PF-5611-сон 05.01.2019. Oʻzbekiston Respublikasida turizmni jadal rivojlantirishga oid qoʻshimcha chora-tadbirlar toʻgʻrisida

Oʻzbekiston Respublikasi Prezidentining

Farmoni

Oʻzbekiston Respublikasida turizmni jadal rivojlantirishga oid qoʻshimcha chora-tadbirlar toʻgʻrisida

Mamlakatda turizmni milliy iqtisodiyotni diversifikatsiya qilish, hududlarni jadal rivojlantirish, yangi ish oʻrinlarini yaratish, aholining daromadlari va turmush darajasini oshirish, mamlakatning investitsiyaviy jozibadorligini oshirishni taʼminlovchi strategik tarmoqlardan biri sifatida rivojlantirish boʻyicha kompleks chora-tadbirlar bosqichma-bosqich amalga oshirilmoqda.

Viza rejimining liberallashtirilishi, chet el fuqarolarini roʻyxatga olish tartibining soddalashtirilishi, turizm tarmogʻini rivojlantirish uchun imtiyoz va preferensiyalar berilishi milliy turizm salohiyatini ichki va tashqi bozorlarda samarali targʻib qilish imkonini berdi.

Shu bilan birga, oʻtkazilgan tahlillar turizm tarmogʻini tartibga soluvchi normativ-huquqiy asosning nomukammalligi, alohida turizm xizmatlarini koʻrsatish qoidalarining, shuningdek chet el fuqarolarining toifalari, boʻlish muddatlari va maqsadlari boʻyicha dunyo amaliyotida keng qoʻllaniladigan alohida viza rejimlarining mavjud emasligini koʻrsatmoqda.

Shuningdek, joylashtirish vositalari va infratuzilma obyektlarining, ayniqsa turizm mavsumida yetishmasligi, turli transportlarda yoʻlovchilarni tashish tizimining yetarli darajada muvofiqlashtirilmaganligi, shuningdek, turistlarni mavjud turizm salohiyati toʻgʻrisidagi maʼlumotlar bilan taʼminlashni tashkillashtirish darajasining pastligi, ichki turizmni, mamlakat hududlaridagi madaniy meros obyektlarining va ziyoratning oʻziga xosliklarini targʻib qilish boʻyicha marketing kampaniyalarining samarasizligi turizmni jadal rivojlantirishga salbiy taʼsir qilmoqda.

Turizmni, avvalambor, xususiy sektorda rivojlantirish uchun qulay shart-sharoitlar yaratish, koʻrsatilayotgan xizmatlarning raqobatbardoshligini va sifatini oshirish, milliy turizm mahsulotini dunyo bozorida faol va kompleks ravishda targʻib qilish, shuningdek, Oʻzbekiston Respublikasi Prezidentining Oʻzbekiston Respublikasi Oliy Majlisiga 2018-yil 28-dekabrda qilgan Murojaatnomasida bildirilgan takliflarni amalda tatbiq etish maqsadida hamda 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq:

1. Quyidagilar:

a) quyidagilarni nazarda tutuvchi 2019 — 2025-yillarda Oʻzbekiston Respublikasida turizm sohasini rivojlantirish Konsepsiyasi (keyingi oʻrinlarda — Konsepsiya) 1-ilovaga muvofiq:

turizm faoliyati sohasidagi normativ-huquqiy bazani takomillashtirish, turizmni rivojlantirish uchun qulay sharoitlar yaratishga qaratilgan xalqaro meʼyor va standartlarni implementatsiya qilish;

turizm infratuzilmasini rivojlantirish hamda maqbul va qulay turizm muhitini yaratish;

transport logistikasini rivojlantirish, ichki va tashqi yoʻnalishlarni kengaytirish, transport xizmatlari sifatini oshirish;

turizm bozorining turli segmentlariga yoʻnaltirilgan turizm mahsuloti va xizmatlarini diversifikatsiya qilish;

respublika ichida turizm xizmatlariga boʻlgan ehtiyojni qondirishga yoʻnaltirilgan turizm faoliyati subyektlarining faolligini ragʻbatlantirishni taʼminlovchi ichki turizmni rivojlantirish;

Oʻzbekiston Respublikasi turizm mahsulotini xalqaro va ichki turizm bozorlarida targʻib qilish, mamlakatning sayohat va dam olish uchun xavfsiz sifatidagi imidjini mustahkamlash;

turizm tarmogʻi uchun kadrlar tayyorlash, qayta tayyorlash va malakasini oshirish tizimini takomillashtirish.

Belgilansinki, Konsepsiya har yillik alohida chora-tadbirlar rejasini tasdiqlagan holda, uning asosiy yoʻnalishlari va maqsadli parametrlarining tegishli davr mobaynida bajarilishiga qarab bosqichma-bosqich amalga oshiriladi;

b) 2019 — 2025-yillarda Oʻzbekiston Respublikasida turizm sohasini rivojlantirish Konsepsiyasini amalga oshirish boʻyicha 2019-yilga moʻljallangan chora-tadbirlar rejasi (keyingi oʻrinlarda — Chora-tadbirlar rejasi) 2-ilovaga muvofiq tasdiqlansin.

Oʻzbekiston Respublikasi Turizmni rivojlantirish davlat qoʻmitasi tegishli yil boʻyicha Chora-tadbirlar rejasining bajarilishi yakunlarini tahlil qilgan holda har yili 1-dekabrga qadar keyingi yil uchun Chora-tadbirlar rejasi loyihasini ishlab chiqsin va Vazirlar Mahkamasiga tasdiqlash uchun kiritsin.

Oldingi tahrirga qarang.

2. Turizm, sport, madaniy meros, transport logistikasi va xizmatlar sohalarida davlat-xususiy sheriklik hamda raqamlashtirishni rivojlantirish masalalari boʻyicha muvofiqlashtiruvchi kengash (A.N. Aripov) quyidagilarni taʼminlasin:

(2-bandning birinchi xatboshisi Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)

barcha rejalashtirilgan chora-tadbirlarning samarali tashkil etilishi, oʻz vaqtida va sifatli bajarilishi boʻyicha vazirliklar, idoralar va boshqa tashkilotlarning faoliyatini muvofiqlashtirish;

Konsepsiya va Chora-tadbirlar rejasining vazirliklar, idoralar va boshqa tashkilotlar tomonidan bajarilishini monitoring qilish, shuningdek, har chorakda ushbu Farmonning bajarilishi yuzasidan Oʻzbekiston Respublikasi Prezidenti Administratsiyasiga batafsil maʼlumot kiritib borish;

xorijda Oʻzbekistonning turizm salohiyatini targʻib qilish va xorijiy turistlarni jalb qilishga qaratilgan qoʻshma tadbirlarni oʻtkazish boʻyicha “Yoʻl xaritasini” har yil tasdiqlash;

har yillik Chora-tadbirlar rejasining bajarilishidan kelib chiqib, lozim boʻlganda, Konsepsiya parametrlariga oʻzgartirish kiritish.

3. 2019-yil 1-fevraldan boshlab 3-ilovaga muvofiq mamlakatlarning fuqarolari uchun Oʻzbekiston Respublikasi hududiga kirgan kundan eʼtiboran 30 kunlik muddatga vizasiz rejim belgilansin.

4. Oʻzbekiston Respublikasi Turizmni rivojlantirish davlat qoʻmitasi, Tashqi ishlar vazirligi va Davlat xavfsizlik xizmatining quyidagi takliflariga rozilik berilsin:

a) 2019-yil 1-fevraldan boshlab fuqarolari elektron kirish vizasini olish imkoniyatiga ega boʻlgan mamlakatlar roʻyxatini 4-ilovaga muvofiq kengaytirish;

b) 2019-yil 15-martdan boshlab 30 kunlik amal qilish muddati boʻlgan elektron kirish vizasining quyidagi turlarini berish tizimini joriy etish:

ikki martalik, konsullik yigʻimi 35 AQSh dollari miqdorida;

koʻp martalik, konsullik yigʻimi 50 AQSh dollari miqdorida;

v) Oʻzbekiston Respublikasiga tashrif buyuradigan xorijiy fuqarolarning ayrim guruhlari uchun 5-ilovaga muvofiq qoʻshimcha (elektron boʻlmagan) kirish vizalari toifalarini berishni joriy etish.

Oʻzbekiston Respublikasi Tashqi ishlar vazirligi, Ichki ishlar vazirligi, Turizmni rivojlantirish davlat qoʻmitasi tegishli vazirlik va idoralar bilan birgalikda bir oy muddatda Oʻzbekiston Respublikasiga tashrif buyuradigan xorijiy fuqarolarning ayrim guruhlari uchun qoʻshimcha (elektron boʻlmagan) vizalari toifalarini joriy etish boʻyicha zarur chora-tadbirlarni koʻrsin.

5. 6-ilovaga muvofiq xorijiy mamlakatlar fuqarolariga Oʻzbekiston Respublikasida yashash guvohnomasini olish huquqi taqdim etilsin.

Belgilansinki, ushbu huquq:

Oldingi tahrirga qarang.

Toshkent viloyati va Toshkent shahrida — 300 000 AQSh dollari ekvivalentidan kam boʻlmagan miqdorda;

(5-bandning uchinchi xatboshisi Oʻzbekiston Respublikasi Prezidentining 2022-yil 8-apreldagi PF-101-sonli Farmoni tahririda — Qonunchilik maʼlumotlari milliy bazasi, 09.04.2022-y., 06/22/101/0288-son)

Samarqand, Buxoro, Namangan, Andijon, Fargʻona va Xorazm viloyatlarida — 200 000 AQSh dollari ekvivalentidan kam boʻlmagan miqdorda;

Qoraqalpogʻiston Respublikasi va respublikaning boshqa viloyatlarida — 100 000 AQSh dollari ekvivalentidan kam boʻlmagan miqdorda koʻchmas mulkni sotib olgan taqdirda beriladi.

6. Oʻzbekistonning logistika jozibadorligini tubdan yaxshilash, shuningdek, mahalliy aeroportlarda parvozlarga xorijiy aviakompaniyalarni jalb etish ishlarini muvofiqlashtirish boʻyicha ishchi guruh (keyingi oʻrinlarda — Ishchi guruh) 7-ilovaga muvofiq tarkibda tashkil etilsin.

