O‘zbekiston Respublikasi Prezidentining
Qarori
Yoshlarni vatanparvarlik ruhida va jismoniy tarbiyalash hamda chaqiriluvchilarni harbiy-texnik mutaxassisliklar bo‘yicha tayyorlash tartibini takomillashtirish bo‘yicha qo‘shimcha chora-tadbirlar to‘g‘risida
Keyingi yillarda mamlakatimizda chaqiriluvchilarni harbiy-texnik mutaxassisliklar bo‘yicha tayyorlash, ma’nan yetuk va jismonan sog‘lom shaxsni kamol toptirish sohasida muayyan ishlar amalga oshirildi, sport, shu jumladan, uning texnik va amaliy turlari bilan shug‘ullanish uchun qulay shart-sharoitlar yaratildi.
Shu bilan birga, Qurolli Kuchlarni jihozlash uchun keltirilayotgan zamonaviy harbiy texnika va qurol-aslahalar darajasi fan-texnika taraqqiyoti yutuqlariga tezkor va munosib ravishda e’tibor qaratish zarurligini hamda chaqiruvgacha bo‘lgan yoshlarni harbiy xizmatga tayyorlash tizimini takomillashtirishni taqozo etmoqda.
O‘sib kelayotgan yosh avlodni ma’naviy-axloqiy va harbiy-vatanparvarlik ruhida tarbiyalash, unda mamlakat suvereniteti va mustaqilligini himoya qilish bo‘yicha burch tuyg‘usini shakllantirish borasidagi tadbirlar lozim darajada olib borilmayapti.
Sportning texnik va amaliy turlarini rivojlantirishga to‘sqinlik qilayotgan qator kamchiliklar mavjud, xususan:
sportning mazkur turlari bo‘yicha mutaxassislarni tayyorlash, qayta tayyorlash va ularning malakasini oshirishning puxta tizimi yo‘lga qo‘yilmagan;
sport kadrlarini moddiy rag‘batlantirish va ijtimoiy qo‘llab-quvvatlashning samarali tizimi joriy etilmagan;
terma jamoalarni tayyorlash va musobaqalar o‘tkazish uchun sport infratuzilmasi va moddiy-texnik bazasi yetarli darajada rivojlanmagan;
aholi, ayniqsa yosh avlod o‘rtasida sportning texnik va amaliy turlarini ommalashtirish bo‘yicha ta’sirchan choralar ko‘rilmayapti.
Chaqiriluvchilarni harbiy-texnik mutaxassisliklar bo‘yicha va fuqarolarni ommaviy texnik kasblarga sifatli tayyorlashni tashkil etish, sportning texnik va amaliy turlarini yanada rivojlantirish, o‘sib kelayotgan yosh avlodni ma’naviy-axloqiy va harbiy-vatanparvarlik ruhida tarbiyalash bo‘yicha faoliyatni takomillashtirish maqsadida:
1. Ma’lumot uchun qabul qilinsinki, O‘zbekiston Respublikasi mudofaasiga ko‘maklashuvchi “Vatanparvar” tashkiloti Markaziy kengashi tomonidan 1-ilovaga muvofiq ta’lim muassasalari va avtodromlarni ularning asosiy vositalari, o‘quv va moddiy-texnik bazasi bilan birgalikda mulk qilib davlatga beg‘araz berish to‘g‘risida qaror qabul qilingan.
O‘zbekiston Respublikasi Mudofaa vazirligi ta’lim muassasalari va avtodromlarni ularning asosiy vositalari, o‘quv va moddiy-texnika bazasi bilan birga operativ boshqarish huquqi asosida qabul qilib olsin.
2. O‘zbekiston Respublikasi Mudofaa vazirligining Qoraqalpog‘iston Respublikasi, viloyatlar va Toshkent shahar mudofaa ishlari boshqarmalari (keyingi o‘rinlarda — mudofaa ishlari boshqarmalari) huzurida yuridik shaxs maqomiga ega bo‘lmagan Chaqiriluvchilarni harbiy-texnik mutaxassisliklar bo‘yicha tayyorlash markazlarini (keyingi o‘rinlarda — Markazlar) tashkil etish to‘g‘risidagi taklifiga rozilik berilsin.
3. Belgilab qo‘yilsinki:
Markazga O‘zbekiston Respublikasi mudofaa vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi;
Markaz direktori maqomi va mehnatga haq to‘lash (pul ta’minoti) sharoitlariga ko‘ra mudofaa ishlari boshqarmasi boshlig‘ining o‘rinbosariga tenglashtiriladi;
Markaz fuqaro xodimlarining ish haqi mudofaa ishlari boshqarmalarining fuqaro xodimlari uchun belgilangan tartib va me’yorlarda to‘lanadi;
Markazlarning faoliyati O‘zbekiston Respublikasi Davlat budjetining mablag‘lari va qonun hujjatlari bilan taqiqlanmagan boshqa manbalar hisobidan moliyalashtiriladi;
mudofaa ishlari boshqarmalari Markazlarda tayyorgarlikdan, qayta tayyorgarlikdan o‘tgan va malakasini oshirgan avtomototransport vositalari haydovchilarining, shuningdek, ommaviy texnik kasblarning boshqa mutaxassislarining hisobini yuritadi;
Markazlar faoliyati tashkil etilgunga qadar chaqiriluvchilarni harbiy-texnik mutaxassisliklar bo‘yicha tayyorlash amaldagi tartibga muvofiq amalga oshiriladi.
4. Quyidagilarga:
a) Markazlarga:
avtomototransport vositalarining haydovchilarini, shuningdek, ommaviy texnik kasblarning boshqa mutaxassislarini tayyorlash, qayta tayyorlash va ularning malakasini oshirish bo‘yicha jismoniy va yuridik shaxslarga pullik xizmatlar ko‘rsatish;
avtomototransport vositalari haydovchilarini, shuningdek, ommaviy texnik kasblarning boshqa mutaxassislarini tayyorlash uchun O‘zbekiston Respublikasi Mudofaa vazirligi bo‘linmalarining o‘quv va moddiy-texnik bazasidan beg‘araz foydalanish;
b) O‘zbekiston Respublikasi Mudofaa vazirligiga Markazlarning pullik xizmatlar ko‘rsatishdan tushgan bo‘sh mablag‘larni tijorat banklarining depozitlariga joylashtirish, keyinchalik ular bo‘yicha to‘langan foizlardan:
yoshlarni ma’naviy-axloqiy va harbiy-vatanparvarlik ruhida tarbiyalash faoliyatini amalga oshirish uchun;
Markazlarning hamda O‘zbekiston Respublikasi Mudofaa vazirligining moddiy-texnik bazasini qurish, ta’mirlash, mustahkamlash va rivojlantirish uchun foydalanishga ruxsat berilsin.
5. Quyidagilar O‘zbekiston Respublikasi mudofaasiga ko‘maklashuvchi “Vatanparvar” tashkiloti (keyingi o‘rinlarda — “Vatanparvar” MKT) faoliyatining asosiy yo‘nalishlari etib belgilansin:
yoshlar va fuqarolarni ma’naviy-axloqiy va harbiy-vatanparvarlik ruhida tarbiyalash, ularning ongiga vatanparvarlik, Vatanga muhabbat, mehnatga mas’uliyatli munosabat, harbiy xizmatga hurmat tuyg‘ularini singdirish;
sportning texnik va amaliy turlarini rivojlantirilishi va ommalashtirilishini ta’minlash, sport tashkilotlari va jamoalari faoliyatiga ko‘maklashish;
bolalar, o‘smirlar va chaqiruvgacha bo‘lgan yoshlar o‘rtasida ommaviy sport ishlarini tashkil etish va o‘tkazish;
