Oʻzbekiston Respublikasi Vazirlar Mahkamasining
qarori
Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashining faoliyatini tashkil etish toʻgʻrisida
Oʻzbekiston Respublikasi Prezidentining “Oʻzbekiston Respublikasi Investitsiyalar va tashqi savdo vazirligining faoliyatini tashkil etish toʻgʻrisida” 2019-yil 28-yanvardagi PQ-4135-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi Investitsiyalar va tashqi savdo vazirligining faoliyatini tashkil etish toʻgʻrisida” 2019-yil 28-yanvardagi PQ-4135-son qarori bilan Oʻzbekiston Respublikasi Investitsiyalar va tashqi savdo vazirligi huzurida Tarif va notarif tartibga solish kengashi tashkil etilganligi va uning tarkibi belgilanganligi maʼlumot uchun qabul qilinsin.
2. Quyidagilar Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashining asosiy vazifalari etib belgilansin:
bojxona bojlari stavkalarini belgilash va tashqi savdo faoliyatini amalga oshirishda notarif tartibga solish chora-tadbirlarini qoʻllash boʻyicha xalqaro tajribani oʻrganish hamda takliflarni ishlab chiqish;
ichki va tashqi bozorlarda yuzaga kelayotgan vaziyatdan kelib chiqib tarif va notarif tartibga solish tizimini yanada takomillashtirish boʻyicha takliflar ishlab chiqish, shuningdek, bojxona toʻlovlari boʻyicha amaldagi imtiyozlar tizimiga oʻzgartirish va qoʻshimchalar kiritish boʻyicha takliflarni shakllantirishda ishtirok etish;
Oʻzbekiston Respublikasi tashqi iqtisodiy faoliyatining Tovar nomenklaturasi va tovarlarni tasniflash qoidalarini takomillashtirish boʻyicha takliflar tayyorlash.
3. Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashi toʻgʻrisidagi nizom ilovaga muvofiq tasdiqlansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev hamda Investitsiyalar va tashqi savdo vaziri S.U. Umurzakov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 15-may,
408-son
Vazirlar Mahkamasining 2019-yil 15-maydagi 408-son qaroriga
ILOVA
ILOVA
Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashi toʻgʻrisida
nizom
1-bob. Umumiy qoidalar
1. Ushbu Nizom Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashi (keyingi oʻrinlarda Kengash deb ataladi) asosiy vazifalari, funksiyalari, huquqlari va faoliyatini tashkil etish tartibini belgilaydi.
2. Kengash umumdavlat manfaatlarining tadbirkorlar manfaatlari bilan oʻzaro aloqasini tartibga solish, sanoat tarmoqlarini jadal rivojlantirish uchun shart-sharoitlar yaratish, sogʻlom raqobat muhitini qoʻllab-quvvatlash va isteʼmolchilarning ehtiyojlarini qondirishga qaratilgan tarif va notarif tartibga solish boʻyicha takliflarni ishlab chiqish uchun tashkil etilgan kollegial maslahat organi hisoblanadi.
Oldingi tahrirga qarang.
3. Kengash oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonunchilik hujjatlariga hamda ushbu Nizomga amal qiladi.
(3-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
2-bob. Kengashning asosiy vazifalari, funksiyalari va huquqlari
4. Quyidagilar Kengashning asosiy vazifalari hisoblanadi:
bojxona bojlari stavkalarini belgilash va tashqi savdo faoliyatini amalga oshirishda notarif tartibga solish chora-tadbirlarini qoʻllash boʻyicha xalqaro tajribani oʻrganish hamda takliflarni ishlab chiqish;
ichki va tashqi bozorlarda yuzaga kelayotgan vaziyatdan kelib chiqib tarif va notarif tartibga solish tizimini yanada takomillashtirish boʻyicha takliflar ishlab chiqish, shuningdek, bojxona toʻlovlari boʻyicha amaldagi imtiyozlar tizimiga oʻzgartirish va qoʻshimchalar kiritish boʻyicha takliflarni shakllantirishda ishtirok etish;
Oʻzbekiston Respublikasi tashqi iqtisodiy faoliyatining Tovar nomenklaturasi (keyingi oʻrinlarda TIF TN deb ataladi) va tovarlarni tasniflash qoidalarini takomillashtirish boʻyicha takliflar tayyorlash.
