Oʻzbekiston Respublikasi Prezidentining
Qarori
Sanoat kooperatsiyasini yanada rivojlantirish va talab yuqori boʻlgan mahsulotlar ishlab chiqarishni kengaytirish chora-tadbirlari toʻgʻrisida
Mahalliy va xorijiy bozorlarda talab yuqori boʻlgan mahsulotlar ishlab chiqarish uchun sanoatda kooperatsiya aloqalarini rivojlantirish, xoʻjalik yurituvchi subyektlar oʻrtasida oʻzaro hamkorlik uchun qulay shart-sharoitlar yaratish mamlakatimiz iqtisodiyotini jadal rivojlantirishning eng muhim shartlari hisoblanadi.
Ichki bozordagi ehtiyojlar hajmlarining tahlili davlat tomonidan qoʻllab-quvvatlashning samarali mexanizmlarini amalga oshirish orqali sanoat kooperatsiyasini va talab yuqori boʻlgan tovarlarning alohida turlarini ishlab chiqarishni kengaytirish uchun foydalanilmayotgan imkoniyatlar mavjudligini koʻrsatmoqda.
Sanoat mahsulotlari ishlab chiqarishni yanada kengaytirish, kichik biznes subyektlarini sanoat faoliyatiga keng jalb etish, sanoat kooperatsiyasini mustahkamlash va rivojlantirish, ishlab chiqarilayotgan mahsulotlar tannarxini kamaytirish maqsadida:
1. Quyidagilar respublika sanoat kooperatsiyasini rivojlantirishning uzoq muddatga moʻljallangan ustuvor yoʻnalishlari deb hisoblansin:
sanoat mahsulotlari bozorining barcha qatlamlaridagi xoʻjalik yurituvchi subyektlarni maqsadli jalb qilish, barcha manfaatdor doiralarga respublikada ishlab chiqarilayotgan sanoat mahsulotlarining turlari, texnik tavsiflari va sifat koʻrsatkichlari toʻgʻrisida batafsil maʼlumot berish orqali dasturiy chora-tadbirlarni amalga oshirish va muntazam ravishda sanoat yarmarkalari oʻtkazish;
hamkorlar topish, xoʻjalik, shu jumladan uzoq muddatli hamkorlik aloqalarini yoʻlga qoʻyishning muhim vositasi sifatida elektron kooperatsiya portalining faoliyatini tashkil etish, unda sanoat mahsulotlari yetkazib berish boʻyicha xoʻjalik shartnomalarini (kontraktlarni) tezkorlik bilan masofadan tuzish imkoniyatini taqdim qilish;
texnoparklar va kichik sanoat zonalarini tashkil qilish, davlat xaridlari tizimi orqali mahalliy ishlab chiqaruvchilar uchun barqaror talabni shakllantirishni nazarda tutadigan davlat tomonidan qoʻllab-quvvatlash chora-tadbirlarini amalga oshirish.
2. 2019-yilda tadbirkorlik subyektlari tomonidan oʻzlashtirilishi tavsiya etiladigan tayyor mahsulotlar, butlovchi buyumlar, xom ashyo va materiallarning yangi turlari roʻyxati (keyingi oʻrinlarda — Roʻyxat) 1-ilovaga muvofiq tasdiqlansin.
Belgilab qoʻyilsinki, Roʻyxat Oʻzbekiston Respublikasi Vazirlar Mahkamasi qaroriga koʻra har yarim yilda kamida bir marta quyidagi takliflar asosida yangilanadi:
respublika mintaqalarining tabiiy, mineral-xom ashyo, ishlab chiqarish va mehnat salohiyati, tegishli infratuzilmasi, import qilinayotgan mahsulotlar hajmlari, tarkibi va nomenklaturasi, shuningdek, ishga tushirilayotgan yirik ishlab chiqarish quvvatlarining istiqboldagi ehtiyojlaridan kelib chiqqan holda, Oʻzbekiston Respublikasi Iqtisodiyot va sanoat vazirligining takliflari;
tashqi bozorlar konyunkturasiga muvofiq ravishda Oʻzbekiston Respublikasi Investitsiyalar va tashqi savdo vazirligining takliflari;
innovatsion gʻoyalar, ishlanmalar va texnologiyalar, shu jumladan har yili oʻtkaziladigan Xalqaro innovatsiya yarmarkasi davomida taqdim etilgan innovatsion gʻoyalar asosida Oʻzbekiston Respublikasi Innovatsion rivojlanish vazirligining takliflari;
Oldingi tahrirga qarang.
monopollashuv va raqobat muhitini rivojlantirish, oʻzaro bir-birining oʻrnini toʻldiruvchi tovarlar va narx omilini inobatga olgan holda ichki bozorning tovarlar bilan toʻyinganligi darajasini baholash asosida Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasining takliflari.