yoshlar va fuqarolarni mudofaa sohasidagi boshlang‘ich bilimlarga o‘qitishda va ularni harbiy xizmatga tayyorlashda davlat hokimiyati organlariga ko‘maklashish;
avtomototransport vositalari haydovchilarini, shuningdek, ommaviy texnik kasblar mutaxassislarini tayyorlash, qayta tayyorlash va ularning malakasini oshirish;
shunday yo‘nalishlar bo‘yicha faoliyat yuritayotgan xalqaro tashkilotlar bilan faol hamkorlik qilish.
6. O‘zbekiston Respublikasi Prezidentining 2018-yil 4-avgustdagi “O‘zbekiston Respublikasi Qurolli Kuchlari harbiy xizmatchilarining ma’naviy-ma’rifiy saviyasini oshirish tizimini tubdan takomillashtirish to‘g‘risida” PQ-3898-son qarori bilan tuzilgan O‘zbekiston Respublikasi Qurolli Kuchlari tizimida ma’naviy-ma’rifiy ishlar samaradorligini oshirish konsepsiyasini amalga oshirish bo‘yicha respublika idoralararo komissiyasi va uning hududiy komissiyalari zimmasiga:
“Vatanparvar” MKTga yuklangan vazifalarni amalga oshirishda unga yaqindan ko‘maklashish;
yoshlarni harbiy-vatanparvarlik ruhida tarbiyalashni tashkil etish, sportning texnik va amaliy turlarini rivojlantirish bo‘yicha o‘tkazilayotgan tadbirlar samaradorligini o‘rganish, mavjud muammolarni hal etish bo‘yicha takliflar ishlab chiqish majburiyati yuklansin.
7. Yoshlarni harbiy-vatanparvarlik ruhida tarbiyalash sohasidagi faoliyatni takomillashtirish bo‘yicha “Yo‘l xaritasi” (keyingi o‘rinlarda — “Yo‘l xaritasi”) 2-ilovaga muvofiq tasdiqlansin.
8. O‘zbekiston Respublikasi Mudofaa vazirligi “Vatanparvar” MKT bilan birgalikda:
yoshlar orasida ularda vatanparvarlik, Vatanga muhabbat, mehnatga mas’uliyatli munosabat, harbiy xizmatga hurmat tuyg‘ularini tarbiyalash, mamlakat suvereniteti va mustaqilligini himoya qilish bo‘yicha yuksak burch tuyg‘usini shakllantirish borasidagi ishlarni kuchaytirsin;
yoshlarni harbiy-vatanparvarlik ruhida tarbiyalashga yo‘naltirilgan turli sport va boshqa tadbirlarni, festivallar va tanlovlarni tashkil etish va o‘tkazishni kengaytirsin;
zamon talablarini hisobga olgan holda sog‘lom turmush tarzini targ‘ib etish hamda yoshlar va fuqarolarda yuksak ma’naviy-axloqiy fazilatlarni tarbiyalash bo‘yicha ma’naviy-ma’rifiy ishlarni amalga oshirsin.
9. Quyidagilarni nazarda tutuvchi 2019 — 2021-yillarda O‘zbekiston Respublikasida sportning texnik va amaliy turlarini yanada rivojlantirish va ommalashtirish bo‘yicha chora-tadbirlar dasturi (keyingi o‘rinlarda — Chora-tadbirlar dasturi) 3-ilovaga muvofiq tasdiqlansin:
sportning texnik va amaliy turlarini rivojlantirishning tashkiliy-huquqiy bazasini takomillashtirish;
sportning texnik va amaliy turlari murabbiylari va mutaxassislarini tayyorlash, qayta tayyorlash va ularning malakasini oshirish tizimini joriy etish;
milliy va xalqaro musobaqalarning g‘olib va sovrindorlarini rag‘batlantirish, shuningdek, sportning texnik va amaliy turlari murabbiylari va mutaxassislarini ijtimoiy va moddiy qo‘llab-quvvatlashni kuchaytirish;
sportning texnik va amaliy turlarining zamonaviy moddiy-texnik va o‘quv-mashq bazasini yaratish, shuningdek, sport anjomlari va uskunalarini mamlakatimizda ishlab chiqarishni tashkil etish;
sportning texnik va amaliy turlarini ommalashtirish, yoshlarni seksiyalar va to‘garaklarga faol jalb etish, ularning ommabopligini ta’minlash;
sportning texnik va amaliy turlarini rivojlantirishga innovatsion texnologiyalarni, shuningdek, sportchilarni tayyorlashning o‘quv-mashq jarayoniga ilg‘or uslublarni joriy etish.
10. Belgilansinki, “Vatanparvar” MKT huzuridagi Respublika texnik va amaliy sport turlari markazi sportning texnik va amaliy turlari bo‘yicha yuqori malakali sportchilarni tayyorlaydigan muassasa hisoblanib, quyidagi vazifalarni bajaradi:
sportning texnik va amaliy turlari bilan shug‘ullanish uchun zarur sport ko‘nikmalariga ega iqtidorli va istiqbolli bolalarni sinchkovlik bilan tanlab olish, ularda tanlangan sport turi bo‘yicha qobiliyatni, sport salohiyatini, kasbiy ko‘nikma va mahoratni rivojlantirish;
respublikaning terma jamoalari uchun sport zaxirasi va yuqori toifali sportchilarni tayyorlash bo‘yicha eng yangi ilmiy-metodik tavsiyalar hamda yutuqlar asosida o‘quv-mashq jarayonini samarali tashkil etish va amalga oshirish;
sport zaxirasi va yuqori toifali sportchilarni tayyorlash bo‘yicha o‘quv-mashq jarayonini tashkil etish uchun zamonaviy infratuzilmani tashkil etish hamda malakali murabbiylar tarkibini shakllantirish;
sportchilar va murabbiylarning kasbiy mahoratini oshirish sohasida muntazam asosda tajriba almashishni tashkil etish orqali xorijiy sport muassasalari bilan hamkorlikni rivojlantirish.
11. Qoraqalpog‘iston Respublikasi Vazirlar Kengashi, Navoiy, Samarqand, Surxondaryo va Sirdaryo viloyatlari hokimliklari ikki oy muddatda “Vatanparvar” MKTning texnik va amaliy sport turlari hududiy markazlari faoliyatini tashkil etish uchun bo‘sh yotgan binolarning tekin foydalanish huquqi asosida ajratilishini ta’minlasin.
12. Shunday tartib o‘rnatilsinki, unga muvofiq 2019/2020 o‘quv yilidan boshlab:
Oldingi tahrirga qarang.
O‘zbekiston Respublikasi Sport vazirligi, Iqtisodiyot va moliya vazirligi hamda Oliy ta’lim, fan va innovatsiyalar vazirligi tomonidan O‘zbekiston davlat jismoniy tarbiya va sport universitetiga umumiy qabul kvotalari doirasida sportning texnik va amaliy turlari bo‘yicha mutaxassislar tayyorlash uchun kvotalar ko‘zda tutiladi;
(12-bandning ikkinchi xatboshisi O‘zbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik ma’lumotlari milliy bazasi, 25.12.2024-y., 06/24/226/1060-son)