5. Kengash oʻziga yuklangan vazifalarni bajarish uchun quyidagi funksiyalarni amalga oshiradi:
1) bojxona bojlari stavkalarini belgilash va tashqi savdo faoliyatini amalga oshirishda notarif tartibga solish chora-tadbirlarini qoʻllash boʻyicha xalqaro tajribani oʻrganish hamda takliflarni ishlab chiqish sohasida:
bojxona bojlari stavkalarini optimallashtirish, shuningdek, tashqi iqtisodiy faoliyat bilan bogʻliq boʻlgan hamda bojxona bojlari bilan bir xil iqtisodiy samaraga ega boʻlgan boshqa soliqlar, yigʻimlar va toʻlovlar boʻyicha takliflarni koʻrib chiqadi hamda tegishli xulosalarni ishlab chiqadi;
xalqaro tajribani, shuningdek, manfaatdor vazirliklar va organlar, Oʻzbekiston Respublikasi Savdo-sanoat palatasi, tadbirkorlik subyektlarining (keyingi oʻrinlarda manfaatdor subyektlar deb ataladi) murojaatlarini oʻrganish asosida notarif tartibga solish choralarini qoʻllash boʻyicha takliflarni ishlab chiqadi;
2) tarif va notarif tartibga solish tizimini yanada takomillashtirish boʻyicha takliflar ishlab chiqish, shuningdek, bojxona toʻlovlari boʻyicha amaldagi imtiyozlar tizimiga oʻzgartirish va qoʻshimchalar kiritish uchun takliflar shakllantirishda ishtirok etish sohasida:
ilgʻor xalqaro tajribani qoʻllash asosida notarif tartibga solish choralarini yanada takomillashtirish boʻyicha vakolatli organlar va manfaatdor subyektlarning takliflarini eshitadi hamda tegishli takliflar va tavsiyalarni ishlab chiqadi;
maʼmuriy toʻsiqlarni kamaytirish, shu jumladan, tashqi savdo sohasidagi muddatlarni qisqartirish va tartibotlarni soddalashtirish qismi boʻyicha tavsiyalarni ishlab chiqadi;
muhokamalar asosida bojxona toʻlovlari boʻyicha imtiyozlar berish yuzasidan tavsiyalarni ishlab chiqadi;
manfaatdor subyektlar uchun tarif va notarif tartibga solishga tegishli maʼlumotlarni va bojxona ishi boʻyicha tavsiyalarni tarqatadi;
ommaviy axborot vositalarida, shuningdek, Investitsiyalar va tashqi savdo vazirligining rasmiy veb-saytida Kengash faoliyati haqida jamoatchilikni xabardor qiladi;
3) TIF TN va tovarlarni tasniflash qoidalarini takomillashtirishga qaratilgan takliflarni tayyorlash sohasida:
manfaatdor subyektlarning TIF TNga oʻzgartirish va qoʻshimchalar kiritish boʻyicha murojaatlarini qoʻrib chiqadi;
tovarlarni tasniflash boʻyicha xalqaro tajribani, shu jumladan, Jahon bojxona tashkilotining tavsiyalari asosida oʻrganib chiqadi;
TIF TN va tovarlarni tasniflash qoidalariga oʻzgartirish va qoʻshimchalar kiritish boʻyicha tegishli takliflarni ishlab chiqadi.
6. Kengash oʻziga yuklangan vazifalar va funksiyalarni bajarish doirasida quyidagi huquqlarga ega:
oʻziga yuklangan vazifalar doirasida davlat organlari va boshqa tashkilotlarga soʻrovlar yuborish hamda ulardan zarur statistik va tahliliy maʼlumotlarni olish;
Kengash koʻrib chiqadigan masalalar boʻyicha aniq vakolatlar doirasida vazifalarni amalga oshirish boʻyicha Kengash tarkibiga kiruvchi davlat organlari rahbarlariga topshiriqlar berish;
tarif va notarif tartibga solish choralarini qoʻllash toʻgʻrisidagi takliflarni koʻrib chiqish va manfaatdor subyektlarga tushuntirishlar berish;
tarif va notarif tartibga solish choralarini qoʻllash toʻgʻrisida tashqi iqtisodiy faoliyat subyektlari uchun tavsiyalarni ishlab chiqish;
Kengashga yuklangan vazifalar doirasida yigʻilishlar davomida yuridik va jismoniy shaxslarning murojaatlarini eshitish;
TIF TN doirasida tovarlarni tasniflash boʻyicha tavsiyalar ishlab chiqish;
tashqi iqtisodiy faoliyat subyektlari oʻrtasida soʻrovnomalar oʻtkazish;
zarur hollarda xalqaro ekspertlarni, davlat organlari va xoʻjalik boshqaruvi organlarining mutaxassislarini, ilmiy-tadqiqot markazlarining xodimlarini, oliy taʼlim muassasalarining olimlari va oʻqituvchilarini tegishli tashkilotlar rahbariyati bilan kelishilgan holda jalb qilish.