(2-bandning oltinchi xatboshisi Oʻzbekiston Respublikasi Prezidentining 2023-yil 6-iyuldagi PF-108-sonli Farmoni tahririda — Qonunchilik maʼlumotlari milliy bazasi, 07.07.2023-y., 06/23/108/0460-son)
3. Oʻzbekiston Respublikasi Investitsiyalar va tashqi savdo vazirligi Iqtisodiyot va sanoat vazirligi bilan birgalikda ikki oy muddatda Roʻyxatga kiritilgan loyihalarni amalga oshirish uchun, shu jumladan Toʻgʻridan-toʻgʻri investitsiyalar jamgʻarmasi ishtirokida investitsiyalarni jalb etish choralarini koʻrsin.
4. Oʻzbekiston Respublikasi Iqtisodiyot va sanoat vazirligi, Investitsiyalar va tashqi savdo vazirligi hamda Moliya vazirligining quyidagilarni nazarda tutuvchi iqtisodiyotda talab yuqori boʻlgan mahsulotlarni ishlab chiqarishni qoʻllab-quvvatlash tizimini eksperiment tariqasida joriy etish toʻgʻrisidagi taklifiga rozilik berilsin:
a) foydalanilmayotgan bino va inshootlar negizida yangi loyihalarni amalga oshirish, shuningdek, texnoparklarni qurish;
b) avvalo Roʻyxat boʻyicha yangi mahsulot turlarini tayyorlovchi ishlab chiqarishlarni joylashtirgan holda “Toshkent mexanika zavodi” AJning foydalanilmayotgan ishlab chiqarish maydonlari va hududi negizida texnopark tashkil etish.
Oldingi tahrirga qarang.
(4-bandning “v” kichik bandi Oʻzbekiston Respublikasi Prezidentining 2023-yil 10-noyabrdagi PF-193-sonli Farmoniga asosan chiqarilgan — Qonunchilik maʼlumotlari milliy bazasi, 11.11.2023-y., 06/23/193/0844-son)
5. “Toshkent mexanika zavodi” AJning foydalanilmayotgan ishlab chiqarish maydonlari va hududi negizida texnopark tashkil etishning moliyalashtirish manbalari etib 2019-yilga moʻljallangan investitsiya dasturida erkin iqtisodiy zonalar va kichik sanoat zonalarida zarur infratuzilmani barpo etish uchun nazarda tutilgan 50 milliard soʻm miqdoridagi markazlashgan mablagʻlar belgilansin.
6. Mavjud ishlab chiqarishlarni kengaytirish va sanoat mahsulotlarining yangi turlarini ishlab chiqarishni oʻzlashtirish boʻyicha komissiyaning (keyingi oʻrinlarda — Komissiya) tarkibi 2-ilovaga muvofiq tasdiqlansin.
Komissiyaning ishchi organ etib Oʻzbekiston Respublikasi Iqtisodiyot va sanoat vazirligi belgilansin.
7. Komissiyaga (B.A. Xodjayev):
talab yuqori boʻlgan mahsulotlar, shu jumladan isteʼmol tovarlarining roʻyxatini, mavjud ishlab chiqarishlarni kengaytirish va mahsulotlarning yangi turlari ishlab chiqarishni oʻzlashtirish mexanizmlarini belgilash, ular asosida ishlab chiqilgan investitsiya loyihalarini har yili tasdiqlanadigan manzilli roʻyxatlarga kiritish;
Roʻyxatda koʻrsatilgan mahsulotlar ishlab chiqarishni oʻzlashtirishni oʻz vaqtida amalga oshirish boʻyicha taʼsirchan choralar koʻrgan holda, ushbu jarayonlarni monitoring va nazorat qilish, shuningdek davlat tomonidan qoʻllab-quvvatlashni toʻxtatish toʻgʻrisida qaror qabul qilish huquqi berilsin.
8. 2019-yil 1-iyuldan shunday tartib oʻrnatilsinki, unga muvofiq:
a) mahalliy yetkazib beruvchilarning ishtirokini va narx shakllanishida shaffoflikni taʼminlash uchun davlat buyurtmachilari tomonidan import tovarlarni xarid qilish toʻgʻrisidagi istaklar davlat xaridlari maxsus axborot portalida ham joylashtiriladi;
b) uch yoki undan ortiq ishtirokchilar — mahalliy ishlab chiqaruvchilar boʻlgan taqdirda davlat xaridlari buyurtmachining tanloviga koʻra mahalliy ishlab chiqaruvchilar oʻrtasida amalga oshirilishi mumkin;
v) buyurtmachilarga Roʻyxatdagi mahsulotlarni xarid qilishda investorga, sifat boʻyicha, kelishilgan texnik va narx koʻrsatkichlariga amal qilish sharti bilan, yetkazib berish vaqtidan boshlab ikki yil davomida mahsulotning davlat xaridlari tizimi orqali sotib olinishiga kafolat taqdim etuvchi maxsus kontraktlarni tanlov tartib-taomillari orqali tuzish huquqi beriladi.
