466-сон 06.06.2019. 2019-2020-yillarda Qashqadaryo viloyati Kasbi tumanining sanoat salohiyatini rivojlantirish toʻgʻrisida

Hujjat kuchini yo‘qotgan " " 01.09.2024

O‘zbekiston Respublikasi Vazirlar Mahkamasining

qarori

2019-2020-yillarda Qashqadaryo viloyati Kasbi tumanining sanoat salohiyatini rivojlantirish to‘g‘risida

LexUZ sharhi

Mazkur qaror O‘zbekiston Respublikasi Vazirlar Mahkamasining 2024-yil 6-maydagi 266-sonli “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash to‘g‘risida”gi qaroriga asosan 2024-yil 1-sentabrdan o‘z kuchini yo‘qotadi.

Qashqadaryo viloyatining Kasbi tumanida mavjud tabiiy va mehnat resurslaridan to‘liq va samarali foydalanish, tadbirkorlik faoliyatini jadal rivojlantirish, sanoat salohiyatini oshirish hisobiga yangi ish o‘rinlari tashkil etish va bandlikni ta’minlash orqali aholi turmush darajasini yanada oshirish maqsadida Vazirlar Mahkamasi qaror qiladi:

1. 2019-2020-yillarda Qashqadaryo viloyatining Kasbi tumanida sanoatni rivojlantirish sohasidagi loyihalarning manzilli ro‘yxati (keyingi o‘rinlarda manzilli ro‘yxat deb ataladi) 1-ilovaga muvofiq;

Qashqadaryo viloyati Kasbi tumanidagi bo‘sh turgan bino-inshootlardan samarali foydalanish maqsadida tuman hokimligiga o‘tkaziladigan obyektlarning ro‘yxati 2-ilovaga muvofiq tasdiqlansin.

2. Qashqadaryo viloyati hokimligi:

O‘zbekiston Respublikasi Investitsiyalar va tashqi savdo vazirligi, manfaatdor davlat va xo‘jalik boshqaruvi organlari va loyiha tashabbuskorlari bilan birgalikda manzilli ro‘yxat parametrlarining so‘zsiz bajarilishini hamda bu borada investitsiya loyihalarining o‘z vaqtida va sifatli amalga oshirilishini, ishlab chiqarishning mo‘ljallangan hajmlari o‘zlashtirilishini va yangi ish o‘rinlari tashkil etilishini ta’minlasin;

muammoli masalalarni muntazam ravishda ko‘rib chiqib, ularni hal etish yuzasidan tezkor va zarur amaliy chora-tadbirlar ko‘rgan holda, loyihalar amalga oshirilishi yuzasidan tizimli monitoring olib borsin;

har chorak yakuni bilan sektorlar kesimida sanoatni rivojlantirish bo‘yicha manzilli ro‘yxatga kiritilgan tadbirlarning o‘z vaqtida va sifatli bajarilishini, loyiha tashabbuskorlari faoliyati natijadorligini baholagan holda, viloyat va tuman faollari yig‘ilishlarida muhokama qilsin hamda amalga oshirilgan ishlar to‘g‘risida Vazirlar Mahkamasiga axborot kiritib borsin.

3. Qashqadaryo viloyati hokimligiga O‘zbekiston Respublikasi Investitsiyalar va tashqi savdo vazirligi hamda xizmat ko‘rsatuvchi banklar bilan kelishgan holda, loyihalar qiymati va ish o‘rinlari sonini saqlab qolish sharti bilan, zaruratga ko‘ra, manzilli ro‘yxatga o‘zgartirishlar kiritish huquqi berilsin.

4. Qashqadaryo viloyati hokimligi O‘zbekiston Respublikasi Davlat aktivlarini boshqarish agentligi, Yer resurslari, geodeziya, kartografiya va davlat kadastri davlat qo‘mitasi, Qurilish vazirligi bilan birgalikda bir oy muddatda 2-ilovaga kiritilgan obyektlarni Kasbi tumani hokimligiga o‘tkazib berilishini ta’minlasin.