Oldingi tahrirga qarang.
Kengash qonunchilikka muvofiq boshqa huquqlarga ham ega boʻlishi mumkin.
(6-bandning oʻninchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
7. Kengash manfaatdor subyektlarning murojaatlarini koʻrib chiqishda ariza beruvchilarning huquqlari va qonuniy manfaatlariga rioya qilishi shart.
3-bob. Kengash faoliyatini tashkil etish tartibi
8. Kengash raisi Kengash faoliyatga umumiy rahbarlik qiladi va unga yuklangan vazifalar bajarilishi uchun javob beradi, uning vakolatlari quyidagilardan iborat:
kun tartibini belgilash va Kengash yigʻilishlarini chaqirish;
Kengash yigʻilishlarida raislik qilish;
Kengash yigʻilishlari reglamentini, ish rejasini, kun tartibi va yigʻilish bayonnomalarini tasdiqlash;
Kengash qabul qilgan qarorlar ijrosi yuzasidan nazoratni tashkil etish;
Kengash aʼzolariga yuklangan vazifalarni bajarish yuzasidan uning aʼzolari ishini muvofiqlashtirish;
manfaatdor subyektlardan tushgan murojaatlarni koʻrib chiqish;
ushbu Nizomga muvofiq Kengashning samarali ishini taʼminlash boʻyicha boshqa funksiyalarni amalga oshirish.
Kengash raisi yoki uning topshirigʻiga binoan Kengash raisining oʻrinbosari Kengash ishiga rahbarlik qiladi, uning faoliyatini rejalashtiradi, yigʻilishlarni olib boradi, Kengash qarorlari bajarilishini nazorat qiladi.
Oʻzbekiston Respublikasi Investitsiyalar va tashqi savdo vazirligi Kengash faoliyatini tashkil etadi va Kengash kotibiyati hisoblanadi.
9. Kengash kotibiyati Kengash faoliyatini tashkil etish boʻyicha quyidagi vazifalarni amalga oshiradi:
manfaatdor subyektlarning takliflarini qabul qiladi va koʻrib chiqadi;
ariza beruvchilar bilan bevosita muhokamalar olib boradi hamda ishlab chiqarish va bojxona nazoratini amalga oshirish joylariga chiqib ularning faoliyatini oʻrganadi;
takliflarni umumlashtiradi, Kengashning navbatdagi yigʻilishi kun tartibini shakllantiradi;
ushbu Nizomga muvofiq murojaatlarni koʻrib chiqishni muvofiqlashtirishni va Kengash faoliyatini tashkil etilishini taʼminlaydigan boshqa vazifalarni amalga oshiradi.
10. Kengash aʼzolari quyidagi huquqlarga ega:
Kengash yigʻilishlarida koʻrib chiqiladigan masalalarni muhokama qilish va hal qilishda oʻz vakolatlarini boshqa shaxslarga yuklatish huquqisiz shaxsan ishtirok etish;
Kengash yigʻilishida asosli sabablarga koʻra qatnashish imkoni boʻlmagan taqdirda, kun tartibiga kiritilgan masala boʻyicha oʻz fikrini yozma ravishda yuborish;
yigʻilishlarda ovoz berish jarayonida asosli sabablarga koʻra qatnashish imkoni boʻlmagan Kengash aʼzosining fikrini koʻrib chiqish va inobatga olish.