Quyidagilar Ishchi guruhning asosiy vazifalari etib belgilansin:

birinchi navbatda Yevropa va Janubi-Sharqiy Osiyo mamlakatlari bilan tovar aylanmasi, tashiladigan yoʻlovchilar soni va investitsiyalarni koʻpaytirish uchun respublikadagi transport aloqa tizimini tubdan yaxshilash;

“ziyorat” turizmi yoʻnalishi orqali turistlar oqimini oshirish, shu jumladan Indoneziyadan doimiy aviaqatnovlarni ochish uchun aviakompaniyalarni jalb qilish masalalarini tezkorlik bilan hal etish;

turistlar oqimini jalb qilish maqsadida parvozlarning strategik muhim yoʻnalishlarini aniqlash;

mamlakat aeroportlarida yangi yoʻnalishlarni yoʻlga qoʻyish maqsadida xorijiy tashuvchilar uchun moslashuvchan chegirma va preferensiyalar tizimini ishlab chiqish;

oʻzaro bogʻlovchi qatnovlarni, shu jumladan “mavsumdan tashqari” davrda tashkil etish orqali uzoq magistral yoʻnalishlarda yoʻlovchilar sonini koʻpaytirish;

xorijiy va mahalliy aviakompaniyalar bilan muzokaralar oʻtkazish, shuningdek, ularning takliflarini koʻrib chiqish va ularni aeroportlar boʻyicha toʻgʻri taqsimlash;

charter reyslarini kelishish mexanizmini soddalashtirish;

mamlakatdagi ayrim aeroportlarda “Ochiq osmon” rejimini joriy etish;

mahalliy aviakompaniyalar tashkil etilishiga koʻmaklashish maqsadida normativ-huquqiy bazani qayta koʻrib chiqish;

mamlakat ichkarisida intermodal tashuvlarni (avtobus, temir yoʻl va aviatashuvlar) taʼminlash uchun turistlarning transport tashuvini yanada rivojlantirish boʻyicha hujjatlarni ishlab chiqish;

aviakompaniyalar xarajatlarini kamaytirish va isteʼmolchilar uchun aviachiptalar narxini optimallashtirish;

mamlakat viloyatlari oʻrtasidagi ichki aviatashuvlar yoʻnalishlari sonini koʻpaytirish;

xorijiy yetkazib beruvchilardan aviakerosin sotib olish mexanizmini xarid jarayonida shaffoflik va raqobatni taʼminlagan holda takomillashtirish.

7. Oʻzbekiston Respublikasi Prezidenti huzuridagi Loyiha boshqaruvi milliy agentligi, Axborot texnologiyalari va kommunikatsiyalarini rivojlantirish vazirligi, Oʻzbekiston Avtomobil transporti agentligi, “Oʻzbekiston temir yoʻllari” AJ, “Oʻzbekiston havo yoʻllari” MAK boshqa manfaatdor vazirlik va idoralar bilan birgalikda uch oy muddatda blokcheyn texnologiyasidan foydalangan holda reyslarni (avtobus, avia va temir yoʻl) qulay tarzda bogʻlovchi yoʻl chiptalarini sotishni nazarda tutuvchi respublika transport tizimining yagona elektron portalini, shu jumladan davlat-xususiy sheriklik mexanizmlari asosida tashkil etsin hamda uning ishlash tartibini belgilasin.

8. Oʻzbekiston Respublikasi Prezidentining ayrim hujjatlariga 8-ilovaga muvofiq oʻzgartirish va qoʻshimchalar kiritilsin.

9. Oʻzbekiston Respublikasi Turizmni rivojlantirish davlat qoʻmitasi Tashqi ishlar vazirligi, Ichki ishlar vazirligi hamda boshqa manfaatdor vazirliklar va idoralar bilan birgalikda ikki oy muddatda qonunchilikka ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

10. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston Matbuot va axborot agentligi ommaviy axborot vositalarida ushbu Farmonning maqsad va vazifalarini tushuntirishga qaratilgan nashrlar va tematik dasturlarni tashkil etsin.

11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi Bosh vazirining oʻrinbosari A.A. Abduxakimov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 5-yanvar,

PF-5611-son

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
1-ILOVA

2019 — 2025-yillarda Oʻzbekiston Respublikasida turizm sohasini rivojlantirish

Konsepsiyasi

2019 — 2025-yillarda Oʻzbekiston Respublikasida turizm sohasini rivojlantirish Konsepsiyasi qulay iqtisodiy sharoitlar va omillarni yaratish boʻyicha olib borilayotgan islohotlarning samaradorligini oshirish, turizm sohasini jadal rivojlantirish boʻyicha ustuvor maqsad va vazifalarni belgilash, uning iqtisodiyotdagi oʻrni va ulushini oshirish, xizmatlarni diversifikatsiyalash va ularning sifatini oshirish hamda turizm infratuzilmasini takomillashtirishga qaratilgan.

1-bob. Turizm sohasining joriy holati tahlili

Oʻzbekiston juda katta turizm va rekreatsiya salohiyatiga ega, unda jami 7,4 ming madaniy meros obyektlari mavjud, ulardan 209 tasi toʻrtta muzey shaharlar — “Xiva shahridagi Ichan-qalʼa”, “Buxoro shahrining tarixiy markazi”, “Shahrisabz shahrining tarixiy markazi”, “Samarqand shahri” hududida joylashgan boʻlib, YUNESKO butunjahon merosi roʻyxatiga kiritilgan.

2010 — 2017-yillar davomida turizm xizmatlari eksporti hajmi ikki baravar oshdi va 2017-yilda 546,9 million AQSh dollari, 2018-yilda esa — 1 041 million AQSh dollarini tashkil etdi. 2016-yilgacha xorijiy tashrif buyuruvchilar sonining oʻsish surʼati oʻrtacha yillik 8 foizni, 2017-yilda — 7 foizni tashkil qilib, 2,69 million nafardan oshdi. 2018-yil yakunlari boʻyicha respublikaga 5,3 million xorijiy turistlar tashrif buyurdi. Xususiy sektorni qoʻllab-quvvatlash va muhofaza qilishga qaratilgan choralar koʻrilgani natijasida, 2015-yilda 398 tani tashkil qilgan turizm tashkilotlari soni 2018-yil yakuni boʻyicha 950 taga, mehmonxona xoʻjaliklari soni — 661 tadan 900 taga yetdi.

Soʻnggi yillarda turizm infratuzilmasini rivojlantirish boʻyicha yirik investitsiya loyihalari amalga oshirildi, shu jumladan Toshkent shahrida “Nyatt Regency Tashkent” va “Lotte City Notel Tashkent Palace” brendli mehmonxonalar ochilishi, Andijon, Urganch va Toshkent shahrida madaniy-koʻngilochar bogʻlarning tashkil etilishi, “Angren-Pop” temir yoʻli ochilishi, Buxoro, Qarshi, Shahrisabz va Xiva shaharlariga tezyurar poyezdlar uchun elektrlashtirilgan temir yoʻllari ochilishini aytib oʻtish joiz.

Turizm sohasida davlat siyosati istiqbolda hududlar va ularning infratuzilmasini kompleks jadal rivojlantirishda turizm sohasi yetakchilik qilishi, dolzarb ijtimoiy-iqtisodiy vazifalarni yechish, ish oʻrinlarini koʻpaytirish, hududlar diversifikatsiyasi va rivojlanishini taʼminlash, aholining daromadlari, yashash darajasi va sifatini oshirish hamda mamlakatning investitsiyaviy jozibadorligi va imidjini yaxshilashga qaratilgan.

2018-yilda kirib kelayotgan xorijiy turistlar sonini ikki baravarga oshirishning muhim omillari sifatida viza rejimi, Oʻzbekistonda boʻlish qoidalari hamda tadbirkorlik faoliyatini olib borish tartibi soddalashtirilgani, turizm sohasida infratuzilmaning rivojlanishi va turizm salohiyatini targʻib qilish choralari koʻrilgani koʻrsatish mumkin, shu jumladan:

qoʻshimcha 9 ta (umumiy 18 ta) davlatga vizasiz rejim joriy etilgani, fuqarolariga kirish vizalarini berishning soddalashtirilgan tartibi joriy etilgan davlatlar soni 12 tadan 50 taga koʻpaygani;

elektron kirish vizalarini rasmiylashtirish va taqdim etish tizimi ishga tushirilgani, Oʻzbekiston hududidan tranzit bilan oʻtayotgan 101 davlat fuqarolariga Oʻzbekistonga vizasiz kirish, vaqtincha boʻlish va fuqarolarni oʻtkazish punktlari orqali chiqib ketish tartibi joriy qilingani;

xorijiy fuqarolarni respublika hududida vaqtinchalik roʻyxatga olish tartibi soddalashtirilgani, mazkur tartib “E-MENMON” tizimi orqali toʻliq elektron shaklga oʻtkazilgani;

mehmon uylarini sertifikatsiya qilish tartibi bekor qilingani;

respublika hududiga olib kirilayotgan 8 va undan koʻproq yoʻlovchi tashishga moʻljallangan turistik klassdagi avtotransport vositalarini sertifikatsiya qilishning yangi mexanizmi joriy etilgani hamda buning natijasida 2018-yilda turistik klass avtotransport vositalarining parki 128 donaga koʻpaytirilgani (47 avtobus va 81 mikroavtobus).

2-bob. Turizm sohasini rivojlantirishning asosiy maqsadlari va bosqichlari

2019 — 2025-yillarda Oʻzbekiston Respublikasi turizm sohasini rivojlantirishning maqsadlari turizmni milliy iqtisodiyotning strategik sohasiga aylantirish, turistik xizmatlarni diversifikatsiyalash va sifatini oshirish hamda turistik infratuzilmani, shu jumladan xorijiy sarmoyalarni jalb qilish va samarali reklama-marketing ishlarini olib borish evaziga takomillashtirish orqali ilovada koʻrsatilgan maqsadli koʻrsatkichlarga erishish.

Turizm sohasini rivojlantirishning asosiy bosqichlari quyidagilardan iborat:

2019 — 2020-yillarda — turizmni rivojlantirish uchun mustahkam qonunchilik bazani yaratishga qaratilgan institutsional islohotlar, infratuzilmani modernizatsiyalash va mamlakat brendini targʻib qilish;

2021 — 2025-yillarda — mamlakat iqtisodiyotida turizm industriyasi ulushini koʻpaytirish. Ushbu yoʻnalishda zarur infratuzilmani rivojlantirish va dunyo bozorida respublikaning turizm salohiyatini targʻib qilish orqali mamlakatning yalpi ichki mahsulotida turizm ulushini 5 foizgacha (2017-yil yakuni boʻyicha — 2,3%) yetkazish, shuningdek, 2025-yil yakuniga qadar 9 milliondan ortiq turistlarni, shu jumladan uzoq xorijdan — 2 million turistni jalb qilish belgilab quyilgan.

Uzoq istiqbolda Oʻzbekiston turizmi milliy iqtisodiyotdagi yutuqlar bilan cheklanib qolmasdan, mintaqa va dunyo turistik xizmatlari bozoriga eng raqobatbardosh davlatlar qatorida kirib borishi mumkin.