avtomobil va mototsikl sporti, sportning aviamodel va raketamodel turlari hamda olimpiya o‘yinlari dasturiga kiritilgan sportning texnik va amaliy turlari bo‘yicha respublika musobaqalarida birinchi, xalqaro musobaqalarda (Olimpiya o‘yinlari, Osiyo o‘yinlari, jahon chempionati va Osiyo chempionatida) birinchi, ikkinchi, uchinchi o‘rinlarni egallagan akademik litseylar, kasb-hunar kollejlari va umumta’lim maktablarining bitiruvchilariga tegishli oliy ta’lim muassasalariga ta’limning ushbu sohadagi yo‘nalishlarga umumiy qabul kvotalari doirasida test sinovlarisiz va qo‘shimcha imtihonlarsiz qabul qilinadi.
Oldingi tahrirga qarang.
13. Sport vazirligi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish institutida shartnoma asosida sportning texnik va amaliy turlari bo‘yicha sport tashkilotlarining seksiya va to‘garaklari mutaxassislari va o‘qituvchilarini qayta tayyorlash va ularning malakasini oshirish kurslari tashkil etilsin.
(13-band O‘zbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik ma’lumotlari milliy bazasi, 25.12.2024-y., 06/24/226/1060-son)
14. O‘zbekiston Respublikasi Mudofaa vazirligi, “Vatanparvar” MKT va O‘zbekiston Parashut sporti federatsiyasining parashut sporti bo‘yicha sport seksiyalarini tashkil etish to‘g‘risidagi taklifiga rozilik berilsin.
15. O‘zbekiston Respublikasi Mudofaa vazirligi O‘zbekiston Parashut sporti federatsiyasi va “Vatanparvar” MKT bilan birgalikda:
mamlakatda parashut sportini rivojlantirish, qo‘llab-quvvatlash va ommalashtirish, fuqarolarning mazkur sport turiga qiziqishini shakllantirish choralarini ko‘rsin;
parashut sporti bo‘yicha sport seksiyalarining aviatsiya va havo-desant komplekslari, parashut tizimlari, anjomlar va trenajerlar bilan, shuningdek, o‘quv-metodik va ko‘rgazmali qurollar bilan jihozlanishini ta’minlasin;
“Vatanparvar” MKT markazlari va ta’lim muassasalari negizida fuqaro yoshlarni “parashutchi” mutaxassisligi bo‘yicha tayyorlashni tashkil etsin.
16. O‘zbekiston Milliy axborot agentligi, Milliy teleradiokompaniyasi, O‘zbekiston Respublikasi Jismoniy tarbiya va sport vazirligi “Vatanparvar” MKT bilan birgalikda bir oy muddatda sportning texnik va amaliy turlarini ommalashtirishning media-rejasini tasdiqlasin, unda quyidagilar nazarda tutilsin:
mashhur sportchilar, murabbiylar va mutaxassislar ishtirokida teleko‘rsatuvlar tayyorlash va namoyish etish, shuningdek, sportning texnik va amaliy turlarini rivojlantiruvchi sport federatsiyalari (uyushmalari) va tashkilotlarining faoliyatini yoritish;
sotsiologik so‘rovlar va tadqiqotlar, reklama kampaniyalari va ijtimoiy roliklar namoyishini o‘tkazish;
teleradiokanallarda, jumladan, mavzu bo‘yicha studiyadagi va sayyor turkum teleko‘rsatuv va radioeshittirishlar, tok-shou ko‘rsatuvlari orqali sportning texnik va amaliy turlari bilan shug‘ullanish masalalari bo‘yicha keng tushuntirish ishlarini tashkil etish;
ommaviy axborot vositalarida, shu jumladan, Internet tarmog‘ida axborot materiallarini joylashtirish;
sportning texnik va amaliy turlari bilan faol shug‘ullanishga aholini jalb etish uchun parklar, ommaviy dam olish joylari, so‘qmoqlar, trassa va yo‘laklar imkoniyatlaridan foydalanish.
Oldingi tahrirga qarang.
17. Quyidagilar:
Oldingi tahrirga qarang.
O‘zbekiston Respublikasi yoshlar siyosati va sport vaziri A.I. Ikramovga:
(17-bandning ikkinchi xatboshisi O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)
yuklangan vazifalarning lozim darajada bajarilishi bo‘yicha vazirlik va idoralarni muvofiqlashtirish, shuningdek, ushbu qarorning bajarilishini muntazam ko‘rib chiqish;
sportchilarning xalqaro sport musobaqalarida va ommaviy jismoniy tarbiya tadbirlarida ishtirok etishini ta’minlash, sport uskunalari va anjomlarini ishlab chiqarishni tashkil etishga ko‘maklashish yuzasidan;
O‘zbekiston Respublikasi mudofaa vaziri B.N. Kurbanovga — chaqiriluvchilarni harbiy-texnik mutaxassisliklarga tayyorlash markazlari faoliyatini lozim darajada tashkil etish va mamlakatda parashut sportini rivojlantirish yuzasidan;
vazirliklar, idoralar va boshqa tashkilotlarning rahbarlariga — ushbu “Yo‘l xaritasi” va Chora-tadbirlar dasturida nazarda tutilgan tadbirlarning o‘z vaqtida va sifatli amalga oshirilishi yuzasidan;
Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlariga — sportning texnik va amaliy turlari bo‘yicha inshootlarning uzluksiz ishlashini ta’minlash, ulardan samarali foydalanish, moddiy-texnik bazasini mustahkamlash va lozim darajada jihozlash yuzasidan shaxsan javobgar ekanliklari ko‘rsatib o‘tilsin.
(17-band O‘zbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik ma’lumotlari milliy bazasi, 15.01.2022-y., 06/22/52/0029-son)
18. O‘zbekiston Respublikasi Moliya vazirligi 2019-yildan boshlab O‘zbekiston Respublikasi Davlat budjetining parametrlarida ushbu qarorda nazarda tutilgan tadbirlarni amalga oshirish uchun, shu jumladan:
Markazlarning o‘quv muassasalari, avtodromlari, o‘quv va moddiy-texnik bazasini ta’minlash va rivojlantirishga;
“Vatanparvar” MKT huzuridagi Respublika texnik va amaliy sport turlari markazining alohida shtat birliklarini ta’minlash bo‘yicha xarajatlarni, shuningdek, bu bilan bog‘liq boshqa xarajatlarni moliyalashtirishga zarur mablag‘larni nazarda tutsin.
19. O‘zbekiston Respublikasi Mudofaa vazirligi, Jismoniy tarbiya va sport vazirligi boshqa manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
20. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov, O‘zbekiston Respublikasi Prezidenti maslahatchisi A.A. Abduvaxitov va O‘zbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2018-yil 12-dekabr,
PQ-4061-son
O‘zbekiston Respublikasi Prezidentining 2018-yil 12-dekabrdagi PQ-4061-son qaroriga
1-ILOVA
O‘zbekiston Respublikasi mudofaasiga ko‘maklashuvchi “Vatanparvar” tashkilotining barcha asosiy vositalari, o‘quv va moddiy-texnik bazasi bilan birgalikda davlatga beg‘araz berilayotgan ta’lim muassasalari va avtodromlari
ro‘yxati