11. Kengash yigʻilishlari ichki va tashqi bozorlarda yuzaga keladigan vaziyatlar taʼsiriga javob berish zarur boʻlgan hollarda, biroq olti oyda kamida bir marta Kengash raisi tomonidan chaqiriladi.
Kengash navbatdagi yigʻilishining dastlabki kun tartibi va materiallari yigʻilish oʻtkazilishidan kamida 10 kalendar kun oldin Kengash aʼzolariga yigʻilish xabarnomasi bilan birgalikda yuboriladi.
Kengash aʼzolari tomonidan Kengashning navbatdagi yigʻilishidan kamida 5 kalendar kun oldin kun tartibiga kiritish uchun taklif qilingan masalalar dastlabki kun tartibidagi masalalarning qoʻshimcha roʻyxatiga kiritiladi.
Yigʻilish davomida Kengash uning ochilishida tasdiqlangan yakuniy kun tartibiga istalgan vaqtda oʻzgartirishlar kiritish huquqiga ega.
12. Kengash faoliyati qarorlarni qabul qilishda uning vakolatlariga oid masalalarni erkin muhokama qilish, oshkoralik, jamoatchilik fikrini inobatga olish, teng huquqlilik va kollegiallik prinsiplariga asoslanadi.
Kengash faoliyatining asosiy shakli ishlab chiqilgan va tasdiqlangan kun tartibi asosida oʻtkaziladigan yigʻilishlar hisoblanadi.
13. Kengash yigʻilishida belgilangan aʼzolar sonining kamida yarmi ishtirok etsa, Kengash qaror qabul qilishga vakolatlidir. Kengash qarorlari yigʻilishda ishtirok etayotgan Kengash aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda Kengash raisi yoki yigʻilishda raislik qilayotgan uning oʻrinbosarining ovozi hal qiluvchi hisoblanadi.
Kengash qarorlari bayonnoma shaklida rasmiylashtiriladi. Bayonnomalar Kengash raisi yoki Kengash yigʻilishida raislik qilayotgan uning oʻrinbosari hamda kotib tomonidan imzolanadi.
Kengash tomonidan koʻrib chiqilgan masalalar yuzasidan alohida fikrga ega boʻlgan Kengash aʼzolari uni yozma ravishda bayon etishga haqlidir, ushbu fikr Kengash yigʻilishining bayonnomasida aks ettirilishi va unga ilova qilinishi shart.
14. Kengash qabul qilgan qarorlar tegishli masalalar boʻyicha normativ-huquqiy hujjatlarni ishlab chiqish uchun asos boʻladi.
4-bob. Manfaatdor subyektlardan tushgan murojaatlarni koʻrib chiqish tartibi
15. Manfaatdor subyektlarning murojaatlari Kengash kotibiyati tomonidan quyidagi masalalar boʻyicha qabul qilinadi:
tovarlarga belgilangan bojxona boji stavkalarini optimallashtirish boʻyicha ushbu Nizomga 1-ilovaga muvofiq shaklda;
bojxona toʻlovlari boʻyicha imtiyozlar berish yoki imtiyozlarni bekor qilish boʻyicha ushbu Nizomga 2-ilovaga muvofiq shaklda;
tarif va notarif tartibga solishning boshqa masalalari boʻyicha ixtiyoriy shaklda.
Murojaatlar davlat tilida va boshqa tillarda yozma yoki elektron shaklda topshirilishi mumkin.
16. Murojaatlar Kengash kotibiyatiga tushgan kundan boshlab oʻn besh kun ichida, agar ularni qoʻshimcha oʻrganib chiqish, qoʻshimcha hujjatlarni soʻrash yoki Kengash aʼzolarining xulosasini tayyorlash zarur boʻlgan taqdirda bir oygacha boʻlgan muddatda koʻrib chiqiladi.
17. Kengash kotibiyati Kengash qarori qabul qilingan kundan boshlab uch kun mobaynida manfaatdor subyektlar va Kengash aʼzolarini xabardor qiladi.
18. Kengash tomonidan manfaatdor subyektlarning murojaatlarini qabul qilish va koʻrib chiqish ushbu Nizomga 3-ilovaga muvofiq sxema boʻyicha amalga oshiriladi.
5-bob. Yakunlovchi qoida
19. Kengash faoliyatini qayta tashkil etish yoki tugatish Oʻzbekiston Respublikasi Prezidentining tegishli qarori bilan amalga oshiriladi.
Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashi toʻgʻrisidagi nizomga
1-ILOVA
1-ILOVA
|
Tovarlarga bojxona bojini optimallashtirish masalalari boʻyicha | |||||||||||||||||||
|
_________________________________________________________________________________________________ (manfaatdor subyektning nomi) | |||||||||||||||||||
|
Manzil va telefon raqami: ____________________________________________________________________________ | |||||||||||||||||||
| Direktor (rahbar): __________________________________________________________________________________ | |||||||||||||||||||
| Roʻyxatga olingan sana: _______________________________________________________________________________ | |||||||||||||||||||
| Roʻyxatga olish joyi: _________________________________________________________________________________ | |||||||||||||||||||
| Moliyaviy rekvizitlari (bank rekvizitlari): _____________________________________________________________ | |||||||||||||||||||
| | | | | | | | | | | | | | | | | | | | |
| Rahbar: | |
___________________ |
|
__________________ |
| | | | | | |||||||||
| | | | | |
imzo |
|
sana |
| | | | | | ||||||
| Bosh buxgalter: | |
___________________ |
|
__________________ |
| | | | | | |||||||||
| (agar mavjud boʻlsa) | |
imzo |
|
sana |
| | | | | | |||||||||
| | | | | | | | | | | | | | | | | ||||
|
Baʼzi javoblar uchun joy yetarli boʻlmagan yoki koʻrib chiqilayotgan muammoni hal etish bilan bogʻliq biror-bir oʻziga xos jihat hisobga olinmagan taqdirda, qoʻshimcha varaqlarni ilova qiling. | |||||||||||||||||||
|
Manfaatdor subyektning buxgalteriya va statistika hisobotlari axborotning asosiy manbai hisoblanadi. | |||||||||||||||||||
| I. Tovarning nomi va bojxona bojining stavkasi | |||||||||||||||||||
|
TIF TN kodi (10 ta raqamdan iborat) va mahsulot nomi: | |||||||||||||||||||
|
Bojxona bojining amaldagi stavkasi:___________________________________________________________________ | |||||||||||||||||||
| Taklif qilinayotgan bojxona boji stavkasi:______________________________________________________________ | |||||||||||||||||||
| Bojning amaldagi stavkasini oʻzgartirishdan maqsadi:______________________________________________________ | |||||||||||||||||||
| II. Manfaatdor subyekt haqida umumiy maʼlumotlar | |||||||||||||||||||
| Faoliyatning tashkiliy-huquqiy shakli: | |||||||||||||||||||
| _________________________________________________________________________________________________ | |||||||||||||||||||
| Manfaatdor subyekt ishlab chiqarish va/yoki sotish bilan shugʻullanadigan asosiy tovarlarning roʻyxati*: | |||||||||||||||||||
| _____________________________________________________________________________________ | |||||||||||||||||||
| Oʻxshash mahsulotlarni ishlab chiqaruvchi mahalliy tashkilotlar roʻyxati (agar mavjud boʻlsa): | |||||||||||||||||||
| ______________________________________________________________________________________ | |||||||||||||||||||
| ______________________________________________________________________________________ | |||||||||||||||||||
| Manfaatdor subyekt ishlab chiqaradigan mahsulotlar isteʼmolchilari boʻlgan tashkilotlar roʻyxati: | |||||||||||||||||||
|
______________________________________________________________________________________ | |||||||||||||||||||
| ______________________________________________________________________________________ | |||||||||||||||||||
| III. Mahsulot haqida umumiy maʼlumot | |||||||||||||||||||
|
Boj stavkasini oʻzgartirish uchun ariza berilgan tovarning xususiyatlari va sifatini batafsil tavsiflab bering: _________________________________________________________________________________________________ | |||||||||||||||||||
|
Tovarni ishlab chiqarish uchun zarur boʻlgan ishlab chiqarish jarayonlarining mohiyatini tushuntiring: _________________________________________________________________________________________________ | |||||||||||||||||||
|