5. Qashqadaryo viloyati hokimligi, O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasining Qashqadaryo viloyati Kasbi tumani “Mug‘lon” MFY hududida joylashgan Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti Qashqadaryo ilmiy-tajriba stansiyasiga qarashli bo‘lgan foydalanilmayotgan 3,0 gektar yer uchastkasidan kelgusida samarali foydalanish maqsadida Kasbi tumani hokimligiga berish to‘g‘risidagi takliflari ma’qullansin.

6. “Hunarmand” uyushmasi, O‘zbekiston Respublikasi Bandlik va mehnat munosabatlari vazirligi, O‘zbekiston yoshlar ittifoqi, Xotin-qizlar qo‘mitasi, Qashqadaryo viloyati hokimligi bilan birgalikda:

Kasbi tumanida 30 nafar ishsiz yoshlarni hunarmandlar va boshqa kasb vakillari bo‘lgan ustozlarga “Ustoz-shogird” loyihasi bo‘yicha bir kalendar yilga shogird sifatida biriktirish;

kasb-hunarlarni to‘liq egallagan shogirdlarni keyinchalik mazkur bandning ikkinchi xatboshida ko‘rsatib o‘tilgan shartlar asosida kamida ikki nafar shogirdni bepul o‘qitish sharti bilan mustaqil ishni davom ettirish uchun zarur bo‘lgan asbob-uskunalar bilan ta’minlash choralarini ko‘rsinlar.

7. Belgilansinki, “Ustoz-shogird” loyihasi bo‘yicha ustozlar va shogirdlarga to‘lovlar O‘zbekiston Respublikasi Bandlik va mehnat munosabatlari vazirligi huzuridagi Jamoat ishlari jamg‘armasi, Bandlikka ko‘maklashish davlat jamg‘armasi mablag‘lari va qonun hujjatlarida ta’qiqlanmagan boshqa manbalar hisobidan amalga oshiriladi.

8. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — transport vaziri A.J. Ramatov hamda Qashqadaryo viloyati hokimi Z.Sh. Ro‘ziyev zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2019-yil 6-iyun,

466-son

Vazirlar Mahkamasining 2019-yil 6-iyundagi 466-son qaroriga
1-ILOVA

2019-2020-yillarda Qashqadaryo viloyatining Kasbi tumanida sanoatni rivojlantirish sohasidagi loyihalarining