T/r

Nomi

Yuridik manzili

1.

Nukus avtomobil maktabi

Qoraqalpog‘iston Respublikasi, Nukus shahri, Qoraqalpog‘iston ko‘chasi, 171-uy

2.

Avtodrom

Qoraqalpog‘iston Respublikasi, Nukus shahri, O‘roq-bolg‘a qo‘rg‘oni

3.

Andijon birlashgan texnika maktabi

Andijon viloyati, Andijon shahri, Tinchlik ko‘chasi, 9-uy

4.

Avtodrom

Andijon viloyati, Xo‘jaobod tumani, “Xidirsho” MFY

5.

Buxoro avtomobil maktabi

Buxoro viloyati, Buxoro shahri, A. Yassaviy ko‘chasi, 5-uy

6.

Avtodrom

Buxoro viloyati, Vobkent tumani, Xargush mavzesi

7.

Guliston avtomobil maktabi

Sirdaryo viloyati, Guliston shahri, Stroitel ko‘chasi, 5-uy

8.

Avtodrom

Sirdaryo viloyati, Guliston tumani, “Ishonch” suv xo‘jaligi uyushmasi

9.

Jizzax avtomobil maktabi

Jizzax viloyati, Jizzax shahri, Xalqlar do‘stligi ko‘chasi, 10-uy

10.

Avtodrom

Jizzax viloyati, Sh. Rashidov tumani, “Gandumtosh” MFY

11.

Jomboy avtomobil maktabi

Samarqand viloyati, Jomboy tumani, A. Qurbonov ko‘chasi, 3-uy

12.

Qarshi avtomobil maktabi

Qashqadaryo viloyati, Qarshi shahri, Jayxun ko‘chasi, 2-uy

13.

Avtodrom

Qashqadaryo viloyati, Qarshi shahri, “Otchopar” MFY

14.

Namangan avtomobil maktabi

Namangan viloyati, Namangan shahri, I. Buxoriy ko‘chasi, 1-uy

15.

Navoiy avtomobil maktabi

Navoiy viloyati, Navoiy shahri, S. Ayniy ko‘chasi, 63-uy

16.

Avtodrom

Navoiy viloyati, Karmana tumani, “Karnab” posti

17.

Termiz avtomobil maktabi

Surxondaryo viloyati, Termiz shahri, Oytumor ko‘chasi, 4-uy

18.

Avtodrom

Surxondaryo viloyati, Termiz tumani, “Limonzor” suv xo‘jaligi uyushmasi

19.

Urganch birlashgan texnika maktabi

Xorazm viloyati, Urganch shahri, Xonqa ko‘chasi, 47-uy

20.

Avtodrom

Xorazm viloyati, Urganch tumani, Chalish qo‘rg‘oni

21.

Farg‘ona birlashgan texnika maktabi

Farg‘ona viloyati, Farg‘ona shahri, Yoshlik ko‘chasi, 18-“B” uy

22.

Avtodrom

Farg‘ona viloyati, Farg‘ona shahri, Aeroport ko‘chasi, 13-uy

23.

Yangiyo‘l avtomobil maktabi

Toshkent viloyati, Yangiyo‘l tumani, Samarqand ko‘chasi, 47-uy

24.

Avtodrom

Toshkent viloyati, Yangiyo‘l tumani, Qo‘shyog‘och qo‘rg‘oni

O‘zbekiston Respublikasi Prezidentining 2018-yil 12-dekabrdagi PQ-4061-son qaroriga
2-ILOVA
Yoshlarni harbiy-vatanparvarlik ruhida tarbiyalash sohasidagi faoliyatni takomillashtirish bo‘yicha
“Yo‘l xaritasi”

T/r

Tadbirlar nomi

Amalga oshirish mexanizmlari

Ijro muddatlari

Ijro uchun mas’ullar

I. Chaqiriluvchilarni harbiy-texnik mutaxassisliklar bo‘yicha tayyorlash Markazlari faoliyatini tashkil etish

1.

Chaqiriluvchilarni harbiy-texnik mutaxassisliklar bo‘yicha tayyorlashning yangi tartibini joriy etishni nazarda tutadigan “O‘zbekiston Respublikasining “Umumiy harbiy majburiyat va harbiy xizmat to‘g‘risida”gi Qonuniga o‘zgartirish va qo‘shimchalar kiritish to‘g‘risida”gi O‘zbekiston Respublikasi Qonuni loyihasini ishlab chiqish va Vazirlar Mahkamasiga kiritish.

Qonun

2019-yil
1-fevralga qadar

Mudofaa vazirligi (A. Azizov),

Moliya vazirligi (A. Xaydarov),

“Vatanparvar” MKT (R. Niyazov)

2.

Chaqiriluvchilarni harbiy-texnik mutaxassisliklar bo‘yicha tayyorlash tartibi, muddatlari va moliyalashtirish mexanizmlarini muvofiqlashtiruvchi Hukumat qarori loyihasini ishlab chiqish va O‘zbekiston Respublikasi Vazirlar Mahkamasiga kiritish.

Vazirlar Mahkamasi qarori

2019-yil
1-fevralga qadar

Mudofaa vazirligi (A. Azizov),

Moliya vazirligi (A. Xaydarov),

“Vatanparvar” MKT (R. Niyazov)

3.

Chaqiriluvchilarni harbiy-texnik mutaxassisliklar bo‘yicha tayyorlash Markazlari (keyingi o‘rinlarda — Markazlar) faoliyatini tashkil etish va bunda quyidagilarni nazarda tutish:

O‘zbekiston mudofaasiga ko‘maklashuvchi “Vatanparvar” tashkiloti markaziy kengashining (keyingi o‘rinlarda — “Vatanparvar” MKT) davlat tasarrufiga o‘tkaziladigan mol-mulkini inventarizatsiyadan o‘tkazish va ro‘yxatini tuzish;

mol-mulklarni operativ boshqaruv huquqi asosida O‘zbekiston Respublikasi Mudofaa vazirligiga topshirish;

Markazlar to‘g‘risidagi nizomni tasdiqlash va ularni davlat ro‘yxatidan o‘tkazilishini ta’minlash;

Markazlarni zarur o‘quv va laboratoriya jihozlari, kompyuter texnikalari bilan jihozlash;

Markazlarni yuqori malakali, topshirilgan vazifalarni yetarli darajada bajara oladigan kadrlar bilan to‘ldirish;

Markazlar faoliyati samaradorligini belgilovchi mezonlarni ishlab chiqish va amaliyotga tatbiq etish, shuningdek, maqsadli ko‘rsatkichlarga erishish ustidan muntazam monitoringni amalga oshirish.

Tashkiliy tadbirlar

2019-yil
1-fevralga qadar

Mudofaa vazirligi (A. Azizov),

Davlat raqobat qo‘mitasi (N. Sharipov),

“Vatanparvar” MKT (R. Niyazov),

Qoraqalpog‘iston Respublikasi Vazirlar Kengashi, viloyatlar
va Toshkent shahar hokimliklari

II. Yoshlarni ma’naviy-ma’rifiy va harbiy-vatanparlik ruhida tarbiyalash bo‘yicha faoliyatni takomillashtirish

4.

“Vatanparvar” MKT faoliyati samaradorligini:

baholashning yagona mezonlari, ko‘rsatkichlarini aniq va tezkor qayd etish tizimi, sifat standartlarini shakllantirish;

yoshlarni ma’naviy-ma’rifiy va harbiy-vatanparvarlik ruhida tarbiyalash bo‘yicha dasturlarni amalga oshiradigan quyi tashkilotlarni qo‘llab-quvvatlash va rag‘batlantirish mexanizmlarini ishlab chiqish va amaliyotga tatbiq etish orqali yanada oshirish.