Tovar ishlatiladigan sohani tushuntiring (tarmoqlar, tashkilotlar, ishlab chiqarish jarayoni va boshqalar): _________________________________________________________________________________________________ | |||||||||||||||||||
|
Oʻzingiz ishlab chiqargan va import qilinadigan oʻxshash mahsulotlarning qiyosiy tavsifini bering (agar mavjud boʻlsa): _________________________________________________________________________________________________ | |||||||||||||||||||
|
Tavsif |
Import qilingan tovar |
Mahalliy tovar |
Izoh | ||||||||||||||||
| | | | | ||||||||||||||||
| | | | | ||||||||||||||||
| | | | | ||||||||||||||||
| | | | | ||||||||||||||||
| | | | | ||||||||||||||||
| Oʻxshash tovarni ishlab chiqaradigan mahalliy sanoat tarmogʻi yoki manfaatdor subyekt tomonidan tovarning raqobatbardoshligini taʼminlash maqsadida koʻrilgan chora-tadbirlar haqida maʼlumot bering: | |||||||||||||||||||
| ______________________________________________________________________________________ | |||||||||||||||||||
| ______________________________________________________________________________________ | |||||||||||||||||||
| ______________________________________________________________________________________ | |||||||||||||||||||
| IV. Boj stavkasini hisoblash va oʻzgartirish uchun maʼlumot | |||||||||||||||||||
|
Koʻrsatkichlar |
yillar (oxirgi 3 yildagi maʼlumotlar keltiriladi): | ||||||||||||||||||
|
20 ___ y. |
20 ___ y. |
20 ___ y. | |||||||||||||||||
| Ichki bozorda mahalliy tovarning narxi, ming soʻm ming AQSH dollari | | | | ||||||||||||||||
| Ichki bozorda oʻxshash (import qilinadigan) tovar narxi, ming soʻm ming AQSH dollari | |
| | ||||||||||||||||
| Respublikada ishlab chiqarish hajmi**, ming tonna (yoki boshqa birliklarda) ming soʻm ming AQSH dollari | |
|
| ||||||||||||||||
| Manfaatdor subyektning ishlab chiqarish hajmi, ming tonna (yoki boshqa birliklarda) ming soʻm ming AQSH dollari | | | | ||||||||||||||||
| Tarmoq tashkilotlarining ishlab chiqarish quvvati**, ming tonna | | | |||||||||||||||||
| Manfaatdor subyektning ishlab chiqarish quvvati, ming tonna | | | |||||||||||||||||
| Tarmoqda ishlaydigan xodimlar soni**, kishi | | | | ||||||||||||||||
| Manfaatdor subyektning ishlovchilari soni, kishi | | | | ||||||||||||||||
| Ushbu tovar importi, ming tonna ming soʻm mi?g AQSH dollari | | | | ||||||||||||||||
| Ushbu mahsulot eksporti, ming tonna ming soʻm ming AQSH dollari | |
| | ||||||||||||||||
| Mahsulot birligining oʻrtacha tannarxi, soʻm/tonna AQSH dollari/tonna | |
| | ||||||||||||||||
| Import qilishda xarajatlar (bojxona boji, QQS, bojxona yigʻimi, aksizlar) | | | |||||||||||||||||
| Isteʼmol hajmida importning ulushi (ishlab chiqarish), % | | | | ||||||||||||||||
| Ishlab chiqarish rentabelligi, % | | | | ||||||||||||||||
| Mahalliy tovarni ishlab chiqarish hajmida eksportning ulushi, % | | | | ||||||||||||||||
| Mahalliy tovarning eksport narxi (yetkazib berish shartlarini koʻrsating) | | | | ||||||||||||||||
| Ushbu jadvaldagi maʼlumotlarga istalgan zarur izohlarni keltiring. | |||||||||||||||||||
| V. Boj stavkasi oʻzgarishining taʼsiri tahlili | |||||||||||||||||||
| Tovarni ishlab chiqarishni�g yuzaga kelishi mumkin boʻlgan oʻsishi (kamayishi)ni baholash: | |||||||||||||||||||
| _____________________________________________________________________________________ | |||||||||||||||||||
| Tovarga (import va mahalliy) yuzaga kelishi mumkin boʻlgan talabning kamayishi (oʻsishi) ni baholash:__________________________________________________________________________________________ | |||||||||||||||||||
| _____________________________________________________________________________________ | |||||||||||||||||||
| Ichki bozorda mahalliy va import tovarlarini sotish nisbati boʻyicha mumkin boʻlgan oʻzgarishlarni (kamayish/oʻsish) baholash: | |||||||||||||||||||
* Agar tashkilotlar birlashmasi ariza beruvchi sifatida ish koʻrayotgan boʻlsa, tegishli birlashmaga kiradigan har bir tashkilot boʻyicha materiallar taqdim etiladi.