MANZILLI RO‘YXATI

T/r	Loyiha tashabbuskori	Loyihaning nomi	Loyiha qiymati, (mln.so‘m)	shundan:			Xizmat ko‘rsatuvchi bank	Ishga tushirish muddati	Yangi ish o‘rni
T/r	Loyiha tashabbuskori	Loyihaning nomi	Loyiha qiymati, (mln.so‘m)	o‘z mablag‘i	bank krediti	xorijiy kredit liniyasi (ming dollar)	Xizmat ko‘rsatuvchi bank	Ishga tushirish muddati	Yangi ish o‘rni
Jami — 41 ta loyiha			375 110	17 150	5 140	42 250			811
1.	“Mug‘lon” XK	non va non mahsulotlari ishlab chiqarishni tashkil etish	150	150				01.07.2019	4
2.	“Mirziyo plyus Sarvarbek” FX	makaron mahsulotlari ishlab chiqarishni tashkil etish	300	150	150		“Agrobank” ATB	01.07.2019	2
3.	YTT Shodmonov Ozod Choriyevich	shlakablok ishlab chiqarishni tashkil etish	185	150	35		AT Xalq banki	01.07.2019	2
4.	“Quruvchi ulgurji chakana savdo” MChJ	g‘isht ishlab chiqarishni kengaytirish	1 000	700	300		“Asaka” bank ATB	01.07.2019	8
5.	“O‘zpaxtasanoat” AJ (1-loyiha)	tikuvchilik va trikotaj mahsulotlari ishlab chiqarishni tashkil etish	1 500	1500				01.10.2019	150
6.	“Big region” MChJ	trikotaj mahsulotlari ishlab chiqarishni tashkil etish	45 040	1 880		5200		01.10.2019	50
7.	“Obodon” KX	qurilish materiallari ishlab chiqarish (yengil konstruksiyali panellar)	3 500	3 000	500		AT “Aloqabank”	01.10.2019	12
8.	“Panjiyev Javohir Baxodir o‘g‘li” OK	eshik va rom ishlab chiqarishni tashkil etish	400	400				08.10.2019	10
9.	“Qilichov Javohir” YTT	mebel ishlab chiqarishni yo‘lga qo‘yishni tashkil etish	400	300	100		AT Xalq banki	11.10.2019	4
10.	“Beknazarov Zafar” OK	sport anjomlari ishlab chiqarishni tashkil etish	500	500				11.10.2019	15
11.	“Shaxribonu Jamshidovna” MChJ	polietilen mahsulotlari ishlab chiqarishni tashkil etish	500	500				12.10.2019	10
12.	“Qatag‘an tekstil” MChJ	to‘quvchilik mahsulotlari ishlab chiqarishni tashkil etish	300	200	100		“Agrobank” ATB	15.10.2019	27
13.	“Davronov Dilshod Atxam o‘g‘li” OK	gigena qog‘ozini ishlab chiqarishni tashkil etish	250	100	150		AT Xalq banki	15.10.2019	30
14.	“Indorama-agro” MChJ XK (2-bosqich)	to‘qimachilik mahsulotlari ishlab chiqarishni tashkil etish	292 225			35000		01.12.2019	70
15.	“Ekspress Kasbi” XK	omuxta yem ishlab chiqarish	200	100	100		AT Xalq banki	15.12.2019	4
16.	“Og‘abek” MChJ	qurilish materiallari ishlab chiqarishni tashkil etish	800	800			AT “Aloqabank”	31.12.2019	6
17.	“Mamatov Nodir Jumanazarovich” OK	shlakablok ishlab chiqarishni tashkil etish	100	50	50		AT Xalq banki	31.12.2019	4
18.	“Oqqamish bunyodkori” MChJ	shlakablok ishlab chiqarishni tashkil etish	80	80				31.12.2019	2
19.	“Rivoj kapital” MChJ	shlakablok ishlab chiqarishni tashkil etish	150	150				31.12.2019	2
20.	“Qurbonov Jo‘rabek Bo‘ritosh o‘g‘li” OK	mebel ishlab chiqarishni tashkil etish	200	50	150		AT Xalq banki	31.12.2019	3
21.	“Axmedov Ma’mur To‘ra o‘g‘li” OK	eshik va rom ishlab chiqarishni tashkil etish	210	150	60		AT Xalq banki	31.12.2019	3
22.	“Abduraximov Tulkinjon Toirovich” OK	polietilen qop ishlab chiqarishni tashkil etish	400	100	300		AT Xalq banki	31.12.2019	15
23.	“Qahromonov Suxrob Sunnatillo o‘g‘li” OK	sovun va kukun ishlab chiqarishni tashkil etish	400	100	300		AT Xalq banki	31.12.2019	10
24.	“Turdiboyeva Gulhayo Akmal qizi” OK	milliy shirinliklar ishlab chiqarishni tashkil etish	130	80	50		AT Xalq banki	31.12.2019	9
25.	“Nafasov Tolib” OK	non va non mahsulotlari ishlab chiqarishni tashkil etish	100	100				31.12.2019	2
26.	“Sherqulov Ramiz” OK	non va non mahsulotlari ishlab chiqarish	100	100			AT Xalq banki	31.12.2019	2
27.	“Amirqulova Dilorom Sobirqul qizi” OK	non va non mahsulotlari ishlab chiqarishni tashkil etish	155	125	30		AT Xalq banki	31.12.2019	4
28.	“Yurt rizqi” MChJ	sutni qayta ishlashni modernizatsiya qilish	1 200	600	600			31.12.2019	10
29.	“Amonov Muhammad Baxriddin o‘g‘li” OK	paypoq ishlab chiqarishni tashkil etishni tashkil etish	370	250	120		AT Xalq banki	31.12.2019	4
30.	“Boboyev Abror Alisher o‘g‘li” OK	tikuvchilik mahsulotlari ishlab chiqarishni tashkil etish	125	70	55		AT Xalq banki	31.12.2019	2
31.	“Quvvatova Dinara Qorjabovna” OK	tikuvchilik mahsulotlari ishlab chiqarishni tashkil etish	400	100	300		AT Xalq banki	31.12.2019	10
32.	“Xonqulov Botirjon Murodaliyevich” OK	tikuvchilik mahsulotlari ishlab chiqarishni tashkil etish	150	120	30		AT Xalq banki	31.12.2019	5
33.	“Tangriyev Boxodir Choriboy o‘g‘li” OK	tikuvchilik mahsulotlari ishlab chiqarishni tashkil etish	140	110	30		AT Xalq banki	31.12.2019	2
34.	“Rahmatullayev Sanjarbek Obidjon o‘g‘li” OK	tikuvchilik mahsulotlari ishlab chiqarishni tashkil etish	1 000	500	500		AT Xalq banki	31.12.2019	30
35.	“Qosimova Fayoza Sobir qizi” OK	tikuvchilik mahsulotlari ishlab chiqarishni tashkil etish	180	150	30		AT Xalq banki	31.12.2019	5
36.	“O‘zpaxtasanoat” AJ (2-loyiha)	tikuvchilik va trikotaj mahsulotlari ishlab chiqarishni tashkil etish	1 500	1500				01.09.2020	150
37.	“Koinot kamolot” MChJ	mevani qayta ishlash va sovutgichli sig‘imni tashkil etish	1 100	500	600		AT Xalq banki	10.10.2020	10
38.	“MT Amir tex” MChJ QK	paxtani qayta ishlash va tayyor mahsulotlar ishlab chiqarishni tashkil etish	17 500	500		2000	“Agrobank” ATB	31.10.2020	100
39.	“Moybuloq tekstil” MChJ	go‘shtni qayta ishlash sexini tashkil etish	800	600	200			31.12.2020	8
40.	“Oqbuloq” MChJ	sutni qayta ishlash sexini tashkil etish	870	435		50		31.12.2020	10
41.	“Denov nasl chorva” MChJ	sutni qayta ishlash sexini tashkil etish	500	200	300			31.12.2020	5