“Vatanparvar” MKT Markaziy kengashi qarori

2019-yil
1-fevralga qadar

“Vatanparvar” MKT (R. Niyazov), manfaatdor vazirlik va idoralar

5.

Yoshlarni harbiy-vatanparvarlik ruhida tarbiyalashga qaratilgan sport va boshqa tadbirlar, festival va ko‘rik-tanlovlarni tashkil etish va o‘tkazish.

Tashkiliy tadbirlar

2019 — 2021-yillar

Mudofaa vazirligi (A. Azizov), Jismoniy tarbiya va sport vazirligi (D. Nabiyev),
O‘zbekiston yoshlar ittifoqi (K. Kuranbayev), “Mahalla” jamg‘armasi (Sh. Javlonov),
Xalq ta’limi vazirligi (Sh. Shermatov),
Oliy va o‘rta maxsus ta’lim vazirligi (I. Madjidov), Madaniyat vazirligi
(B. Sayfullayev),
“Vatanparvar” MKT (R. Niyazov)

6.

Quyidagilarni o‘z ichiga oluvchi yoshlarni ma’naviy-ma’rifiy va harbiy-vatanparvarlik ruhida tarbiyalashning zamonaviy usullaridan keng foydalanish:

veb-texnologiyalar qo‘llash ko‘lamini kengaytirish, “Vatanparvar” MKT faoliyatini Internet va ijtimoiy tarmoqlarda keng yoritish;

efirning qulay vaqtlarida yoshlarni vatanparvarlik ruhida tarbiyalashga, Vatanga muhabbat, mehnatga bo‘lgan mas’uliyatni hamda harbiy xizmatga hurmatni oshirishga qaratilgan tele va videoroliklar, kinofilmlar namoyishini tashkil etish.

Tashkiliy-ma’rifiy tadbirlar

2019 — 2021-yillar

O‘zbekiston milliy teleradiokompaniyasi(A. Xodjayev),
O‘zbekiston Milliy axborot agentligi(A. Ko‘chimov),
Axborot texnologiyalari
va kommunikatsiyalarini rivojlantirish vazirligi (Sh. Sadikov),
Mudofaa vazirligi (A. Azizov),
“Vatanparvar” MKT (R. Niyazov)

III. Avtomototransport vositalari haydovchilari hamda ommaviy texnik kasblar xodimlarini tayyorlash va malakasini oshirishni yanada takomillashtirish

7.

“Vatanparvar” MKT o‘quv muassasalarida avtomototransport vositalari haydovchilari hamda ommaviy texnik kasb xodimlarini tayyorlash va malakasini oshirish bo‘yicha yangi o‘quv dasturlarini ishlab chiqish va tasdiqlash.

O‘quv dasturlari

2019-yil
1-iyunga qadar

“Vatanparvar” MKT (R. Niyazov),

manfaatdor vazirlik va idoralar

8.

Aholining keng qatlamlari orasida yo‘l-transport hodisalarini oldini olishga hamda yo‘llarda harakat xavfsizligini ta’minlashga qaratilgan tushuntirish ishlarini olib borish va tadbirlar o‘tkazish.

Tashkiliy-ma’rifiy tadbirlar

2019 — 2021-yillar

“Vatanparvar” MKT (R. Niyazov), Ichki ishlar vazirligi(P. Bobojonov),

manfaatdor vazirlik va idoralar

9.

“Vatanparvar” MKT o‘quv muassasalari faoliyatini takomillashtirish bo‘yicha chora-tadbirlar dasturini ishlab chiqish va amalga oshirish. Bunda quyidagilarni nazarda tutish:

o‘quv jarayoniga innovatsion texnologiyalar va uslublarni tatbiq etish, zamonaviy o‘quv-moddiy bazani yaratish;

Chora-tadbirlar dasturi

Ishlab chiqish —

2019-yil
1-fevralga qadar

“Vatanparvar” MKT (R. Niyazov), Mudofaa vazirligi (A. Azizov),

Qoraqalpog‘iston Respublikasi Vazirlar Kengashi, viloyatlar
va Toshkent shahar hokimliklari

o‘quv jarayonini rejalashtirish avtomatlashtirilgan axborot tizimlarini joriy qilish;

animatsion elektron o‘quv-metodik qo‘llanmalarni yaratish hamda butun o‘quv jarayonini qamrab oluvchi videokontentni shakllantirish;

o‘quv muassasalarini avtomototransport vositalarini boshqarish ko‘nikmalarini yanada sifatli o‘zlashtirishga yordam beruvchi zamonaviy elektron avtotrenajerlar bilan jihozlash;

o‘qishga bo‘lgan jozibadorlikni oshirish, taqdim etilayotgan xizmatlarning ochiqligi, ommabopligi, asoslanganligini ta’minlovchi mexanizmlarni tatbiq etish.

Amalga oshirish —

2019 — 2021-yillar davomida

10.

Korxona, muassasa va tashkilotlar kadrlar xizmatlari, tuman (shahar) bandlikka ko‘maklashish Markazlari bilan muntazam ravishda hamkorlik qilish orqali “Vatanparvar” MKT o‘quv muassasalarida tayyorlanadigan mehnat bozoridagi yuqori talab etilayotgan mutaxassisliklar ro‘yxatini yanada kengaytirish.

Tashkiliy tadbirlar

2019 — 2021-yillar

“Vatanparvar” MKT (R. Niyazov), Bandlik va mehnat munosabatlari vazirligi(Sh. Kudbiyev),

Qoraqalpog‘iston Respublikasi Vazirlar Kengashi, viloyatlar
va Toshkent shahar hokimliklari

11.

“Vatanparvar” MKT o‘quv muassasalarining pedagog kadrlarini o‘quv dasturlari hamda turli pedagogik texnologiyalardan foydalanish bo‘yicha qo‘llanmalarni o‘z ichiga olgan texnologik xaritalar bilan ta’minlash.

Tashkiliy tadbirlar

2019-yil
1-aprelga qadar

“Vatanparvar” MKT (R. Niyazov), Oliy va o‘rta maxsus ta’lim vazirligi(I. Madjidov), Axborot texnologiyalari va kommunikatsiyalarini rivojlantirish vazirligi(Sh. Sadikov.), manfaatdor vazirlik va idoralar

12.

Avtomototransport vositalari haydovchilarini tayyorlash, qayta tayyorlash va malakasini oshirish bo‘yicha o‘quv qo‘llanmani (jumladan elektron ko‘rinishda) ishlab chiqish.

O‘quv qo‘llanma

2019-yil
1-aprelga qadar

“Vatanparvar” MKT (R. Niyazov),

Mudofaa vazirligi (A. Azizov),

Ichki ishlar vazirligi(P. Bobojonov),

manfaatdor vazirlik va idoralar

13.

“Vatanparvar” MKTning texnik mutaxassisliklar bo‘yicha oliy ta’lim muassasalari bilan o‘zaro ilmiy-tadqiqot va konstruktor ishlanmalarini olib borish masalalari bo‘yicha yaqin hamkorligini yo‘lga qo‘yish.