** Manfaatdor subyektda boʻlmagan maʼlumotlarni talab qilish taqiqlanadi.
Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashi toʻgʻrisidagi nizomga
2-ILOVA
2-ILOVA
|
Bojxona toʻlovlari boʻyicha imtiyozlar berish yoki imtiyozlarni bekor qilish | |||||||||||||||||||
|
______________________________________________________________________________________________ | |||||||||||||||||||
|
Manzil va telefon raqami: ____________________________________________________________________________ | |||||||||||||||||||
| Direktor (rahbar): ___________________________________________________________________________________ | |||||||||||||||||||
| Roʻyxatga olingan sana: ________________________________________________________________________________ | |||||||||||||||||||
| Roʻyxatga olish joyi: _________________________________________________________________________________ | |||||||||||||||||||
| Moliyaviy rekvizitlari (bank rekvizitlari): ______________________________________________________________ | |||||||||||||||||||
| | | | | | | | | | | | | | | | | | | | |
| Rahbar: | |
___________________ |
|
__________________ |
| | | | | | |||||||||
| | | | | |
imzo |
|
sana |
| | | | | | ||||||
| Bosh buxgalter: | |
___________________ |
|
__________________ |
| | | | | | |||||||||
| (agar mavjud boʻlsa) | |
imzo |
|
sana |
| | | | | | |||||||||
| | | | | | | | | | | | | | | | | ||||
|
Baʼzi javoblar uchun joy yetarli boʻlmagan yoki koʻrib chiqilayotgan muammoni hal etish bilan bogʻliq biror-bir oʻziga xos jihat hisobga olinmagan taqdirda, qoʻshimcha varaqlarni ilova qiling. | |||||||||||||||||||
|
Manfaatdor subyektning buxgalteriya va statistika hisobotlari axborotning asosiy manbai hisoblanadi. | |||||||||||||||||||
| I. Tovarning nomi va bojxona bojining stavkasi | |||||||||||||||||||
|
TIF TN kodi (10 ta raqamdan iborat) va mahsulot nomi: | |||||||||||||||||||
|
Koʻrilayotgan tovarni kiritish (chiqarib tashlash)da zarur boʻlgan normativ hujjatning nomi, sanasi va raqamini koʻrsating:___________________________ | |||||||||||||||||||
| Bojxona toʻlovlarining amaldagi stavkasi:________________________________ | |||||||||||||||||||
| Ushbu tovar uchun imtiyozlarni berish (bekor qilish)dan maqsad: __________________________________________________________________________________________________ | |||||||||||||||||||
| II. Manfaatdor subyekt haqida umumiy maʼlumotlar | |||||||||||||||||||
| Faoliyatning tashkiliy-huquqiy shakli: | |||||||||||||||||||
| _________________________________________________________________________________________________ | |||||||||||||||||||
| Manfaatdor subyekt ishlab chiqarish va/yoki sotish bilan shugʻullanadigan asosiy tovarlarning roʻyxati*: | |||||||||||||||||||
| _____________________________________________________________________________________ | |||||||||||||||||||
| Ariza berilgan tovar ishtirokida mahsulot ishlab chiqaruvchi mahalliy tashkilotlar roʻyxati (agar mavjud boʻlsa): | |||||||||||||||||||
| ______________________________________________________________________________________ | |||||||||||||||||||
| ______________________________________________________________________________________ | |||||||||||||||||||
| Manfaatdor subyekt ishlab chiqaradigan tovar isteʼmolchilari boʻlgan tashkilotlar roʻyxati: | |||||||||||||||||||
|
______________________________________________________________________________________ | |||||||||||||||||||
| ______________________________________________________________________________________ | |||||||||||||||||||
| III. Tovar haqida umumiy maʼlumot | |||||||||||||||||||
|