3-bob. Turizmni rivojlantirishning asosiy yoʻnalishlari

Turizm sohasida qisqa muddatli istiqbolga moʻljallangan maqsadli vazifa va ustuvorlardan kelib chiqib, quyidagi asosiy yoʻnalishlar boʻyicha chora-tadbirlarni faol amalga oshirish koʻzda tutilgan:

1) turistik faoliyat sohasiga oid normativ-huquqiy bazani takomillashtirish, turizm sohasini rivojlantirish uchun qulay sharoitlar yaratishga qaratilgan xalqaro meʼyor va standartlarni joriy etish, shu jumladan:

turistik faoliyatni qoʻllab-quvvatlashga qaratilgan qonunchilikni takomillashtirish, bunda qonunchilik asosini kuchaytirish va turizm sohasida tadbirkorlik subyektlarini qoʻllab-quvvatlovchi normalarni yagona hujjatga birlashtirishni nazarda tutish;

respublikaga asosiy turistik oqimini taʼminlovchi, iqtisodiy barqaror va xavfsiz davlatlarning fuqarolari uchun viza rejimini yanada liberallashtirish boʻyicha bosqichma-bosqich chora-tadbirlarni amalga oshirish;

xususiy sektorni jalb qilish va tadbirkorlar faolligini ragʻbatlantirish boʻyicha manzilli chora-tadbirlarni amalga oshirish, sohani barqaror rivojlantirish uchun zarur shart-sharoitlar yaratish;

davlat-xususiy sheriklik mexanizmlarini joriy etish va keng qoʻllash.

Yuqorida sanab oʻtilgan chora-tadbirlarni amalga oshirish:

mamlakat normativ-huquqiy bazasini xalqaro standartlar va meʼyorlar bilan uygʻunlashtirish, turizm sohasini rivojlantirish uchun qulay shart-sharoitlar yaratish, iqtisodiyotda turizm sohasining rolini oshirish uchun iqtisodiy resurslardan samarali foydalanish, shu jumladan 2025-yilda turizm eksportini 951 mln. AQSh dollaridan 2,2 mlrd. AQSh dollarigacha oshirishni taʼminlaydi.

2) turistlarning ehtiyojlari va talablarini inobatga olgan holda, mamlakatning barcha hududlarida turizm infratuzilmasi va yondosh infratuzilmani rivojlantirish, xususan:

talabni inobatga olgan holda, yangi joylashtirish vositalarini qurish va mavjudlarni rekonstruksiya qilish bilan bir qatorda yondosh infratuzilmani (umumiy ovqatlanish obyektlari, transport-logistika tuzilmalari, koʻngilochar maskanlar industriyasi, madaniy va sport muassasalari, turistik namoyish obyektlari va boshqalarni) rivojlantirishga qaratilgan turizm industriyasini rivojlantirish boʻyicha kompleks chora-tadbirlarni ishlab chiqish;

mehmonxonalar va boshqa turizm infratuzilmasi obyektlarini qurishga oid loyihalarni amalga oshirish mexanizmini soddalashtirish, tadbirkorlarga oʻz xizmatlarining sifatini oshirish uchun qoʻshimcha shart-sharoitlar yaratish, shuningdek, jahonga mashhur mehmonxona biznesi brendlarini Oʻzbekistonga jalb qilishni ragʻbatlantirish;

joylashtirish vositalarini bosqichma-bosqich rivojlantirish, yirik, oʻrta, kichik mehmonxonalar va xostellarni qurishni ragʻbatlantirish hamda mavjud mehmonxonalarni rekonstruksiya va modernizatsiya qilishga alohida eʼtibor qaratish;

zamonaviy xalqaro standartlarni hisobga olgan holda koʻcha infratuzilmasini (oʻtish yoʻllari, trotuarlar, kichik arxitektura shakllari, sanitar-gigiyenik shoxobchalar, jismoniy imkoniyati cheklangan insonlar uchun obodonlashtirish elementlari va boshqalarni), shu jumladan turizm-rekreatsion markazlarda yaratish;

turizm navigatsiyasining yagona unifikatsiyalashtirilgan tizimini joriy etish va rivojlantirish, koʻchalarda, hududlarda, turizm namoyishi obyekti hisoblangan bino va inshootlar ichida, transport vositalari va tarmoqlarida hamda avtomobil yoʻllarida turizm navigatsiyaning unifikatsiyalashtirilgan koʻrsatkichlarini oʻrnatish.

Yuqorida sanab oʻtilgan chora-tadbirlarni amalga oshirish:

turoperatorlar soni 860 dan 1 676 tagacha hamda turizm sohasining boshqa subyektlari sonini oshirish evaziga xalqaro standartlarga mos turizm infratuzilmasini rivojlantirish, shuningdek joylashtirish vositalari soni 850 dan 3 000 tagacha oʻsishini;

turizm xizmatlari sifati, xilma-xilligi va eksport hajmining oʻsishi, jahon bozorining yirik vakillari (brendlarini) jalb qilish va xorijiy investitsiyalar oqimini koʻpaytirishni taʼminlaydi.

3) transport logistikasini rivojlantirish, tashqi va ichki yoʻnalishlarni kengaytirish, transport xizmatlari sifatini oshirish, shu jumladan:

yoʻlovchilar tashuvini rivojlantirish, shu jumladan doimiy transport qatnovini yoʻlga qoʻyish, turli transport vositalarining qulay tutash bogʻlamalarini tashkil etish, turizm markazlarini birlashtiruvchi respublika va mintaqaviy ahamiyatga molik yangi avtomobil yoʻllarini qurish va mavjudlarni rekonstruksiya qilish, tutash yoʻl infratuzilmasi (kemping va servis xizmat koʻrsatish obyektlari, umumiy ovqatlanish markazlari, tibbiy va sanitariya shoxobchalarini) yaxshilashga qaratilgan davlatlararo shartnomalar bilan tasdiqlangan dasturni shakllantirish,

transport tariflarini optimallashtirish boʻyicha chora-tadbirlarni ishlab chiqish va amalga oshirish;

yirik xalqaro aviatashuvchilarni jalb qilish, budjet aviatashuvlarni tashkil qilish;

respublika hududlari oʻrtasida aviaqatnovlarni rivojlantirish;

yangi temir yoʻllarni qurish va mavjudlarni takomillashtirish, yuqori tezlikda harakatlanadigan elektropoyezdlardan foydalanishni kengaytirish;

sifatli transport xizmatlarini koʻrsatish uchun transport vositalarining harakatlanuvchi tarkibini muntazam yangilab borish.

Yuqorida sanab oʻtilgan chora-tadbirlarni amalga oshirish:

xalqaro parvozlar va toʻgʻridan-toʻgʻri, shu jumladan mamlakatning tarixiy shaharlariga reyslarning geografiyasini kengaytirish, aviaqatnovlar sifatini oshirish va qiymatini pasaytirish;

oʻz ichiga havo, temir yoʻl va avtomobil transportini qamrab olgan qulay va arzon transport logistikasini taʼminlash, respublika hududlariga va xorijiy davlatlarga sayohatlarni amalga oshirishda qulay shart-sharoitlar yaratish;

mamlakatni yoʻlovchilar tashish sohasida yirik mintaqaviy transport “xabi”ga aylantirishni taʼminlaydi.

4) quyidagilarni taʼminlash maqsadida turizm bozorining turli qatlamlariga moʻljallangan turistik mahsulotlar va xizmatlarni diversifikatsiya qilish orqali mavsumiy omillar taʼsirini kamaytirish boʻyicha kompleks chora-tadbirlarni qabul qilish:

turizm yoʻnalishlarini tizimlashtirish va pasportlashtirishni amalga oshirish, Oʻzbekiston Respublikasining marshrutlari tarmogʻi va turizm namoyishi obyektlarining yagona axborot bazasini shakllantirish;

Oʻzbekiston Respublikasining xilma-xil hamda yilning turli fasllarida jozibador va raqobatbardosh turistik mahsulotlari, shu jumladan mamlakat hududlarida tematik turistik zonalari va klasterlarni yaratish orqali hamda turizmning istiqbolli turlari (ziyorat, maʼrifiy, ekologik, etnografik, gastronomik, sport, davolovchi-sogʻlomlashtiruvchi, qishloq, sanoat, ishbilarmonlik va boshqalarni) hisobga olgan holda, yangi turizm dasturlarini ishlab chiqish;

zamonaviy va raqobatbardosh hunarmandchilik-suvenir mahsulotlarini ishlab chiqarish hamda “MICE — turizm”ni rivojlantirish boʻyicha dasturiy chora-tadbirlarni ishlab chiqish va amalga oshirish.

Yuqorida sanab oʻtilgan chora-tadbirlarni amalga oshirish:

bir nechta turizm turlarini birlashtirish hamda turli-tuman tadbirlar bilan boyitish orqali taklif etiladigan turistik turlarining jozibadorligini oshirish, mamlakat boʻylab turistik turlarining oʻrtacha davomiyligini kamida ikki sutkaga oshirib, 8 sutkagacha yetkazish, shaharlar boʻyicha esa amaldagi 1,5 — 2,0 sutkadan 3 sutkagacha koʻpaytirish;

turizmning barqaror rivojlanishi va mamlakatimizga takroriy tashriflar soni oshishini taʼminlaydi.

5) respublika ichida turizm xizmatlariga boʻlgan ehtiyojni qondirishga qaratilgan turizm faoliyati subyektlarining faolligini ragʻbatlantirishni taʼminlaydigan ichki turizmni rivojlantirish, xususan:

turistik-ekskursion xizmatlar isteʼmoliga aholining keng qatlamlarini jalb qilish, ichki turizm harakatining ommaviyligini qayta tiklash, turizm xizmatlarini ishlab chiqish hamda mavsumiy notekislik oqibatlarini yumshatishda keng miqyosli taʼsirdan foydalanish maqsadida “Oʻzbekiston boʻylab sayohat qil!” Dasturining amalga oshirish mexanizmini takomillashtirish;

ijtimoiy, madaniy-rivojlantiruvchi, ekologik, etnomadaniy hamda qishloq turizmi dasturlarini ishlab chiqish va amalga oshirish;

umumiy va kasb-hunar taʼlimi dasturlariga turistik ekskursiya tadbirlarini kiritish.

Yuqorida sanab oʻtilgan chora-tadbirlarni amalga oshirish:

sifatli turistik mahsulotlarni shakllantirish, mavsumiy omillarga boʻlgan qaramlikni kamaytirish hamda mehmonxonalar yuklovini, ayniqsa yilning nomavsumiy oylarida oshirish maqsadida ichki resurslardan samarali foydalanish;

hududlar oʻrtasida turistlar ichki oqimini kengaytirish, ular sonini yiliga 14 milliondan 19 milliongacha oshirishga imkon beradi.