Tashkiliy tadbirlar

2019 — 2021-yillar

“Vatanparvar” MKT (R. Niyazov), Oliy va o‘rta maxsus ta’lim vazirligi(I. Madjidov), Fanlar Akademiyasi(B.Yuldashev), Innovatsion rivojlanish vazirligi(I.Abduraxmonov), manfaatdor vazirlik va idoralar

O‘zbekiston Respublikasi Prezidentining 2018-yil 12-dekabrdagi PQ-4061-son qaroriga
3-ILOVA
2019 — 2021-yillarda O‘zbekiston Respublikasida sportning texnik va amaliy turlarini yanada rivojlantirish va ommalashtirish bo‘yicha
chora-tadbirlar dasturi
Oldingi tahrirga qarang.

T/r

Tadbirlar

Amalga oshirish mexanizmi

Bajarish muddati

Moliyalashtirish manbalari

Mas’ul ijrochilar

I. Sportning texnik va amaliy turlarini rivojlantirishning normativ-huquqiy bazasini takomillashtirish

1.

Manfaatdor vazirliklar, idoralar va sport federatsiyalari (assotsiatsiyalari) o‘rtasida sportning texnik va amaliy turlarini rivojlantirish va ommalashtirish bo‘yicha memorandumlar tuzish.

Memorandumlar

2019-yil

1-mayga qadar

—

Jismoniy tarbiyava sport vazirligi (D. Nabiyev),
Xalq ta’limi vazirligi (Sh. Shermatov), Oliy va o‘rta maxsus ta’lim vazirligi (I. Madjidov), “Vatanparvar” MKT(R. Niyazov),
O‘zbekiston milliy teleradiokompaniyasi (A. Xodjayev),
O‘zbekiston Milliy axborot agentligi (A. Ko‘chimov)

2.

Qonunchilikka avtomobil va mototsikl sporti, sportning aviamodel va raketamodel turlari hamda olimpiya o‘yinlari dasturiga kiritilgan sportning texnik va amaliy turlari bo‘yicha respublika musobaqalarida birinchi, xalqaro musobaqalarda (Olimpiya o‘yinlari, Osiyo o‘yinlari, jahon chempionati va Osiyo chempionatida) birinchi, ikkinchi, uchinchi o‘rinlarni egallagan akademik litseylar, kasb-hunar kollejlari va umumta’lim maktablarining bitiruvchilariga tegishli oliy ta’lim muassasalariga ta’limning ushbu sohadagi yo‘nalishlariga umumiy qabul kvotalari doirasida test sinovlarisiz va qo‘shimcha imtihonlarsiz qabul qilish huquqini berishga yo‘naltirilgan o‘zgarishlar kiritish.

Vazirlar Mahkamasining qarori

2019-yil

1-fevralga qadar

—

Jismoniy tarbiya
va sport vazirligi (D. Nabiyev),
Oliy va o‘rta maxsus ta’lim vazirligi (I. Madjidov),

“Vatanparvar” MKT (R. Niyazov)

3.

Sportning texnik va amaliy turlari bo‘yicha musobaqalarni tashkil qilish va o‘tkazish uchun me’yoriy hujjatlarni hamda sport texnikasi va inshootlariga bo‘lgan talablarni ishlab chiqish.

Me’yoriy hujjatlar

2019-yil

1-sentabrga qadar

Ijrochilar
va buyurtmachilarning

o‘z mablag‘lari

Jismoniy tarbiya va sport vazirligi (D. Nabiyev),

“Vatanparvar” MKT (R. Niyazov),
manfaatdor vazirliklar va idoralar

4.

Respublikaning har bir hududida mavjud sport salohiyati, sport rezervlari, murabbiylar tarkibi va moddiy-texnik jihozlanganlikdan kelib chiqqan holda sportning texnik va amaliy turlarini rivojlantirish strategiyalarini ishlab chiqish va tasdiqlash.

Me’yoriy

hujjat

Ishlab chiqish
va tasdiqlash —
2019-yil
1-iyunga qadar

Amalga oshirish–
2019 — 2021-yillar

—

Jismoniy tarbiya va sport vazirligi (D. Nabiyev),

“Vatanparvar” MKT (R. Niyazov),
sport federatsiyalari (assotsiatsiyalari), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari

5.

Sportning texnik va amaliy turlarini rivojlantiruvchi tashkilotlar, murabbiylar va sportchilar faoliyatining samaradorligini baholash ko‘rsatkichlari tizimini ishlab chiqish va joriy qilish.

Me’yoriy

hujjat

2019-yil

1-mayga qadar

—

Jismoniy tarbiya va sport vazirligi (D. Nabiyev),
“Vatanparvar” MKT (R. Niyazov)

II. Sportning texnik va amaliy turlari bo‘yicha murabbiylar va mutaxassislarni tayyorlash, qayta tayyorlash va malakasini oshirish tizimini joriy etish

6.

Sportning texnik va amaliy turlari bo‘yicha mutaxassislar uchun tajriba almashish va malaka oshirish bo‘yicha yetakchi xorijiy mutaxassislarni jalb qilgan holda seminarlar, kurslar hamda mahorat darslarini tashkil qilish.

Tashkiliy tadbirlar

2019 — 2021-yillar

Ijrochilar
va buyurtmachilarning

o‘z mablag‘lari

—

Jismoniy tarbiya
va sport vazirligi

(D. Nabiyev),
Tashqi ishlar vazirligi (A. Kamilov),
“Vatanparvar” MKT
(R. Niyazov),

Milliy olimpiya qo‘mitasi (U.Axmadjonov)

7.

O‘zbekiston Respublikasi Mudofaasiga ko‘maklashuvchi “Vatanparvar” tashkiloti sportning texnik va amaliy turlari hududiy markazlari (keyingi o‘rinlarda-markazlar) negizida seksiyalar va to‘garaklar rahbarlari uchun o‘quv-uslubiy seminarlar va mashg‘ulotlar tashkil etish.

Tashkiliy tadbirlar

2019 — 2021-yillar

Ijrochilar
va buyurtmachilarning

o‘z mablag‘lari

“Vatanparvar” MKT
(R. Niyazov)

8.

O‘zbekiston Respublikasi Jismoniy tarbiya va sport bo‘yicha mutaxassislarni qayta tayyorlash va malakasini oshirish institutida shartnoma asosida sportning texnik va amaliy turlari bo‘yicha sport tashkilotlarining seksiya va to‘garaklari mutaxassislari va o‘qituvchilarini qayta tayyorlash va ularning malakasini oshirish kurslarini tashkil etish.

Tashkiliy tadbirlar

Doimiy

Ijrochilar
va buyurtmachilarning

o‘z mablag‘lari

Yoshlar siyosati va sport vazirligi (A. Ikramov),

“Vatanparvar” MKT (R. Niyazov)

9.

Sportning texnik va amaliy turlari bo‘yicha o‘quv-metodik qo‘llanmalar tayyorlash va nashr qilish.

O‘quv-metodik qo‘llanma

2019 — 2021-yillar

Ijrochilar
va buyurtmachilarning

o‘z mablag‘lari

Jismoniy tarbiya va sport vazirligi

(D. Nabiyev),

“Vatanparvar” MKT (R. Niyazov)

III. Sportning texnik va amaliy t�rlari bo‘yicha milliy va xalqaro musobaqalar g‘oliblari va sovrindorlarini rag‘batlantirish hamda murabbiylar va mutaxassislarni ijtimoiy va moddiy qo‘llab-quvvatlash

10.