Imtiyozlarni berish yoki ularni bekor qilish soʻralgan tovarning xususiyatlari va sifatini batafsil tavsiflang:_______________________________________________ | |||||||||||||||||||
|
Tovar qoʻllaniladigan sohani tushuntiring (tarmoqlar, tashkilotlar, ishlab chiqarish jarayoni va boshqalar):________________________________________________ | |||||||||||||||||||
| Siz import qiladigan va mahalliy ishlab chiqarishning oʻxshash tovarining qiyosiy tavsifini bering (agar mavjud boʻlsa): ________________________________________________________ | |||||||||||||||||||
|
Tavsif |
Import qilingan tovar |
Mahalliy tovar |
Izoh | ||||||||||||||||
| | | | | ||||||||||||||||
| | | | | ||||||||||||||||
| | | | | ||||||||||||||||
| | | | | ||||||||||||||||
| IV. Imtiyozlarni berish (bekor qilish) maqsadga muvofiqligini hisoblash uchun maʼlumot | |||||||||||||||||||
|
Koʻrsatkichlar |
yillar (oxirgi 3 yildagi maʼlumotlar keltiriladi): | ||||||||||||||||||
|
20 ___ y. |
20 ___ y. |
20 ___ y. | |||||||||||||||||
| Ichki bozorda mahalliy tovarning narxi, ming soʻm ming AQSH dollari | | | |||||||||||||||||
| Oʻxshash (import qilinadigan) tovar narxi, ming soʻm ming AQSH dollari | | | | ||||||||||||||||
| Respublikada ushbu tovarni ishlab chiqarish hajmi**, ming soʻm ming AQSH dollari | |
|
| ||||||||||||||||
| Taklif etilgan tovar ishtirokida ishlab chiqariladigan tovarlar (xizmatlar) hajmi, ming soʻm ming AQSH dollari | |||||||||||||||||||
| Taklif etilgan tovar ishtirokida ishlab chiqariladigan mahsulotning oʻrtacha tannarxi, soʻm/tonna AQSH dollari/tonna | | | |||||||||||||||||
| Ushbu tovarni import qilishdagi xarajatlar (bojxona boji, QQS, bojxona yigʻimi, aksizlar) | | | |||||||||||||||||
| Isteʼmol (ishlab chiqarish) hajmida taklif etilayotgan tovar importi ulushi, % | | | | ||||||||||||||||
| Ishlab chiqarish rentabelligi, % | | | | ||||||||||||||||
| Ushbu jadvaldagi maʼlumotlarga istalgan zarur izohlarni keltiring. | |||||||||||||||||||
| V. Bojxona toʻlovlari boʻyicha imtiyozlar berish (bermaslik)ning taʼsirini tahlil qilish | |||||||||||||||||||
| Ishlab chiqarishning yuzaga kelishi mumkin boʻlgan oʻsishini (kamayishini) baholash: __________________________________________________________________________________________________ | |||||||||||||||||||
| Import hajmi dinamikasini baholash: | |||||||||||||||||||
| ______________________________________________________________________________________ | |||||||||||||||||||
| Ushbu tovar ishtirokida ishlab chiqarilgan tovarlar (xizmatlar) qiymatining kamayishiga (oʻsishiga) baho berish: __________________________________________________________________________________________________ | |||||||||||||||||||
| Oʻzbekiston Respublikasi Davlat budjetining zararlarini qoplash manbalarini koʻrsating, kompensatsiya miqdori boʻyicha hisob-kitoblar keltiring (agar hisob-kitoblar mavjud boʻlsa): __________________________________________________________________________________________________ | |||||||||||||||||||
* Agar tashkilotlar birlashmasi ariza beruvchi sifatida ish koʻrayotgan boʻlsa, tegishli birlashmaga kiradigan har bir tashkilot boʻyicha materiallar taqdim etiladi.
** Manfaatdor subyektda boʻlmagan maʼlumotlarni talab qilish taqiqlanadi.
Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashi toʻgʻrisidagi nizomga
3-ILOVA
3-ILOVA
Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish boʻyicha kengashi tomonidan manfaatdor subyektlarning murojaatlarini qabul qilish va koʻrib chiqish
SXEMASI
(Qonun hujjatlari maʼlumotlari milliy bazasi, 16.05.2019-y., 09/19/408/3138-son; 05.04.2022-y., 09/22/153/0266-son)