6) Quyidagilar orqali Oʻzbekiston Respublikasi turistik mahsulotini ichki va tashqi turizm bozorlarida ilgari surish, uning sayohat va dam olish uchun xavfsiz mamlakat sifatidagi imidjini mustahkamlash:

Oʻzbekiston Respublikasining yagona milliy turizm brendini yaratish hamda unga asosan har bir hududning oʻziga xos xususiyatidan kelib chiqib, hududlarning turizm brendlarini yaratish;

barqaror, asosan muhim hamda yoʻnaltiruvchi turistik bozorlarga qaratilgan milliy turistik mahsulotni ilgari surish boʻyicha samarador strategiyasini ishlab chiqish;

milliy turizm bozorida mintaqadagi eng yirik turizm koʻrgazmalaridan birini tashkil qilish maqsadida sohadagi koʻrgazma faoliyatini jipslashtirish va qoʻllab-quvvatlash;

mamlakatda va xorijda imidjni targʻib qiluvchi reklama-axborot kampaniyasini oʻtkazish;

turistik xarakterga ega xalqaro tadbirlarda turizm tashkilotlarining oʻzi ishlab chiqargan mahsulotlarini ilgari surish boʻyicha ishtirokini ragʻbatlantirish;

respublika boʻyicha bepul faoliyat koʻrsatuvchi, shu jumladan bron qilish, suvenirlar, kitoblar va turizm xaritalari boʻyicha maʼlumot beruvchi axborot shoxobchalari sonini oshirish;

yuqori turistik salohiyatga ega boʻlgan hududlarda xavfsiz turizmni taʼminlash boʻyicha ichki ishlar organlarining maxsus boʻlinmalarini tashkil qilish, ularni zamonaviy texnika va transport vositalari bilan taʼminlash.

Yuqorida sanab oʻtilgan chora-tadbirlarni amalga oshirish mamlakatimizni rivojlangan turizm industriyasi hamda boy turistik salohiyatga ega boʻlgan, sayohat va dam olish uchun xavfsiz davlat imidjini shakllantirishga, shuningdek yangi turizm bozorlarini oʻzlashtirish, xorijdan tashrif buyuruvchilar sonini yiliga 4,8 milliondan 9 milliongacha, shuningdek Oʻzbekistonga turistlarni jalb qilish boʻyicha xorijiy hamkorlar sonini oshirishga xizmat qiladi.

7) quyidagilarni nazarda tutgan yuqori malakali mutaxassislarni tayyorlash, xizmat koʻrsatuvchi xodimlarni qayta tayyorlash va malakasini oshirish tizimini takomillashtirish:

turizm sohasida kasb-hunar taʼlimi muassasalaridagi kadrlari va bitiruvchilarining malakasini baholashni tashkil qilish;

turizm sohasida xalqaro talablarga javob beradigan uzluksiz, koʻp bosqichli taʼlim tizimini yaratish;

taʼlimning amaliyotga yoʻnaltirilgan va modernizatsiyalashgan taʼlim standartlari, oʻquv-uslubiy dasturlar hamda ilgʻor axborot-kommunikatsiya texnologiyalarini joriy etish;

ichki va kirish turizmi sohasida bevosita turistik xizmatlarni koʻrsatuvchi turizm sohasi xodimlari (gidlar, yoʻriqchi-kuzatuvchi, turizm faoliyati subyektlari, umumiy ovqatlanish tashkilotlari, transport va boshqalar xodimlari) uchun majburiy malaka talablarini belgilaydigan standartlar ishlab chiqish;

turizm sohasi xodimlarini turistlarga axborot berish ishlari va xavfsizlik boʻyicha yoʻriqnomalarni oʻtkazish qoidalarga oʻqitish boʻyicha tizimni ishlab chiqish va joriy qilish;

taʼlim jarayoniga xorijiy mutaxassislarni jalb qilish orqali turizm sohasida kadrlar malakasini oshirish tizimini takomillashtirish, shuningdek turizm sohasida kadrlar malakasini oshirish tizimini tashkil etish uchun, shu jumladan hududlarda taʼlim muassasalari sonini oshirish;

turizm sohasida kadrlar tayyorlash uchun yetakchi xorijiy oliy oʻquv yurtlari filiallarini ochish.

Yuqorida sanab oʻtilgan chora-tadbirlarni amalga oshirish professional kadrlar tayyorlovi borasida integratsiyalashgan tizimni yaratish, taʼlim va xizmat koʻrsatish sifatini oshirish, yuqori malakali menejer, administrator, operator va portye oshpazlarga boʻlgan ehtiyojni qondirishga xizmat qiladi.

4-bob. Yakuniy qoidalar

Oldingi tahrirga qarang.

Konsepsiyani amalga oshirish yuzasidan tizimli nazorat olib borish, umumiy muvofiqlashtiruv, tezkor koʻrib chiqish va respublikada turizmni rivojlantirish boʻyicha muammoli masalalarni hal etish Turizm, sport, madaniy meros, transport logistikasi va xizmatlar sohalarida davlat-xususiy sheriklik hamda raqamlashtirishni rivojlantirish masalalari boʻyicha muvofiqlashtiruvchi kengash tomonidan amalga oshiriladi.

(4-bobning birinchi xatboshisi Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)

Konsepsiyani samarali amalga oshirish maqsadida Muvofiqlashtiruvchi kengashning ishchi organi sifatida Oʻzbekiston Respublikasi Turizmni rivojlantirish davlat qoʻmitasi Konsepsiyaning amalga oshirilishi yuzasidan monitoring olib boradi.

Oldingi tahrirga qarang.

2019 — 2025-yillarda Oʻzbekiston Respublikasida turizm sohasini rivojlantirish Konsepsiyasiga
ILOVA

2019 — 2025-yillarda Oʻzbekiston Respublikasida turizm sohasini rivojlantirish Konsepsiyasini amalga oshirishning maqsadli

koʻrsatkichlari

T/r	Koʻrsatkichlar nomi	2018-y.	2019-y.	2020-y.	2021-y.	2022-y.	2023-y.	2024-y.	2025-y.
1.	Oʻzbekistonga tashrif buyuradigan xorijiy turistlar soni (ming kishi)	5 346	6 041	7 010	8 410	10 010	10 600	11 250	11 810
2.	Turizm xizmatlari eksporti (mln AQSh dollari)	1 041	1 180	1 360	1 620	1 900	2 000	2 080	2 170
3.	Ichki turistlar soni (mingta tashrif)	15493	16 100	17 230	18 806	20 317	21 867	23 404	25 010
4.	Mehmonxonalar va shu kabi joylashtirish vositalari soni (dona)	914	1 100	1 620	2 200	2 600	2 800	2 900	3 050
5.	Joylashtirish vositalaridagi xonalar soni (ming)	20,2	24	35	47	55	59	62	64
6.	Joylashtirish vositalaridagi oʻrinlar soni (ming)	41	49	72	95	110	122	124	128
7.	Turoperatorlar soni (nafar)	983	1 100	1 190	1 250	1 320	1 390	1 420	1450

Izoh: prognoz qilinayotgan koʻrsatkichlarga turizmni rivojlantirish boʻyicha davlat va hududiy dasturlarni amalga oshirish natijalaridan kelib chiqqan holda oʻzgartirishlar kiritilishi mumkin.

(ilova Oʻzbekiston Respublikasi Prezidentining 2019-yil 13-avgustdagi PF-5781-sonli Farmoni tahririda — Qonun hujjatlari maʼlumotlari milliy bazasi, 15.08.2019-y., 06/19/5781/3567-son)

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
2-ILOVA

2019 — 2025-yillarda Oʻzbekiston Respublikasida turizm sohasini rivojlantirish Konsepsiyasini amalga oshirish boʻyicha 2019-yilga moʻljallangan chora-tadbirlar rejasi