9. Oʻzbekiston Respublikasi Iqtisodiyot va sanoat vazirligi Moliya vazirligi, Axborot texnologiyalari va kommunikatsiyalarini rivojlantirish vazirligi, Davlat aktivlarini boshqarish agentligi, Davlat statistika qoʻmitasi, Monopoliyaga qarshi kurashish qoʻmitasi, “Oʻzbekiston respublika tovar-xom ashyo birjasi” AJ bilan birgalikda olti oy muddatda davlat xaridlari maxsus axborot portali bilan integratsiyalashgan elektron kooperatsiya portalini ishlab chiqsin va uni qoʻllab-quvvatlashni taʼminlasin. Unda quyidagi imkoniyatlar nazarda tutilsin:
a) bir necha mezonlar va koʻrsatkichlar boʻyicha izlash imkoniyatiga ega boʻlgan, muntazam yangilab boriladigan hamda quyidagilar toʻgʻrisidagi maʼlumotlarni qamrab oluvchi maʼlumotlar bazasini shakllantirish va joylashtirish:
10 ta belgidan iborat TIF TN kodlari bilan oʻzaro bogʻliqlikda har bir mahsulot turi boʻyicha tovar bozorining hajmi (ishlab chiqarish, import, eksport hajmi) toʻgʻrisida;
mahalliy korxonalar tomonidan ishlab chiqarilayotgan mahsulot nomenklaturasi, uning texnik va narx koʻrsatkichlari, shuningdek, sanoat kooperatsiyasini oʻrnatish boʻyicha takliflarni aks ettirgan holda, ushbu korxonalar toʻgʻrisida;
davlat va korporativ buyurtmachilar, shuningdek strategik xaridorlar ehtiyojlarini qondirish maqsadida kelgusi davr uchun xarid rejalari va reja-grafiklar toʻgʻrisida;
mahalliy korxonalar negizida ishlab chiqarish tavsiya etilayotgan oʻzlashtirilishi istiqbolli mahsulot turlari toʻgʻrisida;
b) korxonalar tomonidan kerakli shakllarni onlayn rejimda mustaqil toʻldirilishi orqali mahalliy korxonalar uchun axborotni maʼlumotlar bazasiga bepul kiritish imkoniyati;
v) korxonalar, yetkazib beruvchilar va davlat organlari oʻrtasida interaktiv hamkorlik qilish imkoniyati;
g) portalning statistika, bojxona, soliq va moliya organlarining maʼlumotlar bazalari bilan integratsiyalashganligi.
Belgilab qoʻyilsinki, Roʻyxat elektron kooperatsiya portalida, shuningdek, Oʻzbekiston Respublikasi Iqtisodiyot va sanoat vazirligining rasmiy veb-saytida bepul asosda majburiy ravishda eʼlon qilinadi.
10. Quyidagilar elektron kooperatsiya portaliga tegishli axborotlarni toʻgʻri va haqqoniy kiritilishi va uni oʻz vaqtida yangilab borilishi uchun masʼul etib belgilansin:
respublikada ishlab chiqarilayotgan sanoat mahsulotlarining hajmi va texnik parametrlari yuzasidan — Oʻzbekiston Respublikasi Iqtisodiyot va sanoat vazirligi, Davlat statistika qoʻmitasi, Savdo-sanoat palatasi, “Oʻzstandart” agentligining hududiy boʻlinmalari;
sanoat mahsulotlari importi yuzasidan — Oʻzbekiston Respublikasi Davlat statistika qoʻmitasi va Davlat bojxona qoʻmitasi;
kelgusi davr uchun davlat xaridlarining reja-grafiklari va davlat xaridlarining oʻtgan yildagi amaldagi hajmi yuzasidan — Oʻzbekiston Respublikasi Iqtisodiyot va sanoat vazirligi, Moliya vazirligi, ustav fondi (kapitali)dagi davlat ulushi 50 foiz va undan ortiq boʻlgan yuridik shaxslar;
mahalliy korxonalar negizida ishlab chiqarish tavsiya etilayotgan oʻzlashtirilishi istiqbolli mahsulot turlari yuzasidan — Oʻzbekiston Respublikasi Iqtisodiyot va sanoat vazirligi.
11. Oʻzbekiston Respublikasi Iqtisodiyot va sanoat vazirligi:
ushbu qarorning 10-bandida koʻrsatilgan maʼlumotlarning elektron kooperatsiya portaliga oʻz vaqtida va toʻliq kiritilishi ustidan nazoratni taʼminlasin;
bir oy muddatda Oʻzbekiston Respublikasi Moliya vazirligi bilan kelishgan holda Sanoat yarmarkalarini va elektron kooperatsiya portali faoliyatini tashkil etish tartibi toʻgʻrisidagi nizomni tasdiqlasin;