Sportning texnik va amaliy turlari bo‘yicha quyidagilarni ko‘zda tutuvchi to‘rt bosqichli sport musobaqalari tizimini joriy qilish:

I bosqich — sport seksiyalarining sportchilari o‘rtasidagi sport musobaqalari (chempionat, birinchilik, kuboklar);

II bosqich — sport seksiyalari o‘rtasidagi musobaqalarda g‘olib bo‘lgan sportchilar o‘rtasidagi tuman (shahar) sport musobaqalari (chempionat, birinchilik, kuboklar);

III bosqich — tuman (shahar) sport musobaqalarida g‘olib bo‘lgan sportchilar o‘rtasidagi hududiy sport musobaqalari (chempionat, birinchilik, kuboklar);

IV bosqich — hududiy sport musobaqalarida g‘olib bo‘lgan sportchilar o‘rtasidagi respublika sport musobaqalari (chempionat, birinchilik, kuboklar).

Tashkiliy
chora-tadbirlar

Kalendar rejaga muvofiq doimiy

Ijrochilar
va buyurtmachilarning

o‘z mablag‘lari,

kalendar reja doirasidagi budjet mablag‘lari,

homiylar

mablag‘lari

Yoshlar siyosati va sport vazirligi (A. Ikramov),
“Vatanparvar” MKT (R. Niyazov),
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, sport federatsiyalari (assotsiatsiyalari)

11.

Sportning texnik va amaliy turlari bo‘yicha terma jamoalar tarkibiga kiritish uchun mamlakat hududlaridan tanlab olingan yosh iqtidorli sportchilar — milliy va xalqaro musobaqalar g‘oliblari va sovrindorlarini rag‘batlantirish mexanizmlarini joriy qilish.

Chora-tadbirlar kompleksi

2019-yil

1-mayga qadar

Ijrochilar
va buyurtmachilarning

o‘z mablag‘lari

“Vatanparvar” MKT (R. Niyazov),
sport federatsiyalari (assotsiatsiyalari)

12.

Sportning texnik va amaliy turlari bo‘yicha yuqori sport natijalariga erishganO‘zbekiston Respublikasi milliy sport terma jamoalari va ularning zaxira sportchilari va murabbiylariga energetik sarflar o‘rnini to‘ldirish va jismoniy resurslarini tiklash uchun kompensatsiya to‘lovlari to‘lashni ta’minlash.

Tashkiliy tadbirlar

2019 — 2021-yillar

Davlat budjeti mablag‘lari

Moliya vazirligi (A. Xaydarov),

Jismoniy tarbiya va sport vazirligi (D. Nabiyev)
“Vatanparvar” MKT (R. Niyazov),
sport federatsiyalari (assotsiatsiyalari)

13.

Eng yaxshi trener, sportchi, sport hakami va boshqa mutaxassislar, shu jumladan sportning texnik va amaliy turlarini rivojlantiruvchi tashkilot rahbarlari va homiylar unvonini olish uchun Respublika tanlovini tashkil qilish.

Tashkiliy tadbirlar

Har yili

Ijrochilar
va buyurtmachilarning

o‘z mablag‘lari

“Vatanparvar” MKT (R. Niyazov),
sport federatsiyalari (assotsiatsiyalari)

14.

Sportning texnik va amaliy turlari bo‘yicha murabbiylar va mutaxassislarning ijtimoiy-maishiy va moddiy sharoitlarini yanada yaxshilash bo‘yicha takliflarni ishlab chiqish va kiritish.

Tahliliy ma’lumotnoma

2019-yil

1-iyulga qadar

—

Jismoniy tarbiya va sport vazirligi (D. Nabiyev),
“Vatanparvar” MKT (R. Niyazov),
sport federatsiyalari (assotsiatsiyalari)

IV. Sportning texnik va amaliy turlari uchun zamonaviy moddiy-texnik va o‘quv-mashq bazasini yaratish hamda sport anjomlari va uskunalari ishlab chiqarishni tashkil etish

15.

Markazlarni joylashtirish uchun Nukus, Guliston, Navoiy, Samarqand va Termiz, shaharlarida bo‘sh turgan binolarni bepul foydalanish huquqi asosida ajratish.

Chora-tadbirlar kompleksi

2019-yil

1-fevralga qadar

—

Qoraqalpog‘iston Respublikasi Vazirlar Kengashi,
viloyatlar hokimliklari, Davlat raqobat qo‘mitasi (N. Sharipov)

16.

Markazlarni joylashtirish uchun Nukus, Guliston, Navoiy, Samarqand va Termizshaharlarida ajratilgan binolarni kapital ta’mirlash, rekonstruksiya qilish va jihozlash bo‘yicha ishlarni tashkil qilish.

Tashkiliy tadbirlar

2019–2020-yillar

Ijrochilar
va buyurtmachilarning

o‘z mablag‘lari

“Vatanparvar” MKT
(R. Niyazov)

17.

2019-2020-yillar uchun sportning texnik va amaliy turlarini rivojlantiruvchi tashkilotlarning moddiy-texnik va o‘quv-mashq bazasini rivojlantirishning Kompleks dasturni tasdiqlash, unda sport tashkilotlariga sport texnikasi va anjomlarini sotib olishni hamda ularni ishlab chiqarishni tashkil qilishni ko‘zda tutish.

Vazirlar Mahkamasining qarori

2019-yil

1-sentabrga qadar

Mahalliy budjet mablag‘lari,
ijrochilar va buyurtmachilarning

o‘z mablag‘lari

Jismoniy tarbiya va sport vazirligi(D. Nabiyev), “Vatanparvar” MKT

(R. Niyazov), Qoraqalpog‘iston Respublikasi Vazirlar Kengashi,
viloyatlar va Toshkent shahar hokimliklari, sport federatsiyalari (assotsiatsiyalari)

18.

Sportning texnik va amaliy turlari bo‘yicha barcha mavjud sport inshootlarini pasportlashtirish ishlarini tashkil qilish.

Tashkiliy tadbirlar

2019-yil

1-iyunga qadar

—

Jismoniy tarbiya va sport vazirligi (D. Nabiyev),
“Vatanparvar” MKT (R. Niyazov),
sport federatsiyalari (assotsiatsiyalari)

19.

Sportning texnik va amaliy turlari uchun sport anjomlari va uskunalarini ishlab chiqarish bo‘yicha yetakchi xorijiy mamlakatlarning ilg‘or tajribalarini o‘rganish.

O‘rganish natijalari bo‘yicha sportning texnik va amaliy turlarini rivojlantirish uchun zarur sport anjomlari va uskunalari ro‘yxatini shakllantirish va ularni O‘zbekiston Respublikasi hududida ishlab chiqarishni tashkil qilish bo‘yicha O‘zbekiston Respublikasi Vazirlar Mahkamasiga takliflar kiritish.

Tahliliy ma’lumotnoma

2019-yil

1-mayga qadar

—

Jismoniy tarbiya va sport vazirligi (D. Nabiyev),
Tashqi ishlar vazirligi (A. Kamilov),
Iqtisodiyot vazirligi
(B. Xodjayev),
“Vatanparvar” MKT (R. Niyazov),
sport federatsiyalari (assotsiatsiyalari)

V. Sportning texnik va amaliy turlarini ommalashtirish, yoshlarni seksiyalar va to‘garaklarga faol jalb qilish, ularning ommabopligini ta’minlash

20.

Sportning texnik va amaliy turlari bo‘yicha faol mashg‘ulotlar uchun parklar, shahar tashqarisidagi maydonlar, ommaviy dam olish joylari, shu jumladan so‘qmoqlar, trassalar va yo‘laklar imkoniyatlaridan foydalanish bo‘yicha chora-tadbirlarni ishlab chiqish va amalga oshirish.