T/r	Tadbirlar nomi	Amalga oshirish mexanizmi	Ijro muddati	Masʼul ijrochilar
I. Turizm sohasida normativ-huquqiy tartibga solishni takomillashtirish
1.	Yuqori turizm salohiyatiga ega boʻlgan hududlarda ichki ishlar organlarining xavfsiz turizmni taʼminlaydigan maxsus tuzilmalarini tashkil etish, ularni zamonaviy texnik va transport vositalari bilan jihozlashni nazarda tutuvchi Oʻzbekiston Respublikasi Prezidentining “Oʻzbekiston Respublikasida xavfsiz turizmni taʼminlashning qoʻshimcha chora-tadbirlari toʻgʻrisida”gi qarori loyihasini ishlab chiqish va Vazirlar Mahkamasiga kiritish.	Oʻzbekiston Respublikasi Prezidenti qarori loyihasi	15-fevralgacha	IIV (P. Bobojonov), Turizmni rivojlantirish davlat qoʻmitasi (A. Akkulov), manfaatdor vazirlik va idoralar
2.	Butunjahon turizm tashkilotining, shu jumladan quyidagilarni nazarda tutuvchi metodologiyasi asosida turizm sohasida statistika yuritishni takomillashtirish: Turizm sohasidagi statistik maʼlumotlarning ochiqligini taʼminlash, ularni Butunjahon turizm tashkiloti, Turizmni rivojlantirish davlat qoʻmitasi, Davlat statistika qoʻmitasining rasmiy veb-sahifalariga joylashtirish; mamlakat hududlari kesimida asosiy statistik koʻrsatkichlarni yuritib borish.	Ijrochilar qarori	1-martgacha	Turizmni rivojlantirish davlat qoʻmitasi (A. Akkulov), Davlat statistika qoʻmitasi (B. Begalov), manfaatdor vazirlik va idoralar
3.	Xorijiy davlatlarda turizmni rivojlanish jarayonlari va milliy xususiyatlardan kelib chiqqan holda mehmonxona va turizm xizmatlarini koʻrsatish boʻyicha davlat standartlarini takomillashtirish	Idoraviy normativ-huquqiy hujjat	1-aprelgacha	Turizmni rivojlantirish davlat qoʻmitasi (A. Akkulov), “Oʻzstandart” agentligi (D. Sattarov), manfaatdor vazirlik va idoralar
4.	Xorijiy tajribani inobatga olgan holda mehmonxona xizmati koʻrsatishning namunaviy tartibini ishlab chiqish.	Ijrochilar qarori	1-avgustgacha	Turizmni rivojlantirish davlat qoʻmitasi (A. Akkulov), Savdo-sanoat palatasi (A. Ikramov), Adliya vazirligi (R. Davletov)
5.	Har bir hudud kesimida barcha turistik manbalar va obyektlarni (arxitektura, tabiiy va boshqa) ularning holatini “Qoniqarli”, “Qayta taʼmirga muhtoj” (taʼmirlash, qayta taʼmirlash), “avariya (tashlandiq) holatida” tasniflari boʻyicha aniqlagan holda xatlovdan oʻtkazish.	Yagona turistik manbalar va obyektlar reyestrini shakllantirish, pasportlar tayyorlash	1-sentabrgacha	Turizmni rivojlantirish davlat qoʻmitasi (A. Akkulov), Madaniyat vazirligi (B. Sayfullayev), Ekologiya va atrof-muhitni muhofaza qilish davlat qoʻmitasi (B. Kuchkarov), Fanlar akademiyasi (B. Yuldashev), manfaatdor vazirlik va idoralar
II. Respublika hududlarida turizm va u bilan bogʻliq infratuzilmani rivojlantirish
6.	Davlat-xususiy sheriklik shartlari asosida respublikaning har bir hududidagi sayyohlar koʻp tashrif buyuradigan joylar va sayyohlik marshrutlarida kamida 50 tadan sanitariya-gigiyena shoxobchalarini tashkil etish.	Ijrochilar qarori	yil davomida	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizmni rivojlantirish davlat qoʻmitasi (A. Akkulov)
7.	Sayyohlar orasida mashhur boʻlgan obyektlar, sayyohlik marshrutlarida va har bir hududning markaziy qismlarida turistik infokiosklarni tashkil etish.	Tashkiliy choralar	1-dekabrgacha	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizmni rivojlantirish davlat qoʻmitasi (A. Akkulov)
8.	Imkoniyati cheklangan shaxslarning turizm infratuzilmasi va madaniy meros obyektlarida erkin harakatlanishi uchun zarur sharoitni (“toʻsiqsiz muhit” hosil qilish) yaratish choralarini koʻrish.	Ijrochilarning qoʻshma harakatlar rejasi	1-fevralgacha tasdiqlash 1-iyulgacha amalga oshirish	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Bandlik va mehnat munosabatlari vazirligi (Sh. Kudbiyev), Sogʻliqni saqlash vazirligi (A. Shadmanov), Turizmni rivojlantirish davlat qoʻmitasi (A. Akkulov)
9.	Shu xorijiy tashkilotlarning moliyaviy mablagʻlari va texnik koʻmagini jalb qilgan holda, quyidagilarni nazarda tutuvchi Turizm infratuzilmasini rivojlantirish dasturini ishlab chiqish va amalga oshirish: turistik namoyish obyektlarini bogʻlovchi avtomobil yoʻllarining holatini yaxshilash, shuningdek, yoʻl va yoʻl boʻyi infratuzilmasi obyektlarini yaratish, shu jumladan har 50 km masofaga hisoblaganda sanitariya-gigiyena shoxobchalari, kempinglar, motellar va boshqalarni tashkil qilish; transport logistikasini takomillashtirish, shu jumladan diqqatga sazovor joylar va madaniy obyektlar boʻylab qulay transport marshrutlari tarmogʻini yaratish; madaniy meros obyektlari holatini yaxshilash, ushbu obyektlar atrofida sayyohlar uchun zarur infratuzilmani shakllantirish; marketing va brendni ilgari surishning samarali mexanizmini ishlab chiqish.	Vazirlar Mahkamasi tomonidan tasdiqlanadi	1-dekabrgacha	Turizmni rivojlantirish davlat qoʻmitasi (A. Akkulov), Investitsiyalar boʻyicha davlat qoʻmitasi (S. Bekenov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
10.	Zamonaviy turizm kompleksini yaratish, respublikaga tashrif buyuruvchilar va aholining turizm xizmatlariga boʻlgan ehtiyojlarini qondirish uchun har bir hududda Turizm infratuzilma obyektlarini joylashtirishning bosh chizmasini ishlab chiqish va tasdiqlash.	Idoraviy hujjat	1-iyungacha	Qurilish vazirligi (A. Tuxtayev), “Yergeodezkadastr” davlat qoʻmitasi (A. Abdullayev), Turizmni rivojlantirish davlat qoʻmitasi (A. Akkulov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
11.	Mamlakatning xalqaro aeroportlari va temir yoʻl vokzallarida ibodat qilish va tahorat olish uchun maxsus joylar tashkil qilish.	Tashkiliy choralar	1-iyungacha	“Oʻzbekiston havo yoʻllari” MAK (B. Xakimov), “Oʻzbekiston temir yoʻllari” AJ (F. Sagdullayev)
12.	Zamonaviy koʻp qavatli avtoturargohlar qurish, shuningdek, Toshkent shahridagi xalqaro aeroport yonida transport logistikasini takomillashtirish.	Tashkiliy-amaliy choralar	1-iyulgacha	Toshkent shahar hokimligi (J. Artikxodjayev), Investitsiyalar boʻyicha davlat qoʻmitasi (S. Bekenov)
13.	Quyidagi yoʻnalishlarda tasdiqlangan grafik boʻyicha muntazam ravishdagi shaharlararo avtobus qatnovini, shu jumladan tadbirkorlik subyektlarini jalb qilgan holda yoʻlga qoʻyish: “Toshkent — Samarqand — Buxoro — Xiva — Nukus”; “Toshkent — Guliston — Jizzax — Samarqand — Qarshi — Termiz”; “Qoʻqon — Fargʻona — Andijon — Namangan”.	Tashkiliy choralar	1-iyungacha	Oʻzbekiston avtomobil transporti agentligi (D. Dexkanov), Avtomobil yoʻllari davlat qoʻmitasi (A. Abduvaliyev), Turizmni rivojlantirish davlat qoʻmitasi (A. Akkulov)
14.	Transportning turli yoʻnalish va turlarini qulay tarzda oʻzaro bogʻlovchi avia, temir yoʻl va avtobus qatnovlari sonini oshirishni nazarda tutuvchi Markaziy Osiyo davlatlari bilan oʻzaro transport kommunikatsiyasini rivojlantirish Konsepsiyasini ishlab chiqish va Oʻzbekiston Respublikasi Vazirlar Mahkamasiga kiritish.	Normativ-huquqiy hujjat	1-martgacha	Oʻzbekiston avtomobil transporti agentligi (D. Dexkanov), “Oʻzbekiston havo yoʻllari” MAK (B. Xakimov), “Oʻzbekiston temir yoʻllari” AJ (F. Sagdullayev), Turizmni rivojlantirish davlat qoʻmitasi (A. Akkulov), TIV (A. Komilov)
15.	Mamlakatda sport turizmining bugungi kundagi holatini tahlil qilish, Sport turizmini yanada rivojlantirish strategiyasini tasdiqlash boʻyicha chora-tadbirlar rejasini ishlab chiqish va Oʻzbekiston Respublikasi Vazirlar Mahkamasiga kiritish.	Tahliliy maʼlumot Tadbirlar rejasini tasdiqlash	1-fevralgacha 15-fevralgacha	Jismoniy tarbiya va sport vazirligi (D. Nabiyev), Turizmni rivojlantirish davlat qoʻmitasi (A. Akkulov), manfaatdor vazirlik va idoralar
16.	Ekologik turizmni amalga oshirish uchun yer maydonlarini aniqlagan holda davlat qoʻriqxonalarida muhofaza hududlarini tashkil qilish (Surxon va Kitob qoʻriqxonalari bundan mustasno), shuningdek, Zomin milliy tabiat bogʻini quyidagi hududlarga ajratish: qoʻriqxona hududi — qattiq qoʻriqlanadigan hudud, har qanday xoʻjalik, shu jumladan rekreatsiya faoliyatini yuritish taqiqlangan; rekreatsiya hududi — davomiy va qisqa muddatli dam olish uchun ajratilgan hudud boʻlib, sayyohlar tashrif buyurishi uchun zaruriy shart-sharoitlar yaratilgan holda ekskursiyalar va maʼrifiy turizm tashkil qilish nazarda tutiladi; kurort hudud — sanatoriya-sogʻlomlashtirish uchun moʻljallangan hudud; xoʻjalik yurituvidagi va boshqa hududlar.	Vazirlar Mahkamasining qarori loyihasi	1-martgacha	Ekologiya va atrof-muhitni muhofaza qilish davlat qoʻmitasi (B. Kuchkarov), Oʻrmon xoʻjaligi davlat qoʻmitasi (N. Bakirov), Turizmni rivojlantirish davlat qoʻmitasi (A. Akkulov), Fanlar akademiyasi (B. Yuldashev), manfa�tdor vazirlik va idoralar
17.	Turizmni rivojlantirish mumkin boʻlgan hududlar va obyektlarni xatlovdan oʻtkazish yakunlari asosida Aydarkoʻl (Jizzax va Navoiy viloyatlari), Toʻdakoʻl (Navoiy viloyati) va Uchqizil (Surxondaryo viloyati) koʻllari atrofida rekreatsiya turizmini rivojlantirishga qaratilgan chora-tadbirlar ishlab chiqish va amalga oshirish.	Qoʻshma harakatlar rejasini tasdiqlash	1-fevralgacha	Jizzax, Navoiy va Surxondaryo viloyati hokimliklari, Turizmni rivojlantirish davlat qoʻmitasi (A. Akkulov), Suv xoʻjaligi vazirligi (Sh. Xamroyev), manfaatdor vazirlik va idoralar
18.	Xalqaro gastronomik festivalni tashkil etish va oʻtkazish.	Ijrochilarning qoʻshma harakatlar rejasi	oktabr-noyabr	Turizmni rivojlantirish davlat qoʻmitasi (A. Akkulov), Oʻzbekiston oshpazlar uyushmasi (M. Usmanov), TIV (A. Komilov), manfaatdor vazirlik va idoralar
19.	Mahalliy va xorijiy avto va moto-sport federatsiyalari ishtirokida Ustyurt (Qoraqalpogʻiston Respublikasi) yassiligidagi ekstremal marshruti boʻylab avtoralli tashkil qilish va oʻtkazish.	Ijrochilarning qoʻshma harakatlar rejasi	aprel-may	“Vatanparvar” MKT (R. Niyozov), Jismoniy tarbiya va sport vazirligi (D. Nabiyev), Turizmni rivojlantirish davlat qoʻmitasi (A. Akkulov), manfaatdor vazirlik va idoralar