ikki oy muddatda Oʻzbekiston Respublikasi Moliya vazirligi, Davlat bojxona qoʻmitasi, Davlat statistika qoʻmitasi, “Oʻzstandart” agentligi va Savdo-sanoat palatasi bilan birgalikda elektron kooperatsiya portaliga kiritiladigan, shu jumladan respublikada ishlab chiqariladigan sanoat mahsulotlari, shuningdek xoʻjalik yurituvchi subyektlar ehtiyojlari uchun import qilinadigan (TIF TN kodi 10 ta belgidan iborat) mahsulotlarning hajmi va texnik parametrlari toʻgʻrisidagi maʼlumotlarga qoʻyiladigan talablarni ishlab chiqsin va tasdiqlasin.
12. Quyidagilarga:
iqtisodiyot va sanoat vaziri B.A. Xodjayevga — sanoat sohasidagi xoʻjalik yurituvchi subyektlar oʻrtasida kooperatsiya aloqalarini kengaytirish, Roʻyxatga kiritilgan tayyor mahsulotlar, butlovchi buyumlar, xom ashyo va materiallar ishlab chiqarishni rivojlantirish jarayonini muvofiqlashtirish, shuningdek, elektron kooperatsiya portalining faoliyat koʻrsatishi, iqtisodiyotda talab yuqori boʻlgan mahsulotlar ishlab chiqarishni qoʻllab-quvvatlash tizimini joriy etish boʻyicha eksperimentni samarali amalga oshirish yuzasidan;
investitsiyalar va tashqi savdo vaziri S.U. Umurzoqovga — investorlarni izlash va ularni erkin iqtisodiy zonalarga joylashtirish, birinchi navbatda, Roʻyxatga kiritilgan mahsulotlarni oʻzlashtirish boʻyicha investitsiya loyihalarini amalga oshirish, shuningdek, iqtisodiyotda talab yuqori boʻlgan mahsulotlar ishlab chiqarishni oʻzlashtirish yuzasidan;
“Oʻzbekiston respublika tovar-xom ashyo birjasi” AJ raisi F.F. Ibragimovga — elektron kooperatsiya portalini yaratish va uning davlat xaridlari maxsus axborot portali bilan integratsiyalashuvini taʼminlash yuzasidan;
Oʻzbekiston Respublikasi Savdo-sanoat palatasi raisi A.I. Ikramovga — respublikada ishlab chiqarilayotgan tovarlar, ishlar va xizmatlarning sanoat yarmarkasini tashkil etish, xoʻjalik yurituvchi subyektlarni xarid faoliyatiga jalb qilish, xarid qilish operatsiyalarining doimiy ravishda yangi tashkil etilayotgan elektron kooperatsiya portali orqali oʻtkazilishi yuzasidan shaxsiy javobgarlik yuklansin.
13. Oʻzbekiston Milliy axborot agentligi va Oʻzbekiston Milliy teleradiokompaniyasi ushbu qarorning mohiyati va qoidalari ommaviy axborot vositalarida keng yoritilishini taʼminlasin.
14. Oʻzbekiston Respublikasi Iqtisodiyot va sanoat vazirligi, Moliya vazirligi:
bir oy muddatda “Toshkent mexanika zavodi” AJning foydalanilmayotgan ishlab chiqarish maydonlari va hududi negizida texnopark faoliyatini tashkil etish toʻgʻrisidagi hukumat qarori loyihasini Vazirlar Mahkamasiga kiritsin;
bir oy muddatda Investitsiyalar va tashqi savdo vazirligi, shuningdek, manfaatdor vazirlik va idoralar, xoʻjalik yurituvchi subyektlar bilan birgalikda mavjud ishlab chiqarishlarni kengaytirish va talab yuqori boʻlgan sanoat mahsulotlari ishlab chiqarishni oʻzlashtirish boʻyicha “yoʻl xarita”larini ishlab chiqsin va Vazirlar Mahkamasiga kiritsin;
uch oy muddatda “Davlat xaridlari toʻgʻrisida”gi Qonunga xarid qilish tartib-taomillarini yanada takomillashtirish, ularning shaffofligini oshirishni nazarda tutuvchi oʻzgartirishlar kiritish boʻyicha takliflarni kiritsin;
ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
bir oy muddatda manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni mazkur qarorga muvofiqlashtirsin.
15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisining oʻrinbosari G.K. Saidova zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 1-may,
PQ-4302-son
Oʻzbekiston Respublikasi Prezidentining 2019-yil 1-maydagi PQ-4302-son qaroriga
1-ILOVA
2019-yilda tadbirkorlik subyektlari tomonidan oʻzlashtirilishi tavsiya etiladigan ichki bozorda talab yuqori boʻlgan va eksportga yoʻnaltirilgan tayyor mahsulotlar, butlovchi buyumlar, xom ashyo hamda materiallarning yangi turlari
ROʻYXATI