Vazirlar Mahkamasining 2019-yil 6-iyundagi 466-son qaroriga
2-ILOVA

Qashqadaryo viloyati Kasbi tumanidagi bo‘sh turgan bino-inshootlardan samarali foydalanish maqsadida tuman hokimligiga o‘tkaziladigan obyektlarning

RO‘YXATI

T/r	Obyekt nomi	Manzili	Balansda saqlovchi	Idoraviy mansubligi
1.	Urug‘lik don saqlash omborxonasi binosi	Kasbi tumani Mug‘lon qishlog‘i	“Dunyo-M” aksiyadorlik jamiyati	“O‘zdonmahsulot” AK *
2.	Qurilishi tugallanmagan parrandachilik majmuasi	Kasbi tumani “Mug‘lon” MFY, A.Navoiy massivi 121-kontur	“Sho‘rtanneftgaz” MChJ	“O‘zbekneftgaz” AJ *
3.	28-umumta’lim maktabning 1972-yilda qurilgan eski binosi	Kasbi tumani Qatag‘on qishlog‘i	Kasbi tumani 28-umumta’lim maktabi	Xalq ta’limi vazirligi

* Belgilangan tartibda aksiyadorlik jamiyatidagi davlat ulushini kamaytirish yoki soliqlar va boshqa majburiy to‘lovlar summasi hisobidan o‘tkaziladi.

(Qonun hujjatlari ma’lumotlari milliy bazasi, 07.06.2019-y., 09/19/466/3247-son)