20.	Quyidagilarni oʻz ichiga olgan agroturizmni rivojlantirish boʻyicha takliflarni ishlab chiqish: turizm aylanmasi (biznes)ga fermer va dehqon xoʻjaliklarini, qishloq joylardagi mahalliy aholini (asosan uzoq va togʻli hududlardan) jalb qilish; qishloq va etnografik turlar (anʼanaviy turmush tarzi, hunarmandchilik, taom tayyorlash va boshqalar) doirasida sayyohlarni qabul qilish istagiga va imkoniyatiga ega boʻlgan dehqon va fermerlar uchun namunaviy “turistik mahalla” tipdagi uy-joy komplekslari (anʼanaviy uslubdagi) qurish; fermer xoʻjaliklarining faoliyatini kengaytirish va diversifikatsiya qilish, qishloq xoʻjaligi mahsulotlari, shu jumladan, sharob mahsulotlari, quritilgan mevalar, shirinliklar va boshqalarni joyida tatib koʻrishni tashkil qilish yoʻli bilan ular hududida yagona tuzilmaga (qishloq turistik klasteri) biriktirilgan agro-etno-qishloq shaklidagi model uyushmalar barpo etish.	Vazirlar Mahkamasi qarori loyihasi	1-aprelgacha	Qishloq xoʻjaligi vazirligi (B. Yusupov), Oʻzbekiston fermer, dehqon xoʻjaliklari va tomorqa yer egalari kengashi (A. Xaitov), Turizmni rivojlantirish davlat qoʻmitasi (A. Akkulov), manfaatdor vazirlik va idoralar
21.	Quyidagi choralarni amalga oshirish orqali “shopping” (savdo) turizmini rivojlantirish: tarixiy shaharlar va viloyatlarning maʼmuriy markazlarida boj toʻlovi olinmaydigan doʻkonlar (“Duty Free”)ni nazarda tutuvchi Oʻzbekiston Respublikasining “Oʻzbekiston Respublikasining Bojxona kodeksiga oʻzgartirishlar kiritish toʻgʻrisida”gi Qonuni loyihasini ishlab chiqish va Vazirlar Mahkamasiga kiritish; brend kiyim-kechak mahsulotlari, kosmetika va aksessuar tovarlar sotuvi yoʻlga qoʻyilgan savdo-koʻngilochar komplekslar tashkil etilishini ragʻbatlantirish.	Oʻzbekiston Respublikasi qonuni loyihasi Tashkiliy-amaliy choralar	1-martgacha 1-noyabrgacha	Davlat bojxona qoʻmitasi (M. Azimov), Turizmni rivojlantirish davlat qoʻmitasi (A. Akkulov) Investitsiyalar boʻyicha davlat qoʻmitasi (S. Bekenov), Savdo-sanoat palatasi (A. Ikramov), Turizmni rivojlantirish davlat qoʻmitasi (A. Akkulov), manfaatdor vazirlik va idoralar
22.	Respublikada, shu jumladan quyidagilarni nazarda tutuvchi “MICE” turizmni rivojlantirish boʻyicha chora-tadbirlar rejasini ishlab chiqish: turizmdagi mavsumiylikka qarab oʻtkazish vaqtini aniqlagan holda mahalliy va xalqaro darajadagi tadbirlarni oʻtkazish dasturini tuzish; “MICE” turizm tadbirlarini oʻtkazish maqsadga muvofiqligidan kelib chiqqan holda binolar, mehmonxonalar roʻyxatini shakllantirish.	Qoʻshma chora-tadbirlar rejasini tasdiqlash	1-martgacha	Turizmni rivojlantirish davlat qoʻmitasi (A. Akkulov), Madaniyat vazirligi (B. Sayfullayev), Jismoniy tarbiya va sport vazirligi (D. Nabiyev), TIV (A. Komilov), manfaatdor vazirlik va idoralar
III. Aholi va turistik faoliyat subyektlarining faolligini ragʻbatlantirishni taʼminlovchi ichki turizmni rivojlantirish
23.	Hududlarda tadbirkorlik subyektlariga turizm sohasida berilgan imtiyoz va preferensiyalar haqida maʼlumot berish va targʻib qilish boʻyicha soliq bojxona organlari va Turizmni rivojlantirish davlat qoʻmitasi mutaxassislaridan iborat qoʻshma ishchi guruh tashkil etish.	Tashkiliy choralar	yil davomida	Davlat soliq qoʻmitasi (B. Musayev), Davlat bojxona qoʻmitasi (M. Azimov), Turizmni rivojlantirish davlat qoʻmitasi (A. Akkulov)
24.	Mahalliy va xorijiy madaniyat va sanʼat arboblari ishtirokida hududlarning boy madaniy-tarixiy va turizm salohiyatini yorituvchi turkum telekoʻrsatuvlar yaratish.	Ijrochilar qarori	yil davomida	MTRK (A. Xodjayev), Turizmni rivojlantirish davlat qoʻmitasi (A. Akkulov), Madaniyat vazirligi (B. Sayfullayev)
25.	Turistlar erkin yoʻnalish olishlari uchun respublika boʻyicha asosiy turistik namoyish obyektlari va turizm obyektlariga olib boruvchi yoʻllarda yagona shakldagi turistik-axborot koʻrsatkichlarini oʻrnatish.	Tashkiliy choralar	1-iyulgacha	Avtomobil yoʻllari davlat qoʻmitasi (A. Abduvaliyev), Turizmni rivojlantirish davlat qoʻmitasi (A. Akkulov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
26.	Oʻzbekiston boʻyicha ichki turizmni rivojlantirishga koʻmaklashayotgan eng yaxshi turoperator, ish beruvchi, OAV va bloger, shuningdek, mamlakat boʻylab sayohatchini aniqlash boʻyicha tanlovlar tashkil etish va oʻtkazish.	Tashkiliy choralar	dekabr	Turizmni rivojlantirish davlat qoʻmitasi (A. Akkulov), manfaatdor vazirlik va idoralar
IV. Ichki va tashqi bozorlarda milliy turizm mahsulotini ilgari surish
27.	Quyidagilarni: tanlovlar oʻtkazish orqali Oʻzbekistonning yagona milliy turizm brendini, shuningdek, uning asosida hududlarning turizm brendlarini; tashqi bozorlarda “Oʻzbekiston” turizm brendini ilgari surish strategiyasini ishlab chiqish va hududlarning turizm brendini ilgari surish boʻyicha har bir mamlakat uchun alohida marketing ishlari dasturlarini tasdiqlash; xorijiy mamlakatlarda Oʻzbekistonning ijobiy imijini shakllantirish va turizm salohiyatini ilgari surish boʻyicha xorijiy kompaniyalar va agentliklar, shu jumladan “M&CSAATCNI” agentligi bilan hamkorlik boʻyicha chora-tadbirlar rejasini ishlab chiqish.	Tashkiliy-amaliy choralar	1-iyulgacha 1-avgustgacha	Turizmni rivojlantirish davlat qoʻmitasi (A. Akkulov), “Oʻzbekiston havo yoʻllari” MAK (B. Xakimov), “Oʻzbekiston temir yoʻllari” AJ (F. Sagdullayev), Madaniyat vazirligi (B. Sayfullayev), Jismoniy tarbiya va sport vazirligi (D. Nabiyev), TIV (A. Komilov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
28.	Oʻzbekistonning milliy turizm brendini faol ilgari surish, shu jumladan mashhur xorijiy telekanallar, jurnallar va boshqa OAVda mamlakatimizning turistik jozibadorligini targʻib qiluvchi dasturlar namoyishini tashkil etish.	Tashkiliy choralar	yil davomida	Turizmni rivojlantirish davlat qoʻmitasi (A. Akkulov), Madaniyat vazirligi (B. Sayfullayev), TIV (A. Komilov), Moliya vazirligi (A. Xaydarov)
29.	Oʻzbekistonning va hududlarning turizm xaritalarini ishlab chiqish va chop etish, shuningdek, turizm xaritasining elektron shaklini turizm portallarida joylashtirish hamda turli platformalar uchun, shu jumladan Internet tarmogʻiga ulanmasdan ishlaydigan mobil ilova ishlab chiqish.	Ijrochilar qarori	yil davomida	“Yergeodezkadastr” davlat qoʻmitasi (A. Abdullayev), Turizmni rivojlantirish davlat qoʻmitasi (A. Akkulov)
30.	Har bir soni mamlakatimiz alohida hududining oʻziga xos xususiyatlari va uning aholisi madaniyati haqida hikoya qiluvchi turli turistik mavzularda Oʻzbekiston toʻgʻrisidagi almanax chop etishni tashkil qilish.	Jurnal chop etish	1-martgacha	Turizmni rivojlantirish davlat qoʻmitasi (A. Akkulov), manfaatdor vazirlik va idoralar
31.	Mashhur Internet resurslarida joylashtirish uchun Toshkent, Samarqand, Buxoro, Xiva, Shahrisabz va boshqa shaharlardagi diqqatga sazovor joylarning 3D modelini yaratish.	Tashkiliy choralar	yil davomida	Turizmni rivojlantirish davlat qoʻmitasi (A. Akkulov), Axborot texnologiyalari va kommunikatsiyalarini rivojlantirish vazirligi (Sh. Sadikov)
32.	OAV, xorijiy ijodiy guruhlar tomonidan mamlakatimiz tarixi va turizm salohiyati haqida foto va video materiallar tayyorlash uchun uchuvchisiz uchish apparatlarini olib kirish va respublika hududida foydalanishga ruxsat olishni soddalashtirish.	Vazirlar Mahkamasi qarori loyihasi	30-yanvargacha	DXX (I. Abdullayev), IIV(P. Bobojonov), Mudofaa vazirligi (A. Azizov), Parvozlar xavfsizligini nazorat qilish davlat inspeksiyasi (T. Uljayev), Turizmni rivojlantirish davlat qoʻmitasi (A. Akkulov), Madaniyat vazirligi (B. Sayfullayev), “Oʻzbekkino” MA (F. Zokirov), manfaatdor vazirlik va idoralar
33.	“Buyuk ipak yoʻli” mamlakatlari boʻylab sayohat qiluvchi turistlar uchun “Silk visa” yagona turistik vizasi tizimini joriy qilish masalasini oʻrganib chiqish.	Tashkiliy choralar	1-iyulgacha	TIV (A.Komilov), Turizmni rivojlantirish davlat qoʻmitasi (A. Akkulov), IIV (P. Bobojonov), DXX (I. Abdullayev), Davlat pers�nallashtirish markazi (N.Nazarov)
34.	Xorijiy fuqarolarga uzoq muddatli viza olish imkonini beruvchi “Uzbekistan — my second home” (“Oʻzbekiston — mening ikkinchi uyim”) dasturini joriy qilish masalasini oʻrganib chiqish.	Tashkiliy choralar	1-iyulgacha	TIV (A. Komilov), Turizmni rivojlantirish davlat qoʻmitasi (A. Akkulov), IIV (P. Bobojonov), DXX (I. Abdullayev), Davlat personallashtirish markazi (N. Nazarov), Investitsiyalar boʻyicha davlat qoʻmitasi (S. Bekenov)
V. Turizm sohasidagi kadrlarni tayyorlash, qayta tayyorlash va malakasini oshirish
35.	Quyidagilarni nazarda tutuvchi normativ-huquqiy hujjat loyihasini ishlab chiqish: gid, yoʻriqchi-kuzatuvchining huquqiy maqomini, ularning faoliyatini kasb sifatida tan olish va mehnat stajiga hisoblash tartibini belgilash. xizmatchilarning asosiy lavozimlari va ishchilar kasblari klassifikatorining gidlar maʼlumotiga qoʻyilgan talablar qismini ularga ushbu faoliyat bilan oʻrta maxsus maʼlumot bilan shugʻullanish huquqini taqdim etgan holda qayta koʻrib chiqish; “Oʻquv-konsalting markazi” DUK tomonidan gidlar, ekskursovod-kuzatuvchilar va turizm sohasi subyektlari ishchilariga malaka sertifikatlarini berish uchun onlayn test oʻtkazishni tashkil qilish; turizm xizmatlari sohasida kadrlar tayyorlash uchun mutaxassisliklar roʻyxatini kengaytirish, kadrlar tayyorlash boʻyicha oliy va oʻrta maxsus taʼlim tizimi oʻquv rejalarini takomillashtirish; gidlarga malaka toifasini joriy etish va gidlar malakasini oshirish tizimini takomillashtirish.	Normativ-huquqiy hujjat loyihasi	1-fevralgacha	Turizmni rivojlantirish davlat qoʻmitasi (A. Akkulov), manfaatdor vazirlik va idoralar
36.	Taʼlim muassasalarida Butunjahon turizm tashkilotining “TedQual” (Tourism Education Quality) tizimi boʻyicha turizm taʼlimi sifatini sertifikatlashtirish xalqaro tizimini tatbiq qilish.	Ijrochilarning qoʻshma harakat rejasi	1-martgacha	Oliy va oʻrta maxsus taʼlim vazirligi (I. Madjidov), Turizmni rivojlantirish davlat qoʻmitasi (A. Akkulov), TIV (A. Komilov)