T/r

Mahsulot nomi

TIF TN kodi

I. OZIQ-OVQAT MAHSULOTLARI

1.

Margarin

1517109000

2.

Plitkali, sutli shokolad

1806310000

3.

Makaron mahsulotlari

1902301000

4.

Kolbasa va sosiska mahsulotlari uchun ustki qoplama

3917101000, 3917109000

5.

Makkajoʻxori kraxmali

1108120000

6.

Shakarsiz saqich

2106909801

7.

Limon kislotasi

2918140000

8.

Quruq xamirturush

2102103100

II. TRIKOTAJ BUYUMLAR, KIYIM-KECHAK, POYABZAL

9.

Djinsi matosi

5211420000

10.

Trikotaj mato

6004100000, 6006329000,

11.

Bolalar kiyim-kechagi

6111209000, 6111309000

12.

Poyabzal uchun etiketkalar

4016100000

13.

Bolalar poyabzali

6404110000

III. DORI VOSITALARI

14.

Ninali shpritslar

9018311009

15.

Vetenariya vaksinalari

3002300000

IV. KANSELYARIYA MOLLARI

16.

Kanselyariya mollari

8472909900, 8205598099, 3213100000, 3407000000, 9609101000, 8213000000, 8305200000, 9017201000, 8214100000, 8211930000, 8305900000, 8305900000

V. QURILISH MATERIALLARI

17.

Oboylar va shunga oʻxshash devor qoplamalari

4814200000

18.

Sementlar, qurilish aralashmalari yoki betonlar uchun tayyor qoʻshimchalar

3824400000

19.

Koʻchaga teriladigan plitkalar, pollar uchun qoplama

6907219009, 6907229009

20.

Santexnika mahsulotlari uchun smesitellar

8481801100

21.

Yogʻoch-tolali plitalar (DSP, MDF)

4411129000, 4411131000,

4411139000, 4411141000,

4411149000, 4411921000,

4411929000

VI. REZINALAR, PLASTMASSALAR VA ULARDAN TAYYORLANGAN MAHSULOTLAR

22.