Chora-tadbirlar dasturi

2019 — 2021-yillar

—

Madaniyat vazirligi
(B. Sayfullayev),
Jismoniy tarbiya
va sport vazirligi

(D. Nabiyev),
“Vatanparvar” MKT (R. Niyazov)

21.

Sportning texnik va amaliy turlarini rivojlantiruvchi tashkilotlarning xalqaro sport tashkilotlari bilan aloqalarini mustahkamlash bo‘yicha chora-tadbirlar tizimini ishlab chiqish va amalga oshirish.

Chora-tadbirlar dasturi

2019 — 2021-yillar

—

Jismoniy tarbiya va sport vazirligi

(D. Nabiyev),
Tashqi ishlar vazirligi (A Kamilov),
“Vatanparvar” MKT (R. Niyazov)

22.

Mamlakatda sportning texnik va amaliy turlari rivojlanishi, sportning ushbu turlariga aholi turli toifalari, eng avvalo, yoshlar o‘rtasida talab va takliflar nisbati monitoringini o‘tkazish.

Tahliliy ma’lumotnoma

2019-yil

1-avgustga qadar

—

Jismoniy tarbiya va sport vazirligi

(D. Nabiyev),
“Vatanparvar” MKT (R. Niyazov)

23.

Sportning texnik va amaliy turlarini ommalashtirish va targ‘ib qilish media-rejasini ishlab chiqish, tasdiqlash va amalga oshirish.

Media-reja

2019-yil

1-dekabrga qadar

Ijrochilar
va buyurtmachilarning

o‘z mablag‘lari

“Vatanparvar” MKT (R. Niyazov),
O‘zbekiston Milliy axborot agentligi (A. Ko‘chimov),
O‘zbekiston Milliy teleradiokompaniyasi (A. Xodjayev)

24.

Ommaviy axborot vositalarida sportning texnik va amaliy turlarini rivojlantiruvchi tashkilotlar faoliyatini keng yoritish, bosma nashrlarda va internet-resurslarda maqolalar e’lon qilish hamda teleko‘rsatuvlar tayyorlash va videoroliklarni joylashtirish.

Tashkiliy tadbirlar

Doimiy

Ijrochilar
va buyurtmachilarning

o‘z mablag‘lari

O‘zbekiston Milliy teleradiokompaniyasi (A. Xodjayev),
O‘zbekiston Milliy axborot agentligi (A. Ko‘chimov),
“Vatanparvar” MKT (R. Niyazov),
Yoshlar siyosati va sport vazirligi (A. Ikramov)

25.

Qo‘shimcha seksiyalar va to‘garaklar ochish yo‘li bilan bolalarni va yoshlarni, mehribonlik uylari va maktab-internatlar tarbiyalanuvchilarini hamda voyaga yetmaganlarni sportning texnik va amaliy turlari bilan shug‘ullanishga jalb qilish uchun aniq maqsadga yo‘naltirilgan ishlarni tashkil qilish.

Chora-tadbirlar kompleksi

Doimiy

—

Maktabgacha va maktab ta’limi vazirligi
(X. Umarova),
Yoshlar siyosati va sport vazirligi (A. Ikramov),
“Vatanparvar” MKT (R. Niyazov),
sport federatsiyalari (assotsiatsiyalari)

26.

Sportning texnik va amaliy turlari bo‘yicha sifatli sport zaxirasini saralash va shakllantirishni amalga oshirish maqsadida bolalar-o‘smirlar musobaqalarini va turnirlarini tashkil qilish va o‘tkazish.

Kalendar reja

2019 — 2021-yillar

Ijrochilar va buyurtmachilarning

o‘z mablag‘lari

Jismoniy tarbiya va sport vazirligi (D. Nabiyev),
Xalq ta’limi vazirligi (Sh. Shermatov),
Oliy va o‘rta maxsus ta’lim vazirligi (I. Madjidov),

“Vatanparvar” MKT (R. Niyazov),
sport federatsiyalari (assotsiatsiyalari)

VI. Sportning texnik va amaliy turlarini rivojlantirishga innovatsion texnologiyalarni hamda sportchilarni tayyorlashning o‘quv-mashq jarayoniga ilg‘or usullarni joriy etish

27.

Oliy natijalar sportini rivojlantirish va o‘quv-mashq jarayoni texnologiyalarini takomillashtirish hamda ilg‘or xorijiy tajribalar asosida sportning texnik va amaliy turlari bo‘yicha terma jamoalarni tayyorlash masalalari bo‘yicha ilmiy-metodik adabiyotlarni ishlab chiqish va nashr etilgan adabiyotlarni sport tashkilotlari, federatsiyalari (assotsiatsiyalari) o‘rtasida taqsimlash.

Tashkiliy tadbirlar

2019 — 2021-yillar

Ijrochilar
va buyurtmachilarning

o‘z mablag‘lari

Jismoniy tarbiya va sport vazirligi (D. Nabiyev),
“Vatanparvar” MKT (R. Niyazov),
sport federatsiyalari (assotsiatsiyalari)

28.

Yangi o‘q otish tirlarni tashkil etish va mavjudlarini modernizatsiyalash, ularni zamonaviy uskunalar, kompyuter trenajyorlari va sport qurollari bilan jihozlash.

Chora-tadbirlar rejasi

2019–2020-yillar

Ijrochilar
va buyurtmachilarning

o‘z mablag‘lari

“Vatanparvar” MKT (R. Niyazov),
sport federatsiyalari (assotsiatsiyalari)

29.

Sportning texnik va amaliy turlari bo‘yicha mamlakat terma jamoalarini tayyorlashning ilmiy-metodik ta’minotini amalga oshirish va o‘quv-mashq jarayonini takomillashtirish bo‘yicha tavsiyanomalar ishlab chiqish uchun yetakchi sport mutaxassislaridan kompleks ishchi guruhlar tuzish va ishchi guruhlarni zarur zamonaviy asbob-uskunalar bilan ta’minlash.

Chora-tadbirlar kompleksi

2019-yil

15-martga qadar

—

Jismoniy tarbiya va sport vazirligi (D. Nabiyev),
“Vatanparvar” MKT (R. Niyazov),
sport federatsiyalari (assotsiatsiyalari)

30.

Sportning texnik va amaliy turlari sohasida ilmiy-tadqiqot ishlarini o‘tkazishni faollashtirish bo‘yicha chora-tadbirlar kompleksini ishlab chiqish.

Chora-tadbirlar kompleksi

2019-yil

1-sentabrga qadar

Ijrochilar
va homiylarning

mablag‘lari

Jismoniy tarbiya va sport vazirligi (D. Nabiyev),
Fanlar akademiyasi
(B.Yuldashev), Innovatsion rivojlanish vazirligi (I.Abduraxmonov),
“Vatanparvar” MKT (R. Niyazov),
sport federatsiyalari (assotsiatsiyalari)

(3-ilova O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)
(Qonun hujjatlari ma’lumotlari milliy bazasi, 13.12.2018-y., 07/18/4061/2309-son; 28.09.2020-y., 06/20/6075/1330-son; 31.10.2020-y., 06/20/6099/1450-son; Qonunchilik ma’lumotlari milliy bazasi, 15.01.2022-y., 06/22/52/0029-son; 13.06.2023-y., 06/23/92/0366-son; 25.12.2024-y., 06/24/226/1060-son)