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
3-ILOVA

2019-yil 1-fevraldan boshlab fuqarolari uchun 30 kun muddatga vizasiz rejim joriy qilinadigan mamlakatlar

ROʻYXATI

1. Avstraliya Ittifoqi

2. Avstriya Respublikasi

3. Argentina Respublikasi

4. Bosniya va Gersegovina

5. Vatikan

6. Lyuksemburg Buyuk Gersogligi

7. Vengriya

8. Bruney-Dorussalom davlati

9. Gretsiya Respublikasi

10. Irlandiya

11. Islandiya

12. Italiya Respublikasi

13. Kanada

14. Andorra Knyazligi

15. Lixtenshteyn Knyazligi

16. Monako Knyazligi

17. Belgiya Qirolligi

18. Daniya Qirolligi

19. Ispaniya Qirolligi

20. Niderlandiya Qirolligi

21. Norvegiya Qirolligi

22. Shvetsiya Qirolligi

23. Latviya Respublikasi

24. Litva Respublikasi

25. Moʻgʻuliston

26. Yangi Zelandiya

27. Portugaliya Respublikasi

28. Bolgariya Respublikasi

29. Kipr Respublikasi

30. Malta Respublikasi

31. Polsha Respublikasi

32. San-Marino Respublikasi

33. Serbiya Respublikasi

34. Sloveniya Respublikasi

35. Xorvatiya Respublikasi

36. Chili Respublikasi

37. Ruminiya

38. Slovakiya Respublikasi

39. Buyuk Britaniya va Shimoliy Irlandiya Birlashgan Qirolligi

40. Braziliya Federativ Respublikasi

41. Finlyandiya Respublikasi

42. Chernogoriya

43. Chexiya Respublikasi

44. Shveysariya Konfederatsiyasi

45. Estoniya Respublikasi

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
4-ILOVA

2019-yil 1-fevraldan boshlab fuqarolari elektron kirish vizasini olish imkoniyatiga ega boʻlgan mamlakatlar

ROʻYXATI

Oldingi tahrirga qarang.

1.	Jazoir Xalq Demokratik Respublikasi

3.	Misr Arab Respublikasi


6.	Venesuela Bolivar Respublikasi
7.	Urugvay Sharqiy Respublikasi
8.	Gabon Respublikasi

10.	Quvayt Davlati

12.	Shri-Lanka Demokratik Sotsialistik Respublikasi

14.	Iordaniya Hoshimiylar Qirolligi
15.	Eron Islom Respublikasi
16.	Xitoy Xalq Respublikasi shu jumladan, Xitoy Xalq Respublikasining Gonkong maxsus maʼmuriy hududi
17.	Koreya Xalq Demokratik Respublikasi
18.	Gayana Kooperativ Respublikasi
19.	Bahrayn Qirolligi
20.	Butan Qirolligi
21.	Kambodja Qirolligi
22.	Marokash Qirolligi
24.	Tailand Qirolligi
25.	Tonga Qirolligi
26.	Laos Xalq Demokratik Respublikasi
27.	Livan Respublikasi
28.	Maldiv Respublikasi

30.	Koʻp millatli Boliviya Davlati
31.	Bangladesh Xalq Respublikasi
32.	Samoa Mustaqil Davlati
34.	Albaniya Respublikasi
35.	Angola Respublikasi
36.	Vanuatu Respublikasi
37.	Gana Respublikasi


40.	Hindiston Respublikasi
41.	Kabo-Verde Respublikasi
42.	Kamerun Respublikasi
43.	Kiribati Respublikasi
44.	Kolumbiya Respublikasi

46.	Kot-dʼIvuar Respublikasi

48.	Mavrikiy Respublikasi
49.	Makedoniya Respublikasi
50.	Marshall Orollari Respublikasi
51.	Nauru Respublikasi

53.	Palau Respublikasi

55.	Paragvay Respublikasi
56.	Peru Respublikasi
57.	Seyshel Orollari Respublikasi
58.	Senegal Respublikasi
59.	Surinam Respublikasi

61.	Fiji Respublikasi
62.	Filippin Respublikasi
63.	Ekvador Respublikasi



67.	Solomon Orollari


70.	Amerika Qoʻshma Shtatlari
71.	Vyetnam Sotsialistik Respublikasi
72.	Ummon Sultonligi
73.	Tunis Respublikasi
74.	Nepal Federativ Demokratik Respublikasi
75.	Mikroneziya Federativ Shtatlari

77.	Janubiy Afrika Respublikasi

Izoh: Oʻzbekiston Respublikasi Tashqi ishlar vazirligi, zarur hollarda, ayrim davlat fuqarolari uchun 30 kungacha boʻlgan muddatda elektron kirish vizalarini olish yuzasidan cheklovlar belgilash huquqiga ega.

(4-ilova Oʻzbekiston Respublikasi Prezidentining 2023-yil 5-iyundagi PF-86-sonli Farmoni tahririda — Qonunchilik maʼlumotlari milliy bazasi, 05.06.2023-y., 06/23/86/0329-son)

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
5-ILOVA

Oʻzbekiston Respublikasiga tashrif buyuruvchi xorijiy fuqarolarning ayrim guruhlari uchun qoʻshimcha (elektron boʻlmagan) kirish vizalari toifalarini joriy etish

ROʻYXATI

1. “Vatandosh” — Oʻzbekiston Respublikasida tugʻilgan shaxslar va ularning oila aʼzolari uchun Oʻzbekiston Respublikasi fuqarosi boʻlgan va uning hududida doimiy yashovchi qarindoshlarining taklifnomasi asosida beriladigan 2 yillik viza;

2. “Student visa” — Oʻzbekiston Respublikasining taʼlim muassasalari, tasarrufida taʼlim muassasalari boʻlgan vazirliklar, idoralar va tashkilotlarning iltimosnomasiga koʻra Oʻzbekiston Respublikasi hududida joylashgan taʼlim muassasalariga qabul qilingan xorijiy talabalarga beriladigan bir yillik viza;

3. “Academic visa” — Oʻzbekiston Respublikasi Fanlar akademiyasi, Oʻzbekiston Respublikasidagi ilmiy-tadqiqot tashkilotlari, oliy taʼlim muassasalari, vazirlik yoki idoralar iltimosnomasiga koʻra Oʻzbekiston Respublikasida ilmiy-tadqiqot va pedagogik faoliyatni amalga oshirishni istagan xorijiy shaxslar uchun 3 oydan 2 yilgacha boʻlgan muddatga beriladigan viza;

4. “Medical visa” — tibbiy muassasaning taklifiga binoan davolanish uchun Oʻzbekiston Respublikasiga kiruvchi xorijiy fuqarolar uchun 3 oygacha boʻlgan muddatga beriladigan viza;

Oldingi tahrirga qarang.

5. “Piligrim visa” — Oʻzbekiston Respublikasi Din ishlari boʻyicha qoʻmitasi va turistik faoliyat subyektlarining arizasiga koʻra Oʻzbekistonning madaniy-tarixiy va diniy merosi, anʼanalarini oʻrganish maqsadida kiruvchi xorijiy fuqarolar uchun 2 oygacha boʻlgan muddatga beriladigan ziyorat vizasi.

(5-band Oʻzbekiston Respublikasi Prezidentining 2023-yil 23-maydagi PF-75-sonli Farmoni tahririda — Qonunchilik maʼlumotlari milliy bazasi, 24.05.2023-y., 06/23/75/0292-son)

Oldingi tahrirga qarang.

6. “Investment visa” — xorijiy investitsiya kiritish vaqtida Oʻzbekiston Respublikasida belgilangan bazaviy hisoblash miqdorining kamida 8 500 baravarida xoʻjalik jamiyatlarining aksiyalari va ulushlarini sotib olish, shuningdek, chet el investitsiyalari ishtirokidagi korxonalar tashkil etish shaklida Oʻzbekiston Respublikasi iqtisodiyotiga investitsiya kiritgan chet el fuqarolari va fuqaroligi boʻlmagan shaxslarga rasmiylashtiriladigan, ushbu korxonalarning buyurtmasi boʻyicha Oʻzbekiston Respublikasi hududidan chiqmasdan muddatini uzaytirish imkoniyati bilan beriladigan, amal qilish muddati uch yilgacha boʻlgan koʻp martalik investitsiya vizasi.

Bunda, investorning oila aʼzolari (turmush oʻrtogʻi, ota-onasi va farzandlari)ga “Investment visa” amal qilish muddatiga mos ravishda mehmon vizasi respublikadan chiqmasdan turib uzaytirish huquqi bilan rasmiylashtirib beriladi.

(6-band Oʻzbekiston Respublikasi Prezidentining 2019-yil 19-sentabrdagi PF-5833-sonli Farmoniga asosan kiritilgan — Qonun hujjatlari maʼlumotlari milliy bazasi, 20.09.2019-y., 06/19/5833/3774-son)

Izoh: Chet el fuqarosi yoki fuqaroligi boʻlmagan shaxsga Oʻzbekiston Respublikasiga belgilangan tartibda kirish yopiq boʻlgan taqdirda viza berish rad etilishi mumkin.

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
6-ILOVA

Fuqarolari koʻchmas mulk sotib olish sharti bilan Oʻzbekiston Respublikasida yashash guvohnomasini olish huquqiga ega boʻlgan mamlakatlar

ROʻYXATI

Oldingi tahrirga qarang.