Quvurlarni izolyatsiya qilish uchun plyonkalar

3919900000

23.

Yuqori bosimga chidaydigan polietilen shlankalar

3917219000

24.

Raqam belgilari uchun nur qaytaruvchi plyonkalar

3919108000

25.

Uzatma tasmalar

4010390000

26.

Toʻqimachilik mahsulotlari uchun tugmalar

9606210000, 9606220000, 9606290000

27.

Mebel furnituralari

3926300000

28.

Prokladkalar, shaybalar, zichlagichlar

4016930008

29.

Oʻrash uchun gʻaltaklar

3923409000

30.

Xavfsiz ustaralar

8212101000

31.

Rezinali qoʻlqoplar

4015190000

32.

Plastmassa va gofralangan trubalar

3917290000

33.

Bir martalik eshitish vositasi

8518309500

34.

Himoya koʻzoynaklari

9004109100, 9004109900

VII. KIMYO VA U BILAN BOGʻLIQ TARMOQLAR MAHSULOTLARI

35.

Oʻrash uchun yopishqoq lenta

3919900000, 3919108000

36.

Toʻqimachilik sanoati uchun ishlatadigan boʻyoqlar

3204110000, 3204120000, 3204130000, 3204140000, 3204150000, 3204160000, 3204170000, 3204190000, 3204200000, 3204900000

37.

Qogʻoz va termoqogʻoz (oʻzi yelimlanadigan)

4811419000, 4811900000

38.

Kukunli boʻyoq

3212900000, 3204170000

39.

Akril polimerlar

3906909000

40.

Avtomobil yoʻllari va aeroportlar uchun kimyoviy reagentlar

3824999608

41.

Yuvish va tozalash vositalari

3402209000

42.

Dezodorantlar, dezodorant-antiperspirantlar (sprey, qattiq, sharikli, gel va krem koʻrinishda)

3307200000

43.

Sintetik kauchuk

40021

44.

Aktivlashtirilgan koʻmir

3802100000

45.

Bolalar tagliklari

9619

46.

Suv oʻtkazmaydigan polimer qatlamli qogʻoz paketlar

4819400000

47.

Binolar va avtomobillar uchun xushboʻylashtiruvchi va havo tozalovchi vositalar (aerozol oʻramda, spreylar, gellar va suyuq havo tozalovchilar)

3307490000

48.

Poligrafik boʻyoqlar

3215190000

49.

Yelimlar

3506100000, 3506910000, 3506990000

50.

Tish pastalari

3306100000

51.

Shampunlar

3305100000

52.

Ranglarga energiya beruvchi eritmalar

3808939000

53.

Antifrizlar va muzlashga qarshi suyuqliklar

3820000000

54.

Vodorod pereoksidi (vodorod perekisi) 30%, 60%

2847000000

55.

Atir sovun

3401110001

56.

Akril va vinil polimerlar asosida tayyorlangan boʻyoq va laklar

3208209009

57.

AVS markali oʻt oʻchirgichlarni toʻldirish kukuni

3813000000

58.

Motorli, transmissiyali, gidravlika moylari

2710198200

VIII. METALLAR VA ULARDAN YASALGAN BUYUMLAR

59.

Pechlarda ishlatiladigan elektrodlar

8545110020

60.

Quvurlar uchun fitinglar

7307998009

61.

Grafit elektrodlari

8545110080

62.

Neft yoki gaz quvurlari uchun toʻgʻrichokli quvurlar

7305110008

63.

Latun mahsulotlari (fitinglar, gaz reduktorlari va boshqalar)

7412200000, 7419999000

64.

Mahsulot va yuklar uchun aravalar

(supermarketlar, aeroportlar, avtovokzallar, temiryoʻl vokzallari uchun)

8716800000

65.

Metall, emallangan, xoʻjalik idishlar

7323940000

66.

Metall mebel

9403208000

67.

Hammom uchun burchaklar — shampunlar uchun tagliklar

9403208000

IX. USKUNALAR

68.

Issiqxona uskunalari

9406903100

69.

Gidravlik, yoqilgʻi, qoʻl nasoslari

8413190000, 8413502000, 8413506100, 8413602000, 8413603100, 8413606100

70.

