‘linmalari rahbarlari shaxsan javob beradi.

23. Madaniyat va san’at nodavlat muassasasi tomonidan budjetdan subsidiya olish uchun tuman (shahar) moliya bo‘limiga taqdim etilgan ma’lumotlar va hujjatlarning soxtaligi aniqlanganda, ushbu muassasa O‘zbekiston Respublikasi Davlat budjetidan subsidiyalar ajratiladigan nodavlat madaniyat va san’at muassasalarining reyestridan chiqariladi hamda buning hisobiga ortiqcha olingan subsidiyalar mahalliy budjetga qaytariladi.

24. Madaniyat va san’at nodavlat muassasasi tuman (shahar) madaniyat bo‘limlariga budjetdan subsidiyalar va xususiy sherik tomonidan o‘z mablag‘lari hisobidan madaniyat va san’at muassasasi faoliyatiga yo‘naltirilgan mablag‘lar to‘g‘risida choraklik (yillik) hisobot taqdim etadi.

25. Madaniyat va san’at nodavlat muassasasining davlat-xususiy sheriklik shartlari asosida faoliyat yuritish, shuningdek, madaniy xizmatlar ko‘rsatish bo‘yicha shartnomaga ilova qilingan jadvalda belgilangan daromadlari prognozining bajarilishi yuzasidan O‘zbekiston Respublikasi Madaniyat vazirligining madaniyat va san’at muassasalari faoliyatini tashkil etish boshqarmasi va davlat-xususiy sheriklik loyihalari monitoringi bo‘limi tomonidan davlat-xususiy sheriklik asosida doimiy monitoring amalga oshiriladi.

26. Budjetdan subsidiya mablag‘larining maqsadli sarflanishi yuzasidan nazorat O‘zbekiston Respublikasi Madaniyat vazirligi hamda O‘zbekiston Respublikasi Moliya vazirligining Davlat moliya nazorati organlari tomonidan amalga oshiriladi.

Oldingi tahrirga qarang.

27. Mazkur Nizom talablari buzilishida aybdor bo‘lgan shaxslar qonunchilik hujjatlariga muvofiq javob beradilar.

(27-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Davlat-xususiy sheriklik to‘g‘risidagi qonunchilik shartlari asosida faoliyat yuritadigan madaniyat va san’at muassasalariga O‘zbekiston Respublikasi Davlat budjeti mablag‘laridan subsidiyalar ajratish tartibi to‘g‘risidagi nizomga
1-ILOVA

Davlat-xususiy sheriklik to‘g‘risidagi qonunchilik shartlari asosida faoliyat yuritayotgan nodavlat madaniyat va san’at muassasalariga O‘zbekiston Respublikasi Davlat budjetidan subsidiyalar ajratish va to‘lash

SXEMASI

Bosqichlar	Subyektlar	Tadbirlar	Bajarish muddati

1-bosqich	Nodavlat madaniyat va san’at muassasasi	Subsidiyalar ajratish uchun moliya organiga tegishli hujjatlarni ilova qilgan holda ariza bilan murojaat qiladi.	Zaruratga ko‘ra

2-bosqich	Moliya organi	Ariza moliya organiga kelib tushgan kundan boshlab besh ish kuni mobaynida uning belgilangan talablarga mosligini o‘rganib chiqadi va arizani qanoatlantirish yoki uni rad etish to‘g‘risida qaror qabul qiladi hamda nodavlat madaniyat va san’at muassasasiga budjetdan subsidiyalar ajratish yoki arizani rad etish to‘g‘risida asoslantirilgan holda yozma shaklda, shu jumladan elektron axborot tizimi orqali xabardor qiladi. Shuningdek, nodavlat madaniyat va san’at muassasasiga budjetdan subsidiyalar ajratish moliya organi rahbarining tegishli buyrug‘i bilan rasmiylashtiriladi hamda buyruqda budjetdan subsidiyani ajratish grafigi va miqdori ko‘rsatiladi.	5 ish kuni davomida

3-bosqich	Nodavlat madaniyat va san’at muassasasi	Tegishli tuman (shahar) moliya bo‘limlariga o‘tgan oyda haqiqatda ishlatilgan mablag‘lar to‘g‘risida hamda Madaniyat vazirligi va Moliya vazirligi tomonidan tasdiqlanadigan shaklga muvofiq budjetdan subsidiyalar olish uchun buyurtmanomani tegishli madaniyat bo‘linmalari bilan kelishilgan holda moliya organlariga taqdim etadi.	hisobot oyidan keyingi oyning 5-sanasigacha

4-bosqich	Tuman (shahar) moliya bo‘limlari	Nodavlat madaniyat va san’at muassasalari tomonidan taqdim etilgan buyurtmanomalarni umumlashtirib, budjetdan subsidiyalarni ajratish uchun belgilangan tartibda budjetdan subsidiyalar ajratiladigan nodavlat madaniyat va san’at muassasalarining reyestrini tuzadi hamda g‘aznachilik bo‘linmasiga to‘lovni amalga oshirish uchun va yuqori moliya organiga ma’lumot uchun taqdim etadi.	hisobot oyidan keyingi oyning 10-sanasigacha

5-bosqich	G‘aznachilik bo‘linmasi	G‘aznachilik bo‘linmasi viloyat, tuman (shahar) moliya boshqarmalari va bo‘limlari tomonidan taqdim etilgan reyestr asosida tegishli nomadaniyat va san’at muassasasining tijorat banklardagi hisobvaraqlariga subsidiyalarni belgilangan tartibda o‘tkazadi.	hisobot oyidan keyingi oyning 12-sanasigacha

20__ yil _______ oyi uchun O‘zbekiston Respublikasi Davlat budjeti hisobidan subsidiyalar ajratiladigan nodavlat madaniyat va san’at muassasalarining

REESTRI

T/r	Subsidiyalar ajratiladigan nodavlat madaniyat va san’at muassasasi nomi	Joylashgan joyi (pochta manzili)	STIR	Bank rekvizitlari	Nodavlat madaniyat va san’at muassasasining o‘tgan oydagi kassa xarajatlari	Budjetdan ajratiladigan subsidiya		Nodavlat madaniyat va san’at muassasasi hisobidan ajratilishi ko‘zda tutilgan mablag‘
A	1	2	3	4	5	6	*7=5__%**	8	*9=5__%**


	JAMI:

Tuman (shahar) moliya bo‘limi mudiri
	(imzo)	(F.I.O)
Tuman (shahar) moliya bo‘limi bosh hisobchisi
	(imzo)	(F.I.O)
G‘aznachilik bo‘linmasi mas’ul xodimi
	(imzo)	(F.I.O)

20__ yil “____” ___________

(Qonun hujjatlari ma’lumotlari milliy bazasi, 10.07.2019-y., 09/19/570/3399-son; Qonunchilik ma’lumotlari milliy bazasi, 05.04.2022-y., 09/22/153/0266-son)