1.	Avstraliya Ittifoqi
2.	Avstriya Respublikasi
3.	Ozarbayjon Respublikasi
4.	Jazoir Xalq Demokratik Respublikasi
5.	Antigua va Barbuda
6.	Misr Arab Respublikasi
7.	Argentina Respublikasi
8.	Barbados
9.	Beliz
10.	Venesuela Bolivar Respublikasi
11.	Vatikan
12.	Lyuksemburg Buyuk Gersogligi
13.	Vengriya
14.	Urugvay Sharqiy Respublikasi
15.	Bruney-Dorussalom davlati
16.	Isroil Davlati
17.	Grenada
18.	Gretsiya Respublikasi
19.	Gruziya
20.	Shri-Lanka Demokratik Sotsialistik Respublikasi
21.	Dominikana Respublikasi
22.	Irlandiya
23.	Eron Islom Respublikasi
24.	Islandiya
25.	Italiya Respublikasi
26.	Kanada
27.	Qirgʻiziston Respublikasi
28.	Xitoy Xalq Respublikasi, shu jumladan Xitoy Xalq Respublikasining Gonkong va Makao maxsus maʼmuriy hududlari
29.	Andorra Knyazligi
30.	Lixtenshteyn Knyazligi
31.	Monako Knyazligi
32.	Gayana Kooperativ Respublikasi
33.	Belgiya Qirolligi
34.	Butan Qirolligi
35.	Daniya Qirolligi
36.	Ispaniya Qirolligi
37.	Marokash Qirolligi
38.	Niderlandiya Qirolligi
39.	Norvegiya Qirolligi
40.	Tailand Qirolligi
41.	Shvetsiya Qirolligi
42.	Latviya Respublikasi
43.	Livan Respublikasi
44.	Litva Respublikasi
45.	Malayziya
46.	Maldiv Respublikasi
47.	Meksika Qoʻshma Shtatlari
48.	Moʻgʻuliston
49.	Yangi Zelandiya
50.	Birlashgan Arab Amirliklari
51.	Portugaliya Respublikasi
52.	Albaniya Respublikasi
53.	Bolgariya Respublikasi
54.	Bosniya va Gersegovina Respublikasi
55.	Belarus Respublikasi
56.	Gvatemala Respublikasi
57.	Gonduras Respublikasi
58.	Hindiston Respublikasi
59.	Indoneziya Respublikasi
60.	Qozogʻiston Respublikasi
61.	Kipr Respublikasi
62.	Kolumbiya Respublikasi
63.	Koreya Respublikasi
64.	Kosta-Rika Respublikasi
65.	Mavrikiy Respublikasi
66.	Makedoniya Respublikasi
67.	Malta Respublikasi
68.	Moldova Respublikasi
69.	Nauru Respublikasi
70.	Palau Respublikasi
71.	Panama Respublikasi
72.	Peru Respublikasi
73.	Polsha Respublikasi
74.	San-Marino Respublikasi
75.	Seyshel Orollari Respublikasi
76.	Serbiya Respublikasi
77.	Singapur Respublikasi
78.	Sloveniya Respublikasi
79.	Surinam Respublikasi
80.	Trinidad va Tobago Respublikasi
81.	Tojikiston Respublikasi
82.	Fiji Respublikasi
83.	Filippin Respublikasi
84.	Xorvatiya Respublikasi
85.	Chili Respublikasi
86.	Ekvador Respublikasi
87.	Rossiya Federatsiyasi
88.	Ruminiya
89.	Sent-Vinsent va Grenadin
90.	Sent-Lyusiya
91.	Slovakiya Respublikasi
92.	Bagama Orollari Hamdoʻstligi
93.	Dominikana Hamdoʻstligi
94.	Buyuk Britaniya va Shimoliy Irlandiya Birlashgan Qirolligi
95.	Amerika Qoʻshma Shtatlari
96.	Vyetnam Sotsialistik Respublikasi
97.	Tunis Respublikasi
98.	Turkiya Respublikasi
99.	Ukraina
100.	Braziliya Federativ Respublikasi
101.	Germaniya Federativ Respublikasi
102.	Sent-Kits va Nevis Federatsiyasi
103.	Finlyandiya Respublikasi
104.	Fransiya Respublikasi
105.	Chernogoriya
106.	Chexiya Respublikasi
107.	Shveysariya Konfederatsiyasi
108.	Estoniya Respublikasi
109	Janubiy Afrika Respublikasi
110.	Yamayka
111.	Yaponiya

(6-ilova Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
7-ILOVA

Oʻzbekistonning logistika jozibadorligini tubdan yaxshilash, shuningdek, mahalliy aeroportlarda parvozlarga xorijiy aviakompaniyalarni jalb etish ishlarini muvofiqlashtirish boʻyicha ishchi guruh

TARKIBI

A.A. Abduxakimov	—	Oʻzbekiston Respublikasi Bosh vaziri oʻrinbosari, Ishchi guruh rahbari
J.A. Xodjayev	—	Oʻzbekiston Respublikasi tashqi savdo vaziri, Ishchi guruh rahbari oʻrinbosari
B.B. Niyozmatov	—	Oʻzbekiston Respublikasi iqtisodiyot vaziri oʻrinbosari
M.B. Azimov	—	Oʻzbekiston Respublikasi Davlat bojxona qoʻmitasi raisi
A.U. Akkulov	—	Oʻzbekiston Respublikasi Turizmni rivojlantirish davlat qoʻmitasi raisi v.v.b.
S.X. Bekenov	—	Oʻzbekiston Respublikasi Investitsiyalar boʻyicha davlat qoʻmitasi raisining birinchi oʻrinbosari
N.Sh. Sharipov	—	Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisining birinchi oʻrinbosari
A.A. Usmanov	—	Oʻzbekiston Respublikasi Davlat xavfsizlik xizmati raisi oʻrinbosari
D.T. Dexkonov	—	Oʻzbekiston avtomobil transporti agentligi boshligʻi
A.S. Kamalov	—	“Oʻzbekiston temir yoʻllari” AJ boshqaruvi raisining oʻrinbosari
T.E. Oʻljayev	—	Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻi
lavozimi boʻyicha	—	“Uzbekistan airports” AJ rahbari
A.X. Ashurov	—	“Oʻzaeronavigatsiya” davlat korxonasi direktori
B.B. Ashrafxanov	—	“Oʻzbekneftgaz” AJ boshqaruvi raisi
U.P. Kasimxodjayev	—	Oʻzbekiston Respublikasi Turizmni rivojlantirish davlat qoʻmitasi raisining birinchi oʻrinbosari v.b., Ishchi guruh masʼul kotibi

Izoh: Ishchi guruh aʼzolari boshqa ishga oʻtganda, uning tarkibiga mazkur lavozimga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2019-yil 5-yanvardagi PF-5611-son Farmoniga
8-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2016-yil 2-dekabrdagi “Oʻzbekiston Respublikasining turizm sohasini jadal rivojlantirishni taʼminlash chora-tadbirlari toʻgʻrisida”gi PF-4861-son Farmoni 5-bandida:

ikkinchi xatboshi chiqarib tashlansin;

uchinchi — sakkizinchi xatboshilar tegishlicha ikkinchi — yettinchi xatboshilar deb hisoblansin;

ikkinchi xatboshi quyidagi tahrirda bayon etilsin:

“55 yoshga toʻlgan va turizm maqsadida 30 kundan ortiq boʻlmagan muddatga Oʻzbekiston Respublikasiga keluvchi XXR (turistlar guruhlari tarkibida), AQSh va Vyetnamning fuqarolari uchun viza rejimi bekor qilinsin”.

2. Oʻzbekiston Respublikasi Prezidentining 2017-yil 5-dekabrdagi “Chorvoq” erkin turistik zonasini tashkil etish toʻgʻrisida”gi PF-5273-son Farmoni 17-bandidagi “S.R. Xolmuradov” soʻzlari “A.A. Abduxakimov” soʻzlari bilan almashtirilsin.

3. Oʻzbekiston Respublikasi Prezidentining 2018-yil 3-fevraldagi “Oʻzbekiston Respublikasi turizm salohiyatini rivojlantirish uchun qulay sharoitlar yaratish boʻyicha qoʻshimcha tashkiliy chora-tadbirlar toʻgʻrisida”gi PF-5326-son Farmonining 2-bandi hamda 1-ilovasi oʻz kuchini yoʻqotgan deb hisoblansin.

4. Oʻzbekiston Respublikasi Prezidentining 2016-yil 2-dekabrdagi PQ-2666-son qarori bilan tasdiqlangan Oʻzbekiston Respublikasi Turizmni rivojlantirish davlat qoʻmitasi toʻgʻrisidagi nizom rus tilidagi matnining 15-bandi “b” va “v” bandlari “s uchetom nadbavki (koeffitsiyenta stimulirovaniya)” soʻzlari bilan toʻldirilsin.

Oldingi tahrirga qarang.

(5-band Oʻzbekiston Respublikasi Prezidentining 2022-yil 15-yanvardagi PF-52-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 15.01.2022-y., 06/22/52/0029-son)

6. Oʻzbekiston Respublikasi Prezidentining 2018-yil 4-iyuldagi “Oʻzbekiston Respublikasiga xorijiy fuqarolarning kirishi tartibini optimallashtirishga doir qoʻshimcha chora-tadbirlar toʻgʻrisida”gi PQ-3836-son qarori rus tilidagi matnida:

a) 1-ilovada:

19-banddagi “do momenta oplati” soʻzlari “do nachala oformleniya elektronnoy vizi” soʻzlari bilan almashtirilsin;

23-bandning uchinchi xatboshidagi “dopushennix oshibkax” soʻzlari “boleye trex texnicheskix opechatok” soʻzlari bilan almashtirilsin;

26-band quyidagi tahrirdagi xatboshi bilan toʻldirilsin:

“Sotrudniki Pogranichnix voysk Slujbi gosudarstvennoy bezopasnosti Respubliki Uzbekistan mogut samostoyatelno proveryat nalichiye oformlennoy deystvitelnoy elektronnoy vizi na imya inostrannogo grajdanina”;

b) 2-ilovaning 1-2, 6, 11 — 16, 18 — 20, 29-30, 34 — 38, 40, 45, 47 — 49, 53, 56-57, 59 — 61, 67 — 70, 76 — 78, 88, 90 — 95 va 99-bandlari oʻz kuchini yoʻqotgan deb hisoblansin.

Izoh: mazkur ilovaning 6-bandi “b” kichik bandi 2019-yil 1-fevraldan kuchga kiradi.

(Qonun hujjatlari maʼlumotlari milliy bazasi, 06.01.2019-y., 06/18/5611/2430-son, 15.08.2019-y., 06/19/5781/3567-son, 20.09.2019-y., 06/19/5833/3774-son; Qonunchilik maʼlumotlari milliy bazasi, 15.01.2022-y., 06/22/52/0029-son; 09.04.2022-y., 06/22/101/0288-son; 17.08.2022-y., 06/22/190/0742-son; 24.05.2023-y., 06/23/75/0292-son; 05.06.2023-y., 06/23/86/0329-son)