Havo kompressorlari

8414805900

71.

Mobil beton nasoslar

8705903000

72.

Turli quvvatlardagi elektr motorlar

8501

73.

Parrandachilik uchun uskunalar, inkubatorlar

8436290000

74.

Chorva mollari uchun oʻtlarni maydalash

8436100000

75.

Gaz berish nazorat tizimisiz gaz gorelkalari uchun kranlar

8481808190

76.

Polivinilxlorid manjetli izolyatsiyalangan halqasimon uchliklar

8536901000

77.

Issiqlik almashgichlari

8419500000

78.

Taqsimlovchi shitlar

8537109900

79.

Oʻrtaga yoʻnaltirilgan ventilyatorlar

8414594000

80.

Suvni toʻkadigan mexanizmlar

8481807900

81.

Elektr payvandlash uskunalari

8515

82.

Beton mikserlar (1 m3 gacha)

8474310000

83.

Avtomobillar uchun amortizatorlar

8708803509

84.

Turli xil oʻlchamdagi va turdagi remenlar

4010390000

85.

500 kVt gacha boʻlgan elektr va kombinatsiyalashgan isitgich qozonlari

8403101000, 8403109000

86.

Oʻt oldirish svechalari

8511100008

87.

Chiroqlar, shu jumladan shaxtalarda ishlash uchun moʻljallangan (bosh chiroq)

8513100000

88.

Elektr qoʻl asboblari

8467219100, 8467219900

89.

Velosipedlarning butlovchi qismlari

8712008000, 8712003000, 8712007000

90.

Optik kompyuter sichqonchalari

8471607000

91.

Tormoz kolodkalari

8708309909

92.

Telefon apparatlari va ularning butlovchi qismlar

8517120000, 8517120000, 8517180000

93.

Svetodiod (LED) lineykalar yoki (LED) panellar

8541401000

94.

Ichki yonish dvigatellari uchun havo filtrlari

8421310000

95.

Kompyuter klaviaturasi

8471606000

96.

Kir yuvish va quritish mashinalari

8450, 8451, 8516808000

97.

Maishiy sovutgich va muzlatgichlar

8418

98.

Elektr sharbat chiqargichlar

8509400000

99.

Elektr choynaklar

8516710000

Oʻzbekiston Respublikasi Prezidentining 2019-yil 1-maydagi PQ-4302-son qaroriga
2-ILOVA
Mavjud ishlab chiqarishlarni kengaytirish va sanoat mahsulotlarining yangi turlarini ishlab chiqarishni oʻzlashtirish boʻyicha komissiya
TARKIBI

B.A. Xodjayev

—

Oʻzbekiston Respublikasi iqtisodiyot va sanoat vaziri, komissiya rahbari

S.U. Umurzoqov

—

Oʻzbekiston Respublikasi investitsiyalar va tashqi savdo vaziri, komissiya rahbarining oʻrinbosari

Sh.M. Sodiqov

—

Oʻzbekiston Respublikasi axborot texnologiyalari va kommunikatsiyalarini rivojlantirish vaziri

Yo.E. Tursunov

—

Oʻzbekiston Respublikasi moliya vazirining oʻrinbosari

B.A. Begalov

—

Oʻzbekiston Respublikasi Davlat statistika qoʻmitasi raisi

M.B. Azimov

—

Oʻzbekiston Respublikasi Davlat bojxona qoʻmitasi raisi

D.N. Sattorov

—

“Oʻzstandart” agentligi direktori

A.I. Ikramov

—

Oʻzbekiston Respublikasi Savdo-sanoat palatasi raisi

F.F. Ibragimov

—

“Oʻzbekiston respublika tovar-xom ashyo birjasi” AJ boshqaruvi raisi

S.N. Axmedov

—

Iqtisodiyot va sanoat vazirligi departament boshligʻining oʻrinbosari — komissiya kotibi

Izoh: Ishchi komissiya aʼzolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki zimmasiga tegishli funksiyalarni bajarish yuklangan shaxslar kiritiladi.
(Qonun hujjatlari maʼlumotlari milliy bazasi, 02.05.2019-y., 07/19/4302/3045-son; 07.07.2023-y., 06/23/108/0460-son; Qonunchilik maʼlumotlari milliy bazasi, 11.11.2023-y., 06/23/193/0